Book List

<h2 style="text-align: center;">အခန်း (၇၃၄)</h2> <h2 style="text-align: center;">*</h2> <p> </p> <p style="text-align:justify">ဘဏ္ဍာရေး ဝန်ကြီး ပူထရီဒူးနှင့် ရဲဝန်ကြီး ဆီဒင်းတို့ကို ဖမ်းဆီးပြီးနောက် ညွှန်ကြားရေးမှူး ဆူဂျာနိုသည် သူ၏ လူများကို ဦးဆောင်ကာ ဆူမန်နိုင်ငံသို့ ပြန်လာခဲ့သော်လည်း သတင်းဆိုး တစ်ခုကို ကြားလိုက်ရသည်။ သူ၏ အဆင့်မြင့် အရာရှိများကိုလည်း အနောက်ပိုင်း ဗျူရိုက လုပ်ကြံစွဲချက်များဖြင့် ဖမ်းဆီးသွားခဲ့ပြီ ဟူ၍ပင်…။</p> <p style="text-align:justify">“ခွေးကောင်တွေ… သူတို့ အနောက်ပိုင်း ဗျူရိုမှာ ဒီလောက် ရမ်းကားရဲတယ်ပေါ့လေ”</p> <p style="text-align:justify">ညွှန်ကြားရေးမှူး ဆူဂျာနိုသည် အကြီးအကျယ် ဒေါသထွက်သွားပြီးနောက် မှန်ဘီလူး တပ်ပြီး အပြစ် ရှာကာ အင်ဒိုနီးရှားအား ပြတ်သားစွာဖြင့် ပိုမို ရက်စက်ကြမ်းကြုတ်စွာ နှိပ်ကွပ်တော့သည်။</p> <p style="text-align:justify">ဤသို့ဖြင့် နှစ်ဖက်ကြား ပဋိပက္ခများသည် တစ်ဆင့်ပြီး တစ်ဆင့် ပိုမို ပြင်းထန်လာကာ ဘယ်သူက လူပိုဖမ်းနိုင်မလဲ ဆိုသည်ကို ယှဉ်ပြိုင်နေသကဲ့သို့ ဖြစ်လာသည်။ နောက်ပိုင်းတွင် သူတို့သည် အကြောင်းပြချက် ရှာရန်ပင် ဂရုမစိုက်တော့ဘဲ လူများ၏ အိမ်များသို့ တိုက်ရိုက်သွားကာ ဖမ်းဆီးကြသဖြင့် နိုင်ငံနှစ်ခုလုံးတွင် အကြီးအကျယ် ထိတ်လန့်တုန်လှုပ်မှုများ ဖြစ်ပေါ်လာခဲ့သည်။ </p> <p style="text-align:justify">အရှေ့ပိုင်း ဗျူရိုနှင့် အနောက်ပိုင်း ဗျူရိုတို့သည် လက်နက်ကိုင် ပဋိပက္ခများပင် အကြိမ်ကြိမ် ဖြစ်ပွားခဲ့ကြသည်။</p> <p style="text-align:justify">ဤကဲ့သို့သော နိုင်ငံရေး နှိပ်ကွပ်မှုများက အင်ဒိုနီးရှားနှင့် ဆူမန်နိုင်ငံ ကြားရှိ နောက်ဆုံးကျန်ရှိနေသော ချစ်ကြည်ရေး အရိပ်အယောင်များကိုပါ ပျောက်ကွယ်သွားစေခဲ့ပြီး နိုင်ငံနှစ်ခုကြား ဆက်ဆံရေးသည် မီးနှင့် ရေကဲ့သို့ ဖြစ်လာခဲ့သည်။</p> <p style="text-align:justify">ပြည်တွင်း အက်ကွဲကြောင်းများ ပေါ်လာသဖြင့် ကျဲခယ် အဖွဲ့ကို မည်သို့ ခုခံရမည်ကို စဉ်းစားရန် သူတို့တွင် စိတ်ကူးမရှိတော့ချေ။ ယင်းအစား သူတို့သည် တစ်ဖက်နှင့်တစ်ဖက် ဖျက်ဆီးပစ်ရန်သာ အာရုံစိုက်နေကြပြီး အထက်စီးမှ ထိုင်ကြည့်နေသော ကျဲခယ် အဖွဲ့မှာမူ အင်ဒိုနီးရှားနှင့် ဆူမန်နိုင်ငံ အကြားရှိ အခြေအနေတွင် ထိုက်ရှန်းတောင်တန်းကြီးကဲ့သို့ ခိုင်မာ တည်ငြိမ်နေတော့သည်။</p> <p style="text-align:justify">………………………</p> <p style="text-align:justify">အင်ဒိုနီးရှားတွင် ကျဲခယ် အဖွဲ့၏ အလွန်အကျွံ လုပ်ရပ်များက ကမ္ဘာတစ်ဝန်းလုံးရှိ နိုင်ငံများကို မှင်သက်သွားစေခဲ့သည်။</p> <p style="text-align:justify">နိုင်ငံရေးအရ ကိုင်တွယ် ဖြေရှင်းသည့် နည်းလမ်းမှတစ်ဆင့် ကျဲခယ် အဖွဲ့သည် လူဦးရေ သန်း ၂၀၀ ကျော်ရှိသော အင်ဒိုနီးရှားနိုင်ငံကို တိုက်ရိုက် နှစ်ပိုင်းခွဲပစ်လိုက်ပြီး ၎င်းတို့၏ ဩဇာလွှမ်းမိုးမှု နယ်ပယ်များထဲမှ တစ်ခု အဖြစ် ဖန်တီးလိုက်သည်။</p> <p style="text-align:justify">နဂါးငွေကြေး အသုံးပြုသူ အရေအတွက်ကို တစ်ချက်တည်းဖြင့် သန်း ၂၀၀ ကျော် အောင်မြင်စွာ တိုးမြှင့်နိုင်ခဲ့သည်။</p> <p style="text-align:justify">ကျဲခယ် အဖွဲ့သည် အင်ဒိုနီးရှားကို ရမ်းကားစွာ ဖျက်ဆီးပြီး ထိုနိုင်ငံကို သူတို့၏ စိတ်ကြိုက် ပုံစံသွင်းနေချိန်တွင် ကမ္ဘာ့ရဲကြီး အဖြစ် အမြဲတမ်း ဂုဏ်ယူဝင့်ကြွားနေသော အမေရိကန်သည် လျစ်လျူရှုနေဆဲ ဖြစ်ကာ အင်ဒိုနီးရှားကို ကျဲခယ် အဖွဲ့က ဗျူဟာကျကျ သိမ်းပိုက်နေသည်ကို လက်ပိုက်ကြည့်နေပြီး ကျဲခယ် အဖွဲ့၏ ဩဇာလွှမ်းမိုးမှု နောက်တစ်ကြိမ် အကြီးအကျယ် ကျယ်ပြန့်လာသည်ကို စောင့်ကြည့်နေခဲ့သည်။</p> <p style="text-align:justify">အမှန်တကယ်တော့ အမေရိကန်က လုံးဝ ငြိမ်သက်နေခြင်းတော့ မဟုတ်ပေ။ သို့သော် သူတို့၏ လုပ်ရပ်များမှာ ကျဲခယ် အဖွဲ့ကို ပြစ်တင်ရှုတ်ချသည့် ကြေညာချက်များ ထုတ်ပြန်ခြင်းလောက်သာ ဖြစ်ပြီး လက်တွေ့ စစ်တပ် စေလွှတ်ခြင်းမျိုး မရှိခဲ့ပေ။ သူတို့၏ မျက်နှာပြောင်တိုက်မှု ကမ်းကုန်လှသည်။</p> <p style="text-align:justify">၎င်း၏ ကမ္ဘာ့အရှင်သခင် နေရာကို ထိန်းသိမ်းထားရန် အမေရိကန်သည် လွယ်လွယ်နှင့် ဝင်ရောက် စွက်ဖက်ရန် ဆန္ဒမရှိပေ။</p> <p style="text-align:justify">အကယ်၍ ဝင်ရောက် စွက်ဖက်ပြီး စစ်ပွဲကို အနိုင်ရခဲ့ပါက ၎င်း၏ ကမ္ဘာ့အရှင်သခင် အဆင့်အတန်းကို ထိန်းသိမ်းထားနိုင်မည် ဖြစ်သည်။ သို့သော် စစ်ရှုံးခဲ့ပါက ၎င်းသည် အမေရိကန်၏ ကမ္ဘာ့အရှင်သခင် နေရာကို အကြီးအကျယ် လှုပ်ခါနိုင်ပေလိမ့်မည်။</p> <p style="text-align:justify">အမေရိကန်သည် ၎င်း၏ အင်အားကြီးမားသော စစ်ရေးစွမ်းရည် အထူးသဖြင့် ၎င်း၏ ပြိုင်ဘက်ကင်း စစ်တပ် ဖြစ်သော ရေတပ်ကို အားကိုး၍ ကမ္ဘာတစ်ဝန်းလုံးတွင် နှစ်ပေါင်းများစွာ ထင်တိုင်းကျဲနိုင်ခဲ့ခြင်း ဖြစ်သည်။ ကျဲခယ် အဖွဲ့တွင် မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီးများ ရှိနေသဖြင့် အမေရိကန်သည် အဆောတလျင် ဝင်ရောက် စွက်ဖက်ရဲခြင်း မရှိပေ။ </p> <p style="text-align:justify">သို့သော် အများပြည်သူ အမြင်ကောင်းစေရန် အတွက် အမေရိကန် သမ္မတ ဂျက်စမင်ကလည်း ဤသို့ ထုတ်ပြန် ကြေညာခဲ့သည် - "စစ်ပွဲဆိုတာ အနိုင်ရသည်ဖြစ်စေ၊ အရှုံးပေးသည်ဖြစ်စေ ပြည်သူတွေရဲ့ သာယာဝပြောတဲ့ ဘဝတွေနဲ့ ကျန်းမာချမ်းသာမှုတွေကို ဖျက်ဆီးပစ်ပြီး ချစ်ရသူတွေကြားမှာ သေကွဲ ကွဲရတဲ့ ဆင်းရဲဒုက္ခတွေကို ဖြစ်စေပါတယ်။ အခု ကမ္ဘာကြီး လိုအပ်နေတာက ဘယ်လိုပေးဆပ်မှုမျိုးနဲ့ မဆို ရယူရမယ့် ငြိမ်းချမ်းရေးပါပဲ။ နောက်ထပ် ပဋိပက္ခတွေ မဟုတ်ပါဘူး"</p> <p style="text-align:justify">အမေရိကန် သမ္မတ ဂျက်စမင်သည် သေသေချာချာ ရွေးချယ်ထားသော စကားလုံးများဖြင့် သူ၏ အင်ဒိုနီးရှားသို့ စစ်တပ် မလွှတ်ရန် သူ၏ ဆုံးဖြတ်ချက်က ကျဲခယ် အဖွဲ့ကို ကြောက်ရွံ့၍ မဟုတ်ဘဲ ကမ္ဘာ့ငြိမ်းချမ်းရေး အတွက် ဖြစ်ကြောင်း ပြောခဲ့လေသည်။</p> <p style="text-align:justify">ကမ္ဘာ့ ပြဿနာရှာသူ အမေရိကန်က ငြိမ်းချမ်းရေး ဟူသော စကားလုံးကို ထုတ်ပြောလာခြင်းက အမေရိကန်သည် ကျဲခယ် အဖွဲ့နှင့် ထိပ်တိုက် စစ်မခင်းလိုကြောင်း ရှင်းလင်းနေသည်။</p> <p style="text-align:justify">အမေရိကန် အဆင့်မြင့် အရာရှိများက သူတို့၏ လေယာဉ်တင် ရေတပ်စုကြီးသည် အိန္ဒိယ သမုဒ္ဒရာတွင် ကင်းလှည့်နေပြီး ကျဲခယ် အဖွဲ့အပေါ် လုံလောက်သော ဖိအားပေးနိုင်သရွေ့ အင်ဒိုနီးရှားကို ဝါးမျိုပြီးနောက် တစ်ဖက်လူသည် အချိန်ကာလ တစ်ခုအထိ ငြိမ်သက်နေလိမ့်မည်ဟု ယူဆထားကြသည်။ ယင်းအချိန် အတွင်း သူတို့အတွက် မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီးကို တန်ပြန်နိုင်မည့် နည်းလမ်းများကို ရှာဖွေပေမည်။</p> <p style="text-align:justify">အမေရိကန်သည် အင်ဒိုနီးရှားကို စတေးပြီး ကျဲခယ် အဖွဲ့ကို ရပ်တန့်စေရန် ဖြောင်းဖျ နှစ်သိမ့်သည့် မူဝါဒကို အသုံးပြုရန် ကြိုးစားခဲ့ခြင်း ဖြစ်သည်။ သို့သော် မမျှော်လင့်ဘဲ ကျဲခယ် အဖွဲ့၏ အစာစားချင်စိတ်သည် အမေရိကန် ထင်ထားသည်ထက် များစွာ ကြီးမားနေခဲ့သည်။</p> <p style="text-align:justify">အင်ဒိုနီးရှားကို သိမ်းပိုက်ပြီးနောက် ကျဲခယ် အဖွဲ့၏ စစ်ရေး ချီတက်မှုသည် တကယ်တမ်း ရပ်တန့်မသွားခဲ့ပေ။</p> <p style="text-align:justify">လအနည်းငယ်ကြာ အင်ဒိုနီးရှားရှိ အခြေအနေများကို တည်ငြိမ်အောင် လုပ်ဆောင်ပြီးနောက် ကျဲခယ် အဖွဲ့သည် နောက်တစ်ကြိမ် စတင် လှုပ်ရှားလာပြန်သည်။</p> <p style="text-align:justify">စက်တင်ဘာလ ၂၅ ရက်နေ့တွင် ဖိလစ်ပိုင် ဝန်းကျင်ရှိ ရေပြင်တွင် ကျဲခယ် အဖွဲ့၏ မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီး တစ်စင်းကို တံငါသည်များက တွေ့ရှိခဲ့သည်။</p> <p style="text-align:justify">ဤသတင်း ပျံ့နှံ့သွားသည်နှင့် ကမ္ဘာတစ်ဝန်းရှိ နိုင်ငံများမှာ ဆူညံပွက်လောရိုက်သွားကြသည်။ ကျဲခယ် အဖွဲ့သည် အရှေ့တောင်အာရှ တစ်ခုလုံးကို အပြည့်အဝ သိမ်းပိုက်ရန် ရည်ရွယ်ထားပုံရပြီး အင်ဒိုနီးရှား တစ်နိုင်ငံတည်းက ကျဲခယ် အဖွဲ့၏ လောဘကြီးသော အစာစားချင်စိတ်ကို မပြည့်ဝစေနိုင်ခဲ့ပေ။</p> <p style="text-align:justify">အိမ်ဖြူတော်…</p> <p style="text-align:justify">ဂျူဒီယွန်သည် သမ္မတ ရုံးခန်းထဲသို့ အလျင်စလို ဝင်လာခဲ့ရာ အမေရိကန် သမ္မတ ဂျက်စမင်နှင့် ဟာမာဆန် ဖိုဖားနားတို့သည် ထိုနေရာတွင် စောင့်ဆိုင်းနေကြပြီ ဖြစ်သည်။</p> <p style="text-align:justify">“သမ္မတကြီး... ဒါက မလေးရှားမှာ ကျွန်တော်တို့ စုဆောင်းရရှိထားတဲ့ ထောက်လှမ်းရေး သတင်းတွေပါ။ ကျဲခယ် အဖွဲ့က နောက်ထပ် စစ်ပွဲတစ်ခု ဆင်နွှဲဖို့ ဖြစ်နိုင်ခြေ တကယ်ရှိနေပါတယ်။ ကျွန်မတို့ရဲ့ စုံစမ်းစစ်ဆေးမှုတွေအရ မလေးရှားအတွင်းမှာ စစ်ရေး လှုပ်ရှားမှုတွေ မကြာခဏ ဖြစ်နေပြီး သယ်ယူပို့ဆောင်ရေး စစ်သင်္ဘောတွေကလည်း အဲဒီမှာ စုဝေးနေကြပါပြီ။ ဒါက ကုန်းရေနှစ်သွယ် စစ်ဆင်ရေး အတွက် လက္ခဏာတစ်ခုပါပဲ”</p> <p style="text-align:justify">ဂျူဒီယွန်က အမေရိကန် သမ္မတ ဂျက်စမင် ရှေ့တွင် စုံစမ်းစစ်ဆေးရေး အထောက်အထားများကို ချထားလိုက်သည်။ ကိစ္စ၏ ကြီးလေးမှုကြောင့် ဂျူဒီယွန်၏ လေသံမှာ အလွန် လေးလံနေသည်။</p> <p style="text-align:justify">သမ္မတ ဂျက်စမင်သည် ထောက်လှမ်းရေး သတင်းများကို လှန်လှော ကြည့်လိုက်ရာ ထိုအထဲတွင် CIA၏ စုံစမ်းစစ်ဆေးမှု အများအပြားမှ ခိုင်လုံသော အထောက်အထားများ ပါဝင်နေသည်။</p> <p style="text-align:justify">ဤအထောက်အထားများ အားလုံးကို အေးဂျင့်များက တိတ်တဆိတ် စုဆောင်းထားခြင်း မဟုတ်ပေ။ သတင်းအချက်အလက် အများစုကို ပွင့်လင်းမြင်သာသော စောင့်ကြည့် လေ့လာမှုများမှတစ်ဆင့် ရယူထားခြင်း ဖြစ်ပြီး open-source intelligence အဖြစ် ဖန်တီးကာ ခွဲခြမ်းစိတ်ဖြာမှုများဖြင့် ပေါင်းစပ်ထားသဖြင့် တိကျမှု အလွန် မြင့်မားကာ တစ်ခါတစ်ရံ ရန်သူ၏ စစ်ရေး လှုပ်ရှားမှု အချိန် အတိအကျကိုပင် ခန့်မှန်းနိုင်စွမ်း ရှိသည်။</p> <p style="text-align:justify">ဖတ်ရှုပြီးနောက် သမ္မတ ဂျက်စမင်သည် သူ၏ နဖူးကို ပွတ်သပ်ရင်း ခေါင်းကိုက်နေပုံ ရသည်။</p> <p style="text-align:justify">“စုကျဲက ဘာလုပ်ချင်နေတာလဲ။ သူက ငါတို့ လှုပ်ရှားမှာ မဟုတ်ဘူးလို့ အပိုင် တွက်ထားပြီး လုပ်ချင်တာတွေ လုပ်နေတာပဲ”</p> <p style="text-align:justify">သမ္မတ ဂျက်စမင်က ပြောလေလေ ပိုမို ဒေါသထွက်လေလေ ဖြစ်သည်။ အင်ဒိုနီးရှား ကျဆုံးသွားသည်မှာ မကြာသေးမီကမှ ဖြစ်သော်လည်း ကျဲခယ်အဖွဲ့သည် သူတို့၏ တပ်စခန်းများ ချထားရာ ဖိလစ်ပိုင်ကိုပါ ပစ်မှတ်ထားလေသည်။</p> <p style="text-align:justify">ဖိလစ်ပိုင်သည် အစဉ်တစိုက် အမေရိကန်၏ နယ်ရုပ် တစ်ရုပ် ဖြစ်ခဲ့သည်ကို မှတ်သားထားရပေမည်။ အတိတ်ကာလက ဖိလစ်ပိုင်သည် အမေရိကန်၏ ကိုလိုနီ တစ်ခု ဖြစ်ခဲ့သလို အမေရိကန်သည် လက်ရှိ အချိန်အထိ ဖိလစ်ပိုင်တွင် စစ်အခြေစိုက်စခန်း အများအပြား ရှိနေဆဲဖြစ်သည်။ အင်ဒိုနီးရှားနှင့် ယှဉ်လျှင် ဖိလစ်ပိုင်သည် အမေရိကန် အတွက် များစွာ အရေးကြီးလေသည်။</p> <p style="text-align:justify">ယခုအခါ ကျဲခယ် အဖွဲ့သည် ဖိလစ်ပိုင်ကို တိုက်ခိုက်ရန် ဓားသွေးနေခြင်းမှာ အမေရိကန်ကို လုံးဝ ဂရုမစိုက်သည့် လုပ်ရပ်မျိုးပင် ဖြစ်သည်။</p> <p style="text-align:justify">“မစ္စတာသမ္မတကြီး… ဖိလစ်ပိုင်အတွက် ကျဲခယ် အဖွဲ့နဲ့ ထိပ်တိုက် ရင်ဆိုင်ချင်သလား”</p> <p style="text-align:justify">ဂျူဒီယွန်က သမ္မတ ဂျက်စမင်၏ လေသံ အနည်းငယ် ပြောင်းလဲနေသည်ကို သတိပြုမိပြီး ညင်သာစွာ သတိပေးလိုက်သည်။</p> <p style="text-align:justify">“စစ်တပ်က အနိုင်ရဖို့ ယုံကြည်ချက် ရှိရဲ့လား”</p> <p style="text-align:justify">သမ္မတ ဂျက်စမင်က မဖြေဘဲ ဟာမာဆန် ဖိုဖားနားကို မေးခွန်းတစ်ခု မေးလိုက်သည်။</p> <p style="text-align:justify">ဖိုဖားနားသည် စက္ကန့်အနည်းငယ်ခန့် တိတ်ဆိတ်နေပြီးမှ ပြောလိုက်သည် “ကျွန်တော်တို့ စစ်တပ်က စစ်ပွဲအတုတွေ အများကြီး ဖန်တီးပြီး လေ့ကျင့်မှုတွေ လုပ်ထားပါတယ်။ တစ်ဖက်က ကျွန်တော်တို့ရဲ့ ရေတပ်စု နေရာကနေ ကစားပြီး အခြားတစ်ဖက်က ကျဲခယ် အဖွဲ့ နေရာကနေ ကစားပါတယ်။ စစ်ပွဲအတု ဖန်တီးမှု အများအပြားရဲ့ ရလဒ်တွေနဲ့ ကျဲခယ် အဖွဲ့မှာ ဖုံးကွယ်ထားတဲ့ လက်နက်တိုက် ခရူဇာစစ်သင်္ဘောတွေ ရှိနိုင်တယ်ဆိုတာကို ထည့်သွင်း စဉ်းစားရင် တကယ်လို့ ကျွန်တော်တို့က ကျဲခယ် အဖွဲ့ရဲ့ ပင်မ ရေတပ်စုနဲ့ ပင်လယ်ပြင်မှာ ရင်ဆိုင်ရမယ်ဆိုရင် နိုင်/ရှုံး အချိုးက ၇း၃ ခန့် ရှိပြီး ကျွန်တော်တို့က ၇ ပါ။ ဒါပေမဲ့ ကျွန်တော်တို့ အောင်ပွဲရခဲ့ရင်တောင် ကျွန်တော်တို့ရဲ့ ဆုံးရှုံးမှုတွေက အရမ်းကို များပါလိမ့်မယ်”</p> <p style="text-align:justify">ဤသည်မှာ သမ္မတ ဂျက်စမင် ကြားချင်သော အဖြေမဟုတ်ပေ။ သူ၏ မျက်နှာထားက အနှီ အဖြေကို မကျေနပ်ကြောင်း ရှင်းလင်းစွာ ပေါ်လွင်နေသည်။</p> <p style="text-align:justify">“ဒီလောက် အချိန်တွေ ကြာတာတောင် မင်းတို့က လက်နက်တိုက် ခရူဇာစစ်သင်္ဘောတွေကို တန်ပြန်ဖို့ နည်းလမ်း မရှာနိုင်သေးဘူးလား”</p> <p style="text-align:justify">“အရမ်း ခက်ခဲပါတယ်။ ဒီလို လက်နက်တိုက် ခရူဇာစစ်သင်္ဘော အမျိုးအစားက မကြာသေးမီကမှ ပေါ်ထွက်လာတာဖြစ်ပြီး အဲဒီအကြောင်း ကျွန်တော်တို့ သိပ်မသိပါဘူး။ ဒီစစ်သင်္ဘောရဲ့ မွေးရာပါ လက္ခဏာတွေနဲ့ ဧရာမ ဒုံးကျည် သယ်ဆောင်နိုင်စွမ်းတို့ ပေါင်းစပ်လိုက်ရင် ကျွန်တော်တို့ရဲ့ လေယာဉ်တင် သင်္ဘော တိုက်ခိုက်ရေး အုပ်စုတွေတောင် ရုတ်တရက် တိုက်ခိုက်ခံရရင် အကြီးအကျယ် အန္တရာယ် ရှိနိုင်ပါတယ်။ လေကြောင်း ကာကွယ်ရေး စနစ်က ဒုံးကျည်အားလုံးကို ကြားဖြတ် ဟန့်တားနိုင်ချင်မှ ဟန့်တားနိုင်မှာပါ”</p> <p style="text-align:justify">“ပြီးတော့ ရေတပ်စစ်ပွဲဆိုတာ အင်အားချင်း ယှဉ်ပြိုင်ရုံ သက်သက် မဟုတ်ပါဘူး။ နည်းဗျူဟာပိုင်း ဆိုင်ရာ ချထားမှုတွေနဲ့ ကံတရားကတောင် အောင်ပွဲရဲ့ ချိန်ခွင်လျှာကို ပြောင်းလဲပေးနိုင်ပါတယ်။ ကျွန်တော်တို့ အကြီးအကျယ် အောင်ပွဲရနိုင်သလို ကျွန်တော်တို့ရဲ့ ဆုံးရှုံးမှုတွေကလည်း ခန့်မှန်းချက်တွေထက် အများကြီး ပိုသွားနိုင်ပါတယ်”</p> <p style="text-align:justify">“အတိုချုပ် ပြောရရင် အခု ကျဲခယ် အဖွဲ့ရဲ့ ရေတပ်တိုက်ပွဲ ဖြစ်တာက ကြီးမားတဲ့ အန္တရာယ် ရှိပါတယ်”</p> <p style="text-align:justify">ဖိုဖားနားက ခေါင်းခါလိုက်သည်။ သူတို့၏ လေယာဉ်တင် ရေတပ်စုသည် အိန္ဒိယ သမုဒ္ဒရာတွင် ကင်းလှည့်နေပြီး အင်ဒိုနီးရှား စစ်ပွဲတွင် ဝင်ရောက် မစွက်ဖက်ခဲ့ခြင်းမှာ မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီးများ၏ ခြိမ်းခြောက်မှုကြောင့်ပင် ဖြစ်သည်။</p> <p style="text-align:justify">အကယ်၍ အခြားနိုင်ငံ တစ်ခုခုသာ ဆိုပါက အမေရိကန်သည် အစောကြီးကတည်းက ဝင်ရောက် စွက်ဖက်ခဲ့ပြီး တစ်ဖက်လူကို ဤမျှ ထင်တိုင်းကျဲခွင့် ဘယ်သောအခါမှ ပေးမည် မဟုတ်ပေ။</p> <p style="text-align:justify"> </p> <p style="text-align: center;">***</p>


Save