Book List

<h2 style="text-align: center;">အခန်း (၈၂၆)</h2> <h2 style="text-align: center;">အမတစစ်ပွဲကြီး စတင်ခြင်း</h2> <h2 style="text-align: center;">အမတနယ်မြေတစ်ခုလုံး တုန်လှုပ်သွားခြင်း (Part-2)</h2> <h2 style="text-align: center;">*</h2> <p> </p> <p> </p> <p>ရွှမ်ယွမ် အမတ ဧကရာဇ်မင်း က ခေါင်းခါလိုက်သည် ။</p> <p> </p> <p> “ကွေးယွမ်အမတဂိုဏ်းရဲ့ အင်အားကလည်း အားမနည်းဘူး....ပြီးတော့ သူတို့မှာလည်း ကြိုတင်ပြင်ဆင်မှုတွေ ရှိပြီးသားပဲ “</p> <p> </p> <p>“အကယ်၍ အဲဒီလူတွေကသာ အမှောင်ထဲကနေ တိုက်ခိုက်လာမယ်ဆိုရင်တော့ အဲ့ကြမှ ငါတို့ ဝင်ကူညီပေးလည်း နောက်မကျဘူး”</p> <p> </p> <p>“ဒါတွေထက်... အားလုံး ပြင်ဆင်ထားကြဦး ၊ ချန်ကဲ ဆီက သတင်းရောက်လာတယ် ...သူ ယောင်ကွမ်အမတဂိုဏ်းရဲ့ ဆက်ခံသူ နတ်ဘုရားမကို ငါတို့ မိသားစုဆီ ခေါ်လာမယ်တဲ့ ”</p> <p> </p> <p>“မျိုးနွယ်စုခေါင်းဆောင် ပြောတာက ယောင်ကွမ်အမတဂိုဏ်းရဲ့ ရန်ယွီနတ်ဘုရားမလား .... အရင်တုန်းက သခင်မလေး ပြောတာကို ကျွန်တော် ကြားဖူးတယ်!”</p> <p> </p> <p>“အခု အမတနယ်မြေမှာ အမတစစ်ပွဲကြီး ဖြစ်တော့မှာဆိုတော့၊ ကြိုတင်ကာကွယ်တဲ့ အနေနဲ့ ငါတို့ဘက်က လူလွှတ်ပြီး  သခင်လေးချန်ကဲကို သွားကြိုတာ ပိုကောင်းလိမ့်မယ်!”</p> <p> </p> <p>တားမြစ်စူးမိသားစုအနေဖြင့် အမတစစ်ပွဲအပေါ် အလွန်အမင်း စိုးရိမ်ခြင်း မရှိပေ။</p> <p> </p> <p>ကွေးယွမ်အမတဂိုဏ်း၏ အခြေခံအုတ်မြစ်မှာ အတိုင်းအဆမရှိ နက်ရှိုင်းလွန်းပေရာ ၊ သာမန်အင်အားစုကြီး နှစ်ခုကို နှိမ်နင်းရန်မှာ ခက်ခဲသော ကိစ္စမဟုတ်ချေ။</p> <p> </p> <p>……….</p> <p>တစ်ချိန်တည်းမှာပင်။</p> <p> </p> <p>ထျန်းချန်လမ်းစဉ်ဂိုဏ်း။</p> <p> </p> <p>ကွေးယွမ်အမတဂိုဏ်း၏ လှုပ်ရှားမှုများကို အမြဲ စောင့်ကြည့်နေသော ချန်ယွမ် အမတဧကရာဇ်မင်း သည် အဆိုပါ ကြောက်မက်ဖွယ်ရာကောင်းသော အရှိန်အဝါကို ခံစားလိုက်ရပြီးနောက် ၊ သူ၏ မျက်နှာအမူအရာမှာ သိသိသာသာ ပြောင်းလဲသွားသည်။</p> <p> </p> <p>“ကွေးယွမ်နတ်ဘုရားစည်းတံဆိပ်.....”</p> <p> </p> <p>“ ထာဝရ အမတစစ်ပွဲ!”</p> <p> </p> <p>“တောက်! ကွေးယွမ်အမတဂိုဏ်း... မင်းတို့ အတော်လေး ရဲတင်းနေတယ်ပေါ့”</p> <p> </p> <p>“သူတို့တွေ  အမတနယ်မြေတစ်ခုလုံးရဲ့ ဒေါသကို မကြောက်ကြဘူးလား”</p> <p> </p> <p>ဤအခိုက်အတန့်တွင်၊ ချန်ယွမ် အမတဧကရာဇ်မင်းမှာ အလွန်အမင်း ဒေါသထွက်နေလေ၏။</p> <p> </p> <p> မူလက သူသည် ဤကိစ္စကို အမတနယ်မြေ ကောင်းကင်လမ်းစဉ်သို့ အစီရင်ခံရန် ကြံစည်ခဲ့သော်လည်း၊  သို့သော် တစ်ဖက်လူသည် ရောက်လာလာချင်း ထူးဆန်းစွာဖြင့် ပြန်လည် ထွက်ခွာသွားခဲ့သည်။</p> <p> </p> <p> </p> <p>ယခုအချိန်အထိ သူသည် နည်းလမ်းအမျိုးမျိုးဖြင့် ဆက်သွယ်ရန် ကြိုးစားခဲ့သော်လည်း မအောင်မြင်ခဲ့ပေ။</p> <p> </p> <p>ယခုမူ အခြေအနေမှာ အတော်လေး စိုးရိမ်စရာကောင်းနေပြီ ဖြစ်သည်။ ကွေးယွမ်အမတဂိုဏ်းသည် အမတစစ်ပွဲကို တိုက်ရိုက် ဆင်နွှဲလိုက်ပြီ ဖြစ်ရာ၊ ဆက်ပြီး အချိန်ဆွဲနေပါက ၊ နေရာမှာတင် သေရုံသာ ရှိတော့မည်။</p> <p> </p> <p>“ ငါ  အမတသခင် တရားစီရင်ရေးရုံးတော် နဲ့ အန္တိမတာအို တရားစီရင်ရေးအဖွဲ့ က လူတွေနဲ့ အရင်ကတည်း စကားပြောပြီးသားပဲ ၊ သူတို့တွေလည်း ငြိမ်ကြည့်နေမှာ မဟုတ်လောက်ပါဘူး......”</p> <p> </p> <p> စိတ်ထဲတွင် ထိုသို့တွေးပြီးနောက် ၊ ချန်ယွမ် အမတဧကရာဇ်မင်း၏ မျက်လုံးထဲတွင် အေးစက်သော အလင်းတန်းတစ်ခု  ဝင်းလက် တောက်ပသွားသည်။ ထို့နောက်  မှော်စွမ်းအားကို အသုံးပြု၍  ကြယ်စုနယ်မြေတစ်ခုလုံးတွင် သူ၏ အသံကို ချဲ့ထွင်ကာ ကြေညာလိုက်သည်။</p> <p> </p> <p> “ဟွန့်! ကွေးယွမ်အမတဂိုဏ်း! မင်းတို့  ဗိုလ်ကျလွန်းတယ် ....မင်းတို့က ငါတို့ကို အမြစ်ပြတ် သုတ်သင်ချင်နေမှတော့!”</p> <p> </p> <p>“ဒီအမတစစ်ပွဲကို ငါ လက်ခံတယ်!”</p> <p> </p> <p>……….</p> <p> </p> <p>အခြားတစ်ဖက်ရှိ  ဖုန်းယွင်လှံခန်းမ မှာလည်း ဤအခိုက်အတန့်တွင်  ဗြောင်းဆန်နေလေ၏။</p> <p> </p> <p>အိပ်ပျော်နေသော အမတဧကရာဇ် ဘိုးဘေးများမှာ တစ်ယောက်ပြီး တစ်ယောက် နိုးထလာကြသည်။ ကုဋေပေါင်းများစွာသော ရွှေသံချပ်ကာဝတ် အမတစစ်သည်တော်များကလည်း  မဟာလမ်းစဉ် အာကာသအတွင်းမှ ဆင်းသက်လာကာ စစ်တိုက်ထွက်ရန် အသင့်ဖြစ်နေပုံရသည်။</p> <p> </p> <p>ဝုန်းးး!</p> <p> </p> <p>တစ်ချိန်တည်းမှာပင် ဖုန်းယွင်လှံခန်းမ၏ အနက်ရှိုင်းဆုံးနေရာမှ မရေမတွက်နိုင်သော နတ်အလင်းတန်းများစွာသည် မိုးကောင်းကင်သို့ ဆန်တတ်သွားကြပြီး ၊  ထို့နောက် ကြီးကျယ်ခမ်းနားသော မှုန်ဝါးဝါးအသွင် ပုံရိပ်တစ်ခုအဖြစ် စုစည်းသွားသည်။</p> <p> </p> <p>“ကွေးယွမ်အမတဂိုဏ်း! မင်းတို့က တားမြစ်အင်အားစု ကိုးခုထဲက တစ်ခုဖြစ်ပြီး ကိုယ့်ကိုယ်ကိုယ် စံနမူနာမပြဘဲ အမတနယ်မြေရဲ့ ငြိမ်းချမ်းရေးကို ဖောက်ဖျက်ခဲ့တယ်”</p> <p> </p> <p>ယှဉ်နိုင်စရာမရှိအောင် ခမ်းနားထည်ဝါသော အသံတစ်ခုသည် အ‌ကန့်အသတ်မရှိသော ကြယ်တာရာ နယ်မြေကို ဖြတ်ကျော်ကာ ကောင်းကင်ယံထက်၌ အဆက်မပြတ် ပဲ့တင်ထပ်သွားလေ၏။</p> <p> </p> <p>“ငါတို့ကို အမတစစ်ပွဲ ဆင်နွှဲပြီး အမတနယ်မြေရဲ့ တည်ငြိမ်မှုကို ဂရုမစိုက်ဘူးဆိုမှတော့... ဒါဆို ငါတို့ ဖုန်းယွင်လှံခန်းမ ကလည်း  မင်းတို့နဲ့ အဆုံးအထိ အဖော်ပြုပေးဖို့ အသင့်ပဲ!”</p> <p> </p> <p>အမှန်အတိုင်း ဆိုရလျှင်ဖြင့် ၊ သူတို့ အင်အားစုကြီး နှစ်ခုသည် အားကောင်းသော်လည်း သို့သော်  တားမြစ်အင်အားစု ဖြစ်သည့် ကွေးယွမ်အမတဂိုဏ်းနှင့် နှိုင်းယှဉ်ပါက ၊ ကွာခြားချက်သည် ကြီးမားလွန်းသည်။</p> <p> </p> <p>သို့သော်လည်း အစောပိုင်းက ပြောခဲ့သည့်အတိုင်း၊ သူတို့သည် ဤကိစ္စကို အသုံးချကာ အမတနယ်မြေ တစ်ခုလုံးကို ရေနောက်အောင် လုပ်လိုက်ရုံသာ ရှိပေတော့မည်။</p> <p> </p> <p>သူတို့၏ အကျိုးစီးပွားကို အမတနယ်မြေ တစ်ခုလုံး၏ အကျိုးစီးပွားနှင့် ပတ်သက်အောင် လုပ်ဆောင်လိုက်မည် ဆိုပါက၊ အခြားသော အင်အားစုများမှာ ဤအတိုင်း ရပ်ကြည့်နေမည် မဟုတ်ပေ။</p> <p> </p> <p>ခရာသံ !!</p> <p> </p> <p> အင်အားစုကြီး နှစ်ခု မှ ခရာမှုတ်သံများ တစ်ပြိုင်နက်တည်း ထွက်ပေါ်လာခဲ့သည်။</p> <p> </p> <p>မရေမတွက်နိုင်သော ဂိုဏ်းသားများ ၊  ကုဋေပေါင်းများစွာသော စစ်တပ်ကြီးသည် အာကာသ ဟင်းလင်းပြင်မှ ဆင်းသက်လာကြပြီး၊ ‌သောင်းပေါင်းများစွာသော  စစ်သင်္ဘောများသည်သည်  ကောင်းကင်ပြင်တစ်ခုလုံးကို ဖုံးလွှမ်းလျက် ရှိနေကာ စစ်ထွက်ရန် အသင့်ဖြစ်နေကြသည်။</p> <p> </p> <p>.........</p> <p> </p> <p>အမတနယ်မြေတစ်ခုလုံး ဗြောင်းဆန်နေချိန် ၊</p> <p> </p> <p>ပရမ်းပတာ ကြယ်တာရာပင်လယ်ရှိ အမတသခင်တရားစီရင်ရေးရုံးတော်။</p> <p> </p> <p>ရောင်စုံအလင်းတန်းများစွာ သက်ဝင်လှုပ်ရှားနေပြီး ၊ ကြီးကျယ်ခမ်းနားသော အမတစွမ်းအားများသည် မှုန်ဝါးဝါး အသွင်ပုံရိပ်တစ်ခုအဖြစ် စုစည်းသွားသည်။</p> <p> </p> <p>ကမ္ဘာတည်သရွေ့ မပျက်စီးနိုင်သော ထိုသူ၏ အကြည့်များသည် စကြဝဠာကို ထိုးဖောက်ကာ ကွေးယွမ်အမတဂိုဏ်း တည်ရှိရာ ကြယ်စုနယ်မြေဆီသို့ တိုက်ရိုက် ကျရောက်သွားသည်။</p> <p> </p> <p>“ကွေးယွမ်အမတဂိုဏ်း! ဒေဝလောကတစ်ခုလုံး နဲ့ အမတနယ်မြေဟာ ခုမှ စတင်ရုံပဲ ရှိသေးတယ်... မင်းတို့က တားမြစ်အင်အားစု ဖြစ်ပြီးတော့ ဒီလောက်တောင် စိတ်လိုက်မာန်ပါ လုပ်ရဲတယ်ပေါ့!”</p> <p> </p> <p>ကျယ်လောင်သော ဟိန်းဟောက်သံသည် အမတနယ်မြေအနှံ့ ပဲ့တင်ထပ်သွားသည်။</p> <p> </p> <p> “မင်းတို့က တကယ်ပဲ အမတနယ်မြေရဲ့ တည်ငြိမ်မှုကို ဖျက်ဆီးပြီး၊ သက်ရှိအပေါင်းတို့ရဲ့ အကျိုးစီးပွားကို ဂရုမစိုက်ဘဲ ပစ်ထားတော့မှာလား”</p> <p> </p> <p>“အမ်... ဒါက အမတသခင် တရားစီရင်ရေးရုံးတော်ရဲ့ ထျန်းယွီ့ အမတဧကရာဇ်မင်း ပဲ...!”</p> <p> </p> <p>ထိုအသံကို ကြားလိုက်ရသော ခေတ်ဟောင်း စွမ်းအားရှင်များမှာ တုန်ယင်သွားကြပြီး ၊  အံ့အားသင့်စွာဖြင့် ရေရွတ်လိုက်ကြသည် ။</p> <p> </p> <p> “အမတသခင်တရားစီရင်ရေးရုံးတော်က နောက်ဆုံးတော့ ဝင်ပါတော့မှာလား.....”</p> <p> </p> <p>ဝုန်း! !</p> <p> </p> <p>ထိုအချိန်မှာပင် အခြားသော နယ်မြေတစ်ခု၌ မဟာလမ်းစဉ်သည် ဟောက်သံပြုလျက်  တောက်ပစွာ ထွန်းလင်းလာပြီး ၊ အကန့်အသတ်မရှိ ကျယ်ပြောလှသော မဟာလမ်းစဉ် အရှိန်အဝါတစ်ခုသည် ဖြည်းဖြည်းချင်း နိုးထလာဟန်ရသည်။</p> <p> </p> <p>ထိုနေရာသည် အမတနယ်မြေ၏ တားမြစ်အင်အားစု ကိုးခုထဲမှ တစ်ခုဖြစ်သော အန္တိမတာအိုတရားစီရင်ရေးအဖွဲ့ တည်ရှိရာ ကြယ်စုနယ်မြေ ဖြစ်သည်။</p> <p> </p> <p>ကြမ်းတမ်းစွာ ရိုက်ခတ်နေသော နိယာမပင်လယ်ပြင်အတွင်း၌ ၊ ကြီးကျယ်ခမ်းနားသော ပုံရိပ်တစ်ခု ထပ်မံ ပေါ်ထွက်လာသည်။</p> <p> </p> <p>“ကွေးယွမ်အမတဂိုဏ်း! မင်းတို့ တကယ်ကို ဗိုလ်ကျလွန်းတယ်!”</p> <p> </p> <p>“ဒီကိစ္စရဲ့ အစအဆုံးကို ငါတို့ အန္တိမတာအိုတရားစီရင်ရေးအဖွဲ့ နဲ့ အမတသခင် တရားစီရင်ရေးရုံးတော် တို့က ရှင်းရှင်းလင်းလင်း စုံစမ်းပြီးသွားပြီ...ချန်ယွမ် အမတဧကရာဇ်မင်း နဲ့ ထျန်းချန် အမတ ဧကရာဇ်မင်း တို့က အမတနယ်မြေရဲ့ စည်းမျဉ်းကို ချိုးဖောက်ပြီး မျိုးဆက်သစ် လူငယ်တွေရဲ့  ကိစ္စမှာ ဝင်ပါခဲ့တာ မှန်တယ်၊ ဒါက သူတို့ရဲ့ အမှားဆိုတာ လက်ခံတယ်!”</p> <p> </p> <p>“ဒါပေမဲ့....”</p> <p> </p> <p>တောက်ခွင်း အမတဧကရာဇ်မင်း က စကားလမ်းကြောင်း ပြောင်းလိုက်သည် ။</p> <p> </p> <p> “သူတို့နှစ်ယောက်လုံးက စူးချန်ကဲအပေါ်  လက်ဖျားနဲ့ တောင် မတို့ခဲ့ဘူး.... သူတို့ရဲ့ အဆင့်အတန်းကိုတောင် နှိမ့်ချပြီး စူးချန်ကဲကို  တောင်းပန်ခဲ့ကြသေးတယ်!”</p> <p> </p> <p>“မင်းတို့က ကိုယ့်ဂိုဏ်းက ဆက်ခံသူ နည်းနည်း စိတ်အနှောင့်အယှက် ဖြစ်သွားရုံနဲ့ ငါတို့ အမတနယ်မြေရဲ့ အမတဧကရာဇ်မင်းတွေကို သတ်တော့မယ်ပေါ့ .... နောင်တစ်ချိန် အမှောင်ထု နိုးထလာရင် ပြန်လည် ခုခံပေးမယ့် ညီနောင်တွေကို  အမြစ်ပြတ် သုတ်သင်ဖို့ ကြံရွယ်နေတာလား”</p> <p> </p> <p>တားမြစ်အင်အားစုများ၏ အရှင်သခင်များအနေဖြင့် ၊  ထျန်းယွီ့  အမတ ဧကရာဇ်မင်း နှင့် တောက်ခွင်း အမတ ဧကရာဇ်မင်းတို့၏ အကြံအစည်သည် အလွန်ကို နက်ရှိုင်းပေသည်။</p> <p> </p> <p style="text-align: center;">***</p> <p> </p>


Save