Book List

<h2 style="text-align:center">အခန်း (၄၂၀)</h2> <h2 style="text-align:center">လေ့ကျင့်ရေးကွင်းမှ စိန်ခေါ်မှုများ</h2> <h2 style="text-align:center">*</h2> <p> </p> <p>မင်ယွဲ့ လေ့ကျင့်ရာတွင် အသုံးပြုခဲ့သည့် မြားပစ်ပစ်မှတ်များကို အသင်းသားများက ဖယ်ရှားပစ်ရန် ဝန်လေးနေကြသည်။ </p> <p> </p> <p>ထိုပစ်မှတ်များပေါ်ရှိ ပြောင်မြောက်လှသော အပေါက်ရာများကို ကြည့်ရှုခြင်းဖြင့် မိမိကိုယ်မိမိ မြှင့်တင်ရန် ခွန်အားတစ်ရပ်အဖြစ် သူတို့ သိမ်းဆည်းထားကြခြင်း ဖြစ်သည်။ </p> <p> </p> <p>နည်းပြဖြစ်သူကလည်း သူတို့၏ တိုးတက်လိုစိတ်ကို မြင်တွေ့ရသဖြင့် ထိုအတိုင်းပင် လွှတ်ထားပေးလိုက်တော့သည်။</p> <p> </p> <p>လက်ရွေးစင်အသင်း၏ ပြိုင်ပွဲဝင် ၁၂ နေရာတွင် မင်ယွဲ့အတွက် နေရာတစ်ခုမှာ အသေအချာပင် ဖြစ်သည်။ </p> <p> </p> <p>ကျန်ရှိသော ၁၁ နေရာအတွက်သာ အခြားအသင်းသားများက အပြင်းအထန် ယှဉ်ပြိုင်ကြရမည် ဖြစ်သည်။ </p> <p> </p> <p>သူတို့သည် မင်ယွဲ့နှင့် မယှဉ်နိုင်သော်လည်း တစ်ဦးနှင့်တစ်ဦးကြားတွင်မူ ပြိုင်ဆိုင်မှု ပြင်းထန်နေဆဲပင်။ </p> <p> </p> <p>မင်ယွဲ့ ရောက်လာသည့် အကြိမ်တိုင်းတွင်လည်း သူမနှင့်အတူ လေ့ကျင့်ခွင့်ရရန်နှင့် ပညာသင်ယူရန် အသင်းသားအားလုံးက ဝိုင်းဝန်းကြိုးစားကြသည်။</p> <p> </p> <p>ပါရမီရှင်များတွင် ထူးခြားသော စရိုက်လက္ခဏာများ ရှိတတ်စမြဲ ဖြစ်သည်။ </p> <p> </p> <p>မင်ယွဲ့ကို စတင်ဖိတ်ခေါ်စဉ်က သူမ ငြင်းပယ်မည်ကို နည်းပြများ စိုးရိမ်ခဲ့ကြသော်လည်း သူမကမူ အေးဆေးစွာပင် လက်ခံခဲ့သည်။ </p> <p> </p> <p>သူမ၏ ထူးခြားချက်မှာ အောင်မြင်မှုများအပေါ် မာန်မာန မတက်ခြင်းပင်။ လက်ရွေးစင်အသင်းထဲ ရောက်လာသဖြင့် ဝမ်းသာအားရ ဖြစ်မနေသကဲ့သို့ အခြားသူများထက် သာလွန်နေ သည့်အတွက်လည်း ထောင်လွှားခြင်း မရှိပေ။ </p> <p> </p> <p>သူမသည် ဆောင်းဦးပေါက် ရေပြင်ကဲ့သို့ တည်ငြိမ်အေးချမ်းလွန်းလှသည်။</p> <p> </p> <p>"ရန်ကြီး... တို့ အမျိုးသားအသင်းနဲ့ အမျိုးသမီးအသင်းကြား ပြိုင်ပွဲလေးတစ်ခုလောက် စီစဉ် ကြည့်ရင် ဘယ်လိုလဲ"</p> <p> </p> <p>နည်းပြဟွမ်က အကြံပြုလိုက်ခြင်း ဖြစ်သည်။ </p> <p> </p> <p>အခြေအနေအရ မင်ယွဲ့သည် ယခုနှစ် အိုလံပစ်ပြိုင်ပွဲတွင် ပါဝင်ယှဉ်ပြိုင်ရမည်မှာ သေချာသလောက် ရှိနေသည်။ </p> <p> </p> <p>ယခုမှာ ဇန်နဝါရီလသာ ရှိသေးသဖြင့် ပြင်ဆင်ရန် အချိန်ရသေးသော်လည်း မင်ယွဲ့မှာ ယခင်က အတွေ့အကြုံ မရှိသေးသူဖြစ်ရာ အခြားသော ပြိုင်ပွဲငယ်များတွင် ဝင်ရောက်ယှဉ်ပြိုင်ပြီး အမှတ်များ စုဆောင်းရန် လိုအပ်ပေသည်။ </p> <p> </p> <p>နည်းပြဟွမ်နှင့် နည်းပြဝမ်တို့က သူမ၏ လက်စွမ်းကို မစိုးရိမ်သော်လည်း လူအများရှေ့ မထွက်မီ အမျိုးသားအသင်းနှင့် အရင် စမ်းသပ်ယှဉ်ပြိုင်စေခြင်းဖြင့် သူမအား ပြိုင်ပွဲအငွေ့အအေးနှင့် အသားကျစေလိုကြသည်။</p> <p> </p> <p>"မင်း အိပ်မက်မက်နေတာလား" </p> <p> </p> <p>ဟု အမျိုးသားအသင်းနည်းပြ ရန်က မှင်တက်စွာ ပြန်မေးသည်။</p> <p> </p> <p>"မင်းကလည်း အမြင်ကျဉ်းလိုက်တာ တို့ အမျိုးသမီးအသင်းက နောင်ကျရင် ပြည်ပက ပြိုင်ဘက်တွေနဲ့ ရင်ဆိုင်ရမှာလေ အခုတော့ အမျိုးသားအသင်းက လေ့ကျင့်ဖော်အဖြစ် ကူညီပေးတာ ဘာဆန်းလို့လဲ" </p> <p> </p> <p>ဟု နည်းပြဝမ်က ပြုံးရွှင်သော မျက်နှာဖြင့် ဝင်ရောက် ဖြောင်းဖျလေသည်။</p> <p> </p> <p>နောက်ဆုံးတွင် အမျိုးသားအသင်းနည်းပြလည်း သဘောတူလိုက်ရတော့သည်။</p> <p> </p> <p> သူသည်လည်း အသင်းထဲသို့ ရောက်ရှိလာသော ပါရမီရှင်သစ်အကြောင်းကို ကြားသိထားပြီး ဖြစ်သဖြင့် သူမ၏ လက်စွမ်းကို ကိုယ်တိုင် မြင်တွေ့လိုစိတ် ပြင်းပြနေမိသည်။</p> <p> </p> <p>တစ်ဖက်တွင်လည်း မင်ယွဲ့သည် သူမ၏ သူငယ်ချင်းများနှင့် ဓာတ်ခွဲခန်းမှ လုပ်ဖော်ကိုင်ဖက်များအတွက် လက်ဆောင်များ ပြင်ဆင်ပေးနေသည်။</p> <p> </p> <p> သူမ ဒီဇိုင်းထုတ်ထားသော 'ဟယ်ယို' အမှတ်တံဆိပ်မှ အဝတ်အစားသစ်များကို သူတို့ လိုချင်နေကြသည်ကို သိသဖြင့် ခယ်ဝင်မှတစ်ဆင့် ပေးပို့စေခဲ့ခြင်း ဖြစ်သည်။</p> <p> </p> <p>"ယွဲ့ယွဲ့ရယ်... နင်က တကယ်ကို စိတ်သဘောထား ကောင်းတာပဲ"</p> <p> </p> <p>ကျောင်းသူလေးတစ်ဦးက ဝမ်းသာအားရ ဆိုသည်။ </p> <p> </p> <p>သူမတို့ကဲ့သို့ ကျောင်းသားများအဖို့ 'ဟယ်ယို' ၏ အဆင့်မြင့်ဝတ်စုံများမှာ စျေးနှုန်းကြီးမြင့်လွန်းလှသည်။</p> <p> </p> <p>"တကယ်ကို လှတာပဲ ဒါပေမဲ့ ငါ့ပိုက်ဆံအိတ်နဲ့တော့ မလိုက်ဖက်ဘူးလေ အခုလို ယွဲ့ယွဲ့ကြောင့် ဝတ်ခွင့်ရတာ တကယ် ကံကောင်းတာပဲ"</p> <p> </p> <p>မိန်းကလေးများမှာ အဝတ်အစားလှလှလေးများအကြောင်း ပြောရင်း တက်ကြွနေကြသလို အမျိုးသားများအတွက်လည်း မင်ယွဲ့က ဝတ်စုံများ ပြင်ဆင်ပေးထားသည်။ </p> <p> </p> <p>လူဝေနှင့် ရှီကျောက်တို့မှာလည်း မင်ယွဲ့၏ စေတနာကြောင့် အလွန်ပင် ကျေးဇူးတင်နေကြသည်။</p> <p> </p> <p>မင်ယွဲ့ ဒီဇိုင်းထုတ်ထားသော ဝတ်စုံများမှာ ရိုးရှင်းသော်လည်း အနုစိတ်လှပြီး ဝတ်ဆင်လိုက် သည့်အခါ  ခန့်ညားထည်ဝါမှုကို ပေးစွမ်းနိုင် သည်။</p> <p> </p> <p>မင်ယွဲ့က သူမ၏ သူငယ်ချင်းများအား ခယ်ဝင် နှင့် မိတ်ဆက်ပေးလိုက်သည်။ </p> <p> </p> <p>“ခယ်ဝင်က 'ဟယ်ယို' ဥက္ကဋ္ဌရဲ့ သမီးလေ" </p> <p> </p> <p>ဟု မင်ယွဲ့က ရှင်းပြလိုက်သည့်အခါ အားလုံးမှာ မှင်တက်သွားကြသည်။</p> <p> </p> <p> ထိပ်တန်းတက္ကသိုလ်မှ ကျောင်းသားများ ဖြစ်ကြသော်လည်း ဤမျှ ချမ်းသာကြွယ်ဝသော သူဌေးသမီးတစ်ဦးနှင့် တိုက်ရိုက်ဆုံတွေ့ရခြင်းမှာ သူတို့အတွက် ပထမဆုံးအကြိမ်ပင် ဖြစ်သည်။</p> <p> </p> <p>"သွားကြစို့... ငါ ညစာ ကျွေးမယ်"</p> <p> </p> <p>မင်ယွဲ့က ကားသော့ကို နှိပ်လိုက်သည့်အခါ ပြိုင်ကားအမိုက်စားကြီး၏ မီးများက လက်ခနဲ လင်းသွားသည်။</p> <p> </p> <p>"မစ္စမင်... ဒါက ရှင့်ကားလား"</p> <p> </p> <p>ခယ်ဝင်မှာ ကားဝါသနာအိုး မဟုတ်သော်လည်း ဤကား၏ တန်ဖိုးမှာ သန်းရာချီရှိကြောင်း သိထားသည်။ သူမသည် မိမိကားကို ထားပစ်ခဲ့ကာ မင်ယွဲ့၏ ဘေးခုံတွင် အလုအယက် ဝင်ထိုင် တော့သည်။</p> <p> </p> <p>စားသောက်ဆိုင်သို့ ရောက်သောအခါ သူတို့နှစ်ဦးမှာ အပြင်ဘက် ရှုခင်းများကို မြင်တွေ့ရသော မှန်တံခါးအနီးရှိ နေရာတွင် ထိုင်လိုက်ကြသည်။  </p> <p> </p> <p>မင်ယွဲ့က သူမ၏ အနွေးထည်ကို ချွတ်လိုက်သည့်အခါ ခယ်ဝင်မှာ မှင်တက်စွာ ငေးကြည့်နေမိသည်။ အလှပဂေးတစ်ဦးသည် မည်သည့်ဝတ်စုံနှင့်မဆို လိုက်ဖက်ညီစွာ တောက်ပနေတတ်သည် မဟုတ်ပါလား။</p> <p> </p> <p>ညစာစားပြီးသည့်အခါ ခယ်ဝင်က အတင်းအကျပ် ပေးချေလိုက်သည်။ </p> <p> </p> <p>သူမ၏ ဖခင် ခယ်ကျွန်းဟိုင်မှာ သမီးဖြစ်သူ မင်ယွဲ့နှင့် ရင်းနှီးနေသည်ကို သိသဖြင့် အိတ်ကပ်ထဲသို့ ငွေငါးသိန်းကို ချက်ချင်း လွှဲပေးထားခြင်း ဖြစ်သည်။ </p> <p> </p> <p>ခယ်ဝင်သည် လက်ထဲတွင် ငွေအလုံအလောက် ရှိနေသဖြင့် အလွန်ပင် ရက်ရောနေတော့သည်။ </p> <p> </p> <p>သူမသည် တစ်လလျှင် လူနေမှုစရိတ် နှစ်သိန်းခန့် သုံးစွဲလေ့ရှိပြီး အများစုမှာ ဟန်ဖုဝတ်စုံများ ဝယ်ယူရန်အတွက် ဖြစ်သည်။ </p> <p> </p> <p>ယခုအခါ ဖခင်ဖြစ်သူက ငွေငါးသိန်းအထိ ပေးထားသဖြင့် သူမ၏ စိတ်ကူးထဲတွင် မင်ယွဲ့နှင့် အတူ ပျော်ရွှင်စရာ ညနေခင်းတစ်ခုကို ပိုင်ဆိုင် ရန်သာ ရည်မှန်းထားတော့သည်။</p> <p> </p> <p> </p> <p style="text-align:center">***</p>


Save