Book List

<h2 style="text-align: center;">အခန်း (၇၃၉)</h2> <h2 style="text-align: center;">*</h2> <p> </p> <p style="text-align:justify">လာအိုနိုင်ငံ ပြည်သူများ၏ စိတ်အားထက်သန်သော အကြည့်များကြားမှ အမိုးပွင့် အထူးကားသည် စစ်ရေးပြရန် စောင့်ဆိုင်းနေသော စစ်ရေး တန်းစီကွင်းဆီသို့ တောက်လျှောက် မောင်းနှင်လာခဲ့သည်။</p> <p style="text-align:justify">နေရောင်ခြည်သည် တိမ်တိုက်များကို ဖောက်ထွင်းကာ ကျယ်ဝန်းသော ကျဲခယ် ရိပ်သာလမ်း တစ်လျှောက် ဖြာကျလာပြီး စစ်သားများ၏ တောက်ပနေသော သံမဏိ ဦးထုပ်များနှင့် အေးစက် တောက်ပနေသော သေနတ်စွပ်များကို အလင်းပြန်ကာ မျက်စိကျိန်းမတတ် အလင်းကွက်များ ဖြစ်ပေါ်စေပြီး အလင်းတောအုပ်ကြီး တစ်ခုကဲ့သို့ ဖြစ်နေသည်။</p> <p style="text-align:justify">ဇီဝစွမ်းအားမြှင့် ဝတ်စုံများ ဝတ်ဆင်ထားသော မျိုးဗီဇ စစ်သည်များသည် လက်နက် အမျိုးမျိုးကို အပြည့်အစုံ တပ်ဆင်ထားပြီး သူတို့၏ ခက်ထန်သော အကြည့်များက ကြည့်မိသူတိုင်းကို ကျောချမ်းသွားစေသည်။</p> <p style="text-align:justify">ပင့်ကူ ပင်မ တိုက်ပွဲဝင် စက်ရုပ်၏ ၂၀၃ မီလီမီတာ ပင်မ အမြောက်ကြီးသည် မတ်မတ် ရပ်တည်နေပြီး ၎င်း၏ ၁၂ မီတာရှိ ဧရာမ ကိုယ်ထည်ကြီးက အရိပ်ကြီး တစ်ခုကို ကျရောက်စေကာ ရွေ့လျားနေသော တောင်ငယ်လေး တစ်လုံး (သို့မဟုတ်) အသက်ဝင်နေသော ဧရာမ သားရဲကြီး တစ်ကောင်နှင့် တူနေသည်။</p> <p style="text-align:justify">စစ်သားများက စုကျဲကို အလေးပြုလိုက်သောအခါ မိုးခြိမ်းသံကဲ့သို့ ကျယ်လောင်သော အသံကြီး ထွက်ပေါ်လာပြီး ပင့်ကူ ပင်မ တိုက်ပွဲဝင် စက်ရုပ်များကလည်း သတ္တုခြေတံရှည် တစ်ဖက်ကို မြှောက်ကာ အလေးပြုသည့် ဟန်ပန်ကို ပြုလုပ်လိုက်ကြရာ ကြီးကျယ်ခမ်းနားပြီး လေးနက်သော မြင်ကွင်းတစ်ခု ပေါ်လာလေသည်။</p> <p style="text-align:justify">ကျဲခယ် အဖွဲ့၏ စစ်ရေး တန်းစီကွင်းကို ဖြတ်သန်းပြီး ကြည့်မည် ဆိုလျှင် အနောက်ဘက်တွင် စစ်သားများ ရှိနေသေးသည်ကို မြင်ရပေမည်။ ၎င်းတို့မှာ အရှေ့တောင်အာရှ နိုင်ငံများက စစ်ဆေးခံရန် စေလွှတ်လိုက်သော စစ်ရေးပြ တပ်ဖွဲ့များ ဖြစ်သည်။</p> <p style="text-align:justify">အစ်ကိုကြီးက စစ်ရေးပြပွဲ လုပ်နေမှတော့ ညီလေးတွေကလည်း ပျော်ပွဲရွှင်ပွဲထဲ ဝင်ပါပြီး သူ့ကို ဖားဖို့ အခွင့်အရေး ယူရမှာပေါ့။ </p> <p style="text-align:justify">အနှီ စစ်သားများသည် သူတို့ နိုင်ငံအသီးသီးမှ သေချာ ရွေးချယ်ထားသော အထက်တန်းစား စစ်သားများ ဖြစ်လင့်ကစား ကျဲခယ် အဖွဲ့၏ စစ်သားများနှင့် နှိုင်းယှဉ်ပါက သူတို့၏ စိတ်ဓာတ်ခွန်အားမှာ သိသိသာသာ ညံ့ဖျင်းနေသည်။</p> <p style="text-align:justify">ဒါက ပုံမှန်ပါပဲ... အကယ်၍ သူတို့ရဲ့ စိတ်ဓာတ်ခွန်အားသာ ကောင်းနေခဲ့ရင် ကျဲခယ် အဖွဲ့ရဲ့ ဆောင်းဦး သစ်ရွက်ကြွေတွေလို သင်းကွဲအောင် တိုက်ခိုက်တာကို ခံခဲ့ရမှာ မဟုတ်ဘူးလေ။</p> <p style="text-align:justify">စစ်ဆေးမှု ပြီးစီးသွားပြီးနောက် စစ်ရေးပြပွဲ တရားဝင် စတင်ခဲ့ပြီး စုကျဲသည် အထူးစင်မြင့်ပေါ်သို့ ပြန်လည် ရောက်ရှိလာသည်။</p> <p style="text-align:justify">ထန်း... ထန်း... ဒုတ်... ဒုတ်... </p> <p style="text-align:justify">ဗုံသံများနှင့်အတူ ပြီးပြည့်စုံစွာ တန်းစီထားသော စစ်ရေးပြ တပ်ဖွဲ့များသည် စတင် ရွေ့လျားလာသည်။ စူးရှသော မျက်လုံးများ ရှိသည့် စစ်သားများသည် သူတို့၏ ခြေလှမ်းများကို ပြီးပြည့်စုံစွာ ညီညာစေလျက် ရွေ့လျားနေသော ပဟေဋ္ဌိ အပိုင်းအစများကဲ့သို့ ရွေ့လျားလာကြသည်။</p> <p style="text-align:justify">အထူးသဖြင့် ပင့်ကူ ပင်မ တိုက်ပွဲဝင် စက်ရုပ်များ ချီတက်လာသောအခါ သူတို့၏ ခြေလှမ်းတိုင်းက မြေပြင်ကို တုန်ခါသွားစေပြီး ကြည့်ရှုသူများ၏ ဝိညာဉ်ကိုပင် တုန်လှုပ်သွားစေသည်။</p> <p style="text-align:justify">စစ်ရေးပြပွဲ အထွတ်အထိပ်သို့ ရောက်ရှိလာသောအခါ ကောင်းကင်ယံရှိ မိစ္ဆာငှက် တိုက်လေယာဉ် အုပ်စုများသည် ၁၀-၁၂ ဂဏန်းပုံစံ အဖြစ် ပုံဖော်ကာ စုကျဲ၏ မွေးနေ့ကို အောင်ပွဲခံကြသည်။</p> <p style="text-align:justify">ခမ်းနားသော အထူးစင်မြင့် အထက်တွင် စုကျဲ ကိုယ်တိုင် ဒီဇိုင်းဆွဲထားသော ကျဲခယ် အဖွဲ့၏ သီးသန့် အလံတော်ကို အပေါ်မှ ဖြန့်ချကာ အမြင့်တွင် လွှင့်ထူထားသည်။</p> <p style="text-align:justify">သန်းနှင့်ချီသော ပြည်သူများနှင့် စစ်သားများ စုရုံးနေကြပြီး အလံများနှင့် ဆိုင်းဘုတ်များကို ကိုင်ဆောင်ကာ နားကွဲမတတ် ကြွေးကြော်သံများကို အော်ဟစ်နေကြသည်။ ဗုံတီးခြင်း၊ ခမ်းနားသော စစ်တီးဝိုင်း တေးဂီတများ တီးခတ်ခြင်းတို့ အားလုံး ပေါင်းစပ်သွားကာ "အင်ပါယာ ကြီးထွားလာခြင်း" ဟု အမည်ရသော တေးသွားကြီး တစ်ခု အဖြစ် ပုံဖော်လိုက်ကြသည်။</p> <p style="text-align:justify">သောင်းနှင့်ချီသော လူများက အထူးစင်မြင့်ပေါ်ရှိ စုကျဲကို အော်ဟစ် သီဆိုကာ၊ အားပေး အလေးပြုနေကြသည်မှာ ရူးသွပ်နေသည့် အလားပင်။</p> <p style="text-align:justify">အထူးစင်မြင့်၏ တစ်ဖက်တစ်ချက်စီတွင် အရှေ့တောင်အာရှ နိုင်ငံများမှ အရေးကြီး ပုဂ္ဂိုလ်များနှင့် ဧည့်သည်တော်များသည် လေးနက်သော မျက်နှာထားများ ရှိနေကြသော်လည်း သူတို့၏ ရင်ထဲတွင်မူ အလွန်အမင်း ရှုပ်ထွေးနေကြသည်။</p> <p style="text-align:justify">အကြောင်းမှာ ဤစစ်တပ်က သူတို့နိုင်ငံများကို သိမ်းပိုက်ခဲ့ခြင်း ဖြစ်သောကြောင့်ပင်…။</p> <p style="text-align:justify">ဤစစ်ရေးပြပွဲတွင် မြေပြင်တပ်ဖွဲ့ဝင် စုစုပေါင်း ၁၀၀,၀၀၀၊ ပင့်ကူ ပင်မ တိုက်ပွဲဝင် စက်ရုပ် ၂၆၈ ရုပ်၊ တင့်ကား အမြောက်အမြား၊ သံချပ်ကာ ယာဉ်များနှင့် တိုက်လေယာဉ်များ ပါဝင်သဖြင့် စစ်ရေးပြပွဲမှာ အလွန်တရာ ကြီးကျယ်ခမ်းနားလှသည်။ ဤမြင်ကွင်းကို မီဒီယာ အများအပြားက တိုက်ရိုက် ထုတ်လွှင့် ပြသခဲ့ပြီး ကမ္ဘာတစ်ဝန်းလုံးသို့ ပျံ့နှံ့သွားခဲ့သည်။</p> <p style="text-align:justify">ကျဲခယ် အဖွဲ့၏ ကြီးမားလှသော စစ်ရေး အင်အားကို စစ်ရေးပြပွဲတွင် အပြည့်အဝ ပြသလိုက်ပြီး ကမ္ဘာတစ်ဝန်းရှိ နိုင်ငံများကို ခြိမ်းခြောက်နိုင်ခဲ့သည်။</p> <p style="text-align:justify">လက်ရှိ လူသိရှင်ကြား သိထားရသော ကျဲခယ် အဖွဲ့၏ စစ်ရေး အင်အားတွင် ကြည်း၊ ရေ၊ လေ ပုံမှန် တပ်ဖွဲ့ဝင် ၁ ဒသမ ၂ သန်း၊ တင့်ကားနှင့် သံချပ်ကာ ယာဉ် ထောင်ပေါင်းများစွာ၊ ပင့်ကူ ပင်မ တိုက်ပွဲဝင် စက်ရုပ်များဖြင့် ဖွဲ့စည်းထားသော စက်ရုပ် တိုက်ခိုက်ရေး တပ်မဟာ ငါးခု (စက်ရုပ် တိုက်ခိုက်ရေး တပ်မဟာ တစ်ခုစီတွင် ပင့်ကူ ပင်မ တိုက်ပွဲဝင် စက်ရုပ် ၁၃၄ ရုပ် ပါဝင်သည်) တို့ ပါဝင်သည်။</p> <p style="text-align:justify">မိစ္ဆာငှက် တိုက်လေယာဉ် တစ်ထောင်ကျော်နှင့် ရဟတ်ယာဉ်များ၊ သယ်ယူပို့ဆောင်ရေး လေယာဉ်များ အပါအဝင် အခြား လေယာဉ် အမျိုးမျိုးနှင့် မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီး ခြောက်စင်း တို့လည်း ပါဝင်သည်။</p> <p style="text-align:justify">သံမဏိ တပ်ရင်းမှ မျိုးဗီဇ စစ်သည်များ ကဲ့သို့သော အတိအကျ ထုတ်ပြန်ထားခြင်း မရှိသည့် တပ်ဖွဲ့များမှာမူ "သံမဏိ တပ်ရင်း" ဟု အမည်ပေးထားသော်လည်း ထောင်ကျော် ရှိနိုင်သည်ဟု ပြင်ပလူများက ခန့်မှန်းထားကြသည်။</p> <p style="text-align:justify">ထိုကဲ့သို့သော စစ်ရေး အင်အားသည် အလွန်တရာ ကြောက်မက်ဖွယ်ကောင်းလေသည်။</p> <p style="text-align:justify">အကယ်၍ အရှေ့တောင်အာရှရှိ ရုပ်သေး နိုင်ငံများ၏ စစ်ရေး အင်အားတို့ကိုပါ ထည့်သွင်း တွက်ချက်မည် ဆိုပါက ကျဲခယ် အဖွဲ့သည် စစ်ပွဲ တစ်ခုတွင် ဧရာမ တပ်ဖွဲ့ဝင် အင်အားကို စုစည်းနိုင်မည် ဖြစ်သည်။</p> <p style="text-align:justify">ထို့အပြင် ကျဲခယ် အဖွဲ့၏ ပင်မ အခြေစိုက်စခန်းမှာ အလယ်ပိုင်းနှင့် တောင်ပိုင်း ကျွန်းဆွယ်တွင် ရှိနေသဖြင့် လုံခြုံသော ခံစစ်အနေအထား၌ ရှိနေသည် ဟု ဆိုရပေမည်။ ဤနေရာသည် ကျဲခယ် အဖွဲ့အတွက် ကြိုတင် ပြင်ဆင်ထားသော စစ်မြေပြင် တစ်ခုဖြစ်ပြီး မည်သည့် ရန်သူက မြေပြင်တပ်ဖွဲ့များ စေလွှတ်ကာ ကျူးကျော်လာမည်ကိုမျှ မကြောက်ရွံ့ပေ။</p> <p style="text-align:justify">အလယ်ပိုင်းနှင့် တောင်ပိုင်း ကျွန်းဆွယ်၏ အပူပိုင်း မိုးသစ်တော ပတ်ဝန်းကျင် အကြောင်းကို ပြောမနေပါနှင့်ဦး။ မျိုးဗီဇ စစ်သည်များ တစ်ခုတည်းကပင် ကမ္ဘာပေါ်ရှိ မည်သည့် စစ်တပ်ကိုမဆို ခေါင်းနပန်း ကြီးသွားအောင် လုပ်နိုင်စွမ်း ရှိသည်။</p> <p style="text-align:justify">ဘယ်သောက်ရူးက မျိုးဗီဇ စစ်သည်တွေနဲ့ တောတွင်း စစ်ပွဲ လာကစားမှာလဲ။</p> <p style="text-align:justify">ထိုကဲ့သို့သော စစ်ရေး အင်အားကြောင့် ကျဲခယ် အဖွဲ့သည် အမှန်တကယ် အရွယ်ရောက်လာပြီ ဖြစ်ပြီး နိုင်ငံတိုင်းက လေးလေးနက်နက် ထည့်သွင်း စဉ်းစားရမည့် အင်အားစု တစ်ခု ဖြစ်လာလေပြီ ဟု ဆိုရပေမည်။</p> <p style="text-align:justify">စစ်ရေးပြပွဲ ပြီးဆုံးသွားပြီးနောက်...</p> <p style="text-align:justify">စုကျဲသည် ကျဲခယ်အုပ်စု ဌာနချုပ် အဆောက်အအုံရှိ အစည်းအဝေးစားပွဲ၏ ထိပ်ဆုံးနေရာတွင် ထိုင်နေပြီး လျူယင်းယင်းက သူ၏ ဒုတိယအဖြစ် ဘေးတွင် ရှိနေသည်။ သူတို့အောက်ဘက်တွင်တော့ အရှေ့တောင်အာရှ နိုင်ငံအသီးသီးမှ အဆင့်မြင့် နိုင်ငံရေး ခေါင်းဆောင်များ ရှိနေကြသည်။</p> <p style="text-align:justify">"ကျွန်တော်တို့တွေ အဖွဲ့အစည်းတစ်ခုတည်း အဖြစ် ပေါင်းစည်းဖို့ လိုအပ်တယ်။ အဖွဲ့အစည်း ဖွဲ့စည်းပုံ အသစ်တစ်ခုကို တည်ဆောက်ရမယ်။ ပြီးတော့ ဒီကမ္ဘာကြီးက ကျွန်တော်တို့ရဲ့ ကိုယ်ပိုင် အသံကို ကြားဖို့ လိုအပ်နေပြီ။ ကျွန်တော်တို့တွေ ပေါင်းစည်းပြီး လက်ချောင်းငါးချောင်းကို လက်သီးတစ်လုံးတည်း ဖြစ်အောင် ဆုပ်ကိုင်ထားနိုင်မှသာ ကမ္ဘာ့နိုင်ငံတွေကြားမှာ နေရာတစ်ခု ရနိုင်လိမ့်မယ်"</p> <p style="text-align:justify">စုကျဲသည် ဤအစည်းအဝေး၏ ရည်ရွယ်ချက်ကို ရှင်းပြရင်း ဖြည်းညှင်းစွာ ပြောလိုက်သည်။</p> <p style="text-align:justify">ထိုအကြောင်းကို ကောလာဟလများ ကြားထားပြီး ဖြစ်သော်လည်း အရှေ့တောင်အာရှ နိုင်ငံများသည် တကယ်တမ်း အတည်ပြုလိုက်သည့် အချိန်တွင်တော့ ဝံပုလွေဂူထဲသို့ ရောက်သွားသကဲ့သို့ ထိတ်လန့်သွားကြသည်။</p> <p style="text-align:justify">"ဒီအဖွဲ့အစည်းကို တောင်ပိုင်း မဟာမိတ်အဖွဲ့လို့ ခေါ်မယ်။ ပထမဆုံးအနေနဲ့ ကျွန်တော်တို့က စီးပွားရေး ပေါင်းစည်းမှုကို ရယူရမယ်။ နောင်မှာ နဂါးငွေကြေးက တောင်ပိုင်း မဟာမိတ် နိုင်ငံတွေရဲ့ တစ်ခုတည်းသော တရားဝင် ငွေကြေး ဖြစ်လာလိမ့်မယ်”</p> <p style="text-align:justify">“နိုင်ငံအားလုံးက အဖွဲ့ဝင် နိုင်ငံတွေ ဖြစ်လာကြမယ်။ ပြီးတော့ မဲပေးစနစ်အပေါ် အခြေခံပြီး တစ်ယောက်ကို တောင်ပိုင်း မဟာမိတ်အဖွဲ့ရဲ့ ခေါင်းဆောင်အဖြစ် ရွေးချယ်မယ်။ သူက တစ်ဖွဲ့လုံးရဲ့ ဖွံ့ဖြိုးတိုးတက်မှုကို ဦးဆောင်ရမယ်:</p> <p style="text-align:justify">“ဒါ့အပြင် တောင်ပိုင်း မဟာမိတ် စစ်လက်နက်ပစ္စည်း ဗျူရိုကို တည်ထောင်ပြီး တောင်ပိုင်း မဟာမိတ် ပူးပေါင်းစစ်တပ်ကိုလည်း ဖွဲ့စည်းမယ်။ အဲ့ဒါနဲ့ ပတ်သတ်ပြီးတော့ လူဦးရေ အရေအတွက်ကိုတော့ နောက်မှ ဆွေးနွေးကြတာပေါ့”</p> <p style="text-align:justify">“ကျဲခယ်အုပ်စုက တောင်ပိုင်း မဟာမိတ်အဖွဲ့ရဲ့ တစ်ခုတည်းသော စောင့်ကြည့်လေ့လာသူ ဖြစ်လာပြီး ကြီးကြပ်မှုနဲ့ လမ်းညွှန်မှုတွေကို ပေးမယ်။ နောင်မှာ တောင်ပိုင်း မဟာမိတ် အဖွဲ့ဝင် နိုင်ငံတွေက..."</p> <p style="text-align:justify">လျူယင်းယင်းသည် စာရွက်စာတမ်းတစ်ခုကို ကိုင်ကာ မတ်တတ်ရပ်လိုက်ပြီး တောင်ပိုင်း မဟာမိတ်အဖွဲ့၏ စည်းမျဉ်းစည်းကမ်း တစ်ခုချင်းစီကို ဖတ်ပြလိုက်သည်။</p> <p style="text-align:justify">သဘောတူစာချုပ်များက များပြားလွန်းသဖြင့် လျူယင်းယင်းသည် ဆယ်မိနစ်ကျော်ခန့် ပြောဆိုပြီးမှသာ ပြီးဆုံးသွားခဲ့သည်။</p> <p style="text-align:justify">အောက်ဘက်တွင် ထိုင်နေကြသော အရှေ့တောင်အာရှ နိုင်ငံများမှ ခေါင်းဆောင်များကတော့ တစ်ယောက်ကို တစ်ယောက် ကြည့်လိုက်ကြပြီး သူတို့၏ မျက်နှာအမူအရာများမှာ အနည်းငယ် အေးစက် တောင့်တင်းနေကြသည်။</p> <p style="text-align:justify">အဘယ်ကြောင့်ဆိုသော် တောင်ပိုင်း မဟာမိတ်အဖွဲ့ကို တည်ထောင်ခြင်းသည် ကျဲခယ်အုပ်စု၏ အဆင့်အတန်းကို ခိုင်မာစေရန် တရားဝင် ပူးပေါင်းဆောင်ရွက်မှုကို အသုံးပြုလိုကြောင်း ရှင်းလင်းစွာ ပြသနေပြီး သူတို့အားလုံးကို ကျဲခယ်အုပ်စု၏ စစ်ရထားပေါ်သို့ စီးပွားရေး၊ နိုင်ငံရေးနှင့် စစ်ရေးအရ ချည်နှောင်ထားလိုက်ခြင်းပင် ဖြစ်သည်။</p> <p style="text-align:justify">တောင်ပိုင်း မဟာမိတ်အဖွဲ့ကို တည်ထောင်ပြီးသည်နှင့် သူတို့သည် ကိစ္စရပ်တိုင်းတွင် ကျဲခယ်အုပ်စု၏ ဆန္ဒနှင့် အညီ လုပ်ဆောင်ရမည် ဖြစ်ပြီး သူတို့၏ ကိုယ်ပိုင် အခွင့်အရေးများမှာလည်း ဆိုးရွားစွာ ကန့်သတ်ခံရမည် ဖြစ်သည်။ သူတို့သည် ကျဲခယ်အုပ်စု၏ ကန့်သတ်မှုများကို ခံနေရပြီ ဖြစ်သော်လည်း ဤသည်က အရှေ့တောင်အာရှ နိုင်ငံအားလုံးကို ပထမဦးဆုံးအကြိမ် ပြောင်ပြောင်တင်းတင်း ထိန်းချုပ်ရန် ကြိုးစားလာခြင်းပင်…။</p> <p style="text-align:justify">သေချာပေါက် သူတို့ ကန့်ကွက်ချင်ကြသော်လည်း သူတို့၏ နယ်မြေများတွင် တပ်စွဲထားသော ကျဲခယ်အုပ်စု၏ တပ်များကို တွေးမိသောအခါ မည်သည့် ကန့်ကွက်သံကိုမျှ မထုတ်ရဲဘဲ ခါးသီးသော မျက်နှာများဖြင့် ခေါင်းညိတ်ပြရုံသာ တတ်နိုင်တော့သည်။</p> <p style="text-align:justify">"ကျွန်တော်တို့ မလေးရှားက တောင်ပိုင်း မဟာမိတ်အဖွဲ့ကို ဝင်ရောက်ပြီး တောင်ပိုင်း မဟာမိတ် ကောင်စီဝင် ဖြစ်ဖို့ ဆန္ဒရှိပါတယ်"</p> <p style="text-align:justify">"ကျွန်တော်တို့ ထိုင်းက တောင်ပိုင်း မဟာမိတ်အဖွဲ့ကို သဘောအလျောက် ဝင်ရောက်ပြီး တောင်ပိုင်း မဟာမိတ် ကောင်စီဝင် အဖြစ် ခံယူပါတယ်"</p> <p style="text-align:justify">"ကျွန်တော်တို့ အင်ဒိုနီးရှားက တောင်ပိုင်း မဟာမိတ်အဖွဲ့ကို သဘောအလျောက် ဝင်ရောက်ပြီး တောင်ပိုင်း မဟာမိတ် ကောင်စီဝင် အဖြစ် ခံယူပါတယ်"</p> <p style="text-align:justify">"ကျွန်တော်တို့ စင်ကာပူ..."</p> <p style="text-align:justify">နိုင်ငံခေါင်းဆောင်များက လက်များကို တစ်ယောက်ပြီး တစ်ယောက် မြှောက်လိုက်ကြပြီး နောက်ဆုံး၌ အရှေ့တောင်အာရှ နိုင်ငံများ၏ တညီတညွတ်တည်း အတည်ပြုချက်ဖြင့် တောင်ပိုင်း မဟာမိတ်အဖွဲ့ကို တရားဝင် တည်ထောင်ကြောင်း ကြေညာလိုက်သည်။</p> <p style="text-align:justify">ထို့နောက် ချက်ချင်းပင် တောင်ပိုင်း မဟာမိတ်အဖွဲ့၏ ခေါင်းဆောင်ကဲ့သို့သော အရေးကြီး ရာထူးများအတွက် မဲပေးရွေးချယ်မှုများ ပြုလုပ်ခဲ့သည်။</p> <p style="text-align:justify">အံ့သြစရာ မရှိအောင်ပင် စုကျဲသည် တောင်ပိုင်း မဟာမိတ်အဖွဲ့၏ ပထမဆုံး ခေါင်းဆောင် ဖြစ်လာပြီး လျူယင်းယင်းကတော့ တောင်ပိုင်း မဟာမိတ်အဖွဲ့၏ အထွေထွေ အတွင်းရေးမှူး ဖြစ်လာခဲ့သည်။ အစည်းအဝေးသို့ တက်ရောက်နိုင်ပြီး ဤနေရာများတွင် ထိုင်နိုင်သူများမှာ အားလုံးက ဉာဏ်နီဉာဏ်နက် များသူများ ဖြစ်ကြသည်။ </p> <p style="text-align:justify">မည်သူက စုကျဲကို မဲမပေးဝံ့လောက်အောင် သောက်တလွဲ လုပ်ရဲမည်နည်း။ ထိုသို့လုပ်သူမှာ အစည်းအဝေး ခန်းမထဲကပင် ထွက်နိုင်မည် မဟုတ်ချေ။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save