Book List

<h2 style="text-align:center">အခန်း (၁၆၂၁) </h2> <h2 style="text-align:center">ပျံ့နှံ့နေသော ကောလာဟလများ</h2> <h2 style="text-align:center">*</h2> <p> </p> <p>ကောက်ရှီယွမ်က</p> <p>“သူတို့ရော ဘယ်လိုနေသေးလဲဟင်”</p> <p> ဟု သတိထားကာ မေးမြန်းလိုက်၏။</p> <p> </p> <p>ကောက်ရှီယွမ် မည်သူ့ကို မေးနေသည်ဆိုတာကို လုချန်းသိလိုက်ပြီး ပြုံးလျက် </p> <p> </p> <p> “သူတို့က ခုထိ ကစဉ့်ကလျား ပင်လယ်ထဲမှာပဲ ရှိနေသေးတယ်။”</p> <p> </p> <p>ခဏခန့် တိတ်ဆိတ်သွားပြီးနောက် ကောက်ရှီယွမ်က</p> <p> </p> <p>  “တောင်းပန်ပါတယ်”</p> <p> </p> <p> </p> <p>လုချန်း ပြောသည့် “ကစဉ့်ကလျား ပင်လယ်ထဲမှာ ရှိနေသေးတယ်” ဆိုသည့် စကားကို ထိုသူများ သေဆုံးသွားပြီဟု ဆိုလိုခြင်းဖြစ်သည်ဟု သူမ ထင်မှတ်သွားခြင်း ဖြစ်၏။</p> <p> </p> <p>ကောက်ရှီယွမ် အထင်လွဲသွားသည်ကို လုချန်း သိမြင်လိုက်သဖြင့် လက်ကို မြှောက်ကာ သူမကို ပုတ်လိုက်ပြီး</p> <p> </p> <p> “ခင်ဗျား ဘာတွေ လျှောက်တွေးနေတာလဲ။ သူတို့အားလုံး အသက်ရှင်နေကြတုန်းပဲ။”</p> <p> </p> <p>“ကစဉ့်ကလျား ပင်လယ်က အန္တရာယ်များတယ်ဆိုပေမဲ့ လုံးဝ သေတွင်းကြီးတော့ မဟုတ်ပါဘူး။ ကျုပ်တို့ အဲဒီမှာ ကစဉ့်ကလျား စွမ်းအားတွေရဲ့ တိုက်စားမှုကို ခုခံနိုင်တဲ့ အာကာသ တစ်ခုကို ဖန်တီးထားတယ်။”</p> <p> </p> <p>သူမ အထင်လွဲကြောင်း သိသွားလျှင် ကောက်ရှီယွမ်က</p> <p> “ကျွန်မ... ကျွန်မ တောင်းပန်ပါတယ်။ အထင်လွဲသွားလို့ပါ။ သူတို့ ဘေးကင်းကြတယ်ဆိုတော့ ဝမ်းသာပါတယ်”</p> <p>ဟု အလျင်အမြန်ပင် ပြန်လည်တောင်းပန်လိုက်သည်။</p> <p> </p> <p>ထို့နောက် လုချန်းက</p> <p> “ကဲ... ကျုပ်တို့ လုံလုံလောက်လောက် နားပြီးပြီ ဆိုတော့ ဒီတစ်ခေါက် စစ်မှန်သောနတ် အဆင့်ကို ချောချောမောမော ရောက်အောင် ဆက်ကြိုးစားကြတာပေါ့။”</p> <p> </p> <p>ထိုစကားကို ကြားလျှင် အေးစက်သည့် ကောက်ရှီယွမ်၏ ပါးပြင်ပေါ်တွင် ရှက်သွေးဖြန်းသွားကာ</p> <p> </p> <p>“နားလည်ပါပြီ”</p> <p> </p> <p>ထို့နောက် ကောက်ရှီယွမ်ကို လုချန်း ပွေ့ဖက်၍ သူမ၏ ကျင့်စဉ်အဆင့် တိုးတက်စေရန် ဆက်လက် ကူညီပေးလေတော့သည်။ လုချန်း တတ်ကျွမ်းထားသော နှင်းနှင့် ရေခဲစွမ်းအားများ၏ အကူအညီဖြင့် ကောက်ရှီယွမ်လည်း အောင်မြင်ပေါက်မြောက်တော့မည့် ခံစားချက်ကို အလျင်အမြန်ပင် ပြန်လည် ခံစားလာရသည်။</p> <p> </p> <p>မကြာမီအချိန်မှာပင် နှင်းခဲမြို့၏ အထက်ကောင်းကင်ယံ၌ နှင်းနှင့် ရေခဲလမ်းစဉ်တစ်ခု ထပ်မံ ပေါ်ပေါက်လာပြန်သည်။ နှင်းခဲမြို့ရှိ ကျင့်ကြံသူများလည်း ထိုလမ်းစဉ်ကို တစ်ဖန် မြင်တွေ့ရလျှင် အလွန် ထိတ်လန့်သွားကြပြီး သူတို့၏ လျှို့ဝှက်ကျင့်ကြံဆောင်များအတွင်းသို့ အလုအယက် ဝင်ရောက်သွားကြတော့သည်။</p> <p> </p> <p>လွန်ခဲ့သော နှစ်ဝက်ခန့်က ဤမြင်ကွင်းမျိုးကို သူတို့ မြင်တွေ့ခဲ့ဖူးပြီးဖြစ်၏။ ထိုစဉ်ကကဲ့သို့ နှင်းကပ်ဘေးအန္တရာယ်မျိုး ထပ်မံ ဖြစ်ပွားတော့မည်ဟု ထင်မှတ်နေကြခြင်း ဖြစ်သည်။</p> <p> </p> <p>သို့သော် လူတို့ကို အံ့အားသင့်စေသည်က ဤတစ်ကြိမ်တွင် နှင်းကပ်ဘေးအန္တရာယ် ဖြစ်မလာခဲ့ခြင်းပင်။</p> <p> </p> <p>နှင်းနှင့် ရေခဲစွမ်းအားများ၏ လွှမ်းမိုးမှုကြောင့် နှင်းများ ပြင်းထန်စွာ ကျဆင်းခဲ့သော်လည်း လူတို့ လက်ခံနိုင်သည့် အတိုင်းအတာအတွင်း၌သာ ရှိနေခဲ့သည်။</p> <p> </p> <p>နှင်းခဲမြို့၏ အောက်ခြေတွင် နှင်းနှင့် ရေခဲစွမ်းအားများ ကိန်းအောင်းနေသည့် ဝိညာဉ်ကြော တစ်ခု ရှိနေသည်။ နှင်းခဲမြို့တွင် နှင်းများ ပြင်းထန်စွာ ကျဆင်းလေ့ရှိခြင်းကြောင့် ဤမျှလောက်သော နှင်းပမာဏက မြို့ရှိ ကျင့်ကြံသူများအပေါ် များစွာ သက်ရောက်မှု မရှိပေ။</p> <p> </p> <p>အတန်ကြာလျှင် ကောက်ရှီယွမ်၏ ခန္ဓာကိုယ်အတွင်းမှ အတားအဆီးများ ရုတ်တရက် ပွင့်ထွက်သွားပြီး သူမ၏ ကိုယ်ထဲမှ များပြားလှသော နှင်းနှင့် ရေခဲစွမ်းအားများ တစ်ပြိုင်နက်တည်း အရှိန်အဟုန်ဖြင့် ထွက်ပေါ်လာသည်။ သို့သော် ချက်ချင်းဆိုသလိုပင် သူမ၏ ခန္ဓာကိုယ်က ထိုထွက်ပေါ်လာသော စွမ်းအားများကို ရူးသွပ်စွာ ပြန်လည် စုပ်ယူလိုက်ပြန်၏။</p> <p> </p> <p>ခဏချင်းအတွင်းမှာပင် နှင်းခဲမြို့အထက်ရှိ နှင်းနှင့် ရေခဲစွမ်းအား အားလုံးကို ကောက်ရှီယွမ် စုပ်ယူလိုက်ပြီးနောက် စစ်မှန်သောနတ် နယ်ပယ်သို့ အောင်မြင်စွာ တက်ရောက်သွားခဲ့တော့သည်။ ထိုစဉ် နှင်းခဲမြို့သည်လည်း ကြာမြင့်စွာ ပျောက်ကွယ်နေခဲ့သည့် သာယာသော နေ့တစ်နေ့ကို မြင်တွေ့လိုက်ရတော့သည်။</p> <p> </p> <p>အခန်းတွင်းမှ ထွက်ပေါ်လာသော အငွေ့အသက်ကို ခံစားမိသည်နှင့် ကောက်ရှီယွမ် အောင်မြင်စွာ ပေါက်မြောက်သွားပြီ ဖြစ်ကြောင်း ရှောင်ရွှီရင် သိလိုက်သည်။</p> <p> </p> <p>သူမ အထဲသို့ဝင်၍ ဂုဏ်ပြုပေးချင်သော်လည်း လုချန်းနှင့် ကောက်ရှီယွမ်တို့အကြား ထိုအချိန်၌ ဖြစ်ပျက်နေသည့် အရာကို ချက်ချင်း သတိရသွားကာ သူမ၏ ပါးပြင်များ နီမြန်းသွားသည်။</p> <p> </p> <p>ကောက်ရှီယွမ် အဆင့်တက်ပြီး နောက်တွင်တော့  သူမအပေါ် မတော်တရော် အပြုအမူများ လုချန်း ဆက်လက် မလုပ်ဆောင်တော့ပေ။ ထိုအစား သူမကို လွှတ်ပေးလိုက်ပြီး သူမ၏ နတ်စွမ်းအားများအား သူမ ကိုယ်တိုင် ပြန်လည် တည်ငြိမ်အောင် လုပ်ဆောင်စေလိုက်၏။</p> <p> </p> <p> သူကိုယ်တိုင်ကတော့ ရှေ့ရှိ စနစ်မျက်နှာပြင်ဆီသို့ အာရုံ လွှဲလိုက်သည်။</p> <p> </p> <p>[ ဇနီးမယား ရရှိသည့်အတွက် သခင်အား ဂုဏ်ပြုပါသည်။ ဆုလာဘ်အဖြစ် ကောင်းကင်အဆင့် ဓားသိုင်းဖြစ်သည့် မြစိမ်းနဂါးဓားသိုင်းကို ချီးမြှင့်ပါသည် ]</p> <p> </p> <p>စနစ်မှ ချီးမြှင့်သော ဓားသိုင်းကို လုချန်း ချက်ချင်း လေ့လာလိုက်သည်။ ထိုဓားသိုင်းတွင် အဆင့် မြင့်မားခြင်းမှအပ အခြား ထူးခြားသည့် လက္ခဏာ မရှိပေ။</p> <p> </p> <p>သို့သော် ကောင်းကင်အဆင့် ဓားသိုင်းဖြစ်သဖြင့် သူ၏ စွမ်းအားကို များစွာ မြှင့်တင်ပေးနိုင်၏။ သူ၏ စွမ်းအားကို နတ်ဘုရင် အဆင့်သို့ ပြန်လည် ရောက်ရှိအောင် လုပ်ဆောင်နိုင်သည့် အချိန်၌ ဤဓားသိုင်းကို အသုံးပြု၍ နတ်သခင် တစ်ဦးကိုပင် ယှဉ်ပြိုင်နိုင်လိမ့်မည်ဟု သူ တွက်ဆလိုက်သည်။</p> <p> </p> <p>ဓားသိုင်းကို လေ့လာပြီးနောက် တင်ပျဉ်ခွေထိုင်၍ အသက်ရှူနှုန်းကို ညှိနေသော ကောက်ရှီယွမ်ကို လုချန်း တစ်ချက် ကြည့်လိုက်ပြီးနောက် ညင်သာစွာ ထလိုက်၏။</p> <p> </p> <p>ထို့နောက် ကုတင်ဘေးသို့ လျှောက်သွားပြီး လက်ကို တစ်ချက် ဝှေ့ယမ်းလိုက်ရာ ရွှေရောင် အနားကွပ်ပါသော ဝတ်ရုံဖြူ တစ်ထည် သူ၏ ကိုယ်ပေါ်တွင် ပေါ်လာပြီး  အခန်းထဲမှ လုချန်း ထွက်ခွာခဲ့တော့သည်။</p> <p> </p> <p>ကောက်ရှီယွမ်သည် စစ်မှန်သောနတ် အ‌ဆင့်သို့ အောင်မြင်ပေါက်မြောက်သွားပြီ ဖြစ်သည်။ ယခု သူမ၏ ကျင့်စဉ်အဆင့်ကို တည်ငြိမ်အောင် လုပ်ဆောင်ရန်သာ လိုအပ်တော့သဖြင့် သူ ဘေးမှ ကူညီပေးရန် မလိုအပ်တော့ပေ။</p> <p> </p> <p> လုချန်း အခန်းအပြင်သို့ ထွက်လာသည်ကို မြင်လျှင် ရှောင်ရွှီရင် ချက်ချင်းရောက်လာပြီး</p> <p> </p> <p> “စီနီယာအစ်မ ကောက် ဘယ်လိုနေလဲ”</p> <p> </p> <p>လုချန်းက</p> <p> “သူ အဆင်ပြေပါတယ်။ အောင်မြင်စွာ အဆင့်တက်သွားပြီး အခု ကျင့်စဉ်ကို တည်ငြိမ်အောင် လုပ်နေတာ။”</p> <p> </p> <p>ထိုအချိန်တွင် ရှောင်ရွှီရင်၏ လက်ကို လုချန်း ဆွဲယူကာ သူ့ရင်ခွင်ထဲသို့ ဆွဲသွင်းလိုက်ပြီး သူမ၏ မျက်လုံးများကို ပြုံးလျက် ကြည့်ကာ</p> <p>“စီနီယာအစ်မ ရှောင်... ဒီအတောအတွင်း ကျုပ်ကို သတိရနေလား။”</p> <p> </p> <p>ထိုကဲ့သို့ စနောက်သော မေးခွန်းကြောင့် ရှောင်ရွှီရင်၏ ပါးပြင်များ အနည်းငယ် ပူတက်လာသည်။</p> <p> </p> <p>ဤအတောအတွင်း အခန်းထဲမှ အသံများ အဆောင်အတွင်း၌ ပဲ့တင်ထပ်နေခဲ့သည် မဟုတ်ပါလား။</p> <p> </p> <p>လုချန်းကို သူမ ဘယ်လိုလုပ် နည်းနည်းမှ သတိမရပဲ နေလိမ့်မည်နည်း။</p> <p> </p> <p>ထိုစဉ် အရေးကြီး ကိစ္စတစ်ခုကို ရှောင်ရွှီရင် ရုတ်တရက် သတိရသွားသည်။ သူမ၏ ခန္ဓာကိုယ်အတွင်း မငြိမ်မသက် ဖြစ်နေသော နတ်အငွေ့အသက်များကို ထိန်းချုပ်ရန် ကြိုးစားရင်း</p> <p> </p> <p> “မကြာသေးခင်က နှင်းခဲမြို့ထဲမှာ ရှင့်အကြောင်း ကောလာဟလအချို့ ရုတ်တရက် ထွက်ပေါ်လာတယ်။”</p> <p> </p> <p>ထိုစကားကို ကြားလျှင် လုချန်း အံ့အားသင့်သွား၏။</p> <p> </p> <p>သူ့အကြောင်း ကောလာဟလ။</p> <p> </p> <p>ဘယ်လို ကောလာဟလများပါလိမ့်။</p> <p> </p> <p>လုချန်းက</p> <p> “အဲ့ဒီ ကောလာဟလတွေက ကျုပ်ရဲ့ အခုလက်ရှိ အကြောင်းလား။ ဒါမှမဟုတ် အရင်ဘဝက အကြောင်းလား။”</p> <p> </p> <p>ယခု သူ့တွင် ဇာတ်ရုပ် နှစ်ခု ရှိနေ၏။တစ်ခုမှာ ထျန်းရှနတ်ဘုရား နိုင်ငံတော်၏ ချန်ဘုရင်ဟောင်း ဖြစ်ပြီး အခြားတစ်ခုမှာ လျှို့ဝှက်လဝန်းနန်းတော် နန်းတော်သခင်၏ တပည့်ရင်း ဖြစ်သည်။</p> <p> </p> <p>အပြင်မှ ကောလာဟလများက လျှို့ဝှက်လဝန်းနန်းတော် နန်းတော်သခင်၏ တပည့်ရင်း အကြောင်း ဖြစ်နေပါက ကောလာဟလ ရှိနေလျှင်ပင် အံ့ဩစရာ မဟုတ်ပေ။ အဆုံးတွင် သူသည် နန်းတော်သခင်၏ တပည့်ရင်းအဖြစ် အသိအမှတ်ပြုခံထားရပြီး အမျိုးသားတပည့် တစ်ဦးလည်း ဖြစ်နေသည်။</p> <p> </p> <p>လူများ သူ့အပေါ် စိတ်ဝင်စားကြမှာက  သဘာဝပင်ဖြစ်သည်။ ထို့ကြောင့် သူ့အကြောင်း ဆွေးနွေးငြင်းခုံကြလိမ့်မည်။</p> <p> </p> <p>လူများ ဆွေးနွေးကြလျှင် ကောလာဟလများကလည်း သဘာဝအလျောက် ထွက်ပေါ်လာတတ်စမြဲ ဖြစ်၏။</p> <p> </p> <p>သို့သော် ရှောင်ရွှီရင်က</p> <p> “အဲဒီလူတွေက ချန်ဘုရင်အကြောင်းကို ပြောနေကြတာ။”</p> <p> </p> <p>ထိုစကားကို ကြားလျှင် လုချန်း၏ စိတ်ထဲ တုံ့ခနဲ ဖြစ်သွားသည်။ သူ၏ အတိတ်ဘဝ အကြောင်းကို ဆွေးနွေးနေကြတာလား။</p> <p> </p> <p>လူတို့၏ အမြင်တွင် သူ သေဆုံးသွားသည်မှာ နှစ်သန်းထောင်ပေါင်းများစွာကြာနေပြီ မဟုတ်ပါလား။</p> <p> </p> <p>သူတို့က ဘယ်လိုလုပ်ပြီး သူ့ကိစ္စတွေကို ဆွေးနွေးနေကြပြီး ကောလာဟလတွေတောင် ဖြန့်နေကြတာလဲ။</p> <p> </p> <p>ရှောင်ရွှီရင်က ဆက်လက်၍</p> <p> “ဟိုတုန်းက ရှင် ပုန်ကန်ဖို့ ကြံစည်တယ်ဆိုပြီး ကွမ်းရန်ဘုရင်က မဟုတ်မမှန် လုပ်ကြံခဲ့တာလို့ ကောလာဟလတွေ ထွက်နေတယ်။ ပြီးတော့ ထျန်းရန်နတ်ဘုရား နယ်မြေက ထိပ်သီးအင်အားစုတွေနဲ့ ပူးပေါင်းပြီး ရှင့်ကို တိုက်ခိုက်ခဲ့တာကြောင့် ရှင် ကစဉ့်ကလျား ပင်လယ်ထဲကို ထွက်ပြေးခဲ့ရတာလို့ ပြောနေကြတယ်။”</p> <p> </p> <p>ရှောင်ရွှီရင်၏ စကားများကို ကြားလျှင် လုချန်း ဇဝေဇဝါ ဖြစ်သွားခဲ့သည်။</p> <p> </p> <p> ဒါက ဘယ်လို ကောလာဟလမျိုးလဲ။</p> <p> </p> <p>ဟိုတုန်းက သူ၏ ဖခင် ဧကရာဇ် သူ့ကို မုန်းတီးရသည့် အကြောင်းရင်းမှာ လုကျင့်ဖူ၏ အစီအစဉ်များနှင့် သွေးထိုးလှုံ့ဆော်မှုများကြောင့် ဖြစ်ကြောင်း သူကျုပ်တိုင်လည်း သိထားသည်။</p> <p> </p> <p>နောက်ပိုင်းတွင် လုကျင့်ဖူက သူ နတ်ဘုရင် အဆင့်သို့ ရောက်ရှိနေခြင်းက ခြိမ်းခြောက်မှု တစ်ခု ဖြစ်ကြောင်း ချဲ့ကားပြောဆိုခဲ့သဖြင့် ထိုထိပ်သီး အင်အားစုများက သူ့ကို အာရုံ ထားလာကြပြီး သူ့ကို လိုက်လံ သတ်ဖြတ်ရန် အစွမ်းထက် ကျင့်ကြံသူများကို စေလွှတ်ခဲ့ကြခြင်း ဖြစ်သည်။</p> <p> </p> <p>သို့သော် ဤကောလာဟလများသည် ယခင်က အများသိသော အကြောင်းအရာဟောင်းများကို ပြန်လည် ဖော်ထုတ်နေခြင်းသာ ဖြစ်သည်။</p> <p> </p> <p> ပြန်စဉ်းစားကြည့်လျှင် ဤဖြစ်ရပ်များ  တကယ် ဖြစ်ပွားခဲ့သည် ဆိုသော်လည်း ဖြစ်ခဲ့တာက နှစ်ပေါင်း ကုဋေနှင့်ချီ ကြာမြင့်ခဲ့ပြီ ဖြစ်သည်။ ကောင်းကင်နတ် အဆင့်သို့ မရောက်ရှိသေးသူ အများစုပင် သေဆုံးသွားကြပြီ ဖြစ်၏။ အမှန်တရားကို သိသူ အချို့ ကျန်ရှိနေဦးမည် ဆိုသော်လည်း အမြောက်အမြားတော့ ရှိမနေသင့်ပေ။</p> <p> </p> <p>အရေးကြီးဆုံး မေးခွန်းက ဤသတင်းအချက်အလက်များ နှင်းခဲမြို့အထိ မည်သို့ ပျံ့နှံ့လာသနည်း ဆိုသည်ပင်။</p> <p> </p> <p>နှင်းခဲမြို့သည် ထျန်းရှနတ်ဘုရား နိုင်ငံတော်နှင့် များစွာ ဝေးကွာသည်။ အကယ်၍ နှင်းခဲမြို့မှာတောင် ဒီကောလာဟလ ရှိနေရင် အခြားနေရာတွေမှာလည်း ရှိနေလောက်ပြီဖြစ်၏။</p> <p> </p> <p>တစ်စုံတစ်ယောက်က ဤကောလာဟလကို တမင်တကာ ဖြန့်ဝေနေခြင်း ဖြစ်နိုင်ခြေ အလွန်များသော်လည်း အဘယ်ကြောင့် ထိုသို့ လုပ်ဆောင်ရသည် ဆိုတာကိုတော့ လုချန်း စဉ်းစား၍ မရနိုင် ဖြစ်နေသည်။ ထိုစဉ်က လူများ၏ အမြင်တွင် သူ သေဆုံးသွားတာကြာပြီ ဖြစ်၏။</p> <p> </p> <p>ယခုမှ သူ့အကြောင်း ဤကဲ့သို့ ကောလာဟလကို အဘယ်ကြောင့် အထူးတလည် ဖြန့်ဝေနေရသနည်း။</p> <p> </p> <p>အမွေးဖြူမြို့ကများလား။</p> <p> </p> <p>မဖြစ်နိုင်ပေ။</p> <p> </p> <p>သူ ထွက်လာစဉ်က သူ ပြန်ရောက်လာသည့် အကြောင်းကို မပေါက်ကြားစေရန် လုကျန့်ကျီကို မှာကြားခဲ့သည်။</p> <p> </p> <p>လူတို့၏ အမြင်တွင် သူ သေဆုံးနေသည်မှာ နှစ်ပေါင်း ကုဋေချီနေပြီ ဆိုသော်လည်း သူ မသေဆုံးသေးကြောင်း မည်သူမှ သံသယ မဝင်ဟု ဘယ်သူက အတပ်ပြောနိုင်မည်နည်း။</p> <p> </p> <p>ယဲ့ချူယောင်တောင် သူ့ကို သံသယ ဝင်နေပြီ မဟုတ်ပါလား။</p> <p> </p> <p>သူမ ဤကောလာဟလကို ကြားလျှင် သူ လုချန်း ဖြစ်ကြောင်း ပို၍ပင် ယုံကြည်သွားပေလိမ့်မည်။</p> <p> </p> <p> </p> <p> </p> <p> </p> <p> </p> <p style="text-align:center">***</p>


Save