Book List

<h2 style="text-align:center">အခန်း ၂၅၃</h2> <h2 style="text-align:center">မိစ္ဆာဘုရင် ရွေးချယ်ပွဲ (၇)</h2> <h2 style="text-align:center">*</h2> <p> </p> <p> </p> <p>ကိုင်ရီယော့စ် သည် ယခုအချိန်အထိ တပည့် သုံးဦးကိုသာ လက်ခံခဲ့ဖူးသည်။ တစ်ဦးကို သူ ပထမဆုံးအကြိမ် အဆင့်ကျော်လွန်ခြင်း ပြီးမြောက်ပြီးနောက်တွင် လက်ခံခဲ့ခြင်းဖြစ်ပြီး နောက်တစ်ဦးမှာမူ နှစ်ပေါင်း ၅၀ ကြာမြင့်ပြီးမှ လက်ခံခဲ့ခြင်း ဖြစ်သည်။ ထို့နောက်တွင်တော့ သူသည် အချိန်အတန်ကြာသည်အထိ မည်သည့်တပည့်ကိုမျှ ထပ်မံလက်မခံတော့ပေ။</p> <p>ထိုသို့လက်မခံခဲ့ခြင်းမှာ သူ၏ ယခင်တပည့်များအားလုံး သေဆုံး သွားခဲ့ကြသောကြောင့် ဖြစ်သည်။ တစ်ဦးမှာ သွေးမိစ္ဆာဂိုဏ်း ၏ ဆက်ခံသူလက်တွင် သေဆုံးခဲ့ရပြီး အခြားတစ်ဦးမှာမူ သွေးမိစ္ဆာဂိုဏ်း ကြောင့်သေဆုံးခဲ့ခြင်း ဖြစ်သည်။</p> <p>ဤသေဆုံးမှု နှစ်ခုကြောင့် ဖြစ်ပေါ်လာသော အကျိုးဆက်များက ‘ဝိရောဓိ ဘတ်ချွန်း’ဆိုသည့် ကိုင်ရီယော့စ် ရော့ဒ်ဂရိမ် ကို ကျော်ကြားလာစေခဲ့သည်။ သူ၏ တပည့်များ သေဆုံးသွားရသဖြင့် အမျက်ဒေါသ ထွက်ခဲ့ရသော ကိုင်ရီယော့စ် သည် သွေးမိစ္ဆာဂိုဏ်း၏ အခြေစိုက်စခန်းများကို တိုက်ခိုက်ဖျက်ဆီးခဲ့သည်။ ထိုစဉ်က သိုင်းလောကတွင် ဘာတွေ အတိအကျ ဖြစ်ပျက်ခဲ့သည်ကို မသိရှိရသော်လည်း တစ်ခုကတော့ သေချာနေခဲ့သည်။</p> <p>တောင်တန်းပေါင်းတစ်သိန်း၏ ထက်ဝက်ခန့်မှာ တောင်ကတုံးများ ဖြစ်သွားခဲ့ရပြီး သွေးမိစ္ဆာဂိုဏ်း သည် ပထမဆုံးသိုင်းလောက မှ သူတို့၏ အင်အားစုများကို ရုပ်သိမ်းသွားခဲ့ရသည်။</p> <p>နောက်ထပ် အနှစ် ၁၀၀ ကြာပြီးနောက်တွင်တော့ ကိုင်ရီယော့စ် သည် တပည့်တစ်ဦးကို ထပ်မံလက်ခံခဲ့ပြန်သည်။ ကိုင်ရီယော့စ် သည် အခက်အခဲများစွာ ကြုံတွေ့ရပြီးမှ တွေ့ဆုံခဲ့ရသည့် ထိုတပည့်ကို မေးလိုက်၏။</p> <p>[...ဒါက ဘာဖြစ်နေတာလဲ]</p> <p>"နုံချာလှတဲ့ ဒီတပည့်က ဆရာ့ကို ဂါရဝပြုပါတယ်"</p> <p>ကိုင်ရီယော့စ် သည် သူ၏ တပည့်ကို ခါးသီးသော အမူအရာဖြင့် ကြည့်ရှုလိုက်သည်။ ဤသူမှာ သူ၏ နှလုံးသားဖြင့် လက်ခံခဲ့သည့် နောက်ဆုံးသော တပည့်ပင် ဖြစ်သည်။</p> <p>[ငါ မင်းကို မေးနေတယ်လေ။ ဘာလို့ ဒီလို ဖြစ်နေရတာလဲ]</p> <p>ဤတပည့်မှာ ပါရမီလည်း မရှိသလို သဘောကျစရာ အကွက်လည်း ဘာမှမရှိချေ။ သူတို့ စတင်တွေ့ဆုံသည့် အချိန်ကတည်းကပင် တပည့်ဖြစ်သူသည် ရင်းနှီးသလိုမျိုး ပြုမူခဲ့သည့်အပြင် သူတို့နှစ်ဦးမှာ အချိန်အကြာကြီး သိကျွမ်းခဲ့ကြသလိုမျိုးလည်း ပြုမူခဲ့သည်။ တပည့်ဖြစ်သူသည် ဝိရောဓိ ဘတ်ချွန်း အပေါ်တွင် ‘ခင်မင်ရင်းနှီးမှု’ ရှိနေခဲ့သည်။ အလွန်ပင် ထူးဆန်းလှသဖြင့် ကိုင်ရီယော့စ် သည် တပည့်ဖြစ်သူ၏အကြောင်းကို အနည်းငယ် သိချင်စိတ် ပေါက်သွားခဲ့ခြင်း ဖြစ်၏။</p> <p>"ကျနော် ပထမဆုံးသိုင်းလောက ကို ရောက်သွားခဲ့ပါတယ်"</p> <p>ကိုင်ရီယော့စ် သည် သွေးများဖြင့် စွန်းပေနေသော သူ၏ တပည့်ကို စိုက်ကြည့်လိုက်သည်။ သူသည် ငြိမ်းချမ်းမြေ ပေါ်တွင် ဆိုးသွမ်းမှုများဖြင့် ပြည့်နှက်နေသည့် လူတစ်ဦး ဖြစ်ခဲ့သည်။ ကိုင်ရီယော့စ် အနေဖြင့် နည်းစနစ်ကို ခိုးယူပြီး ထွက်ပြေးခဲ့သည့် ပြစ်မှုအတွက် သူ့ကို အပြစ်မပေးခဲ့ခြင်းမှာ သူသည် ကိုင်ရီယော့စ် ၏ ဂြိုဟ်ကို ကယ်တင်ပေးခဲ့သောကြောင့် ဖြစ်သည်။</p> <p>ထို့ကြောင့် ကိုင်ရီယော့စ် သည် စောင့်ဆိုင်းနေခဲ့သည်။ တစ်နေ့နေ့တွင် သူ၏ တပည့်သည် မိမိကိုယ်ကိုယ် ပြန်လည်သုံးသပ်ပြီး ပြန်လည်ပေါ်လာလိမ့်မည်ဟု သူယူဆခဲ့သည်။ သို့သော်လည်း သူ၏ တပည့်မှာ ဤကဲ့သို့သော ပုံစံဖြင့် ပေါ်လာခဲ့ရသည်။</p> <p>ကိုင်ရီယော့စ် သည် မျက်မှောင်ကြုတ်လိုက်ရင်းမှ ပြောလိုက်သည်။</p> <p>[မင်းရဲ့ ဒဏ်ရာတွေထဲမှာ ကောင်းကင်ဖြိုခွင်းဓါးသိုင်း ရဲ့ အကြွင်းအကျန်တွေ ရှိနေတယ်]</p> <p>"..."</p> <p>[မင်းက ကောင်းကင်ဖြိုခွင်းဓါးသူတော်စင်ရဲ့ တပည့်နဲ့ တွေ့ခဲ့တာလား။ ဒါမှမဟုတ် ကောင်းကင်ဖြိုခွင်းဓါးသူတော်စင် ကိုယ်တိုင်နဲ့ တွေ့ခဲ့တာလား]</p> <p>တပည့်ဖြစ်သူက ပြန်မဖြေခဲ့ပေ။ ကိုင်ရီယော့စ် ၏ ဖိအားများမှာ ပိုမိုပြင်းထန်လာခဲ့သည်။</p> <p>[ငါ့ကို ဖြေစမ်း]</p> <p>စက်မှုဇုန်တစ်ခုလုံးမှာ နင်းခြေခံလိုက်ရသည့် ပိုးကောင်တစ်ကောင်ကဲ့သို့ တွန့်လိမ်သွားခဲ့ရသည်။ တည်ရှိမှုများ ပြန့်နှက်သွားခဲ့ပြီး စက်မှုဇုန်အတွင်းရှိ ကင်ဒေါ့ဂျာ များအားလုံးမှာ နာကျင်မှုကြောင့် ဒူးထောက်လိုက်ကြရ၏။  မှော်စွမ်းအင် လှိုင်းတစ်ခုမျှသာ ဖြစ်သော်လည်း သူ၏ ‘အဆင့်အတန်း’ ကို ထုတ်ဖော်ပြသလိုက်သလိုမျိုး ဖြစ်နေခဲ့သောကြောင့် ဖြစ်သည်။ ဤသည်မှာ ဝိရောဓိ ဘတ်ချွန်း ၏ တည်ရှိမှုပင် ဖြစ်သည်။ ဒူးမထောက်ဘဲ ကျန်ရှိနေသည့် တစ်ဦးတည်းသောသူမှာ သူ၏ တပည့်သာ ဖြစ်၏။</p> <p>" ကျနော့်ရဲ့ ဒီလိုပုံစံမျိုးကို ဆရာ့ကို မမြင်စေချင်ခဲ့ဘူး"</p> <p>[အဲဒါက ဘာကို ဆိုလိုတာလဲ]</p> <p>"ကျနော်က ဘတ်ချွန်း ရဲ့ နာမည်ကို ညှိုးနွမ်းစေခဲ့ပါပြီ"</p> <p>[...]</p> <p>"ကျနော့်ကို သတ်ပစ်လိုက်ပါတော့"</p> <p>ထိုစကားကြောင့် ကိုင်ရီယော့စ် ၏ မျက်ခုံးများမှာ တွန့်ချိုးသွားခဲ့ရသည်။ ဤနေရာသို့ မလာရောက်မီက သူ ရရှိခဲ့သည့် မက်ဆေ့ချ်ကို ပြန်လည်သတိရသွားခဲ့သောကြောင့် ဖြစ်သည်။</p> <p>--ကျနော့်ကို သတ်ပစ်လိုက်ပါတော့</p> <p>ကိုင်ရီယော့စ် ၏ သေးငယ်သော သွားများမှာ အချင်းချင်း ကြိတ်လိုက်သဖြင့် အသံထွက်ပေါ်လာခဲ့သည်။</p> <p>[ငါ မင်းကို အပြစ်ပေးဖို့ လာခဲ့တာကတော့ အမှန်ပဲ။ ဒါပေမဲ့...]</p> <p>သူ၏ တပည့်ဖြစ်သူမှာ ဝေးကွာလှသော အရပ်ဒေသတစ်ခုတွင် အရိုက်အနှက် ခံခဲ့ရသည်။ ထို့အပြင် တပည့်ဖြစ်သူက အရှက်ရမှုကို မကျော်လွှားနိုင်သဖြင့် သူ့ကို သတ်ပစ်ရန် ပြောဆိုနေသည့် အခြေအနေမျိုး ဖြစ်နေခဲ့သည်။</p> <p>ဤကဲ့သို့သော အခြေအနေမျိုးတွင် မည်ကဲ့သို့သော ဆရာမျိုးက မိမိ၏ တပည့်ကို အပြစ်ပေးနိုင်မည်နည်း။ အပြစ်ပေးတတ်သော ဆရာမျိုး သေချာပေါက် ရှိနေနိုင်သော်လည်း အနည်းဆုံးတော့ ကိုင်ရီယော့စ် ကတော့ ထိုကဲ့သို့သောသူ မဟုတ်ပေ။</p> <p>[...မင်းက ဘာဖြစ်လို့ အသတ်ခံရဖို့ ဒီလောက်တောင် အားသန်နေရတာလဲ]</p> <p>"..."</p> <p>[မိုက်မဲတဲ့ကောင်]</p> <p>ကိုင်ရီယော့စ် သည် သူ၏ တပည့်ကို ကျောခိုင်းလိုက်သည်။ မာနကြီးလှသော သူ၏ တပည့် ဘာတွေကြုံတွေ့ခဲ့သည်ကို သူ မသိရှိသော်လည်း သိုင်းလောက ဆီသို့ သူသွားရောက်မည်ဆိုလျှင်တော့ သိရှိရပေလိမ့်မည်။</p> <p>[မင်းက ပထမဆုံးသိုင်းလောက လို့ ပြောခဲ့တာနော်]</p> <p>သူ၏ တပည့်က ပြန်မဖြေခဲ့သော်လည်း ကိုင်ရီယော့စ် ကတော့ စတင်လှုပ်ရှားနေခဲ့ပြီ ဖြစ်သည်။</p> <div> <p>[‘ကောင်းကင်ဖြိုခွင်း’ တဲ့ အထက်မှာ ‘ဝိရောဓိ’ ဆိုတာ ရှိနေကြောင်း အဲဒီကမ္ဘာက သိရှိသွားစေရမယ်]</p> </div> <p> </p> <p>----</p> <p>ကိုင်ရီယော့စ် ထွက်ခွာသွားခဲ့ပြီးနောက် စက်မှုဇုန်အပေါ်တွင် လွှမ်းမိုးနေသော တိမ်တိုက်များမှာ ဆေးကြောသန့်စင်လိုက်သကဲ့သို့ ပျောက်ကွယ်သွားခဲ့သည်။ ကိုင်ရီယော့စ် ဖြတ်သန်းသွားခဲ့သည့် နေရာများတွင် ကင်ဒေါ့ဂျာ ဖြစ်ရန် ရည်မှန်းထားကြသူများမှာ လဲလျောင်းနေခဲ့ကြသည်။</p> <p>"အား... အား..."</p> <p>ကျနော်ဆိုပြီး ဖြစ်ချင်နေကြသော ထိုသူများကို ကြည့်ပြီး အလွန်ပင် စိတ်ရှုပ်ထွေးမှုကို ခံစားလိုက်ရသည်။ ဂျန်ဟာယောင်း က မေးလိုက်သည်။</p> <p>"...အဲဒါက အရမ်းလွန်သလိုပဲနော် "</p> <p>သူ၏မေးခွန်းမှာ ကင်ဒေါ့ဂျာ ဖြစ်ရန် ရည်မှန်းထားကြသူများအတွက် မေးသည့် မေးခွန်းမဟုတ်ပေ။ ကိုင်ရီယော့စ် ပျောက်ကွယ်သွားခဲ့သည့် ကူးပြောင်းမုခ်ဝကို ကျနော်စိုက်ကြည့်လိုက်ရင်းမှ ပြောလိုက်သည်။</p> <p>"သူ့ကို လှုပ်ရှားစေနိုင်တဲ့ တစ်ခုတည်းသော နည်းလမ်းက ဒါပဲ ရှိတယ်"</p> <p>ကိုင်ရီယော့စ် သည် ယခင်က တပည့်နှစ်ဦးကို သိုင်းလောကတွင် ဆုံးရှုံးခဲ့ဖူးပြီးသား ဖြစ်၏။ သူ့ကို ပထမဆုံးသိုင်းလောက ဆီသို့ စေလွှတ်နိုင်ရန်အတွက် လူမဆန်သော ဆင်ခြေတစ်ခုကို ကျနော် မတတ်သာဘဲ သုံးလိုက်ရခြင်းဖြစ်သည်။</p> <p>"တကယ်လို့ သူက ကောင်းကင်ဖြိုခွင်းဓါးသူတော်စင်ကို သတ်လိုက်ရင် ဘယ်လိုလုပ်မလဲ"</p> <p>"အဲဒါအတွက် စိတ်မပူပါနဲ့"</p> <p>ဂျန်ဟာယောင်း ကြောင့် ဖြစ်ပေါ်လာခဲ့သည့် ဒဏ်ရာများပေါ်တွင် ဇာတ်လမ်းအစအနတစ်ခုကို တင်ထားရင်းမှ ကျနော် ပြန်ဖြေလိုက်သည်။</p> <p>ကိုင်ရီယော့စ် သည် ကျနော့်အတွက် လက်စားချေပေးရန် သွားရောက်ခဲ့ခြင်း ဖြစ်ပုံရသော်လည်း အခြေအနေများမှာ မည်သို့ ဖြစ်လာမည်ကိုတော့ စောင့်ကြည့်ရဦးမည် ဖြစ်သည်။ ကိုင်ရီယော့စ်လို အဆင့်ကျော်လွန်ခြင်း အဆင့်အတန်းရှိသော တစ်ဦးအနေဖြင့် ပထမဆုံးသိုင်းလောက တွင် ဖြစ်ပေါ်နေသော ပြဿနာများကို သတိပြုမိပေလိမ့်မည်။</p> <p>[သင်သည် ဇာတ်ဝင်ခန်းခွဲ အသစ်တစ်ခုကို အသက်သွင်းလိုက်ပါပြီ။]</p> <p>ယခုအချိန်တွင် ကိုင်ရီယော့စ် သည် ပထမဆုံးသိုင်းလောက တွင် ဝင်ရောက်စွက်ဖက်ရန်အတွက် ဇာတ်ဝင်ခန်းခွဲတစ်ခုကို ရရှိထားပြီး လောက်ပြီ ဖြစ်သည်။ ကိုင်ရီယော့စ် သည်လည်း ပြင်ပနတ်ဘုရား များအပေါ်တွင် မကျေမနပ် ဖြစ်နေခဲ့သူ ဖြစ်၏။ အခြေအနေကို သူ သိရှိသွားသည်နှင့် တစ်ပြိုင်နက် ကောင်းကင်ဖြိုခွင်းဓါးသူတော်စင်ကို မဖြစ်မနေကူညီရပေတော့မည်။</p> <p>"မင်းက ငါတို့အတွက်ပဲ ပိုပြီး စိတ်ပူပေးသင့်တယ်"</p> <p>"ဘာဖြစ်လို့လဲ"</p> <p>"တကယ်တန်းဆိုရင် ကိုင်ရီယော့စ်ဟာ ဒီနေရာမှာ မပေါ်လာသင့်ဘူး"</p> <p>ကျနော် ကြုံတွေ့ခဲ့ရသည့် မရေမတွက်နိုင်သော အကျပ်အတည်းများ ရှိခဲ့သော်လည်း ဂျန်ဟာယောင်း မှတစ်ဆင့် ကိုင်ရီယော့စ် ကို ကျနော် မခေါ်ယူခဲ့ပေ။ ကျနော်သည် မူလက သူ့ကို မိစ္ဆာဘုရင် ရွေးချယ်ပွဲ အတောအတွင်းတွင်မှ ခေါ်ယူရန် ရည်ရွယ်ထားခဲ့ခြင်း ဖြစ်သည်။</p> <p>သို့သော်လည်း ကောင်းကင်ဖြိုခွင်းဓါးသူတော်စင်ကို ကယ်တင်ရန်အတွက် ထိုဝှက်ဖဲကို ကျနော် အသုံးပြုလိုက်ရပြီ ဖြစ်သည်။ ထိုသို့သုံးလိုက်ရခြင်းက မှားယွင်းသော ရွေးချယ်မှု ဖြစ်မဖြစ်ကို ကျနော် မသိရှိသော်လည်း အနည်းဆုံးတော့ ဂုဏ်သိက္ခာရှိသော ရွေးချယ်မှုတစ်ခု ဖြစ်ခဲ့၏။</p> <p>ကျနော်သည် ညမိုးကောင်းကင်ကို မော့ကြည့်လိုက်မိသည်။</p> <p>[‘မိစ္ဆာကဲ့သို့ မီးလျှံတရားစီရင်သူ’ နက္ခတ်က သင့်ကို စိုးရိမ်သော မျက်လုံးများဖြင့် စောင့်ကြည့်နေပါသည်။]</p> <p>ကြယ်တာရာအချို့မှာ ကျနော့်အတွက် စိုးရိမ်ပူပန်ပေးနေခဲ့ကြသည်။</p> <p>[အချို့သော နက္ခတ်များက သင့်ကို ပြုံးပြနေကြပါသည်။]</p> <p>အချို့သော ကြယ်တာရာများကတော့ ကျနော့်၏ အကျပ်အတည်းကို အခွင့်အရေးတစ်ခုအဖြစ် သဘောထားနေကြသည်။ ကျနော်သည် ထိုကြယ်တာရာများကို ကြည့်ပြီး ခါးသီးစွာ ပြုံးလိုက်မိသည်။</p> <p>"လုံလောက်အောင် မြင်တွေ့ခဲ့ရပြီဆိုရင် အခု ဆုံးဖြတ်ချက်တစ်ခု ချပေးနိုင်မလား"</p> <p>ကျနော် အသက်ပြင်းပြင်းတစ်ချက် ရှူလိုက်ပြီး မိုးကောင်းကင်ဆီသို့ ကြေညာလိုက်သည်။</p> <p>"ငါက ကင်ဒေါ့ဂျာအစစ်ပါ"</p> <p>ကိုင်ရီယော့စ် နှင့် စကားပြောဆိုမှုမှာ လူအများရှေ့တွင် ပွင့်လင်းစွာ ဖြစ်ပေါ်ခဲ့ခြင်း ဖြစ်သဖြင့် နောက်ထပ် သက်သေပြရန် မလိုအပ်တော့ပေ။ ညမိုးကောင်းကင်ရှိ ကြယ်များမှာ တစ်ချိန်တည်းမှာပင် တောက်ပလာခဲ့ကြသည်။</p> <p>[‘မိစ္ဆာကဲ့သို့ မီးလျှံတရားစီရင်သူ’ နက္ခတ်က သင်သည် ကင်ဒေါ့ဂျာအစစ် ဖြစ်ကြောင်း ဝန်ခံလိုက်ပါသည်။]</p> <p>[‘ရွှေခေါင်းကွင်း၏အကျဉ်သား’ နက္ခတ်က သင်သည် ကင်ဒေါ့ဂျာအစစ် ဖြစ်ကြောင်း ဝန်ခံလိုက်ပါသည်။]</p> <p>[အမှောင်ဆုံးသော နွေဦး၏ ဘုရင်မ နက္ခတ်က သင်သည် ကင်ဒေါ့ဂျာအစစ် ဖြစ်ကြောင်း ဝန်ခံလိုက်ပါသည်။]</p> <p>.</p> <p>.</p> <p>[အလွန်နည်းပါးသော နက္ခတ်များက ထိုရလဒ်များကို သဘောမတူကြပါ။]</p> <p>အခြားအရာတစ်ခုကို လိုချင်နေကြသူများက သဘောမတူခဲ့ကြ သော်လည်း ၎င်းမှာ အများစု၏ ဆန္ဒသာ ဖြစ်သည်။</p> <p>[နက္ခတ်များစွာက သင့်ကို ကင်ဒေါ့ဂျာအစစ် ဖြစ်ကြောင်း အသိအမှတ်ပြုလိုက်ကြပါသည်။]</p> <p>[သင်သည် ကင်ဒေါ့ဂျာအစစ် ဖြစ်ကြောင်း အသိအမှတ်ပြုခြင်း ခံလိုက်ရပါပြီ။]</p> <p>[ဝှက်ထားသော ဇာတ်ဝင်ခန်း ပြီးမြောက်သွားပါပြီ။]</p> <p>[ဇာတ်ဝင်ခန်း ဆုလာဘ်အဖြစ် ဒင်္ဂါး ၂၀၀,၀၀၀ ကို ရရှိလိုက်ပါပြီ။]</p> <p>ကင်ဒေါ့ဂျာ ဖြစ်ရန် ရည်မှန်းထားကြသူများ၏ မျက်နှာများမှာ တစ်ဦးပြီးတစ်ဦး စတင်ပြောင်းလဲလာခဲ့သည်။ သူတို့၏ ရုပ်ဖျက်ထားမှုများမှာ ပြန့်ကြဲသွားခဲ့ပြီး သူတို့၏ အစစ်အမှန် မျက်နှာများမှာ မိုးကောင်းကင်အောက်တွင် ပေါ်ထွက်လာခဲ့ကြသည်။</p> <p>ပထမဆုံးအကြိမ်အဖြစ် နိုင်ငံသားများသည် စက်မှုဇုန်၏ အစစ်အမှန် ပိုင်ရှင်ကို အတည်ပြုနိုင်ခဲ့ကြပြီး အံ့သြမှင်တက်စွာဖြင့် အော်ဟစ်လိုက်ကြသည်။</p> <p>"ကင်ဒေါ့ဂျာ။ ကင်ဒေါ့ဂျာအစစ်ပဲ"</p> <p>"ဒီ... ဒီစက်မှုဇုန်ရဲ့ သခင် ပြန်ရောက်လာပြီ"</p> <p>နောက်ထပ် မက်ဆေ့ချ်များ ထပ်မံပေါ်ထွက်လာခဲ့သည်။</p> <p>[သင်သည် ယခင် ဂီလိုဘတ် စက်မှုဇုန် ကို တရားဝင် ဆက်ခံလိုက်ပါပြီ။]</p> <p>[ယခင် ဂီလိုဘတ် စက်မှုဇုန် ကို ကင်ဒေါ့ဂျာ စက်မှုဇုန် အဖြစ် တရားဝင် ကြေညာလိုက်ပါပြီ။]</p> <p>[သင်၏ မကောင်းသတင်းမှာ မိစ္ဆာနယ်မြေ တွင် ပြန့်နှံ့နေပါသည်။]</p> <p>[သင်၏ ကျော်ကြားမှုက သင်၏ လက်ရှိ ဇာတ်လမ်းများကို ပိုမိုအင်အားကောင်းစေနေပါသည်။]</p> <p>တောက်ပသော အလင်းတန်းတစ်ခုက ကျနော့်၏ ခန္ဓာကိုယ်ကို လွှမ်းခြုံသွားခဲ့ပြီး ကျနော့်၏ ဇာတ်လမ်းများမှာ ပိုမိုအင်အားကောင်းလာခဲ့သည်။</p> <p>[သင်သည် စက်မှုဇုန်၏ ‘စော်ဘွား’ ဖြစ်ပါသည်။]</p> <div> <p>မကြာမီတွင်တော့ အထီးကျန်ဆန်လှသော တိုက်ပွဲတစ်ခု စတင်ပေတော့မည်။</p> </div> <p>အခြေအနေများ ငြိမ်သက်သွားခဲ့ပြီးနောက် ကျနော် ပထမဆုံး ဦးတည်ခဲ့သည့် နေရာမှာ စက်မှုဇုန်၏ အလယ်ဗဟိုတွင် ရှိသော မာ့ခ်၏ ရုံးခန်းပင် ဖြစ်သည်။</p> <p>"ငါ... အရှက်ရမိပါတယ်"</p> <p>"မဟုတ်တာ။ ခင်ဗျား ကောင်းကောင်း လုပ်ဆောင်နိုင်ခဲ့ပါတယ်"</p> <p>ကင်ဒေါ့ဂျာကစားပွဲ ကြောင့် ဆူပူအုံကြွမှုများ ဖြစ်ပွားခဲ့ပြီး မာ့ခ် နှင့် အခြားသော အရာရှိများမှာ ဖမ်းဆီးထိန်းသိမ်းခံခဲ့ရသည်။ ကျနော်သည် မာ့ခ် ၏ ပခုံးကို ပုတ်ပြီး သူ့ကို နှစ်သိမ့်ပေးလိုက်သည်။</p> <p>"ခင်ဗျား အကောင်းဆုံး လုပ်ဆောင်ခဲ့ပြီးပါပြီ"</p> <p>မာ့ခ် အပါအဝင် မည်သူတစ်ဦးတစ်ယောက်မျှ ကင်ဒေါ့ဂျာကစားပွဲ ကို တားဆီးနိုင်ခဲ့ကြမည် မဟုတ်ပေ။ ထိုကစားပွဲမှာ ကျနော် ထွက်ခွာသွားခဲ့သောကြောင့် ဖြစ်ပေါ်လာခဲ့သည့် ဖြစ်ရပ်တစ်ခုသာ ဖြစ်လေသည်။ မာ့ခ် ၏ ကျေးဇူးကြောင့်သာ စက်မှုဇုန်မှာ ဤအတိုင်းအတာအထိ ထိန်းသိမ်းထားနိုင်ခဲ့ခြင်း ဖြစ်၏။ အမှန်စင်စစ်တွင် မာ့ခ် မှာ သူ၏ မွေးရပ်မြေဂြိုဟ်ပေါ်တွင် ကြေးစားစစ်သား ခေါင်းဆောင်တစ်ဦး ဖြစ်ခဲ့ပြီး အလွန်မြင့်မားသော လူစုလူဝေးထိန်းချုပ်နိုင်စွမ်း စွမ်းရည်ကို ပိုင်ဆိုင်ထားသူ ဖြစ်သည်။</p> <p>ဤနယ်မြေ၏အခြေအနေများနှင့် ပတ်သက်သော မာ့ခ် ၏ အစီရင်ခံစာကို ကျနော်နားထောင်လိုက်သည်။</p> <p>"နေရာအနှံ့အပြားကနေ စစ်ပွဲသတင်းတွေ ကြားနေရပါတယ်"</p> <p>စက်မှုဇုန်အတွင်းမှ ထွက်ခွာသွားကြသည့် လူအုပ်စုကြီးကို ရုံးခန်းပြတင်းပေါက်မှတစ်ဆင့် မြင်တွေ့နေရသည်။ သူတို့ထဲမှ အချို့မှာ ဇာတ်ဝင်ခန်းတွင် ခုလေးတင်မှ ပါဝင်လာခဲ့ကြသူများ ဖြစ်ပြီး အချို့မှာမူ ထိုသို့ မဟုတ်ကြပေ။</p> <p>"စစ်ပွဲဆိုတာ တစ်ယောက်တည်း လုပ်လို့မရဘူးလေ။ ခင်ဗျား မသိဘူးလား"</p> <p>"တိုက်ခိုက်လိုစိတ် မရှိတဲ့သူတွေကို ဆွဲထားတာက မိုက်မဲရာကျပါတယ်"</p> <p>သူတို့ထဲမှ အများစုမှာ ‘ဇာတ်ဝင်ခန်းနယ်မြေမှ ထွက်ခွာခြင်း’ ၏ ပြစ်ဒဏ်ကြောင့် သေဆုံးကြရပေလိမ့်မည်။ သို့တိုင်အောင် သူတို့သည် ထွက်သွားရန်သာ ဆုံးဖြတ်ခဲ့ကြသည်။ ဤသည်က အခြေအနေများ မည်မျှအထိ မျှော်လင့်ချက်မဲ့နေသည်ကို ဖော်ပြနေခြင်း ဖြစ်သည်။</p> <p>[စက်မှုဇုန်၏ လူဦးရေမှာ လျော့နည်းလာနေပြီး စက်ရုံ ၏ စွမ်းအားမှာလည်း ကျဆင်းလာနေပါသည်။]</p> <p>ဇာတ်လမ်းလက်နက်တစ်ခုဖြစ်သည့် စက်ရုံ သည် နိုင်ငံသားများ၏ လုပ်ကိုင်ဆောင်ရွက်မှုမှတစ်ဆင့် ထိန်းသိမ်းထားခြင်း ဖြစ်သည်။ အလုပ်သမားအင်အား လျော့နည်းသွားသည်နှင့် တစ်ပြိုင်နက် စွမ်းအားများ ကျဆင်းသွားမည်မှာ သဘာဝပင် ဖြစ်သည်။ သို့သော်လည်း ကျနော်သည် ဘာမှမဟုတ်သလိုမျိုး ပြောလိုက်သည်။</p> <p>"ကျနော်တို့ စက်မှုဇုန်ရဲ့ စွမ်းအားတစ်ခုတည်းနဲ့တော့ ရလဒ်ကို မြင်တွေ့နိုင်မှာ မဟုတ်ဘူး။ ဘယ်လိုပဲဖြစ်ဖြစ် ရန်သူရဲ့ အဓိက အာရုံစိုက်ရာက စက်မှုဇုန် မဟုတ်ပါဘူး"</p> <p>မဲလ်လီဒွန် နှင့် ဘာကန် တို့ကို ကိုင်တွယ်ဖြေရှင်းရမည် ဖြစ်သည်။ မဲလ်လီဒွန် သည် ဝေဒ နှင့် လက်တွဲထားပြီး ဘာကန် မှာမူ ပါပီရပ်စ် နှင့် လက်တွဲလုပ်ဆောင်နေလေသည်။</p> <p>သူတို့၏ဆက်ဆံရေး မဟာမိတ်အင်အားစု၏ ချိန်ခွင်လျှာပေါ်တွင် အခြေခံထားသည့် နက်ဗျူလာ များနှင့် တိုက်ရိုက်မဟာမိတ်ဖွဲ့ခြင်း မျိုးတော့ မဟုတ်လောက်ပေ။ သူတို့သည် နက်ဗျူလာ များ၏ အချို့သော နက္ခတ်များ နှင့်သာ စာချုပ်ချုပ်ဆိုထားကြခြင်း ဖြစ်ပေလိမ့်မည်။</p> <p>သို့သော်လည်း ၎င်းမှာ လျစ်လျူရှုထား၍မရသော အင်အားတစ်ခု ဖြစ်၏။ မည်သို့ ဖြစ်လာမည်ကိုတော့ မသိရှိရသေးသော်လည်း မိစ္ဆာဘုရင် ရွေးချယ်ပွဲ တွင် အနည်းဆုံးတော့ ကျနော်သည် နက္ခတ် ၁၀ပါးနှင့် ရင်ဆိုင်တိုက်ခိုက်ရဖွယ် ရှိနေလေသည်။</p> <p>"ဘာအစီအစဉ် ဆွဲထားသေးလဲ"</p> <p>ရိုးရိုးသားသား ပြောရမည်ဆိုလျှင်တော့ အနိုင်ရရှိနိုင်ခြေမှာ သိပ်ပြီး မမြင့်မားလှပေ။ ကျနော်သည် နက္ခတ်တစ်ပါး ဖြစ်လာခါစသာ ရှိသေးပြီး ယူဂျွန်ဟော့ ၏ အကူအညီ ပါဝင်လျှင်ပင် သူတို့ကို ရင်ဆိုင်တိုက်ခိုက်ရန်မှာ ကိုယ့်ကိုယ်ကိုယ် သတ်သေခြင်းနှင့် တူပေလိမ့်မည်။</p> <p>"ကျနော့်မှာ နည်းလမ်းရှိပါတယ်"</p> <p>ထိုနည်းလမ်းကို ယခုအချိန်တွင် ကျနော်ထုတ်မပြောနိုင်သေးပေ။ စောင့်ကြည့်နေကြသော မျက်လုံးများမှာ အရမ်းကို များပြားလွန်းလှသည်။</p> <p>[နက္ခတ်များစွာက သင်၏ ရည်မှန်းချက်ကြီးမားမှုကို အထင်ကြီး လေးစားနေကြပါသည်။]</p> <p>[‘ရွှေခေါင်းကွင်း၏အကျဉ်သား’ နက္ခတ်က အစီအစဉ်က ဘာကို ဆိုလိုတာလဲဟု သိချင်နေပါသည်။]</p> <p>[ဒင်္ဂါး ၂,၀၀၀ ကို ထောက်ပံ့ပေးလိုက်ပါသည်။]</p> <p>အမှန်စင်စစ်တွင် ကျနော် စဉ်းစားထားခဲ့သည့် အရာအချို့ ရှိနေခဲ့သည်။ စဉ်းစားမိသည့်အရာများမှာ ယခင်ကတော့ မဖြစ်နိုင်ခဲ့သော်လည်း ယခုအချိန်တွင်တော့ ဖြစ်နိုင်ခြေ ရှိနေခဲ့ပြီ ဖြစ်သည်။ ထိုနည်းလမ်းများကို ကျနော် အသုံးမပြုမီတွင် ပထမဦးစွာ စစ်ဆေးကြည့်ရမည့် အရာတစ်ခု ရှိနေခဲ့၏။</p> <p>[Fourth Wall က တွန့်လိမ်လှုပ်ရှားနေပါသည်။]</p> <p>Fourth Wallမှာ ကျနော့်၏ စိတ်ကို ဖတ်ရှုလိုက်ပြီး ပြန်လည်တုံ့ပြန်လိုက်ခြင်း ဖြစ်သည်။ ကျနော်သည် ‘မင်းရဲ့ အကူအညီ ငါ လိုအပ်တယ်’ ဟု တွေးတောရင်းမှ ဖြည်းညှင်းစွာ မျက်တောင်ခတ်လိုက်မိသည်။</p> <p>ကျနော် နှုတ်မှ ဖွင့်ဟပြောဆိုရန် မလိုဘဲ ကျနော် ဘာပြောချင်သည်ကို Fourth Wallက သိရှိနေပေလိမ့်မည်။</p> <p>‘ငါ့ရဲ့ ဝိသေသလက္ခဏာဇယား ကို ကြည့်ခွင့်ပေးပါ’</p> <p>ယခုအချိန်အထိ ကျနော်သည် ကျနော့်၏ အချက်အလက်များကို သေချာစွာ မသိရှိရသေးဘဲ တိုက်ခိုက်လာခဲ့ရခြင်း ဖြစ်သည်။</p> <p>ထိုသို့တိုက်ခိုက်နိုင်ခဲ့ခြင်းက ယခုအချိန်အထိသာ ဖြစ်သည်။</p> <p>[Fourth Wall က စိုးရိမ်တကြီး တုန်လှုပ်နေပါသည်။]</p> <p>အနာဂတ်တွင်တော့ ထိုသို့လုပ်ဆောင်ရန်မှာ ခက်ခဲပေလိမ့်မည်။ ကိုယ့်ကိုယ်ကိုယ် မသိရှိဘဲနှင့် ရန်သူကို သိရှိရန်မှာ ခက်ခဲလှသည်။ ကျနော်သည် ရန်သူ၏အကြောင်းကို အနည်းငယ် သိရှိထားပြီး ဖြစ်သောကြောင့် ‘ကိုယ့်ကိုယ်ကိုယ်’ လည်း သိရှိထားရန် လိုအပ်ပေသည်။</p> <p> </p> <p> </p> <p style="text-align:center">***</p>


Save