Book List

<h2 style="text-align: center;">အခန်း (၅၅၉)</h2> <h2 style="text-align: center;">သူတို့အားလုံးကို သတ်ပစ်လိုက်</h2> <h2 style="text-align: center;">*</h2> <p> </p> <p> </p> <p>ဤအခိုက်အတန့်တွင် ရေနက်ဧကရာဇ်နိုင်ငံ၏မြောက်ဘက်ပိုင်းရှိကျယ်ပြန့်လှသော တောင် တန်းကြီးများကြားတွင် နန်ထျန်ဓားနတ်ဘုရားကျန့်လင်းသည် အရှိန်အဟုန်မြှင့်ကာ ရှေ့သို့ ပျံသန်းနေ ခဲ့လေသည်။</p> <p>သို့သော်လည်း သူ၏ရင်ဘတ်မှာလွန်ခဲ့သောရက်ပိုင်းက နေလစိန့်ဘုရင်နှင့်ဟင်းလင်းပြင် ဓားနတ်ဘုရားတို့၏ထိုးဖောက်ခြင်းကိုခံခဲ့ရပြီး သူသည် ရက်ပေါင်းများစွာကြာအောင် လိုက်လံတိုက် ခိုက်ခံခဲ့ရသဖြင့် သူ၏ဒဏ်ရာများမှာပို၍ဆိုးရွားလာခဲ့ကာ သူ၏အရှိန်မှာလည်းတဖြည်းဖြည်းနှင့် နှေးကွေးလာခဲ့လေသည်။</p> <p>သူ၏နောက်တွင်မူ နေလစိန့်ဘုရင်၊ ဟင်းလင်းပြင်ဓားနတ်ဘုရား၊ ဂလက်ဆီဓားနတ်ဘုရား၊ ချောက်နက်မိစ္ဆာဂိုဏ်းမှဘိုးဘေး၊ ချောက်နက်မိစ္ဆာအရှင်သခင်၊ ကမ္ဘာမြေဘဏ္ဍာဗုဒ္ဓဂိုဏ်းမှ ဗုဒ္ဓအရှင် နှင့် အခြားသောပညာရှင်များစွာမှာ အသေအလဲလိုက်လံတိုက်ခိုက်နေကြလေသည်။</p> <p>နေလစိန့်ဘုရင်က ထွက်ပြေးနေသောနန်ထျန်ဓားနတ်ဘုရားကိုကြည့်ကာ အေးစက်စွာရယ် မောလိုက်ပြီး။</p> <p>“နန်ထျန်... မင်း မပြေးနိုင်တော့ပါဘူး။ အဲဒီပစ္စည်းကိုပေးလိုက်စမ်း။ ဒီလိုလုပ်ကြတာပေါ့၊ မင်း အဲဒီပစ္စည်းကိုပေးမယ်ဆိုရင် မင်းကိုအလောင်းမပျက်ဘဲ သေခွင့်ပေးပါ့မယ်”</p> <p>နေလစိန့်ဘုရင်၏အသံမှာ တစ္ဆေတစ်ကောင်၏လေတိုးသံအလား နန်ထျန်ဓားနတ်ဘုရား ကျန့်လင်း၏နားအတွင်းသို့ အဆက်မပြတ်စီးဝင်နေခဲ့လေသည်။</p> <p>နန်ထျန်ဓားနတ်ဘုရား၏ အမြင်အာရုံများမှာ ဝေဝါးလာခဲ့လေသည်။</p> <p>နေလစိန့်ဘုရင်နှင့် အခြားသူများမှာ ပို၍ ပို၍နီးကပ်လာခဲ့လေပြီ။</p> <p>ခဏအကြာတွင် နေလစိန့်ဘုရင်သည်ရှေ့မလှမ်းမကမ်းတွင်ရှိသော နန်ထျန်ဓားနတ်ဘုရား ကိုကြည့်ကာ သူ၏ဓားကိုဝှေ့ယမ်းလိုက်ရာ ချက်ချင်းဆိုသလိုပင်သက်တန့်အလားဓားချီပေါင်း ထောင်သောင်းချီမှာ နန်ထျန်ဓားနတ်ဘုရား၏ကျောပြင်ဆီသို့ အကုန်လုံးကျရောက်သွားခဲ့လေ သည်။</p> <p>နန်ထျန်ဓားနတ်ဘုရားမှာလွင့်ထွက်သွားပြီး ရှေ့ရှိတောင်ထိပ်ပေါ်သို့ ကျရောက်သွားခဲ့လေ သည်။</p> <p>ကျောက်တုံးများမှာ မြေကြီးပေါ်သို့ ပြန့်ကျဲသွားခဲ့လေသည်။</p> <p>နေလစိန့်ဘုရင်နှင့် အခြားသူများမှာဒီရေအလားရှေ့သို့တိုးလာခဲ့ကြပြီး နန်ထျန်ဓားနတ် ဘုရားကို လုံးဝဝိုင်းရံထားလိုက်ကြလေသည်။</p> <p>သွေးများဖြင့်ပြည့်နှက်နေပြီး သနားစရာကောင်းလှသောနန်ထျန်ဓားနတ်ဘုရားကို ကြည့် ကာ နေလစိန့်ဘုရင်ကခေါင်းခါပြကာ။</p> <p>“နှမြောစရာပဲ။ ပြိုင်ဘက်ကင်းဓားနတ်ဘုရားတစ်ပါးက ဒီနေ့ဒီနေရာမှာမြေမြှုပ်ခံရတော့ မယ်ပေါ့”</p> <p>သို့သော်လည်း သူ၏မျက်လုံးများမှာအေးစက်နေပြီး သနားညှာတာမှုတစ်စုံတစ်ရာမျှမရှိပေ။</p> <p>နန်ထျန်ဓားနတ်ဘုရားသည် သူတို့ရှေ့ရှိပညာရှင်ရာပေါင်းများစွာကို တစ်ချက်ကြည့်လိုက် ပြီးနောက်မော့ကြည့်ကာရယ်မောလိုက်လေသည်။ သူသည်နေလစိန့်ဘုရင်ကို စူးစူးဝါးဝါးစိုက် ကြည့်လိုက်ပြီး။</p> <p>“နေလ... ငါ ဒီနေ့ သေရင်တောင်မှ မင်းကိုပါငါနဲ့အတူဆွဲခေါ်သွားဦးမှာပါ”</p> <p>နေလစိန့်ဘုရင်က အားရပါးရရယ်မောလိုက်ပြီး သူ၏မျက်လုံးများမှာမထီမဲ့မြင်ပြုမှုများ ဖြင့် ပြည့်နှက်နေကာ။</p> <p>“မင်းရဲ့ လက်ရှိအခြေအနေနဲ့ ငါ့ကိုသတ်ချင်တာလား။ မင်းအခုကြက်တစ်ကောင် ကို တောင် သတ်နိုင်မှာမဟုတ်ပါဘူး”</p> <p>ပတ်ဝန်းကျင်ရှိ လူအုပ်ကြီးမှာလည်း လှောင်ပြောင်ရယ်မောလိုက်ကြလေသည်။</p> <p>လူတိုင်း ရယ်မောနေစဉ်မှာပင် ရုတ်တရက်နန်ထျန်ဓားနတ်ဘုရားက ဓားတစ်ချက်ထုတ် လိုက်ရာ အလွန်တရာမြန်ဆန်လှသောဓားချီတစ်ခုမှာ နေလစိန့်ဘုရင်ဆီသို့ ချက်ချင်းပြေးဝင်သွားခဲ့ လေသည်။</p> <p>နေလစိန့်ဘုရင်ထိတ်လန့်သွားပြီး အလန့်တကြား ရှောင်တိမ်းလိုက်လေသည်။</p> <p>ထိုသို့ဆိုလျှင်ပင် သူ၏လည်ပတ်မှာအေးစက်မှုကိုခံစားလိုက်ရပြီး သူ၏လည်ပတ်ပေါ်တွင် ထင်ရှားလှသော ဓားဒဏ်ရာတစ်ခုပေါ်လာခဲ့လေသည်။</p> <p>နေလစိန့်ဘုရင်မှာ ထိတ်လန့်တကြားနှင့် အမျက်ထွက်သွားခဲ့လေသည်။</p> <p>နန်ထျန်ဓားနတ်ဘုရားက သူ၏နောက်ဆုံးထွက်သက်မှာတောင်မှ ဤမျှအထိတိုက်ခိုက်နိုင် စွမ်း ရှိနေလိမ့်မည်ဟု သူ မထင်ထားခဲ့ပေ။</p> <p>သူသည် သူ၏လည်ပတ်ပေါ်ရှိသွေးစွန်းနေသောဒဏ်ရာကိုထိလိုက်ပြီး သူ၏မျက်နှာမှာ မည်းမှောင်သွားကာ အမျက်ထွက်စွာဖြင့်အမိန့်ပေးလိုက်လေသည်။</p> <p>“သူ့ကို ဓားချက်ပေါင်း ထောင်ချီနဲ့ တစ်စစီခုတ်ဖြတ်ပစ်လိုက်ကြ”</p> <p>ဓားချက်ပေါင်း ထောင်ချီနဲ့ တစ်စစီခုတ်ဖြတ်မယ်။</p> <p>ဓားလမ်းစဉ်ပညာရှင်တစ်ဦးအတွက်ဆိုလျှင် ဤသည်မှာအလွန်တရာ ရက်စက်လှသော သတ်ဖြတ်မှုတစ်ခုဖြစ်လေသည်။</p> <p>ချက်ချင်းပင် ဟင်းလင်းပြင်ဓားနတ်ဘုရား၊ ဂလက်ဆီဓားနတ်ဘုရား၊ ချောက်နက်မိစ္ဆာ အရှင်သခင်၊ ကမ္ဘာမြေဘဏ္ဍာဗုဒ္ဓအရှင်နှင့် အခြားသောပညာရှင်များစွာမှာ သူတို့၏ဓားများကို တစ်ပြိုင်နက်တည်း ဆွဲထုတ်လိုက်ကြလေသည်။</p> <p>ဟင်းလင်းပြင်ဓားနတ်ဘုရား၊ ဂလက်ဆီဓားနတ်ဘုရားနှင့် အခြားသူများမှာအားလုံး ထိပ်တန်းပညာရှင်များဖြစ်ကြလေသည်။ ပညာရှင်ရာပေါင်းများစွာကတစ်ပြိုင်နက်တည်း တိုက်ခိုက် လာလျှင်ပြင်းထန်လှသောဒဏ်ရာများရနေသည့် နန်ထျန်ဓားနတ်ဘုရားတင်မကဘဲ နန်ထျန်ဓားနတ် ဘုရား သူ၏အကောင်းဆုံးအခြေအနေမှာ ရှိနေလျှင်ပင် ခံနိုင်ရည်ရှိလိမ့်မည်မဟုတ်ပေ။</p> <p>သူ့ကို လွှမ်းခြုံထားသောဖျက်ဆီးခြင်းဓားချီများကိုကြည့်ကာ နန်ထျန်ဓားနတ်ဘုရား၏ မျက်လုံးများမှာ အေးစက်နေခဲ့လေသည်။ သူသေရင်တောင်မှလူအနည်းငယ်ကိုတော့ သူနဲ့အတူ ဆွဲခေါ်သွားရမည်ဖြစ်လေသည်။ သူသည်သူ၏နောက်ဆုံးနှင့်အစွမ်းအထက်ဆုံးဓားချက်ကို အသေ အလဲထုတ်ရန်ပြင်လိုက်စဉ်မှာပင် ရုတ်တရက်ဝေးကွာလှသောကောင်းကင်ယံမှ ကြောက်မက်ဖွယ် ကောင်းသော ချီစွမ်းအားတစ်ခုထွက်ပေါ်လာခဲ့လေသည်။</p> <p>လူတိုင်း မော့ကြည့်လိုက်ရာဓားချီများမှာလှိမ့်ဝင်လာပြီး မရေမတွက်နိုင်သောတစ္ဆေချီများ မှာ ကောင်းကင်နှင့်မြေကြီးကိုလွှမ်းခြုံသွားခဲ့လေသည်။ ဓားချီများဖြတ်သန်းသွားသောနေရာတိုင်း တွင် အမှောင်ထုများကျရောက်လာပြီး ကမ္ဘာကြီးမှာတစ္ဆေငရဲဘုံအတွင်းသို့ ကျရောက်သွားသလိုမျိုး ဖြစ်နေခဲ့လေသည်။</p> <p>“ဘုန်း…”</p> <p>ခဏအတွင်းမှာပင် ထိုကြောက်မက်ဖွယ်ကောင်းသောဓားချီမှာ လူတိုင်း၏ရှေ့တွင်ပေါက်ကွဲ သွားခဲ့လေသည်။ ဟင်းလင်းပြင်ဓားနတ်ဘုရားနှင့် အခြားသောပညာရှင်ရာပေါင်းများစွာ၏ဓားချီ များမှာ ဤဓားချီကြောင့် လုံးဝပျက်စီးသွားခဲ့ရတော့သည်။</p> <p>မြေကြီးမှာ တုန်ခါသွားခဲ့လေသည်။</p> <p>လူတိုင်းမှာ သူတို့၏ခန္ဓာကိုယ်အတွင်းမှအေးစက်မှုကို ခံစားလိုက်ရလေသည်။</p> <p>နေလစိန့်ဘုရင်နှင့် အခြားသူများမှာအံ့အားသင့်စွာကြည့်လိုက်ရာ မြေကြီးပေါ်တွင် ဘယ် အချိန်ကတည်းကရောက်နေမှန်းမသိသောဓားတစ်စင်းကိုမြင်တွေ့လိုက်ရလေသည်။ ထိုဓားမှာလုံးဝ မှောင်မည်းနေပြီးမရေမတွက်နိုင်သောတစ္ဆေဝိညာဉ်များစုစည်းနေခဲ့လေသည်။</p> <p> ဓားကမြေကြီးပေါ်သို့ ကျရောက်သွားသောအခါမရေမတွက်နိုင်သော တစ္ဆေများမှာဟိန်း ဟောက်ထွက်ပေါ်လာသဖြင့် လူတိုင်းမှာအလန့်တကြားနှင့်အနောက်သို့ ဆုတ်ခွာလိုက်ကြရလေ သည်။</p> <p>ဓားတစ်ချက်တည်းနှင့်တင် ဟင်းလင်းပြင်ဓားနတ်ဘုရားနှင့်အခြားသောပညာရှင်ရာပေါင်း များစွာ၏ ဓားချီများကိုရိုက်ခွဲလိုက်နိုင်သည်တဲ့လား။</p> <p>ဤဓားချက်၏ စွမ်းအားမှာ စိတ်ကူးပင်ယဉ်ကြည့်၍ မရနိုင်လောက်အောင်ဖြစ်လေသည်။</p> <p>ဤဓားချက်ကို ထုတ်လိုက်သောသူ၏အစွမ်းမှာ အလွန်တရာကြောက်မက်ဖွယ် ကောင်းလှ ပေသည်။</p> <p>နေလစိန့်ဘုရင်နှင့်အခြားသူများမှာ အံ့အားသင့်စွာကြည့်နေကြစဉ် ဝေးကွာလှသောကောင်း ကင်ယံမှလူပုံရိပ်အချို့ လျှောက်လှမ်းလာသည်ကို မြင်တွေ့လိုက်ရလေသည်။</p> <p>ရှေ့ဆုံးမှဦးဆောင်လာသူမှာ အပြာရောင်ဝတ်စုံကိုဝတ်ဆင်ထားသည့် လူငယ်လေးတစ်ဦး ဖြစ်လေသည်။</p> <p>လူငယ်လေး၏နောက်တွင်မူ လူသန်ကြီးတစ်ဦးနှင့်ပိန်လှီလှသောအဘိုးကြီး နှစ်ယောက် ပါဝင်လေသည်။</p> <p>“တိုက်တန်ဧရာမမိစ္ဆာ”</p> <p>ချောက်နက်မိစ္ဆာအရှင်သခင်သည် ရန်ရှောက်ထျန်း၏နောက်ကွယ်ရှိ တိုက်တန်ဧရာမမိစ္ဆာကို ချက်ချင်း မှတ်မိသွားခဲ့လေသည်။</p> <p>တိုက်တန်ဧရာမမိစ္ဆာဖြစ်ကြောင်း ကြားလိုက်ရသောအခါ လူအများအပြား၏မျက်နှာအမူ အရာများမှာ ပြောင်းလဲသွားကြတော့သည်။</p> <p>ဘာပဲဖြစ်ဖြစ် တိုက်တန်ဧရာမမိစ္ဆာ၏ မိစ္ဆာနာမည်မှာ ကျော်ကြားလှပေသည်။ ဟင်းလင်းပြင် ဓားနတ်ဘုရားနှင့် ဂလက်ဆီဓားနတ်ဘုရားတို့ပင်လျှင်တိုက်တန်ဧရာမမိစ္ဆာကို မြင်သောအခါ သူတို့၏မျက်နှာအမူအရာများမှာ အနည်းငယ်ပြောင်းလဲသွားကြလေသည်။</p> <p>နေလစိန့်ဘုရင်ကမူ ရန်ရှောက်ထျန်းကို စိုက်ကြည့်လိုက်ပြီး။</p> <p>“ဟွန်ချွမ်ဘိုးဘေးရဲ့ ဆက်ခံသူ”</p> <p>“ဘာ... ဟွန်ချွမ်ဘိုးဘေးရဲ့ ဆက်ခံသူ ဟုတ်လား”</p> <p>“ကံကြမ္မာနတ်ဘုရားသစ်ပင်က ဒီလူငယ်လေးရဲ့ အပေါ်မှာ ရှိနေတာပေါ့”</p> <p>ချက်ချင်းဆိုသလိုပင် ရောက်ရှိနေသူများအားလုံးမှာ ရန်ရှောက်ထျန်းကို စိုက်ကြည့်လိုက် ကြ ပြီး သူတို့၏မျက်လုံးများမှာ လောဘများဖြင့်တောက်ပနေခဲ့လေသည်။</p> <p>နန်ထျန်ဓားနတ်ဘုရားသည် ရန်ရှောက်ထျန်းရောက်လာသည်ကိုမြင်သောအခါ အံ့အားသင့် သွားပြီးနောက် ဝမ်းမြောက်ဝမ်းသာဖြစ်သွားခဲ့လေသည်။ ရန်ရှောက်ထျန်းမှာ ဟွန်ချွမ်ဘိုးဘေး၏ ဆက်ခံသူဖြစ်ကြောင်းကြားလိုက်ရသောအခါ သူ၏တစ်ကိုယ်လုံးတုန်ယင်သွားခဲ့လေသည်။ ညီလေး ရန်က ဟွန်ချွမ်ဘိုးဘေးရဲ့ ဆက်ခံသူဖြစ်နေတာပဲ။</p> <p>မျက်တောင်တစ်ခတ်အတွင်းမှာပင် ရန်ရှောက်ထျန်းနှင့် သူ၏နောက်လိုက်များမှာ လူတိုင်း၏ ရှေ့သို့ ရောက်ရှိလာခဲ့ကြလေသည်။</p> <p>“ဒါဆိုရင် ကံကြမ္မာနတ်ဘုရားတောင်တန်းပေါ်ကိုတက်လှမ်းခဲ့တဲ့ ရန်ရှောက်ထျန်းက ဟွန်ချွမ်ဘိုးဘေးရဲ့ ဆက်ခံသူပဲပေါ့”</p> <p>နန်ထျန်ဓားနတ်ဘုရားက ရန်ရှောက်ထျန်းကိုကြည့်ကာစိတ်လှုပ်ရှားစွာဖြင့် ပြုံးလျက်ပြော လိုက်သည်။</p> <p>ရန်ရှောက်ထျန်းက သွေးများဖြင့်ပြည့်နှက်နေသော်လည်းပြုံးပြနေသေးသည့် နန်ထျန်ဓား နတ်ဘုရားကိုကြည့်ကာခေါင်းခါပြကာပြုံးလိုက်လေသည်။ သူသည်ခြောက်ထပ်မြောက် ကောင်း ကင်ဘေးဒုက္ခမိုးကြိုးရေကိုထုတ်ယူလိုက်ပြီး နန်ထျန်ဓားနတ်ဘုရားအားတိုက်ကျွေးလိုက်လေ သည်။</p> <p>“ညီအစ်ကိုကျန့်... အရင်ဆုံးဒဏ်ရာတွေကို အရင်ကုလိုက်ပါ”</p> <p>ထိုသို့ပြောပြီးနောက် သူသည်နေလစိန့်ဘုရင်နှင့် အခြားသူများကိုလှည့်ကြည့်ကာ။</p> <p>“သူတို့ကိုတော့ ကျွန်တော်ရှင်းလိုက်ပါ့မယ်”</p> <p>ရန်ရှောက်ထျန်း၏ အသံမှာအလွန်တရာ အေးစက်နေခဲ့လေသည်။</p> <p>နေလစိန့်ဘုရင်ကမူ ပြက်လုံးတစ်ခုကိုကြားလိုက်ရသလိုမျိုး အားရပါးရရယ်မောလိုက်ပြီး။</p> <p>“လူငယ်လေး... မင်း ပြောတဲ့လေသံက တော်တော်လေး မာနကြီးတာပဲ”</p> <p>ထို့နောက် သူက ရန်ရှောက်ထျန်းကို စိုက်ကြည့်လိုက်ကာ။</p> <p>“ငါတို့ မင်းကိုနေရာအနှံ့မှာလိုက်ရှာနေတာ၊ မင်းကိုယ်တိုင်ငါတို့ဆီကို လာပို့လိမ့်မယ်လို့ မထင်ထားခဲ့ဘူး။ ကောင်းပြီ၊ ဒီနေ့ မင်းနဲ့ နန်ထျန်နှစ်ယောက်စလုံးကို တစ်ခါတည်းရှင်းပစ်လိုက်မယ်”</p> <p>“မင်းမှာ ကံကြမ္မာနတ်ဘုရားသစ်ပင်ရှိနေရုံတင်မကဘဲ ခြောက်ထပ်မြောက်ကောင်းကင် ဘေးဒုက္ခမိုးကြိုးရေလည်း အများကြီးရှိနေပုံရတယ်”</p> <p>ဟင်းလင်းပြင်ဓားနတ်ဘုရား၊ ဂလက်ဆီဓားနတ်ဘုရားနှင့် အခြားသူများအားလုံးမှာ ရန်ရှောက်ထျန်းကို ဝိုင်းရံထားလိုက်ကြလေသည်။</p> <p>“စီနီယာက ဝူရှင်းဆေးနတ်ဘုရားလား”</p> <p>ဤအချိန်တွင် ကမ္ဘာမြေဘဏ္ဍာဗုဒ္ဓအရှင်သည် ရန်ရှောက်ထျန်း၏နောက်ကွယ်ရှိ ရှဲ့ဝူရှင်းကို ကြည့်ကာ ရုတ်တရက်စကားပြောလိုက်လေသည်။</p> <p>“ဘာ... ဝူရှင်းဆေးနတ်ဘုရားဟုတ်လား”</p> <p>ဤသည်ကို ကြားလိုက်ရသောအခါလူတိုင်းမှာအလွန်တရာထိတ်လန့်သွားကြပြီး သူတို့၏ အကြည့်များမှာ ရှဲ့ဝူရှင်းဆီသို့ကျရောက်သွားခဲ့လေသည်။</p> <p>ရှဲ့ဝူရှင်း၏ ဆံပင်များမှာဖရိုဖရဲဖြစ်နေပြီး သူ၏မျက်နှာအများစုကို ဖုံးကွယ်ထားလေသည်။ သူက ကမ္ဘာမြေဘဏ္ဍာဗုဒ္ဓအရှင်ကိုကြည့်ကာ ခပ်တိုးတိုး ရယ်မောလိုက်ပြီး။</p> <p>“မင်းက ကမ္ဘာမြေဘဏ္ဍာဗုဒ္ဓဂိုဏ်းက လူငယ်လေးလင်း မဟုတ်လား”</p> <p>ကမ္ဘာမြေဘဏ္ဍာဗုဒ္ဓအရှင်သည် ချက်ချင်းပင်ဦးညွှတ်လိုက်ပြီး ရိုသေစွာဖြင့်။</p> <p>“ကျွန်တော်မျိုးက ကမ္ဘာမြေဘဏ္ဍာဗုဒ္ဓဂိုဏ်းကမျိုးဆက်သစ်ပညာရှင်လင်းပါပဲ၊ စီနီယာ ဝူရှင်းဆေးနတ်ဘုရားကို ဂါရဝပြုပါတယ်” ဟု ပြောလိုက်လေသည်။</p> <p>လွန်ခဲ့သော နှစ်ပေါင်းသောင်းချီက သူသည်ဝူရှင်းချိုင့်ဝှမ်းတွင်ဆေးသွားတောင်းခဲ့ဖူးသဖြင့် ရှဲ့ဝူရှင်းနှင့် တွေ့ဆုံခဲ့ဖူးလေသည်။</p> <p>ရှဲ့ဝူရှင်းက ကမ္ဘာမြေဘဏ္ဍာဗုဒ္ဓအရှင်ကိုကြည့်ကာ။</p> <p>“မင်းရဲ့ ဆရာ့မျက်နှာကိုထောက်ထားပြီးတော့ မင်းအခုထွက်သွားမယ်ဆိုရင် ငါ့သခင်လေး က မင်းရဲ့ အသက်ကို ချမ်းသာပေးလိမ့်မယ်”</p> <p>ငါ့သခင်လေး ဟုတ်လား။</p> <p>ကမ္ဘာမြေဘဏ္ဍာဗုဒ္ဓအရှင်နှင့် အခြားသူများမှာရန်ရှောက်ထျန်းကို ထိတ်လန့်တကြားကြည့် လိုက်ကြလေသည်။</p> <p>ရှဲ့ဝူရှင်းကဘယ်သူလဲ။ ဝမ်ကျန့်တိုက်ကြီးပေါ်ရှိအကြီးမြတ်ဆုံးဆေးနတ်ဘုရားလေး ဦးထဲမှတစ်ဦးဖြစ်လေသည်။ သူကတကယ်ပဲဟွန်ချွမ်ဘိုးဘေးရဲ့ ဆက်ခံသူဆီမှာသစ္စာခံလိုက်တာ လား။</p> <p>ဒါဆိုရင် မိစ္ဆာတစ်သောင်းတို့ရဲ့နတ်ဘုရားဖြစ်တဲ့ တိုက်တန်ဧရာမမိစ္ဆာကလည်းဟွန်ချွမ်ဘိုး ဘေးရဲ့ ဆက်ခံသူဆီမှာ သစ္စာခံထားတာပေါ့။</p> <p>ဘာလို့လဲ။</p> <p>ဒီလူငယ်လေးမှာ နတ်ဘုရားအဆင့်ရွှေအမြုတေနှစ်ခုနဲ့ ကမ္ဘာဦးမူလကံကြမ္မာသုံးခု ရှိနေရုံနဲ့ တင်လား။</p> <p>ပြီးတော့ တခြားအဘိုးကြီးကရော ဘယ်သူလဲ။</p> <p>နေလစိန့်ဘုရင်၏မျက်နှာမှာ မည်းမှောင်နေခဲ့လေသည်။ သူသည်ရှဲ့ဝူရှင်းအား လက်ဖဝါး ချင်းယှက်ကာ။</p> <p>“စီနီယာဝူရှင်း... စီနီယာကဒီဟွန်ချွမ်ဘိုးဘေးရဲ့ဆက်ခံသူအတွက်နဲ့ ကျွန်တော်တို့ထုန်း ထျန်းနတ်ဘုရားဂိုဏ်းကိုဘာလို့ရန်သူလုပ်ချင်နေရတာလဲ။ အကယ်၍စီနီယာအခုပြန်သွားမယ်ဆို ရင် ကျွန်တော်တို့ထုန်းထျန်းနတ်ဘုရားဂိုဏ်းက စီနီယာ့ကိုသေချာပေါက်ကျေးဇူးတင်ပါလိမ့်မယ်”</p> <p>ရှဲ့ဝူရှင်းမှာ အကြီးမြတ်ဆုံးဆေးနတ်ဘုရားလေးဦးထဲမှတစ်ဦးဖြစ်ပြီး ဝမ်ကျန့်တိုက်ကြီး ပေါ်ရှိမရေမတွက်နိုင်သော ဆေးပညာရှင်များ၏ရိုသေလေးစားမှုကိုခံရသူဖြစ်လေသည်။ အလွန် တရာ လိုအပ်ခြင်းမရှိပါက နေလစိန့်ဘုရင်သည် သူနှင့်ရန်သူမဖြစ်ချင်ပေ။</p> <p>ဤအခိုက်အတန့်တွင် ဟွန်ချွမ်တစ္ဆေဘုရင်သည်ဘေးသို့လျှောက်သွားပြီး မြေကြီးပေါ်မှ တစ္ဆေတစ်သောင်းဓားကို ဆွဲထုတ်လိုက်လေသည်။</p> <p>ရန်ရှောက်ထျန်းက နေလစိန့်ဘုရင်နှင့်အခြားသူများကို တစ်ချက်ကြည့်လိုက်သည်။</p> <p>ကမ္ဘာမြေဘဏ္ဍာဗုဒ္ဓအရှင်က အခုထိမဆုတ်ခွာသေးသည်ကိုမြင်သောအခါ သူ၏အသံမှာ အေးစက်သွားပြီး။</p> <p>“သူတို့အားလုံးကိုသတ်ပစ်လိုက်” ဟု အမိန့်ပေးလိုက်လေသည်။</p> <p>ထိုသို့ပြောပြီးနောက် သူ၏ခန္ဓာကိုယ်အတွင်းမှကမ္ဘာဦးမူလကံကြမ္မာ ၁၂ ခုမှာ တစ်ပြိုင်နက် တည်းထွက်ပေါ်လာခဲ့လေသည်။</p> <p> </p> <p> </p> <p style="text-align: center;">***</p>


Save