Book List

<h2 style="text-align: center;">အခန်း (၁၆၃၄)</h2> <h2 style="text-align: center;">အငြိုးအတေးများကို တစ်ဦးတည်းအပေါ်တွင်သာ ပုံချ၍ မရ</h2> <h2 style="text-align: center;">*</h2> <p> </p> <p>သူခန္ဓာကိုယ်အတွင်းရှိ အသက်ဓာတ်များ ချက်ချင်းပြတ်တောက်သွားသည်ကို ခံစားလိုက်ရလျှင် ကျားဝမ်ရွှီ၏ မျက်နှာထက်၌ မယုံကြည်နိုင်သည့် အရိပ်အယောင်များ ပေါ်လာ၏။</p> <p> </p> <p>ကျားဝမ်ရွှီက</p> <p> </p> <p> “ဒါ... ဒါက ဘယ်လိုလုပ် ဖြစ်နိုင်မှာလဲ...”</p> <p> </p> <p>ဖူး...</p> <p> </p> <p>သွေးတစ်ပွက်ကို အန်ထုတ်လိုက်ပြီးနောက် ကျားဝမ်ရွှီ၏ ခန္ဓာကိုယ် ဖြည်းညှင်းစွာ ပြုတ်ကျသွားတော့သည်။</p> <p> </p> <p>ကျားဝမ်ရွှီ အသတ်ခံလိုက်ရသည်ကို မြင်လျှင် သူ၏အနားရှိ ကောင်းကင်နတ်လည်း အဝေးရှိ ထိုလူသည် သူယှဉ်ပြိုင်နိုင်စွမ်းရှိသူ မဟုတ်ကြောင်း သဘောပေါက်သွားကာ ချက်ချင်းပင် ထွက်ပြေးရန် ပြင်ဆင်လိုက်၏။</p> <p> </p> <p>သို့သော် လုချန်းက ထိုသူကို အခွင့်အရေး မပေးပဲ သူ၏ နတ်စွမ်းအားများကို ချက်ချင်း စုစည်းလိုက်သည်။</p> <p> </p> <p>နတ်အလင်း မီးအိမ်တစ်ထောင်ကျမ်းစာ...</p> <p> </p> <p>ကောင်းကင်ယံ၌ မရေမတွက်နိုင်သော မီးအိမ်များ ပေါ်ပေါက်လာပြီး ထိုမီးအိမ်များမှ ထွက်ပေါ်လာသော အနီရောင် နတ်အငွေ့အသက်များက အနီရောင်ကြိုးများအဖြစ် စုစည်းကာ ထိုကောင်းကင်နတ်ကို လျင်မြန်စွာ ရစ်ပတ်နှောင်ဖွဲ့လိုက်၏။ အနီရောင်ကြိုးမှ လွတ်မြောက်ရန် ထိုကောင်းကင်နတ် အစွမ်းကုန် ကြိုးစားသော်လည်း ကြိုးက ပို၍သာ တင်းကျပ်လာလေသည်။</p> <p> </p> <p>နတ်သတ်ဓားဖြင့် ဦးခေါင်းကို ချိန်ရွယ်လျက်  ထိုကောင်းကင်နတ်၏ အနားသို့ လုချန်း ချက်ချင်း ရောက်ရှိသွားကာ</p> <p> </p> <p> “သေချင်တယ်ဆိုရင်တော့ ဆက်ပြီး ရုန်းကြည့်လိုက်ပါ”</p> <p> </p> <p>ထိုအရာကို ကြားလျှင် သူ လုံးဝ ရှုံးနိမ့်သွားပြီဖြစ်ကြောင်း သိသွားသည့် ကောင်းကင်နတ်က</p> <p> </p> <p> “ကျုပ်ကို မသတ်ပါနဲ့... ကျုပ် လက်နက်ချပါ့မယ်”</p> <p> </p> <p>လုချန်းက လုကျန့်ကျီကို</p> <p> </p> <p> “စစ်ပွဲက ပြီးသွားပြီ... အခု စစ်မြေပြင်ကို ရှင်းလင်းလို့ ရပါပြီ။”</p> <p> </p> <p>ခရမ်းရောင်လမင်းမြို့၏ အထက်တွင် လုကျန့်ကျီက</p> <p> “ကျားဝမ်ရွှီ သေဆုံးသွားပြီ... လက်နက်ချတဲ့သူတွေကို အသက်ချမ်းသာပေးမယ်”</p> <p> </p> <p>ဟု ကျယ်လောင်စွာ ကြေညာလိုက်၏။</p> <p> </p> <p>ထိုအရာကို ကြားလျှင် ခရမ်းရောင်လမင်းမြို့၏ စစ်တပ် ချက်ချင်း ပြိုကွဲသွားပြီး အမွေးဖြူမြို့က ခရမ်းရောင်လမင်းမြို့ကို အောင်မြင်စွာ သိမ်းပိုက်နိုင်ခဲ့သည်။</p> <p> </p> <p>အဆင့်နိမ့်မြို့များကြားရှိ စစ်ပွဲများက ဤကဲ့သို့ပင် ဖြစ်၏။ တစ်ဖက်မှ အဆင့်မြင့် တိုက်ခိုက်ရေးစွမ်းအား ရှုံးနိမ့်သွားသည်နှင့် စစ်ပွဲက ပြီးဆုံးသွားတတ်သည်။</p> <p> </p> <p>နတ်အလင်း မီးအိမ်တစ်ထောင်ကျမ်းစာဖြင့် ချုပ်နှောင်ခံထားရဆဲဖြစ်သော ကောင်းကင်နတ်ကို လုချန်းက ကြည့်လိုက်ပြီး</p> <p> </p> <p> “ကျုပ် မေးတာကိုပဲ ဖြေပါ... ခင်ဗျား လိမ်ဖို့ ကြိုးစားရင်တော့ ဝိညာဉ်ရှာဖွေခြင်း အတတ်ကို သုံးရလိမ့်မယ်။”</p> <p> </p> <p>လုချန်း၏ လက်ရှိစွမ်းအားမှာ မြေနတ်အဆင့်သာ ရှိသဖြင့် ဝိညာဉ်ရှာဖွေခြင်း အတတ်ကို သုံးရန် ခက်ခဲပြီး စွမ်းအားတန်ပြန်ရိုက်ခတ်မှုကိုလည်း ခံစားရနိုင်သည်။</p> <p> </p> <p>ထို့ကြောင့် သူက ထိုသူကို ခြောက်လှန့်လိုက်ခြင်းသာ ဖြစ်၏။</p> <p> </p> <p>သို့သော် လုရန်ချိုးကတော့ တကယ်ပင် ထိတ်လန့်သွား၏။ လုချန်း ကျားဝမ်ရွှီကို မည်မျှ လွယ်ကူစွာ ကိုင်တွယ်ခဲ့သည်ကို သူ မြင်တွေ့ခဲ့ရသဖြင့် ဤလူ မြေနတ်အဆင့်သာ ဖြစ်နိုင်သည်ဟု သူ မယူဆတော့ချေ။</p> <p> </p> <p>ဤလောကတွင် အငွေ့အသက် သို့မဟုတ် အဆင့်နယ်ပယ်ကို ဖုံးကွယ်ထားနိုင်သည့် နည်းလမ်းများ ရှိသောကြောင့် သူ၏ စွမ်းအားအစစ်အမှန်ကို ဖုံးကွယ်ထားခြင်း ဖြစ်နိုင်သည်။</p> <p> </p> <p>ထို့ပြင် ကောင်းကင်အဆင့် နတ်ဓားကို ပိုင်ဆိုင်ထားသူက သာမန်လူတစ်ဦး မည်သို့ ဖြစ်နိုင်ပါမည်နည်း။</p> <p> </p> <p>လုရန်ချိုးက</p> <p> </p> <p> “သခင်... မေးမြန်းနိုင်ပါတယ်။ ကျုပ် သိသမျှ အကုန်လုံးကို ပြောပြပါ့မယ်”</p> <p> </p> <p>လုချန်း</p> <p> “ကျားဝမ်ရွှီက ထျန်းရှ နတ်ဘုရား နိုင်ငံတော်ရဲ့ ဘယ်ဘုရင်ဆီမှာ ခစားနေတာလဲ။”</p> <p> </p> <p>ထိုစကားကို ကြားလျှင် လုရန်ချိုး မှင်တက်သွား၏။ ကျားဝမ်ရွှီသည် အန်းယွမ်ဘုရင်ထံသို့ သိပ်မကြာ သေးခင်ကမှ တိတ်တဆိတ် သစ္စာခံထားခြင်းဖြစ်ရာ ဤလူက ထိုအရာကို  မေးမြန်းလာလိမ့်မည်ဟု သူ မထင်မှတ်ထားပေ။</p> <p> </p> <p>ဤလူက မည်သို့ သိနေရသနည်း။</p> <p> </p> <p>လုရန်ချိုး ချက်ချင်း မတုံ့ပြန်သည်ကို မြင်လျှင် လုချန်းက</p> <p> </p> <p> “ဘာလဲ... ခင်ဗျားက မပြောချင်ဘူးလား”</p> <p> </p> <p>ထိုအခိုက်အတန့်တွင် ဝိညာဉ်ရှာဖွေခြင်း အတတ်ကို အသုံးပြုမည့်ဟန် လုချန်း လုပ်ပြလိုက်၏။</p> <p> </p> <p>လုရန်ချိုး သတိပြန်ဝင်လာပြီးနောက်</p> <p> </p> <p> “သခင်... ကျုပ် ပြောပါ့မယ်။ အန်းယွမ်ဘုရင်ပါ... လွန်ခဲ့တဲ့ နှစ်အနည်းငယ်ကမှ ကျားဝမ်ရွှီက အန်းယွမ်ဘုရင်ဆီမှာ သစ္စာခံခဲ့တာပါ။”</p> <p> </p> <p>လုချန်းက</p> <p> “ခရမ်းရောင်လမင်းမြို့က ကစဉ့်ကလျား ပင်လယ်နဲ့ နီးတဲ့ မြို့တစ်မြို့ပဲ... သယံဇာတရော လူတော်လူကောင်းတွေပါ ရှားပါးတဲ့ ဒီမြို့ကို အန်းယွမ် ဘုရင်က ဘာလို့ လိုချင်ရတာလဲ။”</p> <p> </p> <p>လုရန်ချိုး ခဏခန့် ဝေခွဲမရဖြစ်နေသော်လည်း နောက်ဆုံးတွင်</p> <p> </p> <p> “ချန်ဘုရင် အမွေးဖြူမြို့ကို ပြန်ရောက်နေပြီလို့ ကျားဝမ်ရွှီက သိသွားခဲ့တာပါ။ အဲ့ဒီသတင်းကို သုံးပြီး သူက အန်းယွမ်ဘုရင်ဆီမှာ သစ္စာခံခွင့် ရခဲ့တာပါ... အန်းယွမ်ဘုရင်က သူ့ကို ခရမ်းရောင်လမင်းမြို့ကနေ အမွေးဖြူမြို့ကို ဆက်ပြီး စောင့်ကြည့်ခိုင်းထားတာပါ။”</p> <p> </p> <p>လုရန်ချိုး၏ အဖြေကို ကြားပြီးနောက် သန်းထောင်နှင့်ချီ အကြာက ဖြစ်ရပ်များကို ဘာကြောင့် ယခု ပြန်လည်ပြောဆိုနေကြသည်ကို လုချန်း နောက်ဆုံးတွင် နားလည်သွား၏။ တစ်စုံတစ်ယောက်က အခြားသူတစ်ဦးကို အသုံးချကာ အမြတ်ထုတ်ရန် ကြံစည်နေခြင်း ဖြစ်သည်။</p> <p> </p> <p>အန်းယွမ်ဘုရင်က ဤသတင်းများကို ယခုအချိန် ပျံ့နှံ့စေခြင်း ရည်ရွယ်ချက်က ထိုစဉ်က သူ့ကို အင်အားကြီးအဖွဲ့အစည်းများ ဝိုင်းရံတိုက်ခိုက်ခဲ့ရခြင်းက လုကျင့်ဖူကြောင့် ဟူသော အချက်ကို သတိပေးနေခြင်း ဖြစ်၏။ အကြွေးရှင်ကို ရှာတွေ့ပြီဖြစ်သဖြင့် လုကျင့်ဖူ ထံကိုသာ သွားရောက် ပေးဆပ် စေရန် ဖြစ်သည်။</p> <p> </p> <p>တစ်ပါးသူကို အသုံးချပြီး အမြတ်ထုတ်ရန် ကြိုးစားနေခြင်းက တစ်နေ့တွင် သူကိုယ်တိုင် ပြန်လည် ထိခိုက်ရမည်ကို မကြောက်ရွံ့ခြင်းဖြစ်သည်ဟု တွေးမိကာ လုချန်း တစ်ချက် ရယ်မောလိုက်၏။</p> <p> </p> <p>သူ ဤတစ်ကြိမ် ပြန်လာခြင်းမှာ လုကျင့်ဖူကို ဖယ်ရှားရန် တစ်ခုတည်းအတွက် မဟုတ်ပေ။ အမှန်စင်စစ် ထိုစဉ်က ဝိုင်းရံတိုက်ခိုက်ရာတွင် လုကျင့်ဖူ တစ်ဦးတည်းသာ ပါဝင်ခဲ့ခြင်းတော့ မဟုတ်ပေ။ ထျန်းရှ နတ်ဘုရား နိုင်ငံတော်မှ ဘုရင် အများစု ပါဝင်ခဲ့ကြခြင်း ဖြစ်၏။</p> <p> </p> <p>တစ်ချိန်က သူသည် နတ်ဘုရင်တစ်ဦး ဖြစ်ခဲ့ပြီး နတ်ဘုရား နိုင်ငံတော် အရှင်သခင်၏ နေရာအတွက် ကြီးမားသော ခြိမ်းခြောက်မှုတစ်ခု ဖြစ်ခဲ့ရာ သူ၏ ညီအစ်ကို မောင်နှမများက သူ့ကို ဖယ်ရှားရန် အစွမ်းကုန် ကြိုးစားခဲ့ကြသည်။</p> <p> </p> <p>ထို့ကြောင့် ဤအငြိုးအတေးများကို လူတစ်ဦးတည်းအပေါ်တွင်သာ ပုံချ၍ မရနိုင်ချေ။</p> <p> </p> <p>ထို့နောက် ချိပ်ပိတ်နည်းဗျူဟာပုံစံကို အသုံးပြုကာ လုရန်ချိုး၏ နတ်စွမ်းအားများကို ချိပ်ပိတ်လိုက်ပြီး အချုပ်ထဲတွင် ပိတ်လှောင်ထားလိုက်၏။</p> <p> </p> <p>ထိုအရာအားလုံး ပြီးဆုံးသွားလျှင် ဒဏ်ရာအပြင်းအထန် ရထားသည့် လုကျန့်ကျီနှင့် လျောင်ရှောင်ရွှမ်တို့၏ အနားသို့ လုချန်း သွားလိုက်သည်။</p> <p> </p> <p>ထိုသူနှစ်ဦး၏ ခန္ဓာကိုယ် ပြန်လည် ကျန်းမာလာစေရန် တွန့်ဆုတ်ခြင်း မရှိပဲ အသက်ဓာတ်ကို လုချန်း အသုံးပြုပေးလိုက်၏။</p> <p> </p> <p>သို့သော် အသက်ဓာတ်ကို အသုံးပြုခြင်းက အတိုင်းအတာ တစ်ခုအထိသာ ထိရောက်မှာရှိနိုင်၏။ သူတို့၏ သက်တမ်း ကုန်ဆုံးခါနီး ဖြစ်နေသလို နတ်အာရုံမှာလည်း ပျက်စီးနေပြီ ဖြစ်သောကြောင့် အသက်ဓာတ်ကို သွင်းပေးရုံမျှဖြင့် ထိရောက်မှု မရှိနိုင်ချေ။</p> <p> </p> <p>ပိုမိုမြင့်မားသော ကုသခြင်း နတ်နိယာမများရှိလျှင် အကျိုးရှိမည်ဟု လုချန်း တွေးတောမိ၏။ ကစဉ့်ကလျား သားရဲ၏ ခန္ဓာကိုယ်အတွင်း ရှိစဉ်က ရရှိခဲ့သည့် ထာဝရစိမ်းလန်း သက်ရှည်ကျင့်စဉ်သည် သူတော်စင် အဆင့် ကျင့်စဉ်တစ်ခု ဖြစ်သော်လည်း ထျန်းရန် နတ်ဘုရား နယ်မြေတွင်တော့ အဆင့်နိမ့် နတ်နိယာမတစ်ခုပင် မဟုတ်ချေ။</p> <p> </p> <p>လုချန်းက လုကျန့်ကျီနှင့် လျောင်ရှောင်ရွှမ်ကို</p> <p> </p> <p> “ခင်ဗျားတို့ နှစ်ယောက် ဘယ်လိုနေသေးလဲ”</p> <p> </p> <p>လုကျန့်ကျီနှင့် လျောင်ရှောင်ရွှမ်က</p> <p> </p> <p> “ချန်ဘုရင်ကို ကျေးဇူးတင်ပါတယ်”</p> <p> </p> <p>ခဏခန့် တွေးတောပြီးနောက် လုချန်းက</p> <p> </p> <p> “အခု ကျုပ်က ကောင်းကင်အဆင့် ဆေးလုံးတွေကို ဖော်စပ်နိုင်ပြီ... ကောင်းကင်နတ် အဆင့်ကိုတက်နိုင်မယ့် နယ်ပယ်ကျော်ဖြတ်ဆေးလုံး ဖော်စပ်နည်းကို ရတာနဲ့ ကျုပ် ခင်ဗျားတို့အတွက် ချက်ချင်း ဖော်စပ်ပေးမယ်။ ခင်ဗျားတို့ အဆင့်တက်နိုင်အောင် ကူညီပေးပါ့မယ်။”</p> <p> </p> <p>ထိုစကားကို ကြားလျှင် ထိုသူနှစ်ဦး ခဏခန့်  မှင်တက်သွားပြီးနောက် အလွန် စိတ်လှုပ်ရှားသွားကြ၏။</p> <p> </p> <p>ကောင်းကင်အဆင့် ဆေးလုံးများကို လုချန်း တကယ် ဖော်စပ်နိုင်ပါက ထိုကောင်းကင်အဆင့် နယ်ပယ်ကျော်ဖြတ်ဆေးလုံး၏ ကျေးဇူးဖြင့် သူတို့၏ အကန့်အသတ်များကို ကျော်ဖြတ်နိုင်ရန် မျှော်လင့်ချက် ရှိလာပေလိမ့်မည်။</p> <p> </p> <p>သို့သော်...</p> <p> </p> <p>ကောင်းကင်အဆင့် နယ်ပယ်ကျော်ဖြတ်ဆေးလုံး  ဖော်စပ်နည်းကို ရှာဖွေရန်က ထင်သလောက်တော့ မလွယ်ကူပေ။</p> <p> </p> <p> ထိုကဲ့သို့သော ဆေးဖော်စပ်နည်းသာ ရှိခဲ့လျှင် ထျန်းရန် နတ်ဘုရား နယ်မြေရှိ နတ်အများစုလည်း ကောင်းကင်နတ် အဆင့်တွင်ပင် တန့်နေကြမည် မဟုတ်ချေ။</p> <p> </p> <p>ထို့ပြင် ကောင်းကင်အဆင့် နယ်ပယ်ကျော်ဖြတ်ဆေးလုံး ရှိသည့်တိုင်အောင် အဆင့်တက်ရန် အာမခံချက် မရှိပေ။  အကြောင်းမှာ မည်သည့် နယ်ပယ်ကျော်ဖြတ်မှုမဆို စွန့်စားရမှုများ ရှိသောကြောင့် ဖြစ်၏။</p> <p> </p> <p>မည်သို့ပင်ဆိုစေကာတော့ လုချန်းသာ ကောင်းကင်အဆင့် ဆေးလုံးများကို ဖော်စပ်နိုင်ပါက သူတို့အတွက် မျှော်လင့်ချက် ရှိစေ၏။ နောက်ထပ် လုပ်ဆောင်ရမည့် အဆင့်က ကောင်းကင်အဆင့် နယ်ပယ်ကျော်ဖြတ်ဆေးလုံး ဖော်စပ်နည်းကို ရှာဖွေရန်ပင် ဖြစ်သည်။</p> <p> </p> <p>လုကျန့်ကျီက</p> <p> “ချန်ဘုရင်... အန်းယွမ်ဘုရင်က ချန်ဘုရင် ပြန်လာတာကို သိနေပြီဆိုတော့ ကျုပ်တို့ အမွေးဖြူမြို့ကနေ ပြောင်းရွှေ့ဖို့ စဉ်းစားသင့်သလား။”</p> <p> </p> <p>လုချန်း ခဏခန့် တွေးတောလိုက်၏။ အန်းယွမ်ဘုရင်သည် သူ ပြန်လာသည့် သတင်းကို ထျန်းရန် နတ်ဘုရား နယ်မြေသို့ မဖြန့်ဝေသေးသော်လည်း အခြားသူများကို မည်သည့်အချိန်တွင် အသိပေးလိမ့်မည် ဆိုတာကိုတော့ အတိအကျ မပြောနိုင်ချေ။</p> <p> </p> <p>အန်းယွမ် ဘုရင်သည် သူနှင့် လုကျင့်ဖူတို့ အသေ အကြေတိုက်ခိုက်ကြသည်ကို မြင်လိုသဖြင့် တစ်နေ့နေ့တွင်တော့ သူ ပြန်လာသည့်အကြောင်း လုကျင့်ဖူအား အသိပေးလိမ့်မည်။</p> <p> </p> <p>သူ ပြန်ရောက်နေပြီဖြစ်ကြောင်း လုကျင့်ဖူ သိသွားပါက ကဲ့ရဲ့ရှုတ်ချခံရမည်ကို ကြောက်ရွံ့သဖြင့် တပ်ဖွဲ့များကို စေလွှတ်ကာ တိုက်ခိုက်လာမှာ သေချာသလို ထျန်းရန် နတ်ဘုရား နယ်မြေရှိ အင်အားကြီးအဖွဲ့အစည်းများနှင့် ပူးပေါင်းကာ သူ့ကို ထပ်မံ တိုက်ခိုက်လာနိုင်သည်။</p> <p> </p> <p>သို့သော်...</p> <p> </p> <p> လောလောဆယ်တွင် သူ၏ အစွမ်းများ အပြည့်အဝ ပြန်မရသေးချေ။ အကယ်၍ အန်းယွမ် ဘုရင်က လုကျင့်ဖူကို ယခု အသိပေးလိုက်ပါက တစ်ပါးသူကို အသုံးချကာ အမြတ်ထုတ်လိုသည့် သူ၏ ရည်ရွယ်ချက် အောင်မြင်မည် မဟုတ်ချေ။</p> <p> </p> <p>ထို့ကြောင့် အန်းယွမ် ဘုရင်အနေနှင့် ဤသတင်းကို မကြာမီ အချိန်အတွင်းတော့ ထုတ်ဖော်လိမ့်မည် မဟုတ်ချေ။</p> <p> </p> <p>ထိုသို့ တွေးတောရင်း လုချန်းက</p> <p> “အခုလောလောဆယ် ကျုပ်တို့ သွားစရာ နေရာမရှိသေးဘူး။ ဒါကြောင့် အမွေးဖြူမြို့မှာပဲ ဆက်နေကြတာပေါ့။”</p> <p> </p> <p> </p> <p> </p> <p> </p> <p style="text-align: center;">***</p>


Save