Book List

<h2 style="text-align: center;">အခန်း (၄၂၃)</h2> <h2 style="text-align: center;">ကောင်းကင်ဘုံသို့ ပျံတက်ခြင်း</h2> <h2 style="text-align: center;">*</h2> <p> </p> <p>မင်ယွဲ့နှင့် မိုဟန်ကျီတို့သည် မုနီယန်ပေးအပ်ထားသော အထူးဖိတ်ကြားစာများကို ကိုင်ဆောင်ကာ သီးသန့်ဝင်ပေါက်မှတစ်ဆင့် ပြပွဲခန်းမအတွင်းသို့ တိုက်ရိုက်ဝင်ရောက်ခဲ့ကြသည်။ </p> <p> </p> <p>စင်နောက်ကွယ်တွင်မူ မုနီယန်တစ်ယောက် အလုပ်ရှုပ်လျက်ရှိသည်။ </p> <p> </p> <p>ယနေ့သည် သူမ၏ ကိုယ်ပိုင်ဖက်ရှင်ရှိုးဖြစ်ရာ အကြိမ်ပေါင်းများစွာ ပြုလုပ်ခဲ့ဖူးသော်လည်း ပွဲတိုင်းကို သူမ၏ဘဝတွင် အရေးအကြီးဆုံးအရာအဖြစ် မှတ်ယူကာ အစွမ်းကုန် အာရုံစိုက်ထားခြင်း ဖြစ်သည်။</p> <p> </p> <p>ဖက်ရှင်ရှိုး စတင်သည်နှင့် ခန်းမအတွင်းရှိ မီးများမှာ ရုတ်ချည်း ငြိမ်းသွားပြီး စင်မြင့်ထက်တွင်မူ ဝေဝေဆာဆာ လင်းလက်လာတော့သည်။ </p> <p> </p> <p>စင်မြင့်၏ နောက်ခံကားချပ်မှာ ပန်းရောင်ပင်လယ်ပြင်ကြီးအလား ဖန်တီးထားပြီး နာမည်ကျော်ဒီဇိုင်းနာ မုနီယန်၏ ယခုအကြိမ် အဓိကသဘောတရားမှာ "ပန်းများဖူးပွင့်ဝေဆာခြင်း" ပင် ဖြစ်သည်။</p> <p> </p> <p>မော်ဒယ်လ်များ စင်ပေါ်သို့ လျှောက်လှမ်းလာသည့်အခါ သူတို့၏ ခြေလှမ်းတိုင်းမှာ နူးညံ့သိမ်မွေ့လှသည်။ </p> <p> </p> <p>ဖန်သားပြင် ကြမ်းပြင်ထက်တွင် ခြေချလိုက်တိုင်း ပန်းရောင်မက်မွန်ပန်းလေးများ ပွင့်အံလာသည့် မြင်ကွင်းမှာ အလွန်ပင် ဆွဲဆောင်မှုရှိလှသည်။ </p> <p> </p> <p>အကောင်းဆုံးသော ရှုခင်းကြည့်နေရာတွင် ထိုင်နေသည့် မင်ယွဲ့မှာ စင်မြင့်ထက်၌ လွင့်ပျံနေသော မက်မွန်ပွင့်ဖတ်လေးများကိုပင် အနီးကပ် မြင်တွေ့နေရသည်။ </p> <p> </p> <p>ဤကဲ့သို့ သာမန်မျက်စိဖြင့် ကြည့်ရုံနှင့် သရီးဒီ (3D) အကျိုးသက်ရောက်မှုကို ရရှိစေရန်အတွက် နည်းပညာကုန်ကျစရိတ်မှာ အလွန်မြင့်မားမည်မှာ အသေအချာပင်။</p> <p> </p> <p>ဤမျှ လှပလွန်းလှသော ပတ်ဝန်းကျင်အလယ်တွင် မော်ဒယ်လ်များ ဝတ်ဆင်ထားသော ဝတ်စုံများမှာ မှေးမှိန်မသွားဘဲ ပိုမို၍ပင် ထင်ပေါ်နေတော့သည်။ </p> <p> </p> <p>လက်မောင်းလှုပ်ရှားမှု၊ အင်္ကျီလက်ဖျားလေးများကို ခါထုတ်လိုက်ပုံနှင့် နောက်သို့လှည့်ကြည့်လိုက်သည့် အကြည့်တိုင်းက ဝတ်စုံ၏ လှပမှုကို အစွမ်းကုန် ဖော်ဆောင်နေသည်။ </p> <p> </p> <p>မင်ယွဲ့သည် မုနီယန်၏ အရည်အချင်းအပေါ် အထူးပင် လေးစားမိသွားသည်။ သူမအနေဖြင့် သင်ယူရမည့်အရာများစွာ ရှိနေသေးကြောင်းလည်း ကိုယ်တိုင် ခံစားလိုက်ရသည်။</p> <p> </p> <p>ဖက်ရှင်ရှိုးအဆုံးတွင် ဒီဇိုင်းနာနှင့် မော်ဒယ်လ်များက ပရိသတ်ကို ဂါရဝပြုကြသည်။ </p> <p> </p> <p>စင်အလယ်တွင် စကားပြောနေသော မုနီယန်သည် အလွန်ပင် တောက်ပနေတော့သည်။ ထိုစဉ် ဖန်သားပြင်ကြီးပေါ်၌ မင်ယွဲ့ ပါဝင်ရိုက်ကူးထားသည့် ပရိုမိုးရှင်း ဗီဒီယိုကို ပြသလိုက်သည်။</p> <p> </p> <p>"ဒီ 'ပန်းများဖူးပွင့်ခြင်း' စီးရီးမှာ ကျွန်မ အကြိုက်ဆုံးကတော့ သစ်တော်ပန်းစီးရီးပါပဲ။ </p> <p> </p> <p>ကျွန်မ လေးစားရတဲ့သူတစ်ယောက်က ဒါကို ဝတ်ဆင်ပြပေးတဲ့အတွက် အရမ်းဝမ်းသာရပါတယ်။ </p> <p> </p> <p>အခု သစ်တော်ပန်းစီးရီးအပြင် တခြားစီးရီးတွေကိုလည်း တရားဝင်ဝက်ဘ်ဆိုက်မှာ စတင်ဝယ်ယူနိုင်ပါပြီ" ဟု မုနီယန်က ဆိုသည်။</p> <p> </p> <p>မိုဟန်ကျီမှာမူ မုနီယနိပြောသည်ကို အာရုံမရဘဲ ဖန်သားပြင်ပေါ်ရှိ မင်ယွဲ့၏ ပုံရိပ်ကိုသာ ငေးကြည့်နေမိသည်။ </p> <p> </p> <p>အွန်လိုင်းတွင် ကြည့်ဖူးသော်လည်း ဤကဲ့သို့ ဧရာမဖန်သားပြင်ကြီးပေါ်တွင် မြင်တွေ့ရခြင်းမှာ ခံစားချက်ချင်း လုံးဝ မတူပေ။ </p> <p> </p> <p>အထူးသဖြင့် အွန်လိုင်းဗီဒီယိုတွင် အချိန်ကန့်သတ်ချက်ကြောင့် ဖြတ်တောက်ထားသော အခန်းအချို့ကိုပါ ယနေ့တွင် အပြည့်အစုံ မြင်တွေ့လိုက်ရသည်။</p> <p> </p> <p>ပရိသတ်များမှာလည်း အွန်လိုင်းထက်တွင် တခဲနက် ဆွေးနွေးနေကြသည်။ မင်ယွဲ့နှင့် မိုဟန်ကျီတို့ လက်ချင်းတွဲကာ ပွဲကြည့်နေသည့်ပုံရိပ်ကို ကင်မရာက ဖမ်းမိသွားသည့်အခါ သူတို့မှာ ပို၍ပင် စိတ်လှုပ်ရှားသွားကြတော့သည်။</p> <p> </p> <p>"မမယွဲ့ယွဲ့က အပြင်မှာ ပိုလှတာပဲ ဒါ မိတ်ကပ်မပါတဲ့ မျက်နှာပဲ ဖြစ်ရမယ်"</p> <p> </p> <p>"အသားအရေက နို့နှစ်ရောင်လို ဝင်းပနေတာပဲနှုတ်ခမ်းနီနီ သွားဖြူဖြူဆိုတာ ဒါမျိုးကို ပြောတာပဲ ဖြစ်မယ်"</p> <p> </p> <p>သူတို့၏ ချစ်ကြည်နူးမှုကို ကြည့်ကာ အားကျသူများ ရှိသကဲ့သို့ တစ်ဖက်တွင်လည်း 'ဟယ်ယို' ဝက်ဘ်ဆိုက်၌ အဝတ်အစားများကို အလုအယက် မှာယူနေကြသူများကြောင့် ပစ္စည်းများမှာ မိနစ်ပိုင်းအတွင်းမှာပင် ပြတ်လပ်သွားခဲ့ရသည်။ </p> <p> </p> <p>ဤဖက်ရှင်ရှိုးသည် ရောင်းအားကို ကောင်းကင်ဘုံသို့ ရောက်ရှိသွားစေသည်ဟုပင် ဆိုနိုင်ပေသည်။</p> <p> </p> <p>လေ့ကျင့်ရေးကွင်းသို့ မင်ယွဲ့ ရောက်ရှိလာသည့်အခါ ကျိုးခယ်က မီးရှူးမီးပန်းလေးအလား အပြေးလေး ရောက်လာသည်။</p> <p> </p> <p>"မမယွဲ့ယွဲ့”</p> <p> </p> <p>မင်ယွဲ့က သူမ၏ ခေါင်းလေးကို အသာအယာ ပွတ်သပ်ပေးလိုက်ရင်း— </p> <p> </p> <p>“နေကောင်းလား... နည်းပြတို့ မင်္ဂလာပါရှင်" </p> <p> </p> <p>ဟု နှုတ်ဆက်လိုက်သည်။ </p> <p> </p> <p>ထိုစဉ် အမျိုးသားအသင်းသားများလည်း ရောက်ရှိလာကြသည်။</p> <p> </p> <p>အမျိုးသားအသင်းနည်းပြ လျူသည် မင်ယွဲ့ကို မြင်သည်နှင့် စူးစမ်းကြည့်သည်။ </p> <p> </p> <p>ဤမျှ လှပသော မိန်းကလေးမှာ အသင်းဝင်သစ် ဖြစ်လိမ့်မည်ဟု သူ မထင်ထားခဲ့ပေ။</p> <p> </p> <p> အားကစားလောကတွင် ပါရမီမှာ အရေးကြီးသော်လည်း စောစီးစွာ လေ့ကျင့်မှုက ပို၍ အရာရောက်တတ်သည်။ သို့သော် နည်းပြဟွမ်တို့၏ ရွေးချယ်မှုကို သူ ယုံကြည်ရန် ဆုံးဖြတ်လိုက်ညသည်။</p> <p> </p> <p>ယနေ့တွင် အမျိုးသားအသင်းနှင့် အမျိုးသမီးအသင်းကြား ယှဉ်ပြိုင်ပွဲ ပြုလုပ်မည် ဖြစ်သည်။ အသင်းသားများမှာ အုပ်စုနှစ်စု ခွဲ၍ မြား ၃၆ စင်းစီ ပစ်ခတ်ရမည် ဖြစ်သည်။ </p> <p> </p> <p>မင်ယွဲ့သည် ဒုတိယအုပ်စုတွင် ပါဝင်သည်။ </p> <p> </p> <p>သူမသည် အသင်း၏ ဝတ်စုံကို ဝဲဘက်ရင်ဘတ်တွင် နိုင်ငံတော်အလံပါရှိသော လေ့ကျင့်ရေးဝတ်စုံနှင့် လဲလှယ်လိုက်သည့်အခါ ပို၍ပင် ခန့်ညားသွားတော့သည်။</p> <p> </p> <p>နည်းပြ၏ အမိန့်အဆုံးတွင် မင်ယွဲ့သည် မြားကို ကျည်တောက်ထဲမှ ဆွဲထုတ်ကာ လေးကြိုးတင်ပြီး အရှိန်အဟုန်ဖြင့် ပစ်လွှတ်လိုက်သည်။ </p> <p> </p> <p>သူမ၏ လှုပ်ရှားမှုတိုင်းမှာ ချီတုံချတုံ ဖြစ်နေခြင်း မရှိဘဲ ပြတ်သားလွန်းလှသည်။</p> <p> </p> <p>"သူ ပစ်မှတ်ကို ထိရဲ့လား" </p> <p> </p> <p>ဟု နည်းပြလျူက မယုံသင်္ကာ မေးသည်။ </p> <p> </p> <p>မင်ယွဲ့မှာ အလွန်ပင် ပေါ့ပေါ့ပါးပါး ပစ်ခတ်နေသဖြင့် ရလဒ်ကောင်းမည်ဟု သူ မထင်မိခြင်း ဖြစ်သည်။</p> <p> </p> <p>"သူက အမြဲတမ်း ဒီလိုပဲ... ခဏနေရင် သိရမှာပေါ့" </p> <p> </p> <p>ဟု နည်းပြဟွမ်က တည်ငြိမ်စွာ ဆိုသည်။</p> <p> </p> <p>မှတ်တမ်းတင်သူ၏ အသံထွက်ပေါ်လာသည့် အခါ အားလုံး မှင်တက်သွားကြသည်။</p> <p> </p> <p>"၃၅၉ မှတ်”</p> <p> </p> <p>နည်းပြလျူမှာ ပါးစပ်အဟောင်းသား ဖြစ်သွားရသည်။ ဤမျှ မြင့်မားသော ရမှတ်မျိုးကို သူ၏ သက်တမ်းတစ်လျှောက် တွေ့ရခဲလှသည်။</p> <p> </p> <p>"ဒါက သူ့ရဲ့ အကောင်းဆုံးရလဒ် မဟုတ်သေးဘူး သူ အမှတ်ပြည့် ၃၆၀ တောင် ရဖူးသေးတယ်" </p> <p> </p> <p>ဟု နည်းပြဟွမ်က ဂုဏ်ယူစွာ ပြောလိုက်သည်။</p> <p> </p> <p>ဤရလဒ်သည် အမျိုးသားအသင်းသားများကိုပါ တုန်လှုပ်သွားစေသည်။ </p> <p> </p> <p>အမျိုးသားအသင်းမှ ပထမရသူ ကျန်းဟယ်ပင် ၃၄၀ မှတ်သာ ရရှိခဲ့သည်။ </p> <p> </p> <p>ကျန်းဟယ်သည် မင်ယွဲ့ကို လှမ်းကြည့်လိုက်ရင်း သူမ၏ အရည်အချင်းအပေါ် အံ့ဩလေးစားစိတ်များ ဖြစ်ပေါ်လာတော့သည်။ </p> <p> </p> <p>မင်ယွဲ့သည် သူမ၏ ကိုယ်ပိုင် ရည်မှန်းချက်ဖြစ်သော နိုင်ငံတော်အတွက် ဂုဏ်ဆောင်ရန်ဟူသော ပန်းတိုင်ဆီသို့ ကောင်းကင်ဘုံသို့ ပျံတက်မည့် ငှက်ငယ်တစ်ကောင်အလား အရှိန်အဟုန်ဖြင့် စတင်ချီတက်နေပြီ ဖြစ် တော့သည်။</p> <p> </p> <p style="text-align: center;">***</p> <p> </p>


Save