Book List

<h2 style="text-align: center;">အခန်း (၁၂၅)</h2> <h2 style="text-align: center;">စစ်မြေပြင်သို့ ရောက်ရှိလာခြင်း</h2> <h2 style="text-align: center;">*</h2> <p> </p> <p style="text-align:justify">“သားရဲတွေရဲ့ အဆင့်က မမြင့်ပါဘူး...”</p> <p style="text-align:justify">“အများစုက အဆင့်D နဲ့ အဲဒီအောက်မှာပဲ ရှိကြတယ်...” </p> <p style="text-align:justify">“ဒါပေမဲ့ သူတို့ရဲ့ အရေအတွက်ကတော့ တကယ့်ကို ထိတ်လန့်စရာ ကောင်းလွန်းလှတယ်... အခြေစိုက်မြို့တော် တစ်ခုစီရဲ့ ပတ်ပတ်လည်မှာ သားရဲ သိန်းပေါင်းများစွာ စုရုံးနေကြတာ...”</p> <p style="text-align:justify">“လူသားတွေဆီမှာ အဲဒီလောက်များတဲ့ စစ်သည်တော် အရေအတွက် မရှိဘူးလေ... အဆင့်F စစ်သည်တော်တွေ အများကြီး ရှိပေမဲ့လည်း ဒီလောက်ကြီးမားတဲ့ သားရဲလှိုင်းလုံးကြီးကို ရင်ဆိုင်ဖို့ သူတို့က လုံးဝ အင်အားမရှိကြဘူး...”</p> <p style="text-align:justify">“အဆင့်E နဲ့ အထက် စစ်သည်တော်တွေကသာ ထိရောက်တဲ့ ခုခံကာကွယ်မှုမျိုး လုပ်နိုင်မှာ...”</p> <p style="text-align:justify">လီချန်က ဖြည်းညင်းစွာ စကားစလိုက်သည်။ သူ၏ အသံက ပုံမှန်ထက်ပို၍ လေးနက်နေသည်။</p> <p style="text-align:justify">"အဆင့်C ဆဋ္ဌမအလွှာအောက် စစ်သည်တော်တွေ အားလုံး... ကိုယ့်နေရာကိုယ်ယူပြီး ချက်ချင်း စတင်လှုပ်ရှားကြ"</p> <p style="text-align:justify">သူ၏ အမိန့်များက အခြေစိုက်မြို့တော် တိုင်းဆီသို့ ပျံ့နှံ့သွားသည်။</p> <p style="text-align:justify">အဆင့်C ဆဋ္ဌမအလွှာအောက် စစ်သည်တော်များ။</p> <p style="text-align:justify">အဆင့်D စစ်သည်တော်ပဲဖြစ်ဖြစ်၊ အဆင့်E ကျွမ်းကျင်သူပဲဖြစ်ဖြစ်... ပြင်ဆင်မှုတွေနဲ့ နေရာချထားမှုတွေ စတင်နေပြီဖြစ်သည်။  ခံတပ်ကြီးတစ်ခုလုံးရဲ့ ကာကွယ်ရေး ယန္တရားတွေ အားလုံးကို ဖွင့်လှစ်လိုက်သည်။ လေဆာအမြောက်ကြီးတွေနဲ့ နျူကလီးယားစွမ်းအင်သုံး အမြောက်တွေကို အသက်သွင်းလိုက်သည်။ ပိုမြင့်တဲ့ အဆင့်က စစ်သည်တော်တွေ ဘာလို့ တိုက်ပွဲထဲ မဝင်သေးတာလဲဆိုရင် အကြောင်းပြချက်က ရိုးရှင်းပါတယ်။ သူတို့က အင်အားတွေကို ချွေတာထားဖို့ လိုအပ်လို့ပင်။ </p> <p style="text-align:justify">“ဒါက သားရဲလှိုင်းလုံးရဲ့ ပထမလှိုင်းပဲ ရှိသေးတာလေ... နောက်ထပ် လှိုင်းဘယ်နှစ်ခု လာဦးမလဲဆိုတာ ဘယ်သူမှ မသိနိုင်ဘူး... အဆင့်B ကျွမ်းကျင်သူတွေတောင် နောက်ဆုံးမှာ ဝင်ရောက် စွက်ဖက်ရနိုင်ခြေ ရှိတယ်...”</p> <p style="text-align:justify">တစ်ချိန်တည်းမှာပင် လီချန်က အဆင့်C ဆဋ္ဌမအလွှာအထက် ကျွမ်းကျင်သူများကို သူတို့နှင့် သက်ဆိုင်ရာ သားရဲလှိုင်းလုံးများကို ဦးဆောင်နေသည့် ခေါင်းဆောင်တွေကို ရှာဖွေဖို့ အမိန့်ပေးလိုက်သည်။</p> <p style="text-align:justify">“အဲဒီခေါင်းဆောင်ကို အနိုင်ယူနိုင်မှသာ... သားရဲလှိုင်းလုံးကြီးရဲ့ တိုက်ခိုက်မှုကို ရပ်တန့်နိုင်မှာ...”</p> <p style="text-align:justify">မကြာမီတွင် ကြီးမားတဲ့ တိုက်ပွဲကြီးတွေ တစ်ခုပြီးတစ်ခု ဖြစ်ပွားလာတော့သည်။ စစ်သည်တော်တွေက သားရဲတွေနဲ့ အပြင်းအထန် တိုက်ခိုက်နေကြသည်။ ရက်စက်ကြမ်းကြုတ်တဲ့ ပေါက်ကွဲမှုတွေကို လုပ်ဆောင်ဖို့ တိုက်လေယာဉ်တွေနဲ့ ဒရုန်းတွေက ကောင်းကင်ယံမှာ ဝဲပျံနေကြသည်။ သူတို့က ကြမ်းကြုတ်တဲ့ သားရဲငှက်ကြီးတွေကို တစ်ကောင်ပြီးတစ်ကောင် ကြားဖြတ်တိုက်ခိုက်နေကြသည်။ အရပ်သားတွေကတော့ အမိုးအကာ အမျိုးမျိုးအောက်မှာ ပြည့်ကျပ်နေကြသည်။</p> <p style="text-align:justify">A1 အခြေစိုက်မြို့တော်ရဲ့ မြေအောက်ခံတပ်ထဲမှာ စစ်သားမဟုတ်တဲ့ သူတွေ အားလုံး ဒီမှာ လာပုန်းနေကြသည်။ လော့နျန်ဝေ နဲ့ သူမရဲ့ မိသားစုလည်း အဲဒီမှာ ရှိနေသည်။ လူတိုင်းက ပရိုဂျက်တာ စခရင်ပေါ်ကနေ ထုတ်လွှင့်ပြသနေတဲ့ တိုက်ပွဲ မြင်ကွင်းကို အသက်ရှူမှားမတတ် စောင့်ကြည့်နေကြသည်။ လော့နျန်ယင်းက ကြောက်ရွံ့တုန်လှုပ်စွာဖြင့် မေးလိုက်သည်။ </p> <p style="text-align:justify">"အစ်ကိုလုက ဘယ်မှာလဲဟင်"</p> <p style="text-align:justify">လော့နျန်ဝေရဲ့ ရင်ခုန်သံတွေ ရုတ်တရက် မြန်ဆန်လာသည်။ “လုချန်က မဟာမိတ်အဖွဲ့ ဌာနချုပ် အဆောက်အအုံကို သွားခဲ့တာ... အခုထိ ပြန်မလာသေးဘူး...”</p> <p style="text-align:justify">ဆုန့်ယွဲက ငိုတော့မလိုပင် ဖြစ်နေသည်။ လုယွမ်က သူမရဲ့ ပခုံးကို ညင်သာစွာ ဖက်ထားလိုက်သည်။ </p> <p style="text-align:justify">"မစိုးရိမ်ပါနဲ့... ငါတို့သားက အရမ်းထက်မြက်ပါတယ်... သူ ဘာလုပ်ရမလဲဆိုတာ ကောင်းကောင်း သိမှာပါ"</p> <p style="text-align:justify">တစ်ချိန်တည်းမှာပင် လုဟုန်တောက် နဲ့ တခြား အဆင့်B စစ်သည်တော်တွေက အရေးကြီးတဲ့ နေရာတွေမှာ အသင့်နေရာယူထားပြီးဖြစ်သည်။ အခြေအနေက ရှုပ်ထွေးနေသည်။ စစ်သားတွေက သူတို့ဆီမှာ ရှိသမျှ နည်းလမ်းပေါင်းစုံကို သုံးပြီး တိုက်ခိုက်နေကြတယ်။ ချိုက်ကျိကွမ်လည်း အဲဒီမှာ ရှိနေသည်။ သူက တခြားနေရာမှာ ကိစ္စလေးတွေနဲ့ အလုပ်ရှုပ်နေခဲ့သည်။ A1 အခြေစိုက်မြို့တော်ကို ရောက်ရောက်ချင်း သားရဲလှိုင်းလုံးကြီး ပေါက်ကွဲထွက်လာတော့သည်။</p> <p style="text-align:justify">သူက ကံဆိုးတာလည်း ဖြစ်နိုင်ပါသည်။ အဆင့်C စွမ်းအားရှင်တွေက အဆင့်D နဲ့ အဲဒီအောက် သားရဲတွေကို သတ်ဖြတ်တဲ့နေရာမှာ အရမ်းကို ထိရောက်မြန်ဆန်လှသည်။ သူတို့ရဲ့ တိုက်ကွက် တစ်ကွက်စီတိုင်းက သားရဲ ဒါဇင်ပေါင်းများစွာကို တစ်ပြိုင်နက်တည်း သုတ်သင်ပစ်နိုင်စွမ်း ရှိသည်။ </p> <p style="text-align:justify">သို့သော် သားရဲတွေရဲ့ အရေအတွက်က လျော့ကျသွားတယ်လို့ကို မရှိပေ။ သူတို့ရဲ့ ရုပ်ပိုင်းဆိုင်ရာ ခွန်အားနဲ့ စွမ်းအင်တွေကသာ အဆက်မပြတ် ကုန်ခမ်းလာနေသည်။ ခံတပ်ကြီးပေါ်တွင် လီချန်က သက်ပြင်းရှည်ကြီးတစ်ခု ချလိုက်သည်။</p> <p style="text-align:justify">“ဒီအခြေအနေတိုင်းသာ ဆက်သွားနေရင်... ဒီအဆင့်မြင့် အရာရှိကြီးတွေ ကိုယ်တိုင် ဝင်ပါမှ ရတော့မယ်...”</p> <p style="text-align:justify">“သားရဲတပ်ကြီးက အဆုံးအစမရှိတဲ့ ဒီရေလှိုင်းလုံးကြီးလို တရကြမ်း ဝင်ရောက်လာနေတယ်...” </p> <p style="text-align:justify">“အစိုးရိမ်ရဆုံးကတော့... သူတို့က ဒီသားရဲတွေရဲ့ ခေါင်းဆောင်ကို ခုထိ ရှာမတွေ့သေးတာပဲ...”</p> <p style="text-align:justify">လီချန်က အေးစက်စွာဖြင့် တွေးလိုက်သည်။</p> <p style="text-align:justify">“အဲဒါက ဒီလိုလုပ်လိုက်တာလား...”</p> <p style="text-align:justify">“သူက ဘာလုပ်ချင်နေတာလဲ။ နောက်ထပ် စစ်ပွဲတစ်ခုကို စတင်ချင်နေတာလား... အဲဒီအဆင့်ကို ဖောက်ထွက်နိုင်ဖို့ သူ အခု လုံလောက်တဲ့ ယုံကြည်မှု ရှိနေပြီလား...”</p> <p style="text-align:justify">သုံးနာရီ ကုန်လွန်သွားသည်။ လျှို့ဝှက်နယ်မြေထဲတွင် အလင်း၇က စမ်းသပ်မှု မျှော်စင်ထဲမှာ ဖြစ်ပျက်နေတဲ့ မြင်ကွင်းတွေကို ပြူးကျယ်နေတဲ့ မျက်လုံးကြီးတွေနဲ့ စိုက်ကြည့်နေသည်။</p> <p style="text-align:justify">"အဲဒီမှာ ဘာတွေများ ဖြစ်နေတာလဲ... တစ်ယောက်ယောက်ကများ ဒီစမ်းသပ်မှု မျှော်စင်ရဲ့ သတ်မှတ်ချက်တွေကို ဝင်ကလိထားတာလား... ဘာလို့ အဲဒီသားရဲတွေက ဒီကောင်လေးရှေ့မှာ အကူအညီမဲ့နေတဲ့ ကြက်ပေါက်လေးတွေလို ဖြစ်နေရတာလဲ"</p> <p style="text-align:justify">ယခုအချိန်တွင် လုချန်က သတ္တမထပ်သို့ ရောက်ရှိနေပြီဖြစ်သည်။ သူက တိုက်ပွဲကို သိသာစွာ နှစ်သက်နေပုံရသည်။ သူက သားရဲတွေကို သူ့ရဲ့ မှော်အတတ်တွေနဲ့ ချက်ချင်း ဖိနှိပ်မပစ်ခဲ့ပေ။ ယင်းအစား သူရဲ့ ကိုယ်ပိုင် အရှိန်အဟုန်နဲ့ပဲ တိုက်ခိုက်ဖို့ ရွေးချယ်ခဲ့သည်။ ဒီတိုက်ပွဲရဲ့ အသေးစိတ် အချက်အလက်တွေကို သူ စူးစမ်းချင်နေသည်။ သူတို့က ဂြိုဟ်ပေါ်က သားရဲတွေနဲ့ ဘယ်လို ကွာခြားသလဲ ဆိုတာကို သိချင်နေသည်။</p> <p style="text-align:justify">သူ၏ သက်တောင့်သက်သာဖြစ်နေသော မျက်နှာအမူအရာက အလင်း-၇ ကို လုံးဝ ဇဝေဇဝါ ဖြစ်သွားစေသည်။ ထိုသားရဲတွေက ကမ္ဘာဂြိုဟ်ပေါ်က တစ်ပိုင်းတစ်စ ပြီးပြတ်ထားတဲ့ သားရဲတွေနဲ့ မတူပေ။ သူတို့က စကြာဝဠာရဲ့ ထိပ်သီး သားရဲဘုရင်တွေပင်။ ယှဉ်ပြိုင်နိုင်စွမ်းမရှိတဲ့ အကြေးခွံတွေ၊ အဆုံးအစမရှိတဲ့ ဓာတ်သဘာဝ အကျိတ်တွေနဲ့ ဓာတ်သဘာဝ လက်နက်တွေလို ထက်မြက်တဲ့ လက်သည်းတွေကို ပိုင်ဆိုင်ထားသည်။ လှုပ်ရှားမှုတိုင်းက သေစေနိုင်တဲ့ ခြိမ်းခြောက်မှုတွေ ပါဝင်နေသည်။ သဘာဝ စူပါလက်နက်ကြီး တစ်ခုလိုပင်။အလင်း၇က သူ့ရဲ့ Ai တံတွေးတွေကို အားလုံး မြိုချလိုက်ရသလို ခံစားလိုက်ရသည်။</p> <p style="text-align:justify">“ကျိန်ဆဲချင်စရာပဲ... ဒီကောင်လေးက သားရဲတစ်ကောင်ပဲ” </p> <p style="text-align:justify">“ဒီရှေးဟောင်းဂြိုဟ်ပေါ်မှာ ဒီလိုလူသားမျိုး ဘယ်လိုလုပ် မွေးဖွားလာနိုင်တာလဲ”</p> <p style="text-align:justify">တစ်ချိန်တည်းမှာပင် လုချန်က သူ၏ စိတ်စွမ်းအား တစ်စိတ်တစ်ပိုင်းကို သူ၏ ကိုယ်ပွားထဲသို့ ခွဲထုတ်လိုက်သည်။ နှုတ်ခမ်းဖျားမှ သက်ပြင်းတစ်ချက် ထွက်ကျလာသည်။ သူ ဝင်ပါမှ ရတော့မယ့်ပုံပင်။ အပြင်ဘက်က အခြေအနေက အရမ်းကို ပြင်းထန်နေသည်။ </p> <p style="text-align:justify">လုချန်ရဲ့ ကိုယ်ပွား တစ်ခုစီတိုင်းမှာ ခန့်မှန်းခြေအားဖြင့် အခြေခံစွမ်းအား တန်ချိန် သန်း ၉၀ လောက် ရှိသည်။ ပုံမှန် အဆင့်B တတိယအလွှာ စစ်သည်တော် တစ်ယောက်နဲ့ ညီမျှသည်။ သူက ကိုယ်ပွား ကိုးခု ဖန်တီးခဲ့သည်။ နျန်ဝေ မိဘတွေရဲ့ အနားမှာ တစ်ခု၊ A-1 အခြေစိုက်မြို့တော်မှာ တစ်ခု၊ တခြား အဆင့်-A အခြေစိုက်မြို့တော်တွေမှာ တစ်ခုစီပင်။</p> <p style="text-align:justify">နောက်ထပ် နှစ်နာရီ ကုန်လွန်သွားပြန်သည်။ သားရဲလှိုင်းလုံးကြီးက အရှိန်လျော့သွားမယ့် အရိပ်အယောင် လုံးဝ မပြသေးပေ။ အဆင့်C ဆဋ္ဌမအလွှာနဲ့ အထက် စစ်သည်တော်တွေ အားလုံး စစ်မြေပြင်ထဲ ဝင်ရောက်သွားကြသည်။  အဆင့်မြင့် အစောင့်တွေတောင် ချွေးသံတရွဲရွဲ ဖြစ်လာကြသည်။ ရှောင်ဝမ်လုံရဲ့ မျက်နှာအမူအရာကလည်း ပုံမှန်ထက်ပိုပြီး လေးနက်တည်ကြည်နေသည်။ </p> <p style="text-align:justify">“လူသားတွေရဲ့ ကာကွယ်ရေးစနစ်က တကယ်ပဲ ဒီလောက်တောင် ထိခိုက်လွယ်နေတာလား။”</p> <p style="text-align:justify">“ဒါတွေက အဆင့်နိမ့် သားရဲတွေပဲ ရှိသေးတာလေ...”</p> <p style="text-align:justify">လီချန်က အဆင့်B စစ်သည်တော်တွေကို တိုက်ပွဲထဲ ချက်ချင်း ဝင်ရောက်ဖို့ အမိန့်ပေးတော့မည့် ဆဲဆဲအချိန်လေးမှာပင် မျက်စိကျိန်းမတတ် တောက်ပသော အလင်းတန်းတစ်ခုက ကောင်းကင်ယံကို ဖြတ်သန်းသွားသည်။ ချက်ချင်းပင် ပုံရိပ်တစ်ခုက စစ်မြေပြင်ပေါ်သို့ ဆင်းသက်လာသည်။ သူက ခေါင်းအစ ခြေအဆုံး တောက်ပနေသော ဓာတ်သဘာဝ ကိုယ်ရံချပ်ဝတ်ကြီးကို ဝတ်ဆင်ထားသည်။ ကောင်းကင်ဘုံမှ ဆင်းသက်လာသော စစ်နတ်ဘုရား တစ်ပါးနှင့် အလားသဏ္ဌာန်တူပေသည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save