Book List

<h2 style="text-align: center;">အခန်း (၅၆၁)</h2> <h2 style="text-align: center;">ဟွန်ချွမ်တစ္ဆေဘုရင်ရဲ့ စွမ်းအား</h2> <h2 style="text-align: center;">*</h2> <p> </p> <p> </p> <p>“ဘုန်း…”</p> <p>နေလစိန့်ဘုရင် မြေကြီးပေါ်သို့လဲကျသွားသောအခါ လူတိုင်းမှာတိုက်ခိုက်ခြင်းကို ရပ်လိုက် ကြလေသည်။</p> <p>လူတိုင်းမှာ လဲကျနေသောနေလစိန့်ဘုရင်ကိုထိတ်လန့်တကြားကြည့်လိုက်ကြပြီး ဟွန်ချွမ် တစ္ဆေဘုရင်ကိုလည်း ထိတ်လန့်တကြားကြည့်လိုက်ကြလေသည်။</p> <p>ဟင်းလင်းပြင်ဓားနတ်ဘုရားနှင့် ဂလက်ဆီဓားနတ်ဘုရားတို့ပင်လျှင် ချွင်းချက်မရှိခဲ့ပေ။</p> <p>တိုက်တန်ဧရာမမိစ္ဆာနှင့် ရှဲ့ဝူရှင်းတို့ပင်လျှင်အသက်ရှူကျပ်သွားခဲ့ကြလေသည်။</p> <p>ကျောက်ရုန်၏လက်အောက်တွင် အစွမ်းထက်သောပညာရှင်များစွာ ရှိနေသော်လည်း နေလစိန့်ဘုရင်၏အစွမ်းမှာ အစွမ်းထက်ဆုံးမဟုတ်သော်လည်း သူ၏အစွမ်းမှာဓားနတ်ဘုရား အဆင့်သတ်မှတ်ချက်တွင် ထိပ်တန်းအယောက်လေးဆယ်အတွင်းဝင်ရန် လုံလောက်လေသည်။</p> <p>ဓားနတ်ဘုရား အဆင့်သတ်မှတ်ချက်ရဲ့ ထိပ်တန်း အယောက်လေးဆယ်။</p> <p>ဝမ်ကျန့်တိုက်ကြီးပေါ်မှာ ဓားလမ်းစဉ်ပညာရှင်ဘယ်လောက်များများနဲ့ ဓားနတ်ဘုရား ဘယ်လောက်များများ ရှိသလဲဆိုတာကို စဉ်းစားကြည့်ရုံနဲ့တင်သိနိုင်လေသည်။</p> <p>နေလစိန့်ဘုရင်က ဓားနတ်ဘုရားအဆင့်သတ်မှတ်ချက်ရဲ့ ထိပ်တန်းအယောက်လေးဆယ် အတွင်းဝင်နိုင်ခြင်းက သူ၏အစွမ်းမှာမည်မျှအထိကြောက်မက်ဖွယ်ကောင်းကြောင်းပြသနေလေ သည်။</p> <p>သို့သော်လည်း ယခုမူသူသည်သေလုမြောပါးဖြစ်နေပုံရသော ဤဖြူဖျော့လှသည့် အဘိုးကြီး ၏ ဓားတစ်ချက်တည်းနှင့်တင် သေဆုံးသွားခဲ့ရပြီဖြစ်လေပါရော့လား။</p> <p>“မင်းက ဘယ်သူလဲ”</p> <p>ဟင်းလင်းပြင်ဓားနတ်ဘုရားက ထိတ်လန့်တကြားနှင့်အမျက်ထွက်စွာ အော်ဟစ်လိုက် သော်လည်း သူ၏ဟင်းလင်းပြင်ဓားကိုကိုင်ထားသော သူ၏လက်များမှာတုန်ယင်နေခဲ့လေသည်။</p> <p>သူသည် အစွမ်းထက်သော်လည်း နေလစိန့်ဘုရင်နှင့် အဆင့်တူသာဖြစ်လေသည်။</p> <p>ဟွန်ချွမ်တစ္ဆေဘုရင်က စကားမပြောခဲ့ပေ။</p> <p>ဟင်းလင်းပြင် ဓားနတ်ဘုရားအား ပြန်လည်ဖြေကြားလိုက်သည်မှာ ခုနက နေလစိန့်ဘုရင်ကို သတ်ခဲ့သလိုမျိုး အလွန်တရာမြန်ဆန်လှသော ဓားချက်တစ်ခုပင်ဖြစ်လေသည်။</p> <p>ဤဓားချက်မှာ အလွန်တရာတောက်ပလှပြီးဟင်းလင်းပြင်ကိုဆုတ်ဖြဲလိုက်သော်လည်း မည်သည့်လှိုင်းမျှ မထွက်ပေါ်ခဲ့ဘဲ လုံးဝ တိတ်ဆိတ်နေခဲ့လေသည်။</p> <p>ဤအခိုက်အတန့်တွင် ဟင်းလင်းပြင်ကြီးမှာရပ်တန့်သွားသလိုမျိုး ဖြစ်နေခဲ့လေသည်။</p> <p>ဟင်းလင်းပြင် ဓားနတ်ဘုရားမှာသေမင်းရဲ့ လွှမ်းမိုးမှုကို ချက်ချင်း ခံလိုက်ရလေသည်။</p> <p>သူ၏မျက်လုံးများမှာထိတ်လန့်တကြားပြူးသွားပြီး သူသည် အမျက်ထွက်စွာဟိန်းဟောက် လိုက်ကာ သူ၏နတ်ဘုရားစွမ်းအားများကိုအကုန်ထုတ်လွှတ်ပြီး သူ၏ဓားကိုအသေအလဲဝှေ့ယမ်း လိုက်လေသည်။</p> <p>သူ၏ဓားတစ်ချက်ဝှေ့ယမ်းလိုက်မှုနှင့်အတူ မြေကြီးပေါ်မှအဆုံးမဲ့သော ဓားချီများမှာ ပေါက်ကွဲထွက်လာခဲ့ပြီး ထိုဓားချီများမှာဟွန်ချွမ်တစ္ဆေဘုရင်၏ဓားချက်ကို တားဆီးရန်ကြိုးစား လိုက်လေသည်။</p> <p>တစ်ချိန်တည်းမှာပင် ဟင်းလင်းပြင်ဓားနတ်ဘုရားမှာမတွန့်ဆုတ်တော့ဘဲ အနောက်သို့ အသေအလဲဆုတ်ခွာလိုက်ကာ သူ၏တစ်ကိုယ်လုံးမှအလင်းတန်းများတောက်ပလာပြီး ဧရာမအတာ အဆီးအဆောင်တစ်ခုမှာပျံထွက်လာခဲ့ကာ သူ၏ခန္ဓာကိုယ်ဘေးပတ်လည်တွင် ကာကွယ်ရေးအတား အဆီးတစ်ခုအဖြစ် လည်ပတ်နေခဲ့လေသည်။</p> <p>ဤအဆောင်မှာ ရှေးဟောင်းဓားနတ်ဘုရားတစ်ပါးကဖော်စပ်ထားခြင်းဖြစ်ပြီး ၎င်း၏ပြိုင် ဘက်ကင်းကာကွယ်ရေးစွမ်းအားကြောင့် ကျော်ကြားလှပေသည်။</p> <p>ဤအဆောင်မှာ တိုက်ခိုက်မှုတစ်ခုကိုသာခံနိုင်သော်လည်း တိုက်ခိုက်မှုတစ်ခုကို ခံနိုင်ရုံနှင့်ပင် သူ ဆုတ်ခွာရန်အတွက် လုံလောက်သင့်လေသည်။</p> <p>သို့သော်လည်း အဆောင်အတားအဆီးပျံထွက်လာသည့်အခိုက်အတန့်တွင် ရုတ်တရက် ဟွန်ချွမ်တစ္ဆေဘုရင်၏ဓားချက်မှာ ဟင်းလင်းပြင်ဓားနတ်ဘုရား၏ဓားချီအလွှာများကို ဖြတ် တောက်လိုက်ပြီးနောက် အံ့အားသင့်ဖွယ်အရှိန်နှင့် စွမ်းအားဖြင့်အဆောင်အကာအကွယ်လည်ပတ် နေသော အတားအဆီးကိုထိုးဖောက်သွားခဲ့လေသည်။</p> <p>အတားအဆီးပေါ်တွင် ဓားအပေါက်တစ်ခု ဖြစ်သွားခဲ့လေသည်။</p> <p>တစ္ဆေတစ်သောင်းဓားမှာ တည့်တည့်ဝင်သွားခဲ့ပြီး ဟင်းလင်းပြင်ဓားနတ်ဘုရား၏ လည်ပင်း ကို ထိမှန်သွားခဲ့လေသည်။</p> <p>ဟင်းလင်းပြင်ဓားနတ်ဘုရားမှာ ထိုနေရာတွင်ပင်ရပ်နေပြီး သေလုမြောပါးဖြစ်နေပုံရသော ဟွန်ချွမ်တစ္ဆေဘုရင်ကို မယုံကြည်နိုင်စွာကြည့်နေမိလေသည်။</p> <p>ပြိုင်ဘက်ကင်း ကာကွယ်ရေးရှိသည်ဟုကျော်ကြားလှသော ရှေးဟောင်းအဆောင်အကာ အကွယ်မှာပင် ဟွန်ချွမ်တစ္ဆေဘုရင်၏ဓားချက်ကို မတားဆီးနိုင်ခဲ့ပါလား။</p> <p>သူသည် ဤအဘိုးကြီးက ၎င်းကိုဘယ်လိုမျိုးလုပ်ဆောင်ခဲ့သလဲဆိုတာကို စဉ်းစား၍မရနိုင် ဘဲ ဖြစ်နေတော့သည်။</p> <p>ဒီအဘိုးကြီးက ဟင်းလင်းပြင် စွမ်းအားကိုနားလည်သွားပြီလား။</p> <p>ဤအခိုက်အတန့်တွင် ဟွန်ချွမ်တစ္ဆေဘုရင်က သူ၏တစ္ဆေတစ်သောင်းဓားကိုထိုးသွင်းလိုက် ရာ ဟင်းလင်းပြင်ဓားနတ်ဘုရား၏လည်ပတ်ကို တိုက်ရိုက်ထိုးဖောက်သွားပြီးနောက် ပြန်ဆွဲထုတ် လိုက်လေသည်။</p> <p>နောက်ထပ် ဓားနတ်ဘုရားတစ်ပါး။</p> <p>ဓားနှစ်ချက်၊ ဓားနတ်ဘုရားနှစ်ပါးကို တစ်ယောက်ပြီးတစ်ယောက် သတ်လိုက်လေသည်တဲ့ လား။</p> <p>ရှဲ့ဝူရှင်းနှင့် တိုက်တန်ဧရာမမိစ္ဆာတို့မှာ သူတို့၏ခြေလက်များအေးစက်သွားသလိုမျိုး ခံစား လိုက်ရပြီး ဟွန်ချွမ်တစ္ဆေဘုရင်လွန်ခဲ့သောရက်ပိုင်းကပြောခဲ့သည့်အတိုင်း ပြိုင်ဘက်ကင်း ဓားနတ် ဘုရားတစ်ပါးကိုသတ်ဖို့ဆိုတာက ပြဿနာမဟုတ်ဘူးဆိုတဲ့စကားကို ပြန်လည်ကြားယောင်မိ လိုက်လေသည်။</p> <p>ဟင်းလင်းပြင် ဓားနတ်ဘုရားမှ မြေကြီးကို စိုက်ကြည့်နေခဲ့လေသည်။</p> <p>သူကဲ့သို့သော ထိပ်တန်းအယောက်လေးဆယ်အတွင်းဝင်တဲ့ အစွမ်းထက်လှတဲ့ဓားနတ် ဘုရားတစ်ပါးက ဒီလိုမျိုးအမည်မသိတဲ့တောင်ကုန်းပေါ်မှာသေဆုံးရလိမ့်မယ်လို့ သူမထင်ထား ခဲ့ပေ။</p> <p>နေလစိန့်ဘုရင်နှင့် ဟင်းလင်းပြင်ဓားနတ်ဘုရားတို့မှာ ဓားတစ်ချက်တည်းနှင့်တစ်ယောက် ပြီးတစ်ယောက်သေဆုံးသွားသည်ကိုမြင်လိုက်ရသောအခါ ဂလက်ဆီဓားနတ်ဘုရား၊ ချောက်နက် မိစ္ဆာအရှင်သခင်နှင့် ကမ္ဘာမြေဘဏ္ဍာဗုဒ္ဓအရှင်တို့မှာ အားလုံးကြက်သီးမွေးညင်းများ ထသွားကြ တော့သည်။</p> <p>ဤအချိန်တွင် နောက်ထပ်အော်ဟစ်သံအချို့ထွက်ပေါ်လာခဲ့ပြီး ချောက်နက်မိစ္ဆာဂိုဏ်းမှ နောက်ထပ်ဘိုးဘေးအချို့မှာလည်း ရန်ရှောက်ထျန်း၏ဓားနှစ်စင်း၏ တိုက်ခိုက်မှုအောက်တွင် လွင့်ထွက်သွားခဲ့လေသည်။</p> <p>သူတို့ မြေကြီးပေါ်သို့ လဲကျသွားချိန်တွင် သူတို့၏အသက်ရှူသံမှာ ရပ်တန့်သွားခဲ့လေပြီ။</p> <p>တိုက်တန်ဧရာမမိစ္ဆာနှင့် ရှဲ့ဝူရှင်းတို့သည်လည်းတိုက်ခိုက်မှုတွင် ပါဝင်လာခဲ့ပြီး ချောက် နက်မိစ္ဆာဂိုဏ်းနှင့် ကမ္ဘာမြေဘဏ္ဍာဗုဒ္ဓဂိုဏ်းမှ ပညာရှင်များကို တိုက်ခိုက်ခဲ့ကြလေသည်။</p> <p>ချက်ချင်းဆိုသလိုပင် အော်ဟစ်သံများမှာ တစ်ခုပြီးတစ်ခု ထွက်ပေါ်လာခဲ့လေသည်။</p> <p>ဟွန်ချွမ်တစ္ဆေဘုရင်ကြောင့် ကြောက်လန့်နေကြ၍လားမသိ၊ ထုန်းထျန်းနတ်ဘုရားဂိုဏ်း၊ ချောက်နက်မိစ္ဆာဂိုဏ်းနှင့် ကမ္ဘာမြေဘဏ္ဍာဗုဒ္ဓဂိုဏ်းမှပညာရှင်များမှာ အနောက်သို့တစ်လှမ်းချင်း ဆုတ်ခွာနေကြရပြီး သူတို့၏တိုက်ခိုက်မှုများမှာ နှေးကွေးနေခဲ့လေသည်။</p> <p>ထုန်းထျန်းနတ်ဘုရားဂိုဏ်းမှ ဓားလမ်းစဉ်ပညာရှင်အချို့မှာ သူတို့၏ဓားများကို ရန်ရှောက် ထျန်းဆီသို့ ဝှေ့ယမ်းလိုက်ကြလေသည်။</p> <p>သူတို့၏ဓားရှည်များမှာ ရန်ရှောက်ထျန်း၏ရှေ့သို့ရောက်လာချိန်တွင် ရုတ်တရက်သူတို့၏ ဓားရှည်များမှာ ထိန်းချုပ်၍မရဘဲ လေထဲသို့ ပျံတက်သွားခဲ့လေသည်။</p> <p>သူတို့၏ဓားရှည်များတင် ပျံတက်သွားခြင်းမဟုတ်ဘဲ ရောက်ရှိနေသူများအားလုံးဖြစ်သည့် ထုန်းထျန်းနတ်ဘုရားဂိုဏ်း၊ ချောက်နက်မိစ္ဆာဂိုဏ်းနှင့် ကမ္ဘာမြေဘဏ္ဍာဗုဒ္ဓဂိုဏ်းမှ ပညာရှင်များ အားလုံး၏ဓားများမှာ အနောက်သို့ ပျံထွက်သွားခဲ့လေသည်။</p> <p>သူတို့ လုံးဝ ထိန်းချုပ်၍ မရတော့ပေ။</p> <p>ဂလက်ဆီ ဓားနတ်ဘုရား၏ ဓားပင်လျှင်ပျံတက်သွားခဲ့လေသည်။</p> <p>ကောင်းကင်ယံဆီသို့ ပျံတက်သွားခဲ့လေသည်။</p> <p>ထို့နောက်တွင် ပျံလွှားဓားများအားလုံးမှာ ရန်ရှောက်ထျန်းဆီသို့ ပျံသန်းလာခဲ့ပြီး သူ၏နောက် တွင် စုစည်းလာခဲ့ကာ ဒေါင်းမြီးဖြန့်ထားသလိုမျိုး ဖြန့်ထွက်နေခဲ့လေသည်။</p> <p>လူတိုင်းမှာ မယုံကြည်နိုင်စွာကြည့်နေကြစဉ် ရန်ရှောက်ထျန်း၏ရင်ဘတ်မှ ကိုးရောင်ခြယ် ဓားနှလုံးသား အလင်းတန်း ၁၅ ခု ထွက်ပေါ်လာသည်ကို မြင်တွေ့လိုက်ရလေသည်။</p> <p>စုစုပေါင်း ကိုးရောင်ခြယ် ဓားနှလုံးသား အလင်းတန်း ၁၅ ခု ဖြစ်လေသည်။</p> <p>သူတို့ ဤမျှအထိတောက်ပလှသောကိုးရောင်ခြယ် ဓားနှလုံးသား အလင်းတန်းမျိုးကို တစ်ခါမျှ မမြင်ဖူးခဲ့ကြပေ။</p> <p>“ဒါက ကိုးရောင်ခြယ် ဓားနှလုံးသားပဲ၊ အစွမ်းအထက်ဆုံးဓားနှလုံးသား”</p> <p>“ပြီးတော့ ၁၅ ခုတောင်”</p> <p>ဂလက်ဆီ ဓားနတ်ဘုရားကထစ်ထစ်အအဖြင့် ပြောလိုက်လေသည်။</p> <p>ကိုးရောင်ခြယ် ဓားနှလုံးသား ၁၅ ခု။</p> <p>လူတိုင်း ထိတ်လန့်သွားကြတော့သည်။</p> <p>သူတို့၏ပျံလွှားဓားများမှာ အဘယ်ကြောင့်ထိန်းချုပ်၍မရဖြစ်နေရသလဲဆိုသည်ကို သူတို့ နောက်ဆုံးတွင် နားလည်သွားခဲ့ကြလေပြီ။</p> <p>ရန်ရှောက်ထျန်း၏ ဓားနှလုံးသား ၁၅ ခု၏ စွမ်းအားအောက်တွင် ပျံလွှားဓားများအားလုံးမှာ သူတို့၏ထိန်းချုပ်မှုအောက်မှ လုံးဝ လွတ်ထွက်သွားခြင်း ဖြစ်လေသည်။</p> <p>ဟွန်ချွမ်တစ္ဆေဘုရင်က ရန်ရှောက်ထျန်း၏ဓားနှလုံးသား ၁၅ ခုကိုကြည့်ကာ စိတ်လှုပ်ရှား မှုကြောင့် ထပ်မံဟိန်းဟောက်လိုက်ပြီး။</p> <p>“ဂိုဏ်းချုပ်က ပြိုင်ဘက်ကင်းပဲ၊ ဘိုးဘေးကြီးက ငါတို့ဟွန်ချွမ်မိစ္ဆာဂိုဏ်းကို ကာကွယ် ပေးနေတာပဲ”</p> <p>ထို့နောက် သူသည် စိတ်လှုပ်ရှားစွာဖြင့် သူ၏ဓားကိုဝှေ့ယမ်းလိုက်ရာ ချောက်နက်မိစ္ဆာ ဂိုဏ်း မှ ပညာရှင်များ၏ ဦးခေါင်းအချို့မှာ လွင့်ထွက်သွားခဲ့လေသည်။</p> <p>ရန်ရှောက်ထျန်းက ပို၍ပြိုင်ဘက်ကင်းပြီးပါရမီရှင်ဖြစ်လေလေ၊ သူက ပို၍ စိတ်လှုပ်ရှားလာ လေလေဖြစ်ပြီး သတ်ရတာက ပို၍ အားရစရာ ကောင်းလာလေလေဖြစ်လေသည်။</p> <p>သတ်ရတာကို စိတ်လှုပ်ရှားလာသောဟွန်ချွမ်တစ္ဆေဘုရင်မှာ ဟင်းလင်းပြင်ကိုဖြတ်ကျော် ကာ ပျံသန်းလိုက်ပြီး သူ၏ခေါင်းပေါ်တွင်ဧရာမအနက်ရောင်ခေါင်းတလားကြီးတစ်ခု ပေါ်လာခဲ့ လေသည်။</p> <p>ဤအနက်ရောင် ခေါင်းတလားကြီးမှအလွန်တရာဆိုးယုတ်လှသောစွမ်းအားတစ်ခု ထွက် ပေါ်နေခဲ့လေသည်။</p> <p>၎င်းမှာ ထာဝရကောင်းကင်ခေါင်းတလားပင် ဖြစ်လေသည်။</p> <p>ထာဝရကောင်းကင်ခေါင်းတလားကို ရန်ရှောက်ထျန်းက သန့်စင်ထားသော်လည်း ရန်ရှောက် ထျန်းမှာ၎င်း၏စွမ်းအားကို အပြည့်အဝမထုတ်ဖော်နိုင်သေးသဖြင့် ဟွန်ချွမ်တစ္ဆေဘုရင်အားအသုံး ပြုရန်ပေးထားခြင်း ဖြစ်လေသည်။</p> <p>ဟွန်ချွမ်တစ္ဆေဘုရင်က ရုတ်တရက်ထာဝရကောင်းကင်ခေါင်းတလားကို ဖိနှိပ်လိုက်ပြီး အားရပါးရ ဟိန်းဟောက်လိုက်ကာ။</p> <p>“ကောင်းကင်ကိုမြှုပ်နှံမယ်၊ မြေကြီးကိုမြှုပ်နှံမယ်၊ ကောင်းကင်နတ်ဘုရားအားလုံးကို မြှုပ်နှံပစ်မယ်”</p> <p>သူ၏အသံမှာ ကောင်းကင်နှင့် မြေကြီးဆီသို့ ဟိန်းဟောက်သွားခဲ့လေသည်။</p> <p>ထာဝရကောင်းကင်ခေါင်းတလားမှာ ရှေးဟောင်းနတ်ဘုရားတောင်တန်းကြီးအလား ဖိနှိပ် ကျဆင်းလာခဲ့လေသည်။</p> <p>ချောက်နက်မိစ္ဆာဂိုဏ်းနှင့် ကမ္ဘာမြေဘဏ္ဍာဗုဒ္ဓဂိုဏ်းမှပညာရှင်များမှာ အကြီးအကျယ်ထိတ် လန့်သွားကြပြီး အလန့်တကြားနှင့်လက်သီးများထိုးထုတ်လိုက်ကာ ၎င်းကိုတားဆီးရန် ကြိုးစား လိုက်ကြလေသည်။</p> <p>သို့သော်လည်း ထာဝရကောင်းကင်ခေါင်းတလားကြီးမှာ အရှိန်အဟုန်ဖြင့်တိုက်ရိုက် ဖိနှိပ်ကျ ဆင်းလာခဲ့တော့သည်။</p> <p>ဟွန်ချွမ်တစ္ဆေဘုရင်၏ နတ်ဘုရားစွမ်းအားအောက်တွင် ထာဝရကောင်းကင်ခေါင်းတလား မှာ ကောင်းကင်နတ်ဘုရားအားလုံးကို မြှုပ်နှံနိုင်သောစွမ်းအားကို ထုတ်ဖော်ပြသလိုက်လေသည်။</p> <p>“ဘုန်း…”</p> <p>ချောက်နက်မိစ္ဆာဂိုဏ်းနှင့် ကမ္ဘာမြေဘဏ္ဍာဗုဒ္ဓဂိုဏ်းမှ ပညာရှင်ဒါဇင်ပေါင်းများစွာမှာ မြေကြီးထဲသို့ တိုက်ရိုက်ရိုက်သွင်းခြင်းခံလိုက်ရလေသည်။</p> <p>ထာဝရကောင်းကင်ခေါင်းတလား လေထဲသို့ ပြန်ပျံတက်သွားချိန်တွင် ချောက်နက်မိစ္ဆာဂိုဏ်း နှင့် ကမ္ဘာမြေဘဏ္ဍာဗုဒ္ဓဂိုဏ်းမှ ပညာရှင်ဒါဇင်ပေါင်းများစွာမှာ လုံးဝပျက်စီးသွားခဲ့ပြီဖြစ်ကာ လုံးဝ သေဆုံးသွားခဲ့ပြီး မြေကြီးအတွက် မြေဩဇာများ ဖြစ်သွားခဲ့ကြလေသည်။</p> <p>ဤပညာရှင် ဒါဇင်ပေါင်းများစွာထဲတွင် အားနည်းဆုံးသောသူမှာ စိန့်အဆင့်ဒသမအလွှာမှာ ရှိနေခဲ့လေသည်။</p> <p>သူတို့သည် နှစ်ပေါင်းထောင်သောင်းချီကျင့်ကြံခဲ့ကြပြီး မရေမတွက်နိုင်သောဆေးလုံးများ ကို သုံးစွဲခဲ့ကြသဖြင့် သူတို့၏အသားနှင့် သွေးများမှာ အကောင်းဆုံး မြေဩဇာများ ဖြစ်လေသည်။</p> <p>“ပြေးကြ”</p> <p>ချောက်နက်မိစ္ဆာအရှင်သခင်သည် ဤသည်ကိုမြင်သောအခါ အကြီးအကျယ်ကြောက်လန့် သွားပြီး အော်ဟစ်လိုက်ကာ ဟင်းလင်းပြင်ကို ဖြတ်ကျော်ပြီး ထွက်ပြေးရန်ပြင်လိုက်သော်လည်း သူ မလှုပ်ရှားနိုင်ခင်မှာပင် ထာဝရကောင်းကင်ခေါင်းတလားမှာ သူ့ဆီသို့လာနေသည်ကို မြင်တွေ့လိုက် ရလေသည်။</p> <p>လုံးဝ မှောင်မည်းနေပြီး ဆိုးယုတ်လှသောထာဝရကောင်းကင်ခေါင်းတလားကိုကြည့်ကာ ဧရာမမိစ္ဆာဖြစ်သည့်ချောက်နက်မိစ္ဆာအရှင်သခင်ပင်လျှင် တစ်ကိုယ်လုံးတုန်ယင်သွားခဲ့လေသည်။</p> <p>“ချောက်နက်မိစ္ဆာလက်ဝါး”</p> <p>သူသည် အလန့်တကြားနှင့် လက်ဝါးတစ်ချက်ထိုးထုတ်လိုက်လေသည်။</p> <p>ဧရာမ မိစ္ဆာချီလက်ဝါးတစ်ခုမှာ ထာဝရကောင်းကင်ခေါင်းတလားဆီသို့ ပျံသန်းသွားခဲ့လေ သည်။</p> <p>ချောက်နက်မိစ္ဆာလက်ဝါးမှာ ချောက်နက်မိစ္ဆာဂိုဏ်း၏အစွမ်းအထက်ဆုံး မိစ္ဆာလက်ဝါး ဖြစ်ပြီး လှိမ့်ဝင်လာသောမိစ္ဆာချီများမှာ မိစ္ဆာပင်လယ်အတွင်းမှပျံထွက်လာသော ဧရာမလက်ဝါးကြီး အလား တောင်တန်းများကိုဖျက်ဆီးပြီးမြေကြီးကိုချေမှုန်းနိုင်သောစွမ်းအားဖြင့် ထာဝရကောင်း ကင်ခေါင်းတလားကို ရိုက်ခတ်လိုက်လေသည်။</p> <p>“ဘုန်း…”</p> <p>ပြင်းထန်လှသော တုန်ခါမှုတစ်ခု။</p> <p>သို့သော်လည်း ထာဝရကောင်းကင်ခေါင်းတလားမှာအနည်းငယ်သာတုန်ခါသွားခဲ့ပြီး ၎င်း၏ အရှိန်မှာ မလျော့ကျသွားဘဲချောက်နက်မိစ္ဆာအရှင်သခင်ဆီသို့ ဆက်လက်ဖိနှိပ်လာခဲ့လေသည်။</p> <p>ချောက်နက်မိစ္ဆာအရှင်သခင် ထပ်မံရှောင်တိမ်းရန် ကြိုးစားလိုက်သော်လည်း ထာဝရကောင်း ကင်ခေါင်းတလား၏တိုက်ရိုက်ရိုက်ခတ်မှုကိုခံလိုက်ရပြီး ဥက္ကာခဲတစ်ခုအလား ကောင်းကင်ယံ၏ အစွန်းဆီသို့ လွင့်ထွက်သွားခဲ့လေသည်၊ ချောက်နက်မိစ္ဆာအရှင်သခင် မြေကြီးပေါ်သို့ ကျရောက်သွား သောအခါ သူ၏နတ်ဘုရားဝတ်စုံမှာပျက်စီးသွားပြီး သူ၏တစ်ကိုယ်လုံးမှာ ကွဲအက်နေသော ဖန်ခွက်အလား ပေါက်ကွဲသွားခဲ့လေသည်။</p> <p>သူ၏အတွင်းကလီစာများပင်လျှင် မြေကြီးပေါ်သို့ ပြန့်ကျဲသွားခဲ့လေသည်။</p> <p>သေသွားပြီ။</p> <p>ပြီးတော့ သူ၏အလောင်းတစ်ခုလုံးမှာ လုံးဝမှောင်မည်းသွားခဲ့ပြီး ထာဝရကောင်းကင်ခေါင်း တလားကဲ့သို့ အနက်ရောင်ဖြစ်သွားခဲ့လေသည်။</p> <p> </p> <p> </p> <p> </p> <p style="text-align: center;">***</p>


Save