Book List

<h2 style="text-align: center;">အခန်း (၁၇၄၉)</h2> <h2 style="text-align: center;">ဆေးလုံးဖော်စပ်ရန် သီးသန်ကျင့်ကြံခြင်း</h2> <h2 style="text-align: center;">*</h2> <p> </p> <p> </p> <p>ခရမ်းရောင်မြက်နုသည် ဆေးလုံးအမျိုးမျိုးတွင် ဖြည့်စွက်ဆေးဖက်ဝင်ပစ္စည်းအဖြစ် အသုံးပြုနိုင်ပေသည်။ ဆေးပညာလောကတွင် ဆေးဖော်စပ်ခြင်းဆိုသည် အရှင်သခင်ကို အမတ်များ၊ လက်ထောက်များနှင့် တမန်တော်များက ဝိုင်းဝန်းပံ့ပိုးပေးရခြင်းနှင့် တူညီသည်။ အဓိကဆေးဖက်ဝင်ပစ္စည်းသည် အရှင်သခင်ဖြစ်၍ ခရမ်းရောင်မြက်နုသည် အလွန်အရေးကြီးသော အမတ်အဆင့် ပစ္စည်းတစ်ခုဖြစ်သည်။ ထို့ကြောင့် လေလံခေါ်သူ၏ စကားပြီးဆုံးသည်နှင့် တစ်ပြိုင်နက် တစ်စုံတစ်ယောက်က စတင်ဈေးခေါ်တော့သည်။</p> <p> </p> <p>"တစ်သိန်းတစ်သောင်း"</p> <p> </p> <p>"တစ်သိန်းနှစ်သောင်း"</p> <p> </p> <p>"တစ်သိန်းငါးသောင်း"</p> <p> </p> <p>ဈေးခေါ်သံများ တစ်ခုပြီးတစ်ခု ထွက်ပေါ်လာသော်လည်း အလွန်အမင်း ပြင်းထန်ခြင်းမရှိပေ။ အဆုံးတွင် ဤသည်မှာ ဖြည့်စွက်ပစ္စည်းတစ်ခုသာဖြစ်သည်။</p> <p> </p> <p>"နှစ်သိန်း" ချူးယွင်ဖန်းက တုံ့ဆိုင်းခြင်းမရှိဘဲ ဈေးတင်ခေါ်လိုက်သည်။</p> <p> </p> <p>ဤသည်မှာ အခြားသူများအတွက် အရေးပါသော ဖြည့်စွက်ပစ္စည်းတစ်ခုသာဖြစ်သော်လည်း ချူးယွင်ဖန်းအတွက်မူ သူ၏ အဆင့်ဖြတ်ကျော်မှုအတွက် အဓိကသော့ချက်ဖြစ်သည်။</p> <p>"နှစ်သိန်းတစ်သောင်း" ခဏအကြာတွင် တစ်စုံတစ်ဦးက အော်ဟစ်လိုက်သည်။</p> <p> </p> <p>"နှစ်သိန်းငါးသောင်း" ချူးယွင်ဖန်းက တွေဝေခြင်းမရှိဘဲ ဈေးကို ထပ်မံမြှင့်လိုက်ပြန်သည်။</p> <p> </p> <p>သူသည် ထိုပစ္စည်းကို ရရှိရန် သန္နိဋ္ဌာန်ချထားကြောင်း မြင်တွေ့နိုင်သဖြင့် လူတိုင်း လက်လျှော့လိုက်ကြသည်။ မကြာမီ ခရမ်းရောင်မြက်နုငါးပင်သည် ချူးယွင်ဖန်းထံသို့ ရောက်ရှိလာသည်။</p> <p> </p> <p>"ခရမ်းရောင်မြက်နု ရရှိသွားတဲ့အတွက် ဂုဏ်ယူပါတယ်၊ ဗိုလ်မှူးကြီးချူး" ဝမ်ဆန်ချန်းသည် ချူးယွင်ဖန်းထံသို့ ထိုမြက်ပင်များကို ကိုယ်တိုင်လာရောက်ပို့ဆောင်ကာ  ဂုဏ်ပြုစကားဆိုလိုက်သည်။</p> <p> </p> <p>ချူးယွင်ဖန်းသည် အလယ်အလတ်အဆင့် ဝိညာဉ်ကျောက်တုံး နှစ်သိန်းငါးသောင်း ပေးချေလိုက်နောက် ခရမ်းရောင်မြက်နုများကို ချက်ချင်းပင် သိမ်းဆည်းလိုက်သည်။ ဤဆေးငါးပင်၏ ဈေးနှုန်းသည် အဆမတန် မြင့်မားလှသော်လည်း ချူးယွင်ဖန်း၏ အင်အားနှင့်ယှဉ်လျှင် မပြောပါ့လောက်ပေ။ ခရမ်းရောင်မြက်နုငါးပင်ကို ရရှိပြီးနောက် ချူးယွင်ဖန်းသည် လုံးလုံးလျားလျား ယုံကြည်မှု ရှိသွားသည်။ သူသည် လေလံတင်ထားသည့် အခြားပစ္စည်းများကို ဖြည်းဖြည်းချင်း လေ့လာကြည့်ရာ ခရမ်းရောင်မြက်နုလေးမှလွဲ၍ ကျန်အရာများသည် သူ့အတွက် များစွာအသုံးမဝင်သည့်အပြင် တန်ဖိုးသည်လည်း ကန့်သတ်ချက်ရှိနေသည်။</p> <p> </p> <p>သို့သော် ဤနေရာသည် ရတနာတစ်ထောင်ခန်းမ၏ ဌာနခွဲတစ်ခုသာဖြစ်ကြောင်း ချူးယွင်ဖန်း သတိရသွားသည်။ ၎င်း၏ အဆင့်သည် မမြင့်မားလှသဖြင့် မျက်စိကျလောက်စရာ တစ်စုံတစ်ခုကို မြင်တွေ့ရန် ခဲယဉ်းပေသည်။ သို့သော် ဤခရမ်းရောင်မြက်နု တစ်ခုတည်းဖြင့် ဤခရီးသည် အချည်းနှီးမဖြစ်ဘူးဟု ခံစားလိုက်ရသည်။ မြက်ဆေးပင်ကို ရရှိပြီးနောက် ချူးယွင်ဖန်းသည် လေလံပွဲမှ ထွက်ခွာလာခဲ့သည်။ လေလံပွဲ ဆက်လက်ကျင်းပနေဆဲဖြစ်သော်လည်း ကျန်ရှိနေသည့် ပစ္စည်းများသည် သူ၏ အာရုံကို ဆွဲဆောင်နိုင်ခြင်း မရှိတော့ပေ။</p> <p> </p> <p>ချူးယွင်ဖန်းသည် ဝမ်ဆန်ချန်းထံမှ စုံစမ်းကာ ဆေးဖော်စပ်၍ သီးသန့်ကျင့်ကြံရန် တိတ်ဆိတ်သည့် အခန်းတစ်ခန်း ရှာဖွေလိုက်သည်။ ရတနာတစ်ထောင်ခန်းမတွင် ထိုကဲ့သို့သော နေရာမျိုး ရှိနေစမြဲဖြစ်သည်။ ယခုအခါ ချူးယွင်ဖန်းသည် ဂုဏ်သရေရှိ ဧည့်သည်တော်တစ်ဦးဖြစ်သည့်အတွက် ဤတောင်းဆိုချက်သည် ပြဿနာ မရှိနိုင်ပေ။</p> <p>သို့သော် ချူးယွင်ဖန်းက ထိုကဲ့သို့ လျှို့ဝှက်အခန်းမျိုး ရှာဖွေခြင်းသည် အကာအကွယ်တစ်ခုသာဖြစ်ကြောင်း ဝမ်ဆန်ချန်း မသိရှိခဲ့ပေ။ ချူးယွင်ဖန်း အမှန်တကယ် ဝင်ရောက်မည့် နေရာသည် တောင်မြစ်ပန်းချီကားဖြစ်သည်။ သူသည် လျှို့ဝှက်အခန်းကို ဟန်ပြအဖြစ်သာ အသုံးပြုနေခြင်းဖြစ်၏။ တောင်မြစ်ပန်းချီကားထဲ၌ ချူးယွင်ဖန်းသည် ဆေးမီးဖိုကို ဖွင့်၍ ဆေးလုံးများ စတင်ဖော်စပ်လိုက်သည်။ ခရမ်းရောင်မြက်နုများ ရရှိလာထားသဖြင့် ကျန်ရှိနေသည့် မဟာအသက်ဓာတ်ကျင့်ကြံသူဆေးများကို နောက်ဆုံးတွင် စတင်ဖော်စပ်နိုင်ပြီဖြစ်သည်။ ယခင် အတွေ့အကြုံများ ရှိထားသဖြင့် ချူးယွင်ဖန်းသည် ဆေးလုံးဖော်စပ်ခြင်းကို ထပ်မံပြုလုပ်ရာတွင် မည်သည့်အခက်အခဲမျှမရှိဘဲ ကျွမ်းကျင်စွာ ပြုလုပ်နိုင်ခဲ့သည်။</p> <p> </p> <p>ချူးယွင်ဖန်းသည် လက်ဟန်တစ်ခု ပြုလုပ်၍ ဆေးဖော်မီးတောက်ကို ထွန်းညှိလိုက်သည်။ တစ်ချိန်တည်း သူသည် ဟင်းလင်းပြင်ထဲမှ ကျောက်စိမ်းသေတ္တာတစ်လုံးကို ဆွဲထုတ်လိုက်သည်။ ကျောက်စိမ်းသေတ္တာထဲတွင် နှစ်တစ်ထောင် သွေးဂျင်ဆင်းသည် သုံးပုံနှစ်ပုံသာ ကျန်ရှိတော့သည်။ သွေးဂျင်ဆင်းကို နှစ်ပိုင်းခွဲပြီးနောက် ဆေးမီးဖိုထဲသို့ ပစ်ထည့်၍ ဆေးလုံးများ စတင်ဖော်စပ်လိုက်သည်။</p> <p> </p> <p>ချူးယွင်ဖန်း ဆေးလုံးဖော်စပ်နေစဉ် ရတနာတစ်ထောင်ခန်းမ ဌာနခွဲ၏ မန်နေဂျာဖြစ်သူ ဝမ်ဆန်ချန်းသည် လျှို့ဝှက်အခန်းတစ်ခုထဲသို့ ဝင်သွားသည်။ ထိုအခန်းထဲတွင် ပိန်ပါးသော အဘိုးအိုတစ်ဦး ကုတင်ပေါ်တွင် တင်ပျဉ်ခွေ ထိုင်နေသည်။</p> <p> </p> <p>"အဘိုးကြီးလီ၊ ကုန်းစွန်းလျန်ရဲ့ အခြေအနေ ဘယ်လိုရှိလဲ" ဝမ်ဆန်ချန်းက မေးမြန်းလိုက်သည်။</p> <p> </p> <p>"ငြိမ်နေတယ်။ သူ ဒီနေရာမှာတော့ စိတ်လွတ်ကိုယ်လွတ်နဲ့ အကြမ်းဖက်တာမျိုး မလုပ်ပါဘူး" အဘိုးအိုက ပြန်ဖြေသည်။</p> <p> </p> <p>ဤလူသည် အခန်းထဲမှ မထွက်ခွာသော်လည်း သူ၏ နတ်အာရုံသည် ကုန်းစွန်းလျန်အပေါ်တွင် တည်ရှိနေသည်။ ထို့ကြောင့် ကုန်းစွန်းလျန်၏ လှုပ်ရှားမှုတိုင်းသည် သူ၏ စောင့်ကြည့်မှုအောက်တွင် တည်ရှိနေသည်။ အဆုံးတွင်မူ ကုန်းစွန်းလျန်၏ ကျင့်ကြံမှုသည် စကြာဝဠာအဆင့်သို့ စတင်ဝင်ရောက်ခါစသာဖြစ်သော်လည်း စကြာဝဠာအဆင့် ကျင့်ကြံသူတစ်ဦးဖြစ်နေဆဲဖြစ်သည်။ ထိုကဲ့သို့သော လူမျိုး ပြဿနာရှာလိုက်သည်နှင့် ဘေးဒုက္ခများဖြစ်လာပေလိမ့်မည်။ အဘိုးကြီးလီ စိုးရိမ်စိတ်ဖြင့် အာရုံစိုက်နေရုံမှတစ်ပါး အခြားရွေးချယ်စရာ မရှိပေ။</p> <p> </p> <p>"ဒါဆိုရင် ကောင်းပါတယ်" ဝမ်ဆန်ချန်းက ပြောလိုက်သည်။</p> <p> </p> <p>"ဒါပေမယ့် ကုန်းစွန်းလျန်က ချူးယွင်ဖန်းအတွက် ရောက်နေတာလေ။ ကျုပ်တို့ ချူးယွင်ဖန်းကိုပါ မောင်းထုတ်လိုက်ရမလား။ ရတနာတစ်ထောင်ခန်းမက စီးပွားရေးလုပ်ရာမှာ အမြဲတမ်း ကြားနေအဖြစ်ပဲ နေခဲ့တာ၊ အဖွဲ့အစည်းအတွေကြားက ပြိုင်ဆိုင်မှုတွေ ဘာတုန်းကမှ ဝင်ပါလေ့ရှိတာ မဟုတ်ဘူး" အဘိုးကြီးလီက ဆိုသည်။</p> <p> </p> <p>"ဒီလိုလုပ်ဖို့ မလိုအပ်ပါဘူး။ ချူးယွင်ဖန်းက ကျုပ်တို့ရဲ့ ဂုဏ်သရေရှိ ဧည့်သည်တော်အဖြစ် ရောက်လာတာ။ ကျုပ်တို့ သူ့ကို မောင်းထုတ်လိုက်ရင် တခြားသူတွေ ဘယ်လိုထင်ကုန်မလဲ။ တခြားသူတွေရဲ့ မျက်လုံးထဲမှာ ကျုပ်တို့က သံမဏိလှံဂုိဏ်းကို ကြောက်နေတယ်လို့ အမည်တပ်ခံရလိမ့်မယ်" ဝမ်ဆန်ချန်းက လက်ဝှေ့ယမ်းပြလိုက်သည်။</p> <p>"သူတို့ ရန်ငြိုးတွေကို ကျုပ်တို့ လျစ်လျူရှုထားလို့ရတယ်၊ ဒါပေမယ့် ရတနာတစ်ထောင်ခန်းမထဲမှာ ရှိနေသရွေ့တော့ နဂါးတစ်ကောင်ဆိုရင်တောင် ဝပ်တွားနေရမယ်။ လူတိုင်း ကျုပ်တို့ရဲ့ စည်းမျဉ်းတွေကို လိုက်နာရမယ်။ ချူးယွင်ဖန်းရော ကုန်းစွန်းလျန်ရော ကျုပ်တို့ စည်းမျဉ်းတွေကို မချိုးဖောက်သရွေ့တော့ သူတို့ကိစ္စကို ကျုပ်တို့ ဂရုစိုက်နေဖို့ မလိုဘူး"</p> <p> </p> <p>ဝမ်ဆန်ချန်းသည် ယုံကြည်မှု အပြည့်ရှိနေ၍ သူ၏ လှုပ်ရှားမှုတိုင်းသည် အထင်အမြင်သေးမှုများဖြင့် ပြည့်နှက်နေသည်။ သူသည် ချူးယွင်ဖန်း သို့မဟုတ် ကုန်းစွန်းလျန်ကို အနည်းငယ်မျှ အာရုံမထားပေ။</p> <p> </p> <p>"ဒါပေမယ့် ခင်ဗျားက ဘာလို့ ချူးယွင်ဖန်းကို ဒီလောက်အထင်ကြီးနေရတာလဲ။ သူက ဒြပ်မဲ့အဆင့်ပဲ ရှိသေးတာလေ" အဘိုးကြီးလီက မေးလိုက်သည်။</p> <p>"ကျုပ် အခုလေးတင် ရရှိထားတဲ့ သတင်းအရဆိုရင် ကုန်းစွန်းလျန်က လီရှန်ယွမ်နဲ့ ပတ်သက်နေပုံရတယ်။ သူက လီရှန်ယွမ်ရဲ့ နောက်လိုက်တစ်ယောက်ဖြစ်ပုံပဲ။ ချူးယွင်ဖန်းအတွက်နဲ့ လီရှန်ယွမ်ကို ရန်သူဖြစ်အောင် လုပ်ဖို့က မသင့်တော်ဘူးထင်တယ်"</p> <p> </p> <p>အဘိုးလီသည် စကြာဝဠာအဆင့် ကျင့်ကြံသူတစ်ဦးဖြစ်သော်လည်း ဝမ်ဆန်ချန်းအပေါ်တွင် ရိုသေစွာ ဆက်ဆံနေသည်။ သို့သော် ၎င်းတို့နှစ်ဦးကြားတွင် အခြား မည်သည့် ပတ်သက်မှုမျှ မရှိပေ။</p> <p> </p> <p>"လီရှန်ယွမ်က အင်အားကြီးတယ်ဆိုပေမယ့် သူက ရတနာတစ်ထောင်ခန်းမကိုတော့ လွှမ်းမိုးလို့ မရပါဘူး။ ကျုပ်က ချူးယွင်ဖန်းရဲ့ အနာဂတ် အလားအလာကို အများကြီး မျှော်မှန်းထားတာ။ ဒါ့အပြင် ဒီကိစ္စက လီရှန်ယွမ်ကို ရန်ဆွတယ်လို့ ယူဆလို့ မရဘူး။ အခု ကျုပ်တို့ ချူးယွင်ဖန်းကို ကူညီပေးတာက အနာဂတ်မှာ မမျှော်လင့်ထားတဲ့ အကျိုးကျေးဇူးတွေ ရလာနိုင်တယ်" ဝမ်ဆန်ချန်းက ဆိုသည်။</p> <p> </p> <p>"ဒါဆိုရင်တော့ ခင်ဗျား ပြောတဲ့အတိုင်းပဲ လုပ်လိုက်ပါ့မယ်။ ကျုပ် ကုန်းစွန်းလျန်ကို ဆက်ပြီး စောင့်ကြည့်နေပါ့မယ်" အဘိုးကြီးလီက ပြောလိုက်သည်။</p> <p> </p> <p>ဝမ်ဆန်ချန်းသည် အခန်းထဲမှ ထွက်ခွာလာစဥ် ခါးတွင်ချိတ်ထားသော ကျောက်စိမ်းပြားဖြင့် ဆော့ကစားနေသည်။</p> <p>"ချူးယွင်ဖန်း... စိတ်ဝင်စားဖို့ကောင်းသားပဲ။ ခင်ဗျျား ကျုပ်ကို စိတ်ပျက်အောင် မလုပ်ဘူးလို့ မျှော်လင့်ပါတယ်"</p> <p> </p> <p>မျက်တောင်တစ်ခတ်အတွင်း နေ့တစ်ဝက်ခန့် ကုန်ဆုံးသွားခဲ့သည်။ ချူးယွင်ဖန်း၏ ဆေးဖော်စပ်ခြင်း ဂါထာနှင့် ဆေးမီးတောက်ကို အဆက်မပြတ် အားဖြည့်ပေးမှုကြောင့် နာရီဝက်အတွင်း မဟာအသက်ဓာတ်ကျင့်ကြံသူဆေးလုံးများ အောင်မြင်စွာ ဖော်ဆပ်နိုင်သွားသည်။ ချူးယွင်ဖန်းသည် ဆေးမီးဖို၏ အဖုံးကို ဖွင့်လိုက်သည်နှင့် ဆေးရနံ့များ သူ၏ နှာခေါင်းထဲသို့ တိုးဝင်လာသည်။ လက်ကို တစ်ချက်ဝှေ့ယမ်းလိုက်ရာ မဟာအသက်ဓာတ်ကျင့်ကြံသူဆေးနှစ်လုံး ပျံထွက်လာသည်။ ချူးယွင်ဖန်းသည် ကျောက်စိမ်းသေတ္တာတစ်ခုကို ချက်ချင်း ထုတ်ယူ၍ ဆေးလုံးတစ်လုံးကို သိမ်းဆည်းလိုက်သည်။ ကျန်ရှိနေသည့် ဆေးလုံးတစ်လုံးကိုမူ ချက်ချင်း မျိုချလိုက်သည်။</p> <p> </p> <p>ဘုံး</p> <p> </p> <p>မဟာအသက်ဓာတ်ကျင့်ကြံသူဆေးလုံးသည် အစွမ်းထက်သော စွမ်းအင်များအဖြစ် ပြောင်းလဲကာ ချူးယွင်ဖန်း၏ ခန္ဓာကိုယ်အတွင်းသို့ ပျံ့နှံ့သွားသည်။ ကြီးမားလှသော စွမ်းအင်များကြောင့် ချူးယွင်ဖန်း၏ ခန္ဓာကိုယ်အတွင်းရှိ နတ်စွမ်းအင်များ အလိုအလျောက်ပင် လှည့်ပတ်လာသည်။ ချူးယွင်ဖန်းသည် ဧကရာဇ်ကျင့်စဉ်ကို အလျင်အမြန် လှည့်ပတ်ပြီးနောက် ဒြပ်မဲ့လေ့လာသူ အထွတ်အထိပ်အဆင့်၏ အတားအဆီးကို စတင်တိုက်ခိုက်လေသည်။</p> <p> </p> <p> </p> <p> </p> <p style="text-align: center;">***</p>


Save