Book List

<h2 style="text-align: center;">အခန်း ၂၅၆</h2> <h2 style="text-align: center;">ဇာတ်ကောင်အဖြစ် ဝင်ရောက်ခြင်း (၂)</h2> <h2 style="text-align: center;">*</h2> <p> </p> <p> </p> <p>အကျိတ်နှင့်လူက လှည့်ကြည့်လိုက်သည့်ခဏ၌ ဝါကျင်ကျင် လျှပ်စစ်ဖြာထွက်မှုများဖြင့် ပြုလုပ်ထားသော လှံသုံးစင်းက သူ၏ရှေ့တည့်တည့်သို့ ပစ်ခတ်ဝင်ရောက်လာခဲ့သည်။ အကျိတ်နှင့်လူသည် မျက်မှောင်ကြုတ်လိုက်ရင်း နောက်သို့ ဆုတ်လိုက်ရသည်။ ထိုတိုက်ခိုက်မှာ မဟာဇာတ်လမ်းကြီးတစ်ခု၏ စွမ်းအားများ ပါဝင်နေသော တိုက်ခိုက်မှုတစ်ခု ဖြစ်သည်။</p> <p>[အကြီးတန်း ဒိုကဲဘီ တစ်ယောက်ပဲ]</p> <p>လေထုထဲတွင် ပြည့်နှက်နေသော ဝါကျင်ကျင် အလင်းတန်းများ၏ နောက်ကွယ်၌ အရိပ်တစ်ခု ပေါ်ထွက်လာခဲ့သည်။ ထိုအရိပ်ပိုင်ရှင်မှာ သပ်ရပ်သော အဝတ်အစားများကို ဝတ်ဆင်ထားသည့် ကလေးငယ်တစ်ဦး အရွယ်အစားရှိသော ဒိုကဲဘီတစ်ဦး ဖြစ်သည်။ ထိုသူမှာ ဘီဟွန်းပင် ဖြစ်၏။</p> <p>[မင်းအတွက် ဘေးဒုက္ခတွေမခံစားချင်ဘူးဆိုရင် အဲဒီကလေးကို ထားခဲ့ပြီး အခုချက်ချင်း ထွက်သွားလိုက်]</p> <p>ဟိန်းဟောက်နေသော ဘီဟွန်း၏ ပါးစပ်ထဲမှ အနီရောင် အစွယ်များမှာ ဖျတ်ခနဲ လက်သွားခဲ့သည်။ ကြယ်တာရာရုပ်သံထုတ်လွှင့်မှု ၏ ဒိုကဲဘီများသည် အလွယ်တကူ ဒေါသထွက်လေ့မရှိကြချေ။ ချန်နယ်များထဲမှ နက္ခတ်များသည် ဒိုကဲဘီများက ၎င်းတို့၏ စိတ်ခံစားချက်များကို ထုတ်ဖော်ပြသသည်ကို သဘောမကျကြသောကြောင့် ဖြစ်သည်။ သို့သော်လည်း ဒိုကဲဘီတစ်ဦး အမှန်တကယ် ဒေါသထွက်လာသည့် အချိန်များလည်း ရှိတတ်သည်။ ထိုသို့သော အချိန်မျိုးတွင်သာ ၎င်းတို့၏ စွယ်သွားများကို မြင်တွေ့ရတတ်၏။</p> <p>[စီမံခန့်ခွဲရေးဌာနရဲ့ အဖွဲ့ဝင်တောင် မဟုတ်တဲ့ ဒိုကဲဘီတစ်ကောင်အတွက် မင်းက ဘာလို့ ဝင်ပါနေရတာလဲ]</p> <p>[ဒိုကဲဘီဆိုတာ ဒိုကဲဘီပဲ]</p> <p>[ရယ်စရာကောင်းလိုက်တာ]</p> <p>[...ငါက ဒီကလေးကို မွေးထုတ်ပေးခဲ့တာ ငါကိုယ်တိုင် မွေးမြူချင်မှ မွေးမြူခဲ့ပေမဲ့ မိဘတစ်ယောက်အနေနဲ့တော့ တာဝန်ယူရမှာပဲ]</p> <p>အကျိတ်နှင့်လူက ထိုစကားများကို ကြားပြီးနောက် လှောင်ပြောင်ရယ်မောလိုက်သည်။</p> <p>[မိဘ ဟုတ်လား။ မိဘတဲ့]</p> <p>သူသည် အော်ဟစ်ရယ်မောလိုက်သဖြင့် သူ၏ ပါးပေါ်မှ အကျိတ်မှာ တုန်ခါသွားခဲ့သည်။</p> <p>[ဘယ်တုန်းကများ ဒိုကဲဘီတွေမှာ ဒီလို လူသားဆန်တဲ့ ကဏ္ဍတွေ ရှိသွားတာလဲ။ အဲဒီလိုအရာမျိုးသာ ရှိခဲ့ရင် မင်းတို့က ငါတို့ရဲ့ ဘိုးဘေးတွေကို ပေးခဲ့သင့်တာ]</p> <p>[စိတ်မကောင်းပါဘူး။ အဲဒီအချိန်တုန်းက ငါမွေးတောင် မမွေးသေးဘူးလေ]</p> <p>[ဒါဆိုရင် ငါတို့ ခံစားခဲ့ရတဲ့ ဆင်းရဲဒုက္ခတွေအတွက် ဘယ်သူက လျော်ကြေးပေးမှာလဲ]</p> <p>မြူခိုးများအောက်တွင် ဖုံးကွယ်ထားသော အကျိတ်နှင့်လူ၏ မျက်လုံးတစ်ဖက် ပေါ်ထွက်လာခဲ့သည်။ ထိုမျက်လုံးမှာ ‘မဟာမိစ္ဆာ၏မျက်လုံး’ ပင် ဖြစ်သည်။ ဝါကျင်ကျင် မျက်ဝန်းအိမ်မှာ စတင် လည်ပတ်လာခဲ့ပြီး ပြင်းထန်သော ဖိအားများကို ထုတ်လွှတ်လာခဲ့သည်။</p> <p>[ငါတို့ရဲ့ 'ဇာတ်လမ်းအိတ်' ကို လုယူသွားတဲ့ နာကျင်မှုအတွက် ငါတို့ကို ဘယ်သူက လျော်ကြေးပေးမှာလဲ]</p> <p>[အဓိပ္ပါယ်မရှိတဲ့စကားတွေလာပြောနေတာပဲ။ ငါ အဲဒီဇာတ်လမ်းကို သိတယ်။ ဒါပေမဲ့ ငါတို့က ဇာတ်လမ်းအိတ်ကို ပြန်ပေးပြီးသားပဲ နှစ်ဆတောင် ပြန်ပေး―]</p> <p>အခြေအနေများမှာ ပို၍ ဆိုးရွားလာခဲ့ပြီး ဘီဟွန်း၏ မျက်နှာမှာ တင်းမာလာခဲ့သည်။ အကျိတ်နှင့်လူက သူနှင့် တိုက်ခိုက်ရန် ကြိုးစားလာလိမ့်မည်ဟု သူ မမျှော်လင့်ထားခဲ့ချေ။ ဘီဟွန်းသည် ခံ့ခံ့ညားညား ပေါ်ထွက်လာခဲ့သော်လည်း ဤသည်မှာ အကျိတ်နှင့်လူ တစ်ဦးနှင့် ပထမဆုံးအကြိမ် သူတိုက်ခိုက်ခြင်း ဖြစ်သည်။</p> <p>—ဘာပဲဖြစ်ဖြစ် အကျိတ်နှင့်လူနဲ့ တိုက်ခိုက်ရမယ့် အခြေအနေမျိုးကို တတ်နိုင်သမျှ ရှောင်ရှားပါ</p> <p>ထိုစကားမှာ ယခင်မျိုးဆက် ဒိုကဲဘီများ ချန်ရစ်ထားခဲ့သော အကြံပြုချက်တစ်ခု ဖြစ်သည်။ ဘီဟွန်းသည် ဆိုးလ်ဌာနခွဲ၏ အတော်အတန် သက်တမ်းရင့်သော ဒိုကဲဘီတစ်ဦး ဖြစ်သော်လည်း သူသည် ဒိုကဲဘီနှင့် အကျိတ်နှင့်လူတို့၏ ပတ်သက်မှုအကြောင်းကို အနည်းငယ်သာ သိရှိထားခဲ့သည်။ အသေအချာ သိရှိထားသောအရာမှာ ဤမျိုးနွယ်စုနှစ်ခုမှာ ‘ချန်နယ်’ ဟူသော အယူအဆ မပေါ်ပေါက်မီ ခေတ်ကာလများကတည်းကပင် ရန်ဘက်များ ဖြစ်ခဲ့ကြသည်ဟူ၍သာ ဖြစ်သည်။</p> <p>အကျိတ်နှင့်လူက ပြောလိုက်သည်။</p> <p>[မင်း ဘာမှ မသိသေးတဲ့ ပုံပဲ။ မင်းတို့တွေက အကျိတ်နှင့်လူတွေရဲ့ ပိုင်ဆိုင်မှုတွေကို ပြန်မပေးခဲ့ကြဘူး]</p> <p>ဘီဟွန်းမှာ စိတ်တိုလာခဲ့သည်။</p> <p>[အဲဒါတွေကို ငါမသိဘူး ဒီကလေးကိုသာ မြန်မြန်ပေးလိုက် မဟုတ်ရင်―]</p> <p>[လောကကြီးမှာ မကောင်းမှု အမျိုးအစားတွေ အများကြီး ရှိတယ်]</p> <p>အကျိတ်နှင့်လူ၏ အသံထဲတွင် အေးစက်စက် အငွေ့အသက်များ ပြည့်နှက်နေခဲ့သည်။ ဘီဟွန်း အော်ဟစ်ခြင်းပင် မပြုနိုင်မီ အကျိတ်နှင့်လူက ဆက်ပြောလာခဲ့သည်။ သူ၏စကားမှာ ရှေးဟောင်း သီချင်းတစ်ပုဒ်၏ စာသားများနှင့် တူနေခဲ့သည်။</p> <p>[‘ပထမ မကောင်းမှု’ ကတော့ တစ်စုံတစ်ယောက်ကို မပျော်မရွှင်ဖြစ်အောင် လုပ်တဲ့ မကောင်းမှုပဲ]</p> <p>အကျိတ်နှင့်လူ၏ အကျိတ်မှာ တဖြည်းဖြည်း ကြီးမားလာခဲ့သည်။ ဘီဟွန်း၏ ခေါင်းထဲတွင် သတိပေးသံများ မြည်ဟည်းလာခဲ့သည်။</p> <p>[‘ဒုတိယ မကောင်းမှု’ ကတော့ ဆင်းရဲဒုက္ခကို ပျော်မွေ့တဲ့ မကောင်းမှုပဲ]</p> <p>ထိုစာသားများနှင့်အတူ အကျိတ်နှင့်လူ၏ အကျိတ်ထဲမှ တစ်စုံတစ်ခု လွတ်ထွက်လာခဲ့သည်။ ထိုအရာမှာ လုံးဝ လွတ်မထွက်လာသင့်သော အရာတစ်ခု ဖြစ်၏။</p> <p>[စက်ဆုပ်ရဆုံး ‘စက်ဆုပ်ဖွယ် မကောင်းမှု’ ကတော့ မိမိရဲ့ ဆင်းရဲဒုက္ခကို သူတစ်ပါးကို ပြသတဲ့ မကောင်းမှုပဲ]</p> <p>ဘီဟွန်းသည် တွန့်ဆုတ်နေခြင်း မရှိဘဲ လှုပ်ရှားလိုက်သည်။</p> <p>[မဟာဇာတ်လမ်းကြီးတစ်ခု၏ အခွင့်အာဏာကို အသုံးပြုနေ ပါသည်။]</p> <p>ဘီဟွန်းသည် အကြီးတန်း ဒိုကဲဘီတစ်ဦး ဖြစ်လာခဲ့ပြီးနောက် မဟာဇာတ်လမ်းကြီးတစ်ခု၏ အခွင့်အာဏာကို ရရှိထားခဲ့သည်။ အကျိတ်နှင့်လူသည် ကြယ်တာရာရုပ်သံထုတ်လွှင့်မှု ကို ခြယ်လှယ်နိုင်သည့် ဤစွမ်းအားကို ခုခံနိုင်စွမ်း ရှိလိမ့်မည် မဟုတ်ချေ။ သို့သော်လည်း ထူးဆန်းသည်မှာ အကျိတ်နှင့်လူက ရယ်မောနေခြင်းပင် ဖြစ်သည်။</p> <p>[မင်းရဲ့ အရင်မျိုးဆက်တွေက မင်းကို မပြောပြထားဘူးလား။ အကျိတ်နှင့်လူတစ်ယောက်ရဲ့ ရှေ့မှာ အဲဒီစွမ်းအားကို ဘယ်တော့မှ မသုံးပါနဲ့ ဆိုတာကိုလေ]</p> <p>အကျိတ်ထဲမှ စီးထွက်လာသော ဇာတ်လမ်းသည် ဘီဟွန်း၏ ခန္ဓာကိုယ်ပတ်လည်မှ ဇာတ်လမ်းကို ပိတ်လှောင်ရန် စတင်လာခဲ့သည်။ စနစ်၏ ဘာသာစကားမှာ တစ်ခုလုံး အမည်းရောင် ဖြစ်သွားခဲ့သည်။ တစ်စုံတစ်ယောက်က ကမ္ဘာကြီးကို အနက်ရောင် ဆေးသုတ်လိုက်သည့်အလား ဖြစ်နေခဲ့သည်။</p> <p>[မဟာဇာတ်လမ်းကြီး လည်ပတ်မှု  ...]</p> <p>ဘီဟွန်းမှာ ထိတ်လန့်သွားခဲ့သည်။ ဤကဲ့သို့သော ခြယ်လှယ်မှုမျိုးမှာ အမြင့်ဆုံးအဆင့်ရှိသော ဒိုကဲဘီများ၏ အထက်တွင်ရှိသည့် မဟာဒိုကဲဘီကြီးများသာ လုပ်ဆောင်နိုင်သော အရာဖြစ်သည်။ ဤအကျိတ်နှင့်လူက ဤစွမ်းအားကို မည်ကဲ့သို့ ရရှိထားရသနည်း...</p> <p>[ဒါက တခြားကမ္ဘာတစ်ခုရဲ့ ဘာသာစကားလား]</p> <p>[မိုက်မဲတဲ့ ဒိုကဲဘီ။ မင်းရဲ့အမှားက ဒီကို တစ်ယောက်တည်း လာခဲ့တာပဲ]</p> <p>အကျိတ်နှင့်လူ၏ အကျိတ်ထဲမှ တစ်စုံတစ်ခုမှာ တွားသွားလျက် ထွက်ပေါ်လာခဲ့သည်။ ကြောက်မက်ဖွယ်ကောင်းသော သတ္တဝါကြီးတစ်ခုသည် ဆုတ်ပြဲသွားသော အကျိတ်ထဲမှတစ်ဆင့် ၎င်း၏ ရေဘဝဲလက်တံကဲ့သို့ အမွေးအမျှင်များကို ထိုးထွက်လာစေခဲ့သည်။</p> <p>[အ... အား...]</p> <p>အရှိန်အဟုန်ပြင်းသော ထိုလက်တံများသည် ဘီဟွန်း၏ သေးငယ်သော ခန္ဓာကိုယ်ကို ချက်ချင်းပင် ရစ်ပတ်ချုပ်ကိုင်လိုက်သည်။</p> <p>[‘အကျိတ်နှင့်လူ၏ တေးသံ’ ဇာတ်လမ်း အသက်ဝင်နေပါသည်။]</p> <p>ထိုဇာတ်လမ်းက သူ့ကို လာရောက်ထိတွေ့သည့်ခဏ၌ ဘီဟွန်းသည် အချိန်နှောင်းမှ သဘောပေါက်လိုက်တော့သည်။ ရှေးယခင်မျိုးဆက် ဒိုကဲဘီများသည် အဘယ်ကြောင့် အကျိတ်နှင့်လူတို့ကို ရှောင်ရှားခဲ့ကြသနည်း။</p> <p>[မျိုးနွယ်စုဆိုင်ရာ ဝိသေသလက္ခဏာကြောင့် ‘အကျိတ်နှင့်လူ’ အပေါ် ခုခံနိုင်စွမ်းမှာ အလွန်အမင်း ကျဆင်းသွားခဲ့ပါသည်။]</p> <p>[အကျိတ်နှင့်လူတို့၏ မုန်းတီးမှုက သင့်စိတ်ဓာတ်ကို အားနည်းသွားစေပါသည်။]</p> <p>[အကျိတ်နှင့်လူတို့၏ ရန်ငြိုးများက သင်၏တိုက်ခိုက်ရေးစွမ်းရည်ကို သိသိသာသာ လျော့ကျသွားစေပါသည်။]</p> <p>အစွမ်းမဲ့သွားသည့် ခံစားချက်ကြီးက ဘီဟွန်းထံသို့ ဝင်ရောက်လာခဲ့ပြီး သူသည် ကိုယ်စားလှယ်တစ်ဦးကဲ့သို့ ခံစားလိုက်ရသည်။ ကောင်းကင်ယံမှ ကျလာသော မရေမတွက်နိုင်သော အကြည့်များသည် သူ၏ခန္ဓာကိုယ်ကို မြားများသဖွယ် လာရောက်ထိမှန်နေခဲ့သည်။</p> <p>[‘ဟောင်းမူ ဘုရင်ကြီး’ နက္ခတ်က အကျိတ်နှင့်လူတို့၏ စွမ်းအားကို အံ့အားသင့်နေပါသည်။]</p> <p>[‘ဝိုင်နှင့် ကာမဂုဏ်ခံစားမှုတို့၏ နတ်ဘုရား’ နက္ခတ်က အကျိတ်နှင့်လူတို့၏ စွမ်းအားမြစ်ဖျားခံရာကို မျက်မှောင်ကြုတ် ကြည့်နေပါသည်။]</p> <p>[‘ရွှေခေါင်းကွင်း၏အကျဉ်သား’ နက္ခတ်က လက်သီးကို တင်းတင်းဆုပ်နေပါသည်။]</p> <p>[‘မိစ္ဆာကဲ့သို့ မီးလျှံတရားစီရင်သူ’ နက္ခတ်က အလွန်အမင်း ဒေါသထွက်နေပါသည်။]</p> <p>အကျိတ်နှင့်လူက လှောင်ပြောင်ရယ်မောလိုက်သည်။</p> <p>[ဒီစွမ်းအားကို တခြားမျိုးနွယ်စုတွေအပေါ် သုံးလို့မရဘူး။ ဒါပေမဲ့ ဒိုကဲဘီတစ်ကောင်အတွက်တော့ မတူဘူးလေ]</p> <p>ထိုလက်တံများ၏ ဖိအားက ဘီဟွန်းကို တဖြည်းဖြည်း ပိုမိုတင်းကျပ်စွာ ညှစ်လာခဲ့ပြီး အသက်ရှူကျပ်စေခဲ့သည်။ ထိုလက်တံများမှတစ်ဆင့် အကျိတ်နှင့်လူတို့၏ နက်ရှိုင်းသော ရန်ငြိုးများကို သူ ခံစားနေရသည်။</p> <p>၎င်းမှာ သတ်မှတ်ထားသော အခြေအနေများ ပြည့်စုံနေသရွေ့ ဒိုကဲဘီများအပေါ် အနိုင်မခံနိုင်သော စွမ်းအားကို ပြသနိုင်သည့် ဇာတ်လမ်းတစ်ခု ဖြစ်သည်။ စတင်မွေးဖွားလာကတည်းက မျိုးနွယ်စုတစ်ခု၏ မုန်းတီးမှုများဖြင့် ပြည့်နှက်နေခဲ့သော အကျိတ်နှင့်လူတို့၏ ဇာတ်လမ်းကြောင့် သူသည် ထိတ်လန့်တုန်လှုပ်နေမိသည်။</p> <p>[မင်း သဘောအကျဆုံး နက္ခတ်တွေရဲ့ ရှေ့မှာတင် မင်းဟာ သေရလိမ့်မယ်။ ဒီနေ့တော့ ငါက တကယ့်ကို ကောင်းမွန်တဲ့ ဇာတ်လမ်းတစ်ခု ရတော့မှာပဲ]</p> <p>ဇာတ်လမ်းများက ဘီဟွန်းကို သစ်သီးတစ်လုံးကဲ့သို့ စီးဆင်းညှစ်ထုတ်နေခဲ့သည်။ သူသည် စီမံခန့်ခွဲရေးဌာနသို့ အချိန်နှောင်းမှ ဆက်သွယ်ခဲ့သော်လည်း ၎င်းတို့ မရောက်လာမီမှာပင် ဘီဟွန်းမှာ အရည်ညှစ်ခံရတော့မည့် အခြေအနေ ဖြစ်နေပေပြီ။ တင်းကျပ်နေသော လက်တံများအောက်တွင် သူ၏ အသိစိတ်များ ပျောက်ကွယ်လုနီးပါး ဖြစ်သွားသည့် ခဏမှာပင်—</p> <p>ဘီဟွန်းကို ရစ်ပတ်ထားသော လက်တံများမှာ ပေါက်ကွဲထွက်သွားခဲ့သည်။ အံ့သြသွားသော အကျိတ်နှင့်လူသည် နောက်သို့ ဆုတ်ခွာသွားခဲ့ပြီး ဘီဟွန်း၏ သေးငယ်သော ခန္ဓာကိုယ်မှာ မြေပြင်ပေါ်သို့ ပြုတ်ကျသွားခဲ့သည်။ ဘီဟွန်းကို ဖမ်းထိန်းလိုက်သူမှာ အရပ်ရှည်ရှည်နှင့် လူတစ်ယောက် ဖြစ်သည်။</p> <p>"အကျိတ်နှင့်လူတစ်ယောက်ကို ရင်ဆိုင်ရဲတဲ့ မိုက်မဲတဲ့ ဒိုကဲဘီပဲ"</p> <p>အေးစက်စက် အသံကြောင့် ဘီဟွန်း ခေါင်းကို လှည့်ကြည့်လိုက်သည်။ သွေးစွန်းနေသော ဖိနပ်များ၊ လေထဲတွင် တဖျတ်ဖျတ် လွင့်နေသော အနက်ရောင် ဝတ်ရုံရှည်ကြီး။ လှောင်အိမ်ထဲတွင် ပိတ်လှောင်ခံထားရသော ဘီယူက "ဘတ်" ဟု အော်ဟစ်လိုက်ပြီး ကောင်းကင်ယံမှ နက္ခတ်များက သွယ်ဝိုက်သော မက်ဆေ့ချ်များကို ပေးပို့လာကြသည်။</p> <p>[‘မိစ္ဆာကဲ့သို့ မီးလျှံတရားစီရင်သူ’ နက္ခတ်က အော်ဟစ်ပြီး အားပေးနေပါသည်။]</p> <p>ဘီဟွန်းသည် ထိုသူ၏ လက်ထဲတွင်ရှိသော အနက်ရောင် လက်နက်ကို မြင်လိုက်ရပြီး ထိုသူသည် မည်သူမည်ဝါဖြစ်ကြောင်းကို သဘောပေါက်လိုက်သည်။</p> <p>[မင်း... မင်းပါလား]</p> <p>ထိုသူနှင့် မျက်လုံးချင်း ဆုံလိုက်သည့်ခဏ၌ သူ၏ တစ်ကိုယ်လုံးတွင် ကြက်သီးများ ဖြန်းခနဲ ထသွားခဲ့သည်။ ထိုသို့ကြက်သီးထသွားခြင်းမှာ ခပ်သိမ်းသော ဒိုင်မင်းရှင်းတို့၏ သက်တမ်းအရင့်ဆုံး ပုဂ္ဂိုလ်ကြီးက ဖန်တီးပေးထားသော ‘သူတော်စင်၏မျက်လုံး’ စွမ်းရည်ကြောင့် မဟုတ်သကဲ့သို့ သူ၏ ခန္ဓာကိုယ်ပတ်လည်မှ ရက်စက်ကြမ်းကြုတ်မှု ကြောင့်လည်း မဟုတ်ချေ။ ဘီဟွန်းသည် မရေမတွက်နိုင်သော ကိုယ်စားလှယ်များနှင့် တွေ့ဆုံဖူးခဲ့သည်။</p> <p>သို့သော်လည်း ဤလူတစ်ယောက်တည်းသာ ဤကဲ့သို့သော မျက်လုံးမျိုး ရှိသည်။ သူသည် ဘီဟွန်းကို မည်သို့သတ်ရမည်ကို အကဲခတ်နေသည့်အလား ထင်ရသည်။ ဘီဟွန်း ရုန်းကန်ရန် ပြင်လိုက်သည့်အခါ ထိုသူက ဘီဟွန်း၏ ခန္ဓာကိုယ်ကို နောက်သို့ လွှင့်ပစ်လိုက်သည်။</p> <p>"နောက်မှာပဲ နေစမ်း"</p> <p>ဘီဟွန်းမှာ အသံကျယ်ကြီးနှင့်အတူ ပြုတ်ကျသွားပြီး မြေပြင်ပေါ်တွင် လိမ့်သွားခဲ့သည်။ ထိုသူသည် တွန့်ဆုတ်နေခြင်း မရှိဘဲ သူ၏ ညာဘက်လက်ထဲမှ ဓါးကို တင်းတင်းဆုပ်ကိုင်လိုက်သည်။ မဟူရာကောင်းကင်မိစ္ဆာဓါးမှာ စတင်ဟိန်းဟောက်လာခဲ့ပြီး အဆင့်ကျော်လွန်ခြင်း၏ ခိုင်မာသော ဇာတ်လမ်းတစ်ခုက ထိုသူကို ဝန်းရံလာခဲ့သည်။</p> <p>ဖြတ်တောက်ခံလိုက်ရသော လက်တံများသည် မြေပြင်ပေါ်တွင် လူးလွန့်နေခဲ့သည်။ အကျိတ်နှင့်လူသည် ထိုမြင်ကွင်းကို ကြောင်ကြည့်နေခဲ့ပြီး ယူဂျွန်ဟော့က စကားစလာခဲ့သည်။</p> <p>"မင်းက မိုးကုတ်စက်ဝိုင်း၏ မဟာမိစ္ဆာပဲ"</p> <p>[ဟုတ်တယ်။ မတွေ့ရတာ ကြာပြီနော်။ ရှေးဟောင်းအိပ်မက်ရဲ့ ရုပ်သေးရုပ်လေး]</p> <p>"...မင်းကို ငါမြင်ဖူးတာ ဒါပထမဆုံးပဲ"</p> <p>[ဟားဟားဟား။ မင်း ဘယ်တော့မှ သိမှာမဟုတ်ဘူး။ အကြိမ်ပေါင်း တစ်ထောင် သေဆုံးပြီး အသက်ပေါင်း တစ်ထောင် ပြန်ရှင်လာရင်တောင် မင်း သိမှာမဟုတ်ဘူး။ ဘာဖြစ်လို့လဲဆိုတော့ မင်းက...]</p> <p>ယူဂျွန်ဟော့သည် အကျိတ်နှင့်လူ၏ စကားများကို နားထောင်ရန် အစီအစဉ်မရှိသဖြင့် သူ၏ ဓါးမှာ လေထုကို ဖြတ်သန်းကာ ခုတ်ပိုင်းလိုက်သည်။</p> <p>အကျိတ်နှင့်လူသည် သူ၏ နှာခေါင်းရှေ့တည့်တည့်မှ ဖြတ်သန်းသွားသော ဓါးသွားကို မြင်လိုက်ရပြီး အော်ဟစ်လိုက်သည်။ [ဒီအချိန်မှာ ငါတို့နှစ်ယောက်လုံး နောက်ဆုတ်လိုက်ရင် မကောင်းဘူးလား။ မင်းက ဒီအခြေအနေနဲ့ ဘာမှမဆိုင်―]</p> <p>"ငါ့ကို ရှင်ယူဆောင်းကို ပေး"</p> <p>[ဘာ]</p> <p>သူသည် ယူဂျွန်ဟော့၏ အကြည့်အတိုင်း ဘီယူ ပိတ်လှောင်ခံထားရသော လှောင်အိမ်ဆီသို့ လိုက်ကြည့်လိုက်သည်။ အကျိတ်နှင့်လူသည် အခြေအနေများ မည်သို့ လွဲချော်သွားသည်ကို နောက်ဆုံးတွင် သဘောပေါက်သွားခဲ့သည်။</p> <p>[မင်းက ဒီဒိုကဲဘီကို လိုချင်နေတာလား။ ဟက်… လူသားတစ်ယောက်အတွက် ချန်နယ်တစ်ခု ရှိတာက ဘာမှ အသုံးမဝင်―]</p> <p>"ငါ့အတွက် ချန်နယ် မလိုဘူး"</p> <p>လှောင်အိမ်ထဲမှ ဘီယူ၏ မျက်လုံးများမှာ တုန်လှုပ်သွားခဲ့သည်။ လဲကျနေသော ဘီဟွန်းမှာ ထရပ်လိုက်ပြီး ကြောင်စီစီဖြင့် နားထောင်နေခဲ့သည်။ ယူဂျွန်ဟော့၏ ဓါးသွားပတ်လည်တွင် အဆင့်ကျော်လွန်ခြင်း၏ အငွေ့အသက်များ ပြည့်နှက်နေခဲ့သည်။</p> <p>အကျိတ်နှင့်လူက လှောင်ပြောင်လိုက်သည်။</p> <p>[ငါတော့ အံ့ဩလို့ မဆုံးတော့ဘူး။ ဒီဒိုကဲဘီရဲ့ တန်ဖိုးကို မင်း တကယ် မသိတာလား။ မင်းရဲ့အခုလုပ်ရပ်က ဒီတစ်ကြိမ် ‘နောက်ပြန်ဆုတ်ခြင်း’ သက်တမ်းမှာ ကျိုးကြောင်းသင့်လျော်တဲ့ လုပ်ရပ်မဟုတ်ဘူး။ ကင်ဒေါ့ဂျာ ဆိုတဲ့လူ ပါလာရင်တောင် မင်းရဲ့ လုပ်ရပ်က အလကားပဲ။ ဘယ်လောက်ပဲ ကွဲလွဲချက်တွေ များပါစေဦးတော့ ကြယ်တာရာရုပ်သံထုတ်လွှင့်မှု ရဲ့ စီးဆင်းမှုက...]</p> <p>အဆင့်ကျော်လွန်ခြင်း၏ လျှပ်စီးမီးပွားများ ပေါ်ထွက်လာခဲ့ပြီး ယူဂျွန်ဟော့၏ မဟူရာကောင်းကင်မိစ္ဆာဓါး ဆီမှ မှော်စွမ်းအင်များမှာ ရေတံခွန်တစ်ခုကဲ့သို့ စီးဆင်းလာခဲ့သည်။ အကျိတ်နှင့်လူ၏ လက်တစ်ဖက်မှာ လေထဲသို့ လွင့်စင်သွားခဲ့ရသည်။</p> <p>ဓါးသွားဆီမှ စီးထွက်လာသော မှော်စွမ်းအင်များမှာ ကောင်းကင်စွမ်းအားချိုးဖြတ်ခြင်း ပုံစံအဖြစ် ပြောင်းလဲသွားခဲ့ပြီး အကျိတ်နှင့်လူက အော်ဟစ်လိုက်၏။</p> <p>[ရပ်... ရပ်လိုက်စမ်း။ မင်းရဲ့ စုဆောင်းထားတဲ့ အောင်မြင်မှုတွေက နည်းနေသေးလို့ မင်း မသိတာ။ တခြားသော မျဉ်းပြိုင် ဒိုင်မင်းရှင်း တွေမှာတော့...]  </p> <p>အချက်အလက်များကို အလွန်အမင်း ထုတ်ဖော်မိသွားခြင်းကြောင့် ဖြစ်နိုင်စွမ်း ၏ လျှပ်စီးမီးပွားများက အကျိတ်နှင့်လူ၏ ပတ်လည်တွင် ဖြာထွက်လာခဲ့သည်။ သူသည် သူ၏စကားများကို ပြန်လည်မျိုချလိုက်ပြီး ထပ်မံအော်ဟစ်လိုက်သည်။</p> <p>[ဘာပဲဖြစ်ဖြစ် အခု မင်း အမှားတစ်ခုကို လုပ်နေတာကွ။ ငါ့ကို မင်းရဲ့ရန်သူအဖြစ် ဘယ်တော့မှ မသတ်မှတ်နဲ့―]</p> <p>"ငါက ငါ့ရဲ့ လုပ်ဖော်ကိုင်ဖက်တွေနဲ့ ကတိတစ်ခု ပေးထားခဲ့တယ်။ ငါ သူ့အတွက် လက်စားချေပေးမယ်"</p> <p>လှောင်အိမ်ထဲမှ ဘီယူမှာ တုန်လှုပ်နေခဲ့သည်။ ဘီယူသည် သူ၏ မှတ်ဉာဏ်များကို ဆုံးရှုံးထားခဲ့ပြီး သူ၏ အတိတ်ဘဝမှ အစိတ်အပိုင်း အတော်များများ ပျောက်ကွယ်သွားခဲ့ပြီ ဖြစ်သော်လည်း ဘီယူ၏ ခန္ဓာကိုယ်ငယ်လေးမှာ တုန်ယင်နေခဲ့သည်။</p> <p>"မင်း ဒီမှာတင် သေရလိမ့်မယ်"</p> <p>၄၁ ကြိမ်မြောက် နောက်ပြန်ဆုတ်ခြင်းမှ ရှင်ယူဆောင်း၏ မှတ်ဉာဏ်များ မရှိတော့ချေ။ သို့ဆိုလျှင် ဤလက်စားချေမှုမှာ မည်သူ့အတွက်နည်း။ ယူဂျွန်ဟော့ကိုယ်တိုင်လည်း မသိချေ။ သူသည် သူ၏ဓါးကိုသာ ယမ်းခါလိုက်သည်။ ပထမသက်တမ်းအတွက် လက်စားချေမှုကို ဒုတိယသက်တမ်းတွင် ပြီးမြောက်စေခဲ့ပြီး ဒုတိယသက်တမ်းအတွက် လက်စားချေမှုကို တတိယသက်တမ်းတွင် ပြီးမြောက်စေခဲ့သကဲ့သို့ပင် ဖြစ်သည်။</p> <p>သူသည် အကျိတ်ထဲမှ ထွက်ပေါ်လာသော လက်တံများကို ဆွဲဖြဲပစ်လိုက်ပြီး အကျိတ်နှင့်လူ၏ လက်မောင်းတစ်ဖက်ဆီသို့ ကြီးမားသော ဓါးချက်ကို ပစ်လွှတ်လိုက်သည်။ နောက်ထပ် ခဏအကြာတွင် ယူဂျွန်ဟော့မှာ အကျိတ်နှင့်လူ၏ နောက်ကျောဘက်၌ ရပ်နေခဲ့သည်။ ကောင်းကင်ဖြိုခွင်းဓါးသိုင်း၏ စွမ်းအင်များမှာ တစ်ခုလုံးသော နယ်ပယ်အတွင်း ပြည့်နှက်သွားခဲ့သည်။</p> <p>[ခဏ... ခဏလေး။ ရပ်―]</p> <p>အကျိတ်နှင့်လူ၏ အကျိတ်မှာ လေထဲသို့ လွင့်စင်သွားခဲ့သည်။ နောက်ထပ် ခဏအကြာတွင် အကျိတ်နှင့်လူ၏ ခန္ဓာကိုယ်မှာ အကျိတ်ထဲမှ ထွက်ပေါ်လာသော အမှောင်ထုအတွင်းသို့ နစ်မြုပ်သွားခဲ့သည်။</p> <p>[ချီးပဲ... ငါ မင်းကို ကျိန်စာတိုက်မယ်။ အားလုံးသော ဒိုင်မင်းရှင်း တွေက ‘ငါ’ က မင်းကို ဘယ်တော့မှ ခွင့်လွှတ်မှာ မဟုတ်ဘူး...]</p> <p>အကျိတ်နှင့်လူ၏ ပါးစပ်မှာ မဟူရာကောင်းကင်မိစ္ဆာဓါး ၏ ထိမှန်မှုကို ခံလိုက်ရသည်။ ကြောက်မက်ဖွယ်ကောင်းသော အော်ဟစ်သံတစ်ခု ထွက်ပေါ်လာခဲ့ပြီး အကျိတ်ထဲမှ လွတ်မြောက်လာသော အမှောင်ထုသည် အကျိတ်နှင့်လူကို အလုံးစုံ ဝါးမြိုသွားခဲ့သည်။</p> <p>ထိုအမှောင်ထုသည် ယူဂျွန်ဟော့ကို ခေတ္တခဏမျှ စိုက်ကြည့်လိုက်ပြီးနောက် လုံးဝ ပျောက်ကွယ်သွားခဲ့သည်။ ထို့နောက်တွင် လုံးဝဥဿုံ ငြိမ်သက်ခြင်းများ ရောက်ရှိလာခဲ့သည်။ ယူဂျွန်ဟော့သည် အဆင့်ကျော်လွန်ခြင်း ကို အလွန်အမင်း အသုံးပြုလိုက်ရသဖြင့် ခေတ္တခဏမျှ ငြိမ်သက်စွာ ရပ်နေခဲ့သည်။ မရေမတွက်နိုင်သော စနစ်မက်ဆေ့ချ်များက သူ၏နားထဲသို့ ဝင်ရောက်လာခဲ့သည်။</p> <p>[သင်သည် ဒဏ္ဍာရီအဆင့် ဇာတ်လမ်းအသစ်တစ်ခုကို ရရှိခဲ့ပါသည်။]</p> <p>[သင်သည် ယခင်က မရှိခဲ့ဖူးသော အောင်မြင်မှုတစ်ခုကို ရယူနိုင်ခဲ့ပါသည်။]</p> <p>[‘အကျိတ်နှင့်လူကို သတ်ဖြတ်ခဲ့သူ’ ဇာတ်လမ်းကို ရရှိခဲ့ပါသည်။]</p> <p>[မိစ္ဆာနယ်မြေ ရှိ အကျိတ်နှင့်လူအားလုံးသည် သင့်အပေါ် ရန်လိုမုန်းတီးလာကြပြီ ဖြစ်ပါသည်။]</p> <p>ယူဂျွန်ဟော့သည် လှောင်အိမ်ဆီသို့ ဖြည်းညင်းစွာ လျှောက်လှမ်းသွားခဲ့ပြီး ဘီယူကို ဂရုတစိုက် ဆွဲထုတ်လိုက်သည်။ ဘီယူမှာ အော်ဟစ်ငိုကြွေးနေခဲ့သည်။ ဘီယူ၏ လက်ငယ်လေးမှာ ယူဂျွန်ဟော့ကို အကြိမ်ကြိမ် လာရောက်ထိတွေ့နေခဲ့သည်။ ယူဂျွန်ဟော့သည် ဘီယူကို ခေတ္တခဏမျှ ငုံ့ကြည့်လိုက်ပြီးနောက် ဘီယူကို သူ၏အိတ်ကပ်ထဲသို့ ထည့်လိုက်ကာ စတင်ထွက်ခွာခဲ့သည်။</p> <p>[‘မိစ္ဆာကဲ့သို့ မီးလျှံတရားစီရင်သူ’ နက္ခတ်၏ မျက်ဝန်းများမှာ စိုစွတ်နေပါသည်။]</p> <p>[‘တရားမျှတမှု၏ ထိပ်ပြောင်စစ်သူကြီး’ နက္ခတ်က သူ၏ခေါင်းကို တဘက်ဖြင့် သုတ်နေပါသည်။]</p> <p>[‘ပင်လယ်စစ်နတ်ဘုရား’ နက္ခတ်မှာ အလွန်အမင်း စိတ်လှုပ်ရှားသွားသဖြင့် ကဗျာတစ်ပုဒ်ကို ရေးဖွဲ့နေပါသည်။]</p> <p>မရေမတွက်နိုင်သော နက္ခတ်တို့၏ အလင်းတန်းများမှာ သူ၏ထံသို့ ဖြာကျနေခဲ့သော်လည်း  တစ်ခုမှ ယူဂျွန်ဟော့ထံသို့ မရောက်ရှိနိုင်ခဲ့ချေ။ ၎င်းတို့သည် နှစ်ပေါင်းမည်မျှပင် ရှင်သန်နေခဲ့ကြပါစေဦးတော့ ကမ္ဘာကြီး ပျက်စီးခြင်းကို နှစ်ကြိမ်တိုင်တိုင် ခံစားခဲ့ရသော ‘နောက်ပြန်ဆုတ်သူ’ ကို နားမလည်နိုင်ကြချေ။ နောက်ထပ် ခဏအကြာတွင် ယူဂျွန်ဟော့သည် မက်ဆေ့ချ်တစ်ခုကို ကြားလိုက်ရသည်။</p> <p>[‘ကယ်တင်ခြင်း၏ မိစ္ဆာဘုရင်’ နက္ခတ်က သင့်ကို ကြည့်ရှုနေပါသည်။]</p> <p>ထိုနက္ခတ်မှာ လွန်ခဲ့သော နောက်ပြန်ဆုတ်မှုသက်တမ်းနှစ်ခုတွင် တစ်ကြိမ်မှ ပေါ်မလာခဲ့ဖူးသော ကြယ်တစ်ပွင့် ဖြစ်သည်။ သို့ဆိုလျှင် အဘယ်ကြောင့်နည်း။ ယူဂျွန်ဟော့မှာ ထိုကြယ်သည် ထိုနေရာ၌ ကာလရှည်ကြာစွာ ရှိနေခဲ့သကဲ့သို့ ခံစားလိုက်ရသည်။</p> <p>ယူဂျွန်ဟော့က ပြောလိုက်သည်။</p> <p>"ထွက်သွားစမ်း။ ကင်ဒေါ့ဂျာ"</p> <p>ထိုအခါ ကောင်းကင်ယံမှ ကြယ်တစ်ပွင့်မှာ အမှန်တကယ်ပင် မှိန်ဖျော့သွားခဲ့သည်။</p> <p>"...ကင်ဒေါ့ဂျာ"</p> <p>ကင်ဒေါ့ဂျာ ဆီမှ မည်သည့်အဖြေမှ ပြန်မလာခဲ့ချေ။</p> <p> </p> <p> </p> <p style="text-align: center;">***</p>


Save