Book List

<h2 style="text-align: center;">အခန်း (၈၂၂)</h2> <h2 style="text-align: center;">အကယ်၍ တားမြစ်အင်အားစု သုံးခုသာ မရှိတော့ရင်</h2> <h2 style="text-align: center;">ဒီလောကကြီးဟာလည်း ဆက်ပြီး တည်ရှိနေဖို့ မလိုအပ်တော့ဘူး</h2> <h2 style="text-align: center;">*</h2> <p> </p> <p> </p> <p>အကယ်၍ အင်အားစုတစ်ခုခုက အလွန်အမင်း အင်အားကြီးမားလာပါက သို့မဟုတ် အလွန်အမင်း ထင်ပေါ်ကျော်ကြားလာပါက ၊ သူတို့သည် အခြားသော ခေတ်ဟောင်း လူ့ဘီလူးကြီးများ သို့မဟုတ် အခြားသော အင်အားစုများနှင့် ပူးပေါင်းကာ နည်းမျိုးစုံသုံး၍ ထိုအင်အားစုကို ဟန့်တားနှိပ်ကွပ်ကြပေလိမ့်မည်။</p> <p> </p> <p>ပို၍ ရွံရှာဖို့ကောင်းသည်မှာ၊ ၎င်းတို့သည် တစ်ဖက်လူအား  လောကကြီးမှ  ခက်ခက်ခဲခဲ ထိန်းသိမ်းထားရသော ငြိမ်းချမ်းရေးနှင့် စည်းလုံးမှုကို ဖျက်ဆီးပစ်သည့် ဒေဝလောက၏ ပြစ်မှုကျူးလွန်သူများအဖြစ် စွပ်စွဲချောက်ချခြင်းပင်။</p> <p> </p> <p>"ဒါပေမဲ့ အဲ့တော့ ဘာဖြစ်လဲ”</p> <p> </p> <p>တုံထျန်း အဝေးဘိုးဘေး၏ လေသံသည် တည်ငြိမ်နေဆဲပင် ဖြစ်သည်။</p> <p> </p> <p> "အကယ်၍ လောကကြီးက သူတို့ တားမြစ်အင်အားစု သုံးခုရဲ့ တည်ရှိမှုကို ခွင့်မပြုနိုင်ဘူးဆိုရင်၊ ဒါဆို ဒီလောကကြီးဟာလည်း ဆက်ပြီး တည်ရှိနေဖို့ မလိုအပ်တော့ဘူး”</p> <p> </p> <p>ထိုစကားကို ကြားလိုက်ရသော ပီယွီ့ကောင်းကင်အရှင်မှာ ဆွံ့အနေမိသည်။</p> <p> </p> <p>ဤမျှ အသက်ကြီးနေပြီဖြစ်သော်လည်း ပြောလိုက်သည့် စကားများမှာ အတိုင်းအဆမရှိ မောက်မာလွန်းသည်။</p> <p> </p> <p>သို့သော် သူမအနေဖြင့် ထိုစကားနှင့်ပတ်သတ်၍ ဘာမှ ပြန်မပြောနိုင်ချေ။ အဘယ်ကြောင့်ဆိုသော် တစ်ဖက်လူ ပြောသည်မှာ အမှန်တရားပင် ဖြစ်သည်။</p> <p> </p> <p>ဤတားမြစ်အင်အားစုကြီး သုံးဖွဲ့သည် ဒေဝလောကတစ်ခုလုံးကို ရင်ဆိုင်နိုင်မည်ဟု မဆိုနိုင်သော်လည်း ၊  သို့သော်လည်း စကြဝဠာတစ်ခုလုံးကို ဖျက်ဆီးပြီး ပြန်လည်တည်ဆောက်ရန်မှာ လုံးဝ ဖြစ်နိုင်သည်။</p> <p> </p> <p>ထို့ကြောင့်သာလျှင် အရိပ်ထဲတွင် ပုန်းကွယ်နေသော  ထိုလူများသည် လှည့်ကွက်များကိုသာ သုံးရဲပြီး ၊ တားမြစ်အင်အားစု သုံးဖွဲ့နှင့်  မျက်နှာပျက်အောင် မပြုလုပ်ရဲခြင်း ဖြစ်သည်။</p> <p> </p> <p>"ဒါပေမဲ့ အခုက ဒေဝလောက ပြန်လည်စတင်ရာခေတ် ဆိုတော့ … အမတနယ်မြေရဲ့  ပါရမီရှင်တွေဟာလည်း အပြင်မှာ သွားလာနေကြပြီ”</p> <p> </p> <p>ပီယွီ့ကောင်းကင်အရှင်က တစ်ဖန် ပြန်ပြောလိုက်သည်။</p> <p> </p> <p> "ရှင်တို့က အင်အားစုကြီး နှစ်ခုအပေါ် အမတစစ်ပွဲ ဆင်နွှဲလိုက်ရင်၊ အဲဒီအင်အားစု နှစ်ခုက ရူးသွပ်သွားပြီး စူးချန်ကဲကို ဘာမှဂရုမစိုက်ဘဲ တိုက်ခိုက်လာမှာကို မကြောက်ဘူးလား…. ဒါမှမဟုတ် စူးချန်ကဲကို ခဏလောက် ကွေးယွမ်အမတဂိုဏ်းဆီ ပြန်ခေါ်ထားပြီး အပြင်မထွက်ခိုင်းဘဲ နေမှာလား “</p> <p> </p> <p>"ကိစ္စမရှိဘူး ၊  ဒီအင်အားစု နှစ်ခုကို အမြစ်ဖျက်ဖို့က အချိန်အများကြီး ပေးစရာမလိုဘူး”</p> <p> </p> <p>တုံထျန်း အဝေးဘိုးဘေးက ပြုံးလျက်  ပြန်ပြောလိုက်သည်။</p> <p> </p> <p> "ပြီးတော့ ပီယွီ့... မင်းက စူးချန်ကဲကို စောင့်ရှောက်ပေးနေတာပဲ၊ ချန်ကဲအတွက် ဘာအန္တရာယ်မှ ရှိလာမှာမဟုတ်ဘူးလို့ ငါယုံကြည်တယ်”</p> <p> </p> <p> </p> <p>"ကဲ... ကျန်တဲ့ ကိစ္စတွေကိုတော့ မင်းကိုပဲ အပ်ခဲ့လိုက်ပြီ၊  ငါ အခု ဂိုဏ်းကို ပြန်ပြီး နောက်ဆက်တွဲ ကိစ္စတွေကို ပြင်ဆင်လိုက်ဦးမယ်”</p> <p> </p> <p>ပီယွီ့ကောင်းကင်အရှင်မှာ ပြန်ပြောရန်ပင် အခွင့်အရေး မရလိုက်ချေ။  တုံထျန်း အဝေးဘိုးဘေးသည် အလင်းမိုးများအဖြစ် ပြောင်းလဲကာ အချိန်မြစ်အတွင်း၌ ဖြည်းညင်းစွာ ပျောက်ကွယ်သွားခဲ့လေသည်။</p> <p> </p> <p> </p> <p>အကယ်၍ အမတအလင်းများအောက်မှ ပီယွီ့ကောင်းကင်အရှင်၏ မျက်နှာကို မြင်နိုင်မည်ဆိုပါက၊ သူမ၏ မှုန်ကုတ်နေသော မျက်နှာကိုသာ မြင်ရပေလိမ့်မည်။</p> <p> </p> <p>အခက်ခဲဆုံး အလုပ်ကို သူမ၏ ပခုံးပေါ်သို့ ပုံချသွားခြင်းပင် မဟုတ်လော။</p> <p> </p> <p>အစောပိုင်းက တုံထျန်း အဝေးဘိုးဘေး ပြောခဲ့သည်မှာ သူမအနေဖြင့် ဤအမတဧကရာဇ် ဓမ္မကိုယ်ပွား နှစ်ခုကို သတ်ပေးရန်သာ ဖြစ်ပြီး၊ ကျန်သည့်ကိစ္စများကို ကွေးယွမ်အမတဂိုဏ်းမှ အကုန်တာဝန်ယူမည်ဟု ဆိုခဲ့သည်။</p> <p> </p> <p>သို့သော် ယခုတွင်မူ သူမကိုယ်တိုင်လည်း ဤပွဲထဲသို့ ပါဝင်ပတ်သက်သွားခဲ့ပြီ မဟုတ်လော။</p> <p> </p> <p>"ရှင် ပြောတာကို ယုံတဲ့သူက အရူးပဲ!"</p> <p> </p> <p>" ယုတ်မာတဲ့ အဘိုးကြီး... တကယ်ကို လူလည်ကျလွန်းတယ် “</p> <p> </p> <p>ပီယွီ့ကောင်းကင်အရှင်သည် တိုးတိုးလေး ရေရွတ်လိုက်ပြီးနောက်၊ သူမ၏ ပုံရိပ်မှာလည်း အလင်းမိုးများအဖြစ် ပျောက်ကွယ်သွားလေတော့သည်။</p> <p> </p> <p>သူတို့ နှစ်ဦး  ပျောက်ကွယ်သွားပြီးနောက် ၊</p> <p> </p> <p>ထိုနေရာသို့ နတ်အလင်းတန်းများစွာ ကျရောက်လာပြီး အချိန်မြစ် တစ်ခုလုံး တသိမ့်သိမ့် တုန်ခါလျက်ရှိကာ ၊ အဆုံးတွင်  အားကောင်းလှသော မှုန်ဝါးဝါး ပုံရိပ်များစွာ ထွက်ပေါ်လာခဲ့သည်။</p> <p> </p> <p>" ဘုရားရေ … ဒီနေရာမှာ ကျန်ခဲ့တဲ့ အရှိန်အဝါက တကယ်ကို ကြောက်စရာကောင်းလိုက်တာ... ဒါက သာမန် အမတဧကရာဇ်မင်းတွေ ချန်ထားနိုင်တဲ့ နိယာမဆိုင်ရာ တာအိုစည်းချက်မျိုး မဟုတ်ဘူး..."</p> <p> </p> <p>" ကျွတ် ကျွတ် … ထျန်းချန် အမတ ဧကရာဇ်မင်း နဲ့ ချန်ယွမ် အမတဧကရာဇ်မင်း တို့က ဘယ်လောက်တောင်  ထွက်ပြေးစရာ လမ်းမရှိတော့လို့ သူတို့ရဲ့ ဓမ္မကိုယ်ပွားကိုတောင် ဖောက်ခွဲပစ်လိုက်ရတာလဲ!"</p> <p> </p> <p> </p> <p>"သူတို့တွေ ဘာများလုပ်ခဲ့မိလို့ ကွေးယွမ်အမတဂိုဏ်းနဲ့ ပီယွီ့ကောင်းကင်အရှင်ကို ဒီလောက်အထိ ဒေါသထွက်အောင် လုပ်မိတာလဲ မသိဘူး..."</p> <p> </p> <p>"ဟူး... ဒေဝလောက ပြန်လည်စတင်ရာခေတ်က အခုမှ စတင်တာ … မျိုးဆက်သစ် ပါရမီရှင်တွေဟာလည်း အခုမှ အမတနယ်မြေမှာ ခြေဆန့်တုန်း ရှိသေးတယ် … ဒီကိစ္စကြောင့် စစ်ပွဲကြီး ဖြစ်လာရင်တော့  ဒါ တကယ်ကို မသင့်တော်ဘူး!"</p> <p> </p> <p>လူတစ်ယောက်က ရုတ်တရက် ပြောဆိုလိုက်သည် ။</p> <p> </p> <p> "ဒါဆိုရင် အမတသခင် တရားစီရင်ရေးရုံးတော် နဲ့  အန္တိမတာအိုတရားစီရင်ရေးအဖွဲ့ က လူတွေကို ဒီကိစ္စမှာဝင်ပါခိုင်းရင်ရော ….သူတို့က ငါတို့ အမတနယ်မြေရဲ့  အုပ်စိုးရှင်တွေလို့ ကိုယ့်ကိုယ်ကိုယ် ကြေညာထားကြတာ မဟုတ်လား”</p> <p> </p> <p>"ဟွန့်! အဲဒီလူတွေကလည်း အားနည်းသူကို အနိုင်ကျင့်ပြီး အားကြီးတဲ့သူကို ကြောက်တဲ့သူတွေပဲ… သူတို့က ကွေးယွမ်အမတဂိုဏ်းနဲ့ မျက်နှာပျက်အောင် လုပ်ရဲပါ့မလား”</p> <p> </p> <p>"ဒါပေမဲ့ ဒီကိစ္စကြောင့်  မျိုးဆက်သစ် ပါရမီရှင်တွေရဲ့  ဖြတ်သန်းသွားလာခွင့်ကို ထိခိုက်မယ်ဆိုရင်တော့ ဒါက ငါတို့အားလုံးရဲ့ အကျိုးစီးပွားကို ထိခိုက်တာပဲ!"</p> <p> </p> <p>ထိုစကားသံအဆုံးတွင် ၊   ဤနေရာသို့ ရောက်ရှိလာကြသော ပုံရိပ်များမှာ  အချိန်အတော်ကြာ နှုတ်‌ဆိတ်နေကြသည်။</p> <p> </p> <p>သူတို့သည် အမတဧကရာဇ်များ ဖြစ်ကြသော်လည်း ၊ သို့သော် ဤကိစ္စမှာ သူတို့ ဝင်စွက်ဖက်လို့ ရနိုင်သည့် အရာ မဟုတ်ပေ။</p> <p> </p> <p>တစ်ဖက်မှာ အမတနယ်မြေ၏ တားမြစ်အင်အားစု ကိုးခုထဲမှ တစ်ခု ဖြစ်သည်။ အခြားတစ်ဖက်မှာလည်း အမတနယ်မြေ၏ သာလွန်အင်အားစုကြီး (၁၈) ခုအနက်မှ နှစ်ခု ဖြစ်သည်။</p> <p> </p> <p>အကယ်၍ စစ်ပွဲသာ အမှန်တကယ် ဖြစ်လာပါက ၊  ၎င်း၏ ကြီးမားမှုမှာ ယခင်က ဖြစ်ပွားခဲ့သော တားမြစ်အင်အားစု သုံးခု နှင့်  တားမြစ်ကုန်းပြင်မြင့်တို့ကြားက စစ်ပွဲကြီးနှင့် သိပ်ကွာမည် မဟုတ်ပေ။</p> <p> </p> <p>...........</p> <p> </p> <p>ပီယွီ့ကောင်းကင်အရှင်နှင့် အမတဧကရာဇ် နှစ်ပါးတို့သည် မဟာလမ်းစဉ် အာကာသထဲသို့ ဝင်ရောက်ကာ အချိန်မြစ်ထက်တွင် တိုက်ခိုက်ခဲ့ကြသော်လည်း၊ အခြားသော ပါရမီရှင်များကို မထိခိုက်စေခဲ့ပေ။</p> <p> </p> <p>သို့သော် ပီယွီ့ကောင်းကင်အရှင် မှ ထုတ်ဖော်လိုက်သော အရှိန်အဝါသည် လူပေါင်းများစွာကို ထိတ်လန့်ကြောက်ရွံ့စေခဲ့ပြီး မြေပြင်ပေါ်သို့ ခွေကျသွားစေကာ စကားမပြောနိုင်အောင်ပင် ဖြစ်ခဲ့ရသည်။</p> <p> </p> <p>အဆုံးတွင်၊ သူတို့၏ သဘောထားသည်  ဤမျှ ရုတ်တရက်ဆန်စွာ ပြောင်းလဲသွားလိမ့်မည်ဟု မည်သူမျှ မမျှော်လင့်ခဲ့ကြပေ။</p> <p> </p> <p> စူးချန်ကဲ၏ နောက်ကွယ်မှ အစောင့်အရှောက်သည်  အမတဧကရာဇ်မင်း နှစ်ပါးကို ပြတ်ပြတ်သားသား တိုက်ခိုက်ခဲ့သည်။</p> <p> </p> <p>ထိုကမ္ဘာပျက်မည့် မြင်ကွင်းသည် ခဏတာမျှသာ ဖြစ်သော်လည်း၊ သို့သော်လည်း အဆိုပါထိတ်လန့်ဖွယ်ရာ မြင်ကွင်းသည် သူတို့၏နှလုံးသားထဲတွင်  ဖျောက်ဖျက်၍ မရသော အရိပ်တစ်ခုအဖြစ် ကျန်ရစ်ခဲ့သည်။</p> <p> </p> <p> စိတ်ဓာတ် မကြံ့ခိုင်သော ကျင့်ကြံသူများမှာ အလွန်အမင်း ထိတ်လန့်တုန်လှုပ်မှုကြောင့် စကားတစ်လုံးမှပင် ပြောမထွက်တော့ပေ။</p> <p> </p> <p>စူးချန်ကဲသည်လည်း  အနည်းငယ် ကြောင်အမ်းသွားပြီးနောက်၊ သူ့စိတ်ထဲတွင် ထွက်ပေါ်လာသော ပီယွီ့ကောင်းကင်အရှင်၏  ရှင်းပြချက်ကို ကြားပြီးမှသာလျှင် သတိပြန်ကပ်လာခဲ့သည်။</p> <p> </p> <p>"အဲ့လိုလား ...."</p> <p> </p> <p>စူးချန်ကဲသည် တီးတိုး ရေရွတ်လိုက်သည် ။</p> <p> </p> <p> " ဒါဆို တုံထျန်း အဝေးဘိုးဘေး က ဒါတွေ အကုန်လုံးကို ကြိုတင် တွက်ဆထားပြီးသားပေါ့....”</p> <p> </p> <p> နတ်ဘုရားလက်နက် အမတမျှော်စင်တွင် ရှိနေစဉ်က ၊  ဤအင်အားစုကြီး နှစ်ခုသည် အမတနယ်မြေ ကောင်းကင်လမ်းစဉ်နှင့် ပတ်သက်နေနိုင်ကြောင်းကို သူ ရိပ်စားမိခဲ့သည်။</p> <p> </p> <p> သို့သော် တုံထျန်း အဝေးဘိုးဘေးမှာ ၎င်းကို ကြိုတင် တွက်ဆထားရုံသာမက ဤအခြေအနေကို အသုံးချကာ ထောင်ချောက်များပင် ကြိုတင်စီမံထားခဲ့သေးသည်။</p> <p> </p> <p>ဖုန်းယွင်လှံခန်းမ နှင့် ထျန်းချန်လမ်းစဉ်ဂိုဏ်းတို့မှာ အပြီးတိုင် အဆုံးသတ်ခဲ့ချေပြီ။</p> <p> </p> <p>"ဂိုဏ်း... ဂိုဏ်းချုပ်.....?"</p> <p> </p> <p>ဤမြင်ကွင်း တစ်ခုလုံးကို ကိုယ်တိုင် မြင်တွေ့ခဲ့ရသော အင်အားစုကြီး နှစ်ခုမှ ပါရမီရှင် တပည့်များသည်လည်း  နေရာတွင်ပင် ကြောင်အမ်းစွာဖြင့် ရပ်နေကြသည်။</p> <p> </p> <p> အချိန်အတော်ကြာသည်အထိ မည်သည့် လှုပ်ရှားမှုမျှ မရှိချေ။</p> <p> </p> <p>သံသယဖြစ်စရာပင် မလိုချေ။</p> <p> </p> <p>သူတို့၏ မျက်လုံးထဲတွင် အတုမရှိသော ဂိုဏ်းချုပ်များသည် ထိုအမည်မသိ စွမ်းအားရှင်၏ လက်အောက်တွင် အပြီးတိုင်  အရေးနိမ့်သွားခဲ့ပြီ ဖြစ်သည်။</p> <p> </p> <p>တစ်နည်းအားဖြင့်  ၊ သူတို့အတွက် အသက်ရှင်သန်နိုင်မည့် မျှော်လင့်ချက်မှာ လုံးဝပျက်စီးသွားခဲ့ချေပြီ။</p> <p> </p> <p> </p> <p style="text-align: center;">***</p> <p> </p>


Save