Book List

<h2 style="text-align: center;">အခန်း (၈၂၈)</h2> <h2 style="text-align: center;">မကြုံစဖူး ထူးခြားဖြစ်ရပ်</h2> <h2 style="text-align: center;">အင်အားစုများအားလုံး ပူးပေါင်းနှိမ်နင်းခြင်း</h2> <h2 style="text-align: center;">*</h2> <p> </p> <p>၎င်းတို့သည် မျက်မှောင်ကြုတ်လျက် ၊ ရောင်ဝါများကို တိတ်တဆိတ် ရုပ်သိမ်းကာ လူအုပ်ကြီး၏ နောက်ကွယ်မှ ဆုတ်ခွာရန်ရွေးချယ်လိုက်ကြသည်။</p> <p> </p> <p>“ဟားးဟား… ငါတို့အရင်က ပြောခဲ့သလိုပဲ၊ မင်းတို့ကို အေးအေးလူလူ သေခွင့်ပေးမယ်”</p> <p> </p> <p>မျဲ့ရှန်း ရှေးဘိုးဘေး၏ စကားသံအဆုံးတွင် ၊</p> <p> </p> <p>ကောင်းကင်ယံ၌ သက်တံ့ရောင် အလင်းတန်းတစ်ခု ထွက်ပေါ်လာခဲ့သည်။</p> <p> </p> <p> ၎င်းတို့သည် နိယာမတရားများစွာဖြင့် ဖွဲ့စည်းထားသော ပုံရိပ်ယောင်မှန်ချပ်တစ်ခုနှင့် တူပြီး ၊  ထိုမှန်ချပ်အတွင်း၌ ထွက်ပေါ်လာသော ပုံရိပ်မှာ ချန်ယွမ် အမတဧကရာဇ်မင်း သည် ကောင်းကင်လမ်းစဉ်မှ ချန်းဟွမ်ထျန်းကို ဆက်သွယ်နေသည့် မြင်ကွင်းပင် ဖြစ်သည်။</p> <p> </p> <p>ထို့အပြင် တစ်စုံတစ်ယောက်၏  စောဒကတက်ခြင်းမှ ကာကွယ်ရန်အတွက် ၊</p> <p> </p> <p>ထျန်းချန်လမ်းစဉ်ဂိုဏ်း နှင့် ဖုန်းယွင်လှံခန်းမဆောင်တို့သည် ကောင်းကင်လမ်းစဉ်၏ အမိန့်အရ ၊  အားရှင်း ကို ဖမ်းဆီးရန် ကြံစည်ခဲ့သည့် အချက်အလက်များကိုပါ ထုတ်ဖော်ချပြခဲ့သည်။</p> <p> </p> <p>ယခုအချိန်တွင် ဤမြင်ကွင်းကို ကြည့်ရှုနေကြသော မည်သူမဆို စိတ်နှလုံးသားထဲတွင်  အတော်လေး ထိတ်လန့်တုန်လှုပ်ခဲ့ရသည်။</p> <p> </p> <p>ဤအရာသည် အတုအယောင်မဟုတ်ကြောင်း သူတို့ သေချာပေါက် အာမခံနိုင်သည်။</p> <p> </p> <p> </p> <p>“ဒါ… ဒါက…”</p> <p> </p> <p>ဤမြင်ကွင်းကို မြင်လိုက်ရသော ချန်ယွမ် အမတဧကရာဇ်မင်းမှာ လုံးဝ ဆွံ့အသွားသည်။ ပြင်းထန်သော ထိတ်လန့်တုန်လှုပ်မှုကြောင့် ၊  သူ၏နှလုံးခုန်သံပင် ရပ်တန့်လုမတတ် ဖြစ်ခဲ့ရသည်။</p> <p> </p> <p>ဒါ ဘယ်လိုလုပ် ဖြစ်နိုင်မှာလဲ?</p> <p> </p> <p>သူသည် ကောင်းကင်လမ်းစဉ်နှင့် ဆက်သွယ်နေစဉ်အတွင်း ၊ အကာအကွယ်များကို မရေမတွက်နိုင်အောင် တည်ဆောက်ထားခဲ့သည် မဟုတ်လော။</p> <p> </p> <p> မည်သူကများ အသံတိတ် ဝင်ရောက်လာပြီး သူနှင့် ချန်းဟွမ်ထျန်းတို့၏ ဆက်သွယ်မှုကို မှတ်တမ်းတင်နိုင်ခဲ့သနည်း။</p> <p> </p> <p>တစ်စုံတစ်ယောက်က ထိုသို့ လုပ်ဆောင်နိုင်ရင်တောင်မှ ၊ ကောင်းကင်လမ်းစဉ်သည်  အားရှင်းကို ဝိုင်းရံနှိပ်ကွပ်ရန် အမိန့်ပေးထားသည်ကို မည်သို့သိရှိခဲ့သနည်း။</p> <p> </p> <p>ခေါင်းထဲ၌ အတွေးများစွာဖြင့် ရှုပ်ထွေးနေစဉ်မှာပင် ၊ ချန်ယွမ် အမတဧကရာဇ်မင်းသည် တစ်စုံတစ်ခုကို တွေးမိကာ ရုတ်တရက် ထိတ်လန့်သွားသည်။</p> <p> </p> <p> </p> <p>သူသည် တစ်စုံတစ်ခုကို သတိရသွားဟန်ရသည်။</p> <p> </p> <p>မှန်၏။ သူ၏ ထျန်းချန်လမ်းစဉ်ဂိုဏ်းနှင့်  ဖုန်းယွင်လှံခန်းမတို့မှ အမတဘုရင်နှစ်ပါး ပျောက်ဆုံးနေခဲ့သည်။</p> <p> </p> <p>၎င်းတို့နှစ်ဦးသည် သူတို့ဂိုဏ်း၏ ပါရမီရှင်များကို နောက်ကွယ်မှ လိုက်လံ စောင့်ရှောက်ပေးခဲ့ကြသူများ ဖြစ်သည်။</p> <p> </p> <p>သူတို့၏ အငွေ့အသက်များသည် ထူးဆန်းစွာ ပျောက်ကွယ်သွားခဲ့ပြီး ယခုအချိန်အထိ အဆက်အသွယ် မရခဲ့ပေ။</p> <p> </p> <p>ယခုမှပင် သူသည် ထိုကိစ္စနှင့် ပတ်သတ်၍ နားလည်သွားခဲ့သည်။ ထိုအမတဘုရင် နှစ်ပါးသည် ကွေ့ယွမ်အမတဂိုဏ်း၏ ဖမ်းဆီးခြင်းကို ခံလိုက်ရပြီး ၊ သူတို့၏ မှတ်ဉာဏ်များကို ထုတ်ယူခံလိုက်ရခြင်း ဖြစ်ပေမည်။</p> <p> </p> <p>ဤကဲ့သို့ ခိုင်လုံသော သက်သေအထောက်အထားများရှေ့တွင် ဂိုဏ်းကြီးနှစ်ခုမှ လူများသည် ပြန်လည် ငြင်းဆိုလိုသော်လည်း ၊ သို့သော် ထိုသို့ပြုလုပ်ရန် သူတို့တွင် အင်အားမရှိတော့ချေ။</p> <p> </p> <p> </p> <p>“အားလုံး သေချာနားထောင်ကြစမ်း!”</p> <p> </p> <p>မျဲ့ရှန်း ရှေးဘိုးဘေး၏  အသံသည် မိုးနှင့်မြေကြား နောက်တစ်ဖန် ပဲ့တင်ထပ်သွားပြန်သည်။</p> <p> </p> <p>“နောင်တစ်ချိန် အမှောင်ထု နိုးထလာခဲ့ရင်တောင်၊ ဖုန်းယွင်လှံခန်းမ နဲ့ ထျန်းချန်လမ်းစဉ်ဂိုဏ်းက လမ်းဘေးခွေးတွေ  မရှိလည်း ရတယ်”</p> <p> </p> <p>“ငါတို့ ကွေးယွမ်အမတဂိုဏ်းက ဒီကြီးလေးတဲ့ တာဝန်ကို ထမ်းဆောင်ပြီး အမှောင်ထုကို နှိမ်နင်းပြီး သက်ရှိအပေါင်းတို့ကို ကာကွယ်ပေးမယ်!”</p> <p> </p> <p>ဝုန်း——</p> <p> </p> <p> </p> <p>ထိုစကားသံအဆုံးတွင် အင်အားစုကြီးနှစ်ခု တည်ရှိရာ နယ်မြေထက်၌ မိုးသက်လေပြင်းများ ကျရောက်လာပြီး၊ အမတအလင်းများက ကောင်းကင်တစ်ခုလုံးကို ဖုံးလွှမ်းထားသည်။</p> <p> </p> <p>အာကာသတံခါးများ တစ်ခုပြီးတစ်ခု ပွင့်လာပြီး၊  ကုဋေပေါင်းများစွာသော အာကာသ စစ်သင်္ဘောများနှင့် ရွှေသံချပ်ကာဝတ် အမတစစ်သည်တော်များသည် အစုလိုက်အပြုံလိုက် ဆင်းသက်လာကြသည်။</p> <p> </p> <p>စစ်တပ်ကြီး၏ အလယ်တွင် ၊ တစ်ကိုယ်လုံး တဖိတ်ဖိတ် တောက်ပနေပြီး လောကတစ်ခုလုံးကို ရောင်ပြန်ဟပ်နေသည့် အမတ ဧကရာဇ်မင်းများစွာ ပါဝင်လာကြသည်။</p> <p> </p> <p>သူတို့သည် အထက်တွင် ရပ်နေကာ အောက်ဘက်ရှိ နန်းဆောင်များနှင့် အဆောက်အဦးများကို အေးစက်စွာဖြင့် ငုံ့ကြည့်နေကြသည်။</p> <p> </p> <p>“ဖုန်းယွင်လှံခန်းမ “</p> <p> </p> <p>“ဟားးး…… ဒီလို ခွေးသူတောင်းစား အင်အားစုကများ ငါ့ရဲ့ လှံအတတ် မဟာလမ်းစဉ်ကို လေ့ကျင့်ဖို့ ထိုက်တန်လို့လား “</p> <p> </p> <p>စိမ်းပြာရောင် စစ်ဝတ်စုံကို ဝတ်ဆင်ထားသော အမတဧကရာဇ်တစ်ပါးက မထီမဲ့မြင်လေသံဖြင့် ဆိုလိုက်သည်။</p> <p> </p> <p>သူ၏မျက်လုံးများသည်  ယှဉ်နိုင်စရာမရှိအောင် ဝင်းလက် တောက်ပနေပြီး၊ စကြဝဠာတစ်ခုလုံးကို ထိုးဖောက်နိုင်စွမ်းရှိသော နတ်ဘုရားလှံတစ်စင်းသည် သူ၏လက်ထဲသို့ ရောက်ရှိလာသည်။</p> <p> </p> <p> </p> <p>“မူလလမ်းစဉ် ချုပ်ငြိမ်းခြင်း!”</p> <p> </p> <p>ထို့နောက် ၊  ထိုအမတဧကရာဇ်၏ ခန္ဓာကိုယ်မှ အမတအလင်းများ  ပြင်းထန်စွာ ပေါက်ကွဲထွက်လာခဲ့ပြီး ၊  အချိန် နှင့်အာကာသ အပိုင်းအစများကိုပင် ဖရိုဖရဲဖြစ်သွားစေသည်။</p> <p> </p> <p> သူသည် ထိုနတ်ဘုရားလှံကို ကိုင်ဆောင်ကာ ဖုန်းယွင်လှံခန်းမ၏ ဗဟိုချက်ဆီသို့ အားကုန်လွှဲ၍ ပစ်လွှတ်လိုက်သည်။</p> <p> </p> <p>“မင်းကများ လုပ်ရဲလား”</p> <p> </p> <p>ထျန်းချန်အမတဧကရာဇ်မင်း သည် ဒေါသတကြီး ဟိန်းဟောက်လိုက်သည်။ ထို့နောက် သူ၏ မှော်စွမ်းအားများဖြင့် လှံတစ်စင်းကို ဖန်တီးကာ  တစ်ဖက်လူ၏ တိုက်ခိုက်မှုကို တားဆီးရန် ကြိုးစားလိုက်သည်။</p> <p> </p> <p> </p> <p>ဝုန်း!</p> <p> </p> <p> </p> <p> အမတဧကရာဇ်မင်းများ ဖြစ်ကြသော်လည်း ၊ သို့သော် ၎င်းတို့နှစ်ဦး၏ ခွန်အားကွာခြားချက်မှာ အလွန်ကြီးမားသည်။</p> <p> </p> <p>ထျန်းချန်း အမတဧကရာဇ်မင်းသည် သူ၏ ခွန်အားများကို အလုံးစုံ အသုံးပြုခဲ့သည့်တိုင် ၊ ထိုတိုက်ခိုက်မှုကို မတားဆီးနိုင်ခဲ့ပေ။</p> <p> </p> <p>အဆုံးစွန်ထိ တောက်ပသော အလင်းတန်းတစ်စင်းသည် ကောင်းကင်ယံသို့ ထိုးဖောက်သွားသည်။ ထိုတိုက်ခိုက်မှု တစ်ချက်တည်းဖြင့်ပင် ၊ ထျန်းချန်လမ်းစဉ်ဂိုဏ်းမှ အချိန်အကြာကြီး အားစိုက်ထုတ်ကာ တည်ဆောက်ခဲ့ရသော ဂိုဏ်း၏ အကာအကွယ်ဖွဲ့စည်းပုံမှာ ချက်ချင်းပင် အစိတ်စိတ်အမွှာမွှာ ပျက်စီးသွားခဲ့သည်။</p> <p> </p> <p> </p> <p>ထိုပစ်ခတ်မှုသည် အမတစစ်ပွဲကို အစပျိုးလိုက်ခြင်းပင် ဖြစ်သည်။</p> <p> </p> <p>“သတ်ကြ! အမတနယ်မြေရဲ့ သစ္စာဖောက်တွေကို အကုန်သတ်ပစ်!”</p> <p> </p> <p>နောက်အခိုက်အတန့်တွင် ၊ အာကာသတံခါး‌များထဲမှ ထွက်ပေါ်လာသော ရွှေသံချပ်ကာဝတ် စစ်သည်တော်များစွာသည် လက်နက်များကို ကိုင်ဆောင်ကာ တိုက်ခိုက်ကြလေတော့သည်။</p> <p> </p> <p> အင်အားစုကြီးနှစ်ခုမှ လူများသည်လည်း သူတို့၏ လျှို့ဝှက်ချက်များ ပေါက်ကြားသွားပြီဖြစ်ကြောင်းနှင့် နောက်ဆုံးလမ်းသို့ ရောက်နေပြီ ဖြစ်ကြောင်း သိလိုက်သည်။ မည်သို့ပင်ဖြစ်စေ ၊ သေရတော့မည် ဖြစ်ရာ ရူးသွပ်နေသူများကဲ့သို့ ပြန်လည် တိုက်ခိုက်ခဲ့ကြသည်။</p> <p> </p> <p> </p> <p>ဝုန်း … ဝုန်း——</p> <p> </p> <p>တခဏအတွင်းမှာပင် ၊ အင်အားစုကြီးနှစ်ခု တည်ရှိရာ နယ်မြေတွင် ပြင်းထန်သော ပေါက်ကွဲမှုများ ဆက်တိုက်ဆိုသလို‌ ဖြစ်ပွားလျက်ရှိသည်။</p> <p> </p> <p>ထိုအချိန်မှသာလျှင် ၊ ဘေးမှ ကြည့်ရှုနေကြသော ကျင့်ကြံသူများမှာ သတိပြန်ဝင်လာကြသည်။</p> <p> </p> <p> </p> <p>ပြင်းထန်သော အမျက်ဒေါသများက သူတို့၏ ရင်ထဲတွင် ပွက်ပွက်ဆူလို့ နေလေ၏။</p> <p> </p> <p>အရင်က ထိုအင်အားစုကြီးနှစ်ခုသည် ကွေးယွမ်အမတဂိုဏ်း၏ ဖိနှိပ်ခြင်းကို ခံနေရသည်ဟု ထင်မှတ်ကာ သနားခဲ့မိကြသည်။</p> <p> </p> <p>သို့သော် ယခု အမှန်တရား ပေါ်ပေါက်လာပြီ ဖြစ်ရာ ၊  သူတို့သည် ထိုအင်အားစုကြီး နှစ်ခု၏ လှည့်ဖြားအသုံးချခြင်းကို ခံခဲ့ရမှန်း သိလိုက်ရသည်။</p> <p> </p> <p> </p> <p>“ သေသင့်တဲ့ကောင်တွေ ! ဒီအင်အားစုနှစ်ခုက လတ်စသတ်တော့ ကောင်းကင်လမ်းစဉ်ရဲ့ ခွေးသူတောင်းစားတွေ ဖြစ်နေတာကိုး!”</p> <p> </p> <p>“ယုတ်မာလိုက်တာ!  အမတနယ်မြေရဲ့ ထိပ်တန်း အင်အားစုတွေ ဖြစ်နေပြီးတော့ အပြင်လူနဲ့ ပေါင်းပြီး ငါတို့ကို သစ္စာဖောက်ရဲတယ်….လူတိုင်း ဝိုင်းပြီး ဒင်းတို့ကို သတ်ပစ်သင့်တယ် ၊ ဘယ်တော့မှ လူပြန်မဖြစ်နိုင်အောင် လုပ်ပစ်ကြ!”</p> <p> </p> <p>“မှန်တယ်! ဒါက ကွေးယွမ်အမတဂိုဏ်းရဲ့ ကိုယ်ရေးကိုယ်တာ ကိစ္စတင် မဟုတ်တော့ဘူး… ဒါက ငါတို့ အမတနယ်မြေတစ်ခုလုံးရဲ့ ကိစ္စပဲ! ဒီခွေးသူတောင်းစားနှစ်ကောင် မပျက်စီးရင် ငါတို့  အမတနယ်မြေကြီးတစ်ခုလုံး အန္တရာယ်ရှိလာလိမ့်မယ်!”</p> <p> </p> <p>“ထျန်းဟယ်ဂိုဏ်းက လူတွေ နားထောင်ကြစမ်း! ချက်ချင်း စစ်ချီမယ်…ဒီခွေးနှစ်ကောင်ကို အမြစ်ပြတ်အောင် ချေမှုန်းကြမယ်!”</p> <p> </p> <p>“ဟောက်ယွဲ့ နတ်ဘုရားဂိုဏ်းက လူတွေ နားထောင်ကြ! ငါကိုယ်တော် အမတဧကရာဇ်မင်းနဲ့အတူ သစ္စာဖောက်တွေကို သွားသတ်ကြမယ်!”</p> <p> </p> <p>“………”</p> <p> </p> <p>မည်သူမျှ မျှော်လင့်မထားသော မြင်ကွင်းတစ်ခု ဖြစ်ပေါ်လာခဲ့သည်။</p> <p> </p> <p>မူလက ကွေးယွမ်အမတဂိုဏ်း တစ်ခုတည်းကသာ ဖုန်းယွင်လှံခန်းမ နှင် ထျန်းချန်လမ်းစဉ်ဂိုဏ်းတို့ကို တိုက်ခိုက်နေခြင်း ဖြစ်သော်လည်း၊</p> <p> </p> <p> အမှန်တရား ပေါ်ပေါက်လာပြီးနောက် ၊ အမတနယ်မြေတစ်ခုလုံးရှိ အင်အားစု အများအပြားသည် ထိုသစ္စာဖောက် အင်အားစုနှစ်ခုကို နှိမ်နင်းရာတွင် ပါဝင်လာကြသည်။</p> <p> </p> <p>ကုဋေပေါင်းများစွာသော အမတစစ်တပ်ကြီးသည် အရပ်မျက်နှာအနှံ့မှ ဝိုင်းရံပိတ်ဆို့ကာ ချီတက်လာကြသည်။</p> <p> </p> <p>ထို့အပြင် အင်အားကြီးမားသော အမတဧကရာဇ်မင်း အချို့သည် အချိန်မြစ်ထဲသို့ တိုက်ရိုက် ဆင်းသက်ကာ၊ အချိန်မြစ်ထဲတွင် ဝှက်ထားသော  ထိုအင်အားစုနှစ်ခုမှ အမတဧကရာဇ်များ၏ ခန္ဓာကိုယ်အစစ်ကို သူတို့၏ မှော်အတတ် စွမ်းအားများဖြင့် ရှာဖွေကာ အပြီးတိုင် ဖျက်ဆီးပစ်ရန် ကြိုးစားခဲ့ကြသည်။</p> <p> </p> <p> </p> <p>လက်ရှိတွင် အမတနယ်မြေတစ်ခုလုံး ကြီးကြီးမားမား ဆူပူအုံကြွလျက် ရှိကာ ၊  မရေမတွက်နိုင်သော အင်အားစုများနှင့်  ဂိုဏ်းများသည် မယုံနိုင်လောက်အောင် ထိတ်လန့်တုန်လှုပ်နေကြသည်။</p> <p> </p> <p>ဤမြင်ကွင်းသည် အိပ်မက်တစ်ခုကဲ့သို့ပင် ။</p> <p> </p> <p>အင်အားစုများစွာ လက်တွဲကာ ကွေးယွမ်အမတဂိုဏ်းကို ဖိအားပေးကြလိမ့်မည်ဟု ထင်မှတ်ထားခဲ့သော်လည်း၊ အခြေအနေမှာ လုံးဝ ပြောင်းပြန် ဖြစ်သွားခဲ့သည်။</p> <p> </p> <p> ဖုန်းယွင်လှံခန်းမ နှင့် ထျန်းချန်လမ်းစဉ်ဂိုဏ်းတို့သည်  ကောင်းကင်လမ်းစဉ်၏ လက်အောက်ခံ ခွေးများ ဖြစ်နေခဲ့သောကြောင့် လက်ရှိတွင် အမတနယ်မြေတစ်ခုလုံး၏ ဝိုင်းရံနှိမ်နင်းခြင်းကို ခံနေရသည်။</p> <p> </p> <p>အမတဧကရာဇ်မင်း အများအပြား တစ်ပြိုင်နက်တည်း ဆင်းသက်လာကြပြီး၊ ၎င်းတို့၏ ကမ္ဘာလောကကို ဖျက်ဆီးပစ်နိုင်သော တန်ခိုးစွမ်းအားများကြောင့် အမတနယ်မြေတစ်ခုလုံး တုန်ခါလျက် ရှိသည်။</p> <p> </p> <p>၎င်းတို့၏အရေအတွက်မှာ ယခင်က အင်အားစုကြီးလေးဖွဲ့ လက်တွဲ၍ တားမြစ်ကုန်းပြင်မြင့်ကို တိုက်ခိုက်စဉ်ကထက်ပင် ပို၍ များပြားနေသေးသည်။</p> <p> </p> <p>ဤအခိုက်အတန့်တွင်၊  အမတနယ်မြေ၏ အခြေအနေမှာ လုံးဝ ပြောင်းလဲသွားရုံသာမက၊ အလွန်အမင်း ဖရိုဖရဲ ဖြစ်လို့နေလေ၏။</p> <p> </p> <p style="text-align: center;">***</p> <p> </p>


Save