Book List

<h2 style="text-align: center;">အပိုင်း ( 19 )</h2> <h2 style="text-align: center;">ငွေရှိနေသရွေ့ပေါ့</h2> <h2 style="text-align: center;">*</h2> <p> </p> <p> </p> <p>နောက်ရက်အနည်းငယ် အကြာအထိ မည်သည့်လှုပ်ရှားမှုမှ မဖြစ်ပေါ်လာခဲ့ပေ။</p> <p> </p> <p>လုချန်ရှန်းသည် ထင်းရှူးပင်အိုကြီးအောက်တွင် အိပ်ကာ၊ နာကျင်မှုကို တိတ်တဆိတ် ကုစားနေခဲ့သည်။</p> <p> </p> <p>သူသည် ရွှမ်ထျန်းဂိုဏ်း၏ အဖွဲ့ဝင်များက ထွက်သွားလားဆိုသည်ကို စူးစမ်းလေ့လာနေခဲ့သည်၊ သို့သော် သူတို့သည် ထွက်သွားမည့် အရိပ်အယောင်မပြဘဲ၊ ဤနေရာတွင်သာ ဆက်၍နေနေခဲ့ကြသည်။</p> <p> </p> <p>ကျိုးချင်ယုမှာလည်း ခါတိုင်းလိုပင် ကျင့်ကြံမြဲကျင့်ကြံနေစဲပင်။ ယဲ့တျန်ရီမှာလည်း သူ၏ ဂျူနီယာညီလေးအား ထိခိုက်အောင် လုပ်မိလုနီးပါး ဖြစ်ခဲ့သည်ကို အမှတ်ရနေခဲ့ကာ၊ ဤရက်ပိုင်းအတွင်းတွင် လုချန်ရှန်းကို လာမနှောင့်ယှက်တော့ဘဲ၊ ထို့အစား သူ၏ ကိုယ်ပိုင်ကျင့်ကြံရေးကိုသာ အာရုံစိုက်နေခဲ့သည်။</p> <p> </p> <p>ကန်းယွင်လျှို့ဝှက်နယ်မြေ ဖွင့်တော့မည်ဖြစ်သောကြောင့်၊ လူတိုင်းက ပြင်ဆင်မှုများ ပြုလုပ်နေကြသည်။</p> <p> </p> <p>သို့သော် နင့်ယုရှင်းကမူ သူ့ဆီသို့ နေ့စဥ်နေ့တိုင်း ရောက်ရှိလာခဲ့သည်၊ သို့သော် သူမသည် သူ့ကို မည်သို့မျှ မနှောင့်ယှက်လာခဲ့ပေ၊ ထို့အစား သူမ၏ မျက်နှာပေါ်တွင် စိတ်အနှောင့်အယှက်ဖြစ်နေသည့် အမူအရာတစ်ခု အမြဲလိုလို တည်ရှိနေခဲ့သည်။</p> <p> </p> <p>သူမသည် လုချန်ရှန်းက အပြည့်အဝ ပြန်လည်သက်သာသွားသည့် အချိန်မှသာလျှင်၊ သူ့အနားသို့ ချဥ်းကပ်လာခဲ့သည်။</p> <p> </p> <p>“ စီနီယာအစ်ကိုလု၊ ရှင်အခု အားပြီလား “ ဟုနင့်ယုရှင်းမှ မေးမြန်းလာခဲ့သည်။</p> <p> </p> <p>“ ဘာကိစ္စ “</p> <p> </p> <p>လုချန်ရှန်းမှ လှမ်းကြည့်လိုက်သည်။</p> <p> </p> <p>သူမသည် သူ့ဆီသို့ လျှောက်လှမ်းလာကာ၊ ထိုင်ချလိုက်သည်။</p> <p> </p> <p>အချိန်တစ်ချို့ကို အတူတကွ ဖြတ်သန်းလာခဲ့ပြီးသည့်နောက်တွင်၊ သူမသည် လုချန်ရှန်းနှင့် ပိုမိုရင်းနှီးလာခဲ့ကာ၊ ယခင်ကလောက် ခပ်တန်းတန်း ဖြစ်မနေတော့ပေ။</p> <p> </p> <p>“ နင့်ရဲ့ ဓားရည်ရွယ်ချက်က မတိုးတက်လာသေးလို့လား၊ ဒါမှမဟုတ် စီနီယာအစ်ကိုက နင့်ကို သတိမထားမိသေးလို့လား “</p> <p> </p> <p>“ မဟုတ်ဘူး၊ ကျွန်မရဲ့ ဓားရည်ရွယ်ချက်က မြန်မြန်ဆန်ဆန် တိုးတက်လာနေပါတယ်၊ စီနီယာအစ်ကိုကလည်း ကျွန်မကို အတော်လေး အာရုံစိုက်နေပြီးတော့ ကျွန်မနဲ့ ဓားပညာအကြောင်း ဆွေးနွေးဖို့အတွက် ခဏခဏ လာလေ့ရှိပါတယ် “</p> <p> </p> <p>လုချန်ရှန်းသည် ဇဝေဇဝါ ဖြစ်နေသော အမူအရာဖြင့် မေးမြန်းလိုက်သည် “ ဒါဆိုရင် နင်ဘာလာလုပ်တာလဲ “</p> <p> </p> <p>နင့်ယုရှင်းမှ ပြန်ပြောလာခဲ့သည် “ ဓားပညာကို စပြီးတော့ လေ့ကျင့်ခဲ့တဲ့အချိန်ကတည်းက၊ တစ်ခုခုမှားနေတာကို ခံစားခဲ့ရတယ် “</p> <p> </p> <p>“ ဘာဖြစ်တာလဲ “</p> <p> </p> <p>ထိုအကြောင်းကို ကြားလိုက်ရသောအခါတွင် သူသည် ချက်ချင်းတက်ကြွသွားခဲ့သည်၊ ငါက ဂုဏ်သိက္ခာရှိတဲ့ ဈေးရောင်းသမားလေးပါ၊ ငါ့ရဲ့ ဂုဏ်သတင်းကို ထိန်းသိမ်းဖို့အတွက်၊ ပစ္စည်းရောင်းခဲ့ပြီးတဲ့နောက်မှာ ဖြစ်လာတဲ့ ပြဿနာတွေကို သေချာရှင်းပေးမယ်</p> <p> </p> <p>နင့်ယုရှင်းသည် အနည်းငယ် ရှက်ရွံ့သွားသော အမူအရာဖြင့် ပြန်ပြောလာခဲ့သည် “ ကျွန်မရဲ့ ခန္ဓာကိုယ်မှာ ပြောင်းလဲမှုတစ်ခု ရှိလာတာပါ “</p> <p> </p> <p>“ မချိန်ညှိရသေးတာလား၊ ရပ်သွားတာလား၊ ဒါမှမဟုတ် စီနီယာအစ်ကိုကြီးနဲ့ ဗိုက်ကြီးသွားတာလား “</p> <p> </p> <p>နင့်ယုရှင်း၏ မျက်နှာတစ်ခုလုံး နီရဲသွားကာ၊ မျက်မှောင်ကြုတ်၍ ပြန်ပြောလာခဲ့သည် “ စီနီယာအစ်ကို ဘာအဓိပ္ပါယ် မရှိတာတွေ လျှောက်ပြောနေတာလဲ။ ကျွန်မက … ကျွန်မက …… “</p> <p> </p> <p>“ ဆိုတော့ မင်းက ထုတ်ပြောဖို့ အခက်တွေ့နေတာပဲ “ လုချန်ရှန်းသည် ခေါင်းငြိမ့်ပြကာ၊ သူနားလည်ကြောင်း ဖော်ပြလိုက်သည် “ နင့်ရဲ့ သွေးခုန်နှုန်းကို တိုင်းပေးမယ် “</p> <p> </p> <p>“ ရှင်က သွေးခုန်နှုန်းလည်း တိုင်းတတ်တာလား “</p> <p> </p> <p>“ နည်းနည်းပါးပါးပေါ့ “</p> <p> </p> <p>နင့်ယုရှင်းသည် သူမ၏လက်ကို ဆန့်ပေးလာခဲ့သည်၊ သူမသည် စကားထုတ်ပြောရမည်ကို အလွန်တရာ ရှက်ရွံ့နေခဲ့သည်။ အကယ်၍ သူမ၏ သွေးခုန်နှုန်းကို တိုင်းကြည့်ခြင်းဖြင့် ထိုပြဿနာကို ဖြေရှင်းနိုင်မည်ဆိုပါက၊ ၎င်းသည် သူမကို ထိုစကား ထုတ်ပြောရခြင်းမှ ကာကွယ်ပေးမည် ဖြစ်သည်။</p> <p> </p> <p>လုချန်ရှန်းသည် သွေးခုန်နှုန်းကို စမ်းကြည့်နေရင်းဖြင့် ခေါင်းတငြိမ့်ငြိမ့် ဖြစ်သွားခဲ့သည် “ အို့၊ နင့်ရဲ့ ရင်ဘတ်မှာ တင်းကြပ်နေတာပဲ၊ အဲ့တာနဲ့အတူ နာကျင်မှု တစ်ခုပါ ရှိနေတယ်၊ ကြီးလာပြီး ဆုတ်ဖြဲခံလိုက်ရသလို ခံစားနေရတယ်မလား “</p> <p> </p> <p>“ ရှင် ……. “</p> <p> </p> <p>စကားတစ်ခွန်းသည် နင့်ယုရှင်း၏ မျက်နှာကို ပိုမိုနီရဲသွားပြီး၊ နီရဲမှုမှာ နားရွက်များ အထိပင် ရောက်ရှိသွားခဲ့သည်။ သူမသည် အလွန်တရာ ရှက်ရွံ့သွားခဲ့ပြီး၊ ဗာဒံစေ့သဖွယ် မျက်လုံးလေးများဖြင့် သူ့ကို စိုက်ကြည့်လိုက်သည်။</p> <p> </p> <p>ကျွန်မက ရှက်လို့ ထုတ်မပြောတာကို ရှင်နားလည်တယ်ဆို၊ သွေးခုန်နှုန်း စမ်းပြီးတဲ့နောက်မှာ အဲ့စကားကို ဘာကိစ္စထုတ်ပြောလာရတာလဲ၊ အဲ့တာဆိုရင် ဘာလုပ်ဖို့ သွေးခုန်နှုန်း စမ်းနေရတာလဲ</p> <p> </p> <p>သို့ရာတွင် သူမသည် နာမည်ဆိုးဖြင့် ကျော်ကြားကာ အသုံးမကျဘူးဟု အပြောအဆို ခံနေရသည့် လုချန်ရှန်းက လူများကို ဓားပညာ လေ့ကျင့်နိုင်အောင် ကူညီပေးနိုင်ပြီး၊ မည်ကဲ့သို့ သွေးခုန်နှုန်း တိုင်းတာရမလဲဆိုသည်ကို သိနေခဲ့ကာ၊ ပြဿနာအား ချက်ချင်းသိရှိသွားသည်ကို မြင်တွေ့ခဲ့ရသောကြောင့်၊ တအံ့တဩ ဖြစ်သွားခဲ့သည်။</p> <p> </p> <p>လုချန်ရှန်းသည် သူ၏လက်ကို ပြန်ရုတ်ကာ မျက်မှောင်ကြုတ်သွားခဲ့သည်။</p> <p> </p> <p>သူသည် ပြဿနာကို နားလည်နေခဲ့သည်။</p> <p> </p> <p>အကြောင်းအရင်းမှာ သူ၏ဓားရည်ရွယ်ချက်ထံမှ ဆင်းသက်လာသော နင့်ယုရှင်း၏ ဓားရည်ရွယ်ချက်ပင် ဖြစ်သည်။</p> <p> </p> <p>သူ၏ဓားရည်ရွယ်ချက်က သူမ၏ ခန္ဓာကိုယ် အတွင်းတွင် တဖြည်းဖြည်း ကြီးထွားရင့်သန်လာနေခဲ့သည်။</p> <p> </p> <p>အဆိုပါ ဓားရည်ရွယ်ချက်သည် လုချန်ရှန်း၏ ဓားရည်ရွယ်ချက်နှင့် တစ်ထပ်တည်း ထပ်တူကျနေခဲ့သည်။ သူကျင့်ကြံခဲ့သည့် ဓားရည်ရွယ်ချက်က ပလွှားကြီးစိုးလွန်းသောကြောင့်၊ သာမန်ရုပ်ခန္ဓာများမှာ ၎င်းကို တောင့်မခံနိုင်ကြပေ။</p> <p> </p> <p>ထို့ကြောင့် နင့်ယုရှင်း၏ ခန္ဓာကိုယ်အတွင်းတွင် ရှိနေသည့် ဓားရည်ရွယ်ချက်၏ တိုးတက်မှုနှင့် လှုပ်ရှားမှုက သူမ၏ ခန္ဓာကိုယ်ကို ထိခိုက်သွားစေခဲ့ခြင်း ဖြစ်သည်၊ အဘယ့်ကြောင့်ဆိုသော် ၎င်းက ဖိအားကို တောင့်မခံနိုင်သောကြောင့် ဖြစ်သည်။</p> <p> </p> <p>“ ဘာမှားလို့လဲ “</p> <p> </p> <p>“ ပြဿနာကြီး တစ်ခုတော့ မဟုတ်ပါဘူး “ လုချန်ရှန်းမှ သူ၏လက်ကို ဝေ့ရမ်းပြလိုက်သည်။</p> <p> </p> <p>“ ဘာဖြစ်တာလဲ “</p> <p> </p> <p>“ တိတိကျကျပြောရမယ်ဆိုရင်တော့၊ အဲ့တာက နင်ကျင့်ကြံတဲ့ ဓားရည်ရွယ်ချက်က ကြီးစိုးလွန်းတာကြောင့်ပဲ။ အဲ့တာကြောင့် နင့်ရဲ့ ခန္ဓာကိုယ်က တောင့်မခံနိုင်တော့ဘဲ၊ တစ်ချို့ အစိတ်အပိုင်းတွေ စုတ်ပြဲသွားတာ၊ အဲ့တာကြောင့်ပဲ ရောင်လာတာ “</p> <p> </p> <p>နင့်ယုရှင်းသည် အောက်သို့ ငုံ့ကြည့်ကာ၊ ပြန်ပြောလာခဲ့သည် “ ကြီးစိုးလွန်းတဲ့ ဓားရည်ရွယ်ချက်လား “</p> <p> </p> <p>“ ဒီလိုဓားရည်ရွယ်ချက်မျိုးက ကွဲပြားတယ်ဆိုတာကို နင့်ကို ငါသတိမပေးခဲ့မိတာပါ “</p> <p> </p> <p>“ စီနီယာအစ်ကိုက ကျွန်မရဲ့ ဓားပညာစွမ်းရည်ကြောင့် အံ့ဩသွားပြီး၊ ကျွန်မရဲ့ ဓားရည်ရွယ်ချက်က ထူးခြားတယ်လို့ ပြောခဲ့တာက အံ့ဩစရာတော့ မဟုတ်ဘူးပဲ “ နင့်ယုရှင်းသည် တစ်စုံတစ်ခုကို နားလည်သွားကာ၊ စကားထပ်ပြောလာခဲ့သည် “ ကျွန်မ ဘာလုပ်သင့်လဲ။ ကျွန်မက ဓားပညာ အဆင့်၂ကို ရောက်တော့မယ်လို့ ခံစားနေရတယ်၊ ဒါပင်မဲ့ နာကျင်မှုက ပိုပြီးတော့ ပြင်းထန်လာတယ် “</p> <p> </p> <p>ထိုစကားကို ကြားလိုက်ရသောအချိန်တွင် လုချန်ရှန်းသည် သူမကို ငေးကြည့်ကာ၊ အတွေးများ လှုပ်ရှားသွားခဲ့သည်။</p> <p> </p> <p>“ ဂျူနီယာညီမလေး၊ ဒီကိစ္စက ဖြေရှင်းလို့ရပါတယ်၊ ဒါပင်မဲ့ နည်းနည်းတော့ …….. “</p> <p> </p> <p>စကားပြောနေရင်းဖြင့် သူသည် သူမကို ထပ်မံ၍ စိုက်ကြည့်လာခဲ့သည်။</p> <p> </p> <p>ထိုအကြည့်ကို မြင်လိုက်ရသောအခါတွင် နင့်ယုရှင်းသည် အလိုအလျောက် မတ်တပ်ထရပ်မိကာ၊ နောက်ဆုတ်ရန် ကြိုးပမ်းလိုက်သည်။</p> <p> </p> <p> “ စီနီယာအစ်ကို၊ ရှင်လိုအပ်တာ တစ်ခုခု ရှိလို့လား “</p> <p> </p> <p>သူမသည် စကားပြောနေရင်းဖြင့် စိတ်ပိုင်းဖြတ်လိုက်သည်။ အကယ်၍ တစ်ခုခုသာဖြစ်လာမည်ဆိုပါက သူမ လှည့်ပြေးမည် ဖြစ်သည်။</p> <p> </p> <p>လုချန်ရှန်းမှ ပြန်ပြောလာခဲ့သည် “ အဲ့တာက နည်းနည်းတော့ ဈေးကြီးတယ် “</p> <p> </p> <p>“ ဟမ်။ ငွေလား “</p> <p> </p> <p>“ ဟုတ်တယ်၊ အဲ့လိုဓားရည်ရွယ်ချက်မျိုးက ပလွှားကြီးစိုးလွန်းလို့၊ အဲ့တာကို တောင့်ခံနိုင်ဖို့အတွက် အားကောင်းတဲ့ ရုပ်ခန္ဓာကို လိုအပ်တယ်။ နင့်ရဲ့ အဆင့်ကလည်း နည်းနည်းလေး နိမ့်နေတယ်၊ အဲ့တာကြောင့် နင်အဆင့်တက်မှ ဖြစ်မယ် “</p> <p> </p> <p>နင့်ယုရှင်းသည် စိတ်သက်သာရာရစွာဖြင့် သက်ပြင်းချကာ၊ သံသယတစ်ချို့ဖြင့် မေးမြန်းလာခဲ့သည် “ ကျွန်မရဲ့ ရုပ်ခန္ဓာကို ပြုပြင်ပြင်ဆင်ပြီးတော့၊ ကျင့်ကြံရေး အဆင့်တက်အောင် လုပ်ရမယ်လို့ ပြောတာလား “</p> <p> </p> <p>“ အမှန်ပဲ “</p> <p> </p> <p>“ ဒါပင်မဲ့ ကျွန်မက ရုပ်ခန္ဓာ ကျင့်ကြံသူ မဟုတ်ဘူးလေ၊ ပြီးတော့ ကျင့်ကြံရေး အဆင့်တက်အောင် လုပ်ဖို့ဆိုတာကလည်း ညတွင်းချင်းလုပ်လို့ရတဲ့ ကိစ္စ မဟုတ်ဘူးလေ။ ကျွန်မရဲ့ ဓားရည်ရွယ်ချက်က အဆင့်၂ကို ရောက်တော့မယ်လို့ ခံစားနေရတယ်၊ အဲ့ခံစားချက်က ပိုပိုပြီးတော့ အားကောင်းလာနေတယ် “</p> <p> </p> <p>လုချန်ရှန်းသည် ခေါင်းတငြိမ့်ငြိမ့်ဖြင့် ပြန်ပြောလိုက်သည် “ အဲ့တာကြောင့်ပဲ ဈေးကြီးတယ်လို့ ပြောတာလေ။ နင်က ဆေးပင်နဲ့ ဆေးပစ္စည်း အများကြီး ဝယ်ဖို့အတွက် ဝိညာဥ်ကျောက်တုံးတွေ လိုအပ်တယ် “</p> <p> </p> <p>“ ငွေက အရေးအကြီးဆုံးပဲလား “</p> <p> </p> <p>“ ငွေသာ ရှိနေသရွေ့ပေါ့ “</p> <p> </p> <p>သူသည် တွေဝေတုံ့ဆိုင်းနေခြင်း မရှိဘဲ ချက်ချင်း ပြန်ပြောလိုက်သည်။</p> <p> </p> <p>ငါ့ကို လာပြောင်နေတာလားဟ၊ ငွေမရှိဘဲနဲ့ ဘာလုပ်လို့ရမှာတုန်း</p> <p> </p> <p>ငွေသာရှိနေမယ်ဆိုရင်၊ ရွှမ်ထျန်းဂိုဏ်းရဲ့ ဂိုဏ်းချုပ် ဓားနဲ့သွားခုတ်ရမယ်ဆိုရင်တောင်မှ လုပ်ပေးမယ်။</p> <p> </p> <p>နင့်ယုရှင်းမှာလည်း တွေဝေတုံ့ဆိုင်းမနေဘဲ၊ ထပ်မံ၍ မေးမြန်းလာခဲ့သည်။</p> <p> </p> <p>“ စီနီယာအစ်ကိုက ဘယ်လောက်လိုလို့လဲ “</p> <p> </p> <p>“ ငါလည်း သေချာမသိဘူး။ ကန်းယွင်မြို့မှာ အခြေအနေ သွားကြည့်ပြီးမှသိမှာ။ ပစ္စည်းတစ်ချို့ရဲ့ ဈေးနှုန်းတွေကတော့ အတက်အကျရှိတယ်၊ နင်သိတဲ့အတိုင်းပဲ၊ နင့်ကို အသုံးချပြီးတော့၊ ငွေရှာဖို့ မဟုတ်ပါဘူးဟာ “</p> <p> </p> <p>“ ကောင်းပြီလေ၊ ဒါဆိုရင်လည်း မနက်ဖြန်ကျရင် ကျွန်မနဲ့အတူ ကန်းယွင်မြို့ကို လိုက်ခဲ့ပေးဖို့အတွက် ရှင့်ကိုပဲ ဒုက္ခပေးရတော့မယ် “</p> <p> </p> <p>နင့်ယုရှင်းသည် လုချန်ရှန်းကို ယုံကြည်နေစဲ ဖြစ်သည်။</p> <p> </p> <p>ဓားရည်ရွယ်ချက်၏ အစောပိုင်း တိုးတက်မှုတစ်ဆင့် ယခုလက်ရှိအနေအထားသို့ ရောက်ရှိလာသည့် အချိန်အထိ မည်သည့်အမှားအယွင်းမှ မရှိခဲ့ဘဲ၊ အကျိုးသက်ရောက်မှုမှာ အမှန်ပင် အံ့ဖွယ်ကောင်းနေခဲ့သည်။</p> <p> </p> <p>သူမသည် သူမ၏ တိုးတက်မှုအကြောင်းကို သူမ၏ မိသားစုကို ပြောပြထားခဲ့ပြီးပြီ ဖြစ်သည်၊ သူမက ဓားရည်ရွယ်ချက်ကို အဆင့်၂နှင့် နီးကပ်သည်အထိ ကျွမ်းကျင်နေပြီဆိုသည်ကို ကြားလိုက်ရသောအခါတွင် သူမ၏ အဖေမှာ အလွန်တရာ ပျော်ရွှင်သွားခဲ့သည်။</p> <p> </p> <p>အထူးသဖြင့် ထိုကဲ့သို့သော တိုးတက်မှုအတွက် ဝိညာဥ်ကျောက်တုံး အနည်းငယ်မျှသာ အသုံးပြုခဲ့ရကြောင်းကို သိလိုက်ရသည့် အချိန်တွင် ဖြစ်ပြီး၊ သူသည် ၎င်းက ထိုက်တန်သော ရင်းနှီးမြှုပ်နှံမှု တစ်ခုဟု ခံစားနေရသောကြောင့်၊ သူ၏သားကိုပါ လေ့ကျင့်ခိုင်းရန် စီစဥ်နေလျက်ရှိသည်။</p> <p> </p> <p>“ အိုကေလေ “</p> <p> </p> <p>လုချန်ရှန်းသည် များများစားစား ပြန်မပြောလိုက်ဘဲ၊ ထွက်ခွာသွားသည့် သူမကိုသာ စောင့်ကြည့်နေခဲ့သည်။</p> <p> </p> <p>သို့ရာ၌ သူမထွက်သွားခဲ့ပြီးသည့်နောက်တွင် သူသည် နက်နက်နဲနဲ မျက်မှောင်ကြုတ်သွားခဲ့သည်။</p> <p> </p> <p>“ သူမက အလိမ်ခံနေရတယ်ဆိုတာကို သိသွားလို့များလား။ အဲ့တာကြောင့် သူမကိုယ်တိုင် ဝယ်ဖို့ လုပ်နေတာလား။ အဲ့တာက အဓိပ္ပါယ် မရှိဘူးနော် “ လုချန်ရှန်းသည် အပြစ်ရှိစိတ် အနည်းငယ် ခံစားလိုက်ရသည်။</p> <p> </p> <p>နောက်ဆုံးတစ်ကြိမ်က သူမအတွက် ဆေးလုပ်ရာတွင် ဝိညာဥ်ကျောက်တုံး သုံးခုမျှသာ သုံးစွဲခဲ့ရလေသည်။</p> <p> </p> <p>၎င်းကို တွေးမိသွားသောအခါတွင် သူသည် စတင်၍ တွေးတောစဥ်းစားနေတော့သည်။ ၎င်းက ငွေသစ်ပင်ကြီးဖြစ်သောကြောင့်၊ သူသည် ၎င်းကို လက်လွှတ်ခံမည် မဟုတ်ပေ။ ငါ့ရဲ့ စစ်မှန်တဲ့ အရည်အချင်းတွေကို ပြရတော့မဲ့ပုံပဲ</p> <p> </p> <p>နင့်ယုရှင်းကမူ သူမ၏ အခန်းဆီသို့ ပြန်လည်ရောက်ရှိလာခဲ့ပြီဖြစ်သည်၊ သို့သော် သူမသည် လုချန်ရှန်းအကြောင်းကို တွေးတောစဥ်းစားရင်းဖြင့် အတွေးနက်သွားခဲ့သည်။</p> <p> </p> <p>ငါသိရသလောက်အရဆိုရင် သူက ကောလဟာလတွေနဲ့ တော်တော်ကြီးကို ကွဲပြားနေတယ်။ သူ့ရဲ့ နာမည်ဆိုးကြောင့် သံသယလေးတွေ ရှိခဲ့ပင်မဲ့၊ အခုတော့ အဲလိုဟာတွေကို လုံးဝမခံစားရတော့ဘူး။ သူနဲ့အတူရှိရတာက အရမ်းကြီး ဆိုးရွားမနေဘူးပဲ</p> <p> </p> <p>ထိုနေ့ညတွင် ချင်းယွင်တောင်ထွဋ်တစ်ခုလုံးမှာ အလွန်တရာ အေးချမ်းတိတ်ဆိတ်နေခဲ့သည်။</p> <p> </p> <p>နောက်တစ်နေ့တွင် လုချန်ရှန်းသည် နင့်ယုရှင်းကို ကန်းယွင်မြို့သို့ ခေါ်သွားရန်အတွက် နံနက်စောစောထကာ အပြင်ဘက်တွင် စောင့်ဆိုင်းနေခဲ့သည်။</p> <p> </p> <p> </p>


Save