Book List

<h2 style="text-align: center;">Chapter 862</h2> <h2 style="text-align: center;">မဟာတံတိုင်း ၃</h2> <h2 style="text-align: center;">*</h2> <p> </p> <p> </p> <p> </p> <p>လင်းရှန် စိတ်ထဲတွင် တုန်လှုပ်သွားသည်၊၊ ရလဒ်ကြောင့် အံ့သြခြင်း မဟုတ်ဘဲ ယဲ့လန်သည် ဖီးနစ်၏ တပ်မှူးတစ်ဦးအနေဖြင့် ဤမျှ ပြတ်သားပြီး ခိုင်မာသော ရွေးချယ်မှုနှင့် ဆုံးဖြတ်ချက်ကို ချနိုင်ခြင်းကြောင့် အံ့သြမိခြင်း ဖြစ်သည်၊၊</p> <p> </p> <p>“ငါတို့ဟာ အမှောင်ထုနဲ့ သတင်းအချက်အလက်ရော၊ အင်အားပါ မမျှတတဲ့အခြေအနေမှာ အမြဲရှိနေခဲ့တယ်၊၊ မင်းလက်ထဲက ပုရွက်ဆိတ်လေးလိုပေါ့၊၊ မင်းက သူ့ရဲ့ လှုပ်ရှားမှုနဲ့ အသက်ရှင်ခြင်း၊ သေခြင်းကို စိတ်ကြိုက် ထိန်းချုပ်နိုင်တယ်၊၊ ဒါပေမဲ့ မင်း အဲဒီလိုမလုပ်တာက မင်း မလုပ်ချင်လို့ပဲဖြစ်ဖြစ်၊ စိတ်မဝင်စားလို့ပဲ ဖြစ်ဖြစ်ပေါ့၊၊ ဒါက မင်းက သူ့ကို ပုရွက်ဆိတ်တစ်ကောင်လို့ပဲ နားလည်ထားပြီး တခြားအရာမဟုတ်လို့ပဲ”</p> <p> </p> <p>“ဒါပေမဲ့ ပုရွက်ဆိတ်အတွက်တော့ သူဟာ တောင်တန်းတွေကို မြင်တယ်၊၊ ချောက်နက်တွေကို မြင်တယ်၊၊ အနာဂတ်ကို လုံးဝ ထိန်းချုပ်လို့မရတဲ့ ကမ္ဘာကြီးကို မြင်တယ်၊၊ ပြဿနာက မင်းက ဒီသတ္တဝါအကြောင်းကို နားမလည်တဲ့အခါ ဒီခံစားချက်မျိုး မရှိနိုင်ဘူး၊၊ ဘာလို့လဲဆိုတော့ သူ မင်းကို နောက်တစ်စက္ကန့်မှာ ကိုက်မလားဆိုတာ မင်းမသိလို့ပဲ၊၊ လူသားတွေရဲ့ သာမန်ယုတ္တိဗေဒအရ သတ္တဝါတစ်ကောင်ကို သတ်ပစ်ဖို့ဆိုတာ သူ့ရဲ့ အရွယ်အစားနဲ့ မဆိုင်ဘူး”</p> <p> </p> <p>ယဲ့လန်က လင်းရှန်ကို ကြည့်လိုက်ပြီး “အကယ်၍ ဒီပုရွက်ဆိတ်က မင်းကို ကိုက်မယ်ဆိုရင် မင်း သူ့ကို ဆက်ပြီး ကစားနေဦးမလား”</p> <p> </p> <p>လင်းရှန်က ပြုံးလိုက်ပြီး “ကျုပ်ချက်ချင်း ရိုက်သတ်လိုက်တာမဟုတ်ရင် မှုတ်ထုတ်လိုက်မှာပေါ့”</p> <p> </p> <p>“မှန်တယ်၊၊ ဒါပေမဲ့ ဒီပုရွက်ဆိတ်က မင်းကို အန္တရာယ်မပေးနိုင်ဘူးလို့ မင်းယုံကြည်နေသရွေ့တော့ မင်း သူ့ကို သတ်မှာမဟုတ်ဘူး၊၊ ဒါပေမဲ့ အမှောင်ထုကတော့ ငါတို့ကို မတူညီတဲ့ အမြင်နဲ့ ကြည့်နေတယ်၊၊ သူတို့အတွက် ငါတို့က ပုရွက်ဆိတ်တွေလား၊ ဒါမှမဟုတ် သူတို့ကို ပြန်ကိုက်နိုင်တဲ့ သတ္တဝါတွေလားဆိုတာ သူတို့ စမ်းသပ်နေကြတာပဲ”</p> <p> </p> <p>ယဲ့လန်၏ မျက်ဝန်းများမှာ အေးစက်တည်ငြိမ်နေသည်၊၊</p> <p> </p> <p>“ငါတို့ ဒီမြို့ကို ကာကွယ်တာဟာ လူသုံးသန်းအတွက်တင် မဟုတ်ဘူး၊ ငါတို့ဟာ ပုရွက်ဆိတ်တွေ မဟုတ်ကြောင်း သက်သေပြဖို့အတွက်လည်း ပါဝင်တယ်”</p> <p> </p> <p>“ဒါက အစွန်းရောက်တဲ့ ရလဒ်နှစ်ခုပေါ့၊ ဒါပေမဲ့ အဲဒီသတ္တဝါဟာ အလျား ၂ စင်တီမီတာပဲရှိတဲ့ အဆိပ်ပြင်းဖားတစ်ကောင်ဆိုရင်ရော”</p> <p>ယဲ့လန်က ပြန်မေးသည်၊၊</p> <p> </p> <p>“ဒါဆိုရင်တော့ ကျုပ်က ကျိန်းသေပေါက်စဉ်းစားရတော့မှာပဲ”</p> <p> </p> <p>ဝူးးး</p> <p> </p> <p>ထိုစဉ် အဝေးမှ ကြီးမားသော သယ်ယူပို့ဆောင်ရေးသင်္ဘောတစ်စီး ပျံသန်းလာသည်၊၊ လင်းရှန် ကြည့်လိုက်သောအခါ ယင်းမှာ တိတ်ဆိတ်မြို့တော်မှ ပျံသန်းရေးယာဉ်တစ်စီးဖြစ်နေသည်ကို တွေ့ရသည်၊၊</p> <p> </p> <p>“ရှင်းဂျီရောက်လာပြီ၊၊ လာ... ငါတို့ ဘယ်လို ပြန်တိုက်ခိုက်ကြမလဲဆိုတာ သွားဆွေးနွေးကြမယ်”</p> <p> </p> <p>ယဲ့လန်က လင်းရှန်ကို မျက်ရိပ်ပြလိုက်ပြီး နှစ်ယောက်သား အစည်းအဝေးခန်းမဘက်သို့ ပြန်လျှောက်လာခဲ့ကြသည်၊၊ ခန်းမအတွင်းရှိ လေထုမှာ များစွာ ပြောင်းလဲသွားပုံရသည်၊၊ လင်းရှန် အမြင်မှားနေသည်လားတော့ မသိသော်လည်း ကပ်ဘေးကြီးဆိုက်ရောက်တော့မည်ဖြစ်သော်လည်း အစည်းအဝေးခန်းမထဲတွင် ယခင်ကထက် ပို၍... ပေါ့ပါးလန်းဆန်းနေသကဲ့သို့ ခံစားရသည်၊၊</p> <p> </p> <p>ရှင်းဂျီသည် သူ၏ ရိုးရှင်းသော ဝတ်ရုံကို ဝတ်ဆင်ထားဆဲဖြစ်ပြီး အင်္ကျီလက်များကို ‌ခေါက်တင်ထားကာ သေရမှာကို မကြောက်ဘဲ စိတ်အနှောင့်အယှက်ဖြစ်ရမှာကိုသာ မနှစ်မြို့သည့် မျက်နှာအမူယာမျိုးဖြင့် ရှိနေသည်၊၊ သူသည် အစည်းအဝေးခန်းထဲသို့ လိုက်ဝင်လာပြီး လင်းရှန်၏ မျက်နှာချင်းဆိုင်တွင် ထိုင်ကာ ဖျော့တော့စွာပြုံးပြလိုက်သည်၊၊</p> <p> </p> <p>ထိုအပြုံးမှာ “မင်း အခု သိပ်နေမကောင်းဖြစ်နေတာ ငါသိပါတယ်၊၊ ဒါပေမဲ့ မင်း အဆင်ပြေသွားမှာပါ” ဟု ပြောနေသကဲ့သို့ပင်၊၊</p> <p> </p> <p>လင်းရှန်လည်း သက်ပြင်းချရုံသာ တတ်နိုင်သည်၊၊ စက်ရုပ်ဖြစ်သူ ရှင်းဂျီ၏ ကမ္ဘာပျက်ကပ်အပေါ် ဂရုမစိုက်နိုင်မှုကြီးကို သူ နားမလည်နိုင်အောင်ဖြစ်ရသည်၊၊ သို့သော် ယဲ့လန်၏ နောက်ထပ်စကားလုံးများက သူ၏ သွေးများကို ဆူပွက်လာစေသည်၊၊</p> <p> </p> <p>“အမှောင်ထုနဲ့ တိုက်ပွဲဝင်တဲ့နေရာမှာ စိတ်ပိုင်းဆိုင်ရာ ပြင်ဆင်မှုတွေ အများကြီးလုပ်နေဖို့ မလိုဘူး၊၊ အင်အားချင်းယှဉ်ရင် ငါတို့နဲ့ အမှောင်သတ္တဝါတွေကြားမှာ ကွာဟချက်ရှိနေတာ အမှန်ပဲ၊၊ ဒါပေမဲ့ ဒီအကျပ်အတည်းဟာ လူသားယဉ်ကျေးမှုရဲ့ မြို့တော်ကို အမှောင်ထုက စမ်းသပ်နေတာလို့ မြင်မယ်ဆိုရင် ငါတို့ လုပ်နိုင်တာ တစ်ခုတည်းရှိတယ်၊၊ အဲဒါက ပြန်လည်တိုက်ခိုက်ဖို့ပဲ၊၊ ဖီးနစ်ကို တည်ထောင်ကတည်းက လူသားယဉ်ကျေးမှုရှင်သန်ရေးအတွက် တစ်သက်လုံး တိုက်ပွဲဝင်ဖို့ ငါတို့ ပြင်ဆင်ထားပြီးသားပါ၊၊ ဒါဟာ ရုန်းကန်မှုတစ်ခုဆိုရင် ငါတို့မှာ ဆုတ်လမ်းမရှိသလို ရွေးချယ်စရာလည်း မရှိဘူး၊၊ ဒါကြောင့် အခု အစည်းအဝေးရဲ့ အဓိကရည်ရွယ်ချက်က S-Class အဆင့် သတ္တဝါ လေးကောင်ကို ဘယ်လိုအမြစ်ပြတ်ချေမှုန်းမလဲဆိုတဲ့ ဗျူဟာချမှတ်ဖို့ပဲ”</p> <p> </p> <p>“ရဲဘော်တို့... ငါတို့ အချိန်တိုအတွင်းမှာ အစွမ်းကုန်ပြင်ဆင်ထားဖို့ လိုတယ်၊၊ မင်းတို့ရဲ့ အမြင်တွေကို ထုတ်ပြောကြပါ”</p> <p> </p> <p>လုထျန်းယဲ့က ကိုယ်ကိုမတ်ကာ ပြတ်သားသော လေသံဖြင့် “ကျုပ်ကတော့ သဘောတူတယ်၊၊ အာရုဏ်ဦးမြို့တော်မှာ မြို့ရိုးနှစ်ထပ် တည်ဆောက်ထားပြီးသားပါ၊၊ ၁၂၀ မမ လျှပ်စစ်သံလိုက်အမြောက် ၂,၆၇၅ လက်၊ Great Wll-50 အခြေစိုက်သံလိုက်အမြောက် ၃,၅၀၀ လက်နဲ့ ပလာစမာဖွဲ့စည်းပုံ ၁,၁၃၀ ခု ရှိပါတယ်၊၊ အပူစွမ်းအားပြင်း အမြောက် ၁,၂၀၀ ကျော်၊ အလွန်မြင့်မားတဲ့ အပူချိန်ရှိတဲ့ ပလာစမာတန်းတွေနဲ့ အားကောင်းတဲ့ကြိမ်နှုန်းမြှင့်စနစ်တွေ ပါဝင်တဲ့ မြို့ပြင်ကာကွယ်ရေးကွန်ရက် ခြောက်ထပ်၊ အကြီးစားလက်နက် တပ်ဆင်ထားတဲ့ ကင်းမျှော်စင် ၄၂၀ ခု ရှိပါတယ်၊၊ မြို့ထဲမှာတော့ ‘အသံတိတ်မုဆိုး’၊ လေယာဉ်ပစ်အမြောက်၊ ‘မုန်တိုင်း’ ဒုံးကျည်စနစ်နဲ့ ကောင်းကင်လေဆာ+ ဖွဲ့စည်းပုံတွေပါဝင်တဲ့ လေကြောင်းကာကွယ်ရေးစနစ် ၁၆ ခု ရှိပါတယ်၊၊ ကျုပ်ရဲ့ အစောင့်တပ်အင်အား ၁ သိန်း ၃ သောင်း၊ မီကာတပ်ရင်း နှစ်ခုနဲ့ အထူးသံချပ်ကာ စွမ်းအားရှင်တပ်ဖွဲ့တစ်ခုရှိတဲ့အတွက် သန္ဓေပြောင်းမွန်းစတားတွေကို ရင်ဆိုင်ဖို့ အင်အားအလုံအလောက် ရှိပါတယ်၊၊ အဓိက ပြဿနာက S-Class အဆင့် မွန်းစတားတွေပဲ၊၊ ကျုပ်တို့မှာ နူကလီးယားတစ်ပိုင်းကိရိယာတွေနဲ့ အကြီးစား ဝေဟင်ဗုံးတွေ ရှိပေမဲ့ သူတို့ရဲ့ ကာကွယ်ရေးကို မဖောက်နိုင်ရင်တော့ တိုက်ပွဲက ကြာသွားလိမ့်မယ်”</p> <p> </p> <p>“အမှန်ပဲ။ S-Class အဆင့် သတ္တဝါတွေက ယေဘုယျအားဖြင့် အပူစွမ်းအင်သုံး လက်နက်တွေကို ခုခံနိုင်တဲ့ ကာကွယ်ရေး စွမ်းအင်စက်ကွင်းတွေ ရှိတတ်ကြတယ်၊၊ ဒါဟာ အရင်က နူကလီးယားတိုက်ခိုက်မှုတွေကြောင့် ဆင့်ကဲပြောင်းလဲလာတဲ့ ရလဒ်တွေ ဖြစ်နိုင်တယ်”</p> <p>အလင်းတမန်ဌာနမှ လော့မင်က ပြောသည်၊၊</p> <p> </p> <p>“ကျွန်တော်တို့ အလင်းတမန်ဌာနမှာ S-Class အဆင့် သတ္တဝါတွေရဲ့ ကာကွယ်ရေးစနစ်ပြောင်းလဲမှုတွေကို ထောက်လှမ်းဖို့၊ အကာအကွယ်ပေးဖို့နဲ့ အထူးတိုက်ခိုက်မှုတွေ လုပ်ဖို့အတွက် စွမ်းအားရှင် တစ်ထောင်ကျော် ရှိပါတယ်၊၊ အရင်တစ်ခေါက် မြူမီးခိုးမွန်းစတားကို သတ်ဖြတ်တုန်းက ကျွန်တော်တို့ တိုက်ပွဲအတွေ့အကြုံ ရထားပါတယ်၊၊ S-Class အဆင့် သတ္တဝါတွေမှာ ကာကွယ်ရေးစွမ်းအင်စက်ကွင်းတွေ ရှိပေမဲ့ သူတို့ အဲဒါကို အကန့်အသတ်မရှိ သုံးလို့မရပါဘူး”</p> <p> </p> <p>“S-Class အဆင့်က ကာဗွန်အခြေခံသက်ရှိဖြစ်နေသရွေ့တော့ သတ်လို့မရတာ ဘာမှမရှိဘူး”</p> <p>သံမဏိအစောင့်တပ်ရင်း တပ်မှူး ဟွာကျန်းက နှာခေါင်းရှုံ့လိုက်သည်၊၊</p> <p> </p> <p>“အဓိကကိစ္စက စစ်မြေပြင်ရဲ့ အခြေအနေကို အချိန်နဲ့တစ်ပြေးညီသိဖို့ပဲ၊၊ ဒါကို စီလန်မြို့က ပင်လယ်ဖြူကောင်နဲ့ အာရုဏ်ဦးမြို့တော်က မြူမီးခိုးတို့က သက်သေပြခဲ့ပြီးသား၊၊ S-Class အဆင့်ရဲ့ အားနည်းချက်ကို ရှာဖွေဖို့က တိုက်ရိုက်ပစ်ခတ်တိုက်ခိုက်တာထက် ပိုအရေးကြီးတယ်”</p> <p> </p> <p>ထို့နောက် သူက သူ၏ လက်ထောက်အရာရှိကို ညွှန်ကြားလိုက်သည်။</p> <p> </p> <p>“လီကျန်း... ငါတို့ တပ်ဖွဲ့ရဲ့ တိုက်ခိုက်ရေးအင်အား တည်ဆောက်ပုံကို ရှင်းပြလိုက်၊၊ ဒီညရဲ့ အဓိကအချက်က မြို့ရဲ့ အနောက်ဘက်နဲ့ တောင်ဘက်ဖြစ်လိမ့်မယ်၊၊ တပ်ဖြန့်မှုကတော့ ဇုန်အလိုက် ကွဲပြားလိမ့်မယ်”</p> <p> </p> <p>သံမဏိအစောင့်တပ်ရင်းမှ အရာရှိငယ်တစ်ယောက်က ချက်ချင်းပင် ဟိုလိုဂရမ်မျက်နှာပြင်ကို ဖွင့်လိုက်ပြီး ရှင်းပြသည်၊၊</p> <p> </p> <p>“ကျွန်တော်တို့ သံမဏိအစောင့်တပ်ရင်းမှာ စုစုပေါင်း အင်အား ၄၂,၅၀၀ ရှိပါတယ်၊၊ အားလုံးက တိုက်ပွဲဝင် စွမ်းအားဝတ်စုံတွေ တပ်ဆင်ထားပါတယ်၊၊ အစောင့်တပ်လိုပဲ ကျွန်တော်တို့မှာလည်း ‘သံမဏိမုဆိုး’ နဲ့ ‘တစ္ဆေဝံပုလွေ’ အဆင့် ယူနစ်တွေ ပါဝင်တဲ့ အထူးသံချပ်ကာ စွမ်းအားရှင်တပ်ရှိပါတယ်၊၊ အရေအတွက်က ၁,၂၀၀ ပါ၊၊ ဒါ့အပြင် ‘Iron Guard-3’ ချေမှုန်းရေး အမျိုးအစား ၃၀၀၊ ‘ကာကွယ်သူ-X’ တိုက်ခိုက်ရေး အမျိုးအစား ၂၇၅၊ ‘မီးနတ်ဘုရား’ စီးရီး မီကာ ၁၂၀ နဲ့ ကြယ်တာယာစီးနင်းသူ မီကာ ၈ စီး ပါဝင်တဲ့ ယန္တရားတပ်ဖွဲ့လည်း ရှိပါတယ်၊၊ ကျွန်တော်တို့ အရင်က သတ္တဝါ အမှတ် ၁၃ နဲ့ ၁၄ တို့နဲ့ ရင်ဆိုင်ခဲ့ဖူးပြီး S-Class အဆင့် သတ္တဝါတွေနဲ့ တိုက်ပွဲဝင်ဖို့ ဗျူဟာတွေ ဖော်ထုတ်ထားပြီးသားပါ”</p> <p>***</p> <p> </p>


Save