Book List

<h2 style="text-align: center;">အခန်း ၁၀၄၄</h2> <h2 style="text-align: center;">ကောင်းကင်ဆန္ဒ မီးဖို။</h2> <h2 style="text-align: center;">*</h2> <p> </p> <p style="text-align:justify"> </p> <p style="text-align:justify">“ ဝူး ...။ ”</p> <p style="text-align:justify">စုရီဝိညာဉ်သည် ပြင်းထန်စွာ တုန်လှုပ်သွားပြီး မယုံနိုင်စရာမြင်ကွင်းတစ်ခုကို ချက်ချင်းမြင်လာရတော့သည်။</p> <p style="text-align:justify">ဤသည်မှာ ကောင်းကင်နှင့် မြေကြီး ကပ်ဘေးအလင်းရောင်များ ဖုံးလွှမ်းနေသော ဒေသကြီးတစ်ခုပေပင်။</p> <p style="text-align:justify">မရေမတွက်နိုင်သော အစွမ်းထက်သည့် ပုဂ္ဂိုလ်များသည် ထိုကပ်ဘေးအတွင်း ပြာကျ နေခဲ့၏။</p> <p style="text-align:justify">သူတို့ထဲတွင် ကောင်းကင်ကို တုန်လှုပ်စေနိုင်အောင် ပြိုင်ဘက်ကင်းသော ဓားသမားများလည်း ပါရှိသည်။</p> <p style="text-align:justify">သူတို့၏ဓားများ ညွှန်ပြရာနေရာတိုင်း၌ ကြယ်များကြွေကျကာ ကမ္ဘာများတစ်ခုပြီးတစ်ခု ပျက်စီးကုန်တော့သည်။</p> <p style="text-align:justify">သို့သော် ထိုကြောက်စရာကောင်းသည့် ဓားသမားများပင် ကပ်ဘေးရောင်ခြည်ကြောင့် ချက်ချင်းပျက်စီးသွားခဲ့ရ၏။</p> <p style="text-align:justify">မိုးတိမ်များကို ဖြတ်ကျော်ပြီး ကောင်းကင်ကနေ ပေါက်ကွဲထွက်လာသည့် ပြိုင်ဘက်ကင်း နတ်ဆိုးများလည်း ရှိသည်။</p> <p style="text-align:justify">သူတို့သည် လက်ချောင်းတစ်ချက် လှုပ်လိုက်ရုံဖြင့် ကောင်းကင်ကြီး ပြိုကျသွားကာ အရာအားလုံး ညှိုးနွမ်းသွားကုန်၏။</p> <p style="text-align:justify">မရေမတွက်နိုင်သော ကမ္ဘာများ မွေးဖွားလာပြီး တာအိုဗုဒ္ဓများ၊ အကန့်အသတ်မရှိသော တာအိုပညာရှင်၊ သတ္တဝါများနှင့် နတ်ဆိုးများ ဤကမ္ဘာပျက်ကပ်တွင် ရှင်သန်ရန် ရုန်းကန်နေကြရလေသည်။</p> <p style="text-align:justify">သို့သော် ခြွင်းချက်အနေဖြင့် ကြေးဝါမီးဖိုကြီးတစ်လုံးသည် ကပ်ဘေးကို ခံနိုင်ရည်နေရှိခဲ့၏။</p> <p style="text-align:justify">အဆုံး၌ အာကာသအတားအဆီးကို ဖြတ်ကျော်ကာ ကမ္ဘာပျက်ကပ်ကြီးအတွင်းမှ လုံးဝ ပျောက်ကွယ်သွားသည်။</p> <p style="text-align:justify">ဤသည်မှာ ဓမ္မအဆုံးခေတ်ဖြစ်၏။ မှောင်မိုက်ပြီး မငြိမ်မသက်ဖြစ်ကာ တန်ခိုးကြီး အင်မော်တယ်များသည် ကပ်ဘေးအောက်၌ ကြယ်များအလား ကြွေကျနေသည်။</p> <p style="text-align:justify">ထာဝရတည်ရှိနေနိုင်သည်ဟူသော ဒဏ္ဍာရီလာပုဂ္ဂိုလ် အများအပြားသည်လည်း ကပ်ဘေးကြီးထဲ ဝိညာဉ်များ ကွဲကြွေရ၏။</p> <p style="text-align:justify">ထို့ကြောင့် ကြေးဝါမီးဖိုသည် မူလစွမ်းအား ပြင်းစွာပျက်စီးလျက် လုံးဝိုင်းသော ပါးစပ်တွင် အနည်းငယ် ကွဲအက်နေခဲ့သည်။</p> <p style="text-align:justify">သို့တိုင် သာမန်အင်မော်တယ် ရတနာဘဏ္ဍာများမှ လက်လှမ်းမမီနိုင်အောင် အစွမ်းထက်နေဆဲပေပင်။</p> <p style="text-align:justify">အစွမ်းထက်ဆုံး အင်မော်တယ်များ သေဆုံးနေချိန်တွင် ဤကြေးဝါမီးဖိုငယ်သည် ကပ်ဘေးမှ လွတ်မြောက်နိုင်သည်မှာ မယုံနိုင်စရာကောင်းလွန်းချေပြီ။</p> <p style="text-align:justify">“ ကောင်းကင်ဆန္ဒမီးဖိုတဲ့လား ... နာမည်ကတော့ တကယ့်ကို ထည်ဝါလှချေရဲ့။ ”</p> <p style="text-align:justify">စုရီက တကိုယ်တည်း ရေရွတ်လိုက်၏။ သူ့နတ်အာရုံဖြင့် ထိုမီးဖိုအတွင်းရှိ လျှို့ဝှက်ချက် အချို့ကို မြင်နိုင်ခဲ့ချေပြီ။</p> <p style="text-align:justify">ဤမီးဖို၏ အကြီးမားဆုံးသော စွမ်းဆောင်ရည်မှာ ခပ်သိမ်းသောအရာများစွာမှ ဝိညာဉ်နှင့်အသက်ဓာတ် စွမ်းအားကို ထုတ်ယူနိုင်ခြင်းဖြစ်၏။</p> <p style="text-align:justify">သည့်နောက် နတ်ဘုရားဆေးဖက်ဝင် အပင်များနှင့် ပေါင်းစပ်သန့်စင်ပေးနိုင်ခြင်းပင် ဖြစ်သည်။</p> <p style="text-align:justify">ထို့အပြင် နတ်ဘုရား လက်နက်များ သွန်းလုပ်ခြင်းနှင့် ရန်သူကိုတိုက်ခိုက်ရာ၌လည်း ကြောက်မက်ဖွယ် စွမ်းအားများထုတ်ပေးနိုင်၏။</p> <p style="text-align:justify">အရက်စက်ဆုံး နည်းလမ်းမှာ ရန်သူကို မီးဖိုအတွင်းထည့်ပြီး ပြာအဖြစ်အရှင်လတ်လတ် လောင်ကျွမ်းပစ်နိုင်ခြင်းပေပင်။</p> <p style="text-align:justify">အရာရာကို ချေဖျက် သန့်စင်နိုင်စွမ်း ရှိသည်ဟု ဆိုရပေမည်။ သို့သော် နှမြောစရာ ကောင်းသည်မှာ ဤမီးဖို၏မူလကို မမြင်နိုင်တော့ခြင်းပေပင်။</p> <p style="text-align:justify">မူလရင်းမြစ်သည် ပြင်းစွာပျက်စီးပြီး ပြီူပြည့်စုံသောပုံသဏ္ဌာန် မရှိတော့ချေ။</p> <p style="text-align:justify">“ နောက်တစ်ကြိမ် စာရင်းကိုင်ရင်နဲ့ တွေ့တဲ့အခါ ဒီမီးဖိုအကြောင်းကို မေးရမယ်။ ”</p> <p style="text-align:justify">စုရီက ခပ်တိုးတိုးလေး ရေရွတ်လိုက်သည်။ ဓမ္မအဆုံးခေတ်ကာလတွင် ထိုစာရင်းကိုင်သည် သေမျိုးကမ္ဘာသို့ လာရောက်ခိုလှုံခဲ့ပုံရ၏။</p> <p style="text-align:justify">သည့်နောက် အချိန်ဆွဲမနေတော့ဘဲ နယ်ပယ်ဘုရင်အဆင့် ဆေးပင်အချို့ထုတ်ယူပြီး မီးဖိုအစွမ်းကို စမ်းသပ်ကြည့်ရန် ဆုံးဖြတ် လိုက်လေသည်။</p> <p style="text-align:justify">ကြေးမီးဖိုအဝသည် လက်ဝါးခန့်သာ ရှိသော်လည်း အတွင်း၌မူ သီးခြားကမ္ဘာသဖွယ် ကျယ်ပြောလှ၏။</p> <p style="text-align:justify">“ ဝူး ... ။ ”</p> <p style="text-align:justify">ဆေးပင်ပေါင်း တစ်ရာကျော်ကို ထည့်သွင်းလိုက်ပြီးအကြာခင် မီးဖိုအတွင်းမှ ခရမ်းရောင်းအလင်းတန်းများ ပျံထွက်လာကာ ထူးဆန်းသည့် ရူရ်များ ဝဲပျံတက်လာသည်။</p> <p style="text-align:justify">မျက်စိတစ်မှိတ်အတွင်းမှာပင် ဆေးပင်ပေါင်းတစ်ရာကျော် အရည်ပျော်သွားပြီး ဆေးရနံ့များ သင်းပျံ့လာတော့၏။</p> <p style="text-align:justify">“ ဝမ် ... ။ ”</p> <p style="text-align:justify">များမကြာခင် ကြည်လင်တောက်ပသော နတ်ဘုရား ဆေးလုံးကိုးလုံး ထွက်ပေါ်လာ၏။ တစ်ဆက်တည်းမှာပင် မီးဖိုမှ ခရမ်းရောင် အလင်းတန်းတစ်ခုသည် လက်ညှိုးပုံသဏ္ဌာန် ဖြစ်ပေါ်လာ၏။ ထို့နောက် ဆေးလုံးလေးလုံးကို တို့ထိလိုက်ရာ ချက်ချင်း ပျောက်ကွယ် သွားတော့သည်။</p> <p style="text-align:justify">“ တန်ဖိုးပေးချေရတာလား။ ”</p> <p style="text-align:justify">ကျန်ရှိနေသော ဆေးလုံးငါးလုံးမှာမူ စုရီရှေ့မှောက်တွင် ဝဲပျံနေ၏။ စုရီခမျာ ခဏမျှ ဆွံ့အသွားသည်။</p> <p style="text-align:justify">ဤမီးဖိုတွင် ဝိညာဉ်မရှိသော်ငြားလည်း အသိဉာဏ်မြင့်မားလှ၏။ တန်ကြေးတစ်ခုကိုပင် တောင်းဆိုရမည်ကို သိနေချေပြီ။</p> <p style="text-align:justify">ယခင်က ပြင်းစွာ ဒဏ်ရာရထားသဖြင့် ၎င်း၏မူလရင်းမြစ်ကို ကုသရန်အတွက် ဆေးဝါး အချို့ လိုနေပုံရ၏။</p> <p style="text-align:justify">“ ဟမ့် ... ဒါက နည်းပါးတဲ့ တန်ကြေးလေးတစ်ခုပါပဲ ... ဒီလိုမျိုးအဆင့်မြင့် ဆေးလုံးတွေကိုသာရမယ်ဆိုရင် တကယ် ထိုက်တန်ပါပေတယ်။ ”</p> <p style="text-align:justify">ထို့နောက် ဆေးလုံးတစ်လုံးကို ယူကာ စစ်ဆေးကြည့်လိုက်၏။ ခဏအကြာတွင် စုရီမှာ အံ့အားသင့်သွားရလေသည်။</p> <p style="text-align:justify">အဘယ့်ကြောင့်ဆိုသော် ဤဆေးလုံး၏ အရည်အသွေးမှာ အလွန်မြင့်မားသောကြောင့် ဖြစ်၏။ ဤဆေးပင်တစ်ရာကို ထိပ်တန်းဆေးဝါး ပညာရှင်များဖြင့် ဖော်စပ်ခိုင်းလျှင်ပင် ထိုအဆင့် ဆေးမျိုးမရနိုင်ချေ။</p> <p style="text-align:justify">အရေးအကြီးဆုံးမှာ ဆေးမီးဖို၏ ဆေးဖော်စပ်မှုအရှိန်ဖြစ်၏။ အံ့မခန်းပေပင်။ မျက်စိတစ်မှိတ်အတွင်း အမှားအယွင်းမရှိ ပြီးပြည့်စုံလှသော ဆေးလုံးများကို ဖော်စပ်ပေးနိုင်သည်။</p> <p style="text-align:justify">“ တကယ် မဆိုးဘူး။”</p> <p style="text-align:justify">ယင်းသည် လူသားဆေးပညာရှင်များကို အရှက်ရစေမည့် နှုန်းထားပင် ဖြစ်သည်။ စုရီက နောက်ထပ် ဆေးဘက်ဝင်အပင် (၅၀)ခန့် ထပ်မံထည့်သွင်းလိုက်ပြန်၏။</p> <p style="text-align:justify">“ ဝမ် ... ။ ”</p> <p style="text-align:justify">ကြေးဝါမီးဖိုသည် တုန်ခါသွားပြီး ခရမ်းရောင်အလင်းများ ပိုမိုတောက်ပလာသည်။ ၎င်းမှ အလွန်ကျေနပ် အားရနေဟန်တူ၏။</p> <p style="text-align:justify">“ ဒီဆေးမီးဖိုက ဆေးဘက်ဝင်အပင်တွေရဲ့ တန်ဖိုးကို တကယ်သိပုံရတယ် ... ။ ”</p> <p style="text-align:justify">နာရီဝက်အကြာတွင် မီးဖိုအတွင်းမှ အရုဏ်ဦးအလင်းရောင်ကဲ့သို့ တောက်ပသော ဆေးလုံးကိုးလုံး ထွက်ပေါ်လာသည်။</p> <p style="text-align:justify">ထိုဆေးများမှ ထွက်ပေါ်လာသော ဆေးရနံ့များသည် ချွေးပေါက်များကိုပွင့်စေကာ စွမ်းအားများ နိုးကြားလာစေ၏။</p> <p style="text-align:justify">“ ဝမ် ဝမ် ဝမ် ... ။ ”</p> <p style="text-align:justify">ယခုတစ်ကြိမ်တွင် ခရမ်းရောင် အလင်းလက်ညှိုးလေးသည် ဆေးလုံးလေးလုံး တို့ထိရန် ပြင်လိုက်သော်လည်း ခေတ္တမျှ တွေဝေ သွားပြီးတောက် သုံးလုံးကိုသာ ထိလိုက်၏။</p> <p style="text-align:justify">စုရီတစ်ယောက် မျက်လုံးများ လင်းလက်လာကာ ကျန်ရှိခဲ့သောခြောက်လုံးကို သိမ်းဆည်းလိုက်သည်။</p> <p style="text-align:justify">သူ့စိတ်ထဲတွင် ကြေးဝါမီးဖိုသည် လူတစ်ယောက်ကဲ့သို့ ဆေးလုံးတစ်လုံးကို သူ့ထံပစ်ပေးကာ၊</p> <p style="text-align:justify">“ ဒါ မင်းအတွက် ဆုလာဘ်ပဲ။ ”</p> <p style="text-align:justify">-ဟု ပြောနေသကဲ့သို့ ခံစားလိုက်ရ၏။ မည်သို့ပင်ဆိုစေကာမူ ဆေးမီးဖိုလေးတစ်လုံးနှင့် ပြိုင်ပြီး တွယ်ဖက်နေမည်မဟုတ်သောကြောင့် ပြုံးမိသွားလေသည်။</p> <p style="text-align:justify">“ နှမြောစရာပဲ ... ငါ့လက်ထဲမှာ နတ်ဝိညာဉ်အဆင့်ဆေးပင်တွေ မရှိသေးဘူး မဟုတ်ရင် ... ဘယ်လိုဆေးလုံးမျိုးတွေ ထွက်လာမလဲ သိချင်သား။ ”</p> <p style="text-align:justify">စုရီမှ အချိန်ဆွဲမနေတော့ဘဲ ဆေးဘက်ဝင်အပင်များ ဆက်၍ပစ်ထည့်ကာ ဆေးဝါးများ ဆက်လက် ဖော်စပ်နေခဲ့သည်။</p> <p style="text-align:justify">လက်ရှိ သူ၏ ချမ်းသာကြွယ်ဝမှုသည် ကမ္ဘာပေါ်ရှိ မည်သည့်အင်အားကြီးဂိုဏ်းများနှင့် မဆို ယှဉ်နိုင်ချေပြီ။ ထို့ကြောင့် ခဏချင်းမှာပင် ဆေးပုလင်းများ စားပွဲပေါ်၌ စုပုံလာတော့၏။</p> <p style="text-align:justify">အချိန်များ တရွေ့ရွေ့ ကုန်လွန်လာ၏။ စုရီတစ်ယောက် ဆေးဖော်စပ်ခြင်းကိုရပ်နားကာ ကျင့်ကြံမှုကို စတင်လိုက်သည်မှာ (၁၅)ရက် တိုင်သွားပြီဖြစ်သည်။</p> <p style="text-align:justify">ယနေ့တွင် ခမ်းနားထည်ဝါလှသော တာအိုအလင်းများ ရေတံခွန်ကဲ့သို့ သူ့အပေါ် စီးကျလာတော့၏။</p> <p style="text-align:justify">ခန္ဓာကိုယ်အတွင်းရှိ ဒါန်တမ်သည် ဖြည်းညှင်းစွာလည်ပတ်ပြီး နေ၊ လ၊ ကြယ်နှင့် မြစ်များ၏ ပုံရိပ်များ ဝိုးတဝါးပြသလေသည်။</p> <p style="text-align:justify">ကြည်လင်တောက်ပသော ရွှေရောင်ဆေးလုံးများသည် သူ့ရှေ့၌ကြယ်ပွင့် အလား ဝဲပျံနေကြတော့၏။</p> <p style="text-align:justify">၎င်းတို့ထံမှ ဆေးစွမ်းအင်များသည် ခန္ဓာကိုယ်အတွင်းသို့ စီးဝင်နေကြကာ သူ၏ သွေးကြောများနှင့် အတွင်းအင်္ဂါအသီးသီးထံ သန့်စင်ပေးနေ၏။</p> <p style="text-align:justify">တုံ့ယွီအဆင့် နက်နဲမှုကို ရှေးဘဝ မှတ်ဉာဏ်များကြောင့် ကောင်းစွာနားလည်ပြီး ဖြစ်သည်။ ထို့ကြောင့် သူ့အတွက် အဆင့် ချိုးဖြတ်ရာတွင် အတွေ့အကြုံမကင်းချေ။</p> <p style="text-align:justify">ဆယ်ရက်မျှ ထပ်မံကုန်လွန်ပြီးနောက် တုံ့ယွီအဆင့် ဆေးဝါးများစွာ၏ အကူအညီဖြင့် အလယ်အလတ်အဆင့်သို့ သဘာဝအတိုင်း တက်လှမ်းလာနိုင်ခဲ့သည်။</p> <p style="text-align:justify">သူသည် ကာလတလျှောက် အုတ်မြစ်ခိုင်မာစေရန် ကျင့်ကြံမှုအရှိန်ကို တမင် ဖိနှိမ်ထားခြင်းဖြစ်သည်။</p> <p style="text-align:justify">ပန်းပွင့်ချိန်တန်သော် လိပ်ပြာများ အလိုလိုရောက်ရှိလာသကဲ့သို့ အချိန်တန်သော် အလိုအလျောက် အဆင့်ချိုးဖြတ်ရန် ရည်ရွယ်ထားချေ၏။</p> <p style="text-align:justify">ဤနည်းဖြင့် နောက်ထပ် လဝက်ခန့် ထပ်မံကုန်လွန်လာပြီး တုံ့ယွီအလယ်အလတ် အဆင့် ကျင့်ကြံမှုမှာ ခန္ဓာကိုယ်အတွင်း ဆူပွက် လာပြန်၏။</p> <p style="text-align:justify">နတ်အလင်းများ ချွေးပေါက်များမှ ပေါက်ကြားလျက် ကောင်းကင်ဘုံတေးသံကဲ့သို့ အသံအချို့ ပဲ့တင်ထပ်လာတော့သည်။</p> <p style="text-align:justify">“ တုံ့ယွီ နှောင်းပိုင်းအဆင့်။ ”</p> <p style="text-align:justify">သူ့ခန္ဓာကိုယ်တစ်ခုလုံး နတ်ဘုရားနှင်းရည်ကို သောက်သုံးလိုက်ရ သကဲ့သို့ ချက်ချင်းပေါ့ပါးလန်းဆန်းသွား၏။</p> <p style="text-align:justify">အသွေး၊ အသား၊ အရေပြားနှင့် စိတ်ဝိညာဉ်တို့သည် လျင်မြန်စွာ ပြောင်းလဲလာ နေခဲ့သည်။ ဤနည်းဖြင့် နောက်ထပ် (၁၅)ရက် ကုန်လွန်သွားချေပြီ။</p> <p style="text-align:justify">စုရီနေရာထိုင်ရာ အခန်းအတွင်း ဆေးရနံ့နှင့်နတ်အလင်းများ တဖြည်းဖြည်း မှေးမှိန်လာတော့၏။</p> <p style="text-align:justify">“ တစ်လမပြည့်ခင် အဆင့်ငယ်နှစ်ဆင့် ဆက်တိုက်တက်လှမ်းနိုင်တယ်ဆိုတာ ဆေးမီးဖို ဘယ်လောက် အသုံးဝင်လဲ မြင်သာနေပြီ။”</p> <p style="text-align:justify">အဆုံး၌ စုရီတစ်ယောက် မျက်လုံးများဖွင့်လျက် ကြေးဝါမီးဖိုလေးထံသို့ ရွှင်မြူးစွာငုံ့ကြည့်လိုက်၏။</p> <p style="text-align:justify">ဤမီးဖိုလေးကိုသာ ငရဲဘုံကိုးပါးဓားမှ ဝါးမြိုပစ်ခဲ့သော် လက်ရှိအခွင့်အရေးများအပေါ် သူ ဆုံးရှုံးသွားနိုင်ပေမည်။</p> <p style="text-align:justify">သို့သော် တန်ကြေးအနေဖြင့် အဖိုးတန် ဆေးဖက်ဝင်အပင်များသည် (၇၀)ရာခိုင်နှုန်းခန့် ကုန်ဆုံးသွားရတော့၏။</p> <p style="text-align:justify">“ နတ်ဝိညာဉ်အဆင့်ကို ဖြတ်ကျော်ဖို့ ဘယ်လိုဆေးဝါးမျိုးတွေနဲ့ အရင်းအမြစ်တွေ လိုနိုင်ဦးမလဲ ငါမသိတော့ဘူး။ ”</p> <p style="text-align:justify">စုရီမှ ညည်းတွားလိုက်၏။ နောက်ထပ် နှစ်လခန့် ကြာသော် ကောင်းကင်ဘုံနယ်ပယ် နိယာမများမှာ ဤလောကအတွင်းသို့ ပြန်လည် ဝင်ရောက်လာတော့မည်ဖြစ်သည်။</p> <p style="text-align:justify">ထိုအခါမှသာ နတ်ဝိညာဉ်အဆင့် အရင်းအမြစ်များစုဆောင်းပြီး တက်လှမ်းရန် အခွင့်အရေးကိုရှာဖွေနိုင်ပေမည်။</p> <p style="text-align:justify">အတွေးများ ရုတ်သိမ်းလျက် ကုလားထိုင်ထုတ်ယူကာ သက်သောင့်သက်သာ လှဲလျောင်းလိုက်သည်။ နှစ်လတာ တံခါးပိတ် ကျင့်ကြံပြီးနောက် ပြေလျော့မှုလိုချေပြီ။</p> <p style="text-align:justify">“ လက်ရှိ ... ငါ့ရဲ့တုံ့ယွီအဆင့် ကျင့်ကြံမှုနဲ့ဆိုရင် ... ဥပဒေစဉ်းမျဉ်းတိုင်းအပေါ် အထွတ်အထိပ်အထိ နားလည်သွားသင့်ပြီ ...</p> <p style="text-align:justify">... ဒါပေမဲ့ ... ငါ ဘယ်လောက်တောင် သန်မာလာပြီလဲဆိုတာကိုတော့ မသိနိုင်တာ နှမျောစရာပါပဲ။ ”</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save