Book List

<h2 style="text-align: center;">အခန်း (၇၃၅)</h2> <h2 style="text-align: center;">*</h2> <p> </p> <p style="text-align:justify">“သမ္မတကြီး... စစ်သင်္ဘောတွေ နစ်မြုပ်ဆုံးရှုံးရတာကို လက်ခံဖို့ ကျွန်တော်တို့အတွက် အရမ်း ခက်ခဲပါတယ်။ အဲဒီလို ကိစ္စမျိုး ဖြစ်လာရင် ကျွန်တော်တို့ နိုင်ငံရဲ့ ဂုဏ်သိက္ခာလည်း ကျဆင်းသွားပြီး အနာဂတ်မှာ ကိစ္စရပ်တွေကို အကောင်အထည်ဖော်ဖို့ အများကြီး ပိုခက်ခဲသွားပါလိမ့်မယ်။ အခုလိုမျိုး အဆင်ပြေ ချောမွေ့တော့မှာ မဟုတ်ပါဘူး”</p> <p style="text-align:justify">ဖိုဖားနားက စစ်တပ်၏ အမြင်ကို ဖော်ပြလိုက်သည်။ သူသည် ယခုအချိန်တွင် ကျဲခယ် အဖွဲ့နှင့် စစ်ဖြစ်ရန် အကြံပြုခြင်း မရှိပေ။</p> <p style="text-align:justify">စစ်ပွဲဆိုသည်မှာ ကစားစရာ မဟုတ်ပေ။ လေယာဉ်တင်သင်္ဘော ရေတပ်စုသည် အမေရိကန်၏ ကမ္ဘာ့အရှင်သခင် နေရာကို ထိန်းသိမ်းထားသည့် အခြေခံ အုတ်မြစ်များထဲမှ တစ်ခုဖြစ်ပြီး အမေရိကန် အနေဖြင့် ကမ္ဘာတစ်ဝန်းလုံးတွင် အတားအဆီးမရှိ လှုပ်ရှားသွားလာနိုင်ရန် အဓိက သော့ချက်ဖြစ်သည်။</p> <p style="text-align:justify">အကယ်၍ ရေတပ်တွင် ပြဿနာများ ကြုံတွေ့ရပြီး ဆုံးရှုံးမှုများလွန်းပါက အမေရိကန်သည် ကြီးမားသော ပြဿနာများနှင့် ရင်ဆိုင်ရမည်ဖြစ်ပြီး နိုင်ငံအများအပြားက အမေရိကန်၏ စကားကို နားထောင်တော့မည် မဟုတ်ပေ။</p> <p style="text-align:justify">အတိတ်ကာလက အမေရိကန် အင်အားကြီးမားချိန်တွင် ၎င်း၏ အင်အားကို အသုံးပြုနိုင်ခဲ့ပြီး ခြေတစ်ချက် ပေါက်လိုက်ရုံဖြင့် တစ်ကမ္ဘာလုံး တုန်လှုပ်သွားစေနိုင်သည်။ အကယ်၍ နှာစေးပြီး စီးပွားရေး ကျဆင်းသွားပါက တစ်ကမ္ဘာလုံးက တန်ဖိုးပေးဆပ်ရသည်။</p> <p style="text-align:justify">သို့သော် အမေရိကန်၏ အားနည်းချက်များ ပေါ်လွင်သွားပါက သူတို့၏ စကားများသည် အနာဂတ်တွင် ယခင်ကလောက် ထိရောက်တော့မည် မဟုတ်ဘဲ လူအများအပြားမှာ အမေရိကန်ကို အပေါ်ယံတွင် သဘောတူသလို ဟန်ဆောင်ကာ တိတ်တဆိတ် ဆန့်ကျင်လာကြမည် ဖြစ်သည်။</p> <p style="text-align:justify">ကမ္ဘာ့အရှင်သခင် ဖြစ်ရခြင်းသည် ဂုဏ်ယူစရာ တစ်ခုဖြစ်သလို တစ်ဖက်၌လည်း ဖိအားတစ်ခု ဖြစ်နေပြန်သည်။</p> <p style="text-align:justify">တစ်ချိန်က ပင်လယ်ပြင်ကို လွှမ်းမိုးခဲ့သော ဂရိတ်ဗြိတိန်တို့သည် ဒုတိယကမ္ဘာစစ် အပြီး၌ ဖြည်းညှင်းစွာ ကျဆင်းလာ၏။ ကမ္ဘာ့အရှင်သခင် နေရာ ဆုံးရှုံးပြီးနောက် ၎င်းတို့၏ စီးပွားရေးမှာ အကြွေးနွံထဲ နစ်လာခဲ့ပြီး အမေရိကန်သည် ဂရိတ်ဗြိတိန်၏ အဓိက မြီရှင် ဖြစ်လာခဲ့သည်။ </p> <p style="text-align:justify">စစ်ရေးအရ ၎င်းတို့ အားကိုးခဲ့သော ရေတပ်စုကြီး ပြိုကွဲသွားသဖြင့် နောက်ပိုင်းတွင် ဆက်လက် ရပ်တည်ရန် ခက်ခဲလာခဲ့ခြင်းပင်…။ </p> <p style="text-align:justify">ယခု အမေရိကန်တွင်လည်း ထိုကဲ့သို့သော စိုးရိမ်ပူပန်မှုများ ရှိနေသည်။ ကမ္ဘာ့အရှင်သခင် ဟူသော ဂုဏ်သိက္ခာကို ထိန်းသိမ်းထားရန် လိုအပ်ပြီး သူ၏ အားနည်းချက်များကို အခြားသူများအား ထုတ်ပြ၍ မဖြစ်ပေ။</p> <p style="text-align:justify">“သမ္မတကြီး... တစ်ခါတလေကျရင် လိုအပ်တဲ့အခါ စွန့်လွှတ်ရမယ်လို့ ကျွန်မ ယုံကြည်ပါတယ်”</p> <p style="text-align:justify">ဂျူဒီယွန်ကလည်း ဝင်ပြောလိုက်သည်။ သူမ၏ အမြင်မှာ စစ်တပ်၏ အမြင်နှင့် ကိုက်ညီနေပြီး ယခုအချိန်တွင် ဖိလစ်ပိုင်အတွက် ကျဲခယ် အဖွဲ့နှင့် အကျိုးဆက် မသိနိုင်သော စစ်ပွဲတစ်ခုကို မဆင်နွှဲရန် အကြံပြုလိုက်သည်။</p> <p style="text-align:justify">သမ္မတ ဂျက်စမင်၏ မျက်နှာမှာ ဆုံးဖြတ်ရခက်မှုများဖြင့် ဖုံးလွှမ်းနေသည်။ အချိန်အတော်ကြာ စဉ်းစားပြီးနောက် သူက သက်ပြင်းရှည်ကြီး တစ်ခု ချလိုက်သည်။</p> <p style="text-align:justify">“ကောင်းပြီ။ ငါ့အမိန့်ကို ဆက်ပေးလိုက်... ဖိလစ်ပိုင်က ငါတို့ရဲ့ စစ်အခြေစိုက်စခန်းတွေ ချက်ချင်း ပြန်ဆုတ်ဖို့နဲ့ ကျဲခယ် အဖွဲ့နဲ့ တိုက်ရိုက် ပဋိပက္ခ ဖြစ်တာကို ရှောင်ရှားဖို့ပဲ။ အခုလောလောဆယ် ကျဲခယ် အဖွဲ့က အင်အားကြီးနေတယ်။ ဟူး… အရှေ့တောင်အာရှက ပြည်သူတွေကို လောလောဆယ် ဆင်းရဲဒုက္ခ ခံခိုင်းထားရုံပဲ ရှိတော့တယ်”</p> <p style="text-align:justify">ကျဲခယ် အဖွဲ့၏ မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီး တစ်စင်းက ဖိလစ်ပိုင်၏ သီးသန့် စီးပွားရေးဇုန် အနီးတွင် ပေါ်လာသောကြောင့် ကမ္ဘာကြီး တစ်ခုလုံး၏ အာရုံစိုက်မှုက ထိုနေရာသို့ ရောက်ရှိသွားသည်။</p> <p style="text-align:justify">ဖိလစ်ပိုင်သည် အစဉ်တစိုက် အမေရိကန်ကို အခိုင်အမာ ထောက်ခံသူ ဖြစ်ကြောင်း လူသိများသည်။ အမေရိကန်က အာရှတွင် စီစဉ်သော စစ်ရေး လေ့ကျင့်မှုများကိုလည်း ဖိလစ်ပိုင်က တက်တက်ကြွကြွ ပါဝင်လေ့ ရှိပြီး အမေရိကန်နှင့် ပူးပေါင်း၍ နေရာအနှံ့၌ ပြဿနာများ ဖန်တီးလေ့ရှိသည်။</p> <p style="text-align:justify">ယခုအခါ ဖိလစ်ပိုင်အနီးတွင် ပေါ်လာသော ကျဲခယ် အဖွဲ့၏ ခရူဇာစစ်သင်္ဘောက ဖိလစ်ပိုင် ရေတပ် အတွက် ကြီးမားသော ခြိမ်းခြောက်မှု ဖြစ်လာသည်။</p> <p style="text-align:justify">ဖိလစ်ပိုင်သည် အမေရိကန်ထံမှ အကူအညီ တောင်းခံရန် ချက်ချင်း အပြေးအလွှား သွားခဲ့ပြီးနောက် ကျဲခယ် အဖွဲ့၏ စစ်သင်္ဘောက နယ်စပ်ဖြတ်ကျော် ဝင်ရောက်လာမှုကို ရူးသွပ်မတတ် ပြစ်တင် ရှုတ်ချကာ ကျဲခယ် အဖွဲ့ ဝင်လာမည်ကို သေမတတ် ကြောက်ရွံ့နေကြသည်။</p> <p style="text-align:justify">သူတို့သည် ယခင်က ကျဲခယ် အဖွဲ့၏ နဂါးငွေကြေး မြှင့်တင်ရေး ကြိုးပမ်းမှုများကို ဆန့်ကျင်ရာတွင် အင်ဒိုနီးရှားနှင့် ပူးပေါင်းခဲ့ကြသည်။ ယခုအခါ သူတို့၏ သူငယ်ချင်းကောင်း အင်ဒိုနီးရှားသည် ကျဲခယ် အဖွဲ့၏ ရိုက်နှက်မှုကြောင့် နှစ်ပိုင်း ကွဲသွားပြီ ဖြစ်ရာ သူတို့သည် အဘယ်မှာ မထိတ်လန့်ဘဲ နေနိုင်မည်နည်း…။</p> <p style="text-align:justify">ယခု ကျဲခယ် အဖွဲ့၏ လက်နက်တိုက် ခရူဇာစစ်သင်္ဘောက သူတို့နိုင်ငံအနီးတွင် အကြောင်းပြချက် မရှိဘဲ ကင်းလှည့်နေသည်ကို တွေ့ရသောအခါ ဖိလစ်ပိုင်သည် အလွန်အမင်း ထိတ်လန့်သွားပြီး အမေရိကန်ထံမှ အကူအညီကို တစာစာ တောင်းခံတော့သည်။</p> <p style="text-align:justify">ကမ္ဘာတစ်လွှားရှိ နိုင်ငံများသည်လည်း အမေရိကန်၏ တုံ့ပြန်မှုကို စောင့်ကြည့်နေကြသည်။ အကြောင်းမှာ အနှီ ဖြစ်ရပ်တွင် အနည်းငယ် ခြေလှမ်းမှားသွားပါက ကျဲခယ် အဖွဲ့နှင့် အမေရိကန်ကြား စစ်ပွဲတစ်ခု အလွယ်တကူ ဖြစ်ပွားနိုင်သောကြောင့်ပင်။</p> <p style="text-align:justify">သို့သော် နှစ်ရက်အကြာတွင် မည်သူမျှ မမျှော်လင့်ထားသောအရာမှာ ဖြစ်ပွားလာလေသည်။</p> <p style="text-align:justify">စက်တင်ဘာလ ၂၇ ရက်…</p> <p style="text-align:justify">အမေရိကန်သည် ဖိလစ်ပိုင်ရှိ ၎င်း၏ အဓိက နိုင်ငံရပ်ခြား စစ်အခြေစိုက်စခန်းများကို ပိတ်သိမ်းကာ ၎င်း၏ တပ်ဖွဲ့များကို ဂျပန်နှင့် တောင်ကိုရီးယားသို့ ပြောင်းရွှေ့မည် ဖြစ်ကြောင်း တရားဝင် ကြေညာလိုက်သည်။</p> <p style="text-align:justify">ဤသတင်းက တစ်ကမ္ဘာလုံးကို တုန်လှုပ်သွားစေခဲ့သည်။</p> <p style="text-align:justify">အမေရိကန်သည် ကိုယ်ပိုင် စစ်အခြေစိုက်စခန်းများကို ပိတ်သိမ်းသည့်အထိ လုပ်ဆောင်ခဲ့သည်။</p> <p style="text-align:justify">ဖိလစ်ပိုင်ဘက်မှ ရပ်တည်မည့် အရိပ်အယောင် မပြရုံသာမက အထုတ်အပိုးများ သိမ်းဆည်းကာ ထွက်ခွာရန် ရွေးချယ်ခဲ့ခြင်းက စောင့်ကြည့်နေသူများ အပါအဝင် ကမ္ဘာတစ်ဝန်းရှိ နိုင်ငံများကို အကြီးအကျယ် အံ့အားသင့်သွားစေခဲ့သည်။</p> <p style="text-align:justify">ယခင်က အမေရိကန်သည် ဖိလစ်ပိုင်ကို သေချာပေါက် ထောက်ခံပြီး ဖိလစ်ပိုင်၏ နယ်မြေ တည်တံ့ ခိုင်မြဲမှုကို ကာကွယ်ပေးမည် ဟု ကျိန်တွယ် ပြောဆိုခဲ့ကြသော စစ်ရေး ကျွမ်းကျင်သူ အများအပြားမှာ အကြီးအကျယ် အရှက်ကွဲသွားကြသည်။</p> <p style="text-align:justify">ဖိလစ်ပိုင် ကိုယ်တိုင်လည်း အမေရိကန်၏ စွန့်ပစ်ခြင်းကို ခံလိုက်ရသည်ကို မယုံနိုင်အောင် ဖြစ်ကာ အလွန်အမင်း ကြောင်အမ်းအမ်း ဖြစ်သွားတော့သည်။ သူတို့က ငိုယိုပြီး နေပေးရန် အမေရိကန်ကို တောင်းပန်သောအခါ သူတို့ ရရှိလိုက်သည်မှာ အမေရိကန်၏ ရက်စက်သော ငြင်းပယ်မှုပင် ဖြစ်သည်။</p> <p style="text-align:justify">ဖိလစ်ပိုင်…</p> <p style="text-align:justify">ကေဂျင် ပြည်နယ်ရှိ အမေရိကန် အခြေစိုက်စခန်း တစ်ခု။</p> <p style="text-align:justify">ဤသည်မှာ ဖိလစ်ပိုင်ရှိ အကြီးဆုံး အမေရိကန် စစ်အခြေစိုက်စခန်း ဖြစ်ပြီး စစ်သား သုံးထောင်ကျော် တပ်စွဲထားသည်။</p> <p style="text-align:justify">ပုံမှန်အားဖြင့် ဤနေရာသည် ပြင်းထန်သော လေ့ကျင့်မှုများဖြင့် စည်ကားနေတတ်သည်။ မဟုတ်လျှင်လည်း ခွင့်ရသော အမေရိကန် စစ်သားများသည် အပြင်ဘက်ရှိ လိင်ဖျော်ဖြေရေး ရပ်ကွက်များသို့ သွားရောက်ကာ ပျော်ပါး အပန်းဖြေကြမည် ဖြစ်သည်။</p> <p style="text-align:justify">သို့သော် ယနေ့၌ စစ်အခြေစိုက်စခန်းတွင် အမေရိကန် စစ်သား အမြောက်အမြားသည် ဆုတ်ခွာရန် သတင်း ရရှိခဲ့ကြသည်။ ထို့ကြောင့် သူတို့သည် သူတို့၏ စက်ကိရိယာများကို ထုပ်ပိုး သိမ်းဆည်းပြီး ပစ္စည်းများကို သယ်ဆောင်ကာ မဟာဗျူဟာမြောက် သယ်ယူပို့ဆောင်ရေး လေယာဉ်များပေါ်သို့ တက်ရောက်ကြသည်။</p> <p style="text-align:justify">“အိုကေ မိန်းမ... ကိုယ် ပြန်ရောက်ရင် တွေ့မယ်နော်။ ကိုယ် မင်းကို ချစ်တယ်။ ကိုယ့်ကို လွမ်းဖို့ မမေ့နဲ့”</p> <p style="text-align:justify">လူမည်း အမေရိကန် စစ်သားတစ်ယောက်က သူ၏ ဖုန်းဖြင့် အမျိုးသမီး တစ်ဦးနှင့် ဗီဒီယိုခေါ်ဆိုမှု ပြုလုပ်နေသည်။</p> <p style="text-align:justify">ဤသည်မှာ ဖိလစ်ပိုင်တွင် သူ ရှာတွေ့ထားသော တရားမဝင် မယားငယ် ဖြစ်သည်။ သူက ဖိလစ်ပိုင်မှ ထွက်မသွားချင်သော်လည်း စစ်ဘက်ဆိုင်ရာ အမိန့်များကို ငြင်းပယ်၍ မရပေ။</p> <p style="text-align:justify">“ဝီလ်... ကျေးဇူးပြုပြီး မသွားပါနဲ့။ ရှင် ထွက်သွားတာကို ကျွန်မ မကြည့်ရက်ဘူး။ ပြီးတော့ ကျွန်မ ဗိုက်ထဲက ကလေးလေးကလည်း ရှင် သွားတာကို မကြည့်ရက်ဘူး”</p> <p style="text-align:justify">အမျိုးသမီးက ငိုယိုနေပြီး သူမ၏ မျက်နှာသည် မျက်ရည်များဖြင့် ဖုံးလွှမ်းကာ နှလုံးကွဲမတတ် ဖြစ်နေသည်။</p> <p style="text-align:justify">“ဒီကလေးက မင်းအတွက် ငါ့ရဲ့ လက်ဆောင်ပဲ။ မင်း ငါ့ကို လွမ်းရင် ကလေးကို ပိုကြည့်လိုက်ပေါ့။ ငါ အခွင့်အရေး ရရင် မင်းကို လာကြည့်ပါ့မယ်”</p> <p style="text-align:justify">ဤသို့ပြောပြီးနောက် လူမည်း အမျိုးသားက ဖုန်းကို ပြတ်သားစွာ ချလိုက်ပြီး ဖိလစ်ပိုင်ရှိ သူ၏ နောက်ဆုံး သံယောဇဉ်ကို ဖြတ်တောက်ကာ မဟာဗျူဟာမြောက် သယ်ယူပို့ဆောင်ရေး လေယာဉ်ပေါ်သို့ တက်သွားတော့သည်။</p> <p style="text-align:justify">ဤကဲ့သို့သော ဖြစ်ရပ်များသည် စစ်စခန်း၏ နေရာအနှံ့၌ ဖြစ်ပွားနေသည်။ ဖိလစ်ပိုင်တွင် အချိန် ကြာမြင့်စွာ နေထိုင်ခဲ့သော အမေရိကန် စစ်သား အများအပြားသည် ထိုနေရာတွင် ပေါ့ပေါ့ပါးပါး ဆက်ဆံရေးများ ရှိခဲ့ကြပြီး အချို့မှာ မိသားစုများပင် ထူထောင်ခဲ့ကြသည်။</p> <p style="text-align:justify">သို့သော် လက်တွေ့ အခြေအနေများရှေ့တွင် သူတို့သည် မိသားစုဝင်များ ၊ အချစ်များကို စွန့်လွှတ်ရန်မှ လွဲ၍ အခြား ရွေးချယ်စရာ မရှိတော့ပေ။ ကျဲခယ် အဖွဲ့၏ အဆက်မပြတ် ဖိအားများရှေ့တွင် အမေရိကန် စစ်သားများသည် မဟာဗျူဟာမြောက် ဆုတ်ခွာမှုကို ရွေးချယ်ခဲ့ကြပြီး ဖိလစ်ပိုင်နှင့် အဆက်အသွယ် ဖြတ်တောက်မှုကို ပြီးမြောက်အောင် လုပ်ဆောင်ခဲ့ကြသည်။</p> <p style="text-align:justify">ယနေ့တွင် ဖိလစ်ပိုင်ရှိ အခြားသော အမေရိကန် စစ်အခြေစိုက်စခန်း အများအပြား၌လည်း ဆုတ်ခွာရန် ပြင်ဆင်မှုများကို လုပ်ဆောင်နေကြသည်။</p> <p style="text-align:justify">စစ်သင်္ဘောများ ဆိပ်ကမ်းမှ ထွက်ခွာသွားသည်။ တိုက်လေယာဉ်များ ပြောင်းရွှေ့သွားသည်။ မြေပြင်တပ်ဖွဲ့များကို မဟာဗျူဟာမြောက် သယ်ယူပို့ဆောင်ရေး လေယာဉ်များဖြင့် ပြောင်းရွှေ့သွားသည်။</p> <p style="text-align:justify">အမေရိကန်၏ လုပ်ငန်းစွမ်းဆောင်ရည်မှာ အလွန် မြင့်မားသည်။ ချန်ဂီ ရေတပ်စခန်း ဖြစ်ရပ်မျိုး ထပ်မံ မဖြစ်ပွားစေရန် သူတို့သည် ဖိလစ်ပိုင်မှ စစ်သည် အားလုံးကို တိုက်ရိုက် ဆုတ်ခွာစေခဲ့ပြီး ဖိလစ်ပိုင်သို့ ပြန်လည် လွှဲပြောင်းပေးရန် စစ်အခြေစိုက်စခန်း အလွတ်များကိုသာ ချန်ရစ်ခဲ့သည်။</p> <p style="text-align:justify">ဖိလစ်ပိုင်၏ အရာရှိများသည် ထိုအကြောင်းအရာတို့ကို နာရီပိုင်းမျှ နောက်ကျပြီးမှ သိခဲ့ရသည်။ သူတို့က အမေရိကန် စစ်အခြေစိုက်စခန်းများကို သွားရောက် စစ်ဆေးသောအခါ ထိုနေရာများမှာ လူသူကင်းမဲ့လုနီးပါး ဖြစ်နေပြီး ယူဆောင်သွား၍ မရသော စက်ကိရိယာ အချို့နှင့် အဆောက်အအုံများသာ ကျန်ရစ်တော့သည်ကို တွေ့ရှိခဲ့ရသည်။ </p> <p style="text-align:justify">ဟာလာဟင်းလင်း ဖြစ်နေသော စစ်အခြေစိုက်စခန်းများက ဖိလစ်ပိုင်ကို အကြီးအကျယ် ထိတ်လန့်သွားစေခဲ့သည်။</p> <p style="text-align:justify">အမေရိကန်၏ အကာအကွယ် မရှိတော့လျှင် ကျဲခယ် အဖွဲ့ ဟူသော ဘီလူးကြီးကို ရင်ဆိုင်ရချိန်တွင် သူတို့သည် ကျားတစ်ကောင်ကို ရင်ဆိုင်နေရသော သိုးပေါက်လေးများကဲ့သို့ ဖြစ်နေပြီး ခုခံနိုင်စွမ်း လုံးဝ မရှိသလောက်ပင် ဖြစ်သည်။</p> <p style="text-align:justify">အင်ဒိုနီးရှား၏ အခြေအနေကိုသာ ကြည့်လိုက်ပါ။ အင်ဒိုနီးရှားသည် ဖိလစ်ပိုင်ထက် များစွာ အင်အား ကြီးမားသော်လည်း ကျဲခယ် အဖွဲ့ကို နှစ်လထက် ပိုမခုခံနိုင်ခဲ့ပေ။ ထို့ကြောင့် ဖိလစ်ပိုင် ဆိုလျှင် ပြောစရာပင် မလိုတော့ချေ။</p> <p style="text-align:justify">အမေရိကန်၏ ရက်စက်စွာ စွန့်ပစ်မှုကြောင့် ထိုနေ့တွင် ဖိလစ်ပိုင်ရှိ မရေမတွက်နိုင်သော ပြည်သူများသည် အကြီးအကျယ် စိတ်ပျက် အားငယ်သွားကြပြီး အမေရိကန်၏ ဘိုးဘေးဘီဘင် ဆယ့်ရှစ်ဆက်တိုင်အောင် ကျိန်ဆဲနေကြတော့သည်။</p> <p style="text-align:justify">အမေရိကန်ကတော့ အထုတ်အပိုး သိမ်းပြီး ထွက်သွားရုံပဲ။ ဒါပေမဲ့ ဖိလစ်ပိုင် ပြည်သူတွေကတော့ အဲဒီမှာ သူတို့ရဲ့ အိမ်တွေ ရှိနေတယ်လေ။ ဘယ်လိုလုပ် ထွက်ပြေးလို့ ရမှာလဲ။</p> <p style="text-align:justify">အမှန်တကယ်တော့ သူတို့လည်း ထွက်ပြေးလို့ ရနိုင်ပါသည်။</p> <p style="text-align:justify">အမေရိကန် ဆုတ်ခွာသည့် နေ့မှာပင် ဖိလစ်ပိုင်၏ ချမ်းသာသော စီးပွားရေးသမားများ၊ ဩဇာတိက္ကမ ကြီးမားသော ပုဂ္ဂိုလ်များနှင့် နာမည်ကျော်များသည် အင်ဒိုနီးရှားတွင် ဖြစ်ပွားခဲ့သော ရှင်းလင်းမှုမျိုး သူတို့အပေါ် ကျရောက်လာမည်ကို ကြောက်ရွံ့သဖြင့် နိုင်ငံရပ်ခြား ခရီးသွားခြင်း၊ အလုပ်လုပ်ခြင်း စသည့် အကြောင်းပြချက် အမျိုးမျိုးကို အသုံးပြုကာ နိုင်ငံတကာ လေကြောင်းလိုင်းများမှတစ်ဆင့် အလျင်အမြန် ထွက်ပြေးသွားကြသည်။</p> <p style="text-align:justify">ရုတ်တရက် ဖိလစ်ပိုင်ရှိ လေယာဉ်လက်မှတ် ဈေးနှုန်းများ အဆတစ်ရာကျော် အထိ ထိုးတက်သွားပြီး လေယာဉ်လက်မှတ်များ ရှာမရနိုင်အောင် ဖြစ်သွားတော့သည်။</p> <p style="text-align:justify">သို့သော် အထက်တန်းလွှာ လူတန်းစားများ ထွက်ပြေးနိုင်သော်လည်း အောက်ခြေ လူတန်းစား အများစုမှာမူ ထွက်ခွာရန် နည်းလမ်းမရှိဘဲ မရေရာသော အနာဂတ်ကိုသာ စောင့်ဆိုင်းနေရတော့သည်။</p> <p style="text-align:justify"> </p> <p style="text-align: center;">***</p>


Save