Book List

<h2 style="text-align: center;">အခန်း (၁၇၄၄)</h2> <h2 style="text-align: center;">ချမ်းသာကြွယ်ဝခြင်း</h2> <h2 style="text-align: center;">*</h2> <p> </p> <p> </p> <p>ယီယွင်ယောင်ကို ပို့ဆောင်ပြီးနောက် ကျန်ရှိနေသည့် ကိစ္စများကို ရှင်းလင်းရန်သာလိုအပ်သည်။ ချူးယွင်ဖန်းသည် မိသားစုအသီးသီးမှ ခေါင်းဆောင်များကို ဖမ်းဆီးထားသည့်အပြင် သွေးမိစ္ဆာဂိုဏ်းမှ ဂိုဏ်းခေါင်းဆောင်နှင့် အကြီးအကဲများကိုလည်း သတ်ဖြတ်ခဲ့ပြီးဖြစ်သည်။ ကျန်ရှိနေသူများသည် အသုံးမဝင်သူများသာဖြစ်သောကြောင့် ယုချူးယွင်၏ စစ်တပ်သည် ချန်မိသားစု၏ ဘိုးဘေးပိုင်နက်ကို အချိန်အနည်းအငယ်အတွင်း ချိုးဖျက်ဝင်ရောက်နိုင်ခဲ့သည်။ ဝမ်မိသားစု၊ ပေါင်းစည်းခြင်းဂိုဏ်း၊ ကောင်းကင်မြင့်ဂိုဏ်းနှင့် အခြားအင်အားစုများမှ ကျန်ရစ်သည့် တပည့်များသည် ထွက်ပြေးသူများ ထွက်ပြေး၍ ပုန်းအောင်းသူများ ပုန်းအောင်းကုန်ကြသည်။ ၎င်းတို့သည် ခုခံလိုလျှင်ပင် ခုခံနိုင်စွမ်း မရှိကြပေ။</p> <p> </p> <p>ဆက်တိုက် လိုက်လံဖမ်းဆီးမှုများ ပြုလုပ်ပြီးနောက် အဓိက အဖွဲ့ဝင်အားလုံးကို ဖမ်းဆီးရမိခဲ့သည်။ ချူးယွင်ဖန်းသည် ဤအင်အားစုများ၏ အဖွဲ့ဝင်များအပေါ် အနည်းငယ်မျှ ကရုဏာ မထားခဲ့ပေ။ အသက်နှင့်ရင်းရသည့် တိုက်ပွဲဖြစ်သည့်အတွက် တွန့်ဆုတ်ရန် မဖြစ်ကြောင်း သူ သိထားသောကြောင့်ဖြစ်သည်။ ဤအင်အားစုများအနက် အများစုသည် ဆွေမျိုးဝေးများဖြစ်ကြ၍ ဆက်နွှယ်မှု မနက်ရှိုင်းသော်လည်း၊ အရေးကြီးသည့် ကိစ္စရပ်များကို ဆောင်ရွက်ရာတွင် ပေးဆပ်မှုများ ရှိစမြဲဖြစ်သည်။ ထို့ပြင် ဤသူများသည်လည်း အဆိုပါ အင်အားစုများကို မှီခို၍ အကျိုးအမြတ်များစွာ ရယူခဲ့ကြသူများဖြစ်သဖြင့် လုံးလုံးလျားလျား ဖြူစင်သည်ဟု မဆိုနိုင်ပေ။</p> <p> </p> <p>ရွှေငွေ ရတနာများ၊ ဆေးဖက်ဝင်အပင်များနှင့် တန်ဖိုးဖြတ်မရသည့် ပစ္စည်းများ တင်ဆောင်လာသည့် လှည်းယဥ်တန်းကြီး ပေါင်းထိုင်မြို့၏ စစ်စခန်းအတွင်းသို့ ဝင်ရောက်လာသည်။ ချူးယွင်ဖန်းသည် မြို့ကို အပြည့်အဝ ထိန်းချုပ်လိုက်ပြီဖြစ်ရာ ယခုအချိန်တွင် ပေါင်းထိုင်မြို့၌ သူ့ကို ဆန့်ကျင်ဝံ့သူ တစ်ဦးမျှ မရှိတော့ပေ။ ချူးယွင်ဖန်းသည် ပေါင်းထိုင်မြို့ရှိ အင်အားစုအားလုံးကို အမြစ်ပြတ်ဆွဲနှုတ်နေခြင်းကိုသာ လူတိုင်း ကူကယ်ရာမဲ့စွာ ကြည့်နေရသည်။ ဤဖြစ်စဉ်အတွင်း ချူးယွင်ဖန်းက ပေါင်းထိုင်မြို့၏ ကိစ္စရပ်အားလုံးကို လျင်မြန်စွာ လွှဲပြောင်းယူနေသည့်အပြင် ရွှီမိသားစုသည်လည်း အခြေအနေကို အခွင့်ကောင်းယူကာ ထိုးတက်လာခဲ့သည်။ ရွှေငွေ ရတနာများနှင့် ဆေးဖက်ဝင်အပင်များအပြင် အင်အားစုကြီးများ၏ ကြွယ်ဝမှုတွင် ဆိုင်ခန်းများ၊ လယ်ကွင်းများနှင့် အခြားအရာများစွာ ပါဝင်သည်။</p> <p> </p> <p>ချူးယွင်ဖန်းက ဤအရာများကို မလိုအပ်ပေ။ ရွှီသခင်ကြီး ထင်မှတ်ထားသကဲ့သို့ ပေါင်းထိုင်မြို့သည် ချူးယွင်ဖန်း၏ ဘဝတွင် ခေတ္တနားခိုရာ နေရာတစ်ခုမျှသာဖြစ်ရာ သူသည် ဤနေရာ၌ အခြေချရန် မဖြစ်နိုင်ပေ။ ထို့ကြောင့် ဤပိုင်ဆိုင်မှုများသည် သူ့အတွက် အဓိပ္ပာယ်မဲ့သောကြောင့် အမြန်ဆုံး ရောင်းချပစ်ရန် ဆုံးဖြတ်လိုက်သည်။ စစ်စခန်းရှိ ဗိုလ်မှူးကြီးရုံးခန်းအတွင်း ယုချူးယွင်သည် ရရှိလာသည့် အကျိုးအမြတ်များကို ချူးယွင်ဖန်းထံ အစီရင်ခံနေသည်။</p> <p> </p> <p>"စီနီယာချူး၊ လေလံရုံနဲ့ မြေနေရာအတွက် အလယ်အလတ်အဆင့် ဝိညာဉ်ကျောက်တုံး စုစုပေါင်း ၁၀ သန်း ရရှိထားပါတယ်၊ အခြား ဆေးဖက်ဝင်အပင်တွေနဲ့ သဘာဝရတနာတွေဆီကလည်း အလယ်အလတ်အဆင့် ဝိညာဉ်ကျောက်တုံး ၅ သန်းကျော် ရထားပါတယ်"</p> <p>ယုချူးယွင် အစီရင်ခံနေစဥ် စိတ်ထဲမှ တိတ်တဆိတ် အံ့အားသင့်နေမိသည်။ အလယ်အလတ်အဆင့် ဝိညာဉ်ကျောက်တုံး သန်းပေါင်းများစွာဆိုသည် ကျင့်ကြံခြင်းတွင် အသုံးများသည့် အောက်ခြေအဆင့် ဝိညာဉ်ကျောက်တုံးများနှင့် လဲလှယ်မည်ဆိုပါက မတွေးဝံ့စရာ ပမာဏဖြစ်သည်။ မြို့အတွင်းရှိ အင်အားစုအားလုံးကို ချူးယွင်ဖန်းက အမြစ်ဖြတ် သုတ်သင်လိုက်သဖြင့် နှစ်ပေါင်းများစွာ စုဆောင်းထားသည့် ဓနဥစ္စာအားလုံး သူ့လက်ထဲသို့ ရောက်ရှိလာခြင်းဖြစ်သည်။</p> <p> </p> <p>"ဆိုင်ခန်းတွေနဲ့ လယ်ကွင်းအများစုကို ရွှီမိသားစုက ဝယ်ယူသွားပါတယ်" ယုချူးယွင်က ဆက်ပြောလိုက်သည်။</p> <p>"အခုဆိုရင် ရွှီမိသားစုက မြို့ထဲမှာ အင်အားအကြီးဆုံး ဖြစ်နေပါပြီ၊ တခြားလူတွေ သူတို့ကို ရန်မဆွနိုင်တော့ဘူး၊ ရွှီမိသားစုက ကျွန်တော်တို့ကို ပြန်ပြီး ဆန့်ကျင်လာရင် ဘယ်လိုလုပ်ကြမလဲ"</p> <p> </p> <p>လေလံတင်ရောင်းချခဲ့သည့် ဆိုင်ခန်းနှင့် လယ်ကွင်းအများစုကို ရွှီမိသားစုက ရရှိသွားခဲ့သည်။ အချိန်အတန်ကြာပြီးနောက် ရွှီမိသားစုသည် ပေါင်းထိုင်မြို့၌ ဘီလူးကြီးတစ်ကောင်ကဲ့သို့ အင်အားကြီးမားလာပေလိမ့်မည်။ ဤအချက်သည် ယုချူးယွင်ကို စိုးရိမ်ပူပန်စေသည်။</p> <p> </p> <p>ချူးယွင်ဖန်းက လှောင်ပြုံးပြုံးလိုက်သည်။</p> <p>"ခင်ဗျား သူတို့ကို အထင်ကြီးလွန်းနေပြီ၊ ဒီလောကမှာ ခွန်အားကသာ အရာရာကို ဆုံးဖြတ်တာ။ ရွှီမိသားစုက ကျုပ်တို့ကို ဘယ်တော့မှ ဆန့်ကျင်မှာ မဟုတ်ဘူး၊ ကျုပ်က အဓိက အင်အားစုကြီး ၅ ခုကိုတောင် ဖျက်ဆီးနိုင်ရင် ရွှီမိသားစုကို ဖျက်ဆီးဖို့က အလွယ်လေးပါ"</p> <p> </p> <p>မည်မျှအင်အားကြီးမားသည့် အဖွဲ့အစည်းဖြစ်စေကာမူ စစ်မှန်သည့် အကြွင်းမဲ့ခွန်အားရှေ့တွင် တစ်ချက်ပင် ခံနိုင်ရည်ရှိမည် မဟုတ်ပေ။ ရွှီမိသားစုကို မြှင့်တင်ပေးခဲ့သူသည် ချူးယွင်ဖန်းဖြစ်သဖြင့် ၎င်းတို့ကို သုတ်သင်ခြင်းသည်လည်း ခက်ခဲမည် မဟုတ်ပေ။ ပေါင်းထိုင်မြို့တွင် စီမံစရာကိစ္စများစွာ ရှိနေသည်။ မြို့စောင့်တပ်ခေါင်းဆောင်ဖြစ်သည့် ချူးယွင်ဖန်းသည် အရာအားလုံးကို စီမံရမည်ဖြစ်သော်လည်း ထိုကိစ္စအဝဝကို တစ်ခုချင်းစီ ကိုင်တွယ်ရန် သူ့တွင် အချိန်မရှိပေ။ ယုချူးယွင်နှင့် အခြားလူများသည် ချူးယွင်ဖန်း ပင်ပင်ပန်းပန်း ပျိုးထောင်ထားသည့် အခြေခံအင်အားစုများဖြစ်သောကြောင့် ၎င်းတို့ကိုလည်း ဤသို့သော အသေးအဖွဲ ကိစ္စများတွင် အချိန်မဖြုန်းစေလိုပေ။ ထို့ကြောင့် ချူးယွင်ဖန်းသည် ရွှီမိသားစုကို အသုံးပြုခဲ့ခြင်းဖြစ်သည်။ မြင်းကို ခိုင်းစေလိုလျှင် အစာကျွေးရမည် မဟုတ်လေသလော။</p> <p> </p> <p>သို့သော်လည်း ရရှိလာသည့် ပမာဏကို ကြားလိုက်ရချိန် ချူးယွင်ဖန်းပင် စိတ်လှုပ်ရှားသွားသည်။ မျှော်လင့်ထားသည့်အတိုင်း မြက်ကျွေးခြင်းမရှိဘဲ မြင်းတစ်ကောင် မဝဖြိုးနိုင်သကဲ့သို့၊ လူတစ်ယောက်သည်လည်း လာဘ်လာဘမပါဘဲ မချမ်းသာနိုင်ပေ။ သူ့အတွက်မူ အလယ်အလတ်အဆင့် ဝိညာဉ်ကျောက်တုံး ၁၀ သန်းဟူသည် အလွန်များပြားသော ပမာဏဖြစ်သည်။</p> <p> </p> <p>"ခွဲဝေမှုနဲ့ ပတ်သက်ရင်တော့ တင်းမိသားစုရဲ့ ဘဏ္ဍာရေးကို ကိုင်တွယ်ခဲ့သလိုပဲ လုပ်လိုက်၊ တစ်ဝက်ကို စစ်ဝန်ကြီးဌာနကို လွှဲပေးပြီး၊ တစ်ပုံကို ကျုပ်ယူမယ်၊ ကျန်တာကိုတော့ လက်နက်ခဲယမ်းတွေနဲ့ ကျင့်ကြံခြင်း အရင်းအမြစ်တွေ ဝယ်ယူတဲ့နေရာမှာ သုံးမယ်" ချူးယွင်ဖန်းက ညွှန်ကြားလိုက်လိုက်သည်။</p> <p>"ပေါင်းထိုင်မြို့စောင့်တပ်ကို အမြန်ဆုံး အဆင့်မြင့်တပ်ဖွဲ့ဖြစ်လာအောင် ကျုပ် တည်ဆောက်ချင်တယ်၊ ရထားတဲ့ သိုင်းပညာကျမ်းစာ အားလုံးကို စစ်တပ်မှာ ဆုလာဘ်အဖြစ် သိမ်းထားလိုက်၊ ကောင်းကောင်း စွမ်းဆောင်နိုင်တဲ့လူ ဘယ်သူမဆို အဲ့ဒါတွေနဲ့ ဆုချမယ်"</p> <p> </p> <p>ကျင့်ကြံခြင်းသည် ကြီးမြတ်သောတရှတွင် ပျံ့နှံ့နေသော်လည်း ၎င်းသည် အပေါ်ယံ ကျင့်စဉ်များသာဖြစ်သည်။ အဆင့်မြင့် ကျင့်စဉ်များကိုမူ အင်အားကြီး အဖွဲ့အစည်းများကသာ လျှို့ဝှက်စွာ သိမ်းဆည်းထားကြသည်။ အကယ်၍ ပေါင်းထိုင်မြို့စောင့်တပ်သည် စစ်မှန်သည့် ထိပ်တန်းစစ်တပ်ဖြစ်ခဲ့လျှင် ကြီးမြတ်သော တရှ၏ တော်ဝင်စုဆောင်းမှုများထဲမှ အဆင့်မြင့် သိုင်းပညာများ ရရှိနိုင်မည်ဖြစ်သော်လည်း၊ ၎င်းတို့သည် ဒုတိယတန်းစား တပ်ဖွဲ့များဖြစ်သဖြင့် ထိုသို့သော အခွင့်အရေး မရှိပေ။</p> <p> </p> <p>၎င်းတို့တွင် ကျင့်ကြံခြင်း အရင်းအမြစ်များသာမကဘဲ ကျင့်စဉ်များပင် လိုအပ်နေသည်။ ချူးယွင်ဖန်းတွင် ထိပ်တန်းကျင့်စဉ်များစွာရှိသော်လည်း ၎င်းတို့သည် သာမန်လူများနှင့် မသင့်တော်ပေ။ အင်အားစုကြီးများထံမှ ရရှိလာသည့် ကျမ်းစာများသည် ချူးယွင်ဖန်း တတ်မြောက်ထားသည့် သိုင်းပညာများထက် များစွာ နိမ့်ကျသော်လည်း၊ သာမန်စစ်သည်များ ကျင့်ကြံရန် အသင့်တော်ဆုံးဖြစ်သည်။ ကျင့်ကြံခြင်းတွင် နည်းစနစ်နှင့် အရင်းအမြစ်သည် အလွန်အရေးကြီးလှရာ ယခုအခါ ချူးယွင်ဖန်းသည် နှစ်မျိုးလုံးကို ထောက်ပံ့ပေးနိုင်သည်။ အကယ်၍ စစ်သားများသာ ကြိုးစားအားထုတ်မည်ဆိုပါက အထူးတပ်ဖွဲ့တစ်ဖွဲ့ဖြစ်လာရန် မခဲယဉ်းတော့ပေ။</p> <p> </p> <p>သို့သော် ချူးယွင်ဖန်းတွင် အချိန်အများအပြား မရှိပေ။ သူသည် တပ်တစ်ခုလုံး၏ အင်အားကို အတိုဆုံးအချိန်အတွင်း တိုးတက်စေလိုသည်။ ၎င်းတို့အတွက် ဆေးလုံး အမြောက်အမြား လိုအပ်မည်ဖြစ်ရာ ထိုဆေးလုံးများအတွက် ဆေးဖက်ဝင်အပင် အမြောက်အမြား လိုအပ်ပေသည်။ ယခုအချိန် ချူးယွင်ဖန်းသည် ငြိမ်သက်စွာ အင်အားစုဆောင်းရမည်ဖြစ်သည်။</p> <p> </p> <p>"စီနီယာချူး၊ ရတနာတစ်ထောင်ခန်းမက လူတစ်ယောက် စီနီယာ့ကို တွေ့ဖို့ ရောက်နေပါတယ်" ယုချူးယွင်က ပြောလိုက်သည်။</p> <p> </p> <p>"ရတနာတစ်ထောင်ခန်းမတဲ့လား။ ကမ္ဘာ့အကြီးဆုံး ကုန်သည်အဖွဲ့အစည်းလား" ချူးယွင်ဖန်း၏ မျက်ခုံးများ မြင့်တက်သွားသည်။ ကြယ်ကြွေကောင်းကင်ဂိုဏ်း၏ ကမ္ဘာလောကမှတ်တမ်းတွင် ဖော်ပြထားသည့် ရတနာတစ်ထောင်ခန်းမအကြောင်းကို သူ သတိရသွားသည်။</p> <p> </p> <p>ရတနာတစ်ထောင်ခန်းမသည် အလွန်ရှည်လျားသည့် သမိုင်းကြောင်းရှိသည့်အပြင် ထိပ်တန်းဂိုဏ်းကြီး ၁၀ ခုအောက် မနိမ့်ကျပေ။ မည်သည့်အချိန်က စတင်ခဲ့သည်ကို မသိရသော်လည်း ရတနာတစ်ထောင်ခန်းမ၏ လုပ်ငန်းများသည် ကြီးမြတ်သောတရှ တစ်ခုလုံးတွင် ပျံ့နှံ့နေသည်။ ကုန်သည်အဖွဲ့အစည်းဖြစ်သော်လည်း ၎င်း၏ အင်အားသည် အလွန်တုန်လှုပ်ဖွယ်ကောင်းသဖြင့် ထိပ်တန်းဂိုဏ်းကြီး ၁၀ ခုနှင့် အဆင့်အတန်းခြင်း ညီမျှသည်ဟု လူအများက ယုံကြည်ကြသည်။ ရတနာတစ်ထောင်ခန်းမသည် ကြီးမြတ်သော တရှတွင် နက်ရှိုင်းစွာ အမြစ်တွယ်နေ၍ ဩဇာညောင်းလှသည်။ ၎င်းတို့သည် အရေးပါသည့် ပုဂ္ဂိုလ်များစွာနှင့် ဆက်နွယ်မှုရှိသောကြောင့် သာမန်အဖွဲ့အစည်းတစ်ခု မဟုတ်ပေ။</p> <p> </p> <p> </p> <p> </p> <p style="text-align: center;">***</p>


Save