Book List

<h2 style="text-align: center;">အခန်း (၅၆၀)</h2> <h2 style="text-align: center;">သူက ချန်ဆန်းတိုက်ကြီးရဲ့ အရှင်သခင်ပဲ</h2> <h2 style="text-align: center;">*</h2> <p> </p> <p> </p> <p>ကမ္ဘာဦးမူလ ကံကြမ္မာ ၁၂ ခုထွက်ပေါ်လာသောအခါ ကောင်းကင်နှင့်မြေကြီးမှာတုန်ခါသွား ခဲ့လေသည်။</p> <p>တောင်တန်းများ ပြိုကျပြီး ဒီရေများလှိုင်းထန်လာခဲ့လေသည်။</p> <p>မိုင်တစ်သိန်းအတွင်းတွင် ပင်လယ်မရှိသော်လည်း ရောက်ရှိနေသူများအားလုံးမှာ ဒီရေလှိုင်း သံကြီးကိုကြားလိုက်ရလေသည်။</p> <p>ကမ္ဘာဦးမူလကံကြမ္မာတစ်ခုချင်းစီမှာ မိုင်ပေါင်း ၁၂,၉၆၀ အထိ ရှည်လျားပြီး ကောင်းကင်ကိုး ထပ်အထိမြင့်မားကာ ကောင်းကင်ယံတစ်ခုလုံးကို ဖုံးလွှမ်းထားခဲ့လေသည်။</p> <p>ကြောက်မက်ဖွယ်ကောင်းသော ကမ္ဘာဦးမူလစွမ်းအားများမှာ ကောင်းကင်နှင့်မြေကြီးကို ရိုက်ခတ်နေခဲ့လေသည်။</p> <p>ဤကြောက်မက်ဖွယ်ကောင်းသော ကမ္ဘာဦးမူလစွမ်းအားများ၏ရှေ့တွင် နေလစိန့်ဘုရင်၊ ဟင်းလင်းပြင်ဓားနတ်ဘုရားနှင့် ဂလက်ဆီဓားနတ်ဘုရားတို့ကဲ့သို့သော ပြိုင်ဘက်ကင်းပညာရှင်များ ပင်လျှင် အသက်ရှူရခက်ခဲလာခဲ့ကြလေသည်။</p> <p>လူတိုင်းမှာ ကောင်းကင်ယံတစ်ခုလုံးကိုဖုံးလွှမ်းထားသော ကမ္ဘာဦးမူလ ကံကြမ္မာ ၁၂ ခုကို ထိတ်လန့်တကြား ကြည့်လိုက်ကြလေသည်။</p> <p>“ကမ္ဘာဦးမူလ ကံကြမ္မာ ၁၂ ခုပါလား”</p> <p>“ဒါက ဘယ်လိုမျိုးပါရမီရှင်လဲ။ သူကတကယ်ပဲကမ္ဘာဦးမူလ ကံကြမ္မာ ၁၂ ခုကို ကျင့်ကြံ ထားတာလား”</p> <p>“သူက ကံကြမ္မာနတ်ဘုရားတောင်တန်းကိုတက်လှမ်းနိုင်ခဲ့တာပဲ၊ သူက တကယ်ပဲကံကြမ္မာ ရဲ့ သားတော် ဖြစ်နိုင်မလား”</p> <p>ချောက်နက်မိစ္ဆာအရှင်သခင်၊ ကမ္ဘာမြေဘဏ္ဍာဗုဒ္ဓအရှင်နှင့် အခြားသောဘိုးဘေးများအား လုံးမှာ အကြီးအကျယ်ထိတ်လန့်သွားကြတော့သည်။</p> <p>ကံကြမ္မာနတ်ဘုရားနန်းတော်တွင်ရှိစဉ်က ရန်ရှောက်ထျန်းသည် အချိန်ကျောက်စာချပ်ကို အသက်သွင်းလိုက်ပြီး ကမ္ဘာဦးမူလကံကြမ္မာသုံးခုကိုထုတ်ဖော်ပြသခဲ့သဖြင့် တစ်ကမ္ဘာလုံးကို အံ့အားသင့်စေခဲ့သော်လည်း ယခုမူကမ္ဘာဦးမူလ ကံကြမ္မာ ၁၂ ခုတောင်ဖြစ်လေသည်တကား။</p> <p>နေလစိန့်ဘုရင်သည်လည်း ကြောက်လန့်သွားခဲ့လေသည်။</p> <p>နေလစိန့်ဘုရင်တင်မကဘဲ ရှဲ့ဝူရှင်းနှင့်ဟွန်ချွမ်တစ္ဆေဘုရင်ပင်လျှင် ကြောက်လန့်သွားခဲ့ ကြလေသည်။</p> <p>“ကောင်းကင်ယံထက်မှာ ကမ္ဘာဦးမူလကံကြမ္မာ၊ ဒါကကမ္ဘာဦးမူလကံကြမ္မာပဲ၊ ငါတို့ ဟွန်ချွမ်မိစ္ဆာဂိုဏ်းရဲ့ ဂိုဏ်းချုပ်က ကမ္ဘာဦးမူလကံကြမ္မာ ၁၂ ခုကို ကျင့်ကြံထားတာပဲ”</p> <p>ဟွန်ချွမ်တစ္ဆေဘုရင်သည်မော့ကြည့်လိုက်ပြီး စိတ်လှုပ်ရှားမှုများဖြင့် အော်ဟစ်ကာရယ်မော လိုက်လေသည်၊ သူ၏ဆံပင်များမှာလည်း လွင့်ပျံနေခဲ့လေသည်။</p> <p>ချက်ချင်းဆိုသလိုပင် ရန်ရှောက်ထျန်း၏နတ်ဘုရားအဆင့်ရွှေအမြုတေနှစ်ခုမှာလည်း ပျံထွက်လာခဲ့လေသည်။</p> <p>ဧရာမနတ်ဘုရားအဆင့်ရွှေအမြုတေနှစ်ခုမှာ ရွှေရောင်နေမင်းကြီးများအလား ကောင်းကင် ကိုးထပ်တွင်ရှိနေခဲ့ပြီး ကမ္ဘာဦးမူလကံကြမ္မာ၁၂ခု၏အောက်တွင် တစ်ကမ္ဘာလုံးကိုရွှေရောင်အလင်း တန်းများဖြင့်လွှမ်းခြုံထားခဲ့လေသည်။</p> <p>“နတ်ဘုရားအဆင့် ရွှေအမြုတေနှစ်ခုပါလား”</p> <p>စိတ်လှုပ်ရှားစွာဖြင့် အော်ဟစ်နေသော ဟွန်ချွမ်တစ္ဆေဘုရင်မှာ အသက်ရှူပင်ကျပ်သွားခဲ့ လေသည်။ သူ၏တစ်ကိုယ်လုံးတုန်ယင်သွားပြီးနောက် သူ၏မျက်နှာမှာစိတ်လှုပ်ရှားမှုကြောင့် နီမြန်း လာကာ။</p> <p>“ဂိုဏ်းချုပ်က ပြိုင်ဘက်ကင်းပဲ၊ ကောင်းကင်ကြီးကငါတို့ဟွန်ချွမ်မိစ္ဆာဂိုဏ်းကို ကောင်းချီး ပေးလိုက်တာပဲ၊ ဘိုးဘေးကြီးမှာကောင်းကင်ယံက မျက်လုံးတွေရှိနေတာပဲ”</p> <p>ဟွန်ချွမ်တစ္ဆေဘုရင်၏ မျက်နှာနီမြန်းနေစဉ်မှာပင် ရန်ရှောက်ထျန်းကသူ၏အမြင့်မြတ်ဆုံး ဘုရင်ဝိညာဉ်နှစ်ခုကို တစ်ခုပြီးတစ်ခုခေါ်ယူလိုက်လေသည်။</p> <p>ချက်ချင်းဆိုသလိုပင် အမှောင်ထုများလွှမ်းမိုးလာပြီး ကမ္ဘာကြီးပေါ်သို့ နှင်းများ ကျဆင်းလာခဲ့ လေသည်။</p> <p>အဆုံးမဲ့သော အမှောင်စွမ်းအားများမှာ ကောင်းကင်နှင့် မြေကြီးကို လှုပ်ခါစေခဲ့လေသည်။</p> <p>လိပ်နက်ဝိညာဉ်မှာတိုက်ကြီးတစ်ခုအလားရှိနေပြီး မှောင်ရွှေရောင် မီးလျှံနဂါးမှာမူ ရှေးဟောင်းနတ်ဘုရားတောင်တန်းကြီးအလား ကောင်းကင်ယံတွင်ရစ်ပတ်နေခဲ့လေသည်။</p> <p>ထို့နောက်တွင် လိပ်နက်နှင့်မှောင်ရွှေရောင်မီးလျှံနဂါးတို့တွင် ရွှေနီရောင်အလင်းကွင်းများ ပေါ်လာသည်ကို လူတိုင်းမြင်တွေ့လိုက်ရလေသည်။</p> <p>ရွှေနီရောင်ဝိညာဉ်ကွင်းများ ပေါ်လာသောအခါ တွင်းနက်အရှင်သခင်နှင့် ပင်လယ်နက်မိစ္ဆာ ဝေလငါးတို့၏ပုံရိပ်များမှာလည်းပေါ်ထွက်လာခဲ့ပြီး နှစ်ပေါင်းသန်းချီဝိညာဉ်သားရဲနှစ်ကောင်၏ စွမ်း အားများမှာ ကောင်းကင်နှင့် မြေကြီးကိုလွှမ်းခြုံသွားခဲ့လေသည်။</p> <p>ကမ္ဘာဦးမူလ ကံကြမ္မာ ၁၂ ခု၏ စွမ်းအားကြောင့် အသက်ရှူကျပ်နေကြသော ပညာရှင်များမှာ ယခုအခါတွင် နှစ်ပေါင်းသန်းချီဝိညာဉ်သားရဲနှစ်ကောင်၏စွမ်းအားအောက်တွင် မုန်တိုင်းထဲက သစ်ရွက်ခြောက်များအလား တုန်လှုပ်နေကြလေသည်။</p> <p>“နှစ်ပေါင်းသန်းချီ ဝိညာဉ်သားရဲ နှစ်ကောင်ပါလား”</p> <p>နေလစိန့်ဘုရင်၊ ဟင်းလင်းပြင်ဓားနတ်ဘုရား၊ ဂလက်ဆီဓားနတ်ဘုရားနှင့် အခြားသူများမှာ ထိတ်လန့်သွားကြတော့သည်။</p> <p>ချောက်နက်မိစ္ဆာဂိုဏ်းမှ ဘိုးဘေးအချို့မှာအလွန်တရာကြောက်လန့်သွားသဖြင့် ဒူးပင် ထောက်ချင်နေကြလေပြီ။</p> <p>ဆေးနတ်ဘုရားရှဲ့ဝူရှင်းလည်း အကြီးအကျယ်ထိတ်လန့်သွားခဲ့လေသည်။</p> <p>ဘိုးဘေးကြီးတွင် ကောင်းကင်ယံ၌မျက်လုံးများရှိနေသည်ဟု စိတ်လှုပ်ရှားစွာအော်ဟစ် နေသောဟွန်ချွမ်တစ္ဆေဘုရင်မှာ နောက်ဆုံးတွင်ဆွံ့အသွားခဲ့လေသည်။ သူသည်နှစ်ပေါင်းသန်းချီ ဝိညာဉ်သားရဲ နှစ်ကောင်၏ ပုံရိပ်ကို ထိတ်လန့်တကြား ကြည့်နေမိလေသည်။</p> <p>ဒါက... ဒါက...</p> <p>ကမ္ဘာဦးမူလ ကံကြမ္မာ ၁၂ ခု၊ နတ်ဘုရားအဆင့်ရွှေအမြုတေနှစ်ခု၊ အမြင့်မြတ်ဆုံး ဘုရင် ဝိညာဉ် နှစ်ခုနဲ့ နှစ်ပေါင်းသန်းချီဝိညာဉ်ကွင်းနှစ်ကွင်း။</p> <p>ပြိုင်ဘက်ကင်းလား။</p> <p>ပြိုင်ဘက်ကင်းဆိုတဲ့ စကားလုံးကတောင်မှ ဒီလိုမျိုးအစီအစဉ်ကိုဖော်ပြဖို့ မလုံလောက် တော့ပေ။</p> <p>ဤအခိုက်အတန့်တွင် ရန်ရှောက်ထျန်း၏ဘယ်ဘက်လက်ထဲတွင် ချန်ဆန်းနတ်ဘုရားဓား ပေါ်လာခဲ့လေသည်။</p> <p>“ဒါက ချန်ဆန်းနတ်ဘုရားဓားပဲ၊ ချန်ဆန်းနတ်ဘုရားဓားက ဘယ်လိုလုပ်ပြီးဟွန်ချွမ်ဘိုး ဘေးရဲ့ ဆက်ခံသူရဲ့ လက်ထဲကိုရောက်နေတာလဲ”</p> <p>“သူက ချန်ဆန်းတိုက်ကြီးရဲ့ အရှင်သခင်ပဲ”</p> <p>လူတိုင်းမှာ ရန်ရှောက်ထျန်း၏လက်ထဲရှိ ချန်ဆန်းနတ်ဘုရားဓားကိုကြည့်ကာ မှင်တက် သွားကြတော့သည်။</p> <p>သူတို့ အမြဲတမ်းဟွန်ချွမ်ဘိုးဘေးရဲ့ဆက်ခံသူလို့ထင်ထားတဲ့သူက တကယ်တော့ချန်ဆန်း တိုက်ကြီးရဲ့ အရှင်သခင်ဖြစ်နေခဲ့သည်တဲ့လား။</p> <p>နေလစိန့်ဘုရင်၊ ဟင်းလင်းပြင်ဓားနတ်ဘုရားနှင့် ဂလက်ဆီဓားနတ်ဘုရားတို့ အားလုံးမှာ ဤအခိုက်အတန့်တွင် မကောင်းသောအငွေ့အသက်တစ်ခုကို ခံစားလိုက်ရလေသည်။</p> <p>သူတို့ အမြဲတမ်းဆုကြေးထုတ်ထားခဲ့တဲ့ ဟွန်ချွမ်ဘိုးဘေးရဲ့ဆက်ခံသူက တကယ်တော့ ချန်ဆန်းတိုက်ကြီးရဲ့ အရှင်သခင် ဖြစ်နေခဲ့သည်လေ။</p> <p>လူတိုင်းမှာ ရန်ရှောက်ထျန်း၏လက်ထဲရှိ ချန်ဆန်းနတ်ဘုရားဓားကြောင့် ထိတ်လန့်နေပြီး ရန်ရှောက်ထျန်းမှာ ချန်ဆန်းတိုက်ကြီး၏အရှင်သခင်ဖြစ်ကြောင်းသိသွားချိန်မှာပင် ရုတ်တရက် ရန်ရှောက်ထျန်း၏ ညာဘက်လက်ထဲတွင် ထုန်းထျန်းနတ်ဘုရားဓားပေါ်ထွက်လာခဲ့လေသည်။</p> <p>“ထုန်း... ထုန်းထျန်းနတ်ဘုရားဓား”</p> <p>နေလစိန့်ဘုရင်၊ ဟင်းလင်းပြင်ဓားနတ်ဘုရားနှင့် ဂလက်ဆီဓားနတ်ဘုရားတို့သည် ရန်ရှောက် ထျန်း၏လက်ထဲရှိ ထုန်းထျန်းနတ်ဘုရားဓားကိုမြင်လိုက်ရသောအခါ သူတို့၏မျက်နှာအမူအရာများ မှာ သိသိသာသာပြောင်းလဲသွားကြတော့သည်။</p> <p>ချောက်နက်မိစ္ဆာအရှင်သခင်နှင့် ကမ္ဘာမြေဘဏ္ဍာဗုဒ္ဓအရှင်တို့မှာ ပို၍ပင်အသက်ရှူကျပ် သွားကြလေသည်။</p> <p>ဒီလူငယ်လေးက တကယ်ပဲဟုန်ဖုန်းနတ်ဘုရားအရှင်သခင်ရဲ့ ဆက်ခံသူလား။</p> <p>ဟွန်ချွမ်ဘိုးဘေးရဲ့ဆက်ခံသူက ချန်ဆန်းတိုက်ကြီးရဲ့အရှင်သခင်ဖြစ်နေရုံတင်မကဘဲ ဟုန်ဖုန်းနတ်ဘုရား အရှင်သခင်ရဲ့ ဆက်ခံသူလည်း ဖြစ်နေတာလား။</p> <p>ဟုန်ဖုန်းနတ်ဘုရားအရှင်သခင်ရဲ့ ဆက်ခံသူဟုတ်လား။ ဒါဆိုရင် သူကထုန်းထျန်းနတ်ဘုရား ဂိုဏ်းရဲ့ ဂိုဏ်းချုပ်မဟုတ်ဘူးလား။</p> <p>ချောက်နက်မိစ္ဆာအရှင်သခင်၊ ကမ္ဘာမြေဘဏ္ဍာဗုဒ္ဓအရှင်နှင့် အခြားသူများမှာ နေလစိန့်ဘုရင် ကို ထူးဆန်းသောမျက်နှာအမူအရာများဖြင့်လှည့်ကြည့်လိုက်ကြလေသည်။ အမလေး... ထုန်းထျန်း နတ်ဘုရားဂိုဏ်းက သူတို့ရဲ့ ကိုယ်ပိုင်ဂိုဏ်းချုပ်ကိုတောင်မှ ဆုကြေးထုတ်နေကြတာလား။</p> <p>ဒါက ဘယ်လိုမျိုး အခြေအနေလဲ။</p> <p>ဒါက တကယ့်ကို စိတ်လှုပ်ရှားစရာ ကောင်းတော့မယ်။</p> <p>နေလစိန့်ဘုရင်၏နောက်ကွယ်ရှိ ထုန်းထျန်းနတ်ဘုရားဂိုဏ်းမှဘိုးဘေးများမှာ ပို၍ပင် တုန်ယင်နေခဲ့ကြလေသည်။</p> <p>သူတို့ သတ်ဖို့ကြိုးစားနေတဲ့လူက သူတို့ရဲ့ထုန်းထျန်းနတ်ဘုရားဂိုဏ်းရဲ့ ဂိုဏ်းချုပ်အသစ် ဖြစ်နေတာလား။</p> <p>နေလစိန့်ဘုရင် အသက်ပြင်းပြင်းရှူလိုက်ပြီးသူ၏မျက်လုံးများမှာ ရက်စက်မှုများဖြင့် ပြည့်နှက်နေကာ တုန်ယင်နေသောအသံဖြင့်ပြောလိုက်သည်။</p> <p>“သူ့ရဲ့ ထုန်းထျန်းနတ်ဘုရားဓားကအတုပဲ၊ သူကဟွန်ချွမ်ဘိုးဘေးရဲ့ဆက်ခံသူပဲ၊ သူ့ကို သတ်လိုက်ကြ”</p> <p>“သတ်ပစ်”</p> <p>နေလစိန့်ဘုရင်က ဟိန်းဟောက်လိုက်ပြီး။</p> <p>“ဂိုဏ်းချုပ်ကျောက်ရုန်ကသာ ငါတို့ထုန်းထျန်းနတ်ဘုရားဂိုဏ်းရဲ့ အစစ်အမှန်ဂိုဏ်းချုပ်ပဲ”</p> <p>ထုန်းထျန်းနတ်ဘုရားဂိုဏ်းမှဘိုးဘေးများအားလုံး အကြီးအကျယ်တုန်လှုပ်သွားခဲ့ကြလေ သည်။</p> <p>“သတ်”</p> <p>“ဘယ်သူမှ မတိုက်ခိုက်ဘူးဆိုရင် ထုန်းထျန်းနတ်ဘုရားဂိုဏ်းကို သစ္စာဖောက်တယ်လို့ သတ်မှတ်ပြီးသတ်ပစ်မယ်”</p> <p>နေလစိန့်ဘုရင်ကဟိန်းဟောက်လိုက်ပြီး သူ၏ဓားကိုကိုင်ကာ ရန်ရှောက်ထျန်းဆီသို့ ဦးဆောင်၍ တိုက်ခိုက်ခဲ့လေသည်။</p> <p>ဟင်းလင်းပြင်ဓားနတ်ဘုရားနှင့် ဂလက်ဆီဓားနတ်ဘုရားတို့မှာ တုံ့ဆိုင်းနေသော်လည်း သူတို့၏ဓားများကိုကိုင်ကာ ရန်ရှောက်ထျန်းကို တိုက်ခိုက်ခဲ့ကြလေသည်။</p> <p>ထုန်းထျန်းနတ်ဘုရားဂိုဏ်းမှ အခြားသောဘိုးဘေးများမှာလည်း တုံ့ဆိုင်းနေသော်လည်း နောက်ဆုံးတွင်တော့ အံကြိတ်ကာရန်ရှောက်ထျန်းကို တိုက်ခိုက်ခဲ့ကြလေသည်။</p> <p>ဤသည်ကို မြင်သောအခါ ရန်ရှောက်ထျန်းကချန်ဆန်းနတ်ဘုရားဓားနှင့် ထုန်းထျန်းနတ် ဘုရားဓားတို့ကိုကိုင်ကာ ထုန်းထျန်းနတ်ဘုရားဂိုဏ်းမှဘိုးဘေးများဆီသို့ ဦးတည်တိုက်ခိုက်ခဲ့လေ သည်။</p> <p>“ဓားက အရပ်မျက်နှာအားလုံးကို သတ်ဖြတ်ခြင်း”</p> <p>“ချန်ဆန်းရဲ့ ဝမ်းနည်းမှု”</p> <p>ကမ္ဘာဦးမူလ ကံကြမ္မာ ၁၂ ခု၊ နှစ်ပေါင်းသန်းချီဝိညာဉ်ကွင်းနှစ်ကွင်းနှင့် နတ်ဘုရားအဆင့် ရွှေအမြုတေနှစ်ခုတို့၏စွမ်းအားဖြင့် စွမ်းအားအပြည့်တိုက်ထုတ်မောင်းနှင်လိုက်လေသည်။</p> <p>ချန်ဆန်းနတ်ဘုရားဓားမှ ငိုကြွေးသံတစ်ခုထွက်ပေါ်လာခဲ့ပြီး ကောင်းကင်နှင့်မြေကြီးသို့ ဟိန်း ဟောက်သွားခဲ့လေသည်။</p> <p>ထုန်းထျန်းနတ်ဘုရားဓားမှာ ရှေ့သို့ထိုးထွက်လိုက်ရာ ဓားချီများမှာအရပ်မျက်နှာအားလုံးသို့ ပျံထွက်သွားခဲ့လေသည်။</p> <p>ချက်ချင်းဆိုသလိုပင် ထုန်းထျန်းနတ်ဘုရားဂိုဏ်းမှ ဘိုးဘေးလေးဦးမှာ သူတို့၏လည်ပင်း တွင် အေးစက်မှုကိုခံစားလိုက်ရပြီး သတိမေ့သွားခဲ့ကာ သူတို့၏ဦးခေါင်းများမှာလွင့်ထွက်သွားပြီး မြေကြီးပေါ်သို့ လိမ့်ကျသွားခဲ့လေသည်။</p> <p>သူတို့၏မျက်လုံးများမှာပြူးနေခဲ့ပြီး သူတို့သေဆုံးသွားသည်အထိ သူတို့ကဲ့သို့သော နတ် ဘုရားတွေက ဧကရာဇ်အဆင့်ပညာရှင်တစ်ဦးရဲ့လက်ထဲမှာ သေဆုံးရလိမ့်မယ်လို့ မယုံကြည်နိုင်ဘဲ ရှိနေကြလေသည်။</p> <p>ချောက်နက်မိစ္ဆာဂိုဏ်းနှင့် ကမ္ဘာမြေဘဏ္ဍာဗုဒ္ဓဂိုဏ်းမှပညာရှင်များအားလုံး ဆွံ့အသွားခဲ့ ကြလေသည်။</p> <p>နတ်ဘုရားတွေဆိုတာ ဘယ်ဧကရာဇ်နိုင်ငံ ဒါမှမဟုတ်ဘယ်ထိပ်တန်းဂိုဏ်းမှာမဆို အရပ် မျက်နှာအားလုံးကိုဖိနှိပ်ထားနိုင်တဲ့ပြိုင်ဘက်ကင်းပညာရှင်တွေ ဖြစ်လေသည်။ နတ်ဘုရားတစ်ပါးက အသက်တစ်ချက်ရှူလိုက်ရုံနဲ့တင် ထွက်ပေါ်လာတဲ့မုန်တိုင်းက ဧကရာဇ်အဆင့်ပညာရှင်တစ်ဦး ကိုတောင်မှ သတ်နိုင်တယ်လို့ ပြောရင်ပင်လွန်အံ့မထင်ပေ။</p> <p>ဒါပေမဲ့ အခုတော့ဧကရာဇ်အဆင့်ပညာရှင်တစ်ဦးကနတ်ဘုရားတစ်ပါးကို တကယ်ပဲသတ် လိုက်သည်တဲ့လား။</p> <p>အစွမ်းထက်လှတဲ့ နတ်ဘုရားတစ်ပါးကဧကရာဇ်အဆင့်ပညာရှင်တစ်ဦးရဲ့ လက်ထဲမှာ သေဆုံးသွားခဲ့ရပြီ။</p> <p>ထိုတွင်မကပါဘဲ နတ်ဘုရားလေးပါးစလုံးမှာဧကရာဇ်အဆင့်ပညာရှင်တစ်ဦးရဲ့ လက်ထဲမှာ တစ်ပြိုင်နက်တည်း သေဆုံးသွားခဲ့ရခြင်းဖြစ်လေသည်။</p> <p>“ဒါက ကောင်းကင်ကို ဆန့်ကျင်နေတာလား”</p> <p>ဘိုးဘေးတစ်ဦးက ထိတ်လန့်တကြား အော်ဟစ်လိုက်လေသည်။</p> <p>ထိုလေးဦးစလုံးမှာ နတ်ဘုရားအဆင့်ပထမအလွှာသာဖြစ်သော်လည်း ရန်ရှောက်ထျန်းက ဧကရာဇ်အဆင့်မှာတင်နတ်ဘုရားတွေကိုသတ်လိုက်ခြင်းမှာ ဤသတင်းသာပြန့်သွားမည်ဆိုပါက တစ်ကမ္ဘာလုံးကို အချိန်အတော်ကြာအောင် တုန်လှုပ်စေမည်မှာသေချာလှပေသည်။</p> <p>“ဝုန်း…”</p> <p>ရုတ်တရက် အလွန်တရာထက်မြက်လှသောဓားချီတစ်ခုမှာ ရန်ရှောက်ထျန်း၏ကျောပြင် ဆီသို့ တိုက်ခိုက်လာခဲ့လေသည်။</p> <p>၎င်းမှာ နေလစိန့်ဘုရင်၏ နေလဓားပင်ဖြစ်လေသည်။</p> <p>နေလဓားက ရန်ရှောက်ထျန်းကိုထိုးဖောက်တော့မည့်အချိန်တွင် ရုတ်တရက်ဓားအလင်း တန်းတစ်ခုလက်သွားခဲ့ပြီး ပို၍မြန်ဆန်လှသောဓားချီတစ်ခုမှာ နေလဓားချီကိုဖြတ်တောက် လိုက် ကာ နေလစိန့်ဘုရင်၏ လည်ပတ်ကိုပါဖြတ်တောက်လိုက်လေသည်။</p> <p>နေလစိန့်ဘုရင်မှာ ထိုနေရာတွင်ပင်အေးခဲသွားပြီး သူ၏ရှေ့တွင်ရုတ်တရက် ပေါ်လာသော ဟွန်ချွမ်တစ္ဆေဘုရင်ကို မယုံကြည်နိုင်စွာကြည့်လိုက်ကာ။</p> <p>“မင်း... မင်းက ဟွန်... ဟွန်ချွမ်”</p> <p>သူ၏လည်ချောင်းမှာ တုန်ယင်နေသော်လည်း သူသည်စကားကို အဆုံးအထိမပြောနိုင်တော့ ဘဲ လဲကျသွားခဲ့လေတော့သည်။</p> <p> </p> <p> </p> <p style="text-align: center;">***</p>


Save