Book List

<h2 style="text-align: center;">အခန်း (၇၃၆)</h2> <h2 style="text-align: center;">*</h2> <p> </p> <p style="text-align:justify">အမေရိကန်၏ ဆုတ်ခွာမှုအပြီးတွင် ဖိလစ်ပိုင်သည် ၎င်း၏ လေသံကို လျင်မြန်စွာ ပြောင်းလဲလိုက်၏။ ယခင်က ဖိလစ်ပိုင်သည် နဂါးငွေကြေး မြှင့်တင်မှုကို ပိတ်ပင်ထားပြီး ဖိလစ်ပိုင် အတွင်း၌ လည်ပတ် သုံးစွဲခွင့် မပြုခဲ့ဘဲ ဖမ်းမိပါက ပြင်းထန်စွာ အရေးယူမည်ဟု ကြေညာခဲ့သည်။</p> <p style="text-align:justify">သို့သော် ၎င်း၏ ကျောထောက်နောက်ခံ ဖြစ်သော အမေရိကန် ထွက်ပြေးသွားသည်ကို မြင်လိုက်ရသော အခါ ဖိလစ်ပိုင်သည် နဂါးငွေကြေး လည်ပတ်သုံးစွဲမှု အပေါ် ပိတ်ပင်ထားချက်ကို အပြည့်အဝ ရုပ်သိမ်းကြောင်း ချက်ချင်း ကြေညာလိုက်ပြီး နဂါးငွေကြေးကို နိုင်ငံ၏ တရားဝင် ငွေကြေးအဖြစ် ထောက်ခံရန်နှင့် ဖိလစ်ပိုင် တစ်ဝန်းလုံးတွင် အပြည့်အဝ အကောင်အထည်ဖော်ရန် ရည်ရွယ်ကြောင်း လူသိရှင်ကြား ကြေညာခဲ့သည်။</p> <p style="text-align:justify">သို့သော် ယခုအချိန်မှ နဂါးငွေကြေးကို ထောက်ခံခြင်းဖြင့် ကျဲခယ် အဖွဲ့ကို ဖြောင်းဖျ နှစ်သိမ့်ရန် ဖိလစ်ပိုင်၏ ကြိုးပမ်းမှုက အောင်မြင်မည် မဟုတ်ချေ။ ဖိလစ်ပိုင်၏ လုပ်ရပ်နှင့် ပတ်သတ်၍ ကျဲခယ် အဖွဲ့က လူသိရှင်ကြား ကြေညာချက် တစ်ရပ်ကို လျင်မြန်စွာ ထုတ်ပြန်ခဲ့ပြီး ထိုအထဲတွင် ဖိလစ်ပိုင်၏ အဓိက ပြစ်မှုကြီး ဆယ်ခုကို အသေးစိတ် ဖော်ပြထားသည်။</p> <p style="text-align:justify">"ဖိလစ်ပိုင် ဆိုတဲ့ သေးငယ်ပြီး မာနထောင်လွှားတဲ့ နိုင်ငံဟာ နိုင်ငံတကာမှာ အကောက်ကျစ်ဆုံး နိုင်ငံ ဖြစ်တယ်။ ငါတို့ ကျဲခယ် အဖွဲ့ရဲ့ ဂုဏ်သိက္ခာကို ဗြောင်ကျကျနဲ့ ရမ်းကားစွာ အသရေဖျက်ခဲ့ပြီး ငါတို့ရဲ့ မဟာဗျူဟာမြောက် မဟာမိတ်တွေရဲ့ ကျွန်းတွေနဲ့ သန္တာကျောက်တန်းတွေကို တရားမဝင် သိမ်းပိုက်ထားတယ်။ ဒါကြောင့် ငါတို့ဘက်က ဖိလစ်ပိုင်ကို စစ်တပ်လွှတ်ပြီး မနာခံတဲ့သူတွေကို နှိမ်နင်းဖို့ တရားဝင် ဆုံးဖြတ်လိုက်ပြီ" </p> <p style="text-align:justify">ကျဲခယ် အဖွဲ့၏ ကြေညာချက်ပါ အကြောင်းပြချက်သည် အနည်းငယ် အဓိပ္ပာယ် မရှိသော်လည်း ကျဲခယ် အဖွဲ့က ယင်းကို ဂရုမစိုက်ပေ။</p> <p style="text-align:justify">ဖိလစ်ပိုင်သည် အမေရိကန် နောက်သို့လိုက်ကာ အမေရိကန်ကို အကာအကွယ် ထီးတစ်လက် အဖြစ် အားကိုးပြီး ကျဲခယ် အဖွဲ့ကို ရန်စကာ လွန်စွာ မာနထောင်လွှားနေခဲ့သည်။ ယခုအခါ ဖိလစ်ပိုင်သည် ကျဲခယ် အဖွဲ့၏ ဩဇာလွှမ်းမိုးမှု ပြင်ပတွင် ရှိနေသော တစ်ခုတည်းသော အရှေ့တောင်အာရှ နိုင်ငံ ဖြစ်နေရာ သဘာဝကျကျပင် ကျဲခယ် အဖွဲ့၏ ထိန်းချုပ်မှုအောက်သို့ သွတ်သွင်းရန် လိုအပ်သော ပစ်မှတ်တစ်ခု ဖြစ်လာခဲ့သည်။</p> <p style="text-align:justify">ဖိလစ်ပိုင်က ဤအရာကို သိရှိရုံသာမက ကမ္ဘာတစ်ဝန်းရှိ နိုင်ငံများကလည်း ကျဲခယ် အဖွဲ့၏ ရည်မှန်းချက်ကို မြင်တွေ့သွားကြသည်။</p> <p style="text-align:justify">အောက်တိုဘာလ ၂ ရက်။</p> <p style="text-align:justify">ကျဲခယ် အဖွဲ့၏ မျိုစင်္ကြာ အတန်းအစား ခရူဇာစစ်သင်္ဘောကြီး တစ်စင်းသည် ကမ္ဘောဒီးယား၏ ကမ်ရန် ပင်လယ်အော်မှ ရွက်လွှင့်ထွက်ခွာလာပြီး ကျယ်ပြောလှသော သမုဒ္ဒရာထဲတွင် ပျောက်ကွယ်သွားခဲ့ကာ ၎င်း ပြန်လည် ပေါ်လာချိန်တွင် ဖိလစ်ပိုင်၏ ရေပိုင်နက် အနီးသို့ ရောက်ရှိနေပြီဖြစ်ပြီး ဖိလစ်ပိုင်၏ အရေးပါသော စစ်ရေးဆိပ်ကမ်း တစ်ခုဖြစ်သည့် ဘလူးဘစ်ကာ ပင်လယ်အော်ဆီသို့ ဦးတည်သွားနေသည်။</p> <p style="text-align:justify">ဤသတင်းကို ကြားသိရသောအခါ ဖိလစ်ပိုင်… အထူးသဖြင့် ဖိလစ်ပိုင်၏ ရေတပ်သည် အကြီးအကျယ် ဖရိုဖရဲ ဖြစ်သွားတော့သည်။</p> <p style="text-align:justify">ဘလူးဘစ်ကာ ပင်လယ်အော်သည် ဖိလစ်ပိုင်၏ အလယ်-အနောက်ပိုင်းတွင် တည်ရှိသော စစ်ရေးဆိပ်ကမ်း တစ်ခုဖြစ်ပြီး ဖိလစ်ပိုင်၏ အကြီးဆုံး စစ်ရေးဆိပ်ကမ်းလည်း ဖြစ်သည်။ ဘလူးဘစ်ကာ ပင်လယ်အော်သည် အလျား ၁၄ ကီလိုမီတာ၊ အနံ ၈ မှ ၁၃ ကီလိုမီတာ၊ နှင့် ရေအနက် ၂၄ မှ ၅၀ မီတာ ရှိပြီး ကျောက်ချရပ်နားရန် ကောင်းမွန်သည်။</p> <p style="text-align:justify">ဖိလစ်ပိုင်၏ ပင်မ စစ်သင်္ဘော အများအပြား ဤနေရာတွင် ရှိနေပြီး ဤသည်မှာ ဖိလစ်ပိုင် တိုက်ခိုက်ရေး ရေတပ်စု ကွပ်ကဲမှုဌာနချုပ်၏ မိခင်ဆိပ်ကမ်းလည်း ဖြစ်သည်။</p> <p style="text-align:justify">ပင်မ စစ်သင်္ဘောများဟု ခေါ်သော်လည်း ဖိလစ်ပိုင်၏ ရေတပ်အင်အားမှာ တကယ်တမ်းတွင် မအားကောင်းလှပေ။ ကျွန်းစု နိုင်ငံတစ်ခု ဖြစ်သော်လည်း ဖိလစ်ပိုင်၏ ရေယာဉ် အများစုမှာ ကမ်းရိုးတန်း ကင်းလှည့်လှေငယ်များသာ ဖြစ်သည်။ ၎င်း၏ ပင်မ ဖရီးဂိတ် စစ်သင်္ဘော အနည်းငယ်မှာလည်း အနောက်နိုင်ငံများမှ ဝယ်ယူထားသော တစ်ပတ်ရစ် ပစ္စည်းများ ဖြစ်ပြီး မော်ဒယ်များ ခေတ်နောက်ကျနေကာ တိုက်ခိုက်ရေး စွမ်းရည်မှာလည်း အလွန် စိတ်ပျက်ဖွယ် ကောင်းလှသည်။</p> <p style="text-align:justify">ကျဲခယ် အဖွဲ့က ဖိလစ်ပိုင်အပေါ် စစ်ကြေညာလိုက်ပြီး ကျဲခယ် အဖွဲ့၏ မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီး ဖိလစ်ပိုင် ရေပိုင်နက် အနီးတွင် ပေါ်လာသောအခါ ဘလူးဘစ်ကာ ပင်လယ်အော်ရှိ ဖိလစ်ပိုင် ရေတပ်တွင် အာဏာသိမ်းမှု တစ်ခု ဖြစ်ပွားခဲ့သည်။</p> <p style="text-align:justify">“ဒီစစ်သင်္ဘောတွေက ငါတို့နိုင်ငံ ဆယ်စုနှစ်တွေနဲ့ချီပြီး ခါးပန်းကြိုး သိုင်းကျစ်ကာ ကြိုးစားပမ်းစား စုဆောင်းထားရတာ။ သူတို့ ပင်လယ်အောက်ကြမ်းပြင်ကို နစ်မြုပ်သွားတာကို ငါတို့က ဒီအတိုင်း ထိုင်ကြည့်နေရမှာလား။ ကျဲခယ် အဖွဲ့ရဲ့ လက်နက်တိုက် ခရူဇာစစ်သင်္ဘောကြီးကို ငါတို့ နိုင်ဖို့ အခွင့်အရေး လုံးဝ မရှိဘူး”</p> <p style="text-align:justify">“သမ္မတနဲ့ သူ့လူတွေက ဒီနိုင်ငံကို စွန့်ပစ်သွားကြပြီ။ ငါတို့ ဆက်ပြီး တောင့်ခံနေလို့ ဘာအဓိပ္ပာယ် ရှိမှာလဲ။ ငါတို့ ရဲရဲဝင့်ဝင့် အသက်စတေးရင်တောင် ဘယ်သူကမှ ငါတို့ကို သူရဲကောင်းလို့ ခေါ်မှာမဟုတ်ဘူး”</p> <p style="text-align:justify">“ငါတို့ ဖိလစ်ပိုင် ရေတပ်က လက်နက်ချပြီး သူတို့ရဲ့ အစီအစဉ်တွေကို လက်ခံဖို့ ဆန္ဒရှိကြောင်း ကျဲခယ် အဖွဲ့ကို ရေဒီယိုကနေ အကြောင်းကြားလိုက်ပါ”</p> <p style="text-align:justify">ခဏတာ ဖရိုဖရဲ ဖြစ်ပြီးနောက် အတိုက်အခံ အုပ်စုက အာဏာသိမ်းမှုကို အနိုင်ရသွားခဲ့သည်။</p> <p style="text-align:justify">ဖိလစ်ပိုင် ရေတပ်မှ စစ်သားများတွင် တိုက်ခိုက်လိုစိတ် လုံးဝ မရှိတော့ချေ။ ကြည်းတပ်သည် သတ္တိဖြင့် ၎င်း၏ တိုက်ခိုက်ရေး စွမ်းရည်ကို တိုးမြှင့်နိုင်သော်လည်း ရေတပ်၏ အင်အားမှာ ရေတပ် လေ့ကျင့်မှုများနှင့် သက်ဆိုင်သော်လည်း သင်္ဘောများ၏ စွမ်းဆောင်ရည်အပေါ် ယှဉ်ပြိုင်ခြင်းက ပို၍ အရေးကြီးသည်။</p> <p style="text-align:justify">ဖိလစ်ပိုင်၏ သင်္ဘောများ အားလုံး ပေါင်းလိုက်လျှင်တောင် ထိုကမ်းရိုးတန်း ကင်းလှည့်လှေများနှင့် ဖရီးဂိတ် စစ်သင်္ဘော အနည်းငယ်ကို အားကိုး၍ မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီး တစ်စင်းကိုပင် တိုက်ခိုက်ရန် မလုံလောက်ပေ။ ထို့ကြောင့် သူတို့သည် အားကုန်ထုတ်ကာ ကျဲခယ် အဖွဲ့ထံသို့ တိုက်ရိုက် လက်နက်ချရန်သာ ရွေးချယ်လိုက်ကြသည်။</p> <p style="text-align:justify">ဘယ်လိုပဲဖြစ်ဖြစ် ရှုံးမှာပဲ ဆိုတော့ ဘာလို့ ဆက်ခုခံပြီး အလကား အသက်စတေးနေမှာလဲ။</p> <p style="text-align:justify">ဤကဲ့သို့ စိတ်ဓာတ်ဖြင့် ဖိလစ်ပိုင် ရေတပ်သည် ကျဲခယ် အဖွဲ့ထံသို့ အပြည့်အဝ လက်နက်ချရန် တိုက်ရိုက် ရွေးချယ်ခဲ့သည်။</p> <p style="text-align:justify">အစပိုင်းတွင် ဖိလစ်ပိုင် ရေတပ်ထံမှ လက်နက်ချကြောင်း သတင်းစကားကို လက်ခံရရှိသောအခါ ကျဲခယ် အဖွဲ့၏ မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီးသည် ၎င်းကို ဟန်ဆောင် လက်နက်ချခြင်းဟု ထင်မှတ်ခဲ့ပြီး မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီးကို စစ်ရေးဆိပ်ကမ်းထဲသို့ မျှားခေါ်ကာ ကမ်းရိုးတန်း ကင်းလှည့်လှေ အများအပြားဖြင့် ဝိုင်းဝန်း တိုက်ခိုက်ရန် ရည်ရွယ်သည်ဟု ယူဆခဲ့သည်။</p> <p style="text-align:justify">သတိထားသည့် အနေဖြင့် ကျဲခယ် အဖွဲ့သည် ဘလူးဘစ်ကာ ပင်လယ်အော် အတွင်းသို့ ဖရီးဂိတ် စစ်သင်္ဘောများနှင့် ဖျက်သင်္ဘောများကို စေလွှတ်ခဲ့သည်။</p> <p style="text-align:justify">ရောက်ရှိသွားသောအခါ ဖိလစ်ပိုင် ရေတပ်သည် ၎င်းတို့၏ စစ်သင်္ဘောများပေါ်တွင် အလံဖြူများ လွှင့်ထူထားပြီးဖြစ်ကြောင်း တွေ့ရှိခဲ့ရသည်။ စစ်သင်္ဘောများပေါ်ရှိ ဖိလစ်ပိုင် နိုင်ငံကို ကိုယ်စားပြုသော အလံများ အားလုံးကို ဖြုတ်ချထားပြီး သင်္ဘောဦးပိုင်းရှိ ပင်မ အမြောက်များကို သေနတ်စွပ်များဖြင့် ဖုံးအုပ်ထားကာ စစ်သင်္ဘောများ အားလုံး ဆိပ်ခံတံတားတွင် တိတ်ဆိတ်စွာ ကျောက်ချ ရပ်နားထားကြသည်။</p> <p style="text-align:justify">ဖိလစ်ပိုင် ရေတပ်မှ စစ်သားများသည် ဆိပ်ခံတံတားပေါ်တွင် တန်းစီရပ်နေကြပြီး ကျဲခယ် အဖွဲ့၏ လွှဲပြောင်းရယူမှုကို လိမ္မာစွာ စောင့်ဆိုင်းနေကြသည်။ သူတို့ လုံးဝ ခုခံခြင်း မရှိဘဲ ဘလူးဘစ်ကာ ပင်လယ်အော် အတွင်းသို့ ဝင်ရောက်လာသော ကျဲခယ် အဖွဲ့၏ စစ်သင်္ဘောများကို မနာလိုသော မျက်လုံးများဖြင့်သာ ကြည့်နေကြသည်။</p> <p style="text-align:justify">အထူးသဖြင့် မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီး နောက်ဆုံးတွင် ဝင်ရောက်လာသည်ကို မြင်လိုက်ရသောအခါ သူတို့၏ မျက်လုံးများမှာ စိတ်အားထက်သန်မှုများဖြင့် တောက်ပနေသည်။ ထိုမျှ အစွမ်းထက်သော စစ်သင်္ဘောကြီးကသာ ဖိလစ်ပိုင်ပိုင် ဖြစ်ခဲ့လျှင် ဘယ်လောက်တောင် ကောင်းလိုက်မလဲ။ ဒါဆိုရင် သူတို့ ကျဲခယ် အဖွဲ့ရဲ့ ရေတပ်အမြောက် ခြိမ်းခြောက်မှုကို ခံရမှာ မဟုတ်ဘူးပေါ့။</p> <p style="text-align:justify">ဤသို့ဖြင့် ကျဲခယ် အဖွဲ့သည် သွေးတစ်စက်မျှ မကျရဘဲ ဖိလစ်ပိုင် ရေတပ်ကို ထိန်းချုပ်နိုင်ခဲ့သည်။ ကျန်ရှိသော ကိစ္စရပ်များမှာ ပို၍ပင် ရိုးရှင်းသွားတော့သည်။</p> <p style="text-align:justify">အောက်တိုဘာလ ၄ ရက်။</p> <p style="text-align:justify">ဖိလစ်ပိုင် ရေတပ် ကျဲခယ် အဖွဲ့ထံသို့ အပြည့်အဝ လက်နက်ချပြီး မကြာမီမှာပင်...</p> <p style="text-align:justify">စီဒန် ဆိပ်ကမ်း၊ ဖိလစ်ပိုင်။</p> <p style="text-align:justify">နံနက်စောစော ပင်လယ်ပြင်ပေါ်တွင် မြူခိုးများ အုံ့ဆိုင်းနေစဉ် ပင်လယ်ထဲတွင် မျှောနေသော တောင်ကြီး တစ်လုံးနှင့် တူသည့် ဧရာမ သင်္ဘောကြီး တစ်စင်းက ရေပြင်ပေါ်သို့ ပေါ်ထွက်လာပြီး စီဒန် ဆိပ်ကမ်းသို့ ရောက်ရှိလာသည်။</p> <p style="text-align:justify">စီဒန် ဆိပ်ကမ်းသည် ဆိပ်ကမ်းကြီး တစ်ခု မဟုတ်ဘဲ သာမန် ဆိပ်ကမ်းလေး တစ်ခုသာ ဖြစ်သည်။ ၎င်း၏ တစ်ခုတည်းသော ထူးခြားချက်မှာ ဖိလစ်ပိုင်၏ မြို့တော် မနီလာနှင့် ကီလိုမီတာ ခြောက်ဆယ်မျှသာ ကွာဝေးပြီး အလွန် နီးကပ်နေခြင်းပင် ဖြစ်သည်။</p> <p style="text-align:justify">ဆိပ်ကမ်း ဝန်ထမ်းများ အနှီ ဧရာမ သင်္ဘောကြီးကို တွေ့ရှိလိုက်သောအခါ ထိတ်လန့်တုန်လှုပ်မှုများ ချက်ချင်း ပျံ့နှံ့သွားတော့သည်။</p> <p style="text-align:justify">အကြောင်းမှာ ဧရာမ ရေယာဉ်ကြီးသည် ကျဲခယ် အဖွဲ့၏ လက်နက်တိုက် ခရူဇာစစ်သင်္ဘောကြီး ဖြစ်သောကြောင့်ပင်။ ပင်လယ်ပြင်ပေါ်တွင် မျှောနေသော တောင်ငယ်လေး တစ်လုံးကဲ့သို့ ၎င်း၏ တန်ချိန် သောင်းနှင့်ချီသော ဧရာမ ပုံပန်းသဏ္ဍာန်က ကြောက်မက်ဖွယ် ဖိနှိပ်မှု ခံစားချက်ကို ပေးစွမ်းနေသည်။</p> <p style="text-align:justify">“ကျဲခယ် အဖွဲ့ တိုက်ခိုက်လာပြီဟေ့”</p> <p style="text-align:justify">တစ်ယောက်ယောက်က အော်ဟစ်လိုက်ရာ လူများက သင်္ဘောကျင်းမှ ထွက်ပြေးရန် အလုအယက် ကြိုးစားကြသဖြင့် အခြေအနေမှာ ဖရိုဖရဲ ဖြစ်သွားသည်။ ကျဲခယ် အဖွဲ့၏ ရက်စက်ကြမ်းကြုတ်သော ဂုဏ်သတင်းက သူတို့ရှေ့မှ ကြိုရောက်နေပြီးသားဖြစ်ရာ ဖိလစ်ပိုင် အရာရှိများမှာ ကျဲခယ်အဖွဲ့ကို ကြောက်ရွံ့နေကြပြီး သူတို့၏ အသက်အန္တရာယ်ကို စိုးရိမ်နေကြသည်။</p> <p style="text-align:justify">မျိုစင်္ကြာ အတန်းအစား ခရူဇာစစ်သင်္ဘောကြီး ရေပြင်ပေါ် ပေါ်လာပြီးနောက် ၎င်းသည် စီဒန် ဆိပ်ကမ်းအား ပစ်ခတ် တိုက်ခိုက်မှု မပြုလုပ်ခဲ့ပေ။ အကြောင်းမှာ ဤဆိပ်ကမ်းတွင် တိုက်ခိုက်သင့်သော အရေးကြီးသည့် တန်ဖိုးရှိ ပစ်မှတ်များ သို့မဟုတ် စစ်ရေး အဆောက်အအုံများ မရှိသောကြောင့်ပင်။</p> <p style="text-align:justify">မျိုစင်္ကြာ အတန်းအစား ခရူဇာစစ်သင်္ဘောကြီးသည် ဖြည်းညင်းစွာ ဝင်ရောက်လာပြီး သင်္ဘောကျင်းသို့ ရွက်လွှင့်လာသည်။ စီဒန် ဆိပ်ကမ်း၏ တစ်ခုတည်းသော အားသာချက်မှာ ၎င်း၏ သင်္ဘောကျင်းရှိ ရေအနက်သည် မျိုစင်္ကြာ အတန်းအစား ခရူဇာစစ်သင်္ဘောကြီး ကျောက်ချရပ်နားရန် လုံလောက်နေခြင်းပင် ဖြစ်သည်။</p> <p style="text-align:justify">ယခုအခါ လူသူကင်းမဲ့နေသော သင်္ဘောကျင်းတွင် မျိုစင်္ကြာ အတန်းအစား ခရူဇာစစ်သင်္ဘောကြီး ကျောက်ချ ရပ်နားလိုက်ပြီး ၎င်း၏ လှေကားကို ချလိုက်ရာ ဒုတိယ မျိုးဆက် ဇီဝသံချပ်ကာ ဝတ်စုံ ဝတ်ဆင်ထားသော မျိုးဗီဇ စစ်သည်များ အပါအဝင် ကျဲခယ် အဖွဲ့ စစ်သားများ ထွက်ပေါ်လာကြသည်။</p> <p style="text-align:justify">သယ်ယူပို့ဆောင်ရေး သင်္ဘော မဟုတ်သော်လည်း မျိုစင်္ကြာ အတန်းအစား ခရူဇာစစ်သင်္ဘောကြီး၏ ဧရာမ အရွယ်အစားက တပ်ခွဲအဆင့်ရှိ မရိန်းတပ်ဖွဲ့ တစ်ဖွဲ့ကို စေလွှတ်ရန် သယ်ယူပို့ဆောင်ရေးအတွက် အလွန် လွယ်ကူ အဆင်ပြေလေသည်။</p> <p style="text-align:justify">ကျဲခယ် အဖွဲ့ စစ်သားများသည် သင်္ဘောကျင်းမှ ကုန်းပေါ်တက်လာပြီး ထိန်းချုပ်မှု ရယူရန် အဓိက နေရာများနှင့် ကုန်းမြင့်များကို ဦးစွာ သိမ်းပိုက်လိုက်ကြသည်။ နောက်ဆက်တွဲ သယ်ယူပို့ဆောင်ရေး ရေတပ်စုများသည် ချက်ချင်း လိုက်ပါလာပြီး စီဒန် ဆိပ်ကမ်းတွင် ဆိုက်ကပ်ကာ ၎င်းတို့အပေါ်ရှိ စစ်သားများနှင့် သံချပ်ကာ ယာဉ်များကို ကုန်းပေါ်သို့ ချပေးကြသည်။</p> <p style="text-align:justify">ဤခြေကုပ်စခန်းဖြင့် ကျဲခယ် အဖွဲ့ တပ်ဖွဲ့များသည် ဖိလစ်ပိုင်သို့ အဆက်မပြတ် ကုန်းပေါ်တက်လာနိုင်ပြီ ဖြစ်သည်။ ကျွန်းစု နိုင်ငံများသည် ဤအရာကို အကြောက်ဆုံး ဖြစ်သည်။ ရေတပ်မရှိပါက သူတို့၏ နယ်မြေသည် နေရာတိုင်းတွင် ထိခိုက်လွယ်ပြီး ကာကွယ်ရန် မဖြစ်နိုင်တော့ပေ။</p> <p style="text-align:justify">နာရီအနည်းငယ် အကြာတွင် ကျဲခယ် အဖွဲ့၏ အကြီးစား ပေါင်းစပ် တပ်မဟာ တစ်ခုသည် စီဒန် ဆိပ်ကမ်းမှ ပထမဆုံး စတင် ထွက်ခွာလာပြီး ဖိလစ်ပိုင်၏ မြို့တော် မနီလာဆီသို့ တိုက်ရိုက် ဦးတည်သွားတော့သည်။</p> <p style="text-align:justify">အားကိုးစရာ အမေရိကန် မရှိတော့သဖြင့် ကျဲခယ် အဖွဲ့သည် ဖိလစ်ပိုင်၏ မြို့တော်ကို တိုက်ရိုက် သိမ်းပိုက်ကာ လျင်မြန်သော အောင်ပွဲကို ရယူလိုသည်။ ထိုအချိန်ရောက်လျှင် ဖိလစ်ပိုင်၏ ခုခံလိုသော စိတ်ပိုင်းဖြတ်မှုနှင့် ဆန္ဒများ ပြိုကွဲသွားမည် ဖြစ်သည်။</p> <p style="text-align:justify">စီဒန် ဆိပ်ကမ်း သိမ်းပိုက်ခံရကြောင်းကို ဖိလစ်ပိုင် အစိုးရတို့ သတင်းရရှိပြီးသား ဖြစ်ပေသည်။</p> <p style="text-align:justify">သို့သော် ကျဲခယ် အဖွဲ့၏ အကြီးစား ပေါင်းစပ်တပ်မဟာကို အံ့အားသင့်စေသည်မှာ သူတို့သည် လမ်းတစ်လျှောက်တွင် စနစ်တကျ ခုခံမှု တစ်ခုမျှ မကြုံတွေ့ခဲ့ရခြင်းပင်။</p> <p style="text-align:justify">ဖိလစ်ပိုင်၏ တုံ့ပြန်မှု အရှိန် နှေးကွေးနေလျှင်တောင်မှ မနီလာမြို့သည် ဖိလစ်ပိုင်၏ မြို့တော်ဖြစ်ပြီး သူတို့တွင် တပ်စွဲထားသော တပ်ဖွဲ့ အတော်များများ ရှိနေသေးသည်။ သို့သော် ကျဲခယ် အဖွဲ့ အကြီးစား ပေါင်းစပ်တပ်မဟာ မနီလာ မြို့တံခါးဝသို့ ရောက်ရှိလာသည်အထိ ဖိလစ်ပိုင် စစ်သား တစ်ယောက်မျှ မတွေ့ရဘဲ လေထဲတွင် ပျောက်ကွယ်သွားသကဲ့သို့ ဖြစ်နေသည်။</p> <p style="text-align:justify">ယင်းက မဖြစ်သင့်ချေ။ အနည်းဆုံးတော့ ကျဲခယ် အဖွဲ့ စစ်သားများ မနီလာမြို့သို့ ရောက်ရှိလာချိန်တွင် ကြိုတင် သတိပေးချက်များ ရှိသင့်သည် မဟုတ်ပါလား…။ </p> <p style="text-align:justify">သို့သော်လည်း ဖိလစ်ပိုင်ဘက်မှ ခုခံမှု လုံးဝ မရှိသေးပေ။ မနီလာမြို့တော်တွင် မည်သည့် ခံစစ် အဆောက်အအုံများမှ တည်ဆောက်ထားခြင်း မရှိသလို ခုခံရန်အတွက် တပ်ဖွဲ့များကိုလည်း စုစည်းထားခြင်း မရှိပေ။</p> <p style="text-align:justify">ယင်းအစား ကျဲခယ် အဖွဲ့၏ သံချပ်ကာ သယ်ယူပို့ဆောင်ရေး ယာဉ်တန်းများ ရောက်ရှိလာသောအခါ ရဲအရာရှိများ၊ ဆရာဝန်များနှင့် ဆရာများ အဓိက ပါဝင်သော မနီလာ နိုင်ငံသား အမြောက်အမြားသည် လမ်းဘေး တစ်လျှောက်တွင် တန်းစီကာ သူတို့၏ သက်ကြီးရွယ်အိုများနှင့် ကလေးများကို ခေါ်ဆောင်လာပြီး ဆိုင်းဘုတ်များ ကိုင်ဆောင်ထားကြသည်။</p> <p style="text-align:justify"> </p> <p style="text-align: center;">***</p>


Save