Book List

<h2 style="text-align: center;">အခန်း (၁၇၅၀)</h2> <h2 style="text-align: center;">ဒြပ်မဲ့လေ့လာသူအထွတ်အထိပ်အဆင့်သို့ ရောက်ရှိခြင်း</h2> <h2 style="text-align: center;">*</h2> <p> </p> <p> </p> <p>ချူးယွင်ဖန်း၏ ခန္ဓာကိုယ်အတွင်းရှိ နတ်စွမ်းအင်များသည် ဆဲလ်များကို ဆေးကြောသန့်စင်ပေးနေသည်။ မဟာအသက်ဓာတ်ကျင့်ကြံခြင်းဆေး၏ ပံ့ပိုးမှုဖြင့် သူ၏နတ်စွမ်းအင်များ ရူးသွပ်စွာ မြင့်တက်လာသည်။ ၎င်းသည် အဆုံးမရှိသကဲ့သို့ ဆက်တိုက်မြင့်တက်နေသောကြောင့် သူ၏ခန္ဓာကိုယ်ကို ပေါက်ကွဲထွက်လုနီးပါး ခံစားရစေသည်။ အကယ်၍ သူသာ သာမန်လူတစ်ဦးဆိုလျှင် ခန္ဓာကိုယ်တစ်ခုလုံး ပေါက်ကွဲသွားလောက်ပြီဖြစ်သော်လည်း ချူးယွင်ဖန်း ကွဲပြားခြားနားသည်။ သူ၏ခန္ဓာကိုယ်သည် အလွန်အမင်း သန်မာသည့်အပြင် ထိပ်တန်းအဆင့် ဝိညာဉ်လက်နက်များကိုပင် လက်ဗလာဖြင့် ဖျက်ဆီးနိုင်သည်။ သူသည် ရုပ်ပိုင်းဆိုင်ရာသန်မာမှုတွင် အထွတ်အထိပ်သို့ ရောက်ရှိနေသည်ဟု ဆိုနိုင်သည်။</p> <p> </p> <p>သာမန် ဒြပ်မဲ့ကျွမ်းကျင်အဆင့် ကျင့်ကြံသူသည် စကြဝဠာအဆင့် ကျင့်ကြံသူ၏ တိုက်ခိုက်မှု နှစ်ကွက် သုံးကွက်ဖြင့် အသတ်ခံရနိုင်သော်လည်း ချူးယွင်ဖန်းသည် ထူးခြားသူဖြစ်သည်။ သူသည် စကြဝဠာအဆင့်နှင့်ပင် ရင်ဆိုင်တိုက်ခိုက်ဝံ့သည်။ အကယ်၍ အနိုင်မရလျှင်ပင် သေဆုံးလိမ့်မည်မဟုတ်ပေ။ ၎င်းတို့ကြားရှိ ကွာခြားချက်ကို ကျိုးကြောင်းဆင်ခြင်မှုဖြင့် တွက်ချက်၍မရနိုင်ပေ။ နတ်စွမ်းအင်အလွှာများ တစ်လွှာပြီး တစ်လွှာထုတ်လွှတ်လာ၍ ဒြပ်မဲ့လေ့လာသူအထွတ်အထိပ်အဆင့် အတားအဆီးသို့ တိုက်ခိုက်နေသည်။ ချူးယွင်ဖန်း၏ နှာခေါင်းမှ အဆက်မပြတ် ရှူထုတ်နေသော လေထုများသည် အစွယ်များဖြန့်ကာ လက်သည်းများ ဖော်ထုတ်နေသည့် နဂါးနှစ်ကောင်နှင့် ဆင်တူသည်။ ထိုလှုပ်ရှားမှုသည် တုန်လှုပ်ဖွယ်ကောင်းလှသည်။</p> <p> </p> <p>တစ်ချိန်တည်းမှာ အလယ်အလတ်အဆင့် ဝိညာဉ်ကျောက်တုံးများ ပြာအဖြစ်သို့ ပြောင်းလဲသွားသည်။ ၎င်းတို့အတွင်းရှိ ဝိညာဉ်စွမ်းအင်များကို ကြောက်မက်ဖွယ် အင်အားတစ်ခုက ဆွဲဆောင်နေသကဲ့သို့ သူ၏ခန္ဓာကိုယ်အတွင်းသို့ စီးဝင်လာသည်။ အချိန်သုံးရက်သည် မျက်စိတစ်မှိတ်အတွင်း ကုန်ဆုံးသွားသည်။ ချူးယွင်ဖန်းသည် တောင်မြစ်ပန်းချီကားအတွင်း၌ အချိန်အတော်ကြာ သီးသန့်ကျင့်ကြံနေခဲ့သည်။ ရုတ်တရက် သူ၏မျက်လုံးများကို ဖွင့်ကြည့်လိုက်ရာ မျက်ဝန်းများအတွင်း၌ အလင်းတန်းတစ်ခု လင်းလက်သွားသည်။ ပြီးနောက် အလင်းတန်းများ ဖြည်းညှင်းစွာ ပြန်လည်ပျောက်ကွယ်သွား၍ ပုံမှန်ပြန်ဖြစ်သွားသည်။ ချူးယွင်ဖန်းသည် ဤသုံးရက်အတွင်း သူ၏ အဆင့်ဖြတ်ကျော်မှုကို အောင်မြင်စွာ လုပ်ဆောင်နိုင်ခဲ့၍ ဒြပ်မဲ့လေ့လာသူအဆင့်၏ အထွတ်အထိပ်သို့ ရောက်ရှိသွားကြောင်း သိရှိလိုက်သည်။ သူ၏ကျင့်ကြံမှုများ တိုးတက်လာကာ တိုက်ခိုက်နိုင်စွမ်းသည်လည်း အဆမတန် မြင့်တက်လာသည်။ သူသည် ယခင်ကနှင့် လုံးလုံးလျားလျား ကွာခြားသွားသည်။</p> <p> </p> <p>ယခုအခါ ချူးယွင်ဖန်းသည် မိမိကိုယ်ကို ကြယ်ကြွေကောင်းကင်ဂိုဏ်း၏ ထူးချွန် တပည့်များထဲတွင် အကောင်းဆုံးဟု ရဲရဲဝံ့ဝံ့ ပြောနိုင်ပြီဖြစ်သည်။ မည်သူမျှ သူထက် ပိုမိုသန်မာနိုင်ဖွယ် အကြောင်းမရှိပေ။ ယခင်က ချူးယွင်ဖန်းသည် ဟော့သားရဲအဖြစ် ပြောင်းလဲနိုင်သော်လည်း ဒြပ်မဲ့အဆင့်၏ ကန့်သတ်ချက်ကို မကျော်လွှားနိုင်ခဲ့ပေ။ သို့သော် ယခုမူ မတူတော့ချေ။ သူ၏စွမ်းအင်သည် အလွန်ကြောက်မက်ဖွယ်ကောင်းစွာ ပြောင်းလဲသွားခဲ့သည်။ သူသည် ယခင်ကထက် အနည်းဆုံးလျှင် အဆပေါင်းများစွာ ပိုမိုသန်မာလာသည်။</p> <p> </p> <p>ဤအခြေခံအုတ်မြစ်ဖြင့် ချူးယွင်ဖန်းသည် ဟော့သားရဲအသွင် ပြောင်းလဲလိုက်သည်။ ဤသည်မှာ သူ ပထမဆုံးအကြိမ်အဖြစ် စကြဝဠာအဆင့်နှင့် ယှဉ်နိုင်သော စွမ်းအင်မျိုး အမှန်တကယ် ပိုင်ဆိုင်ခြင်းဖြစ်သည်။ သူ၏တစ်ကိုယ်လုံးသည် မျက်စိတစ်မှိတ်အတွင်း ရွှေရောင်အကြေးခွံများဖြင့် ဖုံးလွှမ်းသွား၍ ရွှေရောင်ဟော့တစ်ကောင်အဖြစ် ပြောင်းလဲသွားသည်။ သို့သော် ဤရွှေရောင်ဟော့သည် မူလဟော့ပုံသဏ္ဌာန်နှင့် မတူပေ။ ၎င်း၏ခန္ဓာကိုယ်သည် တောင်ငယ်တစ်ခုကဲ့သို့ မကြီးမားသော်လည်း ၎င်းသယ်ဆောင်လာသော ကြောက်မက်ဖွယ် ဖိအားသည် တောင်ငယ်တစ်ခု အရွယ်အစားရှိစဉ်ကထက် ပိုမိုတုန်လှုပ်ဖွယ်ကောင်းနေသည်။ သူ မတ်တပ်ရပ်လိုက်သောအခါ လူသားပုံသဏ္ဌာန်ရှိသည့် ဟော့တစ်ကောင်နှင့် ဆင်တူသည်။ ဤအခြေအနေမျိုးတွင် ချူးယွင်ဖန်းသည် သူ၏သိုင်းပညာများကို အမှန်တကယ် ထုတ်ဖော်ပြသနိုင်ပြီဖြစ်သည်။</p> <p> </p> <p>သူ၏တိုက်ခိုက်နိုင်စွမ်းများ အမှန်တကယ် တိုးတက်လာသည်။ ကြမ်းတမ်းသော အရှိန်အဝါများ ရူးသွပ်စွာ ထွက်ပေါ်လာသောကြောင့် တောင်မြစ်ပန်းချီကားပင် တုန်ခါ၍ လိမ်တွန့်သွားသည်။ ချူးယွင်ဖန်းသည် သူ၏ခန္ဓာကိုယ်အတွင်းမှ ကြောက်မက်ဖွယ် စွမ်းအင်များ အဆက်မပြတ် ထွက်ပေါ်နေကြောင်း ခံစားနေရသည်။ သူသည် တစ်ကမ္ဘာလုံးကို ထိုးဖောက်နိုင်သည်ဟု ခံစားလိုက်ရသည်။</p> <p> </p> <p>"ဒါက ဒြပ်မဲ့အဆင့်ရဲ့ အထက်မှာရှိတဲ့ စကြဝဠာအဆင့်ရဲ့ စွမ်းအင်လား" ချူးယွင်ဖန်းက တီးတိုး ရေရွတ်လိုက်သည်။</p> <p> </p> <p>သူသည် ဆေးဧကရာဇ်၏ မှတ်ဉာဏ်များတွင် ဤထက် အဆတစ်ရာမက သန်မာသော စွမ်းအင်များကို မြင်တွေ့ဖူးသဖြင့် ဤစွမ်းအင်နှင့် မစိမ်းကားသော်လည်း ကိုယ်တိုင်ပိုင်ဆိုင်ရခြင်းသည် ပထမဆုံးအကြိမ်ဖြစ်သည်။ ၎င်းသည် မှတ်ဉာဏ်ထဲရှိ ခံစားချက်နှင့် လုံးလုံးလျားလျား ကွဲပြားခြားနားလှသည်။ နောက်တစ်ခဏတွင် ချူးယွင်ဖန်းသည် သူ၏ခန္ဓာကိုယ်ရှိ ဟော့ပုံသဏ္ဌာန်ကို ပြန်ရုပ်သိမ်းကာ လူသားအဖြစ်သို့ ပြန်ပြောင်းလိုက်သည်။</p> <p>'ဒီစွမ်းအင်က တကယ့်ကို အစွမ်းထက်တာပဲ' ချူးယွင်ဖန်းက တွေးလိုက်သည်။</p> <p> </p> <p>သူ၏ လက်ရှိအစွမ်းဖြင့်ဆိုလျှင် ဝမ်ယီဖန်းကို ကြောက်ရွံ့ရန် မလိုအပ်တော့ပေ။ သို့သော် ဟော့ပုံသဏ္ဌာန်သည် နတ်စွမ်းအင်ကို အလွန်အမင်း ကုန်ခမ်းစေသည်။ ၎င်းကို ဝှက်ဖဲအဖြစ်သာ အသုံးပြုနိုင်သောကြောင့် ပုံမှန်တိုက်ခိုက်ရေးစွမ်းအင်အဖြစ် အသုံး၍မရနိုင်ပေ။ အကယ်၍ သူသာ စကြဝဠာအဆင့်နှင့် နှိုင်းယှဉ်နိုင်သော စွမ်းအင်ကို ပိုင်ဆိုင်လိုပါက ဒြပ်မဲ့ကျွမ်းကျင်အဆင့်သို့ တက်လှမ်းရပေလိမ့်မည်။ သို့သော် ချူးယွင်ဖန်းသည် စိတ်မပျက်မိပေ။ အကြောင်းမှာ သူသည် ထိုအဆင့်နှင့် အလှမ်းမဝေးတော့သောကြောင့်ဖြစ်သည်။ သူ၏လက်ထဲတွင် မဟာအသက်ဓာတ်ကျင့်ကြံခြင်းဆေးတစ်လုံး ကျန်ရှိနေသောကြောင့် ၎င်းဖြင့် ရှေ့ဆက်တိုးရန် လုံလောက်ပေသည်။</p> <p> </p> <p>"ဘယ်သူက ဘယ်သူ့ကို သတ်မလဲဆိုတာ ကြည့်ကြသေးတာပေါ့၊ ကုန်းစွန်းလျန်" ချူးယွင်ဖန်း လှောင်ပြုံးပြုံးလိုက်သည်။</p> <p> </p> <p>ဤကာလအတွင်း ကုန်းစွန်းလျန်၏ နတ်အာရုံသည် ချူးယွင်ဖန်း ပြုလုပ်ထားသော အတားအဆီးကို ထိုးဖောက်ရန် အဆက်မပြတ် ကြိုးစားနေကြောင်း သူ ခံစားနိုင်သည်။ သူသည် ချူးယွင်ဖန်းကို တိုက်ခိုက်ရန် ဆုံးဖြတ်ချက်ချထားပုံပေါ်သည်။ သုံးရက်အတွင်း ချူးယွင်ဖန်းသည် အဆင့်ဖြတ်ကျော်သွားခြင်းကို ကုန်းစွန်းလျန် မသိခဲ့ပေ။ သို့သော် ချူးယွင်ဖန်း ဆက်မတွေးတောနိုင်မီ တံခါးခေါက်သံတစ်ခု ကြားလိုက်ရသည်။ သူသည် တောင်မြစ်ပန်းချီကားထဲမှ ထွက်လာ၍ တံခါး ဖွင့်လိုက်သောအခါ ဝမ်ဆန်ချန်းဖြစ်နေကြောင်း မြင်တွေ့လိုက်ရသည်။</p> <p> </p> <p>"ဗိုလ်မှူးကြီးချူး... လေလံပွဲ ပြီးဆုံးသွားပါပြီ" ဝမ်ဆန်ချန်းက ပြောလာသည်။</p> <p> </p> <p>"ကောင်းပါပြီ။ ခင်ဗျားတို့ရဲ့ ဧည့်ဝတ်ကျေပွန်မှုအတွက် ကျေးဇူးတင်ပါတယ်။ ကျုပ် သွားတော့မယ်။ နောင် တစ်ခုခု အရောင်းအဝယ်ရှိရင် ခင်ဗျားနဲ့ ခင်ဗျားတို့ အဖွဲ့အစည်းကို ဦးစားပေးပါ့မယ်"</p> <p>ချူးယွင်ဖန်းသည် စကားပြောပြီးနောက် ဝမ်ဆန်ချန်းကို နှုတ်ဆက်ကာ အလင်းတန်းတစ်ခုအဖြစ် ပြောင်းလဲ၍ ထိုနေရာမှ ပျောက်ကွယ်သွားသည်။ ဝမ်ဆန်ချန်းသည် ချူးယွင်ဖန်း၏ ပုံရိပ်ကို ကြည့်နေစဥ် သူ၏မျက်ဝန်းများအတွင်း စူးရှသော အလင်းတန်းများ ပေါ်ထွက်လာသည်။ လေးရက်အတွင်း ချူးယွင်ဖန်း၏ စွမ်းအင်များ သိသိသာသာ တိုးတက်လာပုံပေါ်သည်။</p> <p>‘တကယ့်ကို ကြောက်စရာပဲ’</p> <p> </p> <p>ချူးယွင်ဖန်းက သိုသိပ်စွာ ဖုံးကွယ်ထားသော်လည်း ဝမ်ဆန်ချန်း သတိထားမိလိုက်သည်။ ဝမ်ဆန်ချန်းသည် သူ၏ ဆုံးဖြတ်ချက်ကို ယုံကြည်သည်။ ချူးယွင်ဖန်း ရက်အနည်းငယ်အတွင်း ယခင်ကထက် ပိုမိုသန်မာလာခဲ့သည်။</p> <p> </p> <p>"စိတ်ဝင်စားစရာပဲ။ ချူးယွင်ဖန်းက ကျုပ်ထင်ထားတာထက် ပိုအစွမ်းထက်နေမယ်လို့ မမျှော်လင့်ထားဘူး။ ဒါပေမယ့် နေဦး၊ သူ ကုန်းစွန်းလျန်ကို ဘယ်လိုရင်ဆိုင်မှာလဲ။ မသေစေနဲ့ပေါ့ မဟုတ်ရင် နှမြောစရာကောင်းလိမ့်မယ်" ဝမ်ဆန်ချန်း မျက်မှောင်ကြုတ်လျက် လှည့်ထွက်သွားသည်။</p> <p> </p> <p>ဤအချိန်တွင် ချူးယွင်ဖန်းသည် ရတနာတစ်ထောင်ခန်းမ ဌာနခွဲ၏ အပြင်ဘက်သို့ ရောက်ရှိသွားသည်။ ကောင်းကင်ယံတွင် ဥက္ကာခဲများကဲ့သို့ ဖြတ်သန်းသွားသော အလင်းတန်းများကို သူ မြင်တွေ့လိုက်ရသည်။ ၎င်းတို့သည် လေလံပွဲအပြီး ရတနာတစ်ထောင်ခန်းမမှ ထွက်ခွာသွားသူများဖြစ်သည်။</p> <p> </p> <p>"ဟားဟားဟား မင်း နောက်ဆုံးတော့ ထွက်လာပြီပေါ့"</p> <p> </p> <p>ထိုအချိန်တွင် ချူးယွင်ဖန်း၏ အနောက်ဘက်မှ ထူးဆန်းသော ရယ်သံတစ်ခု ထွက်ပေါ်လာသည်။ တစ်ချိန်တည်းမှာပင် ကြီးမားသော လှံအလင်းရောင်တစ်ခု လေထုထဲတွင် ပေါ်ထွက်လာ၍ ချူးယွင်ဖန်းထံသို့ ဦးတည်လာခဲ့သည်။ ဤလှံ၏ အရှိန်အဟုန်သည် အလွန်လျင်မြန်လှသည်။ ၎င်းသည် မျက်စိတစ်မှိတ်အတွင်း သူ့ကို ထိုးဖောက်တော့မည့်အလား ချီတက်လာသည်။</p> <p> </p> <p>တိုက်ခိုက်လာသူသည် ကုန်းစွန်းလျန်မှလွဲ၍ အခြားလူမဟုတ်ပေ။ သူသည် ရက်အတော်ကြာ အောင့်အည်းထားသောကြောင့် ချူးယွင်ဖန်းကို တုံ့ပြန်ရန် အခွင့်အရေးမပေးဘဲ တိုက်ရိုက် တိုက်ခိုက်လိုက်သည်။ သို့သော် ချူးယွင်ဖန်းက ချက်ချင်းတုံ့ပြန်လိုက်ကာ ရပ်နေသည့်နေရာမှ ပျောက်ကွယ်သွားသည်။</p> <p> </p> <p>ဘုံး</p> <p> </p> <p>မြေပြင်ပေါ်သို့ လှံအလင်းတန်း ကျရောက်သွားသည့်အတွက် ကြီးမားသော ကျင်းကြီးတစ်ခု ဖြစ်ပေါ်သွားသည်။</p> <p>"ဘာ..." ကုန်းစွန်းလျန် ဇဝေဇဝါ ဖြစ်သွားသည်။ ချူးယွင်ဖန်းသည် သူ၏တိုက်ခိုက်မှုကို ရှောင်တိမ်းနိုင်ခဲ့သည့်အပြင် သူ၏အရှိန်အဟုန်သည် လွန်ခဲ့သော ရက်အနည်းငယ်ကထက်ပင် ပို၍မြန်ဆန်နေသည်။</p> <p> </p> <p> </p> <p> </p> <p style="text-align: center;">***</p>


Save