Book List

<h2 style="text-align: center;">Chapter 859</h2> <h2 style="text-align: center;">ရှေ့တန်း ၆</h2> <h2 style="text-align: center;">*</h2> <p> </p> <p> </p> <p> </p> <p> </p> <p>“ဘာသတင်းလဲ”</p> <p> </p> <p>“ထိုးဖောက်စီမံကိန်းရဲ့ စမ်းသပ်စစ်ဆေးရေး ကိရိယာကတစ်ဆင့် အမှောင်ကျူးကျော်မှု စွမ်းအင်တွေကို စုပ်ယူနေတဲ့ အမှောင်စားသုံးဆဲလ်တွေရဲ့ စွမ်းအင်ဆိုင်ရာ အချက်အလက်တွေကို ယဉ်ကျေးမှုရှေ့ဆောင်သင်္ဘောက ရယူနိုင်ခဲ့ပြီ။ အကယ်၍ အမှောင်ကျူးကျော်မှုရဲ့ ပုန်းကွယ်နေတဲ့ စွမ်းအင်တွေကို အမှောင်သတ္တဝါတွေ လုပ်သလိုမျိုး အသွင်ပြောင်းပြီး စစ်ထုတ်နိုင်မယ်ဆိုရင် ရေကို ၁၀၀ ရာခိုင်နှုန်း သန့်စင်နိုင်လိမ့်မယ်။ ဒါတင်မကဘူး တုံးရှီစက်ကိရိယာကို သုံးပြီး ဒီစွမ်းအင်မိုက်ခရိုဝေ့ဖ်ကို လှုံ့ဆော်နိုင်ရင် လူသားတွေကို အမှောင်ကျူးကျော်မှုကနေ လုံးဝကာကွယ်ပေးနိုင်ပြီး သန္ဓေပြောင်းလဲမှု ကပ်ဘေးကိုလည်း ဖြေရှင်းနိုင်လိမ့်မယ်”</p> <p> </p> <p>၎င်းကိုကြားလိုက်ရချိန်တွင် လင်းရှန်၏ မျက်လုံးများ ပြောင်းလဲသွားသည်။ ဤသည်မှာ သူ၏ ထူးဆန်းသောကုဗတုံးနှင့် အတိအကျတူနေသည်မဟုတ်ပါလား။ ရေထဲက အမှောင်ကျူးကျော်မှုများကိုတောင် စစ်ထုတ်နိုင်သည်ဟုဆိုရာ ပိုတောင် အစွမ်းထက်နေသေးသည်။</p> <p> </p> <p>“အိုး... ဗိုလ်ချုပ်ကြီးချူက တကယ်ကို ကြီးကြီးမားမား အကျိုးဆောင်ခဲ့တာပဲ”</p> <p> </p> <p>ထိုအချိန်တွင် ချူယန်က လင်းရှန်ကို တည်ငြိမ်စွာ ပြောလိုက်သည်။</p> <p> </p> <p>“ရှေ့ပြေးယာဉ်တန်း အမှောင်စွမ်းအင် မုန်တိုင်းနဲ့ ကြုံရချိန်မှာ ယဉ်ကျေးမှုရှေ့ဆောင်သင်္ဘောဟာ တကယ်တော့ မုန်တိုင်းထဲကနေ ထွက်ခွာနိုင်တဲ့ တစ်စင်းတည်းသော သင်္ဘောပဲ။ ဒါပေမဲ့ ယဉ်ကျေးမှုရှေ့ဆောင်သင်္ဘောပေါ်မှာ ကြီးမားတဲ့ သန္ဓေပြောင်းလဲမှုတွေ ဖြစ်ပွားခဲ့တာကြောင့် ချူကျင်းက နောက်ဆုံးမှာ ကျန်ရှိနေတဲ့ ရိက္ခာတွန်းကန်သင်္ဘောနှစ်စင်းကို လွှတ်တင်ဖို့ ဆုံးဖြတ်ခဲ့တယ်။ ဒါက  Natural Selection သင်္ဘောနဲ့ Deep Blue သင်္ဘောတို့ကို အမှောင်စွမ်းအင်မုန်တိုင်းဇုန်ထဲကနေ တွန်းထုတ်ပေးဖို့ပဲ၊၊ ပြီးတော့ ယဉ်ကျေးမှုရှေ့ဆောင်သင်္ဘောကတော့ နောက်ကြောင်းပြန်လှည့်ဖို့ ပြင်ဆင်ခဲ့တယ်...”</p> <p> </p> <p>“သူက အချက်အလက်တွေကို အာရုဏ်ဦးမြို့တော်ဆီ ပြန်ပို့ချင်လို့လား”</p> <p>လင်းရှန်က အံ့အားသင့်စွာ မေးလိုက်သည်။</p> <p> </p> <p>ချူယန်က ခေါင်းညိတ်ပြသည်။</p> <p> </p> <p>“သူက လူသားမျိုးနွယ်အတွက် ရှင်သန်ခြင်းမျှော်လင့်ချက်တစ်ခု ချန်ထားပေးချင်ခဲ့တာပဲ”</p> <p> </p> <p>“သူက လူသားမျိုးနွယ်ကို အဆုံးရှုံးမခံချင်ခဲ့ဘူး”</p> <p> </p> <p>ထို့နောက် ချူယန်က ဂျူးလိယပ်စ်၏ အသိစိတ်ကို ကျူးကျော်ဝင်ရောက်ပြီးနောက် ထိုးဖောက်စီမံကိန်း၏ ဦးဆောင်သင်္ဘောအနေဖြင့် မမြင်ရသော ကောင်းကင်အကာကွယ်ကို မည်သို့ ဖောက်ထွက်ခဲ့သည်ကို လင်းရှန်အား ပြန်လည်ပြောပြနေသည်။ ချူယန်၏ ဖော်ပြချက်အရ လင်းရှန်သည် ထိုမော်ကွန်းဝင် မြင်ကွင်းကို ကိုယ်တိုင်မြင်တွေ့နေရသကဲ့သို့ ခံစားလိုက်ရသည်။ လူပေါင်းသောင်းနှင့်ချီ၊ အေးခဲထားသော လူသားသန္ဓေလောင်းများနှင့် ယဉ်ကျေးမှု သိုလှောင်ရုံများကို တင်ဆောင်လာသည့် ကမ္ဘာပျက်ကပ် ကြယ်သင်္ဘော ခုနစ်စင်းသည် ကပ်ဘေးသင့်နေသော ကောင်းကင်အကာကွယ်ဆီသို့ အရှိန်အပြည့်ဖြင့် ပြေးဝင်ခဲ့ကြသည်။ အမှောင်စွမ်းအင် မုန်တိုင်းနှင့် ကြုံတွေ့ရသည့် မိနစ် ၃၀ အတွင်း ကပ္ပတိန် ခုနစ်ဦးစလုံးသည် လွတ်မြောက်ရန် တိုက်ပွဲဝင်ခဲ့ကြသည်။</p> <p> </p> <p>၎င်းမှာ နှိုင်းယှဉ်စရာမရှိသော ဝမ်းနည်းဖွယ်မြင်ကွင်းဖြစ်သော်လည်း ပြတ်သားသော ဆုံးဖြတ်ချက်များဖြင့် ပြည့်နှက်နေသည်။ ရေတွက်မရနိုင်သော လူငယ်ဘဝများစွာသည် အေးစက်လှသော အာကာသဟင်းလင်းပြင်ထဲတွင် ပျောက်ကွယ်သွားခဲ့ကြသည်။ ရှင်သန်ရေးမူကို အခြေခံထားသည့်ကြားမှ ချူကျင်းသည် Natural Selection နှင့်  Deep Blue သင်္ဘောတို့ကို လွတ်မြောက်ရန် ရိက္ခာတွန်းကန်သင်္ဘောများကို လွှတ်တင်ဖို့ မည်သို့ ခက်ခဲစွာဆုံးဖြတ်ခဲ့သည်ကို လင်းရှန် စဉ်းစား၍ပင် မရနိုင်ပေ။ ထိုဆုံးဖြတ်ချက်မှာ ယဉ်ကျေးမှုရှေ့ဆောင်သင်္ဘောကို သင်္ဘောအားလုံး၏ ရှေ့ဆုံးကနေ ဦးဆောင်ခဲ့စဉ်ကကဲ့သို့ပင် ပြတ်သားမှုနှင့် ရဲစွမ်းသတ္တိများ ပြည့်နှက်နေမည်မှာ သေချာနေသည်။</p> <p> </p> <p>လင်းရှန်သည် အဝေးမှ ကြယ်တာရာကောင်းကင်ကို ကြည့်လိုက်သည်။ လူသားတို့၏ နည်းပညာယဉ်ကျေးမှု ဂုဏ်ရောင်ကို ဖော်ဆောင်နေသည့် ဧရာမ ပျက်စီးနေသော မိုးကုတ်စက်ဝိုင်းလွန်အဆင့် ကြယ်သင်္ဘောကြီးမှာ ဟင်းလင်းပြင်ထဲတွင် သင်္ဘောဦးပိုင်းကို မြင့်မားစွာ မြှင့်တင်လျက် တိတ်ဆိတ်စွာ လွင့်မျောနေသည်။</p> <p> </p> <p>တောက်ပနေသော အောင်လံကြီးတစ်ခုကဲ့သို့ပင်။</p> <p>….</p> <p> </p> <p>ဂျိမ်း ဂျိမ်း။</p> <p> </p> <p>အာရုဏ်ဦးမြို့တော်၏ ကြည်လင်နေသော ကောင်းကင်ယံသည် ကြာရှည်မခံလိုက်ပေ၊၊ မွန်းတည့်ချိန် ကျော်လွန်ပြီးနောက် များမကြာမီမှာပင် ကောင်းကင်တစ်ခုလုံး တိမ်မည်းများ ဖုံးလွှမ်းလာပြီး မိုးဖွဲများ ရွာချလာရာ လေထုမှာလည်း အေးစိမ့်လာသည်၊၊</p> <p> </p> <p>မြို့၏ အရှေ့ဘက်နှင့် မြောက်ဘက်သို့ ဦးတည်ထားသော အဓိကလမ်းမကြီးများပေါ်တွင် အသက်ရှင်ကျန်ရစ်သူများကို တင်ဆောင်ထားသည့် ယာဉ်တန်းကြီးများမှာ ဖုန်တလုံးလုံးဖြင့် မောင်းနှင်ထွက်ခွာသွားကြပြီး လမ်းပေါ်ရှိ အမှိုက်သရိုက်များနှင့် အကျိုးအပဲ့များမှာ မိုးရေထဲတွင် စိုရွှဲနေသည်၊၊ လမ်းကြားများတွင် ကပ်ထားသော တစ်ချိန်က စည်ကားမှုကို ဖော်ဆောင်သည့် ပိုစတာဟောင်းများပေါ်ကို မိုးရေစက်ကျသံများ ထွက်ပေါ်နေသည်၊၊ နေရာအနှံ့တွင် ထူးဆန်းသည့် သန္ဓေပြောင်းမွန်းစတားများ၏ ပုပ်ပွနေသော အလောင်းကောင်များကို မြင်တွေ့နိုင်ပြီး အစောင့်တပ်နှင့် သံမဏိအစောင့်တပ်ဖွဲ့များက မြေထိုးစက်များနှင့် ဆောက်လုပ်ရေးသုံးမီကာများကို အသုံးပြုကာ အဓိကလမ်းမကြီးများကို ရှင်းလင်းနေကြသည်၊၊</p> <p> </p> <p>လူနေရပ်ကွက်များနှင့် စခန်းချရာ နေရာများတွင်မူ မြို့ပြောင်းရွှေ့ခွင့်မရသည့် အသက်ရှင်ကျန်ရစ်သူများက ခေါင်မိုးများပေါ်နှင့် ပြတင်းပေါက်များ နောက်ကွယ်မှနေ၍ ထွက်ခွာသွားသော ယာဉ်တန်းများကို စိုးရိမ်ပူပန်သော မျက်ဝန်းများဖြင့် ကြည့်ရှုနေကြသည်၊၊ အကယ်၍ ဖီးနစ်၏ ကြေညာချက်နှင့် အစောင့်တပ်တို့၏ မြို့တော်ကာကွယ်ရေး အားထုတ်မှုများသာမရှိပါက ကမ္ဘာပျက်တော့မည့်အလား စိုးရိမ်ထိတ်လန့်မှုများမှာ တစ်မြို့လုံး ပျံ့နှံ့နေလောက်ပြီ ဖြစ်သည်၊၊</p> <p> </p> <p>မူလက လူဦးရေ ခုနစ်သန်းနီးပါး ရှိခဲ့သော မြို့တော်မှာ နှစ်ရက်အတွင်း လူဦးရေ ထက်ဝက်ခန့် လျော့နည်းသွားခဲ့သည်၊၊ ယခုအခါ ကျန်ရှိနေသူအများစုမှာ မြို့ပြင်ရပ်ကွက်များမှ ဆင်းရဲသားများနှင့် အင်အားနည်းသူများအပြင် အသေးစားနှင့် အလတ်စားယာဉ်တန်းများသာ ဖြစ်ကြသည်၊၊</p> <p> </p> <p>သူတို့တွင် အင်အားကြီးမားသော လက်နက်များ မရှိသလို ထွက်ပြေးရန် သတ္တိလည်း ကုန်ဆုံးနေပြီ ဖြစ်သည်၊၊ ယခုအချိန်တွင် သူတို့သည် အာရုဏ်ဦးမြို့တော်၏ မြို့ရိုးနှစ်ခုကိုသာ ယုံကြည်ကိုးစားနေကြရပြီး အသက်ရှင်ကျန်ရစ်သူ အများအပြားသည်လည်း သံမဏိအစောင့်တပ်ရင်းနှင့် အစောင့်တပ်တို့ကို ကူညီကာ မြို့သန့်ရှင်းရေးတွင် ပါဝင်လာကြသည်၊၊</p> <p> </p> <p>မြို့တွင်းရပ်ကွက်၏ ကောင်းကင်ယံတွင် ဖီးနစ်၏ ကောင်းကင်ငြိမ်သက်ခြင်းသင်္ဘောနှင့် သံမဏိအစောင့်တပ်ရင်း၏ လေယာဉ်အုပ်စုမှာ မြို့တွင်းကြယ်ဆိပ်ကမ်းပေါ်တွင် ငြိမ်သက်စွာ ပျံဝဲနေသည်၊၊ ယင်းမှာ မြို့တော်အား ဖီးနစ်က ထိန်းချုပ်ထားပြီး အခြေခံအစီအစဉ်များ ပြန်လည်စနစ်တကျ ရှိနေပြီဖြစ်ကြောင်း ဖော်ပြနေခြင်းပင်၊၊</p> <p> </p> <p>အစည်းအဝေးခန်းမကြီးအတွင်း၌ လင်းရှန်သည် ပြတင်းပေါက်နားတွင် ထိုင်ရင်း မိုးဖွဲများအောက်ရှိ အာရုဏ်ဦးမြို့တော်နှင့် အမှတ် (၁) မြို့ရိုးကြီးကို စကားတစ်ခွန်းမှ မပြောဘဲ ငေးကြည့်နေသည်၊၊</p> <p> </p> <p>အစည်းအဝေးခန်းမအတွင်း အရေးပေါ် အစည်းအဝေးတစ်ခု ကျင်းပနေပြီး ဖီးနစ်မှ ယဲ့လန်၊ မြောက်အမေရိက ပူးပေါင်းတပ်ဦးမှ ရှုကျန်းယွီ၊ သံမဏိအစောင့်တပ်ရင်းမှ တပ်မှူး ဟွာကျန်း၊ အစောင့်တပ်မှ တပ်မှူး လုထျန်းယဲ့၊ ညလမ်းလျှောက်သူအဖွဲ့အစည်းမှ ခေါင်းဆောင် ချီနိုနှင့် ဖက်ဒရေးရှင်းကောင်စီအမတ်ဟောင်း ရှုယန်တို့ တက်ရောက်နေကြသည်၊၊ အလင်းတမန်ဌာနမှ ဝန်ကြီး လော့မင်နှင့် ဖီးနစ်မှ အဆင့်မြင့်အရာရှိများလည်း ရှိနေကြသည်၊၊ လေထုမှာ လေးလံထိုင်းမှိုင်းနေပြီး လင်းရှန်နှင့် ချူယန်တို့ထံမှ ပြန်လည်ရောက်ရှိလာသည့် သတင်းမှာ လူတိုင်း၏ နှလုံးသားကို လေးလံသော တူဖြင့် ထုနှက်လိုက်သကဲ့သို့ ဖြစ်နေသည်၊၊</p> <p> </p> <p>“အစီရင်ခံစာအရ ဒီနေ့ နံနက် ၁၁ နာရီ ၂၆ မိနစ်မှာ ယွမ်လန်ဘက်က မုန်တိုင်းအတွင်း အလွန်ကြီးမားတဲ့ မိုးပျံသတ္တဝါတစ်ကောင်ကို တွေ့ရှိခဲ့ပါတယ်၊၊ အဲဒီသတ္တဝါဟာ နေ့ဘက်မှာ မြို့ကို စတင်တိုက်ခိုက်ခဲ့ပါတယ်၊၊ ခွဲခြမ်းစိတ်ဖြာချက်အရ ဒါဟာ စမ်းသပ်တိုက်ခိုက်မှုတစ်ခုပဲ ဖြစ်ပါတယ်၊၊ အဲဒီသတ္တဝါကို ၁၆ ကောင်မြောက် S-Class အဆင့် မွန်းစတားအဖြစ် သတ်မှတ်ပြီး ‘တျန်းချုံး’ လို့ အမည်ပေးထားပါတယ်၊၊ ဒါကတော့ ကင်းလှည့်ယာဉ်က ပို့လိုက်တဲ့ ဗီဒီယိုမှတ်တမ်းပါ”</p> <p> </p> <p>အစီရင်ခံနေသူမှာ သံမဏိအစောင့်တပ်ရင်း တပ်မှူး ဟွာကျန်း၏ လက်အောက်မှ အရာရှိငယ်တစ်ဦး ဖြစ်သည်၊၊</p> <p> </p> <p>“ဒါ့အပြင် ကောင်းကင်အစောင့်ဘက်မှာလည်း တွင်းနက် အမှတ် ၈ ရဲ့ ၁၉ ကောင်မြောက်  မွန်းစတား ‘လေလွင့်သူ’ ဟာ အာရုဏ်ဦးမြို့တော်ဘက်ကို ဦးတည်လာနေတာ တွေ့ရပါတယ်၊၊ ချီလျန်တောင်တန်းဒေသရဲ့ မြေငလျင်တိုင်းတာချက်တွေအရ ၁၁ ကောင်မြောက် သတ္တဝါ ‘မြေကမ္ဘာ’လည်း ပါဝင်လာနိုင်တယ်လို့ ခန့်မှန်းရပါတယ်၊၊ နောက်ဆုံးအနေနဲ့ တွင်းနက် အမှတ် ၅ ရဲ့...”</p> <p> </p> <p>“ဖုတ်ကောင်သိုးထိန်း”</p> <p> </p> <p>အရာရှိငယ်၏ လေသံမှာ ပြတ်သားနေသည်၊၊</p> <p> </p> <p>“လောလောဆယ် အတည်ပြုနိုင်တဲ့ အလွန်ကြီးမားတဲ့ ခြိမ်းခြောက်မှု လေးခုရှိပါတယ်၊၊ ချီလျန်တောင်တန်းဘက်က လာနေတဲ့ လမ်းကြောင်းတစ်ခုပဲ အတည်မပြုနိုင်သေးတာပါ၊၊ အားလုံးက အာရုဏ်ဦးမြို့တော်ဆီကို ဦးတည်လာနေကြတာပါ”</p> <p> </p> <p>“အတည်မပြုနိုင်တာတွေ ထားလိုက်တော့… အားလုံး လာနေတယ်လို့ပဲ သတ်မှတ်လိုက်”</p> <p>ဟွာကျန်းက ပြောသည်၊၊ သူသည် သက်လတ်ပိုင်း စစ်သားတစ်ယောက်၏ ခက်ထန်သော မျက်လုံးများ ရှိသည်၊၊</p> <p> </p> <p>သူက စားပွဲကို လက်ချောင်းဖြင့် ခေါက်ရင်း ဝဲနေသောလေသံဖြင့် မေးလိုက်သည်၊၊</p> <p> </p> <p>“S-Class အဆင့် မွန်းစတား လေးကောင်၊ ငါတို့ ဒီတိုက်ပွဲကို ဘယ်လိုတိုက်ကြမလဲ”</p> <p> </p> <p>***</p> <p> </p>


Save