Book List

<h2 style="text-align: center;">အခန်း (၈၂၆)</h2> <h2 style="text-align: center;">အမတစစ်ပွဲကြီး စတင်ခြင်း</h2> <h2 style="text-align: center;">အမတနယ်မြေတစ်ခုလုံး တုန်လှုပ်သွားခြင်း (Part-1)</h2> <h2 style="text-align: center;">*</h2> <p> </p> <p>တစ်ချိန်တည်းမှာပင်။</p> <p> </p> <p>ကောင်းကင်လမ်းစဉ် တည်ရှိရာ နယ်မြေလောက၌ ချန်ဟွမ်ထျန်းခမျာ  ကြောက်လန့်လွန်းသဖြင့် မျက်နှာတစ်ခုလုံး ဖြူဖျော့နေပြီး နဖူးပေါ်မှ ချွေးများ တဒီးဒီး စီးကျနေလေ၏။</p> <p> </p> <p>“ဟွမ်ထျန်း... မင်း မျက်နှာက ဘာလို့ ဒီလောက်တောင် ကြည့်ရဆိုးနေတာလဲ”</p> <p> </p> <p>သူ့အနားရှိ အခြားသော ကောင်းကင်လမ်းစဉ် သုံးဦးမှာ ချန်ဟွမ်ထျန်း ၏ ပုံစံကို မြင်ပြီး မျက်မှောင်ကြုတ်သွားကာ နားမလည်နိုင်စွာဖြင့် မေးလိုက်ကြသည်။</p> <p> </p> <p>သူတို့သည် အမတနယ်မြေတွင် မည်သည့်ကိစ္စများ ဖြစ်ပျက်နေသည်ကို အခြားသတင်းပေးများမှ တစ်ဆင့် သိရှိထားပြီး ဖြစ်သည်။</p> <p> </p> <p>တစ်ချိန်တည်းမှာပင် ၊ ကောင်းကင်လမ်းစဉ်များမှာ  နားမလည်နိုင် ဖြစ်နေကြသည်။</p> <p> </p> <p>သူတို့ အမိန့်ပေးခဲ့သည်မှာ ကျောက်ဟွ အမတဧကရာဇ်မင်းကိုယ်တိုင် ဖန်တီးခဲ့သော အားရှင်း ကို မည်သည့် တန်ဖိုးပေးဆပ်ရပါစေ၊  ဖျက်ဆီးပစ်ရန်နှင့် ၎င်း၏ ဦးခေါင်းကို ယူဆောင်လာရန်သာ ဖြစ်သည်။</p> <p> </p> <p>အဘယ်ကြောင့်ဆိုသော် အားရှင်းသည် ထိုနှစ်က နတ်ဘုရားလက်နက် အမတမျှော်စင် ပျက်စီးခဲ့ရသည့် လျှို့ဝှက်ချက်နှင့် ပတ်သတ်၍ သိရှိထားမည်ကို ကြောက်ရွံ့သောကြောင့် ဖြစ်သည်။</p> <p> </p> <p> သို့သော် ဤဖုန်းယွင်လှံခန်းမ နှင့် ထျန်းချန်လမ်းစဉ်ဂိုဏ်းတို့သည် မည်သို့ ရူးသွပ်သွားလေသလဲ မသိ။ သူတို့သည် ကွေးယွမ်အမတဂိုဏ်းနှင့်  ထိပ်တိုက် ရင်ဆိုင်နေသည်။</p> <p> </p> <p>“ဒီငတုံး နှစ်ကောင် ဘာတွေ လုပ်လိုက်လဲ မသိဘူး... ကွေးယွမ်အမတဂိုဏ်းက အဲဒီ အဘိုးကြီးကို နှိုးဆွမိသွားပြီ!”</p> <p> </p> <p>ထိုအချိန်မှသာ ချန်ဟွမ်ထျန်း တစ်ယောက် သတိပြန်ဝင်လာပြီး ဒေါသတကြီး ဟိန်းဟောက်လိုက်သည် ။</p> <p> </p> <p> “အစောပိုင်းက ငါ နိယာမပုံရိပ်နဲ့ အောက်ကို ဆင်းသွားဖို့ လုပ်နေတုန်း ... အဲဒီအဘိုးကြီးရဲ့ အရှိန်အဝါကို ခံစားလိုက်ရတယ်....ငါ ထင်တာ မမှားဘူးဆိုရင် အဲဒီအဘိုးကြီးက အထူးနည်းလမ်းတစ်ခုခုကို သုံးပြီး ငါပေါ်လာတဲ့ မြင်ကွင်းကို မှတ်တမ်းတင်ပြီးသွားလောက်ပြီ “</p> <p> </p> <p>ဤစကားများ ထွက်လာသည်နှင့် ၊</p> <p> </p> <p>ကျန်ရှိနေသော ကောင်းကင်လမ်းစဉ် သုံးဦးမှာ အမူအရာများ ချက်ချင်း ပြောင်းလဲသွားပြီး စိတ်ဝိညာဉ်များပင် တုန်လှုပ်သွားခဲ့သည်။</p> <p> </p> <p> သူတို့၏ ခြေရာလက်ရာများ ပေါက်ကြားသွားသည်နှင့် ၊ ၎င်းမှာ သူတို့အတွက် သေစေနိုင်သော အန္တရာယ်ကြီး တစ်ခု ဖြစ်လာပေလိမ့်မည်။</p> <p> </p> <p>ချန်ဟွမ်ထျန်း သည် ရှည်ရှည်ဝေးဝေး ရှင်းပြမနေတော့ဘဲ အလျင်အမြန် အမိန့်ပေးလိုက်သည် ။</p> <p> </p> <p> “အခုကစပြီး အောက်က လက်အောက်ခံတွေနဲ့ အဆက်အသွယ် ခဏ ဖြတ်ထားလိုက်ကြ၊ အမတနယ်မြေမှာ မုန်တိုင်း ထန်တော့မယ်!”</p> <p>………</p> <p> </p> <p>အခြားတစ်ဖက်တွင်။</p> <p> </p> <p>တုံထျန်း အဝေးဘိုးဘေး ၏ နတ်အသိစိတ်သည် ကွေးယွမ်အမတဂိုဏ်း၏ ဘိုးဘွားပိုင်မြေ အနက်ရှိုင်းဆုံး အပိုင်းဆီသို့ ပြန်လည် ရောက်ရှိလာခဲ့သည်။</p> <p> </p> <p>မဟာလမ်းစဉ် ကြာပန်းများထက်တွင် ထိုင်နေကြသော ကွေးယွမ်အမတဂိုဏ်းမှ ဘိုးဘေးများသည်  စုံမှိတ်ထားသော ၎င်းတို့၏ မျက်လုံးများကို တစ်ပြိုင်နက်တည်း ဖွင့်လိုက်ကြသည်။</p> <p> </p> <p>အချိန်တန်ပြီ ဖြစ်ကြောင်း သူတို့ သိလိုက်သည်။ အမတနယ်မြေ၏ မုန်တိုင်းကြီးသည် သိပ်မကြာခင် စတင်ပေတော့မည်။</p> <p> </p> <p> </p> <p>အဆုံးစွန်သော သတ်ဖြတ်စွမ်းအားများဖြင့်  ပြည့်နှက်နေသော မျဲ့ရှန်း ရှေးဘိုးဘေး ၏ အသံသည် မိုးနှင့်မြေကြား  ပဲ့တင်ထပ်သွားသည်။</p> <p> </p> <p> “ကွေးယွမ်စည်းတံဆိပ်တော်ကို ချမှတ်မယ်! ထာဝရ အမတစစ်ပွဲကြီး စတင်မယ်!”</p> <p>……..</p> <p> </p> <p>ဝုန်းးး!</p> <p> </p> <p>အမတနယ်မြေတစ်ခုလုံးကို လှုပ်ခတ်သွားစေသည့်  နိယာမလှိုင်းတံပိုးများသည် ကွေးယွမ်အမတဂိုဏ်း ၏ အနက်ရှိုင်းဆုံးနေရာမှ မိုးကောင်းကင်သို့ ဆန်တတ်သွားပြီး ၊  အတိုင်းအဆမရှိသော ကြယ်တာရာကောင်းကင်ယံကို မျက်စိတမှိတ်အတွင်း ဖုံးလွှမ်းသွားခဲ့သည်။</p> <p> </p> <p>“ဒါက...”</p> <p> </p> <p>ဤအခိုက်အတန့်တွင် ၊ အမတစွမ်းအားများ တဟုန်းဟုန်း တောက်လောင်ကာ   ကြယ်စုနယ်မြေ တစ်ခုလုံး တုန်လှုပ်မြည်ဟည်းလျက် ရှိသည်။ ပြင်းထန်သော ဖိအားများသည် မရေမတွက်နိုင်သော စွမ်းအားရှင်များ၏ စိတ်နှလုံးသားများကို ဖုံးလွှမ်းသွားလေရာ ၊ သူတို့အားလုံးသည် မိမိတို့၏ နတ်အသိစိတ်များကို ထုတ်လွှတ်ကာ ထိုစွမ်းအားများ၏ အရင်းအမြစ်ကို ထောက်လှမ်းကြည့်ရှုခဲ့ကြသည်။</p> <p> </p> <p>ကွေးယွမ်အမတဂိုဏ်း တည်ရှိရာ ကြယ်စုနယ်မြေ တစ်ခုလုံးသည်  ဖရိုဖရဲဖြစ်ကာ ၊ ကြမ်းတမ်းသော အမတစွမ်းအားများက အရပ်ရှစ်မျက်နှာရှိ အချိန်နှင့်အာကာသကို အဆက်မပြတ် မွှေနှောက်နေသည်ကို တွေ့လိုက်ရသည်။</p> <p> </p> <p>အမတလမ်းစဉ် ဆန္ဒများသည် နတ်ဘုရားပုံကြမ်းတစ်ခုအဖြစ် ပေါင်းစည်းသွားသည်။</p> <p> </p> <p> လျိုဝှက်ဆန်းကြယ်သော မဟာလမ်းစဉ်  မှော်သင်္ကေတများသည် ထိုပုံကားချပ်အတွင်း၌   နေ၊ လ၊ တောင်၊ မြစ်နှင့် လောကရှိ အရာအားလုံးကို ဖော်ပြနေသဟန် ရှိသည့်  အရာများအဖြစ် သက်ဝင်နေသည်။</p> <p> </p> <p>ပြင်းထန်သော သတ်ဖြတ်စွမ်းအားများ ပျံ့နှံ့လာသည်နှင့်အမျှ ၊ စွမ်းအားရှင် အများအပြား၏ စိတ်ဝိညာဉ်များမှာ တုန်လှုပ်သွားခဲ့ရသည်။</p> <p> </p> <p>“အမ်... ဒါက... ကွေးယွမ်နတ်ဘုရားစည်းတံဆိပ်ပဲ!”</p> <p> </p> <p>“ကွေးယွမ်အမတဂိုဏ်းက ထာဝရ အမတစစ်ပွဲကြီးကို ထပ်ပြီး ဆင်နွှဲတော့မှာလား”</p> <p> </p> <p>လူတိုင်း၏ အသံများမှာ တုန်ယင်နေပြီး ၊ အလွန်အမင်း အံ့ဩတုန်လှုပ်မှုကြောင့်  နှလုံးခုန်နှုန်းပင် ခဏတာ ရပ်တန့်လုမတတ် ဖြစ်ခဲ့ရသည်။</p> <p> </p> <p>“ပြီးခဲ့တဲ့ တစ်ခေါက်တင် ကမ္ဘာပျက်မတတ် စစ်ပွဲကြီး ဖြစ်ပွားခဲ့တာ... အခု ဘယ်လောက်မှ မကြာသေးဘူး.. ထပ်ပြီး စတော့မှာလား”</p> <p> </p> <p>“ဒါက ဒေဝလောက ပြန်လည်စတင်ရာခေတ်လေ! အမတနယ်မြေနဲ့  ထောင်ပေါင်းများစွာသော နယ်မြေတွေအားလုံး အသစ်တစ်ဖန် ပြန်လည်ရှင်သန်တော့မယ့် အချိန်မှာ ခုလို စစ်ပွဲကြီး စလိုက်တာဟာ အမတနယ်မြေရဲ့ ကံကြမ္မာ အပေါ် ဘယ်လောက်တောင် ထိခိုက်မှုတွေ ရှိလာမလဲ”</p> <p> </p> <p>လူတိုင်း သူသူကိုယ်ကိုယ် ထိတ်လန့်နေကြစဉ်၊</p> <p> </p> <p>ခရာသံ……</p> <p> </p> <p> </p> <p>ရှေးဟောင်း ခရာမှုတ်သံသည် မိုးနှင့်မြေကြား ပဲ့တင်ထပ်သွားပြီး၊ သတ်ဖြတ်လိုသော စိတ်ဆန္ဒများသည် အရပ်ရှစ်မျက်နှာတစ်ခွင်  ပျံ့နှံ့သွားသည်။</p> <p> </p> <p>အမတလမ်းစဉ် မှော်အစီအရင်များ နှင့် အလင်းတံခါးများစွာသည် တစ်ခုပြီးတစ်ခု  ဆက်တိုက်ဆိုသလို ထွက်ပေါ်လာခဲ့သည်။</p> <p> </p> <p> သာယာသော စည်းချက်သံများကြား ၊  ယင်းအတွင်းရှိ နိယာမတရားများသည် ယခုအချိန်၌ အခြားကမ္ဘာတစ်ခုနှင့် ဆက်သွယ်နေဟန် ရကာ တောက်ပသော နတ်ဘုရားရောင်ခြည်များကို ထုတ်လွှတ်လိုက်သည်။</p> <p> </p> <p>ဒုန်း... ဒုန်း... ဒုန်း...</p> <p> </p> <p>ညီညာလှသော ခြေသံကြီးများ ထွက်ပေါ်လာသည်နှင့်အမျှ ၊</p> <p> </p> <p>ရှေးဟောင်း အမတသားရဲကြီးများကို စီးနင်းထားသည့် အမတစစ်သည်တော်များသည် အလင်းတံခါးများထဲမှ ညီညီညာညာ ထွက်ပေါ်လာကြသည်။</p> <p> </p> <p>ကောင်းကင်ယံတစ်ခုလုံးကို ဖုံးလွှမ်းထားသော စစ်သင်္ဘောကြီးများမှာလည်း အစီအရင်များထဲမှ ထွက်ပေါ်လာကြပြီး၊ ရှေးကျသော နိယာမတရားများသည် ၎င်းတို့ပေါ်တွင် တောက်ပစွာ ဝင်းလက်နေသည်မှာ ခန့်ညားထည်ဝါမှုကို ပို၍ ပေါ်လွင်စေသည်။</p> <p> </p> <p>စစ်သင်္ဘောပေါ်တွင် “ကွေးယွမ်အမတဂိုဏ်း” ဟူသော ရွှေရောင်စာလုံးကြီး လေးလုံးကို ထွင်းထုထားသည့် သွေးစွန်းနေသော အလံများသည် လေထဲတွင် တဖျပ်ဖျပ် လွင့်ပျံနေပြီး၊ ဤအတုမရှိသော စစ်တပ်ကြီး၏ မြင့်မြတ်သော အရှိန်အဝါကို ဖော်ပြနေသည်။</p> <p> </p> <p>သွေးစွမ်းအင်များသည် မြစ်တစ်စင်းသဖွယ်  စုပုံလာပြီး ၊ ၎င်း၏ ရိုက်ခတ်မှုသည် ဟင်းလင်းပြင်တစ်ခုလုံးကို တုန်ခါသွားစေသည်။</p> <p> </p> <p> ကွေးယွမ်အမတဂိုဏ်းအတွက် စစ်တိုက်ပေးရသော အမတစစ်တပ်ကြီးမှာ  ဆင်းသက်လို့လာခဲ့ချေပြီ။</p> <p> </p> <p>သို့သော် ဤမျှနှင့်ပင် မပြီးသေးပေ။</p> <p> </p> <p>ကွေးယွမ်အမတဂိုဏ်း အုပ်ချုပ်ရာ ကုဋေပေါင်းများစွာသော နယ်မြေအတွင်း၌လည်း  သောင်းပေါင်းများစွာသော အလင်းတံခါးများ ပွင့်လာခဲ့သည်။</p> <p> </p> <p>ဝုန်း!!</p> <p> </p> <p> ကောင်းကင်ယံသည် ပြင်းထန်စွာ တုန်ခါသွားပြီးနောက် ၊ ခန့်ညားထည်ဝါသော ရှေးဟောင်း စစ်သင်္ဘောများသည် အလင်းတံခါးထဲမှ ထွက်ပေါ်လာကြသည်။ စစ်သင်္ဘောတစ်စင်းချင်းစီ၌ လောကတစ်ခွင်ကို လွှမ်းမိုးနိုင်စွမ်းရှိသော အမတဘုရင်များ  လိုက်ပါလာကြသည်။</p> <p> </p> <p>သူတို့၏ ခန္ဓာကိုယ် ပတ်ပတ်လည်တွင် ကနဦးစွမ်းအားများ နှင့် အမတမြူဆိုင်းများက သိပ်သည်းစွာ ရစ်ဝဲနေသည်မှာ သူတို့၏ ပုံရိပ်များကို ပို၍ ခန့်ညားစေသည်။</p> <p> </p> <p> ထိုသူများမှာ ကွေးယွမ်အမတဂိုဏ်း၏ လက်အောက်ခံ အင်အားစုများမှ ထိပ်တန်းစွမ်းအားရှင်များ ဖြစ်ကြပြီး၊ ယခုအခါ နတ်ဘုရားစည်းတံဆိပ်၏ ဆင့်ခေါ်မှုကြောင့်  စစ်တပ်များကို အသီးသီး ဦးဆောင်ကာ ရောက်ရှိလာခြင်း ဖြစ်သည်။</p> <p> </p> <p>သူတို့၏ မျက်လုံးထဲတွင် ကွေးယွမ်အမတဂိုဏ်းသည် အမြင့်မြတ်ဆုံးသော နတ်ဘုရားတစ်ပါးပင် ဖြစ်သည်။ ဂိုဏ်းအပေါ် ထားရှိသည့် သူတို့၏ ယုံကြည်မှုနှင့် သစ္စာရှိမှုသည် အကြွင်းမဲ့သာ ဖြစ်သည်။</p> <p> </p> <p>အလွန် အစွမ်းထက်သော အမတဧကရာဇ်မင်းများပင် ပေါ်ထွက်လာကြပြီး၊ ၎င်းတို့မှ ထုတ်ဖော်လိုက်သော အရှိန်အဝါသည် စကြဝဠာ တစ်ခုလုံးကို ခြိမ့်ခြိမ့်ညံသွားစေသည်။</p> <p> </p> <p>“အမတဂိုဏ်းအတွက်ဆိုရင် ဓားတောင်ကို ကျော်ရဲသလို ၊  မီးပင်လယ်ကိုလည်း ဖြတ်ရဲပါတယ် ....ရန်သူအားလုံးကို သုတ်သင်ရှင်းလင်းပစ်မယ်!”</p> <p> </p> <p>..………</p> <p>ဟွမ်ကျိ အမတနယ်မြေ။</p> <p>တားမြစ်စူးမိသားစု။</p> <p> </p> <p>နတ်ကျွန်းများမှာ ကြယ်အစုအဝေးများသဖွယ် တည်ရှိနေပြီး ၊  အစွမ်းထက်သော ပုံရိပ်ပေါင်းများစွာသည် တားမြစ်စူးမိသားစု၏ ပင်မခန်းမဆောင်ဆီသို့  စုဝေးလာကြသည်။</p> <p> </p> <p>တားမြစ်စူးမိသားစု၏ လက်ရှိ မျိုးနွယ်စုခေါင်းဆောင် ဖြစ်သော ရွှမ်ယွမ် အမတဧကရာဇ်မင်း သည် အရှိန်အဝါ အပြည့်ဖြင့် ထိပ်ဆုံးနေရာတွင် ထိုင်နေသည်။</p> <p> </p> <p>“မျိုးနွယ်စု ခေါင်းဆောင်... ကွေးယွမ်အမတဂိုဏ်းက ကွေးယွမ်နတ်ဘုရားစည်းတံဆိပ်ကို  ထုတ်ပြန်လိုက်ပြီ.. ကြည့်ရတာ အင်အားစုကြီး နှစ်ခုနဲ့ အမတစစ်ပွဲ ဆင်နွှဲဖို့ ပြင်နေပုံရတယ်”</p> <p> </p> <p> တားမြစ်စူးမိသားစု၏ အကြီးအကဲတစ်ဦးက ပြောလိုက်သည် ။</p> <p> </p> <p>“ကျုပ်တို့ တားမြစ်စူးမိသားစုကရော ဝင်ပါရမလား... ကွေးယွမ်အမတဂိုဏ်းကို ကူညီပေးသင့်သလား”</p> <p> </p> <p>“မလိုဘူး “</p> <p> </p> <p style="text-align: center;">***</p> <p> </p>


Save