Book List

<h2 style="text-align: center;">အခန်း (၁၆၂၅)</h2> <h2 style="text-align: center;">ကစဉ့်ကလျား ပင်လယ်ထဲမှ ပန်းနီရထား</h2> <h2 style="text-align: center;">*</h2> <p> </p> <p> </p> <p>လုချန်း၏ စကားကို ကြားလျှင် ကောက်ရှီယွမ်က စိုးရိမ်တကြီးဖြင့်</p> <p> </p> <p>“ဒါဆို အခုပဲ လျှို့ဝှက်လဝန်းနန်းတော်ကို ပြန်ကြရအောင်။ တကယ်လို့ ပရိယာယ်များတဲ့ တချို့နတ်ဂိုဏ်းတွေက ရှင် ဒီမှာရှိနေတာကို သိသွားရင် ရှင့်ကို တစ်ခုခု လုပ်ကြလိမ့်မယ်။”</p> <p> </p> <p>လူသားများနှင့် နတ်များအကြား မျိုးဆက်ပြန့်ပွားမှု ပုံမှန်ပြန်ဖြစ်သွားပြီဟူသော လုချန်း၏ စကားသာ အမှန်ဖြစ်ပါက နတ်ဂိုဏ်းများအကြား စစ်ပွဲများ ဖြစ်ပွားလာခြင်းက ရှောင်လွှဲ၍ မရနိုင်ပေ။</p> <p> </p> <p>ထိပ်တန်းနတ်ဂိုဏ်းကြီးများ အရင်ဆုံး လုပ်ဆောင်ကြမည့်အရာမှာ သူတို့၏ တပည့်များကို ပြန်လည်ခေါ်ယူပြီး စစ်ပွဲအတွက် တက်ကြွစွာ ပြင်ဆင်ကြရန်ပင် ဖြစ်၏။</p> <p> </p> <p>ဂိုဏ်းချုပ်၏ တပည့်ရင်းတစ်ဦး ဖြစ်သည့်အတွက် လုချန်းသည် ရန်သူ့အင်အားစုများ၏ အဓိက ပစ်မှတ်ဖြစ်လာမည်မှာ ဧကန်မုချပင်။</p> <p> </p> <p>လုချန်း အပြင်တွင် ကျင့်ကြံနေကြောင်း လျှို့ဝှက်လဝန်းနန်းတော်၏ ရန်သူများ သိသွားပါက သူ့ကို လုပ်ကြံရန် စွမ်းအားကြီးသူများကို စေလွှတ်ကြပေလိမ့်မည်။</p> <p> </p> <p>လုချန်းက</p> <p>“အစ်မ... မစိုးရိမ်ပါနဲ့။ ကျုပ်မှာ ဆရာပေးထားတဲ့ အသက်ကယ် ရတနာရှိတာကို မေ့သွားပြီလား။”</p> <p> </p> <p>ထိုအရာကို ကြားလျှင် လုချန်းသည် တစ်ခါက နတ်ဘုရင်ခံတစ်ဦးကိုပင် အလွယ်တကူ သုတ်သင်ခဲ့ဖူးကြောင်း ကောက်ရှီယွမ် သတိရသွားပြီး အမျိုးသမီးနှစ်ဦး၏ ရင်ထဲမှ စိုးရိမ်ပူပန်မှုများ အနည်းငယ် လျော့ပါးသွားသည်။</p> <p> </p> <p>လုချန်းက</p> <p> “ဒါပေမဲ့ အဲဒီစွမ်းအားက ပြင်ပစွမ်းအားပဲလေ။ လာမယ့် နှစ်သန်းပေါင်း ရာချီအတွင်းမှာ ထျန်းရန် နတ်ဘုရား နယ်မြေက ငြိမ်းချမ်း‌တော့မှာ မဟုတ်ဘူး။ နတ်ဧကရာဇ်အသစ်တစ်ပါး ပေါ်မလာရင် စစ်ပွဲတွေက အဆုံးမရှိ ဆက်ဖြစ်နေမှာပဲ။ ကျုပ်တို့ အသက်ရှင်ဖို့အတွက် စွမ်းအားကို အမြန်ဆုံး မြှင့်တင်ရမယ်။”</p> <p> </p> <p>ထိုသို့ ပြောရင်း လုချန်း၏ စိတ်ထဲတွင် အမျိုးသမီးတစ်ဦး၏ ပုံရိပ် ပေါ်လာ၏။</p> <p> </p> <p>ထိုသူသည် ကစဉ့်ကလျား သားရဲ၏ သားရဲအမြုတေကို လုယူသွားပြီး ကစဉ့်ကလျား စွမ်းအားကို တွန်းလှန်နိုင်စွမ်း ရရှိခဲ့သည်။</p> <p> </p> <p>သူမက အဘယ်ကြောင့် ထျန်းရန် နတ်ဘုရား နယ်မြေသို့ ပြန်မလာသေးသနည်း။</p> <p> </p> <p>သူမ ကစဉ့်ကလျား ပင်လယ်ထဲတွင် လမ်းပျောက်နေတာ ဖြစ်နိုင်မလား။</p> <p> </p> <p>သူမအနေနှင့် ကစဉ့်ကလျား စွမ်းအား၏ တိုက်စားမှုကို တွန်းလှန်နိုင်သော်လည်း ကစဉ့်ကလျား ပင်လယ်သည် အတိုင်းအဆမရှိ ကျယ်ပြောလှပြီး လမ်းကြောင်းလည်း အတိအကျ မရှိချေ။</p> <p> </p> <p>ကစဉ့်ကလျား စွမ်းအားကို တွန်းလှန်နိုင်သည့် အရာရှိလျှင်ပင် လွတ်မြောက်နိုင်မည်ဟု အာမမခံနိုင်ပေ။</p> <p> </p> <p>နယ်စပ်ဖြတ်ကျော် ကျောက်တုံးကို သုံးခဲ့စဉ်က ထျန်းရန် နတ်ဘုရား နယ်မြေသည် ကစဉ့်ကလျား ပင်လယ်ထဲတွင် အရေးမပါသော တည်ရှိမှုတစ်ခုမျှသာ ဖြစ်ကြောင်း သူ သိမြင်ခဲ့ရသည်။</p> <p> </p> <p>ထျန်းရန် နတ်ဘုရား နယ်မြေသို့ ပြန်လာနိုင်ရန်မှာ သမုဒ္ဒရာထဲတွင် အပ်ရှာရသကဲ့သို့ပင် ခက်ခဲလှ၏။</p> <p> </p> <p>သူတွင် နယ်စပ်ဖြတ်ကျော် ကျောက်တုံးသာ မရှိခဲ့ပါက ထျန်းရန် နတ်ဘုရား နယ်မြေသို့ ပြန်လာနိုင်ရန်က မဖြစ်နိုင်သလောက်ပင်။ ထိုသို့တွေးရင်း သူ ကံကောင်းသည်ဟု လုချန်း ခံစားမိ၏။</p> <p> </p> <p>ထိုအခိုက်အတန့်တွင် အမျိုးသမီးနှစ်ဦးကို လုချန်း ကြည့်လိုက်ပြီး လက်မောင်းများကို မြှောက်ကာ သူ၏ ရင်ခွင်ထဲသို့ ဆွဲသွင်းလိုက်၏။</p> <p> </p> <p>ထို့နောက် ပြုံးကာ</p> <p> “ဒါကြောင့် ကျုပ်တို့ ကျင့်ကြံဖို့ အချိန် အရယူရမယ်။ အစ်မနှစ်ယောက်ကို ကျင့်စဉ်မှာ ကျုပ် ကူညီပေးပါရစေ။”</p> <p> </p> <p>လုချန်း၏ စကားကို ကြားလျှင် အမျိုးသမီးနှစ်ဦးစလုံး၏ ပါးပြင်ပေါ်တွင် နီမြန်းမှုများ အလိုလို ပေါ်ပေါက်လာ တော့သည်။</p> <p> </p> <p>ကျင့်စဉ်ကူညီပေးမည် ဆိုတာက သူ အခြားတစ်မျိုးကို တွေးနေခြင်းဖြစ်ကြောင်း ထင်ရှားလှသည်။</p> <p> </p> <p>သို့သော်လည်း အမျိုးသမီးနှစ်ဦးသည် ရုန်းကန်ခြင်း မပြုပဲ အခန်းထဲသို့ ဆွဲခေါ်သွားသည်ကို ခွင့်ပြုလိုက်ကြ၏။</p> <p> </p> <p> </p> <p>…….</p> <p> </p> <p>တစ်ချိန်တည်းမှာပင်...</p> <p> </p> <p>ကစဉ့်ကလျား ပင်လယ်၏ တစ်နေရာတွင်။</p> <p> </p> <p> ခရမ်းရောင်အလင်းများ ထွက်ပေါ်နေသော နတ်လှေတစ်စင်းသည် သတ်မှတ်ထားသော လမ်းကြောင်းတစ်ခုအတိုင်း အရှိန်အဟုန်ဖြင့် ပျံသန်းနေ၏။</p> <p> </p> <p>ခရမ်းနုရောင် ဝတ်စုံကို ဝတ်ဆင်ထားပြီး မျက်နှာဖုံးစွပ်ထားသော အမျိုးသမီးတစ်ဦးသည် နတ်လှေ၏ ဦးပိုင်းတွင် ရပ်နေကာ အဆုံးမဲ့ မှောင်မိုက်နေသည့် ညဉ့်ဦးယံကို ငေးကြည့်ရင်း တစ်ခုခုကို တွေးတောနေဟန် ရှိ၏။</p> <p> </p> <p>ထိုအချိန်တွင် ချူးကျန့်ယွီက အမျိုးသမီး၏ နောက်မှ ချဉ်းကပ်လာပြီး</p> <p> </p> <p> “ကောင်းကင်မိန်းကလေး... နတ်ရှာကျောက်တုံးက အခုထိ ဘာတုံ့ပြန်မှုမှ မရှိသေးဘူး။”</p> <p> </p> <p>ကျယ်ပြောလှသော ကစဉ့်ကလျား ပင်လယ်အလယ်တွင် ထျန်းရန် နတ်ဘုရား နယ်မြေသို့ ပြန်သည့်လမ်းကို ရှာဖွေရန် မည်မျှခက်ခဲကြောင်း သိထားသည့်အတွက် ထိုအရာကို ကြားလျှင် ရွှမ်ချင်းယွမ် အံ့ဩခြင်း မရှိပေ။</p> <p> </p> <p>ကံကောင်းထောက်မစွာဖြင့် သူတို့သည် ကစဉ့်ကလျား သားရဲ၏ သားရဲအမြုတေကို ရရှိထားသဖြင့် ကစဉ့်ကလျား စွမ်းအား၏ တိုက်စားမှုကို တွန်းလှန်နိုင်နေပြီ ဖြစ်၏။</p> <p> </p> <p>ကစဉ့်ကလျား စွမ်းအား၏ တိုက်စားမှု မရှိပါက သူတို့၏ သက်တမ်းအရ နှစ်သန်းပေါင်း ထောင်ချီကာ တောင့်ခံနိုင်ကြပေလိမ့်မည်။</p> <p> </p> <p>သို့သော်လည်း နဝမကောင်းကင်တက္ကသိုလ်မှ အခြားအဖွဲ့ဝင်များကတော့ ရွှမ်ချင်းယွမ်ကဲ့သို့ အကောင်းမမြင်နိုင်ကြချေ။</p> <p> </p> <p>ရွှမ်ချင်းယွမ်၏ စွမ်းအားများ လျော့ကျသွားခဲ့သော်လည်း နတ်ဧကရာဇ်တစ်ပါး၏ နတ်ဝိညာဉ် တည်ရှိနေပါက သူမ အသက်ရှင်နေဦးမည် ဖြစ်သည်။</p> <p> </p> <p>နဝမကောင်းကင်တက္ကသိုလ်မှ အခြားအဖွဲ့ဝင်များသည် နတ်ဧကရာဇ်များ မဟုတ်ကြပေ။</p> <p> </p> <p>ရွှမ်ချင်းယွမ်က သူတို့ကို ကစဉ့်ကလျား သားရဲ၏ ပါးစပ်ထဲမှ ခေါ်ထုတ်လာခဲ့စဉ်ကပင် လူအမြောက်အမြားသည် သေအံ့ဆဲဆဲ အခြေအနေသို့ ရောက်ရှိနေကြပြီ ဖြစ်၏။</p> <p> </p> <p>အရေးကြီးဆုံးအချက်မှာ ကစဉ့်ကလျား ပင်လယ်ထဲတွင် စိတ်ဝိညာဉ် စွမ်းအား သို့မဟုတ် နတ်အငွေ့အသက်များ မရှိခြင်းပင်။ ထို့ကြောင့် နဝမကောင်းကင်တက္ကသိုလ် အဖွဲ့ဝင်များအတွက် သူတို့၏ စွမ်းအားကို မြှင့်တင်ရန် မဖြစ်နိုင်တော့ပဲ သေဆုံးမည့်အချိန် နီးကပ်လာသည်ကိုသာ ကြည့်နေရရုံ ရှိတော့သည်။</p> <p> </p> <p>နဝမကောင်းကင်တက္ကသိုလ် တပည့်များ၏ မျှော်လင့်ချက်ကင်းမဲ့နေမှုကို ရွှမ်ချင်းယွမ် သတိပြုမိသွားပြီး ချူးကျန့်ယွီကို ခပ်အေးအေးပင်</p> <p> “တကယ်လို့ ရှင်တို့ရဲ့ သက်တမ်းကုန်ခါနီးပြီဆိုရင် ရှင်တို့ကို ချိပ်ပိတ်ထားဖို့ ကျွန်မ လျှို့ဝှက်နည်းစနစ်တစ်ခုကို သုံးပေးမယ်။ ထျန်းရန် နတ်ဘုရား နယ်မြေကို ပြန်ရောက်မှ ချိပ်ပိတ်ကို ပြန်ဖွင့်ပေးမယ်။”</p> <p> </p> <p>ရွှမ်ချင်းယွမ်၏ စကားကို ကြားလျှင် ချူးကျန့်ယွီ ဝမ်းသာသွား၏။</p> <p> </p> <p>ချိပ်ပိတ်ခံထားရလျှင်ပင် သူတို့၏ အသက်ဓာတ်များ တဖြည်းဖြည်း လျော့နည်းသွားဦးမည် ဖြစ်သော်လည်း ထိုလျော့နည်းမှုနှုန်းက သိသိသာသာ နှေးကွေးသွားမည် ဖြစ်သည်။</p> <p> </p> <p>အကယ်၍ ချိပ်ပိတ်နိုင်ခဲ့ပါက သူတို့သည် နောက်ထပ် နှစ်သန်းထောင်ဂဏန်း အနည်းငယ်အထိ တောင့်ခံနိုင်ပေလိမ့်မည်။</p> <p> </p> <p>ချူးကျန့်ယွီက ရွှမ်ချင်းယွမ်ကို ဂါရဝပြုလိုက်ပြီး</p> <p> “ကျေးဇူးတင်ပါတယ် ကောင်းကင်မိန်းကလေး”</p> <p> </p> <p>ရွှမ်ချင်းယွမ်က ဘာမှ ထပ်မပြောတော့ပဲ အဝေးမှ မှောင်မိုက်မှုကိုသာ စိုက်ကြည့်နေသည်။</p> <p> </p> <p>ထိုအခိုက်အတန့်တွင် သူမ၏ စိတ်ထဲ၌ လူတစ်ယောက်၏ ပုံရိပ် ပေါ်လာ၏။</p> <p> </p> <p>ထိုလူ အခုဆို ဘာတွေလုပ်နေမလဲဟု သူမ စိတ်ထဲမှ တွေးတောနေမိသည်။</p> <p> </p> <p>ထိုစဉ် အဝေးရှိ အမှောင်ထုထဲမှ အနီရောင်စွမ်းအား လှိုင်းများ ရုတ်တရက် ထွက်ပေါ်လာသည်။</p> <p> </p> <p>စွမ်းအားကို ခံစားမိသည်နှင့် ရွှမ်ချင်းယွမ် ချက်ချင်း သတိထားလိုက်၏။</p> <p> </p> <p>ကစဉ့်ကလျား ပင်လယ်ထဲတွင် ဤမျှကြာအောင် လှည့်လည်သွားလာခဲ့ပြီးနောက် ဤလျှို့ဝှက်ဆန်းကြယ်သော စွမ်းအားကို ပထမဆုံးအကြိမ် ခံစားမိခြင်း ဖြစ်သည်။</p> <p> </p> <p>ထိုအခိုက်အတန့်တွင် အနီရောင်အလင်းများ ဖြာထွက်နေသော ပန်းနီရထားတစ်စင်း နတ်လှေ၏ ရှေ့တွင် ပေါ်လာ၏။</p> <p> </p> <p>ထိုပန်းနီရထားကို မြင်သောအခါ ရွှမ်ချင်းယွမ်၏ မျက်ခုံးများ အနည်းငယ် တွန့်သွားသည်။</p> <p> </p> <p>သူမသည် ကစဉ့်ကလျား သားရဲ၏ ဗိုက်ထဲတွင် အချိန်အတော်ကြာ နေထိုင်ခဲ့ပြီး လုချန်းကိုလည်း အချိန်အတော်ကြာ စောင့်ကြည့်ခဲ့ဖူးသည်။</p> <p> </p> <p>ထို့ကြောင့် ဤပန်းနီရထား လုချန်းနှင့် ပတ်သက်မှု တစ်ခုခုရှိနေကြောင်း သူမ သိထား၏။</p> <p> </p> <p>ပန်းနီရထားကို မြင်သောအခါ ချူးကျန့်ယွီက ဇဝေဇဝါဖြစ်စွာနှင့်</p> <p> </p> <p> “ကစဉ့်ကလျား ပင်လယ်ထဲမှာ ရထားတစ်စင်းက ဘယ်လိုလုပ် ရုတ်တရက် ပေါ်လာနိုင်တာလဲ။”</p> <p> </p> <p>ရွှမ်ချင်းယွမ်က ချူးကျန့်ယွီ၏ မေးခွန်းကို မဖြေပဲ ပန်းနီရထားကိုသာ သတိကြီးစွာ စောင့်ကြည့်နေ၏။</p> <p> </p> <p>သူမ သိထားသော အချက်အလက်များအရ ဤပန်းနီရထား၌ လမ်းပြပေးနိုင်သော ဂုဏ်သတ္တိအချို့ ရှိသည်။</p> <p> </p> <p>ကစဉ့်ကလျား သားရဲ၏ ဗိုက်ထဲတွင် ရှိနေစဉ်က လုချန်း၏ ဇနီးအချို့သည် ဤပန်းနီရထားကြောင့် လုချန်း၏ အနားသို့ ရောက်ရှိလာခဲ့ကြပုံ ရ၏။</p> <p> </p> <p>အခု ဤပန်းနီရထားက သူမဆီကို ဘာကိစ္စနဲ့ လာတာပါလိမ့်။</p> <p> </p> <p>လုချန်းက သူမကို ဆက်သွယ်ဖို့ ကြိုးစားနေတာလား။</p> <p> </p> <p>ထိုသို့တွေးရင်း ရွှမ်ချင်းယွမ်လည်း ပန်းနီရထားကို လျစ်လျူရှုကာ နတ်လှေကို ရှောင်ကွင်းမောင်းနှင်စေပြီး သတ်မှတ်ထားသော လမ်းကြောင်းအတိုင်း ဆက်လက်ထွက်ခွာစေလိုက်သည်။</p> <p> </p> <p>သို့သော်လည်း ရွှမ်ချင်းယွမ် မမျှော်လင့်ထားသည်က သူမ၏ လှေရှေ့သို့ ဆက်တိုးသွားပြီး မကြာမီမှာပင် ပန်းနီရထားက သူမ၏ ရှေ့တွင် ရုတ်တရက် ထပ်မံ ပေါ်လာခြင်းပင်။</p> <p> </p> <p>ချက်ချင်းဆိုသလို ထပ်ပေါ်လာသော ပန်းနီရထားကို မြင်လိုက်ရသည့်အခါ ရွှမ်ချင်းယွမ်၏ မျက်နှာတွင် အံ့ဩတုန်လှုပ်မှုများ ပေါ်ပေါက်လာသည်။</p> <p> </p> <p>ကစဉ့်ကလျား ပင်လယ်ထဲတွင် မည်သည့် လမ်းစဉ် စွမ်းအားကိုမှ အသုံးမပြုနိုင်ချေ။ အထူးသဖြင့် အာကာသ စွမ်းအားဖြစ်သည်။</p> <p> </p> <p>ကစဉ့်ကလျား ပင်လယ်တစ်ခုလုံးတွင် ကစဉ့်ကလျား ဖြစ်နေသည့် အခြေအနေများသာ ဖြစ်ရာ အာကာသဆိုသည့် အယူအဆပင် မရှိပေ။</p> <p> </p> <p>ထို့ကြောင့် အာကာသ လမ်းစဉ်၏ စွမ်းအားကို အသုံးပြုရန် ဆိုတာက ပြောစရာပင် မလိုတော့ပေ။</p> <p> </p> <p>သို့သော်လည်း ဤပန်းနီရထား သူတို့၏ ရှေ့တွင် ရုတ်တရက် ပေါ်လာခြင်း ဖြစ်ရာ အာကာသ စွမ်းအားကို အသုံးပြုပြီး သူတို့ရှေ့သို့ တိုက်ရိုက် ရောက်ရှိလာခြင်း ဖြစ်ကြောင်း ထင်ရှားလှသည်။</p> <p> </p> <p>ဤပန်းနီရထားက မည်သို့သော မှော်ရတနာမျိုးပါလိမ့်။</p> <p> </p> <p>ကစဉ့်ကလျား ပင်လယ်ထဲမှာတောင် အာကာသကို ဘယ်လိုဖြစ်ပြီး အတားအဆီးမရှိ ဖြတ်သန်းနိုင်ရတာလဲ။</p> <p> </p> <p>နတ်ဧကရာဇ်တစ်ပါးဖြစ်သည့် သူမကိုယ်တိုင်ပင် ထိုကဲ့သို့ မစွမ်းဆောင်နိုင်သော်လည်း ဤပန်းနီရထားကတော့ စွမ်းဆောင်နိုင်နေ၏။</p> <p> </p> <p>ဤပန်းနီရထားက တားမြစ်ထားသော အရာတစ်ခု ဖြစ်နေမလား။</p> <p> </p> <p>ပန်းနီရထားကို သိမ်းပိုက်လိုသည့် စိတ်ကို ရွှမ်ချင်းယွမ် ထိန်းချုပ်လိုက်၏။</p> <p> </p> <p>ဤအရာသည် နတ်ဧကရာဇ်တစ်ပါး ဖြစ်သည့် သူမအတွက်ပင် နိမိတ်မကောင်းသလို ခံစားနေရသည်။</p> <p> </p> <p>ထိုအရာကို ဒီအတိုင်း ထားခဲ့ခြင်းက အကောင်းဆုံးပင်။</p> <p> </p> <p>အကယ်၍ ၎င်းသည် တကယ်ပင် တားမြစ်ထားသော အရာဖြစ်ပါက သွားရောက်နှောင့်ယှက်မိလျှင် အခြေအနေကို ပိုဆိုးရွားသွားစေနိုင်သည်။</p> <p> </p> <p>ထို့နောက် ရွှမ်ချင်းယွမ်လည်း ပန်းနီရထားကို နောက်တစ်ကြိမ် ရှောင်ကွင်းရန် နတ်လှေကို ထိန်းချုပ်လိုက်သည်။</p> <p> </p> <p>သို့သော် သိပ်မကြာမီမှာပင် သူတို့၏ နတ်လှေရှေ့၌ ပန်းနီရထား နောက်တစ်ကြိမ် ထပ်ပေါ်လာပြန်၏။</p> <p> </p> <p> </p> <p> </p> <p style="text-align: center;">***</p>


Save