Book List

<h2 style="text-align:center">အခန်း (၅၅၈)</h2> <h2 style="text-align:center">ကောင်းကင်တုန်ဟိန်း ဓားနတ်ဘုရား အသက်ရှင်နေသေးတယ်</h2> <h2 style="text-align:center">*</h2> <h2 style="text-align:center"> </h2> <p> </p> <p>နန်ထျန်ဓားနတ်ဘုရား၏ဒဏ်ရာမှာ အလွန်ပြင်းထန်လှသဖြင့် သူတို့မရောက်ခင်အထိ တောင့်ခံနိုင်လိမ့်မည်မဟုတ်ကြောင်း တိုက်တန်ဧရာမမိစ္ဆာကပြောလိုက်လေသည်။</p> <p>ရန်ရှောက်ထျန်း၏ မျက်နှာမှာမည်းမှောင်သွားပြီး။</p> <p>“ငါတို့ မမီနိုင်ရင်တောင်မှသွားကိုသွားရမယ်၊ သူ့ကိုမကယ်တင်နိုင်ရင်တောင်မှ ငါတို့ ကြိုး စားကြည့်ရမယ်” ဟု ပြောလိုက်သည်။</p> <p>တိုက်တန်ဧရာမမိစ္ဆာသည် ရန်ရှောက်ထျန်း၏ခန္ဓာကိုယ်မှထွက်ပေါ်လာသော သတ်ဖြတ် လိုသည့် အရှိန်အဝါကိုခံစားလိုက်ရသဖြင့် နှလုံးသားထဲမှတုန်ယင်သွားကာ။</p> <p>“ဟုတ်ကဲ့ပါ ဂိုဏ်းချုပ်” ဟု ရိုသေစွာ ဖြေကြားလိုက်လေသည်။</p> <p>ချက်ချင်းပင် ရန်ရှောက်ထျန်းနှင့်ဟွန်ချွမ်တစ္ဆေဘုရင်တို့မှာ မုမိသားစုကိုနှုတ်ဆက်ခဲ့ကြ လေသည်။</p> <p>သစ်ပင်တစ်ထောင်ဓားနတ်ဘုရားသည် ရန်ရှောက်ထျန်းကနန်ထျန်ဓားနတ်ဘုရားကို ကယ် တင်ရန်သွားမည်ဖြစ်ကြောင်း သိသဖြင့်။</p> <p>“သခင်လေးရန်... ကျွန်တော့်ရဲ့အကူအညီလိုသလား။ လိုအပ်ရင် ကျွန်တော်တို့ မုမိသားစုက အချိန်မရွေးအသင့်ပါပဲ” ဟု ပြောလိုက်လေသည်။</p> <p>ကျွန်တော်တို့ မုမိသားစုက အချိန်မရွေး အသင့်ပါပဲ!</p> <p>ရန်ရှောက်ထျန်းက ကျေးဇူးတင်သောအားဖြင့် လက်ဖဝါးချင်းယှက်ကာ။</p> <p>“စီနီယာ့ကိုကျေးဇူးတင်ပါတယ်၊ ဒါပေမဲ့လောလောဆယ်တော့စီနီယာ့အကူအညီ မလို သေးပါဘူး။ ကူလွန်ဓားပြိုင်ပွဲရောက်တဲ့အခါကျမှ စီနီယာတို့ရဲ့အကူအညီကို ကျွန်တော်လိုအပ်ပါ လိမ့်မယ်” ဟု ပြောလိုက်သည်။</p> <p>ကျောက်ရုန်၏ အင်အားမှာကြီးမားလှပြီးသူ၏လက်အောက်တွင် အစွမ်းထက်သော ပညာရှင်များစွာရှိနေလေသည်။ ကူလွန်ဓားပြိုင်ပွဲမှာရန်ရှောက်ထျန်းအတွက် ယနေ့အထိအခက်ခဲ ဆုံး တိုက်ပွဲ ဖြစ်လာပေလိမ့်မည်။</p> <p>ထို့ကြောင့် ထိုအချိန်ကျမှသာ သူသည်မုမိသားစုနှင့်ဖန့်မိသားစုတို့၏ အကူအညီကို လိုအပ် လိမ့်မည်ဖြစ်လေသည်။</p> <p>သစ်ပင်တစ်ထောင်ဓားနတ်ဘုရားက ချက်ချင်းပင် သူ၏ရင်ဘတ်ကိုပုတ်ပြကာ။</p> <p>“သခင်လေး စိတ်ချပါ၊ ကူလွန်ဓားပြိုင်ပွဲမှာ ကျွန်တော်တို့ သေချာပေါက် ကူညီပါ့မယ်” ဟု ပြောလိုက်လေသည်။</p> <p>“ကောင်းပါပြီ”</p> <p>သစ်ပင်တစ်ထောင်ဓားနတ်ဘုရား၏ ရိုသေစွာပို့ဆောင်မှုအောက်တွင် ရန်ရှောက်ထျန်းနှင့် အခြားသူများမှာ ဟင်းလင်းပြင်ကို ဆုတ်ဖြဲကာထွက်ခွာသွားခဲ့ကြလေသည်။</p> <p>ဧကရာဇ်မြို့တော်မှ ထွက်ခွာလာပြီးနောက် ရန်ရှောက်ထျန်းသည် တွင်းနက်ဟင်းလင်းပြင် သင်္ဘောကို စိန့်အဆင့်ဝိညာဉ်ကျောက်တုံးများဖြင့်အပြည့်အဝအသက်သွင်းလိုက်ပြီး ရေနက်ဧက ရာဇ်နိုင်ငံဆီသို့ အရှိန်အကုန်မြှင့်ကာမောင်းနှင်ခဲ့လေသည်။</p> <p>၎င်းတင်မကသေးဘဲ သူသည်စိန့်အဆင့်ဝိညာဉ်ကျောက်တုံးနှစ်တုံးကို တစ်ပြိုင်နက်တည်း အသုံးပြုခဲ့လေသည်။</p> <p>ဒါက တွင်းနက်သင်္ဘော၏အမြန်ဆုံးအရှိန်ပင်ဖြစ်လေသည်၊ စိန့်အဆင့်ဝိညာဉ်ကျောက်တုံး သုံးလေးတုံးကို ထပ်သုံးလျှင်ပင်အရှိန်က ထပ်တိုးလာမည်မဟုတ်တော့ပေ။</p> <p>တွင်းနက်သင်္ဘောမှာ ဟင်းလင်းပြင်ကိုဆုတ်ဖြဲပြီး တိမ်တိုက်လွှာများကိုဖြတ်ကျော် နေခဲ့ လေသည်။ ၎င်း၏အရှိန်မှာကောင်းကင်နတ်ဘုရားအဆင့်အထွတ်အထိပ် ပညာရှင်များစွာထက်ပင် ပို၍ မြန်ဆန်နေခဲ့လေပြီ။</p> <p>သို့သော်လည်း ရန်ရှောက်ထျန်းကမူ နှေးလွန်းနေသည်ဟု ခံစားနေရဆဲ ဖြစ်လေသည်။</p> <p>သင်္ဘောဦးတွင် ရပ်နေရင်း သူကဟွန်ချွမ်တစ္ဆေဘုရင်ကို ရုတ်တရက်မေးလိုက်သည်။</p> <p>“စီနီယာ... စီနီယာ လူမသတ်ခဲ့တာ ဘယ်လောက်ကြာပြီလဲ”</p> <p>ရန်ရှောက်ထျန်း၏ စကားကဟွန်ချွမ်တစ္ဆေဘုရင်၏အတွင်း၌ နှစ်ပေါင်းများစွာအိပ်ပျော် နေသော ကြောက်မက်ဖွယ်ကောင်းသောသတ်ဖြတ်လိုစိတ်ကိုနိုးကြားစေခဲ့လေသည်။ ချက်ချင်း ဆိုသလိုပင်သူ၏နှလုံးသားအတွင်းမှလွှမ်းမိုးထားသောသတ်ဖြတ်လိုသည့် အရှိန်အဝါမှာကမ္ဘာပျက် ကပ်မှ ဧရာမလှိုင်းလုံးကြီးအလားကောင်းကင်နှင့်မြေကြီးကို လွှမ်းခြုံသွားခဲ့လေသည်။ သင်္ဘော၏ ဘေးပတ်လည်မှာ ချက်ချင်းပင်မှောင်မည်းသွားပြီးငရဲဘုံအတွင်းသို့ ကျရောက်သွားသလိုမျိုး ဖြစ် သွားခဲ့လေသည်။</p> <p>“အရမ်း... အရမ်းကို ကြာခဲ့ပါပြီ”</p> <p>ဟွန်ချွမ်တစ္ဆေဘုရင်၏ အသံမှာအရင်ကထက် ပို၍အေးစက်နေပြီး။</p> <p>“ဒီတစ်သက်မှာ ကျွန်တော်မျိုးကဂိုဏ်းချုပ်အတွက် နတ်ဘုရားအားလုံးကို သတ်ဖြတ် ပေးပါ့မယ်၊ ဂိုဏ်းချုပ်ကိုဆန့်ကျင်တဲ့သူမှန်သမျှကိုလည်း ခြေနင်းချေဖျက်ပေးပါ့မယ်”</p> <p>နတ်ဘုရားအားလုံးကို သတ်ဖြတ်မယ်။</p> <p>ဂိုဏ်းချုပ်ကို ဆန့်ကျင်တဲ့သူမှန်သမျှကို ခြေနင်းချေဖျက်မယ်။</p> <p>မိစ္ဆာတွေထဲက မိစ္ဆာဖြစ်တဲ့တိုက်တန်ဧရာမမိစ္ဆာပင်လျှင်ဟွန်ချွမ်တစ္ဆေဘုရင်၏ စကားကို ကြားလိုက်ရသဖြင့် ချမ်းတုန်သွားခဲ့လေသည်။</p> <p>ဝမ်ကျန့်တိုက်ကြီး၏ဆေးနတ်ဘုရားလေးဦးထဲမှတစ်ဦးဖြစ်သည့် ရှဲ့ဝူရှင်းပင်လျှင် ဟွန်ချွမ် တစ္ဆေဘုရင်နှင့် အနီးကပ်မနေရဲဘဲ ခြေလှမ်းအနည်းငယ်ဆုတ်လိုက်မိလေသည်။</p> <p>ဒီရက်ပိုင်းအတွင်းမှာ ဟွန်ချွမ်တစ္ဆေဘုရင်ကသူ၏ဒဏ်ရာများကို ကုသရန်အတွက် တံခါးပိတ်ကျင့်ကြံနေသဖြင့် လူမြင်ကွင်းသို့ထွက်လာခဲလှလေသည်။ သို့သော်လည်း သူပေါ်လာ တိုင်းတွင် တိုက်တန်ဧရာမမိစ္ဆာနှင့် ရှဲ့ဝူရှင်းတို့မှာ အလွန်တရာထိတ်လန့်နေခဲ့ကြရလေသည်။</p> <p>ဟွန်ချွမ်တစ္ဆေဘုရင်၏ရှေ့တွင်ဆိုလျှင် သူတို့နှစ်ဦးစလုံးမှာတွင်းနက်ထဲက သေမင်းနှင့် ရင်ဆိုင်နေရသလိုမျိုး အမြဲတမ်းခံစားနေရလေသည်။</p> <p>“စီနီယာ့ရဲ့ ဒဏ်ရာတွေ ဘယ်လိုလဲ”</p> <p>ရန်ရှောက်ထျန်းက စိုးရိမ်တကြီး မေးလိုက်သည်။</p> <p>“ဂိုဏ်းချုပ် စိတ်ချပါ၊ လုံးဝနီးပါးသက်သာသွားပါပြီ။ ပြိုင်ဘက်ကင်း ဓားနတ်ဘုရားတစ်ပါး ကို သတ်ဖို့ဆိုတာက ပြဿနာမရှိပါဘူး”</p> <p>ဟွန်ချွမ်တစ္ဆေဘုရင်က ရိုသေစွာ ပြောလိုက်လေသည်။</p> <p>တိုက်တန်ဧရာမမိစ္ဆာနှင့် ရှဲ့ဝူရှင်းတို့မှာ ဤသည်ကိုကြားလိုက်ရသဖြင့် မှင်တက်သွားခဲ့ကြ လေသည်။</p> <p>အဘယ်ကြောင့်ဆိုသော် ဟွန်ချွမ်တစ္ဆေဘုရင်က‘ပြိုင်ဘက်ကင်း ဓားနတ်ဘုရား’ အကြောင်းကို ပြောလိုက်သောကြောင့်ပင်ဖြစ်လေသည်။</p> <p>သာမန် ဓားနတ်ဘုရားတစ်ပါး မဟုတ်ပေ။</p> <p>ဓားနတ်ဘုရား အဆင့်သတ်မှတ်ချက်တွင်ထိပ်တန်းအယောက်သုံးဆယ်အတွင်း ပါဝင်သူ များကိုသာ ပြိုင်ဘက်ကင်းဓားနတ်ဘုရားဟု ခေါ်ဆိုခြင်း ဖြစ်လေသည်။</p> <p>ရန်ရှောက်ထျန်းကမူ ဤသည်ကိုအံ့ဩခြင်းမရှိပေ။ တိုက်တန်ဧရာမမိစ္ဆာနှင့် ရှဲ့ဝူရှင်းတို့မှာ ဟွန်ချွမ်တစ္ဆေဘုရင်၏ မည်သူမည်ဝါဖြစ်ကြောင်းကို မသိကြသော်လည်း သူကမူသိလေသည်။</p> <p>သို့သော်လည်း ရှေးဟောင်းမိစ္ဆာကြီးဖြစ်သည့် ဟွန်ချွမ်တစ္ဆေဘုရင်ရှိနေလျှင်ပင် ရန်ရှောက် ထျန်းကသူ၏လက်ရှိအင်အားမှာ အလွန်တရာအားနည်းနေသေးသည်ဟုခံစားနေရဆဲ ဖြစ်လေ သည်။</p> <p>သူ့ဘေးက ဒီလောက်အင်အားနဲ့ဆိုရင် မုမိသားစုနဲ့ဖန့်မိသားစုတို့ ပေါင်းရင်တောင်မှ ကျောက် ရုန်နဲ့ သူ့ရဲ့ လက်အောက်က ပညာရှင်တွေကိုယှဉ်နိုင်ဖို့ မသေချာလှပေ။</p> <p>ကျောက်ရုန်၏လက်အောက်တွင် အကြီးမြတ်ဆုံးဓားနတ်ဘုရားခြောက်ဦးသာ ရှိသည် မဟုတ်ပေ။</p> <p>အကြီးမြတ်ဆုံးဓားနတ်ဘုရားခြောက်ဦးနှင့် နေလစိန့်ဘုရင်တို့အပြင် ဂိုဏ်းအသီးသီးမှ အလွန်တရာ အစွမ်းထက်သော ဘိုးဘေးများစွာလည်းရှိနေသေးလေသည်။</p> <p>မကြာသေးမီက ကျောက်ရုန်သည် သူ၏အင်အားကိုချဲ့ထွင်နေခဲ့ပြီး ဂိုဏ်းများနှင့်မိသားစု အသီးသီးမှ ဘိုးဘေးများကိုစည်းရုံးနေခဲ့လေသည်။</p> <p>သူသည် လူမြင်ကွင်းမှပျောက်ကွယ်နေသော အဘိုးကြီးမိစ္ဆာကောင်များကိုပင် စည်းရုံးနိုင် ခဲ့လေသည်။</p> <p>ထိုမိစ္ဆာကောင်ကြီးများ၏အစွမ်းမှာ ပြိုင်ဘက်ကင်း ဓားနတ်ဘုရားအချို့ထက်ပင်မနိမ့်ကျလှ ပေ။</p> <p>ရန်ရှောက်ထျန်းက သူ၏အင်အားကိုဘယ်လိုမျိုးထပ်ပြီး တိုးမြှင့်ရမလဲဆိုတာကို တွေးနေစဉ် မှာပင် ဟွန်ချွမ်တစ္ဆေဘုရင်က ရုတ်တရက်ပြောလိုက်သည်။</p> <p>“ဂိုဏ်းချုပ်... အဘိုးကြီးဟန်က ကျွန်တော့်လိုပဲအသက်ရှင်နေသေးတယ်”</p> <p>“ဘာ”</p> <p>ရန်ရှောက်ထျန်း ဤသည်ကို ကြားလိုက်ရသဖြင့် အံ့အားသင့်စွာအော်ဟစ်လိုက်လေသည်။</p> <p>ဟွန်ချွမ်တစ္ဆေဘုရင် ပြောသော ‘အဘိုးကြီးဟန်’ မှာ ကောင်းကင်တုန်ဟိန်းဓားနတ်ဘုရား ကို ဆိုလိုခြင်းဖြစ်ကြောင်း သူသိလေသည်။</p> <p>ကောင်းကင်တုန်ဟိန်းဓားနတ်ဘုရားမှာ ထိုစဉ်ကချန်ဆန်းတိုက်ကြီး၏ နံပါတ်တစ်ဓားနတ် ဘုရားဖြစ်လေသည်။</p> <p>သူနှင့် ဟွန်ချွမ်တစ္ဆေဘုရင်တို့မှာ ထိုစဉ်ကဟွန်ချွမ်မိစ္ဆာဂိုဏ်း၏ အစွမ်းအထက်ဆုံး ပညာရှင် နှစ်ဦး ဖြစ်ခဲ့လေသည်။</p> <p>အခုတော့ ဟွန်ချွမ်တစ္ဆေဘုရင်က ကောင်းကင်တုန်ဟိန်းဓားနတ်ဘုရား အသက်ရှင်နေသေး တယ်လို့ ပြောနေတာလား။</p> <p>ဟွန်ချွမ်တစ္ဆေဘုရင်၏ အမူအရာမရှိသောမျက်နှာတွင် စိတ်လှုပ်ရှားမှုအချို့ပေါ်ထွက်လာ ပြီး။</p> <p>“အဘိုးကြီးဟန်က အဲဒီတုန်းကမသေခဲ့ပါဘူး။ အဲဒီအစား သူကရန်သူတွေရဲ့ပြင်းပြင်း ထန်ထန်ဒဏ်ရာပေးတာကို ခံခဲ့ရပြီး ကံကြမ္မာနတ်ဘုရားနန်းတော်ထဲမှာ ချိပ်ပိတ်ခံခဲ့ရတာပါ”</p> <p>“ကံကြမ္မာနတ်ဘုရားနန်းတော် ဟုတ်လား”</p> <p>ရန်ရှောက်ထျန်း အံ့အားသင့်သွားခဲ့လေသည်။</p> <p>“ဟုတ်ပါတယ်၊ ကံကြမ္မာနတ်ဘုရားနန်းတော်ပါပဲ”</p> <p>ဟွန်ချွမ်တစ္ဆေဘုရင်က ခေါင်းငြိမ့်ပြကာ။</p> <p>“ဒါပေမဲ့ အဲဒီချိပ်ပိတ်မှုကိုဖျက်ဆီးပြီး အဘိုးကြီးဟန်ကိုကယ်တင်ဖို့ဆိုရင် ထာဝရနတ် ဘုရားခန္ဓာကိုယ်ရဲ့ အချိန်စွမ်းအားကိုအသုံးပြုရမှာပါ”</p> <p>ဒါကြောင့်ပဲ သူသည်ထာဝရနတ်ဘုရားခန္ဓာကိုယ်ကို နှစ်ပေါင်းများစွာကြာအောင် ရှာဖွေနေခဲ့ ခြင်း ဖြစ်လေသည်။</p> <p>ရန်ရှောက်ထျန်းမှာ အမှန်တကယ်ပင်အံ့အားသင့်သွားခဲ့လေသည်။ ဟွန်ချွမ်မိစ္ဆာဂိုဏ်း၏ ကောင်းကင်တုန်ဟိန်းဓားနတ်ဘုရားမှာ မသေသေးဘဲကံကြမ္မာနတ်ဘုရားနန်းတော်ထဲမှာ တစ်စုံတစ် ယောက်ရဲ့ ချိပ်ပိတ်တာကို ခံထားရလိမ့်မယ်လို့ သူ မထင်ထားခဲ့ပေ။</p> <p>သူက စဉ်းစားရင်း။</p> <p>“ဒါပေမဲ့ ကံကြမ္မာနတ်ဘုရားကျွန်းနဲ့ကံကြမ္မာနတ်ဘုရားနန်းတော်က နောက်ထပ် ဆယ်နှစ် ကြာမှ ထပ်ပြီးပွင့်မှာလေ”</p> <p>သူ့မှာ ထာဝရနတ်ဘုရားခန္ဓာကိုယ်ရှိနေလျှင်ပင် ကောင်းကင်တုန်ဟိန်းဓားနတ်ဘုရားကို မကယ်တင်နိုင်သေးပေ။</p> <p>လောလောဆယ်တွင် သူသည် ကံကြမ္မာနတ်ဘုရားနန်းတော်ထဲသို့ လုံးဝ မဝင်နိုင်ပေ။</p> <p>ဟွန်ချွမ်တစ္ဆေဘုရင်ကမူ ပြောလိုက်သည်။</p> <p>“အကယ်၍ ဂိုဏ်းချုပ်မှာ ကံကြမ္မာနတ်ဘုရားကျင့်စဉ်ရှိမယ်ဆိုရင် ကံကြမ္မာနတ်ဘုရား ကျွန်းရဲ့ တားမြစ်ချက်ကိုဖွင့်ပြီး ကံကြမ္မာနတ်ဘုရားနန်းတော်ထဲကို ဝင်နိုင်ပါလိမ့်မယ်”</p> <p>“ကံကြမ္မာနတ်ဘုရားကျင့်စဉ် ဟုတ်လား”</p> <p>ရန်ရှောက်ထျန်း မှင်တက်သွားခဲ့လေသည်။</p> <p>“ဟုတ်ပါတယ်၊ ကံကြမ္မာနတ်ဘုရားကျင့်စဉ်ပါပဲ”</p> <p>ဟွန်ချွမ်တစ္ဆေဘုရင်က ခေါင်းငြိမ့်ပြကာ။</p> <p>“ဂိုဏ်းချုပ်က ကံကြမ္မာနတ်ဘုရားကျင့်စဉ်ကိုကျင့်ကြံနိုင်သရွေ့တော့ ကံကြမ္မာနတ်ဘုရား နန်းတော်ထဲကို အချိန်မရွေးဝင်နိုင်ပါတယ်”</p> <p>ရန်ရှောက်ထျန်း၏ မျက်လုံးများမှာ လှုပ်ရှားသွားခဲ့လေသည်။</p> <p>ကံကြမ္မာနတ်ဘုရားကျင့်စဉ်ကိုကျင့်ကြံဖို့ဆိုရင် သူသည်အချိန်အဘိုးကြီးကို ရှာရပေလိမ့် မည်။</p> <p>ကျောက်ရုန်သည် ကံကြမ္မာနတ်ဘုရားကျင့်စဉ်ကိုသိနေသဖြင့် အချိန်အဘိုးကြီးမှာ သူ၏ လက်ထဲတွင် ရှိနေရမည်ဖြစ်လေသည်။</p> <p>“စီနီယာဝူရှင်း... စီနီယာတို့က ထုန်းထျန်းနတ်ဘုရားဂိုဏ်းနဲ့ရင်းနှီးသလား။ ထုန်းထျန်းနတ် ဘုရားဂိုဏ်းရဲ့ အခြေအနေကိုပြောပြပါဦး”</p> <p>ရန်ရှောက်ထျန်းက ပြောလိုက်သည်။</p> <p>ရှဲ့ဝူရှင်းနှင့် တိုက်တန်ဧရာမမိစ္ဆာတို့သည် သူတို့သိသမျှအရာအားလုံးကို ရန်ရှောက်ထျန်း အား ချက်ချင်းပြောပြလိုက်ကြလေသည်။</p> <p>တိုက်တန်ဧရာမမိစ္ဆာက ထုန်းထျန်းနတ်ဘုရားဂိုဏ်းတွင်ပြိုင်ဘက်ကင်း ပညာရှင်များစွာကို အကျဉ်းချထားသည့် ဧရာမအကျဉ်းထောင်ကြီးတစ်ခုရှိကြောင်းပြောလိုက်သောအခါ ရန်ရှောက် ထျန်း စိတ်ဝင်စားသွားပြီး။</p> <p>“ဧရာမအကျဉ်းထောင်ကြီး ဟုတ်လား” ဟု မေးလိုက်လေသည်။</p> <p>“ဟုတ်ပါတယ်၊ အဲဒီအကျဉ်းထောင်ကို ‘ပျက်သုဉ်းခြင်းအကျဉ်းထောင်’ လို့ ခေါ်ပါတယ်။ အဲဒါက ထုန်းထျန်းနတ်ဘုရားဂိုဏ်း ဌာနချုပ်နဲ့မလှမ်းမကမ်းမှာရှိတဲ့ ဧရာမကျွန်းကြီးတစ်ကျွန်း ပေါ်မှာ ရှိတာပါ။ ကျွန်းတစ်ခုလုံးက ပျက်သုဉ်းခြင်းအကျဉ်းထောင်ပါပဲ”</p> <p>တိုက်တန်ဧရာမမိစ္ဆာ၏ မျက်နှာအမူအရာမှာ ပြောရင်းနှင့် ပြောင်းလဲသွားကာ။</p> <p>“ပျက်သုဉ်းခြင်းကျွန်းပေါ်မှာ ထုန်းထျန်းနတ်ဘုရားဂိုဏ်းကရှေးဟောင်းပညာရှင် အများ အပြား စောင့်ကြပ်နေကြတာပါ”</p> <p>“ပျက်သုဉ်းခြင်းကျွန်းမှာ တစ်ခါအကျဉ်းချခံလိုက်ရရင် အသက်ရှင်လျက်နဲ့ပြန်ထွက်လာဖို့ ဆိုတာက မဖြစ်နိုင်သလောက်ပါပဲ။ ဘယ်သူမှလည်းအဲဒီကျွန်းကိုမကျူးကျော်နိုင်ကြဘူး။ အထဲက လူတစ်ယောက်ကို ကယ်တင်ဖို့ဆိုတာက လုံးဝကို မဖြစ်နိုင်တဲ့ကိစ္စပါ”</p> <p>ရန်ရှောက်ထျန်း၏ မျက်လုံးများမှာ လှုပ်ရှားသွားခဲ့လေသည်။</p> <p>အချိန်အဘိုးကြီးမှာ ပျက်သုဉ်းခြင်းကျွန်းမှာ အကျဉ်းချခံထားရလိမ့်မည်ဟု သူ ခံစားနေရလေ သည်။</p> <p>အချိန်အဘိုးကြီးမှာ နှစ်ပေါင်းတစ်သိန်းကြာအောင်ပေါ်မလာခဲ့ခြင်းမှာ သူကအပုန်းအောင်း နေခဲ့ခြင်းကြောင့်မဟုတ်ဘဲ ပျက်သုဉ်းခြင်းကျွန်းမှာ အကျဉ်းချခံထားရခြင်းကြောင့်ဖြစ်ပေလိမ့်မည်။</p> <p>ထို့ကြောင့် နန်ထျန်ဓားနတ်ဘုရားကိစ္စပြီးသွားသည်နှင့် သူသည်ပျက်သုဉ်းခြင်းကျွန်းကို သွား ချင်နေခြင်းဖြစ်လေသည်။</p> <p>တွင်းနက်သင်္ဘော၏အရှိန်နှင့်ဆိုလျှင် ရေနက်ဧကရာဇ်နိုင်ငံသို့ရောက်ရန် နှစ်ရက်ခန့်ကြာဦး မည်ဖြစ်လေသည်။ ထို့ကြောင့်ဤနှစ်ရက်အတွင်းမှာ ရန်ရှောက်ထျန်းအနားမနေဘဲ ကောင်းကင်ဧက ရာဇ်ဆေးလုံးများကိုသုံးစွဲကာကျင့်ကြံနေခဲ့ပြီး သူ၏နတ်ဘုရားပင်လယ်စွမ်းအားများကို တိုးမြှင့်နေခဲ့ လေသည်။</p> <p>နှစ်ရက်အကြာတွင် ရေနက်ဧကရာဇ်နိုင်ငံသို့ နောက်ဆုံးတွင်ရောက်ရှိလာခဲ့လေပြီ။</p> <p> </p> <p> </p> <p> </p> <p style="text-align:center">***</p>


Save