Book List

<h2 style="text-align: center;">Chapter 866</h2> <h2 style="text-align: center;">အမှောင်ညဆင်းသက်ခြင်း ၁</h2> <h2 style="text-align: center;">*</h2> <p> </p> <p> </p> <p> </p> <p> </p> <p>အာရုဏ်ဦးမြို့တော်သည် အမှောင်ထုကို ပြန်လည်တိုက်စစ်ဆင်တော့မည်ဟု ယဲ့လန်က ကြေညာပြီးနောက် မြို့တော်တစ်ခုလုံးသည် စစ်မီးမစတင်ခင် အလွန်အမင်း အလုပ်ရှုပ်ကာ စိုးရိမ်ပူပန်မှုအငွေ့အသက်များ လွှမ်းမိုးနေလေသည်။</p> <p> </p> <p>အသက်ရှင်ကျန်ရစ်သူများ၊ ဒုက္ခသည်များနှင့် ယာဥ်တန်းအဖွဲ့အားလုံးသည် နံပါတ် ၁ တံတိုင်းအတွင်းရှိ ခရိုင်ဟောင်းထဲ၌ စုဝေးနေကြသည်။ ဖီးနစ်မှ တာဝန်ရှိသူများနှင့် စစ်တပ်၏ စီမံခန့်ခွဲမှုအောက်တွင် မြေအောက်ခိုလှုံနေရာ ၂၄ ခု၏ ဝင်ပေါက်များ၌ လူများတန်းစီနေကြပြီး အများစုမှာ သက်ကြီးရွယ်အိုများ၊ ကလေးငယ်များ၊ ကိုယ်ဝန်ဆောင်များနှင့် အားနည်းသူများသာဖြစ်ကြသည်။ နောက်ဆုံးတိုက်ပွဲမစမီ မိမိကိုယ်ကိုယ် ကာကွယ်နိုင်စွမ်းရှိသူ မည်သူမဆို အမျိုးသားဖြစ်စေ၊ အမျိုးသမီးဖြစ်စေ ခိုလှုံခွင့်ကို မိမိသဘောဖြင့် စွန့်လွှတ်ကာ မြို့စောင့်တပ်တွင် ပါဝင်ရန် ရွေးချယ်ခဲ့ကြသည်။</p> <p> </p> <p>လူအုပ်ထဲတွင် အမျိုးသားတစ်ဦးသည် ဆောင့်ကြောင့်ထိုင်ကာ သတင်းစာဟောင်းဖြင့် ထုပ်ထားသော အထုပ်ကို သားဖြစ်သူလက်ထဲကို ထည့်ပေးနေသည်။</p> <p> </p> <p>“သား… အမေ့စကားကို နားထောင်နော်”</p> <p> </p> <p>သူက ကလေး၏ဆံပင်ကို ဖွရင်း အက်ရှသောအသံဖြင့် မှာနေသည်။ ဇနီးဖြစ်သူကမူ သူ့အင်္ကျီလက်ကို တင်းတင်းကြပ်ကြပ် ဆုပ်ကိုင်ထားပြီး</p> <p>“ဂရုစိုက်နော်… ကျွန်မတို့သားအမိတွေ ရှင်ပြန်လာမှာကို စောင့်နေမယ်”</p> <p> </p> <p>“စိတ်မပူပါနဲ့”</p> <p> </p> <p>ထိုအမျိုးသားက သူ့နောက်တွင် မြို့တော်ကာကွယ်ရေးအတွက် ပါဝင်လာကြသော မြို့သူမြို့သားများကို ကြည့်ကာ ပြုံးပြလိုက်သည်၊၊</p> <p> </p> <p>“အခုချိန်မှာ ပုန်းနေလို့ မထူးတော့ဘူး… ငါတို့တွေ မြို့ကို ကာကွယ်ရမယ်”</p> <p> </p> <p>အခြားတစ်ဖက်တွင် သေနတ်လွယ်ထားသော သက်လတ်ပိုင်းအမျိုးသမီးတစ်ဦးသည် သူမ၏ သမီးငယ်လေး၏ ဖိနပ်ကြိုးကို ဒူးထောက်ချည်ပေးနေပြီး သမီးငယ်၏လက်ကို ခုနစ်နှစ်၊ ရှစ်နှစ်အရွယ် ကောင်လေးတစ်ဦး၏ လက်ထဲသို့ ထည့်ပေးလိုက်သည်။</p> <p> </p> <p>“ရှောင်ကျိ…. မင်းက အစ်ကိုကြီးပဲ ညီမလေးကို ဂရုစိုက်ရမယ်နော် နားလည်လား”</p> <p> </p> <p>ကောင်လေးက ခေါင်းငြိမ့်ပြပြီး ညီမဖြစ်သူ၏လက်ကို တင်းတင်းဆုပ်ကိုင်ထားသည်။</p> <p> </p> <p>“မေမေရော”</p> <p>သမီးငယ်လေးက စိုးရိမ်တကြီး မော့ကြည့်သည်။</p> <p> </p> <p>“လိမ္မာတယ်… မေမေက အပြင်မှာ ကူညီပေးပြီးရင် သမီးဆီ အမြန်လာခဲ့မယ်နော်”</p> <p> </p> <p>ထိုအမျိုးသမီးသည် မျက်ရည်ကို သုတ်ကာ လှည့်ထွက်သွားသည်။ သူမ၏ ဘေးနားတွင် ဖီးနစ်အရေးပေါ်တပ်ဖွဲ့ဝင်များက ခြေမသန်သော အမျိုးသားတစ်ဦးကို ဆွဲခေါ်လာကြသည်။</p> <p> </p> <p>“ငါ့ကို လွှတ်စမ်း”</p> <p> </p> <p>ထိုလူက ဒေါသတကြီးဖြင့် သေနတ်ကို ချိုင်းထောက်သဖွယ် အားပြုကာ ရုန်းကန်နေသည်၊၊</p> <p> </p> <p>“ငါ သေနတ်ပစ်နိုင်သေးတယ် မြေအောက်ထဲ မဝင်နိုင်ဘူး ငါ မြို့တံခါးမှာ သေရမယ်ဆိုရင်တောင် အဲ့ဒီမိစ္ဆာကောင်တွေကို ပစ်သတ်သွားဦးမှာ”</p> <p>…</p> <p> </p> <p>ယာဥ်တန်းအဖွဲ့အသီးသီးသည် ဖီးနစ်နှင့် အစောင့်တပ်၏ လက်နက်တိုက်များမှ ခဲယမ်းမီးကျောက်များကို ထုတ်ယူနေကြသည်။ ဖီးနစ်ကာကွယ်ရေးဌာန၏ စီစဉ်မှုအရ စစ်သည်ပေါင်း သုံးသောင်းနီးပါးသည် မြို့တွင်း၌ ကာကွယ်ရေးလိုင်းများ တည်ဆောက်ထားသည်။ ၎င်းတို့၏ အဓိကရည်မှန်းချက်မှာ သုံးရပ်ရှိသည်။ ၁ အချက် မြို့တော်၏ လေကြောင်းကာကွယ်ရေးကို ကူညီရန်၊ ၂ အချက်က မြို့တွင်း၌ ဖြစ်ပေါ်လာနိုင်သော သန္ဓေပြောင်းမှုများကို ထိန်းချုပ်ရန်နှင့် ၃ အချက်မှာ အကယ်၍ နံပါတ် ၁ တံတိုင်း ကျဆုံးသွားခဲ့ပါက လမ်းမပေါ်ရှိ ကာကွယ်ရေးလိုင်းများကို အခြေခံ၍ မြို့တွင်းတိုက်ပွဲများ ဆင်နွှဲကာ မွန်းစတားလှိုင်းများ နံပါတ် ၂ တံတိုင်းဘက်သို့ မတက်လာနိုင်အောင် ဟန့်တားရန်နှင့် အခြားသူများ ဆုတ်ခွာနိုင်ရန် အကာအကွယ်ပေးရန် ဖြစ်သည်။</p> <p> </p> <p>မြေအောက်ခိုလှုံနေရာသို့ ဝင်သွားကြသူများမှလွဲ၍ မြို့တွင်း၌ တိုက်ခိုက်နိုင်စွမ်းရှိသူ ၁.၄ သန်းခန့် ကျန်ရှိနေသည်။ ၎င်းတို့သည် ယာဥ်တန်းအဖွဲ့များ သို့မဟုတ် တစ်ကိုယ်တော်ယာဥ်တန်းများ စုပေါင်းထားသည့် အဖွဲ့များဖြစ်ကြပြီး လမ်းမတလျှောက်ရှိ ကာကွယ်ရေးလိုင်းရာပေါင်းများစွာတွင် မိမိသဘောဖြင့် ပါဝင်နေကြသည်။ တစ်ချိန်တည်းမှာပင် မြို့သူမြို့သားအများအပြားသည် အစောင့်တပ်နှင့် သံမဏိအစောင့်တပ်ရင်းတို့ကို ကူညီကာ မြို့ပြင်တွင် ကတုတ်ကျင်းများတူးခြင်း၊ ခဲယမ်းများသယ်ယူခြင်း၊ မိုင်းထောင်ခြင်းနှင့် စက်ပစ္စည်းများ ပြုပြင်ခြင်းတို့ကို လုပ်ဆောင်ပေးနေကြသည်။</p> <p> </p> <p>အထက်ကောင်းကင်တွင်မူ မြေအောက်လမ်းကြောင်းများကို ပိတ်လိုက်ပြီးနောက် တံတိုင်းများဆီသို့ လက်နက်ခဲယမ်းများ ပို့ဆောင်ပေးနေသည့် ဒရုန်းများမှာ ကောင်းကင်ယံရှိ ကန့်လန့်ကာကြီးတစ်ခုအလား ထူထပ်နေသည်။ ဖီးနစ်သည် မြေပြင်နှင့် ဝေဟင် ပူးပေါင်းကာကွယ်ရေးစနစ်ကို ရေးဆွဲခဲ့သည်။ ယဲ့လန်နှင့် အဆင့်ဆင့်သော တပ်မှူးများသည် အမွှာကြယ်မျှော်စင် မြို့ပတ်လမ်းကြောင်းရှိ ထိန်းချုပ်ရေးခန်းမတွင် ယာယီကွပ်ကဲမှုဌာန ဖွင့်လှစ်ကာ မြို့ပတ်လမ်းကြောင်းကို ကာကွယ်ရန် အင်အားအမြောက်အမြား ချထားသည်။</p> <p> </p> <p>“ဝူး ဝူး ဝူး”</p> <p> </p> <p>ထိုစဉ် လမ်းဘေးစခန်းများတွင် ဆူးကြိုးများထောင်နေသော လူများက အထက်သို့ မော့ကြည့်လိုက်ကြသည်။ ကြီးမားသော သယ်ယူပို့ဆောင်ရေးယာဉ်များက Iron-Guard-3၊ Guardian- X နှင့် မီးနတ်ဘုရား စီးရီးများ အပါအဝင် အားကောင်းသော စစ်သုံးမီကာကြီးများကို တံတိုင်းရှေ့တန်းသို့ သယ်ဆောင်သွားနေကြသည်။</p> <p> </p> <p>ဝုန်း ဝုန်း ဟူသော အသံများနှင့်အတူ C-99 ဟာကျူလီသယ်ယူပို့ဆောင်ရေးလေယာဉ်များ၏ အင်ဂျင်သံများက မိုးချုန်းသံကဲ့သို့ ဟိန်းထွက်နေသည်။ သံမဏိကြိုးများဖြင့် ချိတ်ဆွဲထားသော မိုးမျှော်တိုက်သဖွယ် ကြီးမားလှသည့် ကြယ်တာယာစီးနင်းသူ စက်ရုပ် ၈ ခုကို မြို့၏ မြင့်မားသော အဆောက်အအုံများကြားမှ ဖြည်းညင်းစွာ သယ်ဆောင်သွားသည်။ အဆိုပါ လက်နက်များကို S-Class အဆင့် တိုက်ရိုက်ကျူးကျော်မှုများကို ရင်ဆိုင်ရန်အတွက် မြို့တောင်ဘက်နှင့် အနောက်ဘက် အဓိကနယ်မြေများတွင် တပ်ဆင်ထားသည်။</p> <p> </p> <p>မြို့တွင်းရှိ ကွင်းပြင်များ၊ အထပ်မြင့်အဆောက်အအုံများနှင့် မျှော်စင်စင်္ကြံအားလုံးကို လေကြောင်းရန်ကာကွယ်ရေး အတားအဆီးများနှင့် စွမ်းအင်မြင့် ပစ်ခတ်မှုဇုန်များအဖြစ် ပြောင်းလဲလိုက်သည်။ ကြယ်ဆိပ်ကမ်း၏ နက်ရှိုင်းသော မြေအောက်တွင် စွမ်းအင်ဗဟိုဌာနများစွာကို မြှုပ်နှံထားပြီး မြို့တော်တစ်ခုလုံးရှိ အလိုအလျောက်လက်နက်များအတွက် စွမ်းအင်ပေးပို့နေသည်။ တိုက်ခိုက်ရေးဒရုန်း တစ်သိန်းကျော်သည် စွမ်းအင်ဖြည့်တင်းနေကြပြီး ဒရုန်းအင်ဂျင်နီယာများကလည်း ချို့ယွင်းချက်များကို အရေးပေါ် ပြုပြင်နေကြသည်။ အမှောင်ထု၏ ပြင်းထန်သော တိုက်ခိုက်မှုအောက်တွင် ဆက်သွယ်ရေးမပြတ်တောက်စေရန်အတွက် မြို့အနှံ့တွင် အချက်ပြမျှော်စင်တစ်ထောင်ကျော်ကို တည်ဆောက်ထားသည်။</p> <p> </p> <p>ကွပ်ကဲမှုဗဟိုဌာနတွင် ဗိုလ်ချုပ်ရှုသည် ဟိုလိုဂရမ်မြေပုံရှေ့၌ တည်ကြည်သော မျက်နှာထားဖြင့် ရပ်နေသည်။</p> <p> </p> <p>“မြောက်အမေရိက ကာကွယ်ရေးလိုင်း၊ ညလမ်းလျှောက်သူမဟာမိတ်၊ အလင်းတမန်ဌာနနဲ့ မြို့တွင်းအဖွဲ့အစည်းတွေက စွမ်းအားရှင်တွေကို အဆင့်သုံးဆင့်နဲ့ အထူးတိုက်ခိုက်ရေးအဖွဲ့တွေ ခွဲထားပါတယ်”</p> <p> </p> <p>“ပထမအဆင့်မှာတော့ ပျံသန်းခြင်း၊ သာလွန်အမြန်နှုန်း၊ လေ၊ မီး၊ မိုးကြိုးနဲ့ အလင်း စတဲ့ စွမ်းရည်ရှိပြီး လျင်မြန်ဖြတ်လတ်တဲ့ စွမ်းအားရှင်တွေ ပါဝင်ပါတယ်။ သူတို့ကို ဝန်ကြီးလော့က ဦးဆောင်ပြီး ရှေ့တန်းက S-Class အဆင့် တိုက်ခိုက်တွေကို ရင်ဆိုင်တာ၊ ထောက်လှမ်းရေးနဲ့ မြို့တော်တစ်ခုလုံးရဲ့ လေကြောင်းတုံ့ပြန်မှုတွေကို တာဝန်ယူရပါမယ်”</p> <p> </p> <p>“ဒုတိယအဆင့်ကတော့ လေဆာ၊ သံလိုက်မုန်တိုင်း၊ ထူးဆန်းမျက်လုံး၊ မြေကြီး၊ တုန်ခါမှုနဲ့ အသံလှိုင်း စတဲ့ အဝေးပစ် စွမ်းအားရှင်တွေ ပါဝင်ပါတယ်။ ခေါင်းဆောင်ချီက ကွပ်ကဲမယ့် အခုစွမ်းအားရှင်တွေက တာဝေးတိုက်ခိုက်ရေး အလွန်ကောင်းမွန်ကြပြီး တံတိုင်းကာကွယ်ရေးလိုင်းတွေရဲ့ နောက်ကွယ်ကနေ မွန်းစတားလှိုင်းတွေနဲ့ ကြီးမားတဲ့ ထူးဆန်းသည့် သတ္တဝါတွေကို ချေမှုန်းရပါမယ်”</p> <p> </p> <p>“တတိယအဆင့်မှာတော့ လူသန်ကြီး၊ သွေးစွမ်းအင်၊ မိစ္ဆာအသွင်၊ သားရဲအသွင်၊ သံမဏိအရေပြား၊ နတ်ဆိုးအရိုးအသွင်၊ ကိုယ်ပျောက်ခြင်းနဲ့ ကိုယ်ခံပညာလှုပ်ရှားမှု သန်မာတဲ့ မျိုးရိုးဗီဇဆင့်ကဲပြောင်းလဲသူအားလုံး ပါဝင်ပါတယ်။ ဒီအနီးကပ်တိုက်ခိုက်ရေး စွမ်းအားရှင်တွေကတော့ မြို့တွင်းက လမ်းမကာကွယ်ရေးလိုင်းတွေနဲ့ မြေအောက်ခိုလှုံနေရာတွေကို ကာကွယ်ဖို့ ကူညီပေးရပါမယ်”</p> <p> </p> <p>“ဗိုလ်ချုပ်ရှုရဲ့ စစ်ရေးဖြန့်ကျက်မှုကို ငါသဘောတူပါတယ်၊၊ ငါတို့ရဲ့  သံမဏိအစောင့်တပ်ရင်း ၈၃ က မြို့အနောက်ဘက်က ကာကွယ်ရေးဇုန် ၄ ခုကို တာဝန်ယူမယ်၊၊ ယန္တရားတပ်ဖွဲ့နဲ့ အထူးသံချပ်ကာတပ်တွေကို အဆင့်လိုက် ဖြန့်ကျက်ထားမယ်၊၊ အဓိကရည်မှန်းချက်က S-Classအဆင့်တွေနဲ့ တံတိုင်းကာကွယ်ရေးကို အာရုံစိုက်ဖို့ပဲ”</p> <p> </p> <p>သံမဏိအစောင့်တပ်ရင်းမှူး ဟွာကျန်း၏ စကားမဆုံးမီမှာပင် လုထျန်းယဲ့က ချက်ချင်းဖြတ်ပြောလိုက်သည်။</p> <p> </p> <p>“မြို့တော်တစ်ခုလုံးမှာ ဇုန် ၁၂ ခုရှိတယ်၊၊ တွင်းနက် ၅၊ ၇ နဲ့ ၈ ရဲ့ အဓိကတိုက်စစ်က တောင်ဘက်ဇုန် ၅ ကနေ အနောက်ဘက်ဇုန် ၁၀ အထိပဲ၊၊ ခင်ဗျားတို့ သံမဏိအစောင့်တပ်ရင်းက လူ လေးသောင်းကျော်နဲ့ ဇုန်လေးခုကို ပိတ်ထားပြီး ကျုပ်ရဲ့ အစောင့်တပ် တစ်သိန်းသုံးသောင်းက ဇုန်နှစ်ခုတည်းကိုပဲ ခုခံရမှာလား၊၊ ဒါမှမဟုတ် ကျုပ်တို့ကို အရှေ့ဘက်နဲ့ မြောက်ဘက်ကိုပဲ စောင့်ခိုင်းတာလား”</p> <p> </p> <p>“ငါက အဲ့ဒီလိုဆိုလိုတာမဟုတ်ပါဘူး၊၊ အနောက်ဘက်က  တွင်းနက် အမှတ် ၅ တစ်ခုတည်းနဲ့ ရင်ဆိုင်ရမှာဖြစ်ပေမဲ့ မင်းတို့ဘက်က တွင်းနက် ၇ နဲ့ ၈ နှစ်ခုလုံးရဲ့ တိုက်ခိုက်မှုကို ရင်ဆိုင်ရမှာလေ၊၊ ဒီလိုခွဲဝေတာက ပိုဆီလျော်တယ်မဟုတ်ဘူးလား”</p> <p> </p> <p>“မဆီလျော်ဘူး”</p> <p>လုထျန်းယဲ့က ပြတ်ပြတ်သားသား ငြင်းဆန်လိုက်သည်၊၊</p> <p> </p> <p>“တွင်းနက် အမှတ် ၅ မှာ ဖုတ်ကောင်သိုးထိန်းတွေ လှုပ်ရှားနေတာလေ… ခင်ဗျား ဘာကြံစည်နေလဲဆိုတာ ကျုပ်မသိဘူးလို့ မထင်နဲ့… ကျုပ်တို့ အစောင့်တပ်က တွင်းနက် အမှတ် ၅ နဲ့ အတွေ့အကြုံအရှိဆုံးပဲ၊၊ အခက်ခဲဆုံးအပိုင်းကို ကျုပ်ကိုပဲ ပေးလိုက်ပါ”</p> <p> </p> <p>“အခက်ခဲဆုံးအပိုင်းကို ကြောက်နေစရာလား… ငါရဲ့ ယန္တရားတပ်ဖွဲ့ကိုလည်း အထင်မသေးစမ်းနဲ့” ဟွာကျန်းကလည်း ချက်ချင်း ပြန်ပြောသည်။</p> <p> </p> <p>“ကျုပ်ရဲ့ ယန္တရားတပ်ရင်း ၂ နဲ့ Thor လျှပ်စစ်သံလိုက်အမြောက်တပ်ကလည်း မနိမ့်ကျဘူး”</p> <p> </p> <p>လုထျန်းယဲ့ကလည်း အလျှော့မပေးပေ။</p> <p> </p> <p>မမျှော်လင့်ဘဲ စစ်မစမီ ကွပ်ကဲမှုအစည်းအဝေးတွင် အင်အားကြီးတပ်ဖွဲ့နှစ်ခုမှ ခေါင်းဆောင်များသည် မည်သူက အဓိကတပ်ဖွဲ့အဖြစ် တိုက်ခိုက်မည်ဆိုသည်ကို အချေအတင်ဖြစ်နေကြသည်။ ဖီးနစ်မှ အဆင့်မြင့်အဖွဲ့ဝင်များက ဗိုလ်ချုပ်နှစ်ဦး ငြင်းခုံနေသည်ကို ကြည့်ကာ အချင်းချင်းပြန်ကြည့်နေမိကြသည်။</p> <p> </p> <p>***</p> <p> </p>


Save