Book List

<h2 style="text-align: center;">အခန်း (၁၇၅၃)</h2> <h2 style="text-align: center;">ကုန်းစွန်းလျန်ကို သတ်ဖြတ်ခြင်း</h2> <h2 style="text-align: center;">*</h2> <p> </p> <p> </p> <p>ချူးယွင်ဖန်း၏ ရုတ်တရက် ပြင်းထန်လာသော တိုက်ခိုက်မှုကြောင့် ကုန်းစွန်းလျန် အငိုက်မိသွားသည်။ ချူးယွင်ဖန်းသည် စကြဝဠာအဆင့်နှင့် ယှဉ်နိုင်သော စွမ်းအင်မျိုးကို ရုတ်ချည်း ထုတ်ဖော်နိုင်လိမ့်မည်ဟု ကုန်းစွန်းလျန် မမျှော်လင့်ထားပေ။ ယခင်က သူသည် ချူးယွင်ဖန်းကို အထင်အမြင်သေးစွာ ဆက်ဆံခဲ့သည်။ ချူးယွင်ဖန်းသည် သူ နှစ်ခါလှည့်ကြည့်ရန်ပင် မထိုက်တန်သူဟု ယူဆခဲ့သည်။ ချူးယွင်ဖန်းသည် အနည်းငယ် ကိုင်တွယ်ရ ခက်ခဲသူတစ်ဦးဟုသာ သူ ခံစားခဲ့ရသည်။</p> <p> </p> <p>သူ၏ အမြင်တွင် သတိထားပြုမူနေသရွေ့ ချူးယွင်ဖန်းကို သတ်ဖြတ်နိုင်လိမ့်မည်ဟု ထင်မှတ်ခဲ့သည်။ သို့သော်လည်း ချူးယွင်ဖန်းသည် သူ့ကို လှည့်စားရန်အတွက် စွမ်းအင်အစစ်အမှန်ကို ဖုံးကွယ်ထားခဲ့မည်ဟု မည်သူ သိမည်နည်း။ ချူးယွင်ဖန်းသာ သူ၏ ခွန်အားဖြင့် ကုန်းစွန်းလျန်ကို ထိပ်တိုက်ရင်ဆိုင်လျှင် အချိန်တိုအတွင်း အနိုင်ယူရန် မလွယ်ကူနိုင်မှန်း ကောင်းကောင်း နားလည်ထားသည်။ မည်သို့ပင်ဆိုစေကာမူ ချူးယွင်ဖန်းအနေဖြင့် ဟော့ပုံသဏ္ဌာန်ကို ထိန်းထားနိုင်သည့် အချိန်သည် အကန့်အသတ်ရှိနေသည်။ ထို့ကြောင့်ပင် သူက ဤနည်းလမ်းကို အသုံးပြုခဲ့ခြင်းဖြစ်သည်။ မျှော်လင့်ထားသည့်အတိုင်းပင် ကုန်းစွန်းလျန်သည် ပြင်ဆင်ထားခြင်း မရှိသောကြောင့် ချူးယွင်ဖန်း၏ လျှပ်တစ်ပြက် တိုက်ခိုက်မှုကြောင့် ပြင်းထန်စွာ ဒဏ်ရာရသွားသည်။</p> <p> </p> <p>ကုန်းစွန်းလျန်အပြင် အဝေးမှ ကြည့်နေကြသော အခြားကျင့်ကြံသူများပင် ချူးယွင်ဖန်း၏ လျှပ်တစ်ပြက် တိုက်ခိုက်မှုကို မမျှော်လင့်ထားကြချေ။ လူတိုင်း ဆွံ့အသွားကြသည်။ ချူးယွင်ဖန်းသည် ဒြပ်မဲ့အဆင့် ကျင့်ကြံမှုဖြင့် ကုန်းစွန်းလျန်ကို ရင်ဆိုင်နိုင်ခြင်းက အလွန်အထင်ကြီးဖွယ်ကောင်းနေပြီဟု ၎င်းတို့ ထင်မှတ်ထားကြသည်။ သို့သော် ချူးယွင်ဖန်းက ဤကဲ့သို့ နတ်စွမ်းရည်မျိုးကို ထုတ်ဖော်ပြသ၍ ကုန်းစွန်းလျန်ကို မျက်စိတစ်မှိတ်အတွင်း ပြင်းထန်စွာ ဒဏ်ရာရအောင် ပြုလုပ်နိုင်လိမ့်မည်ဟု မည်သူ ထင်ထားမည်နည်း။</p> <p> </p> <p>"မျှော်လင့်ထားတဲ့အတိုင်း သူ့မှာ လှည့်ကွက်တွေ ရှိနေသေးတာပဲ။ အထင်ကြီးစရာပဲ" ဝမ်ဆန်ချန်း၏ မျက်လုံးများ တောက်ပသွားသည်။</p> <p> </p> <p>ချူးယွင်ဖန်းတွင် ဝှက်ဖဲအချို့ ရှိနေမည်ဟု သူ ကြိုတင်ခန့်မှန်းထားခဲ့ပြီးဖြစ်သည်။ အနည်းဆုံးလျှင် သူသည် လိုက်လံသတ်ဖြတ်မှုမှ ထွက်ပြေးလွတ်မြောက်နိုင်မည်ဟု ထင်မှတ်ခဲ့သည်။ သို့သော် ချူးယွင်ဖန်းတွင် ဤကဲ့သို့သော နည်းလမ်းမျိုးရှိနေမည်ဟုမူ သူ မမျှော်လင့်ထားခဲ့ပေ။ ဝမ်ဆန်ချန်းသည် တစ်ခုခုကို တွေးမိသွားဟန်ဖြင့် အသက်ကို ပြင်းပြင်းရှူလိုက်မိသည်။</p> <p>'သူက ကုန်းစွန်းလျန် လက်ထဲကနေ ထွက်ပြေးဖို့ ဘယ်တုန်းကမှ မစဉ်းစားခဲ့တာ ဖြစ်ရမယ်။ သူက ကုန်းစွန်းလျန်ကို တစ်ချက်တည်းနဲ့ အပြတ်ရှင်းပစ်ချင်နေတာပဲ'</p> <p> </p> <p>အကယ်၍ ထိုသို့သာ မှန်ကန်ပါက ချူးယွင်ဖန်း၏ ယုတ္တိမရှိသော အချက်အလက်များစွာသည် ယခုအခါ ကျိုးကြောင်းဆီလျော်သော ရှင်းပြချက်များ ပေါ်ထွက်လာသည်။ ချူးယွင်ဖန်းသည် အစကတည်းက လူတိုင်း တွေးထင်ထားသော အချက်များနှင့် ကွဲပြားခြားနားသည်။ လူတိုင်း၏ စိတ်ကူးထဲတွင် စကြဝဠာအဆင့်နှင့် တိုက်ခိုက်၍ ထွက်ပြေးခြင်းဟူသည် ချူးယွင်ဖန်းအတွက် အလွန် ခက်ခဲလိမ့်မည်ဟု ထင်ထားကြသည်။ သို့သော် ချူးယွင်ဖန်း၏ အတွေးအခေါ်သည် လူတိုင်းနှင့် သိသိသာသာ ကွဲပြားနေသည်။ သူသည် အစကတည်းက ကုန်းစွန်းလျန်ကို သတ်ဖြတ်ရန် စိတ်ကူးထားပုံရသည်။</p> <p> </p> <p>သူ၏ အံ့ဩဖွယ် စွမ်းအင်ကို မြင်တွေ့ပြီးသည့်တိုင် ဝမ်ဆန်ချန်းသည် ချူးယွင်ဖန်း၏ ရဲတင်းမှုကြောင့် တုန်လှုပ်နေရဆဲဖြစ်သည်။ အဘိုးကြီးလီသည်လည်း ဤအချက်ကို တွေးမိသွားသဖြင့် မျက်နှာအမူအရာ ပြောင်းလဲသွားသည်။ အကယ်၍ ၎င်းတို့အတွေးများသာ မှန်ကန်ခဲ့လျှင် ချူးယွင်ဖန်းသည် အလွန်သတ္တိကြီးသူဖြစ်ပေလိမ့်မည်။</p> <p> </p> <p>ကြယ်ကြွေကောင်းကင်ဂိုဏ်းကဲ့သို့ အင်အားကြီး အဖွဲ့အစည်းကြီး၌ပင် စကြဝဠာအဆင့် ကျင့်ကြံသူများကို ဂိုဏ်း၏ အဓိကမဏ္ဍိုင်များအဖြစ် သတ်မှတ်ထားကြသည်။ သာမန်ဂိုဏ်းများတွင်မူ ထိုအဆင့်သည် ဂိုဏ်းခေါင်းဆောင်များ သို့မဟုတ် ဂိုဏ်း၏ အကြီးအကဲများသာ ရောက်ရှိနိုင်သည့် အဆင့်ဖြစ်သည်။ သာမန် ဒြပ်မဲ့အဆင့် ကျင့်ကြံသူတစ်ယောက်သည် ထိုကဲ့သို့ တွေးဝံ့ကြမည် မဟုတ်ပေ။ ထိုမျှ မြင့်မားသော အဆင့်ရှိသူကို ထိပ်တိုက်ရင်ဆိုင်ရန် အလွန်သတ္တိရှိရပေလိမ့်မည်။</p> <p> </p> <p>"ချူးယွင်ဖန်းက တကယ့်ကို ထူးခြားတာပဲ။ အခုမှ ခင်ဗျား သူ့အပေါ် ဘာလို့မျှော်လင့်ချက်တွေ ထားနေလဲဆိုတာ ကျုပ် နားလည်တော့တယ်" အဘိုးကြီးလီက ပြောလိုက်သည်။</p> <p> </p> <p>သို့သော် ဝမ်ဆန်ချန်း ကိုယ်တိုင်ပင် တုန်လှုပ်နေခြင်းကို သူ မသိခဲ့ပေ။ သူသည် အနှိုင်းမဲ့ ပါရမီရှင်များစွာကို မြင်တွေ့ဖူးသော်လည်း ချူးယွင်ဖန်းနှင့် နှိုင်းယှဉ်လိုက်ပါက ထိုသူများ အလွန်မှေးမှိန်သွားပုံပေါ်သည်။</p> <p> </p> <p>"ချူးယွင်ဖန်းရဲ့ ဗီအိုင်ပီအဆင့်အတန်းကို နောက်ထပ် တစ်ဆင့် တိုးမြှင့်ပေးဖို့၊ ဌာနချုပ်ကို အကြောင်းကြားလိုက်။ တကယ်လို့ သူသာ ငယ်ငယ်ရွယ်ရွယ်နဲ့ မသေသွားဘူးဆိုရင် နောင်တစ်ချိန် မြို့ဝန်တစ်ယောက်ဖြစ်လာနိုင်တယ်။ အခုကတည်းက သူ့ကို မထောက်ပံ့ထားဘူးဆိုရင် နောင်ကျရင် အခွင့်အရေးရှိမှာ မဟုတ်တော့ဘူး" ဝမ်ဆန်ချန်းက ပြောလိုက်သည်။</p> <p> </p> <p>အဘိုးကြီးလီက ခေါင်းညိတ်လိုက်သည်။ ရတနာတစ်ထောင်ခန်းမကဲ့သို့ စီးပွားရေး လုပ်ငန်းကြီးအနေဖြင့် ဒုက္ခရောက်နေချိန် ကူညီခြင်းက အောင်မြင်ဖြစ်ထွန်းချိန် ကူညီခြင်းထက် ပို၍ အဆင်ပြေကြောင်း ကောင်းမွန်စွာ နားလည်ကြသည်။ ထိုကဲ့သို့သောလူမျိုးကို အားနည်းနေစဉ် မကူညီခဲ့ပါက နောင်တွင် ထိုလူကို သိမ်းသွင်းရန် များစွာ ခက်ခဲသွားပေလိမ့်မည်။</p> <p> </p> <p>ထိုအချိန်တွင် ကုန်းစွန်းလျန်သည် ချူးယွင်ဖန်း၏ တိုက်ခိုက်မှုကြောင့် လွင့်ထွက်သွားပြီးနောက် သူ၏ ခန္ဓာကိုယ်တစ်ခုလုံး နှစ်ပိုင်းကွဲလုနီးပါး ခံစားနေရသည်။ ပြင်းထန်သော နာကျင်မှုသည် သူ၏ အာရုံကြောများကို လှုံ့ဆော်နေသဖြင့် သူ၏ မျက်နှာတစ်ခုလုံး ဝေဒနာကြောင့် ရှုံ့မဲ့နေသည်။</p> <p> </p> <p>"မင်းကို ကျုပ် သတ်မယ်... မင်းကို သတ်မယ်"</p> <p>ပြင်းထန်သော နာကျင်မှုနှင့် ဒေါသများသည် ကုန်းစွန်းလျန်ကို ဝါးမြိုသွားသည်။</p> <p> </p> <p>"ကျုပ်ကို သတ်မလို့လား။ ခင်ဗျားမှာ အဲဒီလိုလုပ်ဖို့ အခွင့်အရေးရှိတော့မယ် မထင်ဘူး။ ငရဲကိုးဘုံခြေလှမ်း" ချူးယွင်ဖန်းက အော်ဟစ်လိုက်သည်။</p> <p> </p> <p>ကုန်းစွန်းလျန်သည် အမွေးအမျှင်များနှင့် လက်သည်ကြီးတစ်ခု ကောင်းကင်ယံမှ ကျဆင်းလာပြီးနောက် ကောင်းကင်ကို နင်းခြေကာ လေထုကို ဖောက်ခွဲပစ်လိုက်ကြောင်း မြင်တွေ့လိုက်ရသည်။ ထိုသည်းလက်ကြီးကို ဗဟိုပြု၍ မရေတွက်နိုင်သော ငရဲလှိုင်းလုံးများ အရပ်မျက်နှာ အနှံ့အပြားသို့ ပြန့်နှံ့သွားသည်။ ပိဿာချိန် တစ်ထောင်ကျော်ရှိသော ငရဲပြည်ကြီးသည် ကြောက်မက်ဖွယ် စွမ်းအင်တစ်ခုအဖြစ် ပြောင်းလဲကာ ခဏအတွင်း ကုန်းစွန်းလျန်၏ ခန္ဓာကိုယ်ပေါ်သို့ ပြင်းထန်စွာ ကျရောက်သွားသည်။</p> <p> </p> <p>ဘန်း</p> <p> </p> <p>ကုန်းစွန်းလျန်သည် ကြယ်တံခွန်တစ်ခုသဖွယ် မြေပြင်နှင့် ရိုက်ခတ်သွားပြီးနောက် မြေပြင်ပေါ်တွင် ကြီးမားသော အပေါက်ကြီးတစ်ခုပင် ဖြစ်ပေါ်သွားလေသည်။ သူ၏ ခန္ဓာကိုယ်ကို ဗဟိုပြု၍ ပင့်ကူအိမ်ကဲ့သို့ အက်ကွဲကြောင်းများ မြေပြင်တစ်လျှောက် ပြန့်နှံ့သွား၏။ တစ်ချိန်တည်းမှာပင် ပေရာပေါင်းများစွာ မြင့်မားသော ဖုန်မှုန့်လှိုင်းကြီးများ ဖြစ်ပေါ်လာသည်။ ကြည့်ရှုနေကြသော ကျင့်ကြံသူများစွာသည် ဤတိုက်ခိုက်မှုကြောင့် ကမ္ဘာပျက်ကိန်း ဆိုက်ရောက်နေရသည့်အလား ခံစားလိုက်ရသည်။</p> <p> </p> <p>"တကယ့်ကို ကြောက်စရာကောင်းတဲ့ တိုက်ကွက်ပဲ။ ဒါက စကြဝဠာအဆင့်ရဲ့ စွမ်းအင်အစစ်လား" တစ်စုံတစ်ယောက်က ပါးစပ်အဟောင်းသားဖြင့် ပြောလိုက်သည်။</p> <p> </p> <p>စကြဝဠာအဆင့်နှင့် ပတ်သက်၍ ၎င်းတို့၏ ယခင် ခန့်မှန်းထားသမျှ အရာအားလုံး ဤအခိုက်အတန့်တွင် ပျောက်ကွယ်သွားဟန်ရှိသည်။ ၎င်းသည် လူတိုင်း စိတ်ကူးထားသည်ထက် ပို၍ တုန်လှုပ်ဖွယ်ကောင်းပေသည်။ ကုန်းစွန်းလျန်သည် သူ၏ ခန္ဓာကိုယ်ရှိ အရိုးများအားလုံး ကြေမွသွားသည်ဟု ခံစားနေရသည်။ ဤခြေလှမ်းသည် သူ၏ အရိုးအားလုံးကို နင်းချေလိုက်ခြင်းဖြစ်သည်။ စကြဝဠာအဆင့် ကျင့်ကြံသူတစ်ဦးဖြစ်သောကြောင့် သူ၏ ခန္ဓာကိုယ်သည် အလွန်သန်မာသည်။ သူ၏ အရိုးများသည် ဝိညာဉ်လက်နက်တစ်ခုထက်ပင် ပို၍ မာကျောသော်လည်း ယခုအခါ ချူးယွင်ဖန်း၏ ခြေထောက်အောက်တွင် ကျိုးကြေသွားရသည်။ အဆင့်မြင့် ဝိညာဉ်လက်နက်တစ်ခုနှင့် တိုက်ခိုက်ခံရလျှင်ပင် ဤမျှအထိ ဒဏ်ရာရရှိခဲ့မည် မဟုတ်ပေ။ ကုန်းစွန်းလျန်သည် ပြင်းထန်လှသော ဝေဒနာကြောင့် သတိလစ်လုနီးပါး ခံစားနေရသည်။</p> <p> </p> <p>"အား…. " ကုန်းစွန်းလျန်သည် ဒေါသတကြီး ဟိန်းဟောက်လိုက်သည်။ သူ၏ ခန္ဓာကိုယ်တစ်ခုလုံးရှိ သွေးများ ဆူပွက်လာပုံပေါ်သည်။ သူသည် ခုခံရန်အတွက် သူ၏ နတ်စွမ်းအင်များကို ဆက်တိုက် ထုတ်လွှတ်နေသည်။ သို့သော် ဤအခြေအနေသို့ ရောက်ရှိနေပြီဖြစ်သာေကြာင့် ချူးယွင်ဖန်းက သူ့ကို မည်သို့မျှ လွှတ်ပေးလိုက်မည်နည်း။</p> <p> </p> <p>"ခုခံချင်သေးတာလား"</p> <p>ချူးယွင်ဖန်းက အော်ဟစ်လိုက်သည်နှင့် သူ၏ ခန္ဓာကိုယ်ထဲမှ စွမ်းအင်များ ဆူပွက်လာသည်။ သူသည် လက်ငါးချောင်းကို လက်သီးအဖြစ် ကျစ်ကျစ်ဆုပ်လိုက်သောအခါ လက်သီးစွမ်းအင်များ လျှံထွက်လာ၍ ကောင်းကင်နဂါးရှစ်ကောင် ထွက်ပေါ်လာသည်။ ပုံရိပ်ရှစ်ခုတို့ တစ်ခုတည်းအဖြစ် ပေါင်းစည်းပြီးနောက် လေတိုးသံများနှင့်အတူ ကုန်းစွန်းလျန်ထံ ပြင်းထန်စွာ ကျရောက်လာသည်။</p> <p> </p> <p>ဘုံး</p> <p> </p> <p>မှိုပွင့်ပုံသဏ္ဌာန် ဖုန်မှုန့်တိမ်တိုက်ကြီး ကောင်းကင်ယံသို့ မြင့်တက်သွားသည်။ အင်အားကြီးမားသော လက်သီးစွမ်းအင်သည် အရာအားလုံးကို ကြိတ်ချေ ဖျက်ဆီးပစ်လိုက်သည်။ အချိန်အတော်ကြာပြီးနောက် မီးခိုးနှင့် ဖုန်မှုန့်များ ကင်းစင်သွားသောအခါ အလွန်ကြီးမားသော ကျင်းကြီးထဲတွင် ကုန်းစွန်းလျန်၏ ခန္ဓာကိုယ် လဲလျောင်းနေကြောင်း လူတိုင်း မြင်တွေ့လိုက်ရသည်။ သူသည် သွေးချင်းချင်းနီလျက် မည်သည့် လှုပ်ရှားမှုမျှ မရှိတော့ပေ။</p> <p> </p> <p>"ကုန်းစွန်းလျန် သေသွားပြီ..." တစ်စုံတစ်ယောက်က တီးတိုး ရေရွတ်လိုက်သည်။</p> <p> </p> <p> </p> <p> </p> <p style="text-align: center;">***</p>


Save