Book List

<h2 style="text-align: center;">အခန်း (၅၅၆)</h2> <h2 style="text-align: center;">ထာဝရနတ်ဘုရားခန္ဓာကိုယ် ဖောက်ထွက်ခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ရန်ရှောက်ထျန်း သူ၏ဝိညာဉ်စွမ်းအားကိုထုတ်လွှတ်လိုက်သောအခါ သူ၏ဧကရာဇ်အဆင့် ဒသမအလွှာအထွတ်အထိပ်စွမ်းအားမှာ အပြည့်အဝပေါ်ထွက်လာခဲ့လေသည်။</p> <p>လူတိုင်းမှာ ရန်ရှောက်ထျန်း၏ဧကရာဇ်အဆင့်ဒသမအလွှာ အထွတ်အထိပ်စွမ်းအား ကြောင့်သာထိတ်လန့်သွားကြခြင်းမဟုတ်ဘဲ၊ ရန်ရှောက်ထျန်းကဲ့သို့သောဧကရာဇ်အဆင့်ပညာရှင် တစ်ဦးတွင် သာမန်ဆေးနတ်ဘုရားအဆင့်ရှိပညာရှင်များထက် ကျော်လွန်သောဝိညာဉ်စွမ်းအား ရှိနေခြင်းကြောင့် ပို၍ပင်ထိတ်လန့်သွားကြခြင်း ဖြစ်လေသည်။</p> <p>ရှဲ့ဝူရှင်းမှာ ဝမ်ကျန့်တိုက်ကြီး၏အကြီးမြတ်ဆုံးဆေးနတ်ဘုရားလေးဦးထဲမှ တစ်ဦးဖြစ် သော်လည်း မုလင်းနှင့်ဖန့်ကျင်းတို့မှာမူမဟုတ်ကြပေ။ သူတို့၏ဝိညာဉ်စွမ်းအားမှာမိုင် ၃၀၀ ကျော် အထိသာ လွှမ်းခြုံနိုင်လေသည်။</p> <p>မုလင်း၊ ဖန့်ကျင်းနှင့်ဟွန်ချွမ်တစ္ဆေဘုရင်တို့ အံ့အားသင့်နေစဉ်မှာပင် ရုတ်တရက် ရန်ရှောက် ထျန်း၏တစ်ကိုယ်လုံးတွင် နတ်ဘုရားအလင်းတန်းများတောက်ပလာခဲ့ပြီး မိုးကြိုးမီးလျှံများ ဟိန်းဟောက်ထွက်ပေါ်လာကာ မိုးကြိုးဘေးဒုက္ခနတ်ဘုရားမီးလျှံမီးတောက် ပျံသန်းထွက်လာခဲ့ လေ သည်။</p> <p>“မိုးကြိုးဘေးဒုက္ခ နတ်ဘုရားမီးလျှံမီးတောက်ပါလား”</p> <p>အဆင့် ၁၄ ရှိ နတ်ဘုရားမီးလျှံမီးတောက်</p> <p>ရန်ရှောက်ထျန်းက မိုးကြိုးဘေးဒုက္ခနတ်ဘုရားမီးလျှံမီးတောက်ကို နိမ်နင်းထားနိုင်သည်ကို မြင်လိုက်ရသောအခါ သစ်ပင်တစ်ထောင်ဓားနတ်ဘုရား မုလင်း၊ စိန့်နတ်ဘုရား ဧကရာဇ် ဖန့်ကျင်းနှင့် ရှေးဟောင်းအမြင့်မြတ်ဆုံးနတ်ဘုရားတစ်ပါးဖြစ်သည့် ဟွန်ချွမ်တစ္ဆေဘုရင်တို့အားလုံး အကြီး အကျယ် အံ့အားသင့်သွားကြတော့သည်။</p> <p>ရန်ရှောက်ထျန်းတွင် ဒုတိယအဆင့်ဘေးဒုက္ခဟဲဗန်အဆင့် ပုရှန့်ဆေးလုံးကိုဖော်စပ်နိုင်ရန် အတွက် နတ်ဘုရားမီးလျှံမီးတောက်တစ်ခုရှိရမည်ဟု သူတို့အရင်ကခန့်မှန်းထားခဲ့ကြသော်လည်း ရန်ရှောက်ထျန်းတွင် အဆင့် ၁၄ ရှိ မိုးကြိုးဘေးဒုက္ခ နတ်ဘုရားမီးလျှံမီးတောက်ရှိလိမ့်မည်ဟု မမျှော် လင့်ထားခဲ့ကြပေ။</p> <p>မူလက သူတို့သည် ရန်ရှောက်ထျန်းတွင်ရှိသော နတ်ဘုရားမီးလျှံမီးတောက်မှာ အဆင့်နိမ့် နတ်ဘုရားမီးလျှံမီးတောက်တစ်ခုသာဖြစ်လိမ့်မည်ဟုထင်မှတ်ထားခဲ့ကြပြီး ရန်ရှောက်ထျန်း ပိုင်ဆိုင် ထားသော နတ်ဘုရားမီးလျှံမီးတောက်မှာ အသစ်ဖန်တီးထားသောနတ်ဘုရားမီးလျှံမီးတောက် ဖြစ်လိမ့်မည်ဟု ခန့်မှန်းထားခဲ့ကြခြင်းဖြစ်လေသည်။</p> <p>သို့သော်လည်း သူတို့ရှေ့တွင်ရှိသော မိုးကြိုးဘေးဒုက္ခနတ်ဘုရားမီးလျှံမီးတောက်၏ ကြောက်မက်ဖွယ်ကောင်းသော နတ်ဘုရားမီးလျှံများမှာ အသစ်ဖန်တီးထားသောအရာ မဟုတ်သည် မှာ ထင်ရှားလှပေသည်။</p> <p>ဤအခိုက်အတန့်တွင် ရန်ရှောက်ထျန်းက ဗုဒ္ဓတစ်ထောင်နတ်ဘုရားမီးလျှံမီးတောက်နှင့် ဇီဝေ့နတ်ဘုရားမီးလျှံမီးတောက်တို့ကိုပါ ခေါ်ယူလိုက်လေသည်။</p> <p>ချက်ချင်းဆိုသလိုပင် ဗုဒ္ဓတစ်ထောင်ပေါ်ထွက်လာပြီးကြယ်တာရာမီးလျှံများ ယှဉ်တွဲလျက် ရှိနေခဲ့လေသည်။</p> <p>အကြီးမြတ်ဆုံး နတ်ဘုရားမီးလျှံမီးတောက်သုံးခုမှာ ကောင်းကင်နှင့်မြေကြီးကြားတွင် ပျံ့နှံ့ နေခဲ့လေသည်။</p> <p>ဟွန်ချွမ်တစ္ဆေဘုရင်၊ ဖန့်ကျင်းနှင့်မုလင်းတို့မှာ ရန်ရှောက်ထျန်း၏ဘေးပတ်လည်ရှိ အကြီး မြတ်ဆုံး နတ်ဘုရားမီးလျှံမီးတောက်သုံးခုကိုကြည့်ကာ သူတို့၏စိတ်ထဲတွင် ဗလာနတ္ထိဖြစ်သွားကြ တော့သည်။</p> <p>“မိုးကြိုးဘေးဒုက္ခ၊ ဗုဒ္ဓတစ်ထောင်၊ ဇီဝေ”</p> <p>ဟွန်ချွမ်တစ္ဆေဘုရင်က သူ့ဘာသာ ရေရွတ်လိုက်မိလေသည်။</p> <p>အကြီးမြတ်ဆုံး နတ်ဘုရားမီးလျှံမီးတောက်သုံးခု၊ ၎င်းတို့မှာကမ္ဘာဦးမူလနတ်ဘုရားမီးလျှံ မီးတောက်သုံးခုသာဖြစ်လေတော့သည်။</p> <p>ဖန့်ကျင်း၊ မုလင်းနှင့် ဖန့်ကျန့်တို့ အားလုံး ထိတ်လန့်တကြား ဆွံ့အသွားကြတော့သည်။</p> <p>တိုက်တန်ဧရာမမိစ္ဆာ၊ ရှဲ့ဝူရှင်းနှင့်မုယီတို့မှာ ဝူရှင်းချိုင့်ဝှမ်းတွင် ရန်ရှောက်ထျန်း၏အကြီး မြတ်ဆုံး နတ်ဘုရားမီးလျှံမီးတောက်သုံးခုကိုမြင်ဖူးခဲ့သော်လည်း ယခုအခါတွင်လည်း ထပ်မံထိတ် လန့်နေရဆဲ ဖြစ်လေသည်။</p> <p>ထို့နောက် ရန်ရှောက်ထျန်းကသူ၏လက်များကိုဝှေ့ယမ်းလိုက်ရာ ကောင်းကင်နှင့်မြေကြီး ကြားရှိ မီးစွမ်းအားများမှာဒီရေအလားစုစည်းလာခဲ့ပြီး ဆေးဖက်ဝင်ပစ္စည်းများ၏ အပေါ်တွင် ဆေး ဖော်စပ်မှု အစီအရင်တစ်ခုအဖြစ် ပြောင်းလဲသွားခဲ့လေသည်။</p> <p>ဆေးဖက်ဝင်ပစ္စည်း ရာပေါင်းများစွာမှာလေထဲသို့ပျံတက်သွားပြီးနောက် သူ၏ထိန်းချုပ်မှု အောက်တွင် အကြီးမြတ်ဆုံးနတ်ဘုရားမီးလျှံမီးတောက်သုံးခုမှာ ဆေးဖက်ဝင်ပစ္စည်းရာပေါင်းများ စွာကြားတွင် ကူးလူးပျံသန်းနေခဲ့လေသည်။</p> <p>မကြာခင်မှာပင် ဆေးဖက်ဝင်ပစ္စည်းရာပေါင်းများစွာမှာအရည်ပျော်သွားခဲ့ပြီး ရန်ရှောက် ထျန်းက ကောင်းကင်နှင့်မြေကြီးကြားရှိမီးစွမ်းအားများကို ဆေးပေါင်းအိုးအဖြစ် ပြောင်းလဲလိုက်ကာ အရည်ပျော်သွားသော ဆေးဖက်ဝင်ပစ္စည်းရာပေါင်းများစွာ၏အရည်များကို ဖမ်းယူလိုက်လေ သည်။</p> <p>ဤသည်ကို မြင်သောအခါ ဟွန်ချွမ်တစ္ဆေဘုရင်၊ ဖန့်ကျင်းနှင့် မုလင်းတို့မှာ အကြီးအကျယ် တုန်လှုပ်သွားကြတော့သည်။</p> <p>ရန်ရှောက်ထျန်းက ဆေးပေါင်းအိုးမပါဘဲနဲ့ ဆေးကိုဖော်စပ်ရုံတင်မကဘဲ ကောင်းကင်နဲ့ မြေကြီးကြားကမီးစွမ်းအားတွေကို ဆေးပေါင်းအိုးအဖြစ်ပြောင်းလဲပြီး ဆေးဖော်စပ်နိုင်လိမ့်မယ်လို့ သူတို့ထဲက ဘယ်သူမှမမျှော်လင့်ထားခဲ့ကြပေ။</p> <p>မကြာခင်မှာပင် ဆေးပေါင်းအိုးအတွင်းမှဆေးရနံ့များမှာ ကောင်းကင်နှင့်မြေကြီးကြားတွင် ပျံ့နှံ့သွားခဲ့လေသည်။</p> <p>၎င်းကို အနံ့ခံမိသူတိုင်းမှာ စိတ်ထဲတွင်ကြည်နူးသွားသလိုမျိုး ခံစားလိုက်ရလေသည်။</p> <p>ထို့နောက် မိုးတိမ်များစုစည်းလာခဲ့ပြီး ဒုတိယအဆင့်မိုးကြိုးဘေးဒုက္ခ ဆင်းသက်လာခဲ့လေ သည်။</p> <p>ရန်ရှောက်ထျန်းက သူ၏ထာဝရနတ်ဘုရားခန္ဓာကိုယ်ကိုအသက်သွင်းလိုက်ပြီး ဒုတိယအ ဆင့် မိုးကြိုးဘေးဒုက္ခတစ်ခုချင်းစီကို ရိုက်ခွဲလိုက်လေသည်။</p> <p>“ထာဝရနတ်ဘုရားခန္ဓာကိုယ်ပါလား”</p> <p>ရန်ရှောက်ထျန်း၏ ထာဝရနတ်ဘုရားခန္ဓာကိုယ်ကိုမြင်လိုက်ရသောအခါ ဖန့်ကျင်းနှင့် ဖန့်ကျန့်တို့သည် မုယီကအဘယ်ကြောင့်အချိန်သဲပွင့်များကို လဲလှယ်ချင်ရသလဲဆိုသည်ကို နောက် ဆုံးတွင် နားလည်သွားခဲ့ကြလေသည်။</p> <p>“ဒါက ထာဝရနတ်ဘုရားခန္ဓာကိုယ်ပဲ၊ ဒါက တကယ်ပဲ ထာဝရနတ်ဘုရားခန္ဓာကိုယ်ပဲ”</p> <p>ဟွန်ချွမ်တစ္ဆေဘုရင်၏မျက်လုံးများမှာ ရန်ရှောက်ထျန်း၏ထာဝရနတ်ဘုရားခန္ဓာကိုယ်ကို မြင်လိုက်ရသောအခါ စိတ်လှုပ်ရှားမှုကြောင့် မျက်ရည်များဝဲလာခဲ့လေသည်။</p> <p>သူသည် ထာဝရနတ်ဘုရားခန္ဓာကိုယ်ကိုရှာဖွေနေခဲ့သည်မှာ နှစ်ပေါင်းများစွာကြာမြင့်ခဲ့ပြီ ဖြစ်လေသည်။</p> <p>ဒုတိယအဆင့် မိုးကြိုးဘေးဒုက္ခကို ရိုက်ခွဲလိုက်ပြီးနောက် နောက်ဆုံးတွင် ဘေးဒုက္ခနှစ်မျိုးပါ ဟဲဗန်အဆင့် အသက်ဆေးလုံးမှာပုံပေါ်လာခဲ့လေပြီ။</p> <p>ရန်ရှောက်ထျန်း၏လက်ထဲရှိ ကြည်လင်တောက်ပပြီးဆွဲဆောင်မှုရှိလှသော ဆေးရနံ့များ ထွက်ပေါ်နေသည့် ဘေးဒုက္ခနှစ်မျိုးပါဟဲဗန်အဆင့်အသက်ဆေးလုံးကိုကြည့်ကာ ဖန့်ကျင်း၊ မုလင်း နှင့် ဖန့်ကျန့်တို့မှာအချိန်အတော်ကြာသည်အထိ စိတ်ကို မတည်ငြိမ်နိုင်ဘဲ ဖြစ်နေခဲ့ကြလေသည်။</p> <p>ရန်ရှောက်ထျန်းက ဘေးဒုက္ခနှစ်မျိုးပါ ဟဲဗန်အဆင့်အသက်ဆေးလုံးကို ဘယ်လိုဖော်စပ်ခဲ့ သလဲဆိုတာကို သူတို့ နောက်ဆုံးမှာ နားလည်သွားခဲ့ကြလေပြီ။</p> <p>ဖန့်ကျင်းက ရန်ရှောက်ထျန်းကို ကြည့်ကာ စိတ်လှုပ်ရှားစွာဖြင့် ပြောလိုက်သည်။</p> <p>“သခင်လေးရန်က ဆေးပေါင်းအိုးမပါဘဲဆေးဖော်စပ်နိုင်တာကတကယ့်ကို အံ့မခန်းပါပဲ။ ကျွန်တော် နှစ်ပေါင်းများစွာနေထိုင်လာခဲ့တာ၊ ဒီနေ့မှပဲဒီလိုမျိုးကိုပထမဆုံးအကြိမ် မြင်ဖူးတော့ တယ်”</p> <p>သစ်ပင်တစ်ထောင်ဓားနတ်ဘုရားနှင့် ဖန့်ကျန့်တို့သည်လည်းစိတ်လှုပ်ရှားစွာဖြင့် ထောက်ခံ လိုက်ကြလေသည်။</p> <p>ရန်ရှောက်ထျန်းက ပြုံးလျက်။</p> <p>“ကျွန်တော်က အနည်းငယ်နားလည်ရုံပါ၊ ဆေးဖော်စပ်မှုမှာတော့သွားရမယ့်လမ်းတွေ အများကြီးလိုပါသေးတယ်”</p> <p>ထိုသို့ပြောပြီးနောက် သူသည်အကြီးမြတ်ဆုံး နတ်ဘုရားမီးလျှံမီးတောက်သုံးခုကို ဆက်လက်ထိန်းချုပ်လိုက်ပြီး နောက်ထပ်ဘေးဒုက္ခနှစ်မျိုးပါဟဲဗန်အဆင့် အသက်ဆေးလုံး တစ်လုံး ကို ဆက်လက်ဖော်စပ်နေတော့သည်။</p> <p>ဘေးဒုက္ခနှစ်မျိုးပါဟဲဗန်အဆင့်အသက်ဆေးလုံးဆယ်လုံးကို ဖော်စပ်ပြီးနောက်တွင် သူသည် ဘေးဒုက္ခနှစ်မျိုးပါဟဲဗန်အဆင့် အသက်ဆေးလုံးနောက်ထပ်ဆယ်လုံးကိုလည်း ဆက်လက်ဖော်စပ် လိုက်လေသည်။</p> <p>ထိုအခါမှသာ ရန်ရှောက်ထျန်းသည်လူတိုင်းနှင့်အတူဧကရာဇ်မြို့တော်သို့ ပြန်လာခဲ့လေ သည်။</p> <p>ပြန်လာသည့်လမ်းတွင် ရန်ရှောက်ထျန်းက ဖန့်ကျင်းနှင့် ဖန့်ကျန့်တို့ကို နန်ထျန်ဓားနတ်ဘုရား ၏ သတင်းကိုစုံစမ်းရန် ကူညီပေးသည့်အတွက် ကျေးဇူးတင်သောအားဖြင့် ပုရှန့်ဆေးလုံး နှစ်လုံးစီနှင့် အသက်ဆေးလုံး နှစ်လုံးစီပေးလိုက်လေသည်။</p> <p>ထိုနှစ်ဦးမှာ ဆေးလုံးများကိုလက်ခံရရှိလိုက်သောအခါ အလွန်တရာဝမ်းမြောက်ဝမ်းသာ ဖြစ်နေခဲ့ကြလေသည်။</p> <p>ဧကရာဇ်မြို့တော်သို့ ပြန်ရောက်ပြီးနောက် ဖန့်ကျင်းနှင့်ဖန့်ကျန့်တို့မှာ ဧကရာဇ်နန်းတော်သို့ ပြန်သွားခဲ့ကြလေသည်။ မပြန်ခင်တွင်သူတို့သည်ရန်ရှောက်ထျန်းအား ဧကရာဇ်နန်းတော်သို့ လာရောက်လည်ပတ်ရန် ရိုသေစွာနှင့်နွေးထွေးစွာ ဖိတ်ကြားခဲ့ကြလေသည်။</p> <p>သို့သော်လည်း ရန်ရှောက်ထျန်းမှာအချိန်သဲပွင့်များကိုသန့်စင်ရန် လိုအပ်နေသဖြင့် ငြင်းပယ် လိုက်လေသည်။</p> <p>မုမိသားစုနေအိမ်သို့ပြန်ရောက်သောအခါ ရန်ရှောက်ထျန်းသည်မုယီက ဖန့်ကျန့်ဆီမှ လဲလှယ်လာခဲ့သော အချိန်သဲပွင့်များကိုသန့်စင်ရန်အတွက် တံခါးပိတ်ကျင့်ကြံလေတော့သည်။</p> <p>ဤတစ်ကြိမ်တွင် မုယီလဲလှယ်လာခဲ့သောအချိန်သဲပွင့်မှာ အတော်လေးများပြားလှသဖြင့် သူ၏ထာဝရနတ်ဘုရားခန္ဓာကိုယ်ကိုဖောက်ထွက်နိုင်ရန်အတွက် လုံလောက်သင့်လေသည်။</p> <p>ရန်ရှောက်ထျန်းသည် နန်းတော်အတွင်း၌ တင်ပလ္လင်ခွေထိုင်ကာ သူ၏ထာဝရနတ်ဘုရားခန္ဓာ ကိုယ်ကို လည်ပတ်လိုက်လေသည်။ သူ၏ဘေးပတ်လည်ရှိ အချိန်သဲပွင့်များမှာ သူ၏ခန္ဓာကိုယ်အ တွင်းသို့ တဖြည်းဖြည်းချင်းစိမ့်ဝင်သွားပြီး အချိန်စွမ်းအားများအဖြစ် ပြောင်းလဲသွားခဲ့လေသည်။</p> <p>ရက်အနည်းငယ်ကြာပြီးနောက်တွင်မူ ဤအချိန်သဲပွင့်များမှာ သူ၏ခန္ဓာကိုယ်အတွင်းသို့ လုံးဝစိမ့်ဝင်သွားခဲ့လေပြီ။ သူ၏တစ်ကိုယ်လုံးမှတောက်ပလှသော အချိန်အလင်းတန်းများပေါ်ထွက် လာခဲ့ပြီး အချိန်စွမ်းအားများမှာနန်းတော်တစ်ခုလုံးသို့ ပျံ့နှံ့သွားခဲ့လေသည်။</p> <p>သူသည် အချိန်အလင်းတန်းများကြားတွင်တင်ပလ္လင်ခွေထိုင်နေခဲ့ရာ အချိန်နတ်ဘုရား တစ်ပါးကဲ့သို့ပင် ရှိနေခဲ့လေသည်။</p> <p>ရန်ရှောက်ထျန်း ကျင့်ကြံခြင်းကို ရပ်လိုက်ချိန်တွင် ညအချိန်သို့ ရောက်ရှိနေပြီ ဖြစ်လေသည်။</p> <p>သူသည် သက်ပြင်းတစ်ချက်ကိုဖြည်းဖြည်းချင်းချလိုက်ပြီး သူ၏ခန္ဓာကိုယ်အခြေအနေကို စစ်ဆေးလိုက်လေသည်။ အချိန်သဲပွင့်များကိုသန့်စင်ပြီးနောက် သူ၏တစ်ကိုယ်လုံးအတွင်းရော အပြင်ပါ အံ့အားသင့်ဖွယ်ကောင်းလောက်အောင် ပြောင်းလဲသွားသည်ကို သူ တွေ့လိုက်ရလေသည်။ သူ၏အတွင်းကလီစာများပင်လျှင် အချိန်အလင်းတန်းများဖြင့်တောက်ပနေခဲ့လေသည်။</p> <p>သူ၏အတွင်းကလီစာများတင်မကဘဲ သူ၏သွေးများ၊ ဒန်ထျန်၊ မီရီဒီယန်များနှင့် အပ်စိုက် မှတ်များအားလုံးမှာလည်း ထပ်တူပင်ဖြစ်လေသည်။</p> <p>ဒါက ထာဝရနတ်ဘုရားခန္ဓာကိုယ် ‘အသေးစား အောင်မြင်မှု အဆင့်’ ကို ရရှိသွားသည့် လက္ခဏာပင်ဖြစ်လေသည်။</p> <p>ရန်ရှောက်ထျန်း အလွန်တရာဝမ်းသာသွားခဲ့လေသည်။</p> <p>အခက်အခဲပေါင်းများစွာကို ကျော်ဖြတ်ပြီးနောက် နောက်ဆုံးတွင်ထာဝရနတ်ဘုရား ခန္ဓာ ကိုယ်မှာ အသေးစားအောင်မြင်မှုအဆင့်သို့ ရောက်ရှိသွားခဲ့ပြီ ဖြစ်လေသည်တကား။</p> <p>ထာဝရနတ်ဘုရားခန္ဓာကိုယ် အသေးစားအောင်မြင်မှုအဆင့်သို့ ရောက်ရှိသွားသည်နှင့် သူသည် မသေနိုင်သောခန္ဓာကိုယ်ကို ရရှိသွားပြီဟု ပြောလျှင်ပင် ရနိုင်လေသည်။</p> <p>ယခင်က သူ၏နှလုံးနှင့် အတွင်းကလီစာများကို အခြားသူများက ရိုက်ခွဲနိုင်သော်လည်း ယခုမူ သူ၏အတွင်းကလီစာများမှာ အချိန်စွမ်းအားများဖြင့်ပြည့်နှက်နေသဖြင့် အခြားသူများရိုက်ခွဲရန်မှာ မဖြစ်နိုင်သလောက်ပင် ဖြစ်နေခဲ့လေပြီ။</p> <p>ရိုက်ခွဲခံလိုက်ရလျှင်ပင် သူ၏အတွင်းကလီစာများမှာ အချိန်စွမ်းအားများ၏စုစည်းမှု အောက်တွင် ပြန်လည်ရှင်သန်လာနိုင်ဦးမည်ဖြစ်လေသည်။</p> <p>ဒါက ထာဝရနတ်ဘုရားခန္ဓာကိုယ် အသေးစားအောင်မြင်မှုအဆင့်၏ ကြောက်မက်ဖွယ် ကောင်းသော စွမ်းအားပင်ဖြစ်လေသည်။</p> <p>ထို့ပြင် သူ၏ထာဝရနတ်ဘုရားခန္ဓာကိုယ် အသေးစားအောင်မြင်မှုအဆင့်နှင့်အတူ သူ ထိန်းချုပ်ထားသောအချိန်စွမ်းအားမှာလည်း အဆပေါင်းများစွာတိုးတက်လာခဲ့လေသည်။ ထိုအချိန် ကျလျှင် သူသည်အချိန်မြစ်၏အနက်ရှိုင်းဆုံးနေရာသို့ ထပ်မံဝင်ရောက်မည်ဆိုပါက အချိန်မြူခိုး များကို ကြောက်စရာမလိုတော့ပေ။</p> <p>ယခင်က သူ၏ထာဝရနတ်ဘုရားခန္ဓာကိုယ်မှာ ကမ္ဘာဦးမူလသံနက်များကို မတိုက်စား နိုင်သော်လည်း ယခုမူကမ္ဘာဦးမူလသံနက်များကိုပင် တိုက်စားနိုင်ပြီးဝါးမြိုနိုင်ခဲ့လေပြီ။</p> <p>ရန်ရှောက်ထျန်းသည် ထာဝရနတ်ဘုရားခန္ဓာကိုယ်၏စွမ်းအားကို အကျွမ်းတဝင်ရှိအောင် လုပ်ဆောင်လိုက်ပြီးနောက် မုမိသားစုနေအိမ်မှပျံသန်းထွက်ခွာလာခဲ့ကာ ဧကရာဇ်မြို့တော်၏ အရှေ့ တောင်ဘက် အရပ်မျက်နှာဆီသို့ ဦးတည်သွားခဲ့လေသည်။</p> <p>လွန်ခဲ့သော နှစ်ပေါင်းများစွာကသူ၏ဆရာဖြစ်သူဟုန်ဖုန်းနတ်ဘုရား အရှင်သခင်သည် ဧကရာဇ်မြို့တော်တွင်တစ်ခုခုချန်ထားခဲ့လေသည်။ လွန်ခဲ့သောရက်ပိုင်းက သူသည်၎င်းကို သွားယူ ရန်အတွက်အချိန်မရှိခဲ့ပေ။ ယနေ့ညတွင်သူ၏ဆရာဟုန်ဖုန်းနတ်ဘုရားအရှင်သခင် ချန်ထားခဲ့သော အရာကို သွားယူရန်ဆုံးဖြတ်လိုက်ခြင်း ဖြစ်လေသည်။</p> <p>ခဏအကြာတွင် ရန်ရှောက်ထျန်းသည်ဧရာမစံအိမ်ကြီးတစ်ခု၏ရှေ့သို့ ရောက်ရှိလာခဲ့ လေသည်။</p> <p>ဤစံအိမ်မှာ လွန်ခဲ့သောကာလက သူ၏ဆရာဟုန်ဖုန်းနတ်ဘုရားအရှင်သခင် နေထိုင်ခဲ့သော စံအိမ်ပင်ဖြစ်လေသည်။</p> <p>သို့သော်လည်း စံအိမ်မှာမီးများလင်းထိန်နေပြီး ထုန်းထျန်းနတ်ဘုရားဂိုဏ်းမှ ပညာရှင်များက နေရာအနှံ့တွင် စောင့်ကြပ်နေကြသည်ကို တွေ့ရလေသည်။</p> <p>ရန်ရှောက်ထျန်းသည် ချက်ချင်းပင်ဟင်းလင်းပြင်ဖုံးကွယ်မှုကို အသက်သွင်းလိုက်ပြီးကိုယ် ဖျောက်ကာ စံအိမ်အတွင်းသို့ ဝင်ရောက်ခဲ့လေသည်။</p> <p>သို့သော်လည်း သူသည်စံအိမ်၏ခန်းမဆောင်ကြီးကိုဖြတ်ကျော်သွားစဉ် ခန်းမဆောင် အတွင်းမှထွက်ပေါ်လာသော အသံကြောင့်ရန်ရှောက်ထျန်း မှင်တက်သွားခဲ့လေသည်။</p> <p>“ဂိုဏ်းချုပ်... ဟုန်ဖုန်းနတ်ဘုရားအရှင်သခင် လွန်ခဲ့တဲ့နှစ်ပေါင်းများစွာက ချန်ထားခဲ့တဲ့ ဘဏ္ဍာတိုက်ကို ကျွန်တော်တို့ အခုထိမဖွင့်နိုင်သေးပါဘူး”</p> <p>ဂိုဏ်းချုပ် ဟုတ်လား။</p> <p>ရန်ရှောက်ထျန်း မရပ်ဘဲ မနေနိုင်တော့ပေ။</p> <p>ဒါက ကျောက်ရုန်လား။</p> <p>ကျောက်ရုန်က ဧကရာဇ်မြို့တော်ကို ရောက်နေတာလား။</p> <p>သူသည် အလင်းရောင်ရှိရာဘက်သို့ကြည့်လိုက်ရာ ခန်းမဆောင်အတွင်း၌ လူငါးဦးထိုင်နေ သည်ကို မြင်တွေ့လိုက်ရလေသည်။</p> <p>ခန်းမဆောင်၏ အလယ်ဗဟိုတွင်ထိုင်နေသောသူမှာ အရပ်ရှည်ရှည်လူလတ်ပိုင်း တစ်ဦး ဖြစ်လေသည်။ သူသည်ကျယ်ပြန့်သောပုခုံးနှင့် သန်မာသောခန္ဓာကိုယ်ရှိပြီး ထိုးဖောက်နိုင်စွမ်း ရှိသော မျက်လုံးများရှိနေကာ သူ၏လှုပ်ရှားမှုတိုင်းမှာ ကောင်းကင်ဘုံအားလုံးကို ဖိနှိပ်ထားနိုင်သော အရှိန်အဝါများ ရှိနေခဲ့လေပေသည်။</p> <p> </p> <p> </p> <p style="text-align: center;">***</p>


Save