Book List

<h2 style="text-align: center;">အခန်း (၈၂၅)</h2> <h2 style="text-align: center;">ထာဝရ အမတစစ်ပွဲကြီးကို စတင်ခြင်း</h2> <h2 style="text-align: center;">*</h2> <p> </p> <p>ထျန်းဝိန့်ဘိုးဘေး က ဆိုလေသည်။</p> <p> </p> <p>“ အခုက ဒေဝလောက ပြန်လည်စတင်ရာခေတ် အစပဲ ရှိသေးတယ်၊  စစ်ပွဲ အကြီးအကျယ် ဖြစ်ပွားလာရင် လက်ရှိ အခြေအနေကို ပိုပြီး ရှုပ်ထွေးသွားစေလိမ့်မယ် “</p> <p> </p> <p>“အဲဒီလူတွေ ဝင်ရောက်စွက်ဖက်မှာကို ထည့်မပြောခင်၊ အမှောင်ထု မူလရင်းမြစ်ကမ္ဘာ ကလည်း စစ်ပွဲကြောင့် အားနည်းသွားတဲ့အချိန်ကို အခွင့်ကောင်းယူပြီး ဝင်လာနိုင်တယ်”</p> <p> </p> <p>“ဒါကြောင့် ကြက်ကိုသတ်ပြီး မျောက်ကို ခြောက်လှန့်ခြင်း က အကောင်းဆုံး ဖြစ်လိမ့်မယ်”</p> <p> </p> <p>ထို့အပြင် သူတို့ ကွေးယွမ်အမတဂိုဏ်းနှင့် အင်အားစုကြီး နှစ်ခုကြားက ပဋိပက္ခကို ချန်ယွမ် အမတဧကရာဇ်မင်း နှင့် ထျန်းချန် အမတ ဧကရာဇ်မင်း တို့သည် နည်းလမ်းအမျိုးမျိုး သုံးကာ အမတနယ်မြေတစ်ခုလုံးကို သိအောင် ဖြန့်ဝေထားပြီး ဖြစ်သည်။</p> <p> </p> <p>စူးချန်ကဲသည် ရက်စက်ကြမ်းကြုတ်ပြီး သူတို့ဂိုဏ်းမှ ထောင်ပေါင်းများစွာသော ပါရမီရှင်များကို သတ်ဖြတ်ခဲ့သည်ဟု ဆိုကြသည်။</p> <p> </p> <p>ဒါတင်မက ၊ ကွေးယွမ်အမတဂိုဏ်းသည် အာဏာကို အလွဲသုံးစားလုပ်ကာ သူတို့၏ ဓမ္မကိုယ်ပွားများကို ဖျက်ဆီးပစ်ခဲ့သည်ဟု ဝါဒဖြန့်ထားကြသည်။</p> <p> </p> <p>သူတို့ကိုယ်သူတို့ သနားစရာကောင်းသော ဒုက္ခသည်များအဖြစ် ဟန်ဆောင်ကာ ၊ ကွေးယွမ်အမတဂိုဏ်းမှာမူ အမတနယ်မြေ၏ စည်းလုံးမှုကို ဖျက်ဆီးကာ အနာဂတ် ဘေးအန္တရာယ်များကို ဂရုမစိုက်သော “လူဆိုး” အဖြစ် ပုံဖော်ထားကြသည်။</p> <p> </p> <p>ဤကိစ္စနှင့်ပတ်သတ်၍ ၊  ကွေးယွမ်အမတဂိုဏ်းသည် ဂရုမစိုက်သော်လည်း၊</p> <p> </p> <p>သို့သော် ကွေးယွမ်ဂိုဏ်းအနေဖြင့် ၊ မိမိတို့ ကြံစည်ထားသော အစီအစဉ်များကို  အောင်မြင်နိုင်ရန်အတွက် အမတစစ်ပွဲ မစတင်မီ အခွင့်အရေးတစ်ခု လိုအပ်နေခဲ့သည်။</p> <p> </p> <p>ဤသည်မှာ ထိုအင်အားစုကြီး နှစ်ခုသည် အမတနယ်မြေ ကောင်းကင်လမ်းစဉ်၏ လက်ပါးစေများ ဖြစ်ကြောင်းကို ခိုင်မာသော အထောက်အထားဖြင့် သက်သေပြနိုင်မည့် အခွင့်အရေးပင် ဖြစ်သည်။</p> <p> </p> <p>ဤအရာအားလုံးအတွက် သူတို့၏ တုံထျန်း အဝေးဘိုးဘေး က စီစဉ်ထားပြီး ဖြစ်ကာ၊  ငါးစာဟပ်ရန်သာ ကျန်တော့၏။</p> <p> </p> <p>.......</p> <p> </p> <p>တစ်ချိန်တည်းမှာပင်။</p> <p> </p> <p>ထျန်းချန်လမ်းစဉ်ဂိုဏ်း။</p> <p> </p> <p>လျှို့ဝှက်လှသော နန်းဆောင်တစ်ခုအတွင်း၌။</p> <p> </p> <p>အမတရောင်စဉ်အလင်းများသည် နေရာအနှံ့ ပျံ့လွင့်နေကာ နိယာမတရားများစွာ စုဆုံနေသည်။</p> <p> </p> <p>ကြောက်မက်ဖွယ်ကောင်းသော အရှိန်အဝါရှိပြီး  သိပ်သည်းလှသော အမတစွမ်းအင်များဖြင့် ပြည့်နှက်နေသော ပုံရိပ်သုံးခုသည် ဤနေရာတွင် စုဝေးနေကြသည်။</p> <p> </p> <p>တစ်ဦးမှာ ချန်ယွမ် အမတဧကရာဇ်မင်း ဖြစ်သည်။ ကျန်နှစ်ဦးမှာမူ မှုန်ရီရီ အမတမြူမှုန်များကြားတွင် ပုန်းကွယ်နေသဖြင့် သူတို့၏ ပုံပန်းသဏ္ဌာန်ကို မြင်ရန် ခဲယဉ်းပေသည်။</p> <p> </p> <p>“ချန်ယွမ်... မင်း စိတ်ချလိုက်စမ်းပါ... တကယ်လို့ ဒီကိစ္စက မင်းပြောသလိုသာ မှန်ခဲ့မယ်ဆိုရင်...”</p> <p> </p> <p>ထျန်းယွီ့အမတဧကရာဇ်မင်း၏ လေသံ ထွက်ပေါ်လာခဲ့သည် ။</p> <p> </p> <p> “ငါတို့ရဲ့ အမတသခင် တရားစီရင်ရေးရုံးတော်က မင်းအတွက် တရားမျှတမှုကို သေချာပေါက် ပြန်ယူပေးမယ်”</p> <p> </p> <p>“ကွေးယွမ်အမတဂိုဏ်းက တကယ်ကို ဗိုလ်ကျလွန်းတယ်...အခုလို ဒေဝလောက ပြန်လည်စတင်ရာခေတ်မှာ ဒီလိုကိစ္စမျိုး လုပ်တာက ဒါ လောကကြီးရဲ့ ဘေးကင်းလုံခြုံမှုကို လုံးဝ ထည့်မတွက်တာပဲ!”</p> <p> </p> <p>တောက်ခွင်းအမတဧကရာဇ်မင်းကလည်း သူ၏ သဘောထားကို ထုတ်ဖော်လိုက်သည် ။</p> <p> </p> <p> “သူတို့ ကွေးယွမ်အမတဂိုဏ်းက လောကကြီးတစ်ခုလုံးကို သူတို့ပိုင်တယ်လို့  ထင်နေကြတာလား၊ တကယ်ကို အဓိပ္ပာယ်မရှိတာပဲ!”</p> <p> </p> <p>“အကယ်၍ ဒါတွေက အမှန်တကယ်ဆိုရင်၊ ငါတို့ အန္တိမတာအို တရားစီရင်ရေးအဖွဲ့ကလည်း မင်းအတွက် တရားမျှတမှု ရဖို့ အစွမ်းကုန် ကူညီပေးမယ်!”</p> <p> </p> <p>“လူကြီးမင်း နှစ်ဦးကို ကျေးဇူးအများကြီး တင်ပါတယ်!”</p> <p> </p> <p>ထိုစကားများကို ကြားလိုက်ရသော ချန်ယွမ် အမတဧကရာဇ်မင်းမှာ ဝမ်းသာအားရ ဖြစ်သွားပြီး အလျင်အမြန် ကျေးဇူးတင်စကား ဆိုလိုက်သည်။</p> <p> </p> <p>အမတဧကရာဇ်မင်း နှစ်ပါး၏ ပုံရိပ်ယောင်များ  ပျောက်ကွယ်သွားပြီးနောက်တွင် ၊ သူ၏မျက်နှာပေါ်က ပျော်ရွှင်မှုသည် တဖြည်းဖြည်း ပျောက်ကွယ်သွားပြီး ထို့နောက် သူ၏ ဝတ်ရုံလက်စကို ဝှေ့ယမ်းလိုက်သည်။</p> <p> </p> <p>ဝုန်း  !</p> <p> </p> <p>ဤနန်းဆောင်အတွင်း ထွင်းထုထားသော နတ်ဘုရားမန္တန် စာလုံးများသည် တစ်ခုပြီးတစ်ခု ထိန်လင်းတောက်ပလာသည်။</p> <p> </p> <p> လျို့ဝှက်ဆန်းကြယ်သော ရောင်ဝါတစ်ခု ပျံ့နှံ့ထွက်ပေါ်လာပြီး ၊ ဤနေရာတစ်ခုလုံးကို ပြင်ပနှင့် လုံးဝ အဆက်အသွယ် ပြတ်တောက်သွားစေသည်။</p> <p> </p> <p>ချန်ယွမ် အမတဧကရာဇ်မင်း၏ အစီအစဉ်မှာ အခြားသော အင်အားစုများကိုပါ ဤပွဲထဲသို့ ဆွဲထည့်ရန်ပင် ဖြစ်သည်။</p> <p> </p> <p>အကယ်၍ ရှောင်လွှဲ၍ မရနိုင်တော့ပါက ၊  အမတနယ်မြေတစ်ခုလုံးကို ရေနောက်အောင် လုပ်ပြီး လူတိုင်း၏ အကျိုးစီးပွားနှင့် ပတ်သက်အောင် ပြုလုပ်လိုက်ခြင်းက ပို၍ ကောင်းပေမည်။</p> <p> </p> <p>ကွေးယွမ်အမတဂိုဏ်း အနေဖြင့် မည်မျှပင် အရည်အချင်းရှိပါစေ ၊  တစ်ခုခု မလုပ်မီ သေချာ စဉ်းစားရပေလိမ့်မည်။</p> <p> </p> <p>ယခုတွင်မူ ၊ သူသည် စကားလုံးအချို့နှင့် နည်းလမ်းအချို့ကို သုံးကာ ကွေးယွမ်အမတဂိုဏ်းနှင့် မတည့်သော အမတသခင် တရားစီရင်ရေးရုံးတော်နှင့် အန္တိမတာအို တရားစီရင်ရေးအဖွဲ့တို့ကို ဆွဲခေါ်နိုင်ခဲ့ပြီ ဖြစ်သည်။</p> <p> </p> <p>တစ်ဖက်လူသည် သူတို့လို အင်အားစုကြီး နှစ်ခုကို အသုံးချကာ ကွေးယွမ်အမတဂိုဏ်းကို အခွင့်ကောင်းယူရန် ရည်ရွယ်ချက် ရှိနေသော်လည်း၊ သူသည် ထိုကိစ္စနှင့်ပတ်သတ်၍ စိတ်ထဲမထားချေ။</p> <p> </p> <p>“ထျန်းချန် အမတ ဧကရာဇ်မင်းသာ ထျန်းယွမ်နတ်ဘုရားမင်းဆက်ကိုပါ ပါဝင်လာအောင် လုပ်နိုင်လိုက်ရင်တော့...”</p> <p> </p> <p>“ဒီကိစ္စက လုံးဝ အဆင်ပြေသွားပြီ......”</p> <p> </p> <p>မည်သို့ပင်ဆိုစေကာမူ ယွမ်ချန်းဟုန်သည် ထျန်းယွမ်အမတဧကရာဇ်မင်း၏ အငယ်ဆုံးသား ဖြစ်ပြီး ၊ စူးချန်ကဲ၏ လက်ချက်ဖြင့် အသတ်ခံလိုက်ရသည် ဖြစ်ရာ မည်သူကများ ငြိမ်နေနိုင်မည်နည်း။</p> <p> </p> <p>သို့သော် ဤအခိုက်အတန့်တွင်၊ သူ  လုပ်ဆောင်ရမည့် အရေးကြီးကိစ္စတစ်ခု ရှိသေး၏။</p> <p> </p> <p> ၎င်းမှာ အမတနယ်မြေ ကောင်းကင်လမ်းစဉ်နှင့် ဆက်သွယ်ကာ ဤကိစ္စကို အစီရင်ခံရန်ပင် ဖြစ်သည်။</p> <p> </p> <p>ချန်ယွမ် အမတဧကရာဇ်မင်းသည် ဤကိစ္စ၏ အမှန်တရားသည် ဤမျှ ရိုးရှင်းမည်မဟုတ်ကြောင်း ခံစားချက်တစ်ခု ရှိနေခဲ့သည်။</p> <p> </p> <p>ပီယွီ့ကောင်းကင်အရှင်၏ ထူးဆန်းသော စကားများကြောင့် သူ့အနေဖြင့် စိတ်မလုံမလဲ ဖြစ်မိသလို၊ မိမိနှင့် ကောင်းကင်လမ်းစဉ်၏ ဆက်ဆံရေးမှာ ပေါက်ကြားသွားပြီလားဟုပင် သံသယဝင်မိသည်။</p> <p> </p> <p>သို့သော် ချန်ယွမ် အမတဧကရာဇ်မင်းအနေဖြင့် မသိခဲ့သည်မှာ-</p> <p> </p> <p>လျို့ဝှက်ဆန်းကြယ်သော စွမ်းအားတစ်ခုသည် မဟာလမ်းစဉ် အာကာသကို ထိုးဖောက်ကာ ၊ ဤလောကနယ်မြေ၏ အချိန်နှင့် အာကာသအတွင်း၌ တိတ်တဆိတ် ပုန်းအောင်းနေခြင်းပင်။</p> <p> </p> <p> ၎င်းသည် မူလကတည်းက ထိုနေရာတွင် တမင်သက်သက် ရှိနေပုံရကာ ချန်ယွမ် အမတဧကရာဇ်မင်းသည်ပင် သတိမပြုမိနိုင်ချေ။</p> <p> </p> <p>ဤစွမ်းအား၏ ပိုင်ရှင်မှာ ကွေးယွမ်အမတဂိုဏ်း၏ တုံထျန်း အဝေးဘိုးဘေး ပင် ဖြစ်သည်။</p> <p> </p> <p> ကမ္ဘာဦးအစကတည်းက ယနေ့ထိတိုင် အသက်ရှင်နေသော ခေတ်ဟောင်းပုဂ္ဂိုလ်ကြီး ဆိုသည့်အတိုင်း ၊ သူ၏ စေ့စပ်သေချာမှုမှာ သာမန်လူများထက် များစွာ သာလွန်သည်။</p> <p> </p> <p> </p> <p>အစောပိုင်းက ပီယွီ့ အား ထိုကဲ့သို့သော မရေမရာစကားများကို ပြောဆိုခိုင်းခဲ့ခြင်းမှာ  ချန်ယွမ် အမတဧကရာဇ်မင်း၏ စိတ်ထဲ၌ သံသယများ ဖြစ်ပေါ်လာစေရန် ရည်ရွယ်ချက်ရှိရှိ လုပ်ဆောင်ခဲ့ခြင်း ဖြစ်သည်။</p> <p> </p> <p>မိမိတို့ ကွေးယွမ်အမတဂိုဏ်းသည် သူတို့၏ လျှို့ဝှက်ချက်များကို သိနေသလားဟု သံသယဝင်စေရန် ဖြစ်သည်။</p> <p> </p> <p> နောက်ဆုံးတွင် အင်အားသုံး၍ ဖိအားပေး ခြိမ်းခြောက်လိုက်ပါက ၊ ချန်ယွမ် အမတဧကရာဇ်မင်းသည် ကြောက်ရွံ့ထိတ်လန့်မှုအောက်တွင် သူ၏ စိတ်ခံစားချက်များကို မထိန်းချုပ်နိုင်တော့ဘဲ ကောင်းကင်လမ်းစဉ်ကို ဆက်သွယ်ပြီး မေးမြန်းစုံစမ်းမည်မှာ အသေအချာပင်။</p> <p> </p> <p>သူသည် မိမိ၏ နတ်အသိစိတ် တစ်မျှင်ကို ခွဲထုတ်ကာ အချိန်နှင့် အာကာသထဲတွင် ပုန်းအောင်းစေခဲ့သည်။</p> <p> </p> <p>ထို့နောက် အထူး လျှို့ဝှက်နည်းလမ်းများဖြင့် ၊  ဤဖြစ်စဉ်တစ်ခုလုံးကို မှတ်တမ်းတင်ကာ လူသိရှင်ကြား ထုတ်ပြန်လိုက်ရုံပင်။</p> <p> </p> <p>ဤသို့ဖြင့် အမတစစ်ပွဲကြီး တစ်ခုကို ဆင်နွှဲရန် အခွင့်အရေး ရောက်ရှိလာမည် မဟုတ်လော။</p> <p>……..</p> <p> </p> <p>ခဏအကြာတွင်။</p> <p> </p> <p>ပြင်ပမှ မည်သူမျှ သတိမပြုမိစေရန် အတားအဆီး အစီအရင်များစွာကို ခင်းကျင်းပြီးနောက်၊ ချန်ယွမ် အမတဧကရာဇ်မင်းသည် ဟင်းလင်းပြင်သိုလှောင်ခန်းထဲမှ ရှေးဟောင်း ကျောက်စိမ်းတစ်ခုကို ထုတ်ယူလိုက်သည်။</p> <p> </p> <p>ဝီ!</p> <p> </p> <p>ရွှေရောင် မှော်အက္ခရာစာလုံးများ ထွက်ပေါ်လာပြီးနောက် ၊ နောက်ဆုံးတွင်  နိယာမဆိုင်ရာ မှန်ချပ်ကြီးတစ်ခုအဖြစ် ဖွဲ့စည်းသွားသည်။</p> <p> </p> <p>ထိုမှန်ချပ်အတွင်းမှ ပုံရိပ်များ ဝေဝါးစွာ ပေါ်လာသည်နှင့်အမျှ ၊  လျို့ဝှက်ဆန်းကြယ်သော တာအိုစည်းချက်တစ်ခု ဖြစ်ပေါ်လာခဲ့သည်။</p> <p> </p> <p>ထိုအရာကို မြင်သည်နှင့် ၊  ချန်ယွမ် အမတဧကရာဇ်မင်းသည် အရိုအသေတန်မဲ့ မပြုမှုဝံ့ဘဲ အလျင်အမြန်  အရိုအသေပေးကာ တလေးတစား ပြောလိုက်သည် ။</p> <p> </p> <p> “ချန်ဟွမ်ထျန်း လူကြီးမင်းကို နှုတ်ခွန်းဆက်သပါတယ်!”</p> <p> </p> <p>“ချန်ယွမ်... မင်းနဲ့ ထျန်းချန် ဆိုတဲ့ ကောင် ဘာတွေ လုပ်ထားကြတာလဲ”</p> <p> </p> <p>ချန်ဟွမ်ထျန်း ၏ အသံမှာ နိယာမမှန်ချပ်အတွင်းမှ ထွက်ပေါ်လာသည် ။</p> <p> “ဘာလို့ ကွေးယွမ်အမတဂိုဏ်းက လူတွေက......”</p> <p> </p> <p>သို့သော်  သူ့စကားမဆုံးသေးမီမှာပင် ချန်ဟွမ်ထျန်း ၏ လေသံသည် ရုတ်တရက် ထိတ်လန့်သွားပုံရကာ ၊ သူသည်  ကြောက်မက်ဖွယ်ကောင်းသော တည်ရှိမှုတစ်ခုကို ခံစားလိုက်ရပုံရသည်။</p> <p> </p> <p>ချန်ဟွမ်ထျန်းသည် ချန်ယွမ်အား စကားပြောခွင့်ပင် မပေးတော့ဘဲ အလွန်လျင်မြန်သော အရှိန်ဖြင့် ပျောက်ကွယ်သွားခဲ့သည်။</p> <p> </p> <p>ထို့အပြင် ပုံရိပ်ယောင် ဆက်သွယ်မှုကိုလည်း လုံးဝ ဖြတ်တောက်ပစ်လိုက်ပြီး ၊</p> <p> ဤနေရာတွင် ကျန်ရှိနေသော ၎င်း၏ရောင်ဝါသည်ပင် မြူမှုန်များအဖြစ် ပျောက်ကွယ်သွားလေတော့သည်။</p> <p> </p> <p>“ဒါ... ဒါက...”</p> <p> </p> <p>ထိုမြင်ကွင်းကို မြင်လိုက်ရသော ချန်ယွမ် အမတဧကရာဇ်မင်းမှာ ကြောင်အမ်းနေလေ၏။</p> <p> </p> <p>ဒါက ဘယ်လို အခြေအနေလဲ?</p> <p> </p> <p>ကိုယ့်အိမ်က သခင်ကို အခုလေးတင်မှ ဆင့်ခေါ်ရုံပဲ ရှိသေးတယ်လေ ..ဘာစကားမှ မပြောဘဲ ဘယ်လိုလုပ်ပြီး ပျောက်သွားတာတုန်း?</p> <p> </p> <p>“ဒီကောင်ရဲ့ ခွေး နှာခေါင်းက တကယ်ကို ထက်မြက်တာပဲ”</p> <p> </p> <p>အချိန်နှင့် အာကာသထဲ၌ ပုန်းအောင်းနေသော တုံထျန်း အဝေးဘိုးဘေး မှာလည်း ထိုမြင်ကွင်းကို မြင်ပြီး ကြောင်အမ်းသွားသည်။</p> <p> </p> <p>သူသည် မူလနတ်အသိစိတ် တစ်မျှင်ကို ခွဲထုတ်ကာ  ၊ မဟာလမ်းစဉ်၏ တန်ပြန်ရိုက်ခတ်မှုကို  အံတုရင်း အကြောင်းအကျိုးထဲတွင် ပုန်းကွယ်နေခဲ့သည်။</p> <p> </p> <p>သို့သော်လည်း တစ်ဖက်လူသည် တစ်ခုခု မှားယွင်းနေသည်ကို ရိပ်မိသွားကာ ချက်ချင်းလက်ငင်း ထွက်ပြေးသွားလေ၏။</p> <p> </p> <p>သို့သော်လည်း စောနက သူ မှတ်တမ်းတင်လိုက်သော မြင်ကွင်းနှင့် ယခင်က ရရှိထားသော သဲလွန်စများကိုပါ ပေါင်းစပ်လိုက်လျှင်ဖြင့် ၊</p> <p> </p> <p>ထိုအင်အားစုကြီး နှစ်ခုသည် အမတနယ်မြေ ကောင်းကင်လမ်းစဉ်၏ လက်ပါးစေများ ဖြစ်ကြောင်း သက်သေပြရန် လုံလောက်သည်။</p> <p> </p> <p>……….</p> <p> </p> <p style="text-align: center;">***</p> <p> </p>


Save