Book List

<h2 style="text-align: center;">အပိုင်း ( 7 )</h2> <h2 style="text-align: center;">လုချန်ရှန်းလား။ ကြောက်မနေပါနဲ့ကွာ</h2> <h2 style="text-align: center;">*</h2> <p> </p> <p>စင်မြင့်ကို ဆေးကြောခဲ့ပြီးသည့်နောက်တွင်၊ ကွေ့ရှန်ယွမ်မှာ တဖန်ပြန်၍ တိတ်ဆိတ်ငြိမ်သက်သွားခဲ့သည်။</p> <p> </p> <p>စုမူယွဲ့သည် ထိုနေရာတွင် ရပ်နေခဲ့ပြီး၊ ယခင်က ဖြစ်ရပ်များကို ပြန်လည်တွေးတောစဥ်းစားနေသကဲ့သို့ ဖြစ်နေခဲ့သည်။</p> <p> </p> <p>“ မမလေး ဘာတွေတွေးနေတာလဲ “ လူအိုကြီးတစ်ဦး ချဥ်းကပ်လာကာ၊ မအောင့်ထားနိုင်တော့ဘဲ၊ မေးမြန်းလာခဲ့သည်။</p> <p> </p> <p>“ လုချန်ရှန်းအကြောင်း စဥ်းစားနေတာပါ “</p> <p> </p> <p>“ သူနဲ့ပတ်သက်ပြီးတော့ တစ်ခုခုမှားနေလို့လား “ လူအိုကြီးမှ မေးမြန်းလာခဲ့သည်။</p> <p> </p> <p>စုမူယွဲ့မှ ပြန်ပြောလာခဲ့သည် “ အကြီးအကဲချီ၊ ရှင်သူ့ကို ဘယ်လိုမြင်လဲ “</p> <p> </p> <p>လူအိုကြီးသည် အချိန်အတော်ကြာ တွေးတောစဥ်းစားနေခဲ့ပြီးမှ၊ စကားတစ်ခွန်းသာ ပြန်ပြောလာခဲ့သည်။</p> <p> </p> <p>“ သူက လူပေါ့ကြော့ပဲ “</p> <p> </p> <p>“ ရှင်လည်း အဲ့လိုပဲထင်တာလား “</p> <p> </p> <p>“ ဒီနေ့ဖြစ်ရပ်ကို ဖယ်ထားလိုက်မယ်ဆိုရင်တောင်မှ၊ ကန်းယွင်ဂိုဏ်းတစ်ခုလုံးမှာ မသိတဲ့လူ ဘယ်သူရှိလို့လဲ။ သူက တစ်ခုခုကို ဖုံးကွယ်ထားတယ်လို့ ငါထင်နေခဲ့ဖူးတယ်၊ သူ့နောက်ကိုတောင် တိတ်တိတ်လေး လိုက်သွားခဲ့ဖူးတယ်၊ ဒါပင်မဲ့ သူလုပ်နေတဲ့ အရာအားလုံးက လက်ဖက်ရည်သောက်တာ၊ အိပ်တာနဲ့ လမ်းသလားနေတာတွေပဲ၊ ဘာကိုမှ အလေးအနက် မထားသလောက်ပဲ “</p> <p> </p> <p>လူအိုကြီးသည် နှစ်ပေါင်းများစွာ စောင့်ကြည့်နေခဲ့သည့် သူ၏လေ့လာတွေ့ရှိမှုကို ပြောပြနေခဲ့သည်။</p> <p> </p> <p>ထို့အပြင် အရှေ့မှ ဝင်ပေါက်တွင် အထူးမှော်အစီအရင်တစ်ခု ရှိနေခဲ့ပြီး၊ ၎င်းသည် ၎င်းကို ဖြတ်၍ လမ်းလျှောက်လာသူတိုင်း၏ ကျင့်ကြံရေး အဆင့်များကို ဖော်ထုတ်ပြသပေးနိုင်စွမ်းရှိသည်။</p> <p> </p> <p>လုချန်ရှန်းသည် ဤနေရာသို့ အမြဲလာလေ့ရှိသော်လည်း အချိန်တိုင်းတွင် တူညီမနေခဲ့ပေ။</p> <p> </p> <p>လွန်ခဲ့သော နှစ်အနည်းငယ်ခန့်က သူသည် ချီသန့်စင်ခြင်း အဆင့်တွင် ရှိနေခဲ့ပြီး၊ ချီစုစည်းဖြင်း အဆင့်၁၊ အဆင့်၂နှင့် ယခုလက်ရှိ အချိန်တွင် အဆင့်၃သို့ ရောက်ရှိနေခဲ့သည်။</p> <p> </p> <p>ကိုယ်ပိုင်တပည့်များကို မဆိုထားနှင့်၊ သူသည် ကန်းယွင်ဂိုဏ်း၏ အတွင်းဂိုဏ်းတပည့်များထပ်ပင် နိမ့်ကျနေသေးသည်။</p> <p> </p> <p>စုမူယွဲ့မှ စကားထပ်ပြောလာခဲ့သည် “ အဲ့လူက မရိုးရှင်းဘူးလို့ ကျွန်မ အမြဲလိုလို ခံစားနေခဲ့ရတယ်၊ တော်တော်လေးကို စိတ်ဝင်စားဖို့ကောင်းတယ် “</p> <p> </p> <p>လူအိုကြီးသည် မည်သည့်စကားမှ ပြောမနေတော့ဘဲ၊ သတိပေးရုံသာ ပေးလာခဲ့သည် “ အရေးကြီးကိစ္စတွေကို မမေ့သရွေ့၊ မမလေး စိတ်ဝင်စားတယ်ဆိုတာက အဆင်ပြေပါတယ်။ ကန်းယွမ်ကားချပ်ကို ရကိုရမှ ဖြစ်မယ် “</p> <p> </p> <p>“ ကျွန်မသိပါတယ် “ စုမူယွဲ့မှ ‌ခေါင်းငြိမ့်ပြလိုက်သည်။</p> <p> </p> <p>တစ်ချိန်တည်းမှာပင် လုချန်ရှန်းသည် အူတိုင်ဖွဲ့စည်းခြင်း ကျင့်ကြံသူများကို တိတ်တဆိတ် စောင့်ကြည့်နေလျက်ရှိသည်။</p> <p> </p> <p>အစပိုင်းတွင် မည်သူမှ စကားမပြောခဲ့ကြပေ၊ သို့သော ထို့နောက်တွင် ရှီဖုန်းသည် ခြံဝင်းအတွင်းသို့ သယ်ဆောင်ခံခဲ့ရသည်။</p> <p> </p> <p>သူ့ကို ထိုကဲ့သို့သော အခြေအနေဖြင့် မြင်လိုက်ရသောအခါတွင် ကျင့်ကြံသူများ မျက်မှောင်ကြုတ်သွားခဲ့သည်။</p> <p> </p> <p>ထိုလူသုံးဦးအနက်မှ တစ်ဦးက စကားစပြောလာခဲ့သည် “ သူ့ရဲ့ ဒဏ်ရာတွေကို ကုပေးဖို့ သယ်သွားလိုက် “</p> <p> </p> <p>“ ဟုတ် “</p> <p> </p> <p>ရှီဖုန်း ထွက်သွားသည်ကို စောင့်ကြည့်နေရင်းဖြင့်၊ တစ်စုံတစ်ဦးမှ စကားထပ်ပြောလာခဲ့သည် “ အဲ့ဒီ လုချန်ရှန်းက ………………. တကယ် ထူးခြားတာပဲ “</p> <p> </p> <p>သူသည် ယခုလေးတင် ဖြစ်ပွားခဲ့သည့် ဖြစ်ရပ်အား မည်ကဲ့သို့ ဖော်ပြရမှန်းမသိ ဖြစ်နေခဲ့သည်။</p> <p> </p> <p>အမျိုးသမီးတစ်ဦးကြောင့် အချင်းများနေသည့် လူငယ်နှစ်ဦး၏ သာမန်ဇာတ်လမ်းတွင် နှစ်ဦးနှစ်ဖက် ရင်ဆိုင်ထိတွေ့ကြသည်က ပုံမှန်ပင် ဖြစ်သည်။</p> <p> </p> <p>ယခုတွင်လည်း ထိုအတိုင်းသာ ဖြစ်သွားခဲ့သည်၊ သို့သော် လူတစ်စုက ရှီဖုန်းကို အုပ်စုဖွဲ့၍ ရိုက်နှက်နေခဲ့ခြင်းသာ ဖြစ်သည်။</p> <p> </p> <p>“ အစကတော့ လုချန်ရှန်းကို ရိုက်နှက်ပြီး၊ ကျိုးချင်ယုကို ဆွဲထုတ်ပြီးတော့ သူ့ရဲ့ အတိမ်အနက် စမ်းသပ်ဖို့ စီစဥ်ထားခဲ့တာပဲ၊ ဒါပင်မဲ့ သူက အကူအညီခေါ်လိုက်မယ်လို့ ငါတို့ မတွေးထားခဲ့မိဘူး “</p> <p> </p> <p>“ အဲ့တာက အံ့ဩစရာတော့ မဟုတ်ပါဘူး “</p> <p> </p> <p>“ ဘာလို့တုန်းဟ “</p> <p> </p> <p>“ လုချန်ရှန်းရဲ့ ကျင့်ကြံရေးက ချီစုစည်းခြင်း အဆင့်၃မှာပဲ ရှိနေသေးတယ်လေ။ ရှီဖုန်းကို မတိုက်ခိုက်တာက သူအရူးမဟုတ်ဆိုတာကို သက်သေပြနေတယ်။ သူ့လိုလူမျိုးဆီမှာ ဘယ်လိုလုပ် စိတ်ဓာတ်ကောင်းရှိနေမှာလဲ၊ သူက သူ့ကိုယ်သူအတွက် ဘယ်လိုလုပ် တိုက်ခိုက်နိုင်မှာလဲ “</p> <p> </p> <p>“ အမှန်ပဲ “</p> <p> </p> <p>ထိုစကားများကို ကြားလိုက်ရသောအခါတွင် လုချန်ရှန်း၏ မျက်ဝန်းများ ကျဥ်းမြောင်းသွားကာ၊ တစ်ကိုယ်တည်း ရေရွတ်ပြောဆိုနေတော့သည် “ ငါက ဘယ်လိုလူမျိုး မို့လို့လဲ “</p> <p> </p> <p>ထို့နောက်တွင် ထိုလူသုံးဦးသည် အကြည့်များ ဖလှယ်လိုက်ကြကာ၊ လူတစ်ဦးမှ စကားထပ်ပြောလာခဲ့သည် “ ကောင်းပြီလေ၊ ငါတို့က ကျိုးချင်ယုရဲ့ အတိမ်အနက်ကို နောက်မှ စမ်းသပ်ကြည့်လိုက်ကြတာပေါ့။ အရေးအကြီးဆုံးက အခုလက်ရှိကိစ္စပဲ “</p> <p> </p> <p>“ ကန်းယွင်ရဲ့ လှည့်ကင်းက ဒီနေ့ပြောင်းမှာ။ သူတို့က မိုးပြာတိမ်တိုက်ကို ပြန်သွားကြရင်၊ တစ်‌ယောက်ယောက် ရောက်လာလိမ့်မယ်၊ ဆိုတော့ ငါတို့က နာရီဝက်ပဲ အချိန်ရတယ် “</p> <p> </p> <p>“ အဲ့တာက လုံလောက်သင့်ပါတယ်လေ။ ဒီတစ်ကြိမ်မှာ နင့်မိသားစုကလည်း အူတိုင်ဖွဲ့စည်းခြင်း ပညာရှင်တစ်ယောက်ပဲ ခေါ်လာခဲ့တယ်၊ ငါသူ့ကို အာရုံလွှဲထားလိုက်မယ်၊ မင်းတို့က လှုပ်ရှားကြ “</p> <p> </p> <p>လူသုံးဦးသည် တစ်လှည့်စီ စကားပြောဆိုနေကြသည်။</p> <p> </p> <p>သို့ရာတွင် လုချန်ရှန်း၏ သိလိုစိတ်များ မြင့်တက်သွားခဲ့သည်။ ဒီကောင်တွေက နင့်မိသားစုကို ပစ်မှတ်ထားနေကြတာပေါ့</p> <p> </p> <p>“ အခွင့်အရေး တစ်ခါပဲ ရှိတယ်။ မနက်ဖြန်ကျရင် သူတို့က ချင်းယွင်တောင်ထွဋ်ကို သွားကြတော့မှာ၊ အဲ့အချိန်ကျရင် ဘာမှလုပ်လို့ရတော့မှာ မဟုတ်ဘူး။ ဟိုလူ့ကို ငါအာရုံလွှဲပြီသွားရင်၊ မင်းတို့က နင့်မောင်နှမကို သတ်လိုက်ကြ။ တကယ်လို့ သူတို့က ကန်းယွင်မြို့မှာ အသတ်ခံလိုက်ရမယ်ဆိုရင်၊ နင့်မိသားစုက ဒီကိစ္စကို လုံးဝအလွတ်ပေးမှာ မဟုတ်ဘူး “</p> <p> </p> <p>“ အဲ့အချိန်ကျရင် မိုးပြာတိမ်တိုက်ကလည်း ဖရိုဖရဲဖြစ်သွားလိမ့်မယ်။ နင့်မိသားစုရဲ့ အကူအညီနဲ့ဆိုရင်၊ ငါတို့က သူတို့အားလုံးကို ဖယ်ရှားဖို့ အခွင့်အရေး ရလာလိမ့်မယ် “</p> <p> </p> <p>ထိုစကားကို ကြားလိုက်ရသောအခါတွင် လုချန်ရှန်း အံ့ဩမှင်သက်သွားခဲ့သည်။</p> <p> </p> <p>သူသည် ဤလူများက ဤကဲ့သို့သော အစီအစဥ်မျိုးကို ရေးဆွဲထားလိမ့်မည်ဟု မမျှော်လင့်ထားခဲ့ပေ။</p> <p> </p> <p>နင့်ယုရှင်းသည် ချင်းယွင်တောင်ထွဋ်တွင် ပညာသင်ရန်အတွက် မိုးပြာတိမ်တိုက်ဂိုဏ်းသို့ ရောက်ရှိလာခဲ့ခြင်း ဖြစ်သည်။ အကယ်၍ သူမတို့ မောင်နှမကသာ ကန်းယွင်မြို့တွင် သေဆုံးသွားခဲ့မည်ဆိုပါက၊ ဂိုဏ်းမှာလည်း သေချာပေါက် ဂယက်ရိုက်သွားရမည် ဖြစ်သည်။</p> <p> </p> <p>အကယ်၍ တစ်ယောက်ယောက်ကသာ မီခိုးမှိုင်းတိုက်ကာ၊ နင့်မိသားစုနှင့် မိုးပြာတိမ်တိုက်အကြားတွင် ပဋိပက္ခတစ်ခု ဖြစ်ပေါ်လာအောင်လှုံ့ဆော်မည်ဆိုပါက၊ ပြဿနာကြီးတစ်ခု ပေါ်လာမည် ဖြစ်သည်။</p> <p> </p> <p>“ သူတို့ရဲ့ ရည်ရွယ်ချက်တွေက ဒီလောက်တောင် ရက်စက်တာလားဟ “</p> <p> </p> <p>လုချန်ရှန်းသည် ဤကဲ့သို့သော ဖြစ်ရပ်မျိုးနှင့် ကြုံတွေ့ရလိမ့်မည်ဟု မမျှော်လင့်ထားခဲ့ပေ။</p> <p> </p> <p>သူတို့သတ်ချင်နေသည့် လူမှာ သူနှင့် မည်သို့မျှ သက်ဆိုင်မနေခဲ့ပေ။</p> <p> </p> <p>သို့သော် နင့်မောင်နှမ အသတ်ခံလိုက်ရကာ၊ ကန်းယွင်ဂိုဏ်းက ဖရိုဖရဲ ဖြစ်သွားရမည်ဆိုပါက၊ သူ့ကိုပါ ထိခိုက်လာတော့မည် ဖြစ်သည်။</p> <p> </p> <p>ဂိုဏ်း၏ ကာကွယ်ပေးမှုသာ မရှိဘူးဆိုပါက၊ သူမည်ကဲ့သို့ ဖြစ်သွားလိမ့်မည်နည်း</p> <p> </p> <p>သူတို့သည် သူ၏ထမင်းအိုးကို ရိုက်ခွဲနေခြင်းပင် ဖြစ်သည်။</p> <p> </p> <p>ထို့နောက်တွင် ထိုလူသုံးဦးအနက်မှ တစ်ဦးသည် ကွေ့ရှန်ယွမ်သို့ ဦးတည်သွားခဲ့သည်။</p> <p> </p> <p>သူတို့က မိုးပြာတိမ်တိုက်ဂိုဏ်း၏ အပြောင်းအလဲများကိုပင် ရှင်းရှင်းလင်းလင်း သိနေကာ၊ နင့်ယုရှင်းက ချင်းယွင်တောင်ထွဋ်သို့ သွားမည့် အချိန်ကိုပင် သိနေကြသည်။ သူတို့သည် အရာအားလုံးကို အသေအချာ စီစဥ်ထားခဲ့ပုံရသည်။</p> <p> </p> <p>တစ်ခဏ အကြာတွင် အဝေးမှ လှုပ်ရှားမှုများ ပေါ်ထွက်လာခဲ့သည်။ ပုံရိပ်နှစ်၊ တစ်ခုကို တစ်ခုက လိုက်နေခဲ့ပြီး၊ ကွေ့ရှန်ယွမ်မှ ထွက်ခွာလာခဲ့ကာ မြို့ပြင်သို့ ပြေးထွက်သွားကြသည်။</p> <p> </p> <p>သူတို့သည် ကန်းယွင်ဂိုဏ်းမှ အကြီးအကဲများကို နိုးနိုးကြားကြား မဖြစ်သွားစေချင်ပုံရသည်။</p> <p> </p> <p>အစီအစဥ် အောင်မြင်သည်ကို မြင်လိုက်ရသောအခါတွင် အူတိုင်ဖွဲ့စည်းခြင်း ပညာရှင်နှစ်ဦးမှာ စတင်၍ လှုပ်ရှားရန် ပြင်လိုက်သည်။</p> <p> </p> <p>သူတို့ ထလာသည့်အချိန်မှာပင် ပုံရိပ်တစ်ခုသည် ကောင်းကင်ထက်မှ ဖြည်းဖြည်းချင်း ဆင်းသက်လာခဲ့သည်။</p> <p> </p> <p>အဖြူရောင် ဝတ်စုံကို ဝတ်ဆင်ထားကာ၊ လက်နောက်ပစ်ထားသော ဟန်အမူအရာဖြင့် မတ်တပ်ရပ်နေသည့် လူငယ်တစ်ဦးသည် သူတို့နှစ်ဦး၏ အရှေ့သို့ ဆင်းသက်လာခဲ့သည်။</p> <p> </p> <p>“ လုချန်ရှန်း “</p> <p> </p> <p>ထိုလူနှစ်ဦးမှာ အံ့ဩတကြီး ဖြစ်သွားခဲ့သည်။</p> <p> </p> <p>လုချန်ရှန်းသည် သူတို့၏ အရှေ့တွင် မတ်တပ်ရပ်နေကာ ပြုံးပြလိုက်သည် “ ငါ့ဂိုဏ်းကို ဘာတွေကို လုပ်ခဲ့လို့၊ မင်းတို့တွေက ငါ့ဂိုဏ်းကို ဒီလောက်တောင် ဒုက္ခပေးချင်နေရတာလဲ “</p> <p> </p> <p>“ မင်းကြားသွားတာလား “</p> <p> </p> <p>လုချန်ရှန်းသည် ခေါင်းငြိမ့်ပြလိုက်သည်။</p> <p> </p> <p>ထိုလူနှစ်ဦးသည် သတိကြီးဖြစ်သွားကြကာ၊ ပတ်ဝန်းကျင်ကို လှည့်ပတ်ကြည့်ရှု၍ သူတို့၏ စိတ်စွမ်းအားကိုပါ ဖြန့်ကျက်လိုက်သည်။</p> <p> </p> <p>သူတို့သည် သူတို့၏ အစီအစဥ်ပေါ်သွားခဲ့ကာ၊ အဝိုင်းခံလိုက်ရပြီဟု ထင်နေခဲ့ခြင်း ဖြစ်သည်။ သို့သော် သူတို့သည် လုချန်ရှန်းတစ်ဦးတည်းသာ ရှိနေသည်ကို သိရှိသွားကြသည်။</p> <p> </p> <p>“ လုချန်ရှန်းတစ်ယောက်တည်းပဲ၊ ကြောက်နေဖို့ မလိုပါဘူးကွာ “</p> <p> </p> <p>လူတစ်ဦးမှ စကားထပ်ပြောလာခဲ့သည်။</p> <p> </p> <p>တစ်ခြားလူမှ ပြန်ပြောလာခဲ့သည် “ တကယ်လို့ မင်းသာမပေါ်လာဘူးဆိုရင်၊ မင်းအသက်ရှင်ကောင်း ရှင်နေနိုင်သေးတယ်။ ဒါပင်မဲ့ မင်းက ကိုယ့်သေတွင်းကို ကိုယ့်ဟာကိုယ် တူးနေတာပဲ “</p> <p> </p> <p>“ ဘာလို့လေကုန်ခံနေဦးမှာလဲ။ သူ့ကို သတ် “</p> <p> </p> <p>လူတစ်ဦးမှ စကားပြောဆို၍ သူ၏လက်ကို လှုပ်ရှားလာခဲ့ရာ၊ မှော်စွမ်းအားတစ်ခု ပေါက်ထွက်လာခဲ့သည်။ သူသည် ဓားချီလက်စည်းတံဆိပ်ကို ဖွဲ့စည်း၍၊ ၎င်းကို အပြီးသတ်ရန် ကြံရွယ်လိုက်သည်။</p> <p> </p> <p>သို့သော် လုချန်ရှန်းကမူ ၎င်းကို မျက်လုံးထဲပင် မထည့်ဘဲ၊ သူတို့၏ လှုပ်ရှားမှုများကို စောင့်ကြည့်ကာ၊ မျက်မှောင်ကြုတ်၍ စကားထပ်ပြောလိုက်သည် “ နှစ်ယောက်တစ်ယောက် တိုက်တာက နည်းနည်းလေး ခက်တယ်ဆိုပင်မဲ့ ကြိုးစားကြည့်လို့ရပါသေးတယ် “</p> <p> </p> <p>“ ကြိုးစားကြည့်မှာလား “</p> <p> </p> <p>“ မင်းက ငါတို့ကို ဖြေရှင်းချင်နေတာလား “</p> <p> </p> <p>ထိုလူနှစ်ဦးသည် ဟာသတစ်ခုကို ကြားလိုက်ရသည့်အလား ကျယ်လောင်စွာ ရယ်မောနေတော့သည်။</p> <p> </p> <p>ထို့နောက်တွင် သူတို့သည် စတင်၍ လှုပ်ရှားလာကြသည်။</p> <p> </p> <p>ဓားချီလက်စည်းတံဆိပ် ချဥ်းကပ်လာသည့် အချိန်တွင်၊ စွမ်းအားတစ်ခု ပေါက်ထွက်လာခဲ့ပြီး၊ တိုက်ခိုက်မှုကို ချက်ချင်း ချေဖျက်သွားခဲ့သည်။</p> <p> </p> <p>“ ဘာတွေ ဖြစ်နေတာလဲဟ “</p> <p> </p> <p>တိုက်ခိုက်ခဲ့သည့် လူမှာ မျက်မှောင်ကြုတ်သွားခဲ့သည်၊ သူမတုံ့ပြန်နိုင်ခင် အချိန်မှာပင် လုချန်ရှန်းသည် သူ၏လက်ကို မြှောက်ကာ ဓားချီတစ်ခုကို ဖွဲ့စည်းပြီး၊ လေဟာနယ်ကို ခုတ်ပိုင်းလာခဲ့ရာ၊ ထိုလူ၏လည်ပင်း ချက်ချင်း ပြတ်တောက်သွားခဲ့သည်။</p> <p> </p> <p>ဘမ်းးး</p> <p> </p> <p>ပုံရိပ်တစ်ခု လဲကျသွားခဲ့ပြီး၊ ကျန်နေခဲ့သည့်လူမှာ ကြောက်လန့်တကြား ဖြစ်သွားခဲ့သည်။</p> <p> </p> <p>“ အူတိုင်ဖွဲ့စည်းခြင်း၊ ဘယ်လိုလုပ် ဖြစ်နိုင်မှာလဲ “</p> <p> </p> <p>လုချန်ရှန်း၏ ကျင့်ကြံရေး အဆင့်ကို ခံစားလိုက်ရသောအခါတွင် ကျန်ရှိနေသည့် လူအိုကြီးမှာ မယုံကြည်နိုင်ဖြစ်သွားခဲ့သည်။</p> <p> </p> <p>သူ့အရှေ့တွင် ရှိနေသည့် အသက်ဆယ့်ခုနစ်(သို့) ဆယ့်ရှစ်နှစ်အရွယ်သာ ရှိသည့် လူငယ်လေးတစ်ဦးက အူတိုင်ဖွဲ့စည်းခြင်း ကျင့်ကြံရေးကို ပိုင်ဆိုင်ထားခဲ့ပြီး၊ အရှိန်အဝါမှာ ကြောက်မက်ဖွယ်ကောင်းကာ၊ သူတို့ထပ်ပင် ပိုမိုအားကောင်းနေခဲ့သည်။</p> <p> </p> <p>ကန်းယွင်ပြည်နယ်၏ လူငယ်ပါရမီရှင်များ၊ ဓားအင်မော်တယ်လေး ကျိုးချင်ယုတို့ကပင် သူနှင့်ယှဥ်လိုက်မည်ဆိုပါက မှေးမှိန်သွားကြရမည် ဖြစ်သည်။</p> <p> </p> <p>ထိုလူသည် အနောက်သို့ လှည့်ကာ၊ လှုပ်ရှားမှု နည်းစနစ်တစ်ခုကို အသက်သွင်းလိုက်သည်။</p> <p> </p> <p>အဆိုပါ အရှိန်အဝါကို ခံစားမိရုံဖြင့် သူက ထိုလူ့အား မယှဥ်နိုင်ဘူးဆိုသည်ကို သူသိနေခဲ့သည်။</p> <p> </p> <p>သို့ရာတွင် လုချန်ရှန်းမှ ခြေတစ်လှမ်းလှမ်းလာခဲ့ပြီး၊ သူ၏ပုံရိပ်သည် ပုံရိပ်ယောင်သဖွယ် ဖြစ်သွားကာ၊ ထိုလူ့၏ ပြေးလမ်းကြောင်းအရှေ့သို့ ရောက်ရှိသွားခဲ့သည်။</p> <p> </p> <p>ထိုအချိန်၌ သူသည် စကားတစ်ခွန်းမှ မပြောဘဲ သူ၏လက်ကို မြှောက်လိုက်သည်၊ မှော်စွမ်းအား ဖွဲ့တည်လာခဲ့ပြီး၊ ထိုလူ၏ အသက်ဓာတ်ကို ငြှိမ်းသက်သွားခဲ့သည်။</p> <p> </p> <p>လူအိုကြီးသည် မယုံကြည်နိုင်ဖြစ်နေသော အမူအရာဖြင့် သေဆုံးသွားခဲ့သည်။ ထိုအချိန်၌ သူသည် ကန်းယွင်ဂိုဏ်း၏ ကြောက်မက်ဖွယ် အကောင်းဆုံးအရာက အဆိုပါ ဂိုဏ်းကိုယ်တိုင်နှင့် ကျိုးချင်ယုတို့ မဟုတ်ဘဲ၊ သူ့အရှေ့တွင် ရှိနေသည့် လူငယ်လေးဆိုသည်ကို နားလည်သွားခဲ့သည်။</p> <p> </p> <p>လုချန်ရှန်းသည် အလောင်းနှစ်လောင်းကို ကြည့်ကာ၊ တွေးတောစဥ်းစားနေတော့သည်၊ ထို့နောက် တစ်ခဏအကြာတွင် သူသည် မီးစည်းတံဆိပ်ကို ရေးဆွဲလိုက်ပြီး၊ ၎င်းတို့ကို ပြာအဖြစ် ပြောင်းလဲသွားသည်အထိ မီးရှို့ပြာချလိုက်သည်။</p> <p> </p> <p>ထို့နောက်တွင် သူသည် သူ၏အကျ်ီလက်ကို ဝေ့ရမ်းပြီး၊ ထိုဖုန်မှုန့်များကို ပြန့်ကျဲသွားစေကာ၊ ဘက်ပေါင်းစုံသို့ ပျံ့နှံ့သွားစေလိုက်သည်။</p> <p> </p> <p>ထို့နောက်တွင် သူသည် မြို့အပြင်ဘက်သို့ ကြည့်ကာ၊ တစ်ခဏခန့် တွေးတောစဥ်းစားနေခဲ့သည်။ အဆုံးတွင် သူသည် သူ၏လက်ချောင်းထိပ်ကို ခပ်ဖွဖွ ပုတ်လိုက်သည်၊ ဝိညာဥ်အလင်းတန်းတစ်ခုသည် ကောင်းကင်ယံတွင် တောက်ပလာခဲ့သည်။</p> <p> </p> <p>၎င်းမှာ ကန်းယွင်ဂိုဏ်း၏ အရေးပေါ်အချက်ပြမှု ဖြစ်သည်။</p> <p> </p> <p> </p>


Save