Book List

<h2 style="text-align: center;">အခန်း (၁၇၅၄)</h2> <h2 style="text-align: center;">လူတိုင်း ထိတ်လန့်သွားခြင်း</h2> <h2 style="text-align: center;">*</h2> <p> </p> <p> </p> <p>ဖုန်မှုန့်များ ငြိမ်သက်သွားသောအခါ လူတိုင်း ဆွံ့အသွားကြသည်။ ယခင်က လူတိုင်း စဉ်းစားနိုင်ခဲ့သည့် အကောင်းဆုံး အခြေအနေသည် ကုန်းစွန်းလျန်၏ ဆက်တိုက် တိုက်ခိုက်မှုများအောက်မှ ချူးယွင်ဖန်း ထွက်ပြေးလွတ်မြောက်သွားခြင်းဖြစ်သည်။ ဒြပ်မဲ့အဆင့် ကျင့်ကြံသူတစ်ယောက်အဖို့ စကြဝဠာအဆင့် ကျင့်ကြံသူလက်ထဲမှ လွတ်မြောက်နိုင်ခြင်း မလွယ်ကူလှပေ။ အကယ်၍ သာမန်ဒြပ်မဲ့အဆင့် ကျင့်ကြံသူသာ ဆိုပါက ဤအချက်ဖြင့် ကြွားလုံးထုတ်ရန် လုံလောက်ပေသည်။ သို့သော် ချူးယွင်ဖန်းသည် သာမန်လူတို့၏ အသိအမြင်ကို ရိုက်ချိုးရန် မွေးဖွားလာသူနှင့် ဆင်တူသည်။ သူသည် စကြဝဠာအဆင့် ကျင့်ကြံသူထံမှ လွတ်မြောက်ခြင်းဖြင့် အားမရဘဲ စကြဝဠာအဆင့် ကျင့်ကြံသူကိုပင် သတ်ဖြတ်ပစ်ချင်နေသည်။</p> <p> </p> <p>"သူ လုပ်နိုင်ခဲ့ပြီပဲ..." ဝမ်ဆန်ချန်းသည် အံ့ဩမှင်သက်နေသည်။</p> <p> </p> <p>ချူးယွင်ဖန်းသည် မည်သည့် ဝှက်ဖဲကို အသုံးပြုခဲ့ပါစေ အမှန်တကယ် လုပ်ဆောင်နိုင်ခဲ့သည်။ ထိုသို့ လုပ်ဆောင်မှုအရ ချူးယွင်ဖန်း၏ တိုက်ခိုက်ရေးစွမ်းရည်သည် စကြဝဠာအဆင့်သို့ ဝင်ရောက်နေပြီဟု အဓိပ္ပာယ်ရကာ ၎င်းသည် အလွန်အထင်ကြီးဖွယ်ကောင်းလှသည်။ ဝမ်ဆန်ချန်း စုဆောင်းထားသော အချက်အလက်များအရ ချူးယွင်ဖန်းသည် ကြယ်ကြွေကောင်းကင်ဂိုဏ်းသို့ မကြာသေးမီကမှ ဝင်ရောက်ခဲ့ခြင်းဖြစ်သည်။ သူသည် ဂိုဏ်း၏ အတွင်းစည်းတပည့်တစ်ဦးသာဖြစ်သည်။ ယခုအခါ တစ်နှစ်ပင် မပြည့်သေးသော်လည်း စကြဝဠာအဆင့် ကျင့်ကြံသူတစ်ဦးသည် ချူးယွင်ဖန်း၏ လက်ထဲ၌ သေဆုံးသွားခဲ့သည်။</p> <p> </p> <p>ဤသို့တွေးမိသောအခါ ဝမ်ဆန်ချန်း တုန်လှုပ်သွားရသည်။ ယခင်က ချူးယွင်ဖန်းကို အထင်ကြီးနေသောကြောင့် ဌာနချုပ်သို့ တင်ပြကာ ချူးယွင်ဖန်း၏ အဆင့်အတန်းကို မြှင့်တင်ရန်ပင် စီစဉ်ခဲ့သော်လည်း ယခုအခါ သူသည် ချူးယွင်ဖန်းကို လုံးလုံးလျားလျား လျှော့တွက်မိခဲ့ကြောင်း သိရှိလိုက်ရသည်။ အကယ်၍ ယခင်က ချူးယွင်ဖန်းကို တန်ဖိုးထားခဲ့ခြင်းမှာ အလားအလာရှိသောကြောင့်ဆိုပါက ယခုအခါ လုံးလုံးလျားလျား ကွဲပြားသွားလေသည်။ ချူးယွင်ဖန်းတွင် စကြဝဠာအဆင့် ကျင့်ကြံသူကိုပင် သတ်နိုင်သည့် စွမ်းအင်ရှိနေသည်။ ဤသည်မျာ အလားအလာရှိရုံသာမဟုတ်တော့ဘဲ စစ်မှန်သော ခွန်အားဖြစ်လာသည်။</p> <p> </p> <p>အလားအလာဆိုသည် အနာဂတ်တွင် လူတစ်ဦး မည်သည့်အဆင့်သို့ ရောက်ရှိနိုင်သည်ဟူသော ညွှန်ပြချက်မျှသာဖြစ်သည်။ ခွန်အားသည် ကွဲပြားခြားနားလှရာ ချူးယွင်ဖန်းတွင် ထိုသို့သော ခွန်အားမျိုး ရှိနေပြီဖြစ်သည်။ ထို့ကြောင့် ဝမ်ဆန်ချန်းသည် ချူးယွင်ဖန်း၏ အဆင့်အတန်းကို နောက်ထပ် ထပ်မံ မြှင့်တင်ရန် ဆုံးဖြတ်လိုက်သည်။</p> <p> </p> <p>"နည်းနည်းတော့ ခက်ခဲနိုင်ပေမယ့် ဒီတိုက်ပွဲအကြောင်းသာ ဌာနချုပ်ဘက်က သိသွားမယ်ဆိုရင် ချူးယွင်ဖန်းရဲ့ အဆင့်အတန်းကို ဂိုဏ်းကြီးဆယ်ဂိုဏ်းက စကြဝဠာအဆင့်တွေနဲ့ တန်းတူမြှင့်တင်ပေးဖို့ သူတို့ ကန့်ကွက်ကြမှာ မဟုတ်ဘူးလို့ ကျုပ် ထင်တယ်" အဘိုးကြီးလီက ပြောလိုက်သည်။</p> <p> </p> <p>အဘိုးကြီးလီသည်လည်း အနည်းငယ် တုန်လှုပ်နေသည်။ ကုန်းစွန်းလျန်သည် သူ၏ မျက်စိထဲတွင် သာမန်မျှသာဖြစ်သော်လည်း ချူးယွင်ဖန်းသည် ဒြပ်မဲ့အဆင့် ကျင့်ကြံမှုဖြင့် ကုန်းစွန်းလျန်ကို သတ်ဖြတ်နိုင်ခြင်းသည် အလွန်ထိတ်လန့်ဖွယ်ကောင်းလှသည်။ သူသည် စကြဝဠာအဆင့်သို့ မရောက်ရှိသေးသော်လည်း စကြဝဠာအဆင့်၏ တိုက်ခိုက်ရေးစွမ်းအင်ရှိနေသောကြောင့် စကြဝဠာအဆင့်နှင့် မခြားနားတော့ချေ။</p> <p> </p> <p>"မဆိုးဘူး" ဝမ်ဆန်ချန်းက ခေါင်းညိတ်လိုက်သည်။ "ချူးယွင်ဖန်းရဲ့ သတင်းအချက်အလက် စုဆောင်းမှုကို အဆင့်ထပ်မြှင့်ဖို့ အကြောင်းကြားလိုက်မယ်"</p> <p> </p> <p>ထိုအချိန်တွင် ရတနာတစ်ထောင်ခန်းမဌာနခွဲ၏ အပြင်ဘက် ကောင်းကင်ယံ၌ ချူးယွင်ဖန်းသည် လူသားပုံသဏ္ဌာန်သို့ အသွင်ပြန်ပြောင်းလိုက်သည်။ ယခုအခါ သူ၏ မျက်နှာ မည်သည့် ခံစားချက်မျှ မရှိဘဲ တည်ငြိမ်နေသည်။ သူသည် လက်ကြီးတစ်ဖက် ဖန်တီးကာ ကုန်းစွန်းလျန်၏ အလောင်းကို ဆွဲယူ၍ တောင်မြစ်ပန်းချီကားထဲသို့ ထည့်လိုက်သည်။ ပြီးနောက် ၎င်းကို အသားတုံး အသားခဲများအဖြစ် ကြိတ်ချေကာ ဗြဟ္မာပင်ပေါ်သို့ သွင်းလောင်းလိုက်သည်။</p> <p> </p> <p>ချူးယွင်ဖန်း၏ စကြဝဠာအဆင့် ကျင့်ကြံသူတစ်ယောက်ကို သတ်နိုင်ခြင်းအပေါ် အခြားလူများ တုန်လှုပ်နေကြသော်လည်း ချူးယွင်ဖန်းအဖို့မူ ဤသည်မှာ သူ သတ်ဖြတ်ခဲ့သည့် တတိယမြောက် စကြဝဠာအဆင့် ကျင့်ကြံသူဖြစ်သည်။ သီးခြားကြယ်နှင့် သွေးနမိစ္ဆာဂိုဏ်ခေါင်းဆောင်တို့ ရှိခဲ့ဖူးရာ ကုန်းစွန်းလျန်သည် တတိယမြောက်ဖြစ်သည်။ အခြားလူများအဖို့ မြင့်မြတ်လှသော စကြဝဠာအဆင့်သည် ချူးယွင်ဖန်းအတွက်မူ ခြိမ်းခြောက်မှုတစ်ခု မဟုတ်ပေ။</p> <p> </p> <p>တောင်မြစ်ပန်းချီကားထဲတွင် ရေတွက်၍မရနိုင်သော အလယ်အလတ်အဆင့် ဝိညာဉ်ကျောက်တုံးများ ကြေမွသွားပြီးနောက် အဆုံးမဲ့သော ဝိညာဉ်စွမ်းအင်များအဖြစ် ပြောင်းလဲကာ ဗြဟ္မာပင်ထဲသို့ စီးဝင်သွားသည်။ ဗြဟ္မာပင်သည် အံ့ဩဖွယ် အရှိန်အဟုန်ဖြင့် ယခင်ကထက် ပိုမို ကြီးမားလာခြင်းကို နတ်အာရုံဖြင့် ချူးယွင်ဖန်း မြင်တွေ့လိုက်ရသည်။</p> <p> </p> <p>သူ ရရှိခဲ့သော အလယ်အလတ်အဆင့် ဝိညာဉ်ကျောက်တုံးအများစုကို ဗြဟ္မာပင်အတွက် အသုံးပြုခဲ့ရသော်လည်း ဤသည်မှာ မဖြစ်မနေ လုပ်ဆောင်ရမည့် အရာဖြစ်သည်။ ဗြဟ္မာသီးသာ ရင့်မှည့်လာပါက သူ၏ ကျင့်ကြံမှုများ တိုးတက်လာပေလိမ့်မည်။ စကြဝဠာအဆင့်သို့ တက်လှမ်းနိုင်ပါက သူ၏ စွမ်းအင် အလွန်တရာ ပြောင်းလဲသွားပေလိမ့်မည်။ ထိုအခါ ဝမ်ယီဖန်းနှင့် ရင်ဆိုင်ရာတွင် မျက်တောင်တစ်ချက် ခတ်ရန်ပင် လိုအပ်မည် မဟုတ်ပေ။</p> <p> </p> <p>ဝမ်ယီဖန်းသည် သူ့ကို သတ်ချင်လျှင်ပင် မသတ်ဖြတ်နိုင်ဘဲ ချူးယွင်ဖန်း၏ လက်ထဲ၌သာ သေဆုံးသွားရပေလိမ့်မည်။ လီရှန်ယွမ် ကိုယ်တိုင် တိုက်ခိုက်လာလျှင်ပင် ချူးယွင်ဖန်းသည် အနည်းငယ်မျှ ကြောက်ရွံ့ရန် မလိုအပ်တော့ပေ။ သူသည် လီရှန်ယွမ်ကို ယခင်ပင် ဒဏ်ရာရအောင် တိုက်ခိုက်နိုင်ခဲ့သောကြောင့် လုံးလုံးလျားလျား မကြောက်ရွံ့ပေ။</p> <p> </p> <p>'ကိုယ် မင်းဆီ လာနေပြီ၊ စီယု' ချူးယွင်ဖန်းသည် လက်သီးကို တင်းတင်းဆုပ်လိုက်သည်။</p> <p>ချူးယွင်ဖန်းသည် ဤသို့တွေးပြီးနောက် ရတနာတစ်ထောင်ခန်းမခွဲမှ ထွက်ခွာလာကာ ပေါင်းထိုင်မြို့သို့ ပြန်လာလေသည်။</p> <p> </p> <p>ထိုအချိန်တွင် မြို့အတွင်းရှိ လူတိုင်းသည် ချူးယွင်ဖန်းက ဒေသခံ အင်အားစုကြီးအားလုံးကို အမြစ်ပြတ်ရှင်းလင်းလိုက်သည့် သတင်းကြောင့် တုန်လှုပ်နေကြဆဲဖြစ်သည်။ ချူးယွင်ဖန်းသည် စစ်စခန်းမှ ထွက်ခွာသွားပြီးနောက် ဤမျှကြီးမားသော ကိစ္စရပ်ကြီး လုပ်ဆောင်ခဲ့ခြင်းကို မည်သူမျှ မသိကြပေ။ စကြဝဠာအဆင့် ကျင့်ကြံသူတစ်ယောက်ကို ချူးယွင်ဖန်း သတ်ဖြတ်ခဲ့ခြင်းကိုလည်း မည်သူမျှ မသိကြပေ။ ပေါင်းထိုင်မြို့ရှိ စစ်စခန်းသို့ ပြန်ရောက်သောအခါ ချူးယွင်ဖန်းသည် ယုချူးယွင်ကို ဆင့်ခေါ်လိုက်သည်။</p> <p> </p> <p>"စီနီယာချူး" ယုချူးယွင်က အလေးပြုလိုက်သည်။</p> <p> </p> <p>"ဒီအချိန်အတွင်း ခင်ဗျား တော်တော်လေး ပင်ပန်းခဲ့လောက်တယ်"</p> <p> </p> <p>"မပင်ပန်းပါဘူး" ယုချူးယွင်က ပြန်ဖြေလိုက်သည်။</p> <p>"စီနီယာသာ မရှိရင် ကျွန်တော်တို့ ဘယ်အချိန်မှ အဆင့်ဖြတ်ကျော်မလဲဆိုတာတောင် မသိနိုင်ဘူး"</p> <p> </p> <p>ယုချူးယွင် စကားပြောနေစဉ် သူ၏ မျက်နှာပေါ်တွင် စိတ်လှုပ်ရှားမှုများ ပေါ်ပေါက်လာသည်။ အဘယ်ကြောင့်ဆိုသော် သူသည် ဤအချိန်တိုအတွင်း ဒြပ်မဲ့လေ့လာသူအဆင့် အထွတ်အထိပ်သို့ ရောက်ရှိကာ ဒြပ်မဲ့ကျွမ်းကျင်အဆင့်သို့ တက်လှမ်းရန် ခြေတစ်လှမ်းသာ လိုအပ်ပေသည်။ ကနဦး သူသည် ချူးယွင်ဖန်းကြောင့်သာ အတွင်းစည်းတပည့် ပြိုင်ပွဲတွင် ထိပ်ဆုံး ဆယ်ဦးစာရင်းဝင်ခဲ့ခြင်းဖြစ်သည်။ သာမန်ကာလျှံကာဖြင့်သာ အနိုင်ရခဲ့ခြင်းဖြစ်သော်လည်း ယခုအခါ မတူညီပေ။ သူသည် ဒြပ်မဲ့လေ့လာသူအဆင့် အထွတ်အထိပ်သို့ ရောက်ရှိသွားပြီဖြစ်သည့်အတွက် ထိပ်ဆုံး ဆယ်ဦးစာရင်းနှင့် ထိုက်တန်သော စွမ်းအင်များရှိလာပြီဖြစ်သည်။</p> <p> </p> <p>ချူးယွင်ဖန်း၏ အခြား နောက်လိုက် ဆယ်ယောက်သည်လည်း ဒြပ်မဲ့လေ့လာသူအဆင့်၏ နောက်ဆုံးအဆင့်သို့ ရောက်ရှိသွားကြရာ ၎င်းတို့၏ ခွန်အားများ ယခင်ကထက် သိသိသာသာ တိုးတက်လာခဲ့သည်။ ဤသည်မှာ အချိန်တိုအတွင်း ဖြစ်ပျက်သွားခြင်းဖြစ်သည့်အပြင် ဤအရာအားလုံးသည် ချူးယွင်ဖန်းကြောင့်ဖြစ်သည်။ ကြယ်ကြွေကောင်းကင်ဂိုဏ်းတွင် ဤလူများသည် သာမန်တပည့်များအဖြစ်သာ သတ်မှတ်ခံထားရသည်။ ၎င်းတို့သည် အခြေခံ ကျင့်ကြံမှု အရင်းအမြစ်များ ချို့တဲ့ခြင်းမဟုတ်သော်လည်း ၎င်းတို့သည် ထိပ်တန်း အရင်းအမြစ်များကို ခံစားခွင့် မရှိကြချေ။ ကြယ်ကြွေကောင်းကင်ဂိုဏ်းကဲ့သို့ အင်အားကြီးအဖွဲ့အစည်းပင် တပည့်တိုင်းကို အဆုံးမရှိသော အရင်းအမြစ်များ မပေးနိုင်ပေ။</p> <p> </p> <p>ချူးယွင်ဖန်းအနောက်သို့ လိုက်ကာ ပေါင်းထိုင်မြို့ရှိ အင်အားစုကြီးအားလုံးကို အမြစ်ပြတ်ရှင်းလင်းပြီးနောက် ၎င်းတို့သည်လည်း အရင်းအမြစ်များစွာ ရရှိခဲ့ကြသည်။ အရင်းအမြစ်များစွာ စုဆောင်းမိလာသောအခါ ၎င်းတို့၏ ကျင့်စဥ်များလည်း အရှိန်အဟုန်ဖြင့် တိုးတက်လာခဲ့သည်။</p> <p> </p> <p>"ကောင်းပြီ။ ကျုပ်အတွက် ရိုးရိုးသားသား အလုပ်လုပ်ပေးသရွေ့ ခင်ဗျားတို့လည်း အကျိုးကျေးဇူးတွေ ခံစားရစေရမယ်" ချူးယွင်ဖန်းက ပြောလိုက်သည်။</p> <p>"ဒါပေမယ့် ခင်ဗျားတို့ရဲ့ အခုကျင့်စဥ်တွေက မလုံလောက်သေးဘူး။ ခင်ဗျားတို့ ဒြပ်မဲ့ကျွမ်းကျင်အဆင့်ကို ရောက်မှသာ ကျုပ်ကို ကူညီနိုင်မှာ"</p> <p> </p> <p>ယုချူးယွင်သည် ထိတ်လန့်သွားပြီးနောက် သူ၏ မျက်နှာတွင် အံ့ဩဝမ်းမြောက်မှုများ ပေါ်ပေါက်လာသည်။</p> <p>"စီနီယာချူး… ဆိုလိုချင်တာက..."</p> <p> </p> <p>"ဟုတ်တယ်။ ခင်ဗျားကို အမြန်ဆုံး ဒြပ်မဲ့ကျွမ်းကျင်အဆင့်ထိ ရောက်အောင် ကျုပ် ကူညီပေးမလို့" ချူးယွင်ဖန်းက ပြောလိုက်သည်။</p> <p> </p> <p>"ကျေးဇူးအများကြီးတင်ပါတယ်၊ စီနီယာချူး" ယုချူးယွင်သည် အတိုင်းထက်အလွန် ဝမ်းသာသွားသည်။</p> <p> </p> <p> </p> <p> </p> <p style="text-align: center;">***</p>


Save