Book List

<h2 style="text-align: center;">အခန်း (၄၁၁)</h2> <h2 style="text-align: center;">ပရိုမိုးရှင်းဗီဒီယို</h2> <h2 style="text-align: center;">*</h2> <p> </p> <p>"မရီး... ခယ်ဟယ်တို့မိသားစုကိစ္စက မရီးလက်ချက်တော့ မဟုတ်ပါဘူးနော်"</p> <p> </p> <p>ခယ်ဟယ့်မိသားစုအပေါ် ကျရောက်ခဲ့တဲ့ ကံကြမ္မာဆိုးတွေအတွက် ကျန်ကျွင်းတစ်ယောက် စိတ်မကောင်းဖြစ်မိသည်။ </p> <p> </p> <p>သူသည် ကျန်တီ့ကို ထိုကောင်လေးနှင့် မပတ်သက်စေချင်ခဲ့သော်လည်း ယခုကဲ့သို့ လူသေဆုံးသည့်အထိ ဖြစ်လာလိမ့်မည်ဟု လုံးဝမမျှော်လင့်ထားခဲ့ပေ။</p> <p> </p> <p>"ဘာဖြစ်လို့လဲ"</p> <p> </p> <p>မင်ယွဲ့သည် ခန္ဓာကိုယ်ကြံ့ခိုင်ရေး လေ့ကျင့်ခန်းလုပ်ပြီးကာစ ဖြစ်သဖြင့် အမောမပြေနိုင်သေးဘဲ အသက်ရှူသံပြင်းပြင်းနှင့် ပြန်ထူးလိုက်သည်။ </p> <p> </p> <p>ထိုအချိန်တွင် ကျန်ကျွင်းက ဖုန်းဆက်ကာ ဤအကြောင်းကို လာရောက်မေးမြန်းနေခြင်းဖြစ်သည်။</p> <p> </p> <p>"ခယ်ကျွင်းရှန်းရဲ့ အငယ်အနှေးနဲ့ ကလေးဓာတ်ပုံတွေက ခယ်ဟယ့်အမေလက်ထဲ ဘယ်လိုရောက်သွားတာလဲ"</p> <p> </p> <p>"ဒါကို ငါလုပ်တယ်လို့ မင်းထင်နေတာလား"</p> <p> </p> <p>မင်ယွဲ့သည် အံ့အားသင့်သွားဟန်ဖြင့် </p> <p> </p> <p>“ငါက အလံနီအောက်မှာမွေးပြီး နွေဦးလေညင်းထဲမှာ ကြီးပြင်းလာတဲ့သူပါ၊ ဒီလိုကိစ္စမျိုးကို ဘယ်တော့မှ မလုပ်ဘူး" </p> <p> </p> <p>ဟု ပြန်ပြောလိုက်သည်။</p> <p> </p> <p>"ဒါဆိုရင်တော့ တော်သေးတာပေါ့"</p> <p> </p> <p>ကျန်ကျွင်း သက်ပြင်းချနိုင်သွားသည်။ </p> <p> </p> <p>တကယ်လို့သာ မင်ယွဲ့က သူ့အတွက်ကြောင့် ဤကိစ္စကို လုပ်ခဲ့ခြင်းဆိုလျှင် သူ အပြစ်မကင်းသလို ခံစားနေရမည်ဖြစ်သည်။</p> <p> </p> <p>"ကျန်ကျွင်းရဲ့ ဦးနှောက်က ဘာဖြစ်နေတာလဲ၊ ငါလုပ်တယ်လို့တောင် သူထင်နေတယ်"</p> <p> </p> <p>မင်ယွဲ့သည် မိုဟန်ကျီထံ ဖုန်းဆက်ကာ ဗျစ်တောက်ဗျစ်တောက် ပြောဆိုညည်းတွားလိုက်သည်။</p> <p> </p> <p>"အတိအကျပဲ၊ ကျန်ကျွင်းက ဝက်ဦးနှောက်ပဲရှိတာ ယွဲ့ယွဲ့က ကမ္ဘာပေါ်မှာ အကြင်နာဆုံးသူလေ၊ ဒီလိုမျိုး ဘယ်လုပ်ပါ့မလဲ"</p> <p> </p> <p>မိုဟန်ကျီက ချက်ချင်းပင် ထောက်ခံချီးမွမ်းစကား ဆိုလိုက်သည်။</p> <p> </p> <p>"အဟမ်း... အဲဒီလောက်အထိ ချီးကျူးဖို့ မလိုပါဘူး"</p> <p> </p> <p>တစ်ဖက်လူက ရက်ရက်ရောရော ချီးမွမ်းလိုက်သဖြင့် မင်ယွဲ့ပင် အံ့ဩသွားရသည်။</p> <p> </p> <p>"ယွဲ့ယွဲ့ရေ... တို့တွေ နောက်ဆုံးအကြိမ်က ရိုက်ထားတဲ့ ပရိုမိုးရှင်းဗီဒီယို ဒီနေ့ထွက်ပြီနော်"</p> <p> </p> <p>မုနီယန်ဆီမှ သတင်းစကားရောက်လာသဖြင့် မင်ယွဲ့ အမှန်တကယ် စိတ်ဝင်စားသွားမိသည်။</p> <p> </p> <p> သူမသည် တည်းဖြတ်ပြီးသား ဗီဒီယိုကို မြင်ဖူးသော်လည်း နောက်ဆုံးအချောသတ်လုပ်ထားသည့် ဗားရှင်းကိုမူ မမြင်ဖူးသေးပေ။</p> <p> </p> <p>မုနီယန်ဒီဇိုင်နာရဲ့ တရုတ်ရိုးရာဖက်ရှင်ရှိုး မကြာမီ စတင်တော့မည်#</p> <p> </p> <p>စောင့်မျှော်ကြည့်ရှုပေးကြပါဦး#</p> <p> </p> <p>မုနျန်စတူဒီယို၏ တရားဝင် ဝေပိုင် (Weibo) အကောင့်မှ ပရိုမိုးရှင်းဗီဒီယိုကို ထုတ်လွှင့်လိုက် သည်။</p> <p> </p> <p>"အား... စောင့်နေရတာ ကြာလှပြီ၊ ငါတော့ လက်မှတ်တစ်စောင် ရထားတယ်ဟေ့"</p> <p> </p> <p>အချို့က ပျော်ရွှင်နေကြသော်လည်း အချို့မှာမူ ဝမ်းနည်းနေကြသည်။</p> <p> </p> <p>"မင်းတို့ လက်ကွက်ရိုက်တာ မြန်လိုက်တာ၊ လူပျိုကြီးတွေ ဖြစ်နေလို့လား ငါ ကွန်ပျူတာဖွင့်လိုက်တဲ့ စက္ကန့်ပိုင်းအတွင်းမှာတင် မဲတွေက ကုန်သွားပြီ"</p> <p> </p> <p>မင်ယွဲ့အတွက်မူ မုနျန်က VIP လက်မှတ်များကို ကြိုတင်ဖယ်ထားပေးပြီးသားဖြစ်သည်။</p> <p> </p> <p>ပရိုမိုးရှင်းဗီဒီယိုသည် သစ်တော်သီးခြံတစ်ခုမှ စတင်ဖွင့်လှစ်ထားသည်။ သစ်တော်ပန်းများ ဝေဝေဆာဆာ ပွင့်လန်းနေပြီး သစ်ကိုင်းများပေါ်တွင် အဖြူရောင်ပန်းပွင့်လေးများ အပြိုင်အဆိုင် ဖူးပွင့်နေကြသည်။</p> <p> </p> <p>အပေါ်စီးရိုက်ချက် သည် တဖြည်းဖြည်း ချဉ်းကပ်လာပြီး ပုံရိပ်ကို အနီးကပ်ပြသလိုက် သည်။</p> <p> </p> <p>လူတစ်ယောက်သည် ဓားသိုင်းလေ့ကျင့်နေသည်။</p> <p> </p> <p>"အို... ဘုရားရေ၊ ဒီခန့်ညားတဲ့ လူငယ်လေးက ဘယ်သူလဲ ငါ့နှလုံးသားကို ဖမ်းစားသွားပြီ"</p> <p> </p> <p>"တောက်ပတဲ့ လမင်းနဲ့ နူးညံ့တဲ့ လေပြေဆိုတာ ဘာလဲဆိုတာ အခုမှပဲ ငါနားလည်တော့တယ်"</p> <p> </p> <p>"ကြည်လင်ဝင်းပတဲ့ လူငယ်လေး၊ တကယ့်ကို ယဉ်ကျေးသိမ်မွေ့တဲ့ စံပြပုဂ္ဂိုလ်ပဲ"</p> <p> </p> <p>"ငါက သိပ်ပညာမတတ်တော့ ဒါပဲ ပြောနိုင်တယ်၊ မင်း တကယ်တော်တယ်၊ ရုပ်ကလည်း တော်သလို ဓားကိုင်တာကလည်း တကယ့်ကို အံ့မခန်းပဲ"</p> <p> </p> <p>မင်ယွဲ့သည် အမျိုးသားဝတ်စုံနှင့်ဖြစ်သော်လည်း မည်သူကမျှ သူမ၏ လိင်အမျိုးအစားကို သံသယမဝင်ကြပေ။ </p> <p> </p> <p>သူမ၏ မျက်နှာသည် မည်သည့်ပုံစံနှင့်မဆို လိုက်ဖက်လှပြီး လခြမ်းကွေးမျက်ခုံးများနှင့် ပေါ့ပါးသွက်လက်သော ဓားခုတ်ချက်များမှာ သူရဲကောင်းပီသသည့် စိတ်ဓာတ်ကို ထင်ဟပ်နေစေသည်။</p> <p> </p> <p>အရပ်အမောင်း သိပ်မမြင့်သော်လည်း ခန္ဓာကိုယ်အချိုးအစား ညီညာသဖြင့် သိသာခြင်းမရှိပေ။ လူတို့က သူသည် နုပျိုနေသေးသည့် ဆယ်ကျော်သက်လေးတစ်ဦးဟုသာ ထင်မြင်မိကြပေမည်။</p> <p> </p> <p>မင်ယွဲ့၏ ရုပ်ရည်သည် အရွယ်မရောက်သေးသည့် ဆယ်ကျော်သက်လေးနှင့် တူညီနေသည်မှာ အမှန်ပင်။ </p> <p> </p> <p>သူသည် မာန်နဝါကြီးသော်လည်း မျက်နှာမှာမူ ကလေးဆန်မှု အနည်းငယ်ရှိနေသည်။</p> <p> </p> <p> အမှန်စင်စစ် ကလေးဆန်နေရခြင်းမှာ အရွယ်ရောက်ပြီးသား အမျိုးသားတစ်ဦး၏ ထင်ရှားပြတ်သားသော အမူအရာနှင့်ယှဉ်လျှင် မင်ယွဲ့၏ မျက်နှာသွင်ပြင်က ပိုမိုနူးညံ့နေသောကြောင့်ပင် ဖြစ်သည်။</p> <p> </p> <p>"အင်တာနက် အက်ဒမင်တွေ ဘယ်ရောက်ကုန်ပြီလဲ၊ ဒီလူက ဘယ်သူလဲဆိုတာ သုံးစက္ကန့်အတွင်း အချက်အလက်တွေ ရှာပေးစမ်းပါ"</p> <p> </p> <p>"ဒါ ဘယ်သူ့မောင်လေးလဲ၊ လာသိမ်းသွားကြဦး"</p> <p> </p> <p>မင်ယွဲ့သည် ဖျော်ဖြေရေးလောက သို့မဟုတ် ဖက်ရှင်လောကမှ ဖြစ်ရမည်ဟု လူတိုင်းက ထင်မှတ်နေကြသည်။</p> <p> </p> <p> မုနီယန်သည် ဖက်ရှင်လောကမှ ဖြစ်သဖြင့် မည်မျှပင် ကျော်ကြားသည်ဖြစ်စေ ထိုအသိုင်းအဝိုင်းအတွင်းက လူများကိုသာ ဆွဲဆောင်နိုင်လေ့ရှိသည်။</p> <p> </p> <p>သို့သော်လည်း ယခု ပရိုမိုးရှင်းဗီဒီယိုသည် ထွက်ရှိလာပြီးနောက် အွန်လိုင်းပေါ်တွင် လျင်မြန်စွာ အာရုံစိုက်ခြင်း ခံလိုက်ရသည်။</p> <p> </p> <p>"ဟိုလေ... ဒီလူက မင်ယွဲ့လေးနဲ့ နည်းနည်းတူနေသလားလို့"</p> <p> </p> <p>အချို့က မင်ယွဲ့၏ တီဗီအစီအစဉ်များမှ ပုံရိပ်များကို စခရင်ရှော့ရိုက်ကာ နှိုင်းယှဉ်ပြကြသည်။ အခြားပုံများ ရှာရခက်သဖြင့် ထိုပုံများကိုသာ အားကိုးနေကြရသည်။</p> <p> </p> <p>"ငါလည်း အဲဒါကို သဘောတူတယ်"</p> <p> </p> <p>တစ်ယောက်က မင်ယွဲ့နှင့် မိုဟန်ကျီတို့ အတူရှိနေစဉ်က ရိုက်ထားသည့် ဓာတ်ပုံကို တင်လိုက်သည်။</p> <p> </p> <p>"ဒီအမျိုးသမီးလေးက လှတာတော့ မှန်ပါတယ်၊ ဒါပေမဲ့ လူတွေကို လိမ်ဖို့ မကြိုးစားပါနဲ့လားလိင်တောင် မတူတာကို ဒီလိုလုပ်ရပ်မျိုးက နည်းနည်းတော့ မတင့်တယ်ဘူး"</p> <p> </p> <p>"ဟုတ်တယ်၊ ငါ အခုမှ တစ်ယောက်ယောက်ကို အမာခံပရိသတ် ဖြစ်ခါစရှိသေးတယ်၊ မင်းတို့က လာပြီး စိတ်ပျက်အောင် လုပ်နေပြီ"</p> <p> </p> <p>"--- အပေါ်ကလူ နေမကောင်းလို့ ဆေးမသောက်ရသေးဘူးလား ရယ်စရာပဲ၊ မင်ယွဲ့က ဖျော်ဖြေရေးလောကထဲ ဝင်ဖို့ မလိုဘူး၊ သူ့မှာ ပိုက်ဆံတွေ အများကြီးရှိတာ ဘာလို့ သူများနောက်ကနေ ကပ်လိုက်နေမှာလဲ"</p> <p> </p> <p>မင်ယွဲ့သည် မိမိကြောင့်နှင့် အွန်လိုင်းတွင် အချေအတင် စကားများကြလိမ့်မည်ဟု မမျှော်လင့်ထားခဲ့ပေ။ သို့သော် ဗီဒီယိုကို ဆက်ကြည့်လျှင် အဖြေပေါ်မည်ဖြစ်၍ ရှင်းပြရန် အားထုတ်မနေတော့ပေ။</p> <p> </p> <p>"မရန်ကြနဲ့တော့၊ ဟိုမှာကြည့်၊ နောက်ထပ် လှပတဲ့ မိန်းကလေးတစ်ယောက် ထွက်လာပြီ၊ တကယ့်ကို ရှုမဝနိုင်အောင် လှတာပဲ"</p> <p> </p> <p>အမျိုးသမီးဝတ်စုံနှင့် မင်ယွဲ့သည် ချင်းလီနှင့်အတူ ပြေးလွှားနေပြီး သစ်တော်ပန်းလေးများ လွင့်ပျံကျလာသည့် ပုံရိပ်မှာ မြင်ရသူအဖို့ စိတ်အေးချမ်းသာယာစရာ ကောင်းလှသည်။</p> <p> </p> <p>"တကယ်ပြောတာ၊ ဒီအမျိုးသမီးက မင်ယွဲ့လေးလို့ ငါပြောရင် ဘယ်သူမှ ကန့်ကွက်မှာမဟုတ်ဘူး မဟုတ်လား"</p> <p> </p> <p>--- "+၁!"</p> <p> </p> <p>......</p> <p> </p> <p>အမျိုးသမီးဝတ်စုံကို မြင်လိုက်ရချိန်တွင်မူ မုနျန်သည် ဗီဒီယိုကို ပိုမိုလိုက်ဖက်ညီစေရန် ရုပ်ရည်နှင့် အမူအရာချင်း ဆင်တူသည့် အမျိုးသားနှင့် အမျိုးသမီး နှစ်ဦးကို အထူးတလည် ရွေးချယ်ထားခြင်း ဖြစ်မည်ဟု လူတိုင်းက တစ်သံတည်း ထင်မြင်သွားကြသည်။</p> <p> </p> <p>ဗီဒီယို၏ အဆုံးသတ်တွင် ဓာတ်ပုံဆရာနှင့် တည်းဖြတ်သူများ၏ အမည်များကို ဖော်ပြထားသည်။</p> <p> </p> <p>ထိုနေရာတွင် အမျိုးသားနှင့် အမျိုးသမီး ဇာတ်ဆောင်နှစ်ဦးစလုံး၏ အမည်နေရာ၌ "မင်ယွဲ့" ဟူသော အမည်ကို ထင်ရှားစွာ ပြသထားသည်။</p> <p> </p> <p>ဤအချက်က တစ်လောကလုံးကို ပွက်လောရိုက်သွားစေသည်။</p> <p> </p> <p>"ဒါ ငါထင်သလိုပဲလား"</p> <p> </p> <p>"ဟုတ်တယ်၊ ငါလည်း အဲဒီလိုပဲ ထင်တယ်"</p> <p> </p> <p>"ငါ တကယ် မျက်စိကန်းခဲ့တာပဲ မင်ယွဲ့လေးက အနှိုင်းမဲ့လှပတယ်ဆိုတာပဲ သိခဲ့တာ၊ အမျိုးသားဝတ်စုံနဲ့ဆိုရင်လည်း ဒီလောက်အထိ ယဉ်ကျေးသိမ်မွေ့ပြီး ခန့်ညားမယ်လို့ မသိခဲ့ဘူး"</p> <p> </p> <p>"ငါသဘောကျတဲ့ မိန်းကလေးနဲ့ ယောက်ျားလေးက တစ်ယောက်တည်း ဖြစ်နေတယ်၊ စိတ်မကောင်းလိုက်တာ"</p> <p> </p> <p>"ဒါက ပိုမကောင်းဘူးလား၊ တစ်ယောက်တည်းနဲ့ အားလုံးပြည့်စုံသွားတာပေါ့"</p> <p> </p> <p>"—..."</p> <p> </p> <p>မင်ယွဲ့၏ အလှတရားက လူအများ၏ အာရုံစိုက်မှုကို ရရှိခဲ့ပြီး ပရိုမိုးရှင်းဗီဒီယိုမှာလည်း တည်းဖြတ်မှု အလွန်ကောင်းမွန်လှသည်။</p> <p> </p> <p>နိုင်ငံတကာအဆင့်မီ ဖက်ရှင်ဒီဇိုင်နာဖြစ်သည်နှင့်အညီ မုနီယန်၏ ပရိုမိုးရှင်းဗီဒီယိုသည် ဖက်ရှင်ရှိုး မစတင်မီကပင် အင်တာနက်စာမျက်နှာထက်၌ မီးဟုန်းဟုန်းတောက်သွားခဲ့သည်။</p> <p> </p> <p>#ယခုနှစ် တရုတ်ရိုးရာဝတ်စုံပြပွဲရဲ့ အဓိကအကြောင်းအရာကတော့ 'ပန်းများပွင့်လန်းခြင်း' ဖြစ်ပါတယ်။ </p> <p> </p> <p>ယွဲ့ယွဲ့ကို ဧည့်သည်ဖျော်ဖြေရေးသမားအဖြစ် ဖိတ်ကြားထားပြီး သူမက သစ်တော်ပန်းစီးရီးကို ပြသသွားခဲ့ပါတယ်။ </p> <p> </p> <p>ဒီစီးရီးကို ပြပွဲမှာ ပြသမှာမဟုတ်ပါဘူး၊ စိတ်ဝင်စားရင် တရားဝင်ဝဘ်ဆိုက်မှာ ကြည့်ရှုနိုင်ပြီး အခုပဲ ဝယ်ယူလို့ရပါပြီ#</p> <p> </p> <p>မုနီယန် weiboအကောင့်က အရှိန်အဟုန်ကို ဆက်လက်ထိန်းထားလိုက်သည်။</p> <p> </p> <p>"ငါတော့ နှစ်စုံဝယ်မယ်၊ ငါ့ရည်းစားနဲ့ ငါနဲ့ ဝတ်ဖို့ အမျိုးသားရော အမျိုးသမီးဆိုဒ်ပါ အတော်ပဲ"</p> <p> </p> <p>"ငါ့မှာတော့ ရည်းစားမရှိဘူး"</p> <p> </p> <p>"ဒါဆို အမျိုးသမီးဝတ်ပဲ ဝယ်ပေါ့"</p> <p> </p> <p>"ငါ့မှာ ပိုက်ဆံလည်း မရှိဘူး"</p> <p> </p> <p>"ဒါဆိုရင်တော့ ဘာမှလျှောက်မပြောနဲ့တော့"</p> <p> </p> <p>မုနီယန်၏ အဝတ်အစားများမှာ ငြင်းပယ်စရာမရှိအောင် ကောင်းမွန်လှသည်။ စုစုပေါင်း စီးရီးရှစ်ခုရှိပြီး တစ်စီးရီးလျှင် အဝတ်အစား ဆယ့်နှစ်စုံ (အမျိုးသားဝတ် ခြောက်စုံနှင့် အမျိုးသမီးဝတ် ခြောက်စုံ) ပါဝင်သည်။</p> <p> </p> <p>သစ်တော်ပန်းစီးရီးနှင့် မင်ယွဲ့ပြသမှုတစ်ခုလုံး ပြီးမြောက်သွားခြင်းက ဤဗီဒီယိုတိုလေးကို တန်ဖိုးဖြတ်မရနိုင်အောင် ဖြစ်စေခဲ့သည်။</p> <p> </p> <p>ပြသထားသော စီးရီးရှစ်ခုမှာ အဓိကထုတ်ကုန်များဖြစ်ပြီး အခြားဒီဇိုင်းဆင်တူသော်လည်း စျေးနှုန်းအနည်းငယ်သက်သာသည့် စုစည်းမှုများလည်း ရှိသေးသည်။</p> <p> </p> <p> မင်ယွဲ့ဝတ်ဆင်ပြခဲ့သည့် အဝတ်အစားများမှာ တစ်သိန်းမှ ငါးသိန်းကြား စျေးနှုန်းရှိသည်။ </p> <p> </p> <p>သို့သော် မုနီယန်၏ ကိုယ်ပိုင်ဒီဇိုင်းများအပြင် စတူဒီယိုရှိ အခြားဒီဇိုင်နာများ၏ လက်ရာများကိုမူ သုံးထောင်ခန့်ဖြင့်ပင် ဝယ်ယူနိုင်သည်။</p> <p> </p> <p>ယွမ်ပေါ့သည် မင်ယွဲ့၏ စိတ်ထဲတွင် ရွှေဒင်္ဂါးပြားလေးများ ကျလာသည့် အသံကို ပျော်ရွှင်စွာ အတုခိုးနေသည်။ </p> <p> </p> <p>မင်ယွဲ့အနေဖြင့်လည်း ဤကိစ္စက သူမ၏ ဂုဏ် သတင်းတန်ဖိုး ကို မြှင့်တင်ပေးမည်ဖြစ်ကြောင်း သိထားသည်။</p> <p> </p> <p>သူမ စစ်ဆေးကြည့်လိုက်သောအခါ ဂုဏ်သတင်းတန်ဖိုးမှာ ငါးသိန်းသုံးသောင်းအထိ ရောက်ရှိနေပြီဖြစ်သည်။</p> <p> </p> <p>သူမသည် မကြာသေးမီကပင် ကိုယ်ပိုင်အမှတ်တံဆိပ်တစ်ခု တည်ထောင်ရန် စတင်နေပြီဖြစ်သည်။</p> <p> </p> <p> သို့သော် အရေအတွက်ထက် အရည်အသွေးကိုသာ အဓိကထားမည်ဖြစ်သဖြင့် လောလောဆယ်တွင် ထုတ်လုပ်မှုပမာဏကို အတင်းအကျပ် လိုက်မလုပ်သေးပေ။</p> <p> </p> <p>မူလက မြို့မြောက်ပိုင်းရှိ စီးပွားရေးလမ်းမပေါ်တွင် ဆိုင်ခန်းတစ်ခုဖွင့်ရန် စီစဉ်ထားသော်လည်း ပြန်လည်စဉ်းစားပြီးနောက် မင်ယွဲ့က ထိုအစီအစဉ်ကို လက်လျှော့လိုက်လေသည်။</p> <p> </p> <p> </p> <p style="text-align: center;">***</p> <p> </p>


Save