Book List

<h2 style="text-align: center;">အပိုင်း ၅၅၅</h2> <h2 style="text-align: center;">စတားဆု</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ဤသတင်းက ဟွားနိုင်ငံတစ်ဝန်း အလျင်အမြန် ပျံ့နှံ့သွားခဲ့သည်။</p> <p> </p> <p>လူတော်တော်များများက ဤကိစ္စနှင့်ပတ်သက်၍ သံသယဖြစ်ကြောင်း ထုတ်ဖော်ပြောဆိုကြသည်။</p> <p> </p> <p>မည်သို့ပင်ဆိုစေကာမူ ဤအရာမှာ ဟွားနိုင်ငံသားများ ကမ္ဘာပေါ်တွင် ရရှိနိုင်သော အမြင့်ဆုံးဂုဏ်သရေကို ကိုယ်စားပြုနေပေသည်။</p> <p> </p> <p>"စတားတက္ကသိုလ်က တော်တော်ဘဝင်မြင့်လာပြီ။ နိုဘယ်ဆုကိုတောင် ငြင်းရဲတယ်တဲ့"</p> <p> </p> <p>"တကယ်စိတ်ပျက်စရာပဲ။ ငါက ယဲ့ချန်း ဟွားနိုင်ငံအတွက် သမိုင်းသစ်ရေးထိုးနိုင်မယ်လို့ ထင်ထားခဲ့တာ"</p> <p> </p> <p>"ဘာလို့ ငြင်းရတာလဲ။ ယဲ့ချန်းက စိတ်ပျက်ရမှာကို ကြောက်နေတာလား"</p> <p> </p> <p>"ကိုယ့်ဘာသာကိုယ် သတ္တိမရှိရင်တောင် ကလေးတွေရဲ့အခွင့်အရေးကို ဘာလို့ ပိတ်ပင်ရတာလဲ"</p> <p> </p> <p> </p> <p>...</p> <p> </p> <p> </p> <p>ဝဘ်ဆိုက်များအားလုံးတွင်လည်း ဤကိစ္စအကြောင်း ဆွေးနွေးနေကြပြီး မည်သူကမှ ယဲ့ချန်း၏ရွေးချယ်မှုကို နားမလည်နိုင်ကြပေ။</p> <p> </p> <p>သို့သော် ယဲ့ချန်းကတော့ မရှင်းပြခဲ့ပေ။</p> <p> </p> <p>ဟွားနိုင်ငံရှိ အဆင့်မြင့်အရာရှိကြီးတစ်ယောက်က ထိုကြေညာချက်ကို မြင်သောအခါ စိတ်သက်သာရာရဟန်ဖြင့် ခေါင်းညိတ်လိုက်လေသည်။</p> <p> </p> <p>"ကောင်းတယ်... ငါတို့လို ယန်နဲ့ဟွမ်မျိုးဆက်တွေက ဒီလိုမာနမျိုး ရှိရမယ်"</p> <p> </p> <p>ယဲ့ချန်းက ဆုကို စွန့်လွှတ်ခဲ့သော်လည်း ဤလုပ်ရပ်မှာ ဟွားနိုင်ငံတစ်ဝန်းလုံး ပြန်လည် နိုးထလာစေရေးအတွက်ပင်။</p> <p> </p> <p>အကယ်၍ ယဲ့ချန်းအနေနှင့် ဆုရချင်ဇောဖြင့် တကယ်လက်ခံခဲ့လျှင် စတားတက္ကသိုလ်သည် အစိုးရ၏ထောက်ပံ့မှုအားလုံးကို ဆုံးရှုံးသွားပေလိမ့်မည်။</p> <p> </p> <p>ယဲ့ချန်းက ဤမျှကြီးမားသည့် ဆုံးဖြတ်ချက်ကို ချမှတ်လိုက်ပြီဖြစ်ရာ ဤကိစ္စမှာ ယဲ့ချန်းတစ်ယောက်တည်းအပေါ်တွင်သာ မှီခိုနေ၍ မရတော့ပေ။</p> <p> </p> <p>မကြာခင် နိုဘယ်ကော်မတီ၏ ကြေညာချက်ကို သူတို့၏ တရားဝင်ဝဘ်ဆိုက်ကတစ်ဆင့် ထုတ်ပြန်ခဲ့သည်။</p> <p> </p> <p>ကြေညာချက်ကို မြင်လိုက်ရချိန်ဝယ် ဟွားနိုင်ငံသားများ အလွန်ဒေါသထွက်သွားကြသည်။</p> <p> </p> <p>"ဒါက တော်တော်လွန်လွန်းတယ်။ ငါတို့ ကြိုးကြိုးစားစား သုတေသနလုပ်ထားရတဲ့ဟာကို မင်းတို့ကို ဘာလို့အလကားပေးရမှာလဲ"</p> <p> </p> <p>"ယဲ့ချန်းကို ထောက်ခံတယ်။ ကျောင်းအုပ်ယဲ့လုပ်တာ မှန်တယ်"</p> <p> </p> <p>"အသုံးမကျတဲ့ ဆုပါကွာ။ ငါတို့ဟွားနိုင်ငံသားတွေ လက်မခံနိုင်ဘူး"</p> <p> </p> <p>မကြာခင် ဟွားနိုင်ငံရှိ ပင်မတက္ကသိုလ်များကလည်း ကြေညာချက်များ ထုတ်ပြန်လာကြသည်။</p> <p> </p> <p>"ဟွားချင်းတက္ကသိုလ်သည် နိုဘယ်ဆုအတွက် အမည်စာရင်းတင်သွင်းမှုများကို လက်ခံတော့မည်မဟုတ်ပါ"</p> <p> </p> <p>"မိုတုတက္ကသိုလ်သည် နိုဘယ်ဆုအတွက် အမည်စာရင်းတင်သွင်းမှုများကို လက်ခံတော့မည်မဟုတ်ပါ"</p> <p> </p> <p>"ကျန်းတက္ကသိုလ်သည် နိုဘယ်ဆုအတွက် အမည်စာရင်းတင်သွင်းမှုများကို လက်ခံတော့မည်မဟုတ်ပါ"</p> <p> </p> <p>ဟွားနိုင်ငံရှိ ပင်မတက္ကသိုလ်ကြီးများအားလုံးကလည်း တစ်ပုံစံတည်းတူညီသော ကြေညာချက်များကို ထုတ်ပြန်ခဲ့ကြသည်။</p> <p> </p> <p>ဟွားနိုင်ငံသားများ၏ စည်းလုံးညီညွတ်မှုမှာ ဤအချိန်တွင် အပြည့်အဝပေါင်းစည်းသွားခဲ့သည်။</p> <p> </p> <p>အွန်လိုင်းပေါ်တွင် နိုဘယ်ကော်မတီကို ဝေဖန်မှုများ ထွက်ပေါ်လာခဲ့သည်။</p> <p> </p> <p>"ဒါက သက်သက်အနိုင်ကျင့်တာပဲ"</p> <p> </p> <p>"ငါတို့ဟွားနိုင်ငံသားတွေက အသုံးမကျတဲ့ ဒီဆုကို ဂရုမစိုက်ဘူးကွ"</p> <p> </p> <p>လူတိုင်းနီးပါးက ယဲ့ချန်း၏ရွေးချယ်မှုကို ထောက်ခံကြသည်။</p> <p> </p> <p>အစောပိုင်းက ယဲ့ချန်းကို မေးခွန်းထုတ်ခဲ့သူများလည်း သူတို့၏ပို့စ်များကို တိတ်တဆိတ် ဖျက်ပစ်ခဲ့ကြသည်။</p> <p> </p> <p>ပင်မသတင်းမီဒီယာကြီးများကပင် မားမားမတ်မတ် ရပ်တည်လာကြပြီး နိုဘယ်ကော်မတီ၏ ဗိုလ်ကျစိုးမိုးသည့် အပြုအမူကို ဝေဖန်ခဲ့ကြသည်။</p> <p> </p> <p>ထိုအချိန်တွင် နိုဘယ်ကော်မတီကလည်း ထိုသတင်းကြောင့် တုန်လှုပ်သွားချေသည်။</p> <p> </p> <p>အမှန်တော့ သူတို့ဘက်က ကြမ်းတမ်းလှသော ဤဆုံးဖြတ်ချက်ဖြင့် ယဲ့ချန်းကို အချက်အလက်များ ထုတ်ပေးလာစေရန် အတင်းအကျပ်ဖိအားပေးချင်ခဲ့ခြင်းသာ။</p> <p> </p> <p>ယဲ့ချန်းသည် နိုဘယ်ဆုကိုပင် ငြင်းပယ်ရဲသည်အထိ မာနရှိလိမ့်မည်ဟု သူတို့ လုံးဝ မထင်ထားခဲ့ပေ။</p> <p> </p> <p>ပိုကြောက်စရာကောင်းသည်မှာ ဟွားနိုင်ငံက နိုဘယ်ဆုအတွက် အမည်စာရင်းတင်သွင်းမှုများကို ဘယ်သောအခါမှ လက်ခံတော့မည်မဟုတ်ကြောင်း ကြေညာချက်ထုတ်ပြန်လိုက်ခြင်းပင်။</p> <p> </p> <p>နိုဘယ်ဆုသည် ကမ္ဘာပေါ်တွင် သြဇာအညောင်းဆုံးဆုအဖြစ် သတ်မှတ်ခံထားရသည်။ ယခုမူ ဟွားနိုင်ငံက သူတို့နှင့် ဆက်ဆံရေးဖြတ်တောက်လိုက်ချေပြီ။</p> <p> </p> <p>နိုဘယ်ဆုချီးမြှင့်ရေး အထက်လူကြီးများမှာ တိတ်တဆိတ် နောင်တရနေကြသည်။</p> <p> </p> <p>သူတို့၏ဆုံးဖြတ်ချက်က ဤမျှကြီးမားသော ဆုံးရှုံးမှုကို ဖြစ်ပေါ်စေလိမ့်မည်ဟု လုံးဝမျှော်လင့်မထားခဲ့ပေ။</p> <p> </p> <p>သူတို့အမြင်တွင် ယဲ့ချန်းဘက်က သတင်းရသည်နှင့် အချက်အလက်များကို နာခံစွာ လွှဲပြောင်းပေးလိမ့်မည်ဟု ထင်ခဲ့ကြသည်။</p> <p> </p> <p>သို့သော် ဟွားနိုင်ငံသားများ၏ စိတ်ဓာတ်မာကျောမှုကို သူတို့ လျှော့တွက်ခဲ့မိသည်။</p> <p> </p> <p>ယခု ဟွားနိုင်ငံသည် သူတို့ အလွယ်တကူ ခြယ်လှယ်နိုင်သည့် ခေတ်နောက်ကျနေသော နိုင်ငံ မဟုတ်တော့ပေ။</p> <p> </p> <p>ထို့ကြောင့် သူတို့ဘက်က ကြေညာချက်အသစ်တစ်စောင်ကို ထုတ်ပြန်လိုက်သည်။</p> <p> </p> <p>"ယဲ့ချန်းသည် သူ့ကိုယ်ကျိုးအတွက် ယိုယွင်းလာသော ကမ္ဘာ့ပတ်ဝန်းကျင်အခြေအနေနှင့် ရင်ဆိုင်နေရချိန်တွင် နည်းပညာကို သိုဝှက်ထားပြီး ကမ္ဘာမြေ၏ စွမ်းအင်ကဏ္ဍအတွက် ပံ့ပိုးကူညီရန် ဆန္ဒမရှိပေ။ ထို့ကြောင့် သူ့နိုဘယ်ဆုအမည်စာရင်းတင်သွင်းမှုကို တရားဝင်ပယ်ဖျက်လိုက်သည်"</p> <p> </p> <p>ဤသတင်းမှာ ချက်ချင်းဆိုသလို အားမာန်အပြည့်ပျံ့နှံ့သွားလေသည်။</p> <p> </p> <p>ယဲ့ချန်းက သာနို့စ်ကဲ့သို့ ဗီလိန်တစ်ယောက်နှင့်ပင် တူသွားချေသည်။</p> <p> </p> <p>ဟွားနိုင်ငံရှိ အချို့လူများပင် သွေးထိုးလှုံ့ဆော်ခံရပြီး အွန်လိုင်းပေါ်တွင် ယဲ့ချန်းကို ဝေဖန်လာကြသည်။</p> <p> </p> <p>သို့သော် ထိုအချိန်မှာပင် ဟွားနိုင်ငံက အရေးကြီးသော ဆုံးဖြတ်ချက်တစ်ခုကို ရုတ်တရက်ချမှတ်လိုက်သည်။</p> <p> </p> <p>ဟွားနိုင်ငံတွင် စတားဆုကို တည်ထောင်လိုက်ခြင်းပင်။</p> <p> </p> <p>ဤဆုကို စတားဟု နာမည်ပေးထားခြင်းမှာ ယဲ့ချန်းတွင် ခိုင်မာသော ကျောထောက်နောက်ခံရှိကြောင်း တစ်ကမ္ဘာလုံးကို အသိပေးရန် ရည်ရွယ်ခြင်းပင်။</p> <p> </p> <p>ထိုကျောထောက်နောက်ခံမှာ ဟွားနိုင်ငံပင်။</p> <p> </p> <p>ဤသတင်း ထွက်ပေါ်လာသောအခါ ဟွားနိုင်ငံတစ်ဝန်းလုံး အံ့သြတုန်လှုပ်သွားကြသည်။</p> <p> </p> <p>သူတို့က ယဲ့ချန်းအတွက် သီးသန့်ဆုတစ်ခုကို အထူးတလည်သတ်မှတ်ပေးလိုက်သည်။</p> <p> </p> <p>သို့သော် ယဲ့ချန်းက ဤဆုနှင့် ထိုက်တန်ကြောင်း လူတိုင်းယုံကြည်ကြသည်။</p> <p> </p> <p>တစ်ချိန်က ဟွားနိုင်ငံ ဆင်းရဲမွဲတေပြီး နည်းပညာချို့တဲ့ခဲ့စဉ်က နိုင်ငံခြားတိုင်းပြည်များက သူတို့ကို နည်းပညာတစ်ခုခုများ ပေးဖူးလေသလား။</p> <p> </p> <p>သူတို့ဘာသာ တဖြည်းဖြည်းကြိုးစားအားထုတ်ရင်း သုတေသနများကတစ်ဆင့် ရလာခဲ့သည်မဟုတ်လော။</p> <p> </p> <p>ယခု သူတို့တွင် နည်းပညာရှိလာချိန်ဝယ် တစ်ဖက်က အလကားယူချင်ကြသည်။</p> <p> </p> <p>ဒီလောက်ဘယ်လွယ်ပါ့မလဲ။</p> <p> </p> <p>ထို့ကြောင့် ဤဆုကို တည်ထောင်ခြင်းမှာ ယဲ့ချန်းအပေါ် နိုင်ငံတော်က ထောက်ခံအားပေးကြောင်း ပြသလိုက်ခြင်းပင်။</p> <p> </p> <p>ထိုအချိန်တွင် ယဲ့ချန်းလည်း ဤသတင်းကို သိသွားပြီဖြစ်၏။</p> <p> </p> <p>တစ်ဖက်လူက သူ့အပေါ် အသရေဖျက်ခဲ့သည့်တိုင် ယဲ့ချန်းကတော့ တုံ့ပြန်ရန် စိတ်မဝင်စားပေ။</p> <p> </p> <p>သူသည် အရာရာကို ပွင့်ပွင့်လင်းလင်းနှင့် ရိုးရိုးသားသား လုပ်ဆောင်သည်။ လူသားများကို အကျိုးပြုခြင်းဆိုသည်ကား ဘာလဲ။</p> <p> </p> <p>ဤကဲ့သို့သော နည်းပညာသာ နိုင်ငံတချို့၏ လက်ထဲသို့ ကျရောက်သွားပြီး စစ်ရေးနယ်ပယ်တွင် အသုံးပြုလာမည်ဆိုလျှင် ဖြစ်လာနိုင်သည့် ခြိမ်းခြောက်မှုကိုရော သူတို့ ထည့်မစဉ်းစားကြဘူးလား။</p> <p> </p> <p>ထိုအချိန်တွင် ဟွားနိုင်ငံက ပင်လယ်ကူးတံတားတစ်စင်းကို တည်ဆောက်နေသော်လည်း ရေအောက်လိုဏ်ခေါင်းစီမံကိန်းအတွက် နည်းပညာကို အခြားနိုင်ငံတစ်ခုက ပိုင်ဆိုင်ထားကြောင်း သတင်းတစ်ပုဒ်ကို ယဲ့ချန်း တွေ့လိုက်ရသည်။</p> <p> </p> <p>ဟွားနိုင်ငံက ရိုးသားစွာ ဝယ်ယူလိုသော်လည်း တစ်ဖက်နိုင်ငံကမူ ဈေးနှုန်းကို ငါးဆယ်ဘီလျံအဖြစ် သတ်မှတ်ထားသည်။</p> <p> </p> <p>ဤသည်မှာ ရိုးသားမှု လုံးဝမရှိပေ။</p> <p> </p> <p>ဟက်...</p> <p> </p> <p>မင်းတို့က ငါတို့နည်းပညာကိုကျတော့ အလကားလိုချင်ပြီး ငါတို့ကတော့ မင်းတို့ဆီက မိုးအထိ ခေါင်ခိုက်နေတဲ့ဈေးနှုန်းကို ပေးရမယ်ပေါ့လေ။</p> <p> </p> <p>ယဲ့ချန်းလည်း ကျွမ်းကျင်ဗိသုကာပညာရှင်တစ်ယောက်၏ စွမ်းရည်များကို ရုတ်တရက် သတိရလိုက်သည်။</p> <p> </p> <p>ထို့ကြောင့် အသေးစိတ်ပုံကြမ်းတစ်ခုကို ညတွင်းချင်း ရေးဆွဲလိုက်သည်။</p> <p> </p> <p>နောက်တစ်နေ့တွင် အကြီးအကဲဝေ့ထံသို့ ယဲ့ချန်း ဖုန်းဆက်လိုက်သည်။</p> <p> </p> <p>"အကြီးအကဲဝေ့... ကျွန်တော်တို့ ပင်လယ်ကူးတံတားတစ်စင်း ဆောက်နေတာမဟုတ်လား"</p> <p> </p> <p>"ဟုတ်တယ်။ ဆောက်နေတယ်။ ဒါပေမဲ့ အခု ပြဿနာတချို့နဲ့ ကြုံနေရတယ်"</p> <p> </p> <p>အကြီးအကဲဝေ့လည်း ဤပြဿနာကြောင့် ခေါင်းခဲနေရသည်။</p> <p> </p> <p>ညှိနှိုင်းမှုများ အဆင်မပြေသောကြောင့် သူတို့၏သုတေသနကိုသာ အားကိုးရမည်ဖြစ်ပြီး သုံးနှစ်အချိန်ယူရမည်ဖြစ်၏။ ဆိုလိုသည်မှာ စီမံကိန်း ပြီးစီးမှုမှာ သုံးနှစ်နှောင့်နှေးသွားမည်ဖြစ်၏။</p> <p> </p> <p>ယဲ့ချန်းက ပြောလိုက်၏။</p> <p> </p> <p>"အကြီးအကဲဝေ့... ကျွန်တော့်ဆီမှာ ဖြေရှင်းနည်းတစ်ခု ရှိတယ်။ အဆင်ပြေမပြေ သူတို့ကို ကြည့်ခိုင်းလိုက်ပါ"</p> <p> </p> <p>ထို့နောက် ယဲ့ချန်းက ထိုစာရွက်စာတမ်းကို အကြီးအကဲဝေ့၏ အီးမေးလ်သို့ ပေးပို့လိုက်သည်။</p> <p> </p> <p>အကြီးအကဲဝေ့က အီးမေးလ်ဝင်လာသဖြင့် ဖွင့်ကြည့်လိုက်သောအခါ မျက်လုံးများ အရောင်လဲ့သွားသည်။</p> <p> </p> <p>ပင်လယ်ကူးတံတား ဒီဇိုင်းပုံကြမ်းတဲ့လား။</p> <p> </p> <p>ယဲ့ချန်းမှာ ဤနည်းပညာ ရှိနေခြင်းများလား။</p> <p> </p> <p>စက်ရုပ်အကြောင်းနှင့် နျူကလီးယားစွမ်းအင်အကြောင်း စဉ်းစားကြည့်ပြီးနောက် အကြီးအကဲဝေ့လည်း ဤဖြစ်နိုင်ခြေမှာ အလွန်မြင့်မားသည်ဟု ခံစားလိုက်ရသည်။</p> <p> </p> <p>သူသည် ပင်လယ်ကူးတံတားစီမံကိန်းကို တာဝန်ယူထားသော ချန်းသုန်းထံသို့ အမြန်ဖုန်းခေါ်လိုက်၏။</p> <p> </p> <p>ချန်းသုန်းခမျာ တစ်ညလုံး မအိပ်ရသေးပေ။</p> <p> </p> <p>အရာအားလုံး အဆင်သင့်ဖြစ်နေသော်လည်း အရေးကြီးသော နည်းပညာတွင် တစ်နေချေသည်။</p> <p> </p> <p>အကယ်၍ ဤပြဿနာကို မဖြေရှင်းနိုင်ပါက ပင်လယ်ကူးတံတား၏ တည်ဆောက်ရေးကာလမှာ အချိန်အကန့်အသတ်မရှိ ရှည်ကြာသွားမည်ဖြစ်၏။</p> <p> </p> <p>"သူတို့နဲ့ နောက်တစ်ခေါက် ထပ်ညှိနှိုင်းကြည့်ကြမလား"</p> <p> </p> <p>လက်ထောက်ခေါင်းဆောင်က အကြံပြုလိုက်သည်။</p> <p> </p> <p>ချန်းသုန်းက ခေါင်းခါပြလိုက်၏။</p> <p> </p> <p>"သူတို့က ငါတို့ကို နည်းပညာမပေးချင်လို့ တမင်သက်သက် ခေါင်ခိုက်နေတဲ့ဈေးနှုန်းကို သတ်မှတ်ထားတာ။ ဒီကောင်တွေက ငါတို့တိုးတက်လာမှာကို မမြင်ချင်ကြဘူး"</p> <p> </p> <p>ထိုအချိန်မှာပင် ချန်းသုန်း၏ဖုန်းက မြည်လာလေသည်။</p> <p> </p> <p>"လောင်ချန်း... ငါ့ဆီမှာ ပင်လယ်ကူးတံတားဒီဇိုင်းပုံကြမ်းတစ်ခု ရှိတယ်"</p> <p> </p> <p>"အာ... မင်း အဲဒါကို ဘယ်ကရလာတာလဲ"</p> <p> </p> <p>"ငါ့သူငယ်ချင်းတစ်ယောက်ဆီက။ အဆင်ပြေမပြေ တစ်ချက်လောက်ကြည့်ကြည့်ပါဦး"</p> <p> </p> <p>မကြာခင် ထိုပုံကြမ်းကို ပေးပို့လာချေသည်။</p> <p> </p> <p>ချန်းသုန်းခမျာ ထိုပုံကြမ်းကို မြင်လိုက်ရချိန်ဝယ် လက်များပင် အနည်းငယ် တုန်ယင်သွားသည်။</p> <p> </p> <p>"ဘုရားရေ... အံ့မခန်းပဲ။ ငါ ဘာလို့ ဒါကိုမစဉ်းစားခဲ့မိတာလဲ"</p> <p> </p> <p>အခြားနည်းပညာဝန်ထမ်းတချို့ကလည်း အနားသို့ ဝိုင်းအုံလာကြသည်။</p> <p> </p> <p>"လောင်ချန်း... ဘာတွေဖြစ်နေတာလဲ။ ဘာလို့ ဒီလောက်တောင် စိတ်လှုပ်ရှားနေရတာလဲ"</p> <p> </p> <p>ချန်းသုန်းက စိတ်လှုပ်ရှားစွာ ပြောလိုက်လေသည်။</p> <p> </p> <p>"ငါတို့ရဲ့ပင်လယ်ကူးတံတားဒီဇိုင်းပြဿနာက အဆင်ပြေသွားပြီ"</p> <p> </p> <p>"ဘာ... အဆင်ပြေသွားပြီ ဟုတ်လား"</p> <p> </p> <p>လူတိုင်း မှင်တက်သွားကြသည်။</p> <p> </p> <p>ဤနည်းပညာကို နိုင်ငံတစ်နိုင်ငံက ငါးဆယ်ဘီလျံဈေးသတ်မှတ်ထားသည်။ ထိုအရာက ဤမျှလွယ်လွယ်ကူကူ အဆင်ပြေသွားပြီတဲ့လား။</p> <p> </p> <p>ချန်းသုန်းလည်း စိတ်လှုပ်ရှားခြင်းကြီးစွာဖြင့် ဖုန်းခေါ်လိုက်၏။</p> <p> </p> <p>"အကြီးအကဲဝေ့... မြန်မြန်ပြောပြစမ်းပါ။ ဒီဒီဇိုင်းပုံကြမ်းကို ဘယ်ကရလာတာလဲ"</p> <p> </p> <p> </p> <p> </p> <p> </p> <p> </p> <p>••••••••••••••••</p> <p style="text-align: center;">***</p>


Save