Book List

<h2 style="text-align: center;">အပိုင်း ( 27 )</h2> <h2 style="text-align: center;">ဘက်ပေါင်းစုံမှ ရောက်ရှိလာကြခြင်း</h2> <h2 style="text-align: center;">*</h2> <p> </p> <p>ဒီကောင်စကားပြောလေလေ၊ ပိုပြီးတော့ အန္တရာယ်ရှိလေလေပဲ၊ ဈေးကို သုံးသောင်းအထိ ချက်ချင်းတင်လိုက်တာပဲ</p> <p> </p> <p>လင်းပေါ် မှင်သက်သွားခဲ့သည်။</p> <p> </p> <p>မုန့်လန်မှာလည်း မယုံကြည်နိုင်ဖြစ်နေသော အမူအရာနှင့်အတူ သူ့ကို ကြည့်လာခဲ့သည်။</p> <p> </p> <p>သူသည် အချိန်အတော်ကြာ တွေးတောစဥ်းစားနေခဲ့သော်လည်း၊ မည်ကဲ့သို့ ငြင်းပယ်ရမလဲဆိုသည်ကို အဖြေမရှာနိုင်ခဲ့ပေ။</p> <p> </p> <p>နင့်ယုရှင်းက နင့်မိသားစု အချမ်းသာဆုံးလး ဖြစ်နေသောကြောင့် သူမ၏ ပစ္စည်းများက အလွန်တရာ တန်ဖိုးကြီးသည်ဆိုသည်မှာ ကျိုးကြောင်းဆီလျော်သော ကိစ္စတစ်ခုပင် ဖြစ်သည်။</p> <p> </p> <p>ထို့အပြင် ဓားဂူ၏ ဝရုန်းသုန်းကား ဖြစ်မှုကလည်း လွန်စွာကြောက်မက်ဖွယ်ကောင်းနေခဲ့သည်။ ၎င်းကို ကာကွယ်ရန်အတွက် ထူးခြားသော နည်းလမ်းများ သေချာပေါက် လိုအပ်မည် ဖြစ်သည်။ ၎င်းသည် သူမည်မျှပင် တွေးတောစဥ်းစားနေပါစေ၊ ပြစ်ချက်မရှိ ပြီးပြည့်စုံနေခဲ့သည်။</p> <p> </p> <p>သို့သော်  အကြောင်းပြချက်တစ်ချို့ကြောင့်၊ မုန့်လန်သည် သူက အလိမ်ခံနေရသည်ဟု ခံစားနေခဲ့ရသည်၊ သို့သော် ၎င်းကို သက်သေပြရန်အတွက် မည်သည့်သက်သေမှ ရှိမနေခဲ့ပေ။</p> <p> </p> <p>သူသည် ဆင်းမွဲတေမှုကြောင့် ရူးသွပ်သွားသည့် လူတစ်ဦး၏ ငွေညှစ်မှုကို ခံနေရသည်ဟု ခံစားနေခဲ့ရသည်၊ သို့သော် ၎င်းက ကျိုးကြောင်းမဆီလျော်ဘူးဟု မည်ကဲ့သို့ တုံ့ပြန်ရမလဲဆိုသည်ကို အဖြေမရှာနိုင် ဖြစ်နေခဲ့သည်။</p> <p> </p> <p>ထိုအချိန်၌ အနီးအနားတွင် ရပ်နေသည့် လော့ရှန်လင်းမှ စကားထပ်ပြောလာခဲ့သည် “ စီနီယာအစ်ကို ချန်ရှန်းက ချင်းယွင်တောင်ထွဋ်အတွက် အချိန်အတော်ကြာ အလုပ်လုပ်ပြီးတော့ ငွေစုနေခဲ့ရတာ၊ အခုတော့ ရှင်တို့ကြောင့် အဲ့တာတွေ အားလုံးပျက်စီသွားပြီ။ တကယ်လို့ ရှင်တို့က လျော်ကြေးမပေးဘူးဆိုရင်၊ ဆရာ့ဆီက သွားတောင်းလိုက်မယ် “</p> <p> </p> <p>ထိုစကားကို ကြားလိုက်ရသောအခါတင် မုန့်လန်၏ ခြေထောက်များ ပျော့ခွေသွားကာ၊ အလောတကြီး စကားထပ်ပြောလာခဲ့သည် “ ဂျူနီယာ သိုင်းပညာဦးလေး၊ စိတ်မပူပါနဲ့ဗျာ။ ဒီကိစ္စကို ကျွန်တော် ကိုင်တွယ်နိုင်ပါတယ်ဗျ “</p> <p> </p> <p>လုချန်ရှန်း မှင်သက်သွားခဲ့သည်။</p> <p> </p> <p>ဘာကို ဂျူနီယာ သိုင်းပညာဦးလေးလဲဟ</p> <p> </p> <p>သူမက နတ်ကောင်းကင်ဂိုဏ်းက လူတွေကိုတောင် အမိန့်ပေးလို့ရတာလားဟ၊ ဂျူနီယာ ညီမလေးက အကောင်ကြီးတစ်ကောင်များ ဖြစ်နေတာလား</p> <p>( ဒီနေရာမှာ သုံးတဲ့ အကောင်ကြီးဆိုတာက သတ္တဝါ(သို့)သားရဲတိရိစ္ဆာန်ကို ပြောတာမဟုတ်ဘဲ ရာထူးအာဏာကြီးတဲ့လူကို ပြောတာပါ )</p> <p> </p> <p>မေးခွန်းလေးများ ပေါ်ထွက်လာခဲ့သည်။</p> <p> </p> <p>သူအတွေးနက်နေသည့် အချိန်မှာပင် သူ့ထံသို့ အိတ်တစ်လုံး ထပ်မံရောက်ရှိလာခဲ့သည်။</p> <p> </p> <p>မုန့်လန်သည် ဤနေရာတွင် ဆက်မနေရဲတော့သည့်အတွက် ချက်ချင်းလှည့်ထွက်သွားတော့သည်။</p> <p> </p> <p>လော့ရှန်လင်းသည် လုချန်ရှန်း၏ ဘေးနားသို့ ရောက်လာကာ၊ စကားထပ်ပြောလာခဲ့သည် “ စီနီယာအစ်ကို ချန်ရှန်း၊ တကယ်လို့ အဲ့တာက မလောက်သေးဘူးဆိုရင်၊ ခဏစောင့်နေဦးနော်၊ မကြာခင် အချိန်မှာ ကျွန်မထပ်ပို့ပေးပါ့မယ် “</p> <p> </p> <p>“ ??? “</p> <p> </p> <p>လုချန်ရှန်းသည် ကြောင်အမ်းအမ်း ဖြစ်သွားခဲ့သည်။</p> <p> </p> <p>လင်းပေါ်သည် ထွက်ခွာသွားသည့် ထိုနှစ်ဦးကို စောင့်ကြည့်နေရင်းဖြင့်၊ ဝိညာဥ်ကျောက်တုံးအိတ်ကို အားကျမှုတို့ဖြင့် စိုက်ကြည့်လာခဲ့သည်။</p> <p> </p> <p>“ မင်း၊ ကောင်စုတ်လေး၊ မင်းက တော်တော်လေးကို ရက်စက်တာပဲကွ “</p> <p> </p> <p>လင်းပေါ်သည် မျက်နှာကြီးရှုံ့မဲ့ကာ စကားစပြောလာခဲ့သည်။</p> <p> </p> <p>လုချန်ရှန်းမှ ပြန်ပြောလိုက်သည် “ ဂျူနီယာ သိုင်းပညာဦးလေး၊ ခုနက သူပြောသွားတဲ့ ဂျူနီယာ သိုင်းပညာ ဦးလေးဆိုတာက ဘာကိုဆိုလိုတာလဲဗျ “</p> <p> </p> <p>လင်းပေါ်သည် သူ့ကို ကြည့်ကာ၊ ပြန်ပြောလာခဲ့သည် “ အဲ့တာက မင်းမသိသေးတဲ့ ကိစ္စတစ်ခုပဲ။ နတ်ကောင်းကင်ဂိုဏ်းရဲ့ မဟာအကြီးအကဲက အဲ့ကောင်မလေး၊ ရှန်လင်းကို သဘောကျသွားတယ်လေ “</p> <p> </p> <p>“ ဘာ။ မဟာအကြီးအကဲက သူမကို သဘောကျသွားတာလား။ သူက ဘယ်လောက်တောင် အိုနေလိုက်မလဲ။ ရွံစရာကြီးကွာ။ သူတို့က တကယ်ကြီး ……… “</p> <p> </p> <p>“ သူက အမျိုးသမီးတစ်ယောက်ဟ …….. “ လင်းပေါ် ဆွံ့အသွားပြီး၊ သူခေါင်းတွင် မည်ကဲ့သို့သော အတွေးများ ရှိနေလဲဆိုသည်ကို သိချင်သွားခဲ့သည်။</p> <p> </p> <p>“ အို့ “</p> <p> </p> <p>လုချန်ရှန်းသည် ခေါင်းငြိမ့်ပြကာ ဆက်မေးလိုက်သည် “ ပြီးတော့ရော “</p> <p> </p> <p>“ ခုနတုန်းက လူက လော့ရှန်လင်းကို လာကြိုတာ။ မုန့်လန်က အဲ့ဒီမဟာအကြီးအကဲရဲ့ မျိုးဆက်ဘက်ကလာတဲ့ ဂျူနီယာတပည့် တစ်ယောက်ပဲ “</p> <p> </p> <p>“ ဪ၊ အဲ့လိုကိုး “ လုချန်ရှန်းသည် စိတ်သက်သာရာရစွာဖြင့် သက်ပြင်းချနေတော့သည် “ သူမက လမ်းလွဲသွားပြီလို့ ကျွန်တော်ထင်နေတာ ”</p> <p> </p> <p>“ မင်းဘာတွေ တွေးနေတာလဲ “ လင်းပေါ်သည် သူ့ကို မျက်လုံးပြူးမျက်ဆံပြူးဖြင့် ကြည့်ကာ စကားထပ်ပြောလာခဲ့သည် “ သူမက နေရာကောင်းတစ်ခုကို ရှာတွေ့သွားပြီ၊ ငါတို့ရဲ့ ဂိုဏ်းကလည်း သူမကြောင့်ပဲ ဂုဏ်တက်သွားလိမ့်မယ်။ ငါတို့အားလုံးက အဲ့ကောင်မလေးဆီကနေ အကျိုးအမြတ်တွေ ရလိမ့်မယ် “</p> <p> </p> <p>“ ဆိုတော့ နောင်အနာဂတ်မှာ ကန်းယွင်ဂိုဏ်းကို ဘယ်သူကမှ စော်ကားရဲတော့မှာ မဟုတ်ဘူး “</p> <p> </p> <p>“ အမှန်ပဲ “</p> <p> </p> <p>လုချန်ရှန်း၏ မျက်လုံးများ တောက်ပသွားခဲ့သည်၊ အဲ့တာက ငါလိုချင်နေတဲ့ ဘဝပဲလေ</p> <p> </p> <p>အကယ်၍ ကျိုးချင်ယုကပါ နင့်ယုရှင်းကို လက်ထပ်ပြီး၊ ရံဖန်ရံခါတွင် သူ့ကို ကူညီပေးလာမည်ဆိုပါက၊ ဤဘဝက ပြီးပြည့်စုံသွားမည် ဖြစ်သည်။</p> <p> </p> <p>ဒေါင်</p> <p> </p> <p>လုချန်ရှန်းက အနာဂတ်အကြောင်း တွေးတောစဥ်းစားကာ စိတ်ကူးယဥ်နေသည့် အချိန်တွင်၊ ခေါင်းလောင်းသံတစ်သံ ပေါ်ထွက်လာခဲ့သည်။</p> <p> </p> <p>လင်းပေါ်သည် အသံလာရာဘက်သို့ လှည့်ကြည့်လိုက်ပြီး၊ မည်သည့်အရာများ ဖြစ်ပျက်နေလဲဆိုသည်ကို အကြမ်းဖျင်း နားလည်သွားခဲ့သည်။</p> <p> </p> <p>“ ကန်းယွင်လျှို့ဝှက်နယ်မြေ ဖွင့်တော့မှာပဲ “</p> <p> </p> <p>“ ဒီလောက်တောင် မြန်တာလား “</p> <p> </p> <p>“ ဟုတ်တယ်။ ဒီတစ်ကြိမ်မှာ လူတော်တော်များများကို ဆွဲဆောင်သွားတယ်လေ။ ကန်းယွင်ကားချပ် ပေါ်လာမလားဆိုတာကို ငါသိချင်မိတယ်။ တကယ်လို့ ပေါ်လာခဲ့မယ်ဆိုရင်၊ အဲ့တာက ငါတို့လူတွေရဲ့ လက်ထဲကို ရောက်သွားပါစေလို့ ငါဆုတောင်းတယ် “</p> <p> </p> <p>လင်းပေါ်သည် ဟန်ဆောင်မှု မရှိဘဲ ပြောပြလာခဲ့ပြီး၊ ထို့နောက်တွင် ချင်းယွင်တောင်ထွဋ်မှ ထွက်သွားခဲ့သည်။</p> <p> </p> <p>နင့်ယုရှင်းမှာလည်း သတိပြန်ဝင်လာခဲ့ပြီ ဖြစ်သည်။ သူမသည် ဝိညာဥ်ကျောက်တုံး အားလုံးကို ယူဆောင်သွားသည့် လုချန်ရှန်းကို ကြည့်နေရင်းဖြင့် အနည်းငယ် မျက်မှောင်ကြုတ်သွားခဲ့သည်။</p> <p> </p> <p>သူမသည် ၎င်းကို ဂရုစိုက်မပေ၊ ဝိညာဥ်ကျောက်တုံး အနည်းငယ်က သူမ၏ အာရုံစူးစိုက်မှုနှင့် မထိုက်တန်ပေ။</p> <p> </p> <p>သူမသည် ထိုလူ့ကို ငေးကြည့်နေမိခဲ့သည်။ သူမအရှေ့တွင် ရှိနေသည့် ထိုလူမှာ ကောလဟာလများအတိုင်း ဖြစ်နေခဲ့သည်၊ သို့သော် သူသည် သူမ၏ သိလိုစိတ်ကို နှိုးဆွပေးနေခဲ့သည်။ သူမသည် သူ့ထံတွင် လူမသိသည့် ဘက်အခြမ်း ရှိနေသည်ဟု အမြဲလိုလို ခံစားနေခဲ့ရသည်။</p> <p> </p> <p>တစ်ခဏအကြာတွင် သူမသည် စကားစပြောကာ၊ မေးမြန်းလိုက်သည် “ စီနီယာအစ်ကိုလု၊ ကန်းယွင်ကားချပ်ဆိုတာက ဘာလဲ။ အဲ့တာက တော်တော်လေးကို အဖိုးတန်မဲ့ပုံပဲ “</p> <p> </p> <p>“ ငါလည်းသေချာ မသိဘူး၊ အဲ့တာက ဂိုဏ်းက ပျောက်သွားတဲ့ မှော်ရတနာတစ်ခုဖြစ်နေမယ်ထင်တယ် “</p> <p> </p> <p>ဤနေရာတွင် ဆယ်နှစ်ကျော် နေထိုင်လာခဲ့သောကြောင့် သူသည် ကန်းယွင်ကားချပ်ဆိုသည့် စကားလုံးကို ကြိမ်ဖန်များစွာ ကြားခဲ့ရဖူးသည်။</p> <p> </p> <p>ကန်းယွင်ဂိုဏ်းသည် တစ်ချိန်က ခမ်းနားထည်ဝါသော ဂိုဏ်းကြီးတစ်ဂိုဏ်း ဖြစ်ခဲ့ဖူးသည်ဟု ဆိုကြသည်၊ သို့သော် ၎င်းသည် တဖြည်းဖြည်း ဆုတ်ယုတ်လာခဲ့ပြီး၊ ကန်းယွင်ကားချပ်မှာ ကန်းယွင်ဂိုဏ်း၏ ဂိုဏ်းရတနာ ဖြစ်ခဲ့ဖူးလေသည်။</p> <p> </p> <p>သို့ရာတွင် ၎င်းပျောက်ဆုံးသွားသည်က အချိန်အတော်ကြာနေခဲ့ပြီ ဖြစ်ပြီး၊ ကန်းယွင်လျှို့ဝှက်နယ်မြေတွင် ရှိနေပုံရသော်လည်း၊ အချိန်အတော်ကြာ ရှာဖွေနေခဲ့ပြီးသည့်နောက်မှပင် မည်သည့်အရာကိုမှ မမြင်တွေ့ခဲ့ရပေ။</p> <p> </p> <p>နင့်ယုရှင်းမှ ထပ်မံ၍ မေးမြန်းလာခဲ့သည် “ အဲ့ပစ္စည်းရဲ့ အဆင့်က ဘာလဲ “</p> <p> </p> <p>“ ငါလည်း မသိဘူး၊ ဘုရင်အဆင့်လောက် ဖြစ်နေမယ်လို့ ထင်တာပဲ၊ ပြောဖို့ခက်တယ်။ ဒါပင်မဲ့ မတွေ့ရတာ နှစ်တော်တော်ကြာနေပြီဆိုတော့၊ တကယ်ကြီးကို ပျောက်သွားလောက်ပြီ “</p> <p> </p> <p>လုချန်ရှန်းမှ ပေါ့ပေါ့ပါးပါး ပြန်ပြောလာခဲ့သည်။ သူသည် ထိုကဲ့သို့သော အရာများကို ဂရုမစိုက်ပေ၊ သူ၏မျက်လုံးများမှာ ဝိညာဥ်ကျောက်တုံးများကိုသာ မြင်လေသည်။</p> <p> </p> <p>ထို့အပြင် သူသည် သူကိုယ်တိုင်အတွက် ပြင်ဆင်ရသေးသည်။ ကန်းယွင်လျှို့ဝှက်နယ်မြေ ဖွင့်မည့်အချိန်တွင်၊ တပည့်အားလုံးက ဝင်ကြရမည် ဖြစ်သည်။</p> <p> </p> <p>လူတစ်ဦးပိုနေခြင်းက ဖြစ်နိုင်ခြေတစ်ခု ပိုတိုးသွားစေသည်ဟု ဂိုဏ်းချုပ်က ပြောခဲ့ဖူးသည်၊ အကယ်၍ တစ်စုံတစ်ဦးကသာ ၎င်းကိုရရှိသွားမည်ဆိုပါက …..</p> <p> </p> <p>နင့်ယုရှင်းသည် ခေါင်းငြိမ့်ပြလိုက်ပြီး၊ မည်သည့်စကားမှ ထပ်မပြောတော့ဘဲ၊ ထွက်ခွာသွားသည့် သူ၏ပုံရိပ်ကိုသာ တိတ်ဆိတ်ငေးကြည့်နေခဲ့သည်။</p> <p> </p> <p>ဤကာလအတွင်းတွင် ကန်းယွင်ဂိုဏ်းတစ်ခုလုံးမှာ လှုပ်လှုပ်ရွရွ ဖြစ်လာခဲ့သည်။</p> <p> </p> <p>ဤနေရာသို့ ကန်းယွင်မြို့မှ လူတစ်ချို့လည်း ရောက်ရှိလာခဲ့ပြီး၊ တစ်ချို့သည် လျှို့ဝှက်နယ်မြေအတွက် မြို့ထဲတွင် စောင့်ဆိုင်းနေကြသည်။</p> <p> </p> <p>ရွှမ်ထျန်းဂိုဏ်း၏ အဓိက တပည့်ဖြစ်သည့် ရွှမ်ချန်လည်း ရောက်ရှိလာခဲ့သည်။ သူသည် ရွှမ်ထျန်းဂိုဏ်း၏ တပည့်ခေါင်းဆောင်ဖြစ်ပြီး၊ ဂိုဏ်း၏ နံပါတ်၁ ပါရမီရှင်အဖြစ်လည်း အသိအမှတ် ပြုခံထားရသည်။</p> <p> </p> <p>အသက်နှစ်ဆယ့်ရှစ်မျှသာ ရှိသေးသော်လည်း၊ သူသည် ချီသိပ်သည်းခြင်း ကျင့်ကြံရေးနယ်ပယ်ကို ပိုင်ဆိုင်ထားခဲ့သည်၊ လူတစ်ချို့ကမူ သူက ကျိုးချင်ယုထပ်ပင် အားမနည်းဘူးဟု ထင်နေကြသည်။</p> <p> </p> <p>သဘောတူချက်များအရ၊ ကန်းယွင်ဂိုဏ်းသည် သူတို့၏ အကျိုးအမြတ်များကို လက်ခံပြီး၊ ကန်းယွင်လျှို့ဝှက်နယ်မြေ ဖွင့်သည့်အချိန်တိုင်းတွင် လူတစ်ချို့ကို ဝင်ခွင့်ပေးရသည်။</p> <p> </p> <p>ထိုကဲ့သို့ ဖြစ်လာသည်မှာ နှစ်အတော်ကြာနေခဲ့ပြီ ဖြစ်သည်။</p> <p> </p> <p>ကျောက်ကျင်းနောက်သို့ လိုက်လာခဲ့သည့် နတ်ကောင်းကင်ဂိုဏ်း၏ လူငယ်တစ်ဦးကပင် လျှို့ဝှက်နယ်မြေအတွင်းသို့ ဝင်မည် ဖြစ်သည်။</p> <p> </p> <p>၎င်းမှာ ကျောက်ယန်ဟု အမည်ရသည့် ပင်မတပည့်တစ်ဦး ဖြစ်ပြီး၊ သူသည် အူတိုင်ဖွဲ့စည်းခြင်း နယ်ပယ်နှင့် ခြေလှမ်းတစ်ဝက်မျှသာ လိုတော့သည်။ သူတို့မှာလည်း ကန်းယွင်ကားချပ်ကြောင့် ရောက်လာကြခြင်း ဖြစ်နိုင်ပေသည်။</p> <p> </p> <p>ကန်းယွင်ကားချပ်က ထိုနေရာတွင် အမြဲတမ်း ရှိနေခဲ့သည်ဟု ကောလဟာလများ ထွက်နေခဲ့သော်လည်း၊ စစ်မှန်သည့် ပါရမီရှင်များကသာလျှင် ၎င်းပေါ်ထွက်လာအောင် ပြုလုပ်နိုင်လိမ့်မည် ဖြစ်သည်။</p> <p> </p> <p>အကယ်၍ ၎င်းက မပေါ်လာခဲ့ဘူးဆိုပါက၊ ၎င်းသည် ဝင်လာသည့် လူများက လုံလုံလောက်လောက် ထူးချွန်မနေဘူးဟု ညွှန်းဆိုနေခြင်းပင် ဖြစ်သည်။</p> <p> </p> <p>ဤနေရာသို့ ရောက်လာကြသူတိုင်းက ၎င်းကို ကြိုးစားကြည့်ချင်နေကြသည်။</p> <p> </p> <p>လုချန်ရှန်းကမူ ထိုကိစ္စကို လုံးဝလျစ်လျူရှုထားခဲ့သည်။</p> <p> </p> <p>သူသည် လျှို့ဝှက်နယ်မြေအတွင်းသို့ ရောက်ရှိသွားခဲ့ပြီးသည့်နောက်တွင်၊ ဝိညာဥ်ချီ ကြွယ်ဝသော နေရာတစ်နေရာကို ရှာဖွေကာ ပြန်မထွက်သွားခင် အချိန်အထိ ကျင့်ကြံနေမည်ဟု ဆုံးဖြတ်ထားခဲ့ပြီးပြီ ဖြစ်သည်။</p> <p> </p> <p>အရာအားလုံးကို စီစဥ်ခဲ့ပြီးသည့်နောက်တွင် သူသည် ပြင်ဆင်ရန်အတွက် စတင်၍ လုပ်ဆောင်နေခဲ့ပြီး၊ ထိုနေ့က ဖိနှိပ်ထားခဲ့သည့် ရုပ်သေးကိုထုတ်ယူကာ၊ ၎င်းထံတွင် ရှိနေသည့် အမှတ်အသားများကို ဖယ်ရှားပြီး၊ ပြန်၍ သန့်စင်နေတော့သည်။</p> <p> </p> <p>သူအမြင်တွင် ၎င်းက ပစ္စည်းတစ်ခု ဖြစ်နေခဲ့သည်၊ သို့သော် ယခင်က နည်းလမ်းမှာ လွန်စွာရက်စက်ကြမ်းကြုတ်လွန်းနေခဲ့သည်၊ ၎င်းကို ပြန်လည် သန့်စင်ခြင်းသည် ရုပ်သေး၏ စွမ်းအားသည် အဆင့်အသစ်တစ်ခုအထိ ထပ်မံ၍ ရောက်ရှိသွားစေမည် ဖြစ်သည်။</p> <p> </p> <p>အူတိုင်ဖွဲ့စည်းခြင်းအဆင့် ရုပ်သေးသည် ရန်သူများကို သတ်ဖြတ်ခြင်း၊ လုယက်ခြင်းနှင့် ပုန်းလျှိုးကွယ်လျှိုး လှုပ်ရှားခြင်းတို့အတွက် လွန်စွာ အသုံးတည့်နေခဲ့သည်။</p> <p> </p> <p>အကယ်၍ အဆိုးဆုံး ဖြစ်လာမည်ဆိုလျှင်တောင်မှ၊ ၎င်းကို ရောင်းချခြင်းဖြင့် ဝိညာဥ်ကျောက်တုံး များစွာရရှိလိမ့်မည် ဖြစ်သည်။</p> <p> </p> <p>ရက်ပေါင်းများစွာ ကျော်လွန်သွားကာ၊ အချိန်ကြာလာသည်နှင့်အမျှ၊ ကန်းယွင်ဂိုဏ်းအတွင်းရှိ ရှိနေသည့် လူအရေအတွက်မှာ ပိုမိုကြီးမားလာခဲ့ပြီး၊ အားလုံးသည် ကန်းယွင်လျှို့ဝှက်နယ်မြေ ဖွင့်လာမည့်အချိန်ကို စောင့်ဆိုင်းနေခဲ့သည်။</p> <p> </p> <p>သို့ရာတွင် လော့ထျန်းကမူ လူများပိုမိုရောက်ရှိလာသောကြောင့်၊ စိုးရိမ်စိတ် ဝင်စပြုလာခဲ့ကာ၊ စိတ်မသက်သာ ဖြစ်သွားခဲ့သည်။</p> <p> </p> <p>နေသာသော နေ့လည်ခင်းတွင် လော့ထျန်းသည် လူတိုင်းကို စုဝေးစေခဲ့သည်။</p> <p> </p> <p>တောင်ထွဋ်သခင်၏ တလေးနက် ဖြစ်နေသော အမူအရာများအောက်တွင်၊ သူသည် ညနတ်ဆိုးအကြောင်းကို ဖွင့်ပြောလိုက်သည်။</p> <p> </p> <p>ဤနှစ်များတစ်လျှောက်တွင် ကန်းယွင်ဂိုဏ်းမှာ သူ့လက်ချက်ကြောင့် များစွာခံစားခဲ့ရသည်။ တပည့်များမှ တောင်ထွဋ်သခင်များအထိ၊ ဂိုဏ်းချုပ်အပါအဝင် မည်သူကမှ သူ၏ရိုက်နှက်ခြင်းထံမှ မလွတ်မြောက်ခဲ့ကြပေ၊ သူသည် တစ္ဆေတစ်ကောင်ကဲ့သို့ပင် ရှာဖွေ ဖမ်းဆီးရ ခက်ခဲနေခဲ့သည်။</p> <p> </p> <p>လော့ထျန်းသည် လူတိုင်းကို သတိပေးရန်အတွက် ဤကဲ့သို့ လူစုခိုင်းလိုက်ရခြင်း ဖြစ်သည်။</p> <p> </p> <p>ရလဒ်အနေဖြင့် ညနတ်ဆိုးအကြောင်း ပြောလိုက်ခြင်းသည် လူတော်တော်များများကို အော်ကျယ်အော်ကျယ်ဖြင့် ရယ်မောသွားစေခဲ့သည်။</p> <p> </p> <p>လော့ထျန်းမှာလည်း မည်သို့မျှ မတတ်နိုင်တော့ပေ၊ သူသည် လူတိုင်းကို သတိပေးခဲ့ပြီးပြီဖြစ်သည်၊ နားထောင်ခြင်း၊ မထောင်ခြင်းက သူတို့ကိစ္စ ဖြစ်သွားပြီ ဖြစ်သည်။</p> <p> </p> <p>နောက်တစ်ရက်(သို့)နှစ်ရက် အကြာတွင် ကန်းယွင် လျှို့ဝှက်နယ်မြေ ဖွင့်လာတော့မည် ဖြစ်သည်၊ လူတိုင်း လျင်မြန်စွာ ပြန့်ကျဲသွားခဲ့သည်။</p> <p> </p> <p>လုချန်ရှန်းကမူ အဆိုပါ စုဝေးပွဲကို စောင့်ကြည့်ကာ မျက်မှောင်ကြုတ်သွားခဲ့သည်။</p> <p> </p> <p>“ ငါ့ရဲ့ ဂုဏ်သတင်းက အဲ့လောက်တောင် ဆိုးတာလားဟ။ ငါက ဘယ်လိုလုပ် ဒီလောက်တောင် ဆိုးသွမ်းသွားရတာလဲ။ မင်းတို့ရဲ့ ကောင်းကျိုးအတွက် ငါလုပ်ခဲ့တာလေကွာ “</p> <p> </p> <p> </p>


Save