Book List

<h2 style="text-align: center;">Chapter 218</h2> <h2 style="text-align: center;">*</h2> <p> </p> <p>ကျိုးထောင်ဟွား တစ်နေ့တခြားကြီးထွားလာသော သူမ၏သုံးနှစ်အရွယ် သမီးငယ်လေးကို ကြည့်လိုက်၏။ လေပြေအေးလေးမှ ပါးပြင်ကိုခပ်ဖွဖွတိုးဝှေ့သွားချိန်တွင် သူမတွေးမိသည်။</p> <p> </p> <p> </p> <p> </p> <p>"ငါကူးပြောင်းလာရတဲ့ ဒီဘဝလေးက တကယ်ကို သာယာတာပဲ"</p> <p> </p> <p> </p> <p>သူမတွင်ကလေးရှိပြီး ခင်ပွန်းလည်းရှိသည်။ ချစ်ခင်ရသော မိဘများနှင့် နတ်ဆိုးများစွာ ရှိသည်။ ဤဘဝသည် ရိုးရှင်းသော်လည်း အလွန်ပင်ထူးကဲလှ၏။ ​သို့သော်လည်း သူမလုံးဝမျှော်လင့်မထားသော အရာတစ်ခုဖြစ်ပျက်ခဲ့သည်။ ထိုည၌ ရှန်းမင်နှင့်အတူအိပ်ပျော်သွားပြီးနောက် နိုးလာချိန်တွင် သူမကိုယ်သူမ ခေတ်သစ်ကမ္ဘာသို့ ပြန်ရောက်နေသည်ကို တွေ့လိုက်ရ၏။ ​သူမဗီလာထဲပြန်ရောက်နေပြီး ငွေကြေးများ၊ ရတနာများနှင့် အဖိုးတန်အိတ်များအားလုံးလည်း ရှိနေဆဲပင်။ သို့သော် ခြောက်ကပ်နေသော အိမ်ကြီးနှင့် ဘဏ်အကောင့်ထဲရှိသုညအရှည်ကြီးများကိုကြည့်ရင်း သူမ, မပျော်ရွှင်နိုင်ခဲ့ပေ။ ​ကျိုးထောင်ဟွား အဖြူရောင်ပိုးသားညဝတ်ဂါဝန်လေးဖြင့် ကုတင်ပေါ်မှ ဆင်းလိုက်သည်။ သူမအမှန်တကယ် လမ်းလျှောက်နိုင်နေပြီပင်။ ခဏတာမျှ သူမသည် ယခင်ကဖြစ်ပျက်ခဲ့သမျှအရာအားလုံးမှာ အိပ်မက်လား လက်တွေ့လားဆိုသည်ကို ဝေခွဲမရဖြစ်နေမိ၏။</p> <p> </p> <p> </p> <p>‘ရှန်းမင်၊ ယန်ယန်၊ အဘွားစွင်းနဲ့ အငယ်ဆုံးဦးလေးကျိုး ဒါတွေအားလုံးက အိပ်မက်သက်သက်ပဲလား’</p> <p> </p> <p> </p> <p>​ကျိုးထောင်ဟွား သူမပါးကိုဆွဲလိမ်ကြည့်ရာ နာကျင်မှုကိုခံစားရတော့မှ လက်လွှတ်လိုက်သည်။ မှန်တင်ခုံရှေ့တွင် သူမရပ်၍ မိမိကိုယ်ကိုပြန်ကြည့်လိုက်၏။ သူမသည် အသက် ၂၆ နှစ်အရွယ်ပင်ရှိသေးပြီး အိပ်မက်ထဲမှ အသက် ၁၄၊ ၁၅ နှစ်အရွယ် မျက်နှာလေးနှင့် လုံးဝကွဲပြားနေသည်။ ​မျက်နှာသစ် သန့်စင်ပြီးနောက်တွင်မူ ကျိုးထောင်ဟွားသည် ထိုအရာအားလုံးမှာ အိပ်မက်သာဖြစ်သည်ဟုချက်ချင်း လက်ခံလိုက်တော့သည်။ သူမပခုံးဟိုက် ဂါဝန်တစ်ထည်ကိုလဲဝတ်ကာ မိတ်ကပ်ပါးပါးလေးလိမ်းလိုက်ပြီးနောက် ကော်ဖီသောက်ရန်နှင့် ဈေးဝယ်ရန်အတွက် သူမ၏G-Wagonကားကြီးကို မောင်းထွက်ခဲ့သည်။</p> <p> </p> <p> </p> <p>​သို့သော် ကော်ဖီဆိုင်ထဲသို့ဝင်လိုက်သည်နှင့် အမျိုးသမီးတစ်ဦးမှာ ရူးသွပ်နေသကဲ့သို့ သောင်းကျန်းနေသည်ကိုတွေ့လိုက်ရသည်။ သူမကြောင့် အခြားဖောက်သည်များမှာ ထိတ်လန့်နေကြပြီး ဆိုင်ဝန်ထမ်းများလည်း ထိုအမျိုးသမီး ငြိမ်သက်သွားစေရန် ကြိုးစားတားဆီးနေကြသော်လည်း သူမမှာသူတို့ကိုအတင်းတွန်းဖယ်ပစ်လိုက်သည်။ နောက်ဆုံးတွင် ဝန်ထမ်းများမှာ ရဲကိုဖုန်းဆက်ရန်မှတစ်ပါး အခြားမရှိတော့ပေ။ ​အကယ်၍ သူမသာ ရူးသွပ်နေသူသက်သက်ဆိုလျှင် မဆိုးလှသော်လည်း ကျိုးထောင်ဟွား ထိုအမျိုးသမီးထံမှ ထွက်ပေါ်နေသော ယုတ်မာညစ်ထေးသည့် အငွေ့အသက်များကို ရှင်းရှင်းလင်းလင်းမြင်နေရသည်။ သူမမှာဝိညာဉ်ပူးကပ်ခံထားရခြင်းပင်။ ​ကျိုးထောင်ဟွားအနားသို့တိုးသွားမည်အပြု ဝန်ထမ်းတစ်ဦးမှတားလိုက်သည်။</p> <p> </p> <p> </p> <p>"အစ်မ ဟိုဘက်ကိုမသွားပါနဲ့၊ သူအစ်မကို ရန်မူလိမ့်မယ်"</p> <p> </p> <p> </p> <p>​ထိုဝန်ထမ်းစကားပင်မဆုံးသေးမီ နာကျင်စွာ ညည်းတွားသံထွက်ပေါ်လာသည်။ ရူးသွပ်နေသောလှလှပပဤအမျိုးသမီးမှာ အတော်ပင်အားသန်လှရာ ဝန်ထမ်းမလေးကိုတွန်းလိုက်ရုံဖြင့် ဝန်ထမ်းမလေးမှာ စားပွဲနှင့်ခါးဆောင့်မိကာ အပြင်းအထန်နာကျင်သွားရ၏။ ​ကျိုးထောင်ဟွား ဝန်ထမ်းမလေးထံပြုံးပြပြီး ပြောလိုက်သည်။</p> <p> </p> <p> </p> <p>"ရပါတယ် ကျေးဇူးပဲနော်၊ ကျွန်မဘာသာ ဂရုစိုက်ပါ့မယ်"</p> <p> </p> <p> </p> <p>ထို့နောက် ဝန်ထမ်းမလေးနှင့် အခြားသူများမယုံနိုင်အောင်ပင် သူမ၏LV အိတ်ထဲမှ အဆောင်လက်ဖွဲ့တစ်ခုကိုထုတ်၍ ထိုလှပသောအမျိုးသမီး၏ကိုယ်ပေါ်တွင် ကပ်လိုက်သည်။ ​တခဏချင်းမှာပင် ထိုအမျိုးသမီးမှာငြိမ်ကျသွားတော့၏။ သူမ၏သောင်းကျန်းမှုများ ချက်ချင်းရပ်တန့်သွားခဲ့သည်။ အားလုံးမှာ ဤမြင်ကွင်းကို မယုံနိုင်ဟန်ဖြင့်ကြည့်နေကြသည်။</p> <p> </p> <p> </p> <p> </p> <p>‘ဘယ်လိုလုပ်ဖြစ်နိုင်မှာလဲ၊ ရူးသွပ်သလို ဖြစ်နေတဲ့သူက ဘယ်လိုလုပ် ချက်ချင်းကြီး ငြိမ်သွားရတာလဲ’</p> <p> </p> <p> </p> <p>ကျိုးထောင်ဟွား အဆောင်လက်ဖွဲ့သုံးလိုက်ခြင်းလား သို့မဟုတ် စိတ်ငြိမ်ဆေး တစ်မျိုးမျိုးထိုးပေးလိုက်ခြင်းလားဟု လူများမှ တွေးတောနေကြသည်။ မဒမ်ရှန်းသည် ခုနကစိတ်လွတ်ကာ ရူးသွပ်သွားခဲ့သော်လည်း မှတ်ဉာဏ်များပျောက်ဆုံးမသွားပေ။ သူမယခင်က မည်သည့်အရာများလုပ်ခဲ့သည်ကို ကောင်းကောင်းကြီး မှတ်မိနေသည်။ မဒမ်ရှန်းမှာအလွန်တရာ အရှက်ရနေသဖြင့် ပတ်ဝန်းကျင်အားဝေ့ကြည့်လိုက်ရင်း ကျိုးထောင်ဟွားကိုမြင်သောအခါ သူမထံမှထူးခြားသောရင်းနှီးမှုကိုခံစားလိုက်ရ၏။</p> <p> </p> <p> </p> <p>​ကျိုးထောင်ဟွားကို သူမဆွဲထိုင်ခိုင်းလိုက်ပြီး ဆိုင်မန်နေဂျာထံသို့ ဘလက်ကတ်တစ်ခုကမ်းပေးလိုက်သည်။ ဤကတ်အား ဆိုင်၏ပျက်စီးဆုံးရှုံးမှုများနှင့် ဝန်ထမ်းများ၏ဒဏ်ရာများအတွက် လျော်ကြေးအဖြစ် အသုံးပြုရန်ဖြစ်ပြီး PINနံပါတ်မလိုပေ။ သူမစိတ်ကြိုက် သုံးစွဲနိုင်သည်ဟု အဓိပ္ပာယ်ရသည်။ ​ဆိုင်မန်နေဂျာမှာ ကတ်ကိုယူလိုက်ပြီး တတွတ်တွတ် ကျေးဇူးတင်နေတော့သည်။ ဤဆိုင်သို့လာသူများမှာ ချမ်းသာကြသူများဖြစ်သော်လည်း ဤအမျိုးသမီး ကိုင်ဆောင်ထားသော အဆင့်မြင့်ကတ်မျိုးကို ကိုင်နိုင်သူမှာ အလွန်နည်းပါး၏။ မန်နေဂျာမှာရဲခေါ်ထားသည်ကို ချက်ချင်းဖျက်သိမ်းလိုက်ပြီး သင့်တော့်သော ပမာဏကိုဖြတ်တောက်လိုက်သည်။ ယခင်ကတွန်းဖယ်ခံလိုက်ရသော ဝန်ထမ်းများမှာလည်း ပြုံးရွှင်သွားကြတော့၏။ မဒမ်ရှန်း ကျိုးထောင်ဟွားကို ကြင်နာစွာဖြင့်မေးလိုက်သည်။</p> <p> </p> <p> </p> <p>"ကလေး မင်းအန်တီကိုကပ်ပေးလိုက်တဲ့ ဒီစက္ကူအဝါလေးကဘာလဲ၊ ဘယ်လိုလုပ် ဒီလောက်တောင် စွမ်းရတာလဲ၊ ခုနက အန်တီဘာဖြစ်သွားတာလဲဟင်"</p> <p> </p> <p> </p> <p>​အကြောင်းရင်းကို မသိသော်လည်း မဒမ်ရှန်းမှာ ကျိုးထောင်ဟွားကိုကြည့်ရုံဖြင့် ဤမိန်းကလေးမှာ ထူးခြားသော အရည်အချင်းရှိသူဟု ခံစားနေရသည်။</p> <p> </p> <p> </p> <p>​"အန်တီ ဒါကနတ်ဆိုးနှင်အဆောင်လက်ဖွဲ့ပါ၊ အန်တီ့ကို ဝိညာဉ်တစ်ခုကပ်နေပြီး သူက အန်တီ့ကို ထိန်းချုပ်ပြီး စိတ်တိုအောင်လုပ်နေတာလေ၊ အခုတော့ ဘာမှ မဖြစ်တော့ပါဘူး"</p> <p> </p> <p> </p> <p>ကျိုးထောင်ဟွား ရှင်းပြလိုက်သည်။ ​ဝိညာဉ်ပူးကပ်ခံရသည်ဟု ကြားသောအခါ မဒမ်ရှန်းထိတ်လန့်သွားပြီး ထပ်မံ မေးမြန်းပြန်သည်။</p> <p> </p> <p> </p> <p>"ကလေးမလေး၊ နောက်တစ်ခါ အဲ့လိုမဖြစ်အောင် ဘယ်လိုလုပ်ရမလဲ"</p> <p> </p> <p> </p> <p>​"ကျွန်မဆီမှာ အကာအကွယ်အဆောင်လက်ဖွဲ့ ရှိပါတယ်၊ အန်တီဝယ်ချင်ရင် ဝယ်လို့ရပါတယ်"</p> <p> </p> <p> </p> <p>​မဒမ်ရှန်းချက်ချင်းပင် ခေါင်းညိတ်လိုက်သည်။</p> <p> </p> <p> </p> <p>"ဝယ်မယ် ခုနကသုံးလိုက်တဲ့ အဆောင်လက်ဖွဲ့ကရော ဘယ်လောက်လဲ၊ အကုန်လုံးအတွက် အန်တီပေးပါ့မယ်"</p> <p> </p> <p> </p> <p>​ကျိုးထောင်ဟွား အမျိုးသမီး၏အဝတ်အစားများကို ကြည့်လိုက်ရာ သူမမှာအလွန်ချမ်းသာသူ ဖြစ်ပုံရသည်။ ထို့ကြောင့် သူမပုံမှန်ဈေးနှုန်းတစ်ခုကို ပြောလိုက်၏။</p> <p> </p> <p> </p> <p>"စုစုပေါင်း ယွမ်လေးသန်းပါ"</p> <p> </p> <p> </p> <p>​ထိုအမျိုးသမီး လွယ်လွယ်ကူကူပေးချေလိမ့်မည်ဟု သူမထင်ထားသည်။ S မြို့တော်တစ်ခုလုံးတွင် နှစ်ကတ်သာရှိသော ဘလက်ကတ်ကိုကိုင်ထားနိုင်သူမှာ ဤမျှလောက်သောငွေကို မပေးနိုင်ဘဲမနေပေ။ ​မမျှော်လင့်ဘဲ ထိုအမျိုးသမီးမှ ပြောလိုက်သည်။</p> <p> </p> <p> </p> <p>"အိုး အဲဒီလောက်တောင်လား၊ အန်တီမှာအခုလောလောဆယ် ငွေအဲလောက်ပါမလာဘူး၊ ဒါပေမဲ့ ကလေးမပူပါနဲ့၊ အန်တီ သေချာပေါက် ပေးမှာပါ၊ ခဏလေး စောင့်ဦးနော် အန်တီ့သားကို ဖုန်းဆက်ပြီး လာပေးခိုင်းလိုက်မယ်"</p> <p> </p> <p> </p> <p>ထို့နောက်  ဖုန်းထုတ်ပြီး နံပါတ်တစ်ခုကို နှိပ်လိုက်သည်။ ​ကျိုးထောင်ဟွား ဇဝေဇဝါ ဖြစ်သွားရ၏။ သူမစနောက်နေသည်‌လော။ ဤလောကထဲတွင် နှစ်ပေါင်းများစွာလုပ်ကိုင်လာခဲ့သော သူမသည် ဘလက်ကတ်ကိုင်နိုင်သူများအကြောင်း အနည်းအကျဉ်းသိထားသည်။ ဤဘလက်ကတ်ထဲတွင် ယွမ် လေးသန်းပင်မရှိခြင်းပေ‌လား။</p> <p> </p> <p> </p> <p>​"သားရေ မေမေ ချင်းယဲ့စီးတီးရဲ့ခြောက်ထပ်က ကော်ဖီဆိုင်မှာရောက်နေတယ်၊ ပစ္စည်းတစ်ခုဝယ်နေတာ ယွမ်လေးသန်း လိုနေလို့ အခုလာပို့ပေးဦး၊ ဘဏ်ကနေ လွှဲတာမလိုချင်ဘူး၊ အခုချက်ချင်း ကိုယ်တိုင်လာပို့ မလာရင်တော့ အိမ်ပြန်ရောက်ရင် မင်းအဖေကိုတိုင်ပြောမှာနော်"</p> <p> </p> <p> </p> <p>​မျက်နှာချင်းဆိုင်တွင်ထိုင်နေသော ကျိုးထောင်ဟွားမှာ ထိုစကားများကိုကြားပြီး အံ့အားသင့်သွားရသည်။</p> <p> </p> <p> </p> <p>‘မိခင်ဖြစ်သူက သားဖြစ်သူကို ဤသို့ ခြိမ်းခြောက်နေသည်လား’</p> <p> </p> <p> </p> <p>သို့သော် ဤသည်မှာ မိခင်နှင့်သားကြား မိသားစုကြားရှိ ရင်းနှီးသောဆက်ဆံရေးကို ဖော်ပြနေခြင်းပင်။ ​ခဏအကြာတွင် သူဌေးကတော်ပြုံးလျက် ဖုန်းချလိုက်ပြီး ကျိုးထောင်ဟွားကို ပြောလေသည်။</p> <p> </p> <p> </p> <p>"ကလေး ခဏစောင့်ဦးနော်၊ အန်တီ့သား အခုလာပို့ပေးလိမ့်မယ်၊ ဗိုက်ဆာနေပြီလား စားချင်တာမှာလိုက်ဦးလေ၊ သူရောက်လာရင် အကုန်ရှင်းခိုင်းလိုက်မယ်"</p> <p> </p> <p> </p> <p>ထို့သို့ဖြင့် သူမသားကိုအမြတ်ထုတ်နေတော့သည်။ ​ထို့ကြောင့် ကျိုးထောင်ဟွား သူမနှစ်သက်သော စတော်ဘယ်ရီ ကိတ်မုန့်တစ်ခုကို ထပ်မံမှာယူလိုက်သည်။ ထိုသားဖြစ်သူကို စောင့်နေရင်း ကျိုးထောင်ဟွား အဆောင်လက်ဖွဲ့ကို တြိဂံပုံစံလေးခေါက်ပေးလိုက်၏။</p> <p> </p> <p> </p> <p>​"အန်တီ ဒါဆိုရင် သယ်ရတာပိုလွယ်သွားပြီ၊ အင်္ကျီအိတ်ထဲမှာပဲဖြစ်ဖြစ် ကိုယ်နဲ့မကွာဆောင်ထားလို့ ရပါတယ်၊ ခုနက နတ်ဆိုးနှင်အဆောင်ကလည်း သုံးလို့ရသေးတယ်၊ ကျွန်မပြန်ခေါက်ပေးမယ် အတူတူဆောင်ထားလိုက်ပါ၊ ဒီအဆောင်တွေက သူ့အလိုလိုမီးလောင်ပြီးပြာမဖြစ်သွားသရွေ့တော့ သုံးလို့ရပါတယ်၊ ရေစိုခံပြီး မီးမလောင်ပါဘူး၊ အကယ်၍ သူ့အလိုလိုပြာဖြစ်သွားခဲ့ရင်တော့ အန်တီ့အတွက်ဘေးအန္တရာယ်ကြီးတစ်ခုကို ကာကွယ်ပေးလိုက်ပြီလို့ ဆိုလိုတာပါ၊ တခြား လိုအပ်တာရှိရင်လည်း ကျွန်မဆီမှာဝယ်လို့ရပါတယ်"</p> <p> </p> <p> </p> <p>​ပြောပြောဆိုဆိုဖြင့် ကျိုးထောင်ဟွား သူမဝီချက်ကိုထုတ်ကာ အန်တီကြီးကို add ခိုင်းလိုက်သည်။ မဒမ်ရှန်းမှာအလွန်တရာဝမ်းသာသွားပြီး ထိုကလေးမလေးကို ဝီချက်တွင် ချက်ချင်းပင်add လိုက်တော့သည်။</p> <p> </p> <p> </p> <p>​"ကလေးမလေး မင်းနာမည်ကဘာတဲ့လဲ"</p> <p> </p> <p> </p> <p>​"ကျွန်မနာမည်က ကျိုးထောင်ဟွားပါ အန်တီ"</p> <p> </p> <p>မဒမ်ရှန်းပြုံးလျက် ချီးကျူးလိုက်သည်။</p> <p> </p> <p> </p> <p>"နာမည်လေးက သိပ်လှတာပဲ၊ ကြားရတာနဲ့တင် စိတ်ချမ်းသာဖို့ကောင်းလိုက်တာ"</p> <p> </p> <p> </p> <p>​"အမေ ဘယ်သူ့ဆီကဘာဝယ်နေတာလဲ"</p> <p> </p> <p> </p> <p>​ကျိုးထောင်ဟွား မဒမ်ရှန်းစကားကို နားထောင်နေစဉ်မှာပင် ရုတ်တရက် အလွန်တရာရင်းနှီးနေသော အသံတစ်ခုကို ကြားလိုက်ရသည်။ သူမ, မယုံနိုင်ဟန်ဖြင့် မော့ကြည့်လိုက်မိ၏။</p> <p> </p> <p> </p> <p style="text-align: center;">***</p> <p> </p>


Save