Book List

<h2 style="text-align: center;">အခန်း ၁၀၃၅</h2> <h2 style="text-align: center;">နောက်ကွယ်က တရားခံ ... ။</h2> <h2 style="text-align: center;">*</h2> <p style="text-align:center"> </p> <p style="text-align:justify"> </p> <p style="text-align:justify">“ စိတ်ဝင်စားစရာပဲ ... ။ ”</p> <p style="text-align:justify">စုရီတစ်ယောက် အသိစိတ်ပင်လယ် အတွင်း၌ ရေရွတ်လိုက်သည်။ သတ္တမမြောက် ဘဝဖြင့် ပေါင်းစပ်ပြီးနောက်တွင် ရှန့်မူ၏ ခံစားချက်များသည် သူ့စိတ်အခြေအနေကို လွှမ်းမိုးလာနေ၏။</p> <p style="text-align:justify">၎င်းကို ငြင်းပယ်ရန် သို့မဟုတ် ဖြတ်တောက်ရန် မဖြစ်နိုင်ချေ။ အကြောင်းမှာ သူနှင့် ရှန်မူသည် တစ်ဦးတည်း ဖြစ်နေ သောကြောင့်ပေပင်။</p> <p style="text-align:justify">“ ဒါက ငါ့ရဲ့နှလုံးသားမိစ္ဆာပဲ ... နောင်တစ်ချိန်မှာ ရွှယ်လျူကို သတ်တဲ့နေ့ဟာ ဒီမိစ္ဆာကို အမြစ်ဖြတ်နိုင်တဲ့ နေ့ ဖြစ်ရမယ်။ ”</p> <p style="text-align:justify">သူသည် ယခင် လောကသခင်နှင့် ပေါင်းစပ်ခဲ့ဖူးသည့် အတွေ့အကြုံများရှိသဖြင့် ရှန့်မူဘဝကို ကိုင်တွယ်ရာတွင် ကျွမ်းကျင်နေပြီဖြစ်သည်။</p> <p style="text-align:justify">ဤနှလုံးသားမိစ္ဆာသည် အချိန်မရွေး စိတ်ဆန္ဒကို လွှမ်းမိုးလာနိုင်သော်ငြားလည်း တန်ဖိုးရှိသော စမ်းသပ်မှုတစ်ခုဖြစ်၏။</p> <p style="text-align:justify">ထို့နောက် ရှန့်မူ၏ ကျင့်ကြံမှု မှတ်တမ်းများထဲ ပြန်လည်စိစစ်ကြည့်ကာ ဓားတာအို နားလည်မှုများကို မိမိကိုယ်ပိုင်အဖြစ် ပြောင်းလဲပစ်လိုက်လေသည်။</p> <p style="text-align:justify">သည့်ပြင် မှတ်ဉာဏ်ထဲတွင် အလွန်တန်ဖိုးရှိသော ရှေးဟောင်းကျမ်းစာများ၊ တာအိုကျမ်းများနှင့် ဗဟုသုတများစွာကိုလည်း ပေါင်းစပ်ပါဝင်နေတော့၏။</p> <p style="text-align:justify">ထိုကြောင့် အရာများစွာကို နားလည်လာခဲ့သည်။ နတ်ဆိုးခေတ်ကြီးသည် လက်ရှိခေတ်နှင့် ယှဉ်တွဲတည်ရှိနေသော အခြား အာကာသ-အချိန်တစ်ခုဖြစ်၏။ အပြိုင် စကြာဝဠာ တစ်ခုပေပင်။</p> <p style="text-align:justify">အချိန်ကာလသည် မြစ်တစ်စင်းဖြစ်ပြီး နတ်ဆိုးခေတ်နှင့် လက်ရှိခေတ်သည် ထိုမြစ်မှ ခွဲထွက်နေသော မြစ်လက်တက်နှစ်ခုပေပင်။</p> <p style="text-align:justify">နတ်ဆိုးခေတ်တွင် အင်အား အကောင်းဆုံးသော ကျင့်ကြံမှုတာအိုသည် မိစ္ဆာတာအို ဖြစ်သည်။ သို့သော် လက်ရှိခေတ် မိစ္ဆာတာအိုနှင့်မတူဘဲ ထိုခေတ်၏ ယဉ်ကျေးမှု တစ်ခုအဖြစ်ပင် ထွန်းကားနေချေပြီ။</p> <p style="text-align:justify">တစ်ချိန်က ရွှမ်ဟွမ်ကြယ်စင်စု၌ တွေ့ရှိခဲ့သော နတ်ဆိုးခေတ်မှချင်ချုံရှသည် အချိန်မြစ်ကို ဖြတ်ကျော်ပြီး ရောက်ရှိ လာသူပေပင်။</p> <p style="text-align:justify">ရှန့်မူ မှတ်ဉာဏ်ထဲတွင် အချိန်မြစ်ကို ဖြတ်ကျော်နိုင်သူများသည် အထွတ်အထပ်ရှိ ပထမတန်းစား အင်မော်တယ်များဖြစ်သည်။ သို့မဟုတ် တားမြစ်အင်မော်တယ် လက်နက် အစွမ်းဖြင့် ဖြတ်ကျော်ရပေမည်။</p> <p style="text-align:justify">ဆိုလိုသည်မှာ ချင်ချုံရှနှင့် နတ်သမီး ရွှယ်လျူဟူသည် စစ်မှန်သောအင်မော်တယ်များ ဖြစ်နိုင်လေသည်။ သို့သော် ကံကောင်းသည်မှာ အချိန်မြစ်၏ အခြားတစ်ဖက်မှနေပြီး ဖြတ်‌ကျော်လာနိုင်ခြင်း မရှိကြချေ။</p> <p style="text-align:justify">အထူးသဖြင့် နတ်သမီးရွှယ်လျူဖြစ်သည်။ သူမသည် အပ်ချုပ်သမားကြီးကိုသာ အကူအညီ တောင်းနေရခြင်းပေပင်။</p> <p style="text-align:justify">“ ဝှစ် ... ။ ”</p> <p style="text-align:justify">ထိုအတွေးသည် စုရီကို တစ်စုံတစ်ရာ သတိရလာစေလျက် လက်ဝှေ့ယမ်းလိုက်ကာ ကျောက်စိမ်းတံဆိပ်တစ်ခု ထုတ်ယူခဲ့၏။</p> <p style="text-align:justify">ဤသည်မှာ အပ်ချုပ်သည် အဖိုးကြီး ပေးအပ်ခဲ့သောအဖြေများ ပါဝင်သည့် တံဆိပ် ဖြစ်သည်။ ချက်ချင်းပင် နတ်အာရုံဖြင့် ဖတ်ရှုကြည့်လိုက်၏။</p> <p style="text-align:justify">အပ်ချုပ်သမားသည် မေးခွန်းသုံးခုကို ဖြေကြားပေးထားသည်။ ပထမဆုံး အဖြေသည် လင်းလန်နယ်မြေကို ဖျက်ဆီးသူများသည် ယွင် မျိုးရိုးဖြစ်သည်။</p> <p style="text-align:justify">ဤသည်မှာ သူ့အတွက် လုံးဝ မမျှော်လင့်ထားသော အဖြေပေပင်။ တာအို ရှေးဟောင်းကာကွယ်သူ မျိုးနွယ်စု(၆)ခုအနက် ထိုယွင်မျိုးနွယ်သည် ပြင်ပနှင့် ဆက်သွယ်မှု အနည်းဆုံးဖြစ်သည်။</p> <p style="text-align:justify">ခရမ်းရောင်တိမ်တောင် တိုက်ပွဲသို့ပင် သူတို့၏မိသားစုဝင်များကို စေလွှတ်လာခြင်း မရှိကြချေ။</p> <p style="text-align:justify">ကောလာဟလများအရ သူတို့သည် စစ်မှန်သောအင်မော်တယ် သားစဉ်မြေးဆက် ဖြစ်ကြသဖြင့် မောက်မာလှသည်။ ယခင်က သူနှင့်မည်သည့်ရန်ငြိုးမျှ မရှိခဲ့ချေ။</p> <p style="text-align:justify">ဒုတိယအဖြေသည် အဖိုးကြီးဝေဖြစ်၏။ အဖိုးကြီးဝေကို ဖမ်းဆီးခေါ်ဆောင်သွားသူမှာ ထိုယွင်မျိုးနွယ်ပင် ဖြစ်နေသည်။</p> <p style="text-align:justify">တတိယအဖြေမှာ နတ်သမီးရွှယ်ရှနှင့် အပ်ချုပ်သမားအကြား ပတ်သတ်မှုဖြစ်ချေ၏။ ထိုအဖိုးကြီးသည် ရွှယ်လျူ၏ ဦးလေးပေပင်။</p> <p style="text-align:justify">ဤအချက်မှာ စုရီကို အံ့အားသင့် သွားစေသည်။ ဆိုလိုသည်မှာ အပ်ချုပ်သမား သည်လည်း နတ်ဆိုးခေတ်မှ လာသူပေပင်။</p> <p style="text-align:justify">“ ဒီအဖိုးကြီး အချိန်မြစ်ကို ဖြတ်ကျော်လာနိုင်တာလား ... မေ့လိုက်ပါ ... အဲ့ဒီမြေခွေးအိုကြီးကို ဖမ်းမိတဲ့နေ့ကျရင် အဖြေတွေ ပေါ်လာမှာပဲ ...</p> <p style="text-align:justify">... လောလောဆယ်တော့ ယွင်မျိုးနွယ်စုဆီကို တစ်ခေါက်လောက်သွားဖို့ လိုအပ်လာပုံရတယ်။ ”</p> <p style="text-align:justify">စုရီ၏ မျက်လုံးများတွင် အေးစက်သော အကြည့်များ ပေါ်ထွက်လာ၏။ နောက်တစ်နေ့ နံနက်တွင် စုရီသည် အပ်ချုပ်သမားကိုရှာဖွေရန် နည်းလမ်းရှိ-မရှိ မေးမြန်းလိုက်သည်။</p> <p style="text-align:justify">ဝေရှန်းမှ ခေါင်းခါလျက်၊</p> <p style="text-align:justify">“ ဒါက ခက်လိမ့်မယ် ... ဒါပေမယ့် ပင်လယ်လေးပါးမျှော်စင်ကနေ စုံစမ်းရင်တော့ သဲလွန်စအချို့ရနိုင်မယ်။ ”</p> <p style="text-align:justify">-ဟု ပြန်ဖြေသည်။</p> <p style="text-align:justify">စုရီတစ်ယောက် တိတ်ဆိတ်သွား၏။ ထိုပင်လယ်လေးပါးမျှော်စင်သည် ကြယ်လွင်ပြင် အနှံအပြားတွင် ဖြန့်ကျက်ထားနိုင်သော ကုန်သွယ်ရေးအင်အားစုကြီးပေပင်။</p> <p style="text-align:justify">“ အဲဒီမျှော်စင်ရဲ့ နောက်ကွယ်က ပိုင်ရှင်က စာရင်းကိုင်ဆိုတဲ့လူပဲ သူနဲ့အပ်ချုပ်သမားကြီးက မိတ်ဆွေတွေ ဖြစ်ပုံရတယ်။ ”</p> <p style="text-align:justify">“ ကောင်းပြီ ... ယွင်မျိုးနွယ်စုဆီက အပြန်ကျရင် အဲ့ဒီစာရင်းကိုင်ဆီကို ဝင်ပြီးတော့ စကားပြောကြည့်ရအောင်။ ”</p> <p style="text-align:justify">စုရီမှ ဆုံးဖြတ်လိုက်၏။ တစ်ဖက်လူကို ရှာရန်အချိန်တန်ချေပြီ။ မဟုတ်သော် အဆုံးမဲ့ ဒုက္ခများကို ထပ်မံဖြေရှင်းနေရပေဦးမည်။</p> <p style="text-align:justify">“ သခင်လေး ယွင်မိသားစုဆီ ဘာသွားလုပ်မှာလဲ။ ”</p> <p style="text-align:justify">ဝေရှန်းတစ်ယောက် အံ့အားသင့်သွား၏။ စုရီကလက်ကာပြကာ၊</p> <p style="text-align:justify">“ ငါပြန်လာရင် ပြောပြမယ် မင်းဆီမှာပဲစောင့်နေ ... ။ ”</p> <p style="text-align:justify">-ဟု ဆိုလျက် လှမ်းထွက်သွားလေသည်။</p> <p style="text-align:justify">“ သခင်စု ... ရှေးခေတ် အင်အားစုတစ်ခုဖြစ်တဲ့ အင်မော်တယ် ဓားခန်းမက ... ယွင်မိသားစုရဲ့ နောက်ကွယ်မှာရှိနေတယ် ...</p> <p style="text-align:justify">... သူတို့ကို ရှေးခေတ်တုန်းကဆိုရင် ဓားသမားတွေအတွက် မြင့်မြတ်မြေတစ်ခုအဖြစ် သတ်မှတ်ကြတယ် သူတို့မှာ အင်မော်တယ် ဓားနတ်ဘုရားတွေ အများကြီး မွေးထုတ် ပေးနိုင်ခဲ့တယ် သတိထားပါ။ ”</p> <p style="text-align:justify">လီပေ့ရှန်မှ အော်ဟစ်သတိပေးလိုက်၏။ သို့သော် စုရီပုံရိပ်မှာ တိမ်ပင်လယ်အတွင်းလုံးဝ ပျောက်ကွယ်သွားပြီဖြစ်သည်။</p> <p style="text-align:justify">ရွှေရောင်နတ်ဘုရားတောင်တန်း။ ဤသည်မှာ ယွင်မျိုးနွယ်၏ နေထိုင်ရာအုတ်မြစ် ဖြစ်သည်။ ထိပ်တန်း ကျင့်ကြံမှုနယ်မြေ တစ်ခုပေပင်။</p> <p style="text-align:justify">ယနေ့တွင် ယွင်မျိုးနွယ်စုအတွင်း၌ မင်္ဂလာပွဲတစ်ခုကျင်းပနေခဲ့သဖြင့် အလွန်ပင် စည်ကားသိုက်မြုက်နေသည်။</p> <p style="text-align:justify">သတို့သားသည် ယွင်မျိုးနွယ်စု ခေါင်းဆောင်၏ ဒုတိယသား ယွင်ချောင်ဖုန်း ဖြစ်ပြီး သတို့သမီးသည် အပြာရောင်လွမ် ဝိညာဉ်မျိုးနွယ်စုမှ ဖန်လင်ကျိဖြစ်သည်။</p> <p style="text-align:justify">ရှေးဟောင်း ယွင်မျိုးနွယ်စု၏ ထျန်းလော့နန်းတော်အတွင်း၌ အဆင့်အတန်း မြင့်မားသော ဧည့်သည်တော်များ စုံလင်စွာ တက်ရောက်လာကြ၏။</p> <p style="text-align:justify">ကျင့်ကြံမှုအနိမ့်ဆုံးသူသည်ပင် ကွေ့ယီအဆင့်နယ်ပယ်ဘုရင်ဖြစ်ပြီး အများစုမှာ တုံ့ယွီအထွတ်အထိပ်များပေပင်။</p> <p style="text-align:justify">ထိုအထဲတွင် အင်မော်တယ်ဓားခန်းမှ ဂုဏ်သရေရှိ သေလွန်ဝိညာဉ်ကြီးများပါဝင်၏။ အချို့သည် သေဆုံးပြီးမှ ပြန်နိုးထလာသော ဝိညာဉ်များပေပင်။</p> <p style="text-align:justify"> အထူးသဖြင့် ခေါင်းဆောင်ဖြစ်သူ ယဲ့ယွင်ယွမ်သည် အင်မ်ောတယ်တစ်ပါးအလား ရောင်ဝါများ လွှမ်းခြုံထားပြီး လူအများ၏ ရိုသေသမှုကို လက်ခံရရှိနေရသည်။ လူတိုင်း လွန်ခဲ့သောသုံးရက်က  တိုက်ပွဲအကြောင်း ဆွေးနွေးနေ၏။</p> <p style="text-align:justify">“ ငါ့အထင်တော့ ... ရှ၊ ကျိုးနဲ့ ကျန်းမျိုးနွယ်စုဝင် အဖိုးကြီးတွေလာတော့မယ် မထင်ဘူး။ ”</p> <p style="text-align:justify">တစ်စုံတစ်ဦးမှ ဆိုသည်။ ထိုမျိုးနွယ်စု သုံးခု၏ အဖိုးကြီးများသည် တိုက်ပွဲအတွင်းတွင် အသတ်ခံခဲ့ရပြီး အရှက်တကွဲ ဖြစ်ခဲ့ရ၏။ ထို့ကြောင့် မည်သူမဆို ဤပွဲသို့လာရန် စိတ်ကူးရှိနေမည် မဟုတ်ချေ။</p> <p style="text-align:justify">“ ဒီတိုက်ပွဲပြီးတော့ လောကသခင် ဝင်စားသူရဲ့ဂုဏ်သတင်းက အထွတ်အထိပ်ကို ရောက်ရှိလာပြီ ... အခုဘယ်နေရာသွားသွား သူ့အကြောင်းပဲ ပြောနေကြတယ်။ ”</p> <p style="text-align:justify">လူအများက သက်ပြင်းချလျက် ဆိုလေသည်။ သို့သော် အင်မော်တယ်ဓားခန်းမ အဖွဲ့ခေါင်းဆောင် ယဲ့ယွင်ယွမ်မှ လူအုပ်ကြီးထံ ဝေ့ကြည့်ပြီး တည်ငြိမ်စွာဖြင့်၊</p> <p style="text-align:justify">“ အခုက စည်းမျဉ်းတွေ ပြောင်းလဲမှု အစပဲရှိသေးပါတယ် မကြာခင်ကောင်းကင်ဘုံ အဆင့် ကျွမ်းကျင်သူတွေအများကြီး နိုးထလာကြလိမ့်မယ် ... ။ ”</p> <p style="text-align:justify">ထိုစကားကြောင့် ခန်းမအတွင်းရှိ လူအုပ်ကြီးမှာ စိတ်လှုပ်ရှားကုန်ကြလေသည်။ အင်မော်တယ်များ နိုးထလာခြင်းသည် လက်ရှိ လေကကြီးကို အင်မော်တယ်ခေတ်သို့ ရောက်ရှိစေခြင်းပေပင်။</p> <p style="text-align:justify">“ အဲ့ဒီ ကောင်းကင်ဘုံအဆင့် ကျွမ်းကျင်သူတွေက ခေတ်တစ်ခေတ်ကိုစိုးမိုး နိုင်ကြတဲ့ ပါရမီရှင်တွေပဲ ... နယ်ပယ်ဘုရင် တစ်ပါးကို လက်နဲ့ထိရုံနဲ့ ဖြေရှင်းနိုင်တယ်။ ”</p> <p style="text-align:justify">ယဲ့ယွင်ယွမ်က ယုံကြည်ချက်အပြည့်ဖြင့် ပြောကြားလိုက်သည်။ ထိုစဉ် ယွင်မျိုးနွယ်စု၏ ခေါင်းဆောင် ယွင်ချန်ဟုန် ရောက်ရှိလာ၏။</p> <p style="text-align:justify">သူသည်လည်း မကြာသေးခင်ကမှ နတ်ဝိညာဉ်နယ်ပယ်ကို တက်လှမ်းထားနိုင်သူ တစ်ဦးပေပင်။</p> <p style="text-align:justify">“ အားလုံးပဲ အားမနာကြပါနဲ့ ... ဒီနေ့ပွဲအတွက် နတ်သမီးမိုချင်းချောင်ကိုလည်း ငါတို့ဖိတ်ကြားထားပါတယ် ... သူမကိုယ်စား တစ်စုံတစ်ယောက်ကို စေလွှတ်ထားပါတယ် ... အဲဒီပုဂ္ဂိုလ်ရောက်တာနဲ့ ပွဲစကြမယ်။ ”</p> <p style="text-align:justify">ယွင်ချန်ဟုန်မှ ဂုဏ်ယူစွာ ကြေငြာလိုက်သည်။ နတ်မော်တယ်မျိုးဆက် မိုချင်းချောင်နှင့် အဆက်အသွယ် ရထားသည်ကို သိရှိသည့်အခါ အားလုံးသည် ယွင်မျိုးနွယ်စု၏ အထောက်အပံ့အပေါ် အထင်ကြီးကုန်၏။</p> <p style="text-align:justify">ထိုစဉ် ရွှေရောင်နတ်တောင်ကြီး၏ ရင်ပြင်တစ်နေရာတွင် ဧည့်သည်တစ်ထောင်ခန့် စုရုံးနေကြသည်။ ရှေ့ဆုံးတွင် သတို့သားနှင့် သတို့သမီးသည် အခမ်းအနားကို စိတ်ရှည်စွာ စောင့်ဆိုင်းနေကြသည်။</p> <p style="text-align:justify">မျိုးနွယ်စုခေါင်းဆောင် ယွင်ချန်ဟုန်နှင့် အရေးကြီး ပုဂ္ဂိုလ်များခန်းမအတွင်းမှထွက်ကာ အခမ်းအနားအတွက် စတင်ပြင်ဆင်ကြ၏။</p> <p style="text-align:justify">“ အဖေ၊ အခမ်းအနား စလို့ရပြီလား။ ”</p> <p style="text-align:justify">ထိုမြင်ကွင်းကြောင့် သတို့သားမှ မေးသည်။</p> <p style="text-align:justify">“ ဟားဟားဟား ... ဘာတွေ အလျင်လိုနေတာလဲ ... အရေးကြီးတဲ့ ဧည့်သည် တစ်ယောက်ကို စောင့်ရဦးမယ်။ ”</p> <p style="text-align:justify">ယွင်ချန်ဟုန်က ရယ်မောလျက် ပြန်ဖြေလာသည်။ သို့သော်စကားဆုံးသည်နှင့် တောင်တံခါးထံပါးမှ ထိတ်လန့်တကြား အော်ဟစ်သံများ ထွက်ပေါ်လာ၏။</p> <p style="text-align:justify">“ ဟမ့် ... ဒီနေ့လိုနေ့မျိုးမှာ ဘယ်သူက ပြဿနာရှာဝံ့တာလဲ။ ”</p> <p style="text-align:justify">ဧည့်သည်တော်များမှာ အံ့အားသင့်သွားသည်။ ယွင်ချန်ဟုန်မှ မျက်မှောင်ကြုတ်လျက်၊</p> <p style="text-align:justify">“ သွားကြည့်စမ်း ... ။ ”</p> <p style="text-align:justify">-ဟု အမိန့်ပေးလိုက်ရာ အစေခံတစ်ဦး ပြေးထွက်သွားသည်။ ထို့နောက် ယွင်ချန်ဟုန်မှ ခွက်ကို မြှောက်လျက်၊</p> <p style="text-align:justify">“ အားလုံးပဲ ... ဒီနေ့ဟာ ငါ့သားရဲ့ မင်္ဂလာနေ့ပါ အခမ်းအနားမစခင် အားလုံးကို တစ်ခွက်လောက် ဂုဏ်ပြုပါရစေ။ ”</p> <p style="text-align:justify">- ဟု ဆိုကာ အရက်သောက်ရန် ပြင်လိုက်တော့၏။ လူတိုင်း သူနှင့်အတူ ခွက်ကို မြှောက်လိုက်ကြသည်။</p> <p style="text-align:justify">“ မျိုးနွယ်စုခေါင်းဆောင် ... မကောင်းတော့ဘူး လောကသခင်ဝင်စားသူက တောင်တံခါးကိုချိုးဖျက်ပြီး ဝင်လာနေပြီ။ ”</p> <p style="text-align:justify">သို့သော် ထိုအချိန်မှာပင် ထွက်ခွာသွားသောအစေခံသည် ထိတ်လန့်စွာ အော်ဟစ်လျက် အဝေးမှပြေးလာလေသည်။</p> <p style="text-align:justify">“ လောကသခင် ဝင်စားသူလား။ ”</p> <p style="text-align:justify">လူတိုင်း မိုးကြိုးပစ်ခံရသကဲ့သို့ နှလုံးသားများတုန်လှုပ်ကုန်၏။ တစ်ဖက်လူမှ မည်သည့်အတွက်ကြောင့် လာနေသည်ကို မသိသေးသော်လည်း ကောင်းသောအရာ မဟုတ်မှန်း နားလည်ထားလေသည်။</p> <p style="text-align:justify">ယွင်ချန်ဟုန်၏ မျက်နှာသည်ပင် ပျက်ယွင်းသွား၏။ သူ့ဘေးမှ ယဲ့ယွင်ယွမ်ခမျာ မျက်မှောင်ကြုတ်သွားလေသည်။</p> <p style="text-align:justify">“ ငါ ယွင်မျိုးနွယ်အတွက်ဂုဏ်ပြုဖို့ ရောက်လာတာ ... ဒါဆိုဘာလို့မင်းလိုအစေခံက မကောင်းတော့ဘူးလို့ အော်ဟစ်နေရတာလဲ။ ”</p> <p style="text-align:justify">ရုတ်တရက် တည်ငြိမ်ပေါ့ပါးလှသော မေးမြန်းသံနှင့်အတူ ထိုအစေခံမှာကျောပြင်သို့ ကန်ကျောက်ခံလိုက်ရပြီး အရှိန်ဖြင့် လွင့်စင် သွားလေသည်။</p> <p style="text-align:justify">“ ခရစ် ... ။ ”</p> <p style="text-align:justify">“ ဝုန်း ... ။ ”</p> <p style="text-align:justify">လမ်းကြောင်းတလျှောက် စားပွဲနှင့်ကုလားထိုင်များ ပျက်စီးလျက် နံရိုးများ ကျိုးကျေကုန်ကာ ယွင်ချန်ဟုန်ရှေ့သို့ပြုတ်ကျ ရပ်တန့်သွားချေပြီ။</p> <p style="text-align:justify">“ အဟွတ် ... အဟွတ် ... ။ ”</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save