Book List

<h2 style="text-align: center;">အပိုင်း ၅၅၄</h2> <h2 style="text-align: center;"> အမည်စာရင်းတင်သွင်းခံရခြင်းကို ငြင်းပယ်ခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p>နိုဘယ်ဆုသည် သိပ္ပံနှင့် နည်းပညာလောကတွင် အမြင့်ဆုံးဆုဖြစ်၏။</p> <p> </p> <p>ယဲ့ချန်း၏ စွမ်းအင်သစ်နယ်ပယ်အတွင်းရှိ ထူးချွန်ပြောင်မြောက်သော အောင်မြင်မှုများကြောင့် မစ္စတာယဲ့ချန်းအား နိုဘယ်ဆုအတွက် အမည်စာရင်းတင်သွင်းထားကြောင်း စာထဲတွင် ဖော်ပြထားသည်။</p> <p> </p> <p>သိပ္ပံနှင့်နည်းပညာနယ်ပယ်အတွင်းတွင် ယဲ့ချန်းသည် ပထမဆုံး ဆန်ခါတင်ရွေးချယ်ခံရသူဖြစ်၏။</p> <p> </p> <p>နိုဘယ်ဆုမှာ မည်သည့်နယ်ပယ်တွင်မဆို သြဇာအညောင်းဆုံး ဆုတစ်ခုပင်။</p> <p> </p> <p>ဤဆုကိုရရှိသူများမှာ သက်ဆိုင်ရာနယ်ပယ် အသီးသီးတွင် ကမ္ဘာကြီးအတွက် ထူးချွန်ပြောင်မြောက်သော အကျိုးပြုမှုများ ပြုလုပ်ခဲ့ကြသူများ ဖြစ်သည်။</p> <p> </p> <p>ယဲ့ချန်း၏ နျူကလီးယားပေါင်းစပ်ဓာတ်ပေါင်းဖိုက စွမ်းအင်လုပ်ငန်းကို ရှေ့ဆောင်လမ်းပြနိုင်ခဲ့သည်ဟု ဆိုနိုင်ပေသည်။ သူ့အနေနှင့် ဤဆုကို ရရှိခြင်းနှင့်ပတ်သက်၍ အငြင်းပွားစရာမရှိပေ။</p> <p> </p> <p>မည်သို့ပင်ဖြစ်စေ ဤသည်မှာ ယဲ့ချန်းအတွက် အမြင့်ဆုံးသော ဂုဏ်ယူဖွယ်ရာကိစ္စရပ်ပင်။</p> <p> </p> <p>ဤသည်မှာ ဟွားနိုင်ငံအတွက်လည်း ဂုဏ်ယူစရာကိစ္စဖြစ်၏။ ဟွားနိုင်ငံ၏ နည်းပညာသည် ယခုမူ ကမ္ဘာ့ရှေ့တန်းသို့ ခုန်တက်သွားပြီဖြစ်ပြီး တစ်ချိန်က နေရာတိုင်းတွင် အရှုံးပေးခဲ့ရသော ခေတ်နောက်ကျနေသည့် ဟွားနိုင်ငံ မဟုတ်တော့ပေ။</p> <p> </p> <p>အရှေ့တိုင်းနဂါးကြီး နိုးထလာခဲ့လေပြီ။</p> <p> </p> <p>ဤသတင်းက ဟွားနိုင်ငံတစ်ဝန်း အလျင်အမြန် ပျံ့နှံ့သွားခဲ့သည်။</p> <p> </p> <p>ပင်မဝက်ဘ်ဆိုက်များကလည်း သတင်းများကို အပြိုင်အဆိုင် ဖော်ပြကြသည်။</p> <p> </p> <p>ထိုအချိန်တွင် ဟွားနိုင်ငံရှိ ပင်မမီဒီယာကြီးများက သတင်းများကို အပြိုင်အဆိုင်တင်ဆက်ကြလေသည်။</p> <p> </p> <p>ဤသည်မှာ ဟွားနိုင်ငံကို စိတ်လှုပ်ရှားစေသည့် အဓိကဖြစ်ရပ်တစ်ခုပင်တည်း။</p> <p> </p> <p>မကြာခင်မှာပင် ယဲ့ချန်း နည်းပညာနိုဘယ်ဆုအတွက် အမည်စာရင်း တင်သွင်းခံရသည့် သတင်းက ရေပန်းအစားဆုံးသတင်း ဖြစ်လာခဲ့သည်။</p> <p> </p> <p>"မိုက်တယ်။ ကျောင်းအုပ်ယဲ့က အရမ်းတော်တာပဲ"</p> <p> </p> <p>"ထိုက်တန်ပါပေတယ်။ ဒီနျူကလီးယားပေါင်းစပ်ဓာတ်ပေါင်းဖိုကို ငါတို့ဟွားနိုင်ငံကပဲ ထုတ်လုပ်နိုင်ခဲ့တယ်လို့ ကြားတယ်"</p> <p> </p> <p>"စတားတက္ကသိုလ်က အခု ငါ့အိပ်မက်တက္ကသိုလ်ဖြစ်သွားပြီ"</p> <p> </p> <p>"ငါ့ရည်မှန်းချက်က ဟွားချင်းနဲ့ ကျိုတို တက္ကသိုလ်တွေ မဟုတ်တော့ဘူး။ စတားတက္ကသိုလ်ဖြစ်သွားပြီ"</p> <p> </p> <p>ယဲ့ချန်းကြောင့် လူအမြောက်အများက သူတို့ကြိုးစားအားထုတ်ရမည့် ရည်မှန်းချက်များကို ပြောင်းလဲခဲ့ကြသည်။</p> <p> </p> <p>ဤသတင်းက အားဆေးတစ်ခွက်လို ဖြစ်သွားပြီး စတားတက္ကသိုလ်၏ ရေပန်းစားမှုကို နောက်တစ်ကြိမ် လှုပ်နှိုးလိုက်သလို ဖြစ်သွားလေသည်။</p> <p> </p> <p>မည်သို့ပင်ဆိုစေကာမူ နည်းပညာနိုဘယ်ဆုမှာ ကြီးမားလှသော ဂုဏ်ထူးဆောင်ဆုကြီးပင်။</p> <p> </p> <p>စတားတက္ကသိုလ်နှင့် ယဲ့ချန်း၏ နာမည်မှာလည်း အွန်လိုင်းပေါ်တွင် ပျံ့နှံ့သွားသည်။</p> <p> </p> <p>သို့သော် ယဲ့ချန်း၏ လုံခြုံရေးအတွက် သူ့ဓာတ်ပုံကို မီဒီယာများတွင် ဖော်ပြခြင်းမရှိခဲ့ပေ။</p> <p> </p> <p>ထိုအချိန်တွင် စတားတက္ကသိုလ်လည်း စိတ်လှုပ်ရှားမှုတွင် နစ်မြောနေခဲ့သည်။</p> <p> </p> <p>သူတို့၏ကျောင်းအုပ်ကြီးက နိုဘယ်ဆုအတွက် အမည်စာရင်းတင်သွင်းခံရခြင်းမှာ သူတို့အတွက်လည်း အကြီးမားဆုံး ဂုဏ်ယူဖွယ်ရာကိစ္စရပ်ပင်။</p> <p> </p> <p>သတင်းများကို ဖတ်ရှုနေသည့် ယဲ့ချန်းလည်း အလွန်ကျေနပ်ပီတိဖြစ်နေမိသည်။</p> <p> </p> <p>ဤဆုသည် သူ့အတွက်တော့ ကြီးမားလှသော အသိအမှတ်ပြုမှုတစ်ခုပင်။</p> <p> </p> <p>ယခုအခါတွင် သူသည် စီးပွားရေးလောကတွင် အောင်မြင်မှုများ ရရှိထားရုံသာမက နည်းပညာနယ်ပယ်တွင်လည်း အံ့ဖွယ်အသစ်များကို ဖန်တီးနိုင်ခဲ့ပြီဖြစ်၏။</p> <p> </p> <p>အကယ်၍ ဤနည်းပညာများကို တစ်ကမ္ဘာလုံးတွင် အသုံးပြုမည်ဆိုပါက ကမ္ဘာ့စွမ်းအင်ပြဿနာ ပြေလည်သွားမည်မှာ သေချာသည်။</p> <p> </p> <p>သို့သော် ယဲ့ချန်းကတော့ ဤနည်းပညာများကို သာမန်ကာလျှံကာ ထုတ်ဖော်ပြသ၍မရကြောင်း နားလည်ထားသည်။</p> <p> </p> <p>နျူကလီးယားပေါင်းစပ်နည်းပညာက အလွန်ကြောက်မက်ဖွယ်ကောင်းလှသည်။ သာမန်သေနတ်တစ်လက်ကိုပင် ဒုံးကျည်ကဲ့သို့ ပစ်ခတ်နိုင်အောင် လုပ်ဆောင်ပေးနိုင်သည်။</p> <p> </p> <p>ထို့ကြောင့် ဟွားနိုင်ငံက ဤနည်းပညာကို အခြားနိုင်ငံများသို့ အကြောင်းမဲ့သက်သက် ထုတ်မပေးခြင်းပင်။</p> <p> </p> <p>အချို့နိုင်ငံများသည် ဤနည်းပညာကို ရရှိပါက စစ်ပွဲများတွင် ချက်ချင်းအသုံးပြုကြလိမ့်မည်။ ထိုအရာက ယဲ့ချန်း အလိုမရှိသော အရာပင်။</p> <p> </p> <p>ဤသည်မှာလည်း နိုင်ငံပေါင်းများစွာက ကမ်းလှမ်းလာသော စျေးကြီးလှသည့် မူပိုင်ခွင့်ကမ်းလှမ်းချက်များကို ယဲ့ချန်းငြင်းပယ်ရသည့် အဓိကအကြောင်းအရင်းပင်။</p> <p> </p> <p>သူ့အမြင်တွင် အရေးအကြီးဆုံးဖြစ်သည့် ကမ္ဘာ့ငြိမ်းချမ်းရေးနှင့်ယှဉ်လျှင် နိုဘယ်ဆုက ဘာမှမပြောပလောက်ပေ။</p> <p> </p> <p>အကြီးအကဲဝေ့က ယဲ့ချန်းကို ဂုဏ်ပြုရန်အတွက် ကျောင်းသို့ ကိုယ်တိုင်ကိုယ်ကျ ရောက်လာခဲ့သည်။</p> <p> </p> <p>"ညီလေးယဲ့... ဂုဏ်ယူပါတယ်။ မင်းက ဟွားနိုင်ငံအတွက် သမိုင်းသစ်တစ်ခု ဖန်တီးပေးနိုင်ခဲ့ပြီ"</p> <p> </p> <p>ဤကိစ္စကို အထက်လူကြီးများကလည်း အလွန်အလေးထားနေကြသည်။</p> <p> </p> <p>ဤဂုဏ်ကျက်သရေသည် ကမ္ဘာကြီးက ယဲ့ချန်းကို အသိအမှတ်ပြုခြင်း သို့မဟုတ် ဟွားနိုင်ငံကို အသိအမှတ်ပြုခြင်းဟုပင် ဆိုနိုင်ပေသည်။</p> <p> </p> <p>ဤဆုကို ရရှိသူများမှာ တစ်ချိန်က ကမ္ဘာကြီးကို ပြောင်းလဲပေးခဲ့သူများဖြစ်ကြောင်း သိထားရန် အရေးကြီးလှသည်။</p> <p> </p> <p>ယခုတော့ သူတို့ဟွားနိုင်ငံသားများထဲက ဤသို့သော အမြင့်ဆုံးနေရာကို ရပ်တည်နိုင်သူတစ်ယောက် နောက်ဆုံးတော့ ထွက်ပေါ်လာခဲ့လေပြီ။</p> <p> </p> <p>ယဲ့ချန်းက ခပ်ဖွဖွပြုံးလိုက်၏။</p> <p> </p> <p>"ဒါက အပေါ်ယံဂုဏ်ပကာသနသက်သက်ပါ။ ဘာမှအရေးမပါပါဘူး"</p> <p> </p> <p>ယဲ့ချန်း၏ တည်ငြိမ်နေလေဟန် အမူအရာကို မြင်လိုက်ရသောအခါ အကြီးအကဲဝေ့ ခဏမျှမှင်တက်သွားသည်။</p> <p> </p> <p>သတင်းရရချင်း သူကိုယ်တိုင် စိတ်လှုပ်ရှားသွားခဲ့ရသော်လည်း ယဲ့ချန်းကမူ ဤကိစ္စကို အေးအေးဆေးဆေးသာ သဘောထားပေသည်။</p> <p> </p> <p>သို့သော် အကြီးအကဲဝေ့ အမြန်သဘောပေါက်သွားသည်။</p> <p> </p> <p>ယဲ့ချန်း၏တုံ့ပြန်မှုမှာ အလွန်ပုံမှန်ဆန်လှသည်။</p> <p> </p> <p>ယဲ့ချန်းအနေနှင့် မည်သူ့ကိုမှ သက်သေပြရန် မလိုတော့ပေ။ သူသည် သူ့စွမ်းရည်သက်သက်ဖြင့် အရာအားလုံးကို သက်သေပြခဲ့ပြီးဖြစ်၏။</p> <p> </p> <p>သူတို့နှစ်ယောက် ခဏမျှ စကားစမြည်ပြောပြီးနောက် အကြီးအကဲဝေ့ ပြန်သွားခဲ့သည်။</p> <p> </p> <p>နိုဘယ်ဆုရွေးချယ်ရေးတွင် ယဲ့ချန်းသည် ဆန်ခါတင်စာရင်းတွင် ပါဝင်နေသော်လည်း အပြီးသတ်ဆုရှင်ကို သတ်မှတ်ရန်အတွက် နောက်ဆုံးအကဲဖြတ်မှု လိုအပ်ပေသည်။</p> <p> </p> <p>တစ်နည်းအားဖြင့်ဆိုရလျှင် ယဲ့ချန်း ဆုရရှိခြင်းမှာ ပထမခြေလှမ်းမျှသာ ရှိသေးသည်။</p> <p> </p> <p>သို့သော် ယဲ့ချန်း၏ရှာဖွေတွေ့ရှိမှုမှာ စင်စစ်အံ့မခန်းဖွယ်ရာပင်။</p> <p> </p> <p>သူ့ရှာဖွေတွေ့ရှိမှုက ကမ္ဘာ့စွမ်းအင်ပြဿနာများကို ဖြေရှင်းရန် လုံလောက်သည်ဟုပင် ဆိုနိုင်သည်။</p> <p> </p> <p>ဤမျှကြီးမားလှသော အကျိုးပြုမှုမျိုးနှင့်ဆိုလျှင် မည်သို့နှယ် ဆုမရဘဲနေမည်နည်း။</p> <p> </p> <p>လူတိုင်းက ယဲ့ချန်း ဆုရမည့်အချိန်ကို စောင့်မျှော်နေကြသည်။</p> <p> </p> <p>သို့သော် မကြာခင်မှာပင် စာတစ်စောင် ထပ်ရောက်လာခဲ့သည်။</p> <p> </p> <p>ယဲ့ချန်းကတော့ ဆုပေးပွဲအခမ်းအနားအတွက် ဖိတ်စာဟု ထင်ခဲ့သော်လည်း စာကို ဖွင့်ကြည့်လိုက်သောအခါ သူ့အမူအရာ အနည်းငယ်ပြောင်းလဲသွားသည်။</p> <p> </p> <p>အကြောင်းမှာ ဆုရရှိရန်အတွက် ယဲ့ချန်းအနေနှင့် ထိုနည်းပညာကို ကမ္ဘာရှေ့မှောက်တွင် ထုတ်ဖော်ပြသရန် စာထဲတွင် တောင်းဆိုထားသောကြောင့်ပင်။</p> <p> </p> <p>ယင်းမှာ ယဲ့ချန်းကို ထောင်ချောက်ဆင်လိုက်သည်ဟုပင် ဆိုနိုင်သည်။</p> <p> </p> <p>သိပ္ပံနယ်ပယ်ရှိ အမြင့်ဆုံးသော ဂုဏ်ထူးဆောင်ဆုကို ရရှိရန်အတွက် နည်းပညာကို ထုတ်ပေးရမည်တဲ့လား။</p> <p> </p> <p>ယဲ့ချန်း၏အမူအရာကား အလွန်တင်းမာသွားသည်။</p> <p> </p> <p>ထိုအကြောင်းကြားစာတွင် ကြီးကျယ်ခမ်းနားသော စကားလုံးများဖြင့် ရေးသားထားပြီး လူသားများအတွက် အမှန်တကယ် အကျိုးပြုနိုင်ရန် ယဲ့ချန်းဘက်က နည်းပညာအချက်အလက်များကို ထုတ်ဖော်ပြသမှသာ ဆုရရှိရန် အခွင့်အရေးရှိကြောင်း ဖော်ပြထားသည်။</p> <p> </p> <p>ဤဆုက ငါးစာသက်သက်ဖြစ်ကြောင်း နောက်ဆုံးတော့ သူ နားလည်လိုက်ချေပြီ။</p> <p> </p> <p>သူတို့၏ရည်ရွယ်ချက်က ရှင်းသည်။ ထိုဆုကိုအသုံးချ၍ နျူကလီးယားပေါင်းစပ်နည်းပညာကို လွှဲပြောင်းပေးရန် သူ့ကို အတင်းအကျပ် ဖိအားပေးနေခြင်းပင်။</p> <p> </p> <p>နိုဘယ်ဆုဆိုသည်မှာ သိပ္ပံပညာရှင်တိုင်း၏ အိပ်မက်ဖြစ်သည်။</p> <p> </p> <p>ယဲ့ချန်းက အခြားနိုင်ငံများ၏ ဝယ်ယူမှုများကို ငြင်းပယ်ခဲ့သောကြောင့် သူတို့က ဤနည်းလမ်းကို ထုတ်သုံးပြီး ယဲ့ချန်းကို အချက်အလက်များ လွှဲပြောင်းပေးရန် အတင်းအကျပ် ဖိအားပေးနေခြင်းသာ။</p> <p> </p> <p>အကယ်၍ ယဲ့ချန်းကသာ အချက်အလက်များကို ထုတ်ပြခဲ့လျှင် သူ့အနေနှင့် ဆုရရှိနိုင်သော်လည်း အချက်အလက်များကို အခြားနိုင်ငံများရှိ သိပ္ပံပညာရှင်များက ရသွားကြမည်သာ။</p> <p> </p> <p>နျူကလီးယားပေါင်းစပ်နည်းပညာကို ပိုင်ဆိုင်သွားသည်နှင့် လူသားများကို အကျိုးပြုနိုင်သလို ပျက်စီးစေသည့် ရလဒ်များလည်း ထွက်ပေါ်လာနိုင်သည်။</p> <p> </p> <p>ဤအဖြစ်ကို ယဲ့ချန်း လုံးဝခွင့်မပြုနိုင်ချေ။</p> <p> </p> <p>မကြာခင် အကြီးအကဲဝေ့ထံမှ ယဲ့ချန်း ဖုန်းလက်ခံရရှိခဲ့သည်။</p> <p> </p> <p>"ယဲ့ချန်း... ငါတို့လည်း အကြောင်းကြားစာရတယ်။ ဒီကိစ္စကို မင်း ဘယ်လိုထင်လဲ"</p> <p> </p> <p>အချက်အလက်များက ယဲ့ချန်း၏လက်ထဲတွင် ရှိနေသည်ဖြစ်ရာ ယဲ့ချန်းဘက်က ထုတ်ပေးမည်ဟု ဆိုလာပါက သူ့အနေနှင့် မတတ်သာသောကြောင့် အကြီးအကဲဝေ့ခမျာ အလွန်စိုးရိမ်နေပေသည်။</p> <p> </p> <p>သို့သော် ယဲ့ချန်းက ခပ်ဖွဖွပြုံးလိုက်၏။</p> <p> </p> <p>"ဒါက ဆုတစ်ခုသက်သက်ပါ။ ဘာမှအရေးမကြီးပါဘူး"</p> <p> </p> <p>ထိုသို့ပြောပြီးနောက် ယဲ့ချန်းက စတားတက္ကသိုလ်၏ တရားဝင်ဖိုရမ်တွင် ကြေညာချက်တစ်ခုကို တင်လိုက်သည်။</p> <p> </p> <p>"အခုကစပြီး စတားတက္ကသိုလ်မှ ကျောင်းသားများအနေနှင့် နိုဘယ်ဆုအတွက် အမည်စာရင်းတင်သွင်းမှုကို လက်ခံတော့မည်မဟုတ်ပါ"</p> <p> </p> <p>ဤသည်မှာ ယဲ့ချန်း၏တုံ့ပြန်မှုပင်။</p> <p> </p> <p>ရဲရင့်ပြီး ပြတ်သားလှသည်။</p> <p> </p> <p>မင်းတို့က ငါ့ကို လာခြိမ်းခြောက်နေတာလား။ ငါ မင်းတို့ရဲ့ကစားပွဲကို ဆက်မကစားတော့ဘူး။ ငါကိုယ်တိုင် ဆန်ခါတင်စာရင်းက ထွက်လိုက်ပြီ။</p> <p> </p> <p>ယဲ့ချန်း၏ အဓိကရည်ရွယ်ချက်က ကျောင်းသားများအတွက်သာ။ ကျောင်းသားများ ဘွဲ့ရသွားပါက ယဲ့ချန်း ဝင်မစွက်ဖက်တော့ပေ။</p> <p> </p> <p>မကြာခင်မှာပင် စတားတက္ကသိုလ်၏ တရားဝင်ဝက်ဘ်ဆိုက်က စတားတက္ကသိုလ်ရှိ ကျောင်းသားများအနေနှင့် နိုဘယ်ဆုအတွက် အမည်စာရင်းတင်သွင်းမှုကို လက်ခံတော့မည်မဟုတ်ကြောင်း ကြေညာချက်ထုတ်ပြန်ခဲ့သည်။</p> <p> </p> <p>ထိုကြေညာချက်က စတားတက္ကသိုလ် တစ်ခုလုံးကို ပေါက်ကွဲသွားစေခဲ့သည်။</p> <p> </p> <p>ဟွားနိုင်ငံတစ်ဝန်းလုံးလည်း ပေါက်ကွဲသွားခဲ့သည်။</p> <p> </p> <p>ပညာရေးလောကတွင်ပင် ပွက်လောရိုက်သွားလေသည်။</p> <p> </p> <p>နိုဘယ်ဆုမှာ တစ်ကမ္ဘာလုံးရှိ နယ်ပယ်တိုင်းတွင် အမြင့်ဆုံးဂုဏ်ထူးဆောင်ဆု ဖြစ်ကြောင်း သိထားရပေမည်။</p> <p> </p> <p>မည်သူမဆို သို့မဟုတ် မည်သည့်အဖွဲ့အစည်းမဆို ဤဂုဏ်သရေကို ရရှိခြင်းမှာ ပညာရေးလောကတွင် နတ်ဘုရားတစ်ပါး ဖြစ်လာသလိုပင်။</p> <p> </p> <p>သို့သော် စတားတက္ကသိုလ်က အမည်စာရင်းတင်သွင်းမှုများကို လက်ခံတော့မည် မဟုတ်ကြောင်း လူသိရှင်ကြားကြေညာခဲ့သည်။</p> <p> </p> <p>သိပ်မကြာခင်မှာပင် နိုဘယ်ဆုဘက်က ယဲ့ချန်းအား နျူကလီးယားပေါင်းစပ်နည်းပညာကို ထုတ်ပေးရန် တောင်းဆိုခဲ့သည့် သတင်းလည်း ထွက်ပေါ်လာခဲ့သည်။</p> <p> </p> <p>မည်သူကမှ ယဲ့ချန်းကို အပြစ်မတင်ကြပေ။ သူတို့က ယဲ့ချန်း၏ ဆုံးဖြတ်ချက်ကိုပင် ထောက်ခံကြသည်။</p> <p> </p> <p>အထူးသဖြင့် စတားတက္ကသိုလ်ကျောင်းသားများပင်။ မည်သူတစ်ဦးတစ်ယောက်ကမှ မညည်းညူကြပေ။</p> <p> </p> <p>နိုဘယ်ဆုက ဘာလဲ။</p> <p> </p> <p>ယဲ့ချန်းက သူတို့၏အိပ်မက်များကို အတောင်ပတပ်ပေးခဲ့သူပင်။ ယဲ့ချန်းကြောင့်သာမဟုတ်လျှင် ယခုအချိန်တွင် သူတို့ တက္ကသိုလ်တက်ဖို့ အခွင့်အရေးပင် ရချင်မှရလိမ့်မည်။</p> <p> </p> <p>သူတို့ထဲရှိ လူတော်တော်များများက ရွှေ့ပြောင်းအလုပ်သမားများ၊ ပို့ဆောင်ရေးအလုပ်သမားများ၊ စားသောက်ဆိုင်စားပွဲထိုးများပင် ဖြစ်နေလောက်ချေပြီ။</p> <p> </p> <p>ထို့ကြောင့် ယဲ့ချန်း၏ မည်သည့် ဆုံးဖြတ်ချက်ကိုမဆို သူတို့အနေနှင့် ခြွင်းချက်မရှိ ထောက်ခံအားပေးကြသည်။</p> <p> </p> <p> </p> <p> </p> <p>••••••••••••••••</p> <p style="text-align: center;">***</p>


Save