Book List

<h2 style="text-align: center;">အခန်း ၂၂၂ </h2> <h2 style="text-align: center;">ငါ့ခင်ပွန်း ... ဘာလို့ ငါ့ကိုသတ်ရတာလဲ</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:justify"> </p> <p style="text-align:justify">“ ဝှစ် ... ။ ”</p> <p style="text-align:justify">ကူချန်စကားဆုံးသည်နှင့် ဝိညာဉ်ဓားနှစ်ဆယ့်လေးလက်သည် သူမကို တစ်ပြိုင်နက်တည်း ဖျက်ဆီးရန် ဝင်ရောက်သွားတော့၏။</p> <p style="text-align:justify">“ ခရစ် ...  ။ ”</p> <p style="text-align:justify">“ ဝုန်း ...  ။ ”</p> <p style="text-align:justify">မိန်းကလေးပိုင် ခန္ဓာကိုယ်ကြီးသည် ထိုဓားများအောက်တွင် အစိတ်စိတ်အမွှာမွှာ ကြေမွသွားတော့သည်။</p> <p style="text-align:justify">“ ငါ့ခင်ပွန်း ... ငါလှရဲ့လား။ ”</p> <p style="text-align:justify">သို့တိုင် မိန်းကလေးပိုင်၏ နူးညံ့ချိုသာပြီး ရှက်ရွံ့မှုများ ပြည့်နှက်နေသော ထိုအသံသည် အခန်းတွင်း ပဲ့တင်ထပ်နေသေး၏။ ယင်းက ကူချန်ကို ကျောရိုးထဲအထိ စိမ့်အောင် အေးစက်သွားစေသည်။</p> <p style="text-align:justify">“ ဝူး ... ။ ”</p> <p style="text-align:justify">“ ဝုန်း ... ။ ”</p> <p style="text-align:justify">ထိုစဉ် မည်သည့်အရပ်ကနေ တိုက်ခတ်လာမှန်းမသိရသော လေပြင်းများ တိုက်ခိုက်လာခဲ့ပြီး ပြတင်းပေါက်များကို ဝုန်းခနဲပွင့်သွားစေကာ နံရံနှင့်ရိုက်မိလျက် တဂျိမ်းဂျိမ်း တဂျွတ်ဂျွတ်မြည်သံများ ထွက်ပေါ်လာစေခဲ့သည်။</p> <p style="text-align:justify">အနီရောင် ဖယောင်းတိုင်မီးများမှာ ထိုလေအဟုန်ကြောင့် ပြင်းစွာတုန်ခါသွား၏။ သို့သော် ငြိမ်းသွားခြင်းမရှိဘဲ ဆက်လက်၍ တောက်လောင်နေခဲ့သည်။</p> <p style="text-align:justify">“ ငါ့ ခင်ပွန်း ငါလှလား။ ”</p> <p style="text-align:justify">ကူချန်မှ မျက်ဝန်းများ မှေးစဉ်းကာ ပတ်ဝန်းကျင်ထံ အကဲခတ်ကြည့်လိုက်သည်။ အကယ်၍သာ ပြင်ပတွင်သာဆိုသော် လက်ရှိ အခြေအနေသည် သရဲတစ္ဆေတစ်ကောင်မှ စနောက်နေသည်ဟုပင် ထင်မှားမိပေမည်။</p> <p style="text-align:justify">“ ရှပ် ... ရှပ် ... ။ ”</p> <p style="text-align:justify">ထိုစဉ်သဲပြင်ပေါ်တွင် ပုရွက်ဆိတ်များ အုပ်စုလိုက်လျှောက်လှမ်းနေသကဲ့သို့ အသံများ ကြားလိုက်ရသည်။</p> <p style="text-align:justify">ကြမ်းပြင်ပေါ်ရှိ အမှုန်အမွှားများသည် ပြန်လည်စုစည်းလျက် ခဏချင်းမှာပင် ခြေဖဝါး ပုံစံမှသည် ခြေသလုံးရိုးပုံစံအဖြစ် စုစည်း ဖြစ်ပေါ်လာနေတော့၏။</p> <p style="text-align:justify">“ ဒါက မကောင်းဆိုးဝါး ဝိညာဉ်လား။”</p> <p style="text-align:justify">ကူချန်တစ်ယောက် မျက်လုံးများမှ သန့်စင်သောမီးလျှံများ ထွက်ပေါ်လာကာ ဝတ်ရုံသဖွယ် သူ့ကိုယ်သူ ဖုံးအုပ်ပစ်၏။</p> <p style="text-align:justify">“ သွား ... ။ ”</p> <p style="text-align:justify">ထို့နောက်တွင် သန့်စင်သော မီးတောက်များဖြင့် ထိုအရိုးစုထံ ပစ်ခတ်လိုက် လေသည်။ ချက်ချင်းပင် ရွှေရောင် မီးနဂါးကြီး တစ်ကောင်အဖြစ် ထွက်ပေါ်လာကာ အရိုးစုကို ပြာအဖြစ်သို့ လောင်ကျွမ်းတော့၏။</p> <p style="text-align:justify">“ ရှဲ ... ။ ”</p> <p style="text-align:justify">အရိုးစုပေါ်မှ အနက်ရောင်မီးခိုးငွေ့များ ဆက်တိုက်ထွက်ပေါ်လာခဲ့သည်။ သေချာပေါက် မကောင်းဆိုးဝါးဝိညာဉ်ပေပင်။</p> <p style="text-align:justify">“ စမ်းသပ်မှုရဲ့ ရည်ရွယ်ချက်က ဒီမကောင်းဆိုးဝါးဝိညာဉ်ကို အနိုင်ယူဖို့လား။ ”</p> <p style="text-align:justify">ကူချန်မှ တွေဝေသွားသည်။ ဤရွာကလေးမှာ အလွန်ပင်ထူးဆန်းလှချေ၏။ အသွင်အပြင်အရ ပြင်ပလောကရှိသုခဘုံ တစ်ခု နှင့်တူသော်လည်း အမှန်တွင် ထိုမျှမရိုးရှင်းချေ။ သာမန်မဟုတ်သော အငွေ့အသက်များရှိနေ၏။</p> <p style="text-align:justify">သန့်စင်သော မီးတောက်က အရိုးစုအားလုံးကို ဝါးမြိုဖျက်ဆီးပစ်လိုက်သည့် အခါ အခန်းတွင်းရှိ အမျိုးသမီးအသံသည်လည်း တိတ်ဆိတ်သွားခဲ့သည်။</p> <p style="text-align:justify">“ မဟုတ်သေးဘူး ... ။ ”</p> <p style="text-align:justify">သို့သော် ကူချန်သည် တစ်စုံတစ်ရာ မှားယွင်းနေကြောင်းခံစားမိကာ ရုတ်တရက် ပြတင်းပေါက်ထံ လျှောက်လှမ်းပြီး အပြင်သို့ လှမ်းကြည့်လိုက်သည်။</p> <p style="text-align:justify">ပြတင်းပေါက် အပြင်တွင် လေပြင်းများ တဖြည်းဖြည်း ပြင်းထန်လာကာ မီးအိမ်များကို လင်းတစ်လှည့် မှောင်တစ်လှည့်ဖြစ်နေစေ၏။ သစ်ရွက်အချင်းချင်း ပွတ်တိုက်သံများပင် ကြားလာရသည်။</p> <p style="text-align:justify">“ ဘာမှားနေတာလဲ။ ”</p> <p style="text-align:justify">သို့သော် ထိုအသံများသည် အနည်းငယ် ထူးဆန်းနေသည်။ သစ်ရွက်များ ပွတ်တိုက်သံ ဆိုပါက လေတိုက်ရာ အရပ်မျက်နှာအတိုင်း ရှိနေရပေမည်။</p> <p style="text-align:justify">“ ဝှစ် ... ။”</p> <p style="text-align:justify">ဤအချက်ကို တွေးမိလိုက်သည်နှင့် အခန်းအပြင်သို့ အလျင်အမြန် ပြေးထွက်လာပြီး အမိုးပေါ်ခုန်တက်ကာ ပတ်ဝန်းကျင်ထံ စစ်ဆေးကြည့်လိုက်၏။</p> <p style="text-align:justify">“ ဟမ့် ... ဘာတွေလဲ ... ။ ”</p> <p style="text-align:justify">မျက်ဝန်းများ ရုတ်ချည်း မှေးစင်းသွား ပြီးနောက် မြင်ရသည်များကို မယုံကြည်နိုင် လောက်အောင် ဖြစ်သွားရ၏။</p> <p style="text-align:justify">ပိုင်အိမ်တော် ပတ်ဝန်းကျင်ရှိ သစ်ပင်များအားလုံးသည် အမြစ်မှကျွတ်ကာ အကိုင်းအခက်များ ဝှေ့ယမ်းလျက်ဖြင့် လျှောက်လှမ်းလာနေကြချေပြီ။</p> <p style="text-align:justify">မြေပြင်သည်ပင် အနည်းငယ်မျှ တုန်ခါနေခဲ့ပြီး နေရာအနှံ့ရွေ့လျားလာသံများ ပြည့်နှက်နေတော့၏။</p> <p style="text-align:justify">“ ငါ့ခင်ပွန်း ... မင်းဘာလို့ငါ့ကို သတ်ရတာလဲ။ ”</p> <p style="text-align:justify">လေထုအလယ် အစောပိုင်းက အမျိုးသမီးအသံသည် ထပ်မံ ထွက်ပေါ်လာ တော့သည်။ သို့သော် ဤတစ်ကြိမ်တွင်မူ အသံသည် ယခင်ထက် ပိုမိုအေး​စက်နေ၏။</p> <p style="text-align:justify">သစ်ပင်ကြီးများသည်လည်း ပိုင်အိမ်တော်ခြံစည်းရိုးကို ဖြတ်ကျော်လျက် ဝင်ရောက်လာကြတော့သည်။</p> <p style="text-align:justify">သူတို့က ကူချန်ထံသို့ သစ်ကိုင်းများကို ဆန့်ထုတ်လိုက်ကြပြီး ဖမ်းဆီးရန်ကြိုးစားလာ ကြလေသည်။</p> <p style="text-align:justify">“ ပိုင်းဖြတ်လိုက် ... ။ ”</p> <p style="text-align:justify">ကူချန်တစ်ယောက် ဝိညာဉ်ဓား နှစ်ဆယ့်လေးလက်စလုံးကို ထိန်းချုပ်လိုက်ပြီး ထိုလက်တံများထံ တိုက်ရိုက် ခုတ်ပိုင်း ပစ်လိုက်တော့၏။</p> <p style="text-align:justify">ရှုပ်ထွေးလှသော ဓားချက်များသည် တောက်ပလွန်းသည့် ဓားရောင်ဝါအလင်းများ သယ်ဆောင်လျက် ညအမှောင်ထုကို ချက်ချင်း လင်းလက်သွားစေသည်။</p> <p style="text-align:justify">“ ဝှစ် ... ။ ”</p> <p style="text-align:justify">“ ဝှစ် ... ။ ”</p> <p style="text-align:justify">သစ်ပင်မိစ္ဆာများသည် စက္ကူများပမာ ဓားချက်များအောက်တွင် အမှုန့်ဖြစ်သွားသည်။ ကူချန်တစ်ယောက် အံ့အားသင့်သွားရ၏။</p> <p style="text-align:justify">ဤသစ်ပင်စ္ဆာများမှာ လွန်စွာအားနည်းလွန်းချေပြီ။ သို့သော် မကြာမီ တစ်စုံတစ်ရာ မှားယွင်းနေကြောင်း ချက်ချင်း သတိပြုမိလာတော့၏။</p> <p style="text-align:justify">ယင်းမှာ ပတ်ဝန်းကျင်ရှိ တလျှောက်ရှိ သစ်တောကြီးသည် တောင်ကုန်းများအပေါ်မှ ဆင်းသက်လာနေကြခြင်းဖြစ်သည်။</p> <p style="text-align:justify">ဖြူဖျော့နေသော လမင်းအလင်းရောင် အောက်တွင် ရေတွက်၍ သစ်ပင်မိစ္ဆာများသည် ဒီရေအလား လျှောက်လှမ်းလာနေ၏။</p> <p style="text-align:justify">လေးလံလှသော ခြေလှမ်းများသည် တဂျိုးဂျိုးတဂျွတ်ဂျွတ်ဖြင့် ပိုင်အိမ်တော်ဆီသို့ ဦးတည်ရွေ့လျားလာချေပြီ။</p> <p style="text-align:justify">“ အရမ်းများတယ် ... ။ ”</p> <p style="text-align:justify">မျက်စိတဆုံး သစ်ပင်ကြီးများ အသက်ဝင်ကာ ထိုဒီရေလှိုင်းအတွင်းလိုက်ပါ လာကြတော့သည်။</p> <p style="text-align:justify">ဤသည်မှာ များပြားလွန်းသဖြင့် ထိုမိစ္ဆာများအပေါ် သုတ်သင်ရှင်းလင်းရန်မှာ စစ်မှန်သောချီကို များစွာကုန်ဆုံးစေမည်။</p> <p style="text-align:justify">သို့သော် ယင်းသည် ပြဿနာမဟုတ်ချေ။ ဤဒေသတွင် ဝိညာဉ်စွမ်းအင်များမှာ ပေါများလှ သဖြင့် ခရမ်းရောင်နေမင်းကိုးစင်းကို လှည့်ပတ် လိုက်ရုံဖြင့် ပြန်လည်ရရှိနိုင်မည်။</p> <p style="text-align:justify">သို့သော် ဤသစ်ပင်မိစ္ဆာများ၏ အရေအတွက်မှာမူ အလွန်ပင် ကြောက်စရာ ကောင်းလှသည်။</p> <p style="text-align:justify">တောင်တန်းများ နောက်ကွယ်ရှိ ကျယ်ပြောလှသော သစ်ပင်များအားလုံးသာ လိုက်ပါလာမည်ဆိုသော် စစ်မှန်သောချီများ လုံလောက်နေသော်မှ ပင်ပန်းနွမ်းနယ်၍ သေဆုံးသွားရပေလိမ့်မည်။</p> <p style="text-align:justify">ခရမ်းရောင်နေမင်းနယ်ပယ်သည် စင်ကြယ်ခြင်းနယ်ပယ်အဆင့်နှင့် မတူချေ။ စင်ကြယ်ခြင်းအဆင့်သည် ရုပ်ခန္ဓာအပေါ် အပြီးသတ်သန့်စင်ခြင်းဖြစ်သည်။</p> <p style="text-align:justify">ထို့ကြောင့် ခန္ဓာကိုယ်အတွင်းရှိ ဆဲလ်တိုင်းတွင် သန့်စင်သောစွမ်းအားများဖြင့် ကိန်းအောင်နေမည်။ အနည်းငယ် အားစိုက် လိုက်ရုံဖြင့် စွမ်းအင်များဆက်မပြတ် ထွက်ပေါ်လာပေလိမ့်မည်။</p> <p style="text-align:justify">ယင်းသည် ပတ်ဝန်းကျင်အတွင်း ဝိညာဉ်စွမ်းအင် မလုံလောက်ခြင်းမျိုးသည်သာ ဖြစ်နိုင်ပြီး စစ်မှန်သောချီကုန်ဆုံးခြင်းမျိုး မရှိနိုင်ချေ။</p> <p style="text-align:justify">“ ငါ ဒီနေရာကနေ အမြန်ဆုံး ထွက်သွားမှ ဖြစ်မယ်။ ”</p> <p style="text-align:justify">ဤသစ်ပင်မိစ္ဆာများမှာ အလွန် အားနည်းသော်လည်း အရေအတွက်အရ ကြောက်စရာကောင်းလွန်းလှသည်။</p> <p style="text-align:justify">ရုတ်တရက် သန့်စင်သော မီးတောက်ကို သတိရလာသည်။ မကောင်းဆိုးဝါး ဝိညာဉ်များ အပေါ် ထိုမီးတောက်သည် သက်ရောက်မှုများ ပြင်းထန်ချေပြီ။</p> <p style="text-align:justify">“ ငါ့ခင်ပွန်း ... ဘာလို့ ငါ့ကိုသတ်ရတာလဲ။ ”</p> <p style="text-align:justify">မိန်းကလေးပိုင်၏ အသံက သစ်ပင်မိစ္ဆာများနှင့်အတူ ပဲ့တင်ထပ်လာသည်။ ကူချန်မှ တုန့်ဆိုင်းမနေတော့ဘဲ သန့်စင်သော မီးတောက်ကို ပစ်ခတ်လိုက်၏။</p> <p style="text-align:justify">“ ဝူး ... ။ ”</p> <p style="text-align:justify">သန့်စင်သော မီးတောက်သည် မီးနဂါးကြီးကိုးကောင်အဖြစ် ပြောင်းလဲကာ သစ်ပင်မိစ္ဆာများထံသို့ ကျဆင်းသွားသည်။</p> <p style="text-align:justify">ဤသည်မှာ မီးနဂါးကိုးပါးထိန်းချုပ်ခြင်း နည်းစနစ်ပေပင်။ ဆေးဝါးဖော်စပ်ရန်အတွက် အသုံးပြုနိုင်သည်သာမက တိုက်ခိုက်ရာ၌လည်း  အသုံးပြုနိုင်သည်။</p> <p style="text-align:justify">မီးနဂါးကိုးကောင်၏ လောင်မြိုက်မှု အောက်တွင် သစ်ပင်မိစ္ဆာများစွာမှာ ပြာအဖြစ် ပျက်စီးသွားတော့၏။</p> <p style="text-align:justify">ယင်းသည် အဆုံးသတ်မဟုတ်ချေ။ မီးတောက်များသည် မြေပြင်တလျှောက်ပျံ့နှံ့ပြီး ဆက်၍ ကူးစက်လောင်ကျွမ်းနေခဲ့သည်။</p> <p style="text-align:justify">“ တကယ် အသုံးဝင်တယ်။ ”</p> <p style="text-align:justify">ခဏချင်းမှာပင် ကူချန်ကို ဗဟိုပြုလျက် မီးပင်လယ်ကြီး ဖြစ်ပေါ်လာသည်။ သစ်ပင်မိစ္ဆာ များသည် ထိုမီးပင်လယ်ကြီးကိုရှောင်တိမ်းရန် ဆုတ်ခွာသွားကြတော့၏။</p> <p style="text-align:justify">သို့သော် များမကြာခင် ပေတစ်ရာအတွင်း သစ်ပင်မိစ္ဆာများ ပြန်လည်ဆုတ်ခွာကုန်သဖြင့် သန့်စင်သောမီးတောက်မှာ လောင်စာကုန် သွားလေသည်။ ထို့ကြောင့် ပြန်လည် ခေါ်ယူလိုက်ရ၏။</p> <p style="text-align:justify">ဓားပျံများ အသုံးပြုခြင်းသည် စွမ်းအင်ကုန်ဆုံးမှု နည်းပါးသည်။ သန့်စင်သော မီးတောက်မှာမူ ဆန့်ကျင်ဘက်ပေပင်။</p> <p style="text-align:justify">ထို့ကြောင့် ပိုမိုကောင်းမွန်သော အကျိုးသက်ရောက်မှုမျိုးမရှိပါက ဓားပျံများကို အသုံးပြုရန်သာ ရွေးချယ်မိပေမည်။</p> <p style="text-align:justify"> “ ဝှစ် ... ။ ”</p> <p style="text-align:justify">ရုတ်ချည်း အိမ်ခေါင်မိုးပေါ်မှခုန်ချကာ မီးလောင်ကျွမ်းနေသည့် လမ်းအတိုင်း ခြံပြင်သို့ ပြေးထွက်လာခဲ့သည်။</p> <p style="text-align:justify">“ ငါ့ခင်ပွန်း ... ဘာလို့ ငါ့ကိုသတ်ရတာလဲ။ ”</p> <p style="text-align:justify">မိန်းကလေးပိုင်အသံက ထပ်မံ၍ ပဲ့တင်ထပ်လာ၏။ ထို့အတူ သစ်ပင်မိစ္ဆာများမှာ ကူချန်နောက်သို့ လိုက်ပါလာခဲ့သည်။  </p> <p style="text-align:justify">ကူချန်တစ်ယောက် လှည့်မကြည့်ဘဲ ရွာငယ်လေးထံသို့ ဦးတည်ပြေးလွှားလိုက်၏။ အနည်းဆုံးတော့ ရွာထဲတွင် ဤပြဿနာကို ဖြေရှင်းရန် နည်းလမ်းအချို့ ရှိနိုင်ပေမည်။</p> <p style="text-align:justify">“ ငါ့ခင်ပွန်း ... ဘာလို့ ငါ့ကိုသတ်ရတာလဲ။ ”</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save