Book List

<h2 style="text-align: center;">အခန်း ၁၅၈၅</h2> <h2 style="text-align: center;">( သုံးလ )</h2> <h2 style="text-align: center;">*</h2> <p> </p> <p> </p> <p> </p> <p>သုံးလ...။</p> <p>ဤသည်မှာ ယင်ချင်းရွှမ်အား ကယ်တင်မည့် သူ၏အစီအစဉ် လုံးဝ အောင်မြင်စေရန်နှင့် မတော်တဆမှုများ မဖြစ်ပေါ်စေရန် သေချာစေဖို့ လင်းရန် သူ့ကိုယ်သူ သတ်မှတ်ထားသော နောက်ဆုံးရက်ပင်။</p> <p>လင်းရန်က ယင်ချင်းရွှမ်ကို ကယ်တင်မည့်အကြောင်း ပြောတိုင်း ရီရှင်းချန် အမြဲတမ်း နှုတ်ဆိတ်နေလေ့ရှိသော်လည်း ရီရှင်းချန်၊ ချင်နွမ်နှင့် အခြားသူများ၏ တစ်စွန်းတစ်စ ပြောဆိုချက်များမှတစ်ဆင့် မိစ္ဆာဂိုဏ်း၏ အင်အားအကြောင်း အချက်အလက်အချို့ကို သူ သိရှိနိုင်ခဲ့ပေသည်။</p> <p>မိစ္ဆာဂိုဏ်းတွင် နက်နဲသော အခြေခံအုတ်မြစ် ရှိပြီး ခန့်မှန်းရခက်ကာ ကြောက်မက်ဖွယ်ကောင်းသည်ဟု ဆိုနိုင်ကြောင်း လင်းရန် သိထားပေသည်။</p> <p>မိစ္ဆာဂိုဏ်း၏ ဌာနချုပ်တွင် ချီသန့်စင်ခြင်း အဆင့်ကိုး အထွတ်အထိပ်သို့ ရောက်ရှိနေသော သို့မဟုတ် အခြေခံတည်ဆောက်ခြင်းကို ပြီးမြောက်ထားသော ကျင့်ကြံသူများ သေချာပေါက် ရှိနေမည်ဖြစ်ပြီး ထိုသူများ အတော်များများ ရှိနေမည်ကို သူ သေချာပေါက် သိထားပေသည်။</p> <p>ဤအချက်ကို တိုက်ရိုက် နားလည်ရန် မလိုအပ်ချေ။ မိစ္ဆာနှိမ်နင်း အစည်းအဝေးတွင် ပေါ်လာသော လမ်းမှန် သိုင်းပညာရှင်များ၏ အထွတ်အထိပ် ခွန်အားနှင့် အဆင့်ကို ကြည့်ရှုရုံဖြင့် ကောက်ချက်ချနိုင်ပေသည်။</p> <p>လင်းရန်သည် ယခုအခါ ချီသန့်စင်ခြင်း အဆင့်ငါး အထွတ်အထိပ်သို့ ရောက်ရှိနေပြီး ချီသန့်စင်ခြင်း အဆင့်တွင် ပြိုင်ဘက်ကင်း ဖြစ်နေသော်လည်း အကယ်၍ ပြိုင်ဘက် အင်အားစုများမှ အခြေခံတည်ဆောက်ခြင်း အဆင့်အထက်ရှိ ရှေးပုဂ္ဂိုလ်ကြီး တစ်ဦး ရုတ်တရက် ပေါ်လာပါက သူတို့အား ရေတိုအတွင်း အမှန်တကယ် ရင်ဆိုင်နိုင်မည် မဟုတ်ချေ။</p> <p>အကယ်၍ လင်းရန်သည် မာနထောင်လွှားပြီး မိစ္ဆာဂိုဏ်း၏ ဌာနချုပ်ကို အဆင်အခြင်မဲ့ တိုက်ခိုက်မည်ဆိုပါက ထိုကဲ့သို့သော ပြိုင်ဘက်မျိုးနှင့် ကြုံတွေ့ရရန် အချိန်ကြာမည် မဟုတ်ပေ။ </p> <p>သူ့မိခင်ကို ကယ်တင်ဖို့ ထားလိုက်ဦး... ကိုယ့်ကိုယ်ကိုယ် ကာကွယ်ဖို့ပင် ပြဿနာ ဖြစ်သွားနိုင်ည်။</p> <p>အဘယ်ကြောင့်ဆိုသော် လူများကို ကယ်တင်ခြင်းသည် နိုင်လျှင်တိုက်ပြီး မနိုင်လျှင် ထွက်ပြေးရသည့် တိုက်ပွဲမျိုး မဟုတ်သောကြောင့်ပင်။ ပစ်မှတ်မှာ အလွန် ရှင်းလင်းလှပေသည်။ အကယ်၍ သူ မနိုင်ပါက သူအနေနှင့် ထွက်ပြေးရန် လွယ်ကူသော်လည်း သူ့မိခင် ယင်ချင်းရွှမ် ဒုက္ခရောက်သွားမည် မဟုတ်ပါလော...။</p> <p>ထိုအခြေအနေသို့ ရောက်သွားပါက လင်းရန်သည် ယင်ချင်းရွှမ်ကို ကယ်တင်နေခြင်း မဟုတ်တော့ဘဲ သူမကို အန္တရာယ် ပေးနေခြင်းသာ ဖြစ်သွားလိမ့်မည်။</p> <p>ထို့ကြောင့် ဤအခြေအနေမှာ လင်းရန်အတွက် လက်ရှိတွင် တကယ့် ပြဿနာတစ်ခု ဖြစ်နေသော်လည်း အမှန်အတိုင်း ပြောရလျှင် ပြဿနာ ဖြေရှင်းနိုင်ရန် အချိန်တစ်ခုသာ လိုအပ်ပေသည်။</p> <p>အဘယ်ကြောင့်ဆိုသော် လင်းရန်၏ ကျင့်ကြံမှု အမြန်နှုန်းမှာ ယခုအချိန်တွင် အလွန် မြန်ဆန်နေသောကြောင့်ပင်။</p> <p>သုံးလအတွင်း မည်သည့်အဆင့်သို့ ရောက်ရှိနိုင်မည်ကို လင်းရန် မသိသော်လည်း ချီသန့်စင်ခြင်း အဆင့်ခုနစ်သို့ ပြဿနာမရှိ ရောက်ရှိနိုင်မည်ဟု သူ ယုံကြည်ပေသည်။</p> <p>လင်းရန်သည် ယခုအခါ အခြေခံတည်ဆောက်ခြင်း အဆင့်ရှိ ကျင့်ကြံသူများကို တိုက်ခိုက်နိုင်မည်ဟု ယုံကြည်နေသည်။ အကယ်၍ သူ နောက်ထပ် အဆင့်ကြီး တစ်ခု တက်သွားပါက အခြေခံတည်ဆောက်ခြင်း အထက်ရှိ ပထမ သုံးဆင့်မှ ကျင့်ကြံသူများကို တိုက်ခိုက်နိုင်မည်ဟု သူ ယုံကြည်ပေသည်။ သူ အနိုင်မရနိုင်သော်လည်း ရှုံးနိမ့်မည်လည်း မဟုတ်ချေ။</p> <p>ထိုအချိန်ကျမှသာ လင်းရန်နှင့် သူ၏ ဘေးပတ်လည်ရှိ ထိပ်တန်း ပညာရှင်များသည် ယင်ချင်းရွှမ်ကို ကယ်တင်ရာတွင် အမှန်တကယ် ယုံကြည်မှု ရှိလာမည် ဖြစ်သည်။</p> <p>ဟုတ်ပေသည်။ လင်းရန်၏ ယုံကြည်မှုမှာ အဓိကအားဖြင့် ယင်ချင်းရွှမ် အပေါ် သူ၏ယုံကြည်မှုမှ မြစ်ဖျားခံလာခြင်း ဖြစ်သည်။</p> <p>ရီရှင်းချန် ပြောခဲ့သည်မှာ ယင်ချင်းရွှမ် ကိုယ်တိုင်က လင်းရန် ချီသန့်စင်ခြင်း အဆင့်ခြောက်သို့ မရောက်မချင်း သူမကို လာမကယ်ရန် အမိန့်ပေးခဲ့သည်ဟု ဆိုပေသည်။</p> <p>ယင်ချင်းရွှမ်သည် မိစ္ဆာဂိုဏ်း၏ အင်အားနှင့် အရင်းအမြစ်များကို ကောင်းစွာ သိရှိထားပေသည်။ သူမ ထိုကဲ့သို့ အမိန့်ပေးခဲ့သည်မှာ လင်းရန် ချီသန့်စင်ခြင်း အဆင့်ခြောက်သို့ ရောက်ရှိပြီးနောက် မိစ္ဆာဂိုဏ်း၏ ထူးကဲသော ပုဂ္ဂိုလ်များကို တိုက်ခိုက်နိုင်သည့် ခွန်အားရှိလာမည်ဟု သူမ ယုံကြည်သောကြောင့်ပင်။</p> <p>ဤအချက်ကို အခြေခံ၍ လင်းရန်သည် ဘေးကင်းလုံခြုံစေရန်နှင့် အမှားအယွင်း မရှိစေရန်အတွက် ယင်ချင်းရွှမ်ကို မကယ်တင်မီ ချီသန့်စင်ခြင်း နောက်ဆုံးအဆင့်သို့ ရောက်ရှိသည်အထိ စောင့်ဆိုင်းရန် ဆုံးဖြတ်ခဲ့ခြင်း ဖြစ်၏။</p> <p>ထို့အပြင် ရီရှင်းချန်သည် မြို့တော်ရှိ ကောင်းကင်အဖွဲ့ခွဲကို ဦးစွာ ဖျက်ဆီးခဲ့ပြီးနောက် ရှန်ဟိုင်းရှိ ကောင်းကင်အဖွဲ့ခွဲကို နှိမ်နင်းခဲ့ကြောင်း သိသာထင်ရှားလှပေသည်။ ဤအချိန်တွင် သူမသည်လည်း အင်အားများကို အပြည့်အဝ စုဆောင်းနေပြီး လာမည့် တိုက်ပွဲကြီးအတွက် သေချာပေါက် ပြင်ဆင်နေပုံပင်။</p> <p>ရီရှင်းချန်သည် ဤအရာများကို တစ်ချိန်လုံး တိတ်တဆိတ် လုပ်ဆောင်နေခဲ့သော်လည်း သူမ ဘာမှ မပြောခဲ့ခြင်းသာ ဖြစ်သည်။</p> <p>ယုံမှားသံသယဖြစ်ဖွယ်မရှိပါဘဲ ဤအရာအားလုံးကို ယင်ချင်းရွှမ်က လျှို့ဝှက်စွာ စီစဉ်ညွှန်ကြားနေခြင်း ဖြစ်ချေသည်။ သူမသည် နောက်ကွယ်မှ အရာအားလုံးကို ညွှန်ကြားနေပြီး လင်းရန်အတွက် အတားအဆီးများကို ရှင်းလင်းပေးကာ သူ၏ အင်အားစုများကို ခိုင်မာအောင် လုပ်ဆောင်ပေးနေခြင်း ဖြစ်၏။</p> <p>“သုံးလ...”</p> <p>ကျောင်းမိန်ဖုန်း မျက်မှောင်ကြုတ်သွားပြီး စိုးရိမ်တကြီး မေးလိုက်သည်။<br /> “အချိန်က တိုလွန်းမနေဘူးလား... အစ်မရှောင် ပြောတာတော့ ရှင်းချန်ရဲ့ အစီအစဉ်က အနည်းဆုံး ခြောက်လလောက် ကြာမယ်တဲ့...”</p> <p>လင်းရန် တဟားဟား ရယ်မောပြီး ပေါ့ပေါ့ပါးပါး ရှင်းပြလိုက်သည်။<br /> “အဲဒါ မူလအစီအစဉ်လေ... သူက ငါ့ရဲ့ ကျင့်ကြံမှု အမြန်နှုန်းအပေါ် မူတည်ပြီး စီစဉ်ခဲ့တာ ဖြစ်မယ်... ဒါပေမဲ့ မင်းယောကျ်ားရဲ့ ကျင့်ကြံမှု အမြန်နှုန်းက သူ မျှော်မှန်းထားတာထက် အများကြီး ပိုမြန်နေတာကိုး...”</p> <p>ချက်ချင်းဆိုသလိုပင် လင်းရန်၏ အပြုံးများ ပျောက်ကွယ်သွားပြီး ခေါင်းငုံ့ကာ လေးနက်သော အသံဖြင့် ပြောလိုက်သည်။<br /> “နှစ်သစ်ကူးနေ့က သုံးလပဲ လိုတော့တယ်... နှစ်သစ်ကူးနေ့ မတိုင်ခင် ငါ့အမေ နှစ်ယောက်စလုံးကို ကယ်တင်မယ်... လင်းယုကို သူ့မိဘတွေနဲ့ ပြန်ဆုံတွေ့စေရမယ်... ပြီးတော့ ငါ့မိဘအရင်းတွေကိုလည်း ပြန်ဆုံတွေ့စေရမယ်... ငါတို့ မိသားစု... မဟုတ်ဘူး... ငါတို့ မိသားစုနှစ်ခုစလုံး တကယ့်ကို ပြန်လည်ဆုံစည်းတဲ့ နှစ်သစ်ကူးပွဲလေး လုပ်ရမယ်...”</p> <p>ဤစကားများကို ပြောဆိုချိန်တွင် လင်းရန်၏ မျက်လုံးများနှင့် လေသံမှာ ခိုင်မာပြတ်သားနေပေသည်။</p> <p>“အင်း...”</p> <p>ကျောင်းမိန်ဖုန်း ချက်ချင်း ခေါင်းညိတ်လိုက်ပြီး သူမ၏ လှပသော မျက်လုံးများက ဆုံးဖြတ်ချက်များဖြင့် တောက်ပနေပေသည်။<br /> “ဒါဆို မမလည်း ကျင့်ကြံရာမှာ ပိုကြိုးစားပြီး ချီသန့်စင်ခြင်း အဆင့်လေးကို အမြန်ဆုံး ရောက်အောင် ကြိုးစားမယ်...”</p> <p>လင်းရန် မတ်တပ်ရပ်လိုက်ပြီး ကျောင်းမိန်ဖုန်းကို ကြည့်လိုက်သည်။ သူမကို အချိန်အတော်ကြာ စိုက်ကြည့်ပြီးနောက် ရုတ်တရက် လှမ်းဆွဲကာ ရင်ခွင်ထဲသို့ ဆွဲသွင်းလိုက်သည်။<br /> “တကယ်တော့ မင်း သိပ်ပြီး တမင်တကာ လုပ်နေစရာ မလိုပါဘူး... လက်ရှိအဆင့်ကို လုံးဝ တည်ငြိမ်အောင်လုပ်ပြီး အချိန်အတိုင်းအတာတစ်ခုအထိ အသားကျသွားတာနဲ့ ချီသန့်စင်ခြင်း အဆင့်လေးက မင်းအတွက် စက္ကူပါးလေး တစ်ချပ်လို ဖြစ်သွားမှာပါ... လက်တစ်ချက် ထိုးဖောက်လိုက်ရုံနဲ့ အလွယ်တကူ ကျော်ဖြတ်နိုင်သွားမှာပါ...”</p> <p>“တကယ်လား...”</p> <p>ကျောင်းမိန်ဖုန်း ကြားလိုက်ရသောအခါ ဝမ်းသာအားရ မေးလိုက်သည်။</p> <p>“ရွှေအစစ် ငွေအစစ်ထက်တောင် ပိုစစ်သေးတယ်...”<br /> လင်းရန် ရယ်မောကာ ပြောလိုက်သည်။<br /> “မင်း ချီသန့်စင်ခြင်း အဆင့်လေးကို ရောက်ပြီး ကောင်းကင် ကပ်ဘေးကို ကျော်ဖြတ်နိုင်သွားတာနဲ့ ချီသန့်စင်ခြင်း အဆင့်လေး အထွတ်အထိပ်ကို ရောက်ဖို့က လုံးဝ ပြဿနာ မရှိတော့ဘူး... အဲဒီအချိန်ကျရင် ငါတို့ နှစ်မွှာကျင့်စဉ် စတင်ကျင့်ကြံလို့ ရပြီ... မင်း ချီသန့်စင်ခြင်း အဆင့်ခြောက် အထွတ်အထိပ်ကို ရောက်သွားစေရမယ်လို့ ငါ အာမခံတယ်...”</p> <p>“အာ...”</p> <p>ထိုစကားလုံး နှစ်လုံးကို ကြားလိုက်ရသောအခါ ကျောင်းမိန်ဖုန်း မျက်နှာတစ်ခုလုံး ရဲနီသွားပြီး ခေါင်းငုံ့ကာ ချွဲနွဲ့စွာ ပြောလိုက်သည်။<br /> “ဒါကြောင့်မို့ မနေ့ညက မင်း အရမ်း ခေါင်းမာပြီး မမနဲ့ အတူမနေခဲ့တာကိုး... မင်း ဒါကို အစကတည်းက စီစဉ်ထားတာ မဟုတ်လား...”</p> <p>“ဟဲဟဲ...”</p> <p>လင်းရန် ကျေနပ်အားရစွာ ပြုံးလိုက်သည်။<br /> “ကိုယ်တို့ရဲ့ မင်္ဂလာဦးညက အောင်မြင်တဲ့ အချိန်ဖြစ်ရမယ်လေ... ဘယ်လိုလုပ် အဆင်အခြင်မဲ့ လုပ်လို့ရမှာလဲ...”</p> <p>“ကောင်းပါပြီ... ကောင်းပါပြီ... အဲဒီကိစ္စတွေက အဝေးကြီး လိုပါသေးတယ်... အဲဒီအကြောင်းတွေ ဆက်မပြောကြရအောင်...”</p> <p>လင်းရန် ရုတ်တရက် အကြောင်းအရာကို ပြောင်းလိုက်သည်။<br /> “မနေ့ညက မင်း ကိုယ်ကို ရေချိုးပေးဖို့ပဲ အာရုံစိုက်နေခဲ့တာ... မင်း ချင်းရွှေမြို့ကို ပြန်ရောက်ပြီးနောက် ဘာတွေဖြစ်ခဲ့လဲဆိုတာ ကိုယ်ကို ပြောပြဖို့ အချိန်မရသေးဘူး... မြန်မြန်ပြောပြပါဦး... မင်းနဲ့ မင်းမိဘတွေကြားက အခြေအနေ ဘယ်လိုရှိလဲ... ပြီးတော့ မင်း ခေါ်လာတဲ့ ကျင်ရှင်းသီလရှင်ကျောင်းက တပည့်တွေရဲ့ အခြေအနေရော...”</p> <p>အခန်း ၁၅၈၅ ပြီး</p> <p> </p>


Save