Book List

<h2 style="text-align: center;">အပိုင်း ၁၀၄၀</h2> <h2 style="text-align: center;">သဲလွန်စနှင့် ကမ်းလှမ်းချက်များ။</h2> <h2 style="text-align: center;">*</h2> <p style="text-align:center"> </p> <p style="text-align:justify"> </p> <p style="text-align:justify">စုရီက လေထဲတွင်ရပ်လျက်ဖြင့် ယွင်ချန်ဟုန်ပေးခဲ့သော ကျောက်စိမ်းပြားကို ဖတ်ရှုလိုက်သည်။</p> <p style="text-align:justify">ဦးစွာ ‘နတ်ဘုရားချုပ်နှောင်ခြင်း’ တံဆိပ်တစ်ခုကိုဖွင့်ရမည့် လျှို့ဝှက်နည်းစနစ် တစ်ခု မှတ်တမ်း တင်ထားသည်။</p> <p style="text-align:justify">ဆိုလိုသည်မှာ အဖိုးကြီးဝေကို ဤနည်းစနစ်ဖြင့် ကျောက်စိမ်းတံဆိပ်အတွင်း ပိတ်လှောင်ထားပုံရသည်။</p> <p style="text-align:justify">အကယ်၍ ပြင်ပအင်အားသုံးကာ အတင်းအဓမ္မဖျက်ဆီးပါက အဘိုးကြီးဝေ့၏ ခန္ဓာနှင့်ဝိညာဉ်မှာ သေဆုံးသွားပေလိမ့်မည်။ ထို့ကြောင့် နတ်ဘုရားပိတ်လှောင်ခြင်း တံဆိပ် အသုံးပြုခြင်းဖြင့် အဖိုးကြီးဝေကို အန္တရာယ်ကင်းစွာ ထုတ်ယူနိုင်ပေမည်။</p> <p style="text-align:justify">ဒုတိယအကြောင်းအရာသည် အပ်ချုပ်သမားအဖိုးကြီးကိုရှာဖွေရန် သဲလွန်စ သုံးခု ပေးထားခြင်းဖြစ်၏။</p> <p style="text-align:justify">ပထမသဲလွန်စသည် ဝေရှန်း ပြောခဲ့သလိုပေပင်၊ ပင်လယ်လေးပါး မျှော်စင်မှ စာရင်းကိုင်ကို ရှာရန်ဖြစ်သည်။</p> <p style="text-align:justify">ဒုတိယသည် တာအို ရှေးဟောင်း ကာကွယ်သူဝမ်မျိုးနွယ်စုမှ ဝမ်ယုန်ဖြစ်သည်။ ယွင်ချန်ဟုန်၏ အဆိုအရ အပ်ချုပ်သမားသည် အမိန့်များထုတ်ပြန်ရာတွင် ထိုဝမ်ယုန်ထံမှ လာခြင်းဖြစ်သည်။</p> <p style="text-align:justify">တတိယသဲလွန်စသည် လူသတ် အဖွဲ့အစည်းဖြစ်သော ‘ပြီးပြည့်စုံခြင်း’ အဖွဲ့ကြီး အကြောင်း ပေပင်။ ထိုအဖွဲ့သည် နှစ်ပေါင်း (၃) သောင်းကျော် သက်တမ်းရှိကာ အပ်ချုပ်သမား ကိုယ်တိုင်တည်ထောင်ခဲ့ပြီး ခေါင်းဆောင်ကို ‘ဓားငှားသူ’ဟု ခေါ်သည်။</p> <p style="text-align:justify">ယင်းသည် အပ်ချုပ်သမား၏ တိုက်ရိုက်တပည့် ဖြစ်နိုင်ခြေရှိ၏။ ထိုအဖွဲ့သည် ‘မင်ကျိုးပြည်နယ်’အတွင်း၌ တည်ရှိသည်။</p> <p style="text-align:justify">စုရီက စဉ်းစားသွား၏။ ယွင်ချန်ဟုန်ထံမှ သဲလွန်စများရရှိသော်လည်း အပ်ချုပ်သမားမှာ အလွန်ပါးနပ်သဖြင့် များစွာ မမျှော်လင့်ချေ။</p> <p style="text-align:justify">ယခုယွင်မျိုးနွယ်၏ အခြေအနေအပေါ် ကြားသိသွားပါက ဤသဲလွန်စများအားလုံးကို ဖြတ်တောက်ပြီး ပုန်းအောင်းသွားနိုင်မည်။</p> <p style="text-align:justify">သို့သော် တစ်ဖက်တွင် အပ်ချုပ်သမား၏ မျက်လုံးနှင့် လက်တံများကိုသာ ဖြတ်တောက် နိုင်ပါက တစ်ဖက်လူသည် အပြင်လောကနှင့် အဆက်ပြတ်သွားပေလိမ့်မည်။ ဤနည်းဖြင့် ပြင်ပသို့ ထွက်လာနိုင်၏။</p> <p style="text-align:justify">“ စီနီယာစု ... ။ ”</p> <p style="text-align:justify">ထိုစဉ် လီကျုံးသည် စုရီအနားပေါ်လာပြီး အင်မော်တယ်ဓားခန်းမ၏ အကြီးအကဲတစ်ဦး ဖြစ်သော ရွှမ်ချိုင်ကျိ၏ ဦးခေါင်းကို ဆက်သ လာသည်။</p> <p style="text-align:justify">“ ကျေးဇူးတင်ပါတယ်။ ”</p> <p style="text-align:justify">စုရီမှ အသိအမှတ်ပြုရန် ခေါင်းညိတ်ပြလိုက်သည်။ ထိုစဉ်ယွင်ယွမ်ထျန်း တစ်ယောက် ကျင့်ကြံမှုအရင်းအမြစ်များနှင့် မြေပြင်ရှင်းလင်းရေးမှ ရရှိသော သုံ့ပန်းပစ္စည်းများအပ်နှံလာ၏။</p> <p style="text-align:justify"> “ စီနီယာစု ငါကူညီပါရစေ။ ”</p> <p style="text-align:justify">လီကျုံးက စုရီအစား ထိုပစ္စည်းများကို လက်ခံယူပြီး စစ်ဆေးပေးသည်။ စစ်ဆေးနေစဉ် သူ့အသွင်မှာ မယုံနိုင်ဖွယ်အံ့အားသင့်သွားရ၏။</p> <p style="text-align:justify">“ တကယ်ပဲ မင်းရဲ့ ယွင်မိသားစုက ကြွယ်ဝလွန်းတာပဲ။ ”</p> <p style="text-align:justify">သူ့စကားကြောင့် ယွင်ချန်ဟုန်မှ နှလုံးသွေးများယိုစီးကျလာ၏။ ဤသည်မှာ ယွင် မိသားစု၏ အုတ်မြစ်ကြီးပေပင်။</p> <p style="text-align:justify">ဤသည်မှာ သိုလှောင်ရတနာ (၁၆)ပါးဖြင့်ထည့်ယူလာသော နတ်ဆေးပင်များ၊ အဖိုးတန်သတ္တုများနှင့် တိမ်ပေါ်ပျံသန်းခြင်း အဆင့် ရတနာများစွာ ပါဝင်နေချေသည်။</p> <p style="text-align:justify">ထို့ပြင် တားမြစ်တံဆိပ်တစ်ခုဖြင့် အဖိုးကြီးဝေကိုပိတ်ထားသော ကျောက်စိမ်းပြား တစ်ချပ်သည်လည်း ပါရှိ၏။</p> <p style="text-align:justify">ယွင်မျိုးနွယ်သည် နှစ်ပေါင်းများစွာ အင်မော်တယ် အပျက်အစီးနယ်မြေများထံသို့ သွားရောက် တူးဖော်စုဆောင်းထားခြင်းပေပင်။</p> <p style="text-align:justify">ခဏအကြာတွင် လီကျုံးက နတ်အာရုံရုပ်သိမ်းပြီး စုရီထံကမ်းပေးလိုက်၏။</p> <p style="text-align:justify">“ တာအိုစု ... ဒီယွင်မိသားစုဝင်တွေမှာ လျှို့ဝှက်ရည်ရွယ်ချက်တွေ မရှိပါဘူး သိုလှောင် ရတနာ ဆယ့်ခြောက်ခုထဲမှာ ယွမ်မိသားစုရဲ့ ချမ်းသာကြွယ်ဝမှုအားလုံးပါဝင်ပါတယ်။ ”</p> <p style="text-align:justify">စုရီက ရတနာများကို လက်ခံယူပြီး ‘ကျေးဇူးတင်ပါတယ်’-ဟု ပြောကြားလိုက်၏။ ထို့နောက် လီကျုံးဦးခေါင်းပေါ် လက်လှမ်းကာ၊</p> <p style="text-align:justify">“ မခုခံနဲ့ ... ။ ”</p> <p style="text-align:justify">-ဟု ဆိုလျက် ဝင်စားခြင်း ဥပဒေကို အသက်သွင်းလိုက်သည်။ လီကျုံးတစ်ယောက် ထိတ်လန့်သွားသော်လည်း ပြောသည့်အတိုင်း မခုခံခဲ့ချေ။</p> <p style="text-align:justify">များမကြာခင် သူ့ခန္ဓာကိုယ်အတွင်းမှ နှစ်ပေါင်းများစွာ နှိပ်စက်နေသော ကျိန်စာများ တွန့်လိမ်လျက် စုရီလက်ထဲသို့ ပါလာ၏။</p> <p style="text-align:justify">ကြောက်မက်ဖွယ်ကောင်းပြီး တားမြစ်ရောင်ဝါများ ရောနှောနေသော မီးခိုးရောင် ကြိုးမျှင်များဖြစ်သည်။</p> <p style="text-align:justify">၎င်းတို့သည် စုရီလက်ဖဝါးထဲတွင် တစ်လက်မချင်းစီ ကွဲအက်ပျောက်ကွယ်သွားပြီး ဖုန်မှုန်များအဖြစ် လွင့်စင်ကုန်၏။</p> <p style="text-align:justify">လီကျုံးတစ်ယောက် အနည်းငယ်မျှ အံ့အားသင့်နေရာမှ များစွာသောပျော်ရွှင်မှုများ ဝင်ရောက်လာတော့သည်။ စိတ်လှုပ်ရှားမှု ပြင်းစွာဖြင့် ချက်ချင်းဦးညွှတ်ပြီး၊</p> <p style="text-align:justify">“ ဒီအဖိုးကြီးအသက်ကို ကယ်တင်ပေးတဲ့အတွက် ကျေးဇူးတင်ပါတယ် ကျေးဇူးတင်ပါတယ် တာအိုစု ... ။ ”</p> <p style="text-align:justify">-ဟု ရိုသေစွာပြောကြားလိုက်၏။</p> <p style="text-align:justify">ရှေးဦးခေတ်က နတ်ဆိုးကြီးကိုးပါးတွင် ပါဝင်ခဲ့သော ဤနတ်ဆိုးအိုကြီးသည် ယခုအခါ၌ စိတ်လှုပ်ရှားမှုကြောင့် တုန်ယင်နေချေပြီ။</p> <p style="text-align:justify">ယနေ့သည် သူ့အတွက် အသစ်တဖန် ပြန်လည်မွေးဖွားခြင်းပေပင်။ စုရီမှ ဂရုမစိုက်ဘဲ ပေါ့ပေါ့ပါးပါး လက်ဝှေ့ရမ်းကာ၊</p> <p style="text-align:justify">“ ကျေးဇူးတင်စရာ မလိုပါဘူး ငါ့အတွက် တစ်ခုလောက် ကူညီပေးပါ အပြင်လောကကို သတင်းစကား တစ်ခု ပါးပေးပါ ...</p> <p style="text-align:justify">... ငါ အပ်ချုပ်သမားကို လိုချင်တယ် ဘယ်သူမဆို သူ့ရဲ့ပုန်းအောင်းတဲ့ အရပ်ဒေသကို သဲလွန်စပေးနိုင်ရင် သူတို့ရဲ့ ခန္ဓာကိုယ်ပေါ်က ကျိန်စာတွေကို ဖယ်ရှားပေးမယ်။ ”</p> <p style="text-align:justify">-ဟု ပြောကြားလိုက်၏။</p> <p style="text-align:justify">“ စိတ်ချနေပါ တာအိုစု။ ”</p> <p style="text-align:justify">လီကျုံးက ချက်ချင်းပင် သဘောတူလိုက်သည်။ သေလွန်ဝိညာဉ်များ အတွက် ကျိန်စာများပြေပျောက်ရန်ထက် အရေးကြီးသည့်အရာ မရှိချေ။</p> <p style="text-align:justify">ဤသတင်းသည်သာ ပြန့်ပွားသွားပါက လူတိုင်းသည် အပ်ချုပ်သမားကို အသည်းအသန် ရှာဖွေကြပေလိမ့်မည်။ ထိုစဉ် စုရီသည် လေထဲ လျှောက်လှမ်းကာ ထွက်ခွာသွားတော့၏။</p> <p style="text-align:justify">ယွင်မျိုးနွယ်စုဝင်များသည် ပျက်စီးယို့ယွင်းသွားသော နတ်တောင်ကြီးထံ ငေးကြည့်ကာ ဝမ်းနည်းနေကြလေသည်။</p> <p style="text-align:justify">ယနေ့သည် ယွင်မိသားစုခေါင်းဆောင်၏ ဒုတိယသားအတွက် မင်္ဂလာနေ့ဖြစ်သော်လည်း ယွင်မိသားစုအတွက်မူ ကံမကောင်းခဲ့ချေ။</p> <p style="text-align:justify">စုရီသည် ဓားတစ်လက်ဖြင့် ရွှေရောင်နတ်တောင်၏ ဂုဏ်သတင်းအပေါ် ဖျက်စီးပစ်လိုက်ပြီဖြစ်၏။</p> <p style="text-align:justify">တာအို‌ ရှေးဟောင်း ကာကွယ်သူ မျိုးနွယ်စုဖြစ်သော ယွင်မျိုးနွယ်သည် ယနေ့မှ စကာ လူအများ လှောင်ရယ်စရာများ ဖြစ်ကုန်ကြရချေပြီ။</p> <p style="text-align:justify">သည့်ပြင် အင်မော်တယ် ဓားဂိုဏ်းမှ ခရမ်းရောင်ကောင်းကင်ဓားနှင့် ဝေချန်ဖူအပေါ် သတ်ပစ်ပြီး ယွင်မျိုးနွယ်၏ နတ်ဝိညာဉ်အဆင့် အဖိုးကြီးများကို ရှင်းလင်းခဲ့သည်။</p> <p style="text-align:justify">အဆုံးတွင် ယွင်မျိုးနွယ်စုခေါင်းဆောင် ယွင်ချန်ဟုန်မှ မျိုးနွယ်စု၏ ရှင်သန်ခွင့်အတွက် မြေပြင်တွင် ဒူးထောက်ဝပ်တွားကာ အသက်ဖြင့် အပြစ်ပေးဆပ်ခဲ့ရလေသည်။</p> <p style="text-align:justify">ခရမ်းရောင် တိမ်တောင် တိုက်ပွဲကြီး မပြီးခင်မှာပင် ဤသတင်းသည်သာ ထပ်မံ၍ ထွက်ပေါ်လာပါက လောကကြီးတစ်ခုလုံး ပွက်လောရိုက်ကုန်ပေတော့မည်။</p> <p style="text-align:justify">အင်မော်တယ် ဓားခန်းမ။ ကျက်သရေခန်းမကြီးအတွင်း ခရမ်းရောင်ဝတ် အမျိုးသားတစ်ဦးသည် လူးလားခေါက်တုံ လျှောက်လှမ်းနေသည်။</p> <p style="text-align:justify">“ ယွင်မျိုးနွယ်ရဲ့နောက်ကွယ်မှာ ငါတို့ အင်မော်တယ်ဓားဂိုဏ်းရှိနေတာ လောကကြီး တစ်ခုလုံးသိတယ် အခုတော့ အကြီးအကဲ ဝေ့ချန်ဖူနဲ့ ရွှမ်ချိုင်ကျိကို အဲဒီလူက တကယ်သတ်ဝံ့တာလား။ ”</p> <p style="text-align:justify">အဆိုးဆုံးမှာ ဂိုဏ်း၏ ရတနာဖြစ်သော ခရမ်းရောင်ကောင်းကင်ဓား ပျက်စီးသွားခြင်းပင် ဖြစ်သည်။</p> <p style="text-align:justify">“ ဂိုဏ်းချုပ် .. ဒါကို လက်စားမချေရင် ငါတို့ဂိုဏ်းဟာ လူရယ်စရာ ဖြစ်သွားလိမ့်မယ်။ ”</p> <p style="text-align:justify">တစ်စုံတစ်ဦးမှ အကြံပြု၏။ သို့သော် ထိုအမျိုးသားက မျက်မှောင်ကြုတ်လိုက်ကာ ပြန်လှည့်ကြည့်ပြီး၊</p> <p style="text-align:justify">“ မင်းတို့ သွားသေမလို့လား။ ”</p> <p style="text-align:justify">-ဟု အော်ဟစ်လိုက်သည်။ လူတိုင်း တုန်ရင်ကုန်၏။ ခရမ်းရောင်ဝတ်ထိုအမျိုးသားမှ အဝေးသို့ မျှော်ကြည့်ကာ၊</p> <p style="text-align:justify">“ အပြင်လောကမှာ ကောင်းကင် စည်းမျဉ်းတွေကြောင့် ပေါင်းစည်းခြင်းအဆင့် ရှိသူတွေဟာ သူတို့ခွန်အားရဲ့ (၄၀)ရာခိုင်နှုန်းပဲ ထုတ်သုံးနိုင်တယ် ...</p> <p style="text-align:justify">... အဲဒီစုရီမှာ ငါတို့ကို နှိမ်နင်းနိုင်တဲ့ ဝင်စားခြင်းဥပဒေအပြင် တခြားဝှက်ဖဲတွေ ရှိနေသေးတယ် ... သုံးလစောင့်ပါ ...</p> <p style="text-align:justify">... သုံးလအတွင်း ကမ္ဘာ့စည်းမျဉ်းတွေ လျော့ရဲလာတဲ့အချိန် တခြားအင်အားစုတွေနဲ့ ပူးပေါင်းပြီး ရန်ကြွေးကိုပေးဆပ်ခိုင်းမယ်။ ”</p> <p style="text-align:justify">-ဟု အမိန့်ချလိုက်တော့သည်။ လူတိုင်း တိတ်ဆိတ်ကုန်ပြီး အခန်းထဲမှ ထွက်ခွာသွားကြ ချေပြီ။ ခရမ်းရောင်ဝတ် အမျိုးသားသည်သာ အံကြိတ်လျက် ကျန်ရစ်ခဲ့၏။</p> <p style="text-align:justify">တစ်ချိန်တည်းမှာပင် လီကျုံးသည်လည်း နတ်သမီးမိုချင်းချောင်ရှေ့ ပြန်လည်ရောက်ရှိ နေချေပြီ။</p> <p style="text-align:justify">“ သူ ... တကယ်ပဲ မင်းရဲ့ခန္ဓာကိုယ်ထဲက ကျိန်စာတွေကို ဖယ်ရှားပေးလိုက်တာလား ဒီလောက် လွယ်သလား။ ”</p> <p style="text-align:justify">ယောကျ်ားလေးတစ်ယောက်ကဲ့သို့ ဝတ်ဆင်ထားသော မိုချင်းချောင်မှ အံ့ဩလွန်း၍ မျက်လုံးများဝိုင်းနေခဲ့သည်။ လီကျုံးမှ ဝမ်းသာအားရဖြင့်၊</p> <p style="text-align:justify">“ မှန်ပါတယ် မိန်းကလေးမို ... ဒီအဖိုးကြီးတောင် အခုထိ မယုံနိုင်သေးပါဘူး။ ”</p> <p style="text-align:justify">-ဟု ပြန်ဖြေသည်။</p> <p style="text-align:justify">“ ဟားဟားဟား ... ။ ”</p> <p style="text-align:justify">မိုချင်းချောင်မှ ရယ်မောလိုက်၏။</p> <p style="text-align:justify">“ ဒါဟာ မင်းရဲ့ ကံကောင်းခြင်းပဲ ဘာပဲဖြစ်ဖြစ် အဲဒီစုရီနဲ့မိတ်ဖွဲ့ဖို့မခက်ဘူးဆိုတာ သချောသွားပြီ။ ”</p> <p style="text-align:justify">ထို့ကြောင့် မိုချင်းချောင်မှ စုရီကို ကူညီရန် ဆုံးဖြတ်လိုက်တော့သည်။</p> <p style="text-align:justify">“ အဖိုးကြီးလီ ... စုရီရှာခိုင်းထားတဲ့ အပ်ချုပ်သမားသတင်းစုံစမ်းပါ ... ဘယ်သူမဆို ဒီသတင်းပေးနိုင်ရင် ကျိန်စာဖြေခွင့်ရလိမ့်မယ် ဒါ့ပြင် နတ်ဝိညာဉ်အဆင့် လက်နက်တစ်ခုကို ဆုလာဘ်အဖြစ် ငါထုတ်ပေးမယ်။ ”</p> <p style="text-align:justify">“ နတ်ဝိညာဉ်အဆင့် လက်နက်လား။ ”</p> <p style="text-align:justify">လီကျုံးတစ်ယောက် မျက်ခုံးပင့်သွား၏။ ဤသည်မှာ စုရီကိုကူညီရန် အကြီးမားဆုံးသော ရင်းနှီးမြှုပ်နှံမှုကြီးပေပင်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save