Book List

<h2 style="text-align: center;">အခန်း (၁၇၅၁)</h2> <h2 style="text-align: center;">တိုက်ပွဲကြောင့် လူတိုင်း တုန်လှုပ်ချောက်ချားခြင်း</h2> <h2 style="text-align: center;">*</h2> <p> </p> <p> </p> <p>ကုန်းစွန်းလျန်သည် ထိုသို့ရယ်ဖွယ်ရာကောင်းသည့် အတွေးကို ခေါင်းထဲမှ ချက်ချင်းပင် မောင်းထုတ်လိုက်သည်။ ရက်အနည်းငယ်သာ ကြာမြင့်ခဲ့သောကြောင့် ကျင့်ကြံသူတစ်ယောက်အဖို့ ရက်အနည်းငယ်မျှ သီးသန့်ကျင့်ကြံရုံဖြင့် မည်သို့မျှ သန်မာနိုင်မည်နည်း။ ချူးယွင်ဖန်းသည် ရက်အနည်းငယ်အတွင်း ဤမျှကြီးမားသည့် ပြောင်းလဲမှုမျိုးဖြင့် မည်သို့ ကြုံတွေ့နိုင်မည်နည်း။ ဤသည်မှာ ဟာသတစ်ခုသာ ဖြစ်ရပေလိမ့်မည်။ သူ၏ အာရုံခံစားမှုများ မှားယွင်းနေခြင်းဖြစ်ပေလိမ့်မည်။</p> <p> </p> <p>ဤသို့ တွေးတောပြီးနောက် ကုန်းစွန်းလျန်၏ မျက်လုံးများထဲတွင် ကြောက်မက်ဖွယ် အလင်းတန်းများ လင်းလက်သွားသည်။ လွန်ခဲ့သော ရက်အနည်းငယ်က ချူးယွင်ဖန်းကို သတ်ပစ်ချင်ခဲ့သော်လည်း ရတနာတစ်ထောင်ခန်းမ၏ လျှို့ဝှက်ဆန်းကြယ်သော ပညာရှင်တစ်ဦးက တားဆီးခဲ့သည်။ အဘိုးကြီးလီ ခန့်မှန်းထားသကဲ့သို့ပင် ကုန်းစွန်းလျန်သည် လီရှန်ယွမ်အပေါ် မည်မျှသစ္စာရှိပါစေ ရူးသွပ်နေသူ မဟုတ်ပေ။ ရတနာတစ်ထောင်ခန်းမကို မစော်ကားသင့်ကြောင်း ကောင်းမွန်စွာ နားလည်ထားသည်။ သူ၏ကျောထောက်နောက်ခံဖြစ်သော သံမဏိလှံဂိုဏ်းပင် ရတနာတစ်ထောင်ခန်းမကို ရန်ဆွဝံ့မည် မဟုတ်ပေ။ ရတနာတစ်ထောင်ခန်းမနှင့် နှိုင်းယှဉ်လျှင် သံမဏိလှံဂိုဏ်းသည် မပြောပါ့လောက်ပေ။ သူ ခစားနေသည့် လီရှန်ယွမ်ပင် ရတနာတစ်ထောင်ခန်းမကို ယှဉ်ပြိုင်နိုင်စွမ်း မရှိပေ။ ထိုကုန်သည်အဖွဲ့အစည်းသည် အင်မတန် အင်အားကြီးမားပေသည်။</p> <p> </p> <p>"ဒီနေ့ မင်းကို သတ်မယ်။ ဘယ်သူ လာကယ်မလဲ ကြည့်ကြသေးတာပေါ့"</p> <p> </p> <p>ကုန်းစွန်းလျန် ထပ်မံတိုက်ခိုက်လိုက်ပြန်သည်။</p> <p>"ကောင်းကင် ဖြတ်ကျော်ခြင်း လှံ"</p> <p>သူသည် လှံဖြင့် ထိုးနှက်လိုက်ရာ ကောင်းကင်ယံကို လှံအလင်းတန်းများ ဖြတ်သန်းသွားသည်။ ၎င်းသည် ကောင်းကင်ကို ဖြတ်သန်းနေသည့် တောင်တန်းကြီးတစ်ခုကဲ့သို့ ချူးယွင်ဖန်းထံ ချီတက်လာသည်။ ချူးယွင်ဖန်းသည် ရှောင်တိမ်းရန်ပင် မကြိုးစားဘဲ ထိုလှံကို လက်သီးဖြင့် ပြန်လည် ထိုးနှက်လာသောကြောင့် ကုန်းစွန်းလျန် အံ့အားသင့်သွားသည်။</p> <p> </p> <p>ဘုံး</p> <p> </p> <p>ကျယ်လောင်သော ပေါက်ကွဲသံနှင့်အတူ လှံအလင်းတန်းနှင့် လက်သီးချက်တို့ ရိုက်ခတ်သွားရာ ကမ္ဘာတစ်ခုလုံး ပျက်စီးတော့မယောင် ထင်မှတ်ရစေသည်။ ထိုမှ ထွက်ပေါ်လာသော စွမ်းအင်လှိုင်းလုံးကြီးများ တစ်ခဏအတွင်း ပျံ့နှံ့သွားသည်။ ကုန်းစွန်းလျန်၏ တိုက်ခိုက်မှုနှင့် ရင်ဆိုင်ရချိန်တွင် ချူးယွင်ဖန်းသည် အနောက်သို့ ခြေလှမ်းနှစ်လှမ်းခန့်သာ ဆုတ်ခွာသွားပြီးနောက် ဟန်ချက်ကို ပြန်လည်ထိန်းချုပ်နိုင်သွားသည်။</p> <p> </p> <p>"မဖြစ်နိုင်တာ" ကုန်းစွန်းလျန် အံ့ဩတကြီး အော်ပြောလိုက်သည်။ ချူးယွင်ဖန်းသည် သူ၏ တိုက်ခိုက်မှုကို ဤမျှ လွယ်လွယ်ကူကူ ခုခံနိုင်လိမ့်မည်ဟု မထင်မှတ်ထားပေ။ ပုံမှန်အားဖြင့် သာမန်ဒြပ်မဲ့အဆင့်၊ ဒြပ်မဲ့ကျွမ်းကျင်အဆင့်ပင် ထိုနေရာတွင် သေဆုံးသွားမည်ဖြစ်ရာ ချွင်းချက်ဟူ၍ မရှိနိုင်ပေ။</p> <p> </p> <p>"မင်းရဲ့ တိုက်ခိုက်ရေးစွမ်းရည်တွေ ဘယ်လိုလုပ် ဒီလောက်တိုးတက်လာရတာလဲ" ကုန်းစွန်းလျန် မျက်မှောင်ကြုတ်ကြည့်လိုက်သည်။</p> <p>"မင်း ဆင့်ကဲပြောင်းလဲမှုဆေးကို သောက်လိုက်တာလား"</p> <p> </p> <p>ဤသည်မှာ ကုန်းစွန်းလျန် တွေးတောနိုင်သည့် တစ်ခုတည်းသော အကြောင်းပြချက်ဖြစ်သည်။ မည်သို့ပင်ဆိုစေကာမူ ချူးယွင်ဖန်းသည် သူ၏ ခြိမ်းခြောက်မှုအောက်တွင် ရောက်ရှိနေသောကြောင့် တုံးအသူ မဟုတ်ပါက စွမ်းအင်ကို မြှင့်တင်ရန် နည်းလမ်းတစ်ခုခု စဉ်းစားပေလိမ့်မည်သည်။ သူ သိထားသည့် တစ်ခုတည်းသော နည်းလမ်းသည် ဆင့်ကဲပြောင်းလဲမှုဆေးလုံး သောက်သုံးခြင်းဖြစ်သည်။</p> <p> </p> <p>ထိုအကြောင်းကြောင့် သူ၏ ရင်ထဲတွင် ဒေါသမီးများ တစ်ဟုန်းဟုန်း တောက်လောင်လာသည်။ ချူးယွင်ဖန်း လက်ထဲရှိ ဆင့်ကဲပြောင်းလဲမှုဆေးလုံးကို သူ၏ ကိုယ်ပိုင်ပစ္စည်းအဖြစ် သတ်မှတ်ထားခဲ့ရာ ယခုအခါ ချူးယွင်ဖန်းသည် သူ ပိုင်ဆိုင်သောပစ္စည်းကို အသုံးပြုဝံ့သည်။ ဤဆေးလုံးသည် သူ၏ အဆင့်ဖြတ်ကျော်ခြင်းနှင့် သက်ဆိုင်နေသဖြင့် သူ၏ ဒေါသများ ပေါက်ကွဲထွက်လာသည်။</p> <p> </p> <p>"ချီးပဲ... မင်း ဆင့်ကဲပြောင်းလဲမှုဆေးကို စားပစ်လိုက်တယ်ပေါ့လေ။ ဒါ ခွင့်မလွှတ်နိုင်တဲ့ ပြစ်မှုပဲ။ မင်းကို လူသားဆေးပစ္စည်းအဖြစ် သတ်မှတ်ပြီး မင်းရဲ့ ခန္ဓာကိုယ်ထဲက ဆေးအာနိသင်တွေကို ကျုပ် ပြန်ထုတ်ယူပစ်မယ်"</p> <p> </p> <p>ကုန်းစွန်းလျန်၏ မျက်လုံးများထဲတွင် ပြင်းထန်သော သတ်ဖြတ်လိုစိတ်များ ပေါ်ထွက်လာသည်။</p> <p> </p> <p>ကုန်းစွန်းလျန်၏ စကားကို ကြားသောအခါ ချူးယွင်ဖန်းက လှောင်ရယ်လိုက်သည်။</p> <p>"ကျုပ်ကို လူသားဆေးပစ္စည်းအဖြစ် ပြောင်းလဲချင်တာလား။ ခင်ဗျားမှာ ဒီလိုအရည်အချင်းမျိုးရှိမယ်လို့ မထင်ဘူး။ ဒီအချက်ကို အခြေခံပြီး ပြောရရင် ခင်ဗျား ကျုပ်လက်ထဲမှာ သေရမှာ သေချာသွားပြီ"</p> <p> </p> <p>ချူးယွင်ဖန်းတွင် ဆေးဧကရာဇ်၏ မှတ်ဉာဏ်များရှိနေသဖြင့် လူသားဆေးပစ္စည်းဟူသည် မည်သည်ကို ဆိုလိုကြောင်း သူ ကောင်းကောင်း သိသည်။ ၎င်းသည် ဆေးဖော်စပ်ခြင်း၌ ယုတ်မာကောက်ကျစ်သော လမ်းစဉ်တစ်ခုဖြစ်သည်။ ရှေးခေတ်ကာလများက ဆေးဆရာများစွာ လူသားများကို ဆေးအဖြစ် ကြိတ်ချေ၍ ဆေးလုံးများ ဖော်စပ်ခဲ့ကြသည်။ ဤနည်းလမ်းသည် ရက်စက်လွန်းလှသော်လည်း လူအများအပြားသည် ၎င်းကို အလွန်နှစ်သက်ခဲ့ကြသည်။ လမ်းမှားဖြစ်သော်လည်း လူအများအဖို့ အလွန် ထိရောက်သည့် နည်းလမ်းတစ်ခု ဖြစ်ခဲ့သည်။ ယခုအခါ ကုန်းစွန်းလျန်က သူ့ကို ထိုသို့ ပြုလုပ်ရန် ကြံစည်နေသဖြင့် ချူးယွင်ဖန်းသည် သူ့ကို မည်သို့မျှ လွှတ်ပေးထားမည်နည်း။</p> <p> </p> <p>"ဟားဟားဟား ဆင့်ကဲပြောင်းလဲမှုဆေးကို သောက်ထားရင်လည်း ဘာထူးမှာလဲ။ မင်းရဲ့ ဒြပ်မဲ့အဆင့်လောက်နဲ့ ကျုပ်ကို ရင်ဆိုင်ရဲတယ်လား"</p> <p> </p> <p>ကုန်းစွန်းလျန်သည် သူ ရှုံးနိမ့်လိမ့်မည်ဟု လုံးလုံးလျားလျား မထင်မှတ်ထားပေ။ ချူးယွင်ဖန်း နိမ့်ကျသောသူဖြစ်ပါလျက် ဤမျှထောင်လွှား၍ ဥပဒေမဲ့လွန်းလှသည်။ နောက်တစ်ခဏတွင် ကုန်းစွန်းလျန်က ထပ်မံ တိုက်ခိုက်လိုက်သည်။ သူ၏ လက်ထဲတွင် တောက်ပသော ငွေရောင်လှံတစ်စင် ထွက်ပေါ်လာသည်။ ၎င်းသည် ပျံသန်းနေသော နဂါးတစ်ကောင်ကဲ့သို့ ကောင်းကင်ယံကို ထိုးဖောက်သွားသည်။ လှံဖြင့် လေထုကို ထိုးခွဲလိုက်သောအခါ ပြင်းထန်သော ပွတ်တိုက်သံများ ထွက်ပေါ်လာခဲ့ရာ တစ်လောကလုံး မီးဟုန်းဟုန်း တောက်လောင်နေသည့်အလား ခံစားရစေသည်။</p> <p> </p> <p>သို့သော် ချူးယွင်ဖန်းက လုံးလုံးလျားလျား မကြောက်ရွံ့ပေ။</p> <p>"အံ့ဖွယ်လက်သီးရှစ်ချက်"</p> <p> </p> <p>ချူးယွင်ဖန်းသည် ကောင်းကင်နဂါးရှစ်ကောင်၏ စွမ်းအင်ကို ဆင့်ခေါ်လိုက်သည်။ ကောင်းကင်ယံတွင် ရေတွက်၍မရနိုင်သော ပုံရိပ်များ ပေါ်ထွက်လာ၍ ကုန်းစွန်းလျန်၏ ငွေရောင်လှံနှင့် ရိုက်ခတ်သွားသည်။</p> <p> </p> <p>ဘုံး</p> <p> </p> <p>နှစ်ဖက်စလုံး၏ တိုက်ခိုက်မှုများ ရိုက်ခတ်မိကြစဉ် ကြီးမားသော ပေါက်ကွဲသံကြီး ထွက်ပေါ်လာသည်။ သို့သော် ပေါက်ကွဲမှုအရှိန် မပြန့်နှံ့သွားမီ ချူးယွင်ဖန်းနှင့် ကုန်းစွန်းလျန်တို့နှစ်ဦးစလုံး တစ်ပြိုင်နက်တည်း အပြန်အလှန် ထပ်မံ ထိုးနှက်လိုက်ကြသည်။</p> <p> </p> <p>ဘုံး</p> <p> </p> <p>ဘုံး</p> <p> </p> <p>ဘုံး</p> <p> </p> <p>ကောင်းကင်ယံတွင် တုန်လှုပ်ဖွယ်ရာ ရိုက်ခတ်မှုများ တစ်ခုပြီးတစ်ခု ပေါ်ပေါက်လာသည်။ ဤဖြစ်စဥ်သည် ရတနာတစ်ထောင်ခန်းမ၏ ဧည့်သည်တော်များကို နိုးကြားသွားစေသည်။</p> <p> </p> <p>"အဲဒါ ဘာလဲ။ စကြဝဠာအဆင့် ကျင့်ကြံသူနှစ်ယောက် တိုက်နေကြတာလား"</p> <p> </p> <p>လူအများအပြား ဤအဆင့်ရှိသော သက်ရောက်မှုကို ရင်းနှီးနေကြသဖြင့် ချက်ချင်းပင် အာရုံခံစားမိသွားသည်။ သို့သော် ဤနေရာတွင် အဘယ်ကြောင့် စကြဝဠာအဆင့် ကျင့်ကြံသူနှစ်ဦး တိုက်ခိုက်နေကြရသနည်းဟု လူအများစု မေးခွန်းထုတ်နေကြသည်။</p> <p> </p> <p>"ဟိုတစ်ယောက်ကို ကျုပ် သိသလိုပဲ။ သူက သံမဏိလှံဂိုဏ်းက ပါရမီရှင် ကုန်းစွန်းလျန်ပဲ။ သူ စကြဝဠာအဆင့်ကို မကြာသေးခင်က တက်လှမ်းခဲ့တယ်လို့ ကျုပ် ကြားထားတယ်"</p> <p> </p> <p>"ဟုတ်တယ်၊ သူပဲ။ အဲဒီ ငွေရောင်လှံကို ကျုပ် သိတယ်။ သူ တိုက်ခိုက်တာကို ကျုပ် အရင်က မြင်ဖူးတယ်"</p> <p> </p> <p>"ဒါဆို နောက်တစ်ယောက်က ဘယ်သူလဲ။ ကြည့်ရတာ တော်တော် ငယ်သေးပုံပဲ၊ ဒါပေမယ့် ကုန်းစွန်းလျန်နဲ့ ဘယ်လိုလုပ် တန်းတူတိုက်ခိုက်နိုင်နေရတာလဲ"</p> <p> </p> <p>"မဟုတ်ဘူး၊ အတိအကျ ပြောရရင် ဟိုလူငယ်က နည်းနည်း အားနည်းနေပုံပဲ၊ ဒါပေမယ့် ဒါတောင်မှ တော်တော် တုန်လှုပ်စရာ ကောင်းနေပြီ"</p> <p> </p> <p>လူတိုင်း တအံ့တဩ ဆွေးနွေးနေကြသည်။ ကောင်းကင်ယံတွင် တိုက်ခိုက်နေသူ နှစ်ဦးသည် သာမန် ဒြပ်မဲ့အဆင့်ထက် များစွာ သန်မာကြောင်း ၎င်းတို့ မြင်တွေ့နိုင်သည်။ ကုန်းစွန်းလျန်သည် စကြဝဠာအဆင့်ကျင့်ကြံသူဖြစ်ကြောင်း လူအများ သိကြပြီးသားဖြစ်သည်။ ချူးယွင်ဖန်းနှင့် ပတ်သက်၍မူ မည်သူမျှ မသိကြသော်လည်း သူသည် ကုန်းစွန်းလျန်နှင့် အကြိမ်ပေါင်းများစွာ ရှုံးနိမ့်ခြင်းမရှိဘဲ ယှဉ်ပြိုင်နိုင်ခြင်းအရ အလွန်တုန်လှုပ်ဖွယ်ကောင်းလှသည်။</p> <p>ကြီးမြတ်သောတရှနှင့် ပြင်ပနယ်မြေတွင် ပါရမီရှင်များစွာ တည်ရှိနေကြသည်။ ထိုအထဲတွင် မရေတွက်နိုင်သော ဒြပ်မဲ့အဆင့် ပါရမီရှင်များစွာ ပါဝင်ကြသည်။ လူတိုင်းသည် စကြဝဠာအဆင့်သို့ တက်လှမ်းနိုင်သူများကိုသာ မှတ်မိကြသည်။ စကြဝဠာအဆင့် ကျင့်ကြံသူဖြစ်လာမှသာလျှင် ကြီးမြတ်သောတရှတွင် အမှန်တကယ် ထင်ရှားကျော်ကြားသူတစ်ဦးအဖြစ် သတ်မှတ်ခံရပေလိမ့်မည်။</p> <p> </p> <p> </p> <p> </p> <p style="text-align: center;">***</p>


Save