Book List

<h2 style="text-align: center;">အခန်း ၂၅၉</h2> <h2 style="text-align: center;">တစ်စုံတစ်ခု၌ အတော်ဆုံး (၁)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>မီးလျှံထဲသို့ ခုန်ဆင်းခဲ့သော ခွေး သည် ကျနော့်ကို သယ်ပိုးပြီး နေ့ရောညပါ နှစ်ရက်တိုင်တိုင် ပြေးလွှားခဲ့သည်။ ကျနော့်နောက်ကို မဆုတ်မနစ် လိုက်လံရန်ရှာနေကြသော နက္ခတ်တွေ၏ ခြိမ်းခြောက်မှုများ အမြဲရှိနေခဲ့သော်လည်း ထိုခွေးမှာ ကျနော့်ကို ကာကွယ်ရန်အတွက် ၎င်း၏ကိုယ်ခန္ဓာကို အမှန်တကယ်ပင် စတေးခဲ့သည်။</p> <p>['မိမိဘဝကို သစ္စာရှိစွာ ပေးဆပ်ခြင်း' ဇာတ်လမ်း ထပ်ခါတလဲလဲ ဖြစ်ပေါ်နေပါသည်။]</p> <p>ကျနော်တို့ ဘယ်လောက်အထိ ဝေးဝေး ပြေးခဲ့ကြသနည်း။ နောက်ဆုံးတွင်တော့ နေ့သစ်တစ်ခု၏ အလင်းရောင်ကို မြင်တွေ့လိုက်ရသည်။</p> <p>[ဇာတ်ဝင်ခန်းအသေး - အသေးစားတိုက်ပွဲ ပြီးဆုံးသွားပါပြီ။]</p> <p>[သတ်မှတ်ထားသော အချိန်အတွင်းမှာ သင်သည် ဇာတ်လမ်းအူတိုင်ကို ဘေးကင်းအောင် ထိန်းသိမ်းနိုင်ခဲ့ပါသည်။]</p> <p>ကျနော်တို့နောက်ကို လိုက်နေကြသည့် နက္ခတ်တွေသည် အဝေးတစ်နေရာတွင် တစ်ပါးပြီးတစ်ပါး ရပ်တန့်သွားခဲ့ကြပြီး သွယ်ဝိုက်သော မက်ဆေ့ခ်ျမျိုးစုံမှာ လေထဲတွင် ပျံနှံ့လာခဲ့၏။</p> <p>[သင့်ကို လိုက်ဖမ်းရာတွင် မအောင်မြင်ခဲ့သော နက္ခတ်အချို့သည် စိတ်ပျက်နေကြပါသည်။]</p> <p>['ရွှေခေါင်းကွင်း၏အကျဉ်သား' နက္ခတ်သည် သမ်းဝေနေပြီး အားလုံး ပြီးသွားပြီလားဟု မေးမြန်းနေပါသည်။]</p> <p>['မိစ္ဆာကဲ့သို့ မီးလျှံတရားစီရင်သူ' နက္ခတ်သည် အိပ်ချင်မူးတူး မျက်လုံးများဖြင့် ဝမ်းမြောက်နေပါသည်။]</p> <p>['လဲလျောင်းနေသောနဂါး' နက္ခတ်သည် သင်၏ လှည့်ကွက်အပေါ် ခေါင်းညိတ်ပြနေပါသည်။]</p> <p>[နက္ခတ်အချို့သည် သင်၏ သူရဲဘောကြောင်မှုအပေါ် လက်ညှိုးထိုး ဝေဖန်နေကြပါသည်။]</p> <p>လက်ညှိုးထိုးသည်ဖြစ်စေ၊ မထိုးသည်ဖြစ်စေ အရေးမကြီးချေ။ အရေးအကြီးဆုံးအရာမှာ အသက်ရှင်သန်ရန်သာ ဖြစ်သည်။ ဒိုဂတ်သည် ကျနော့်ကို မနှစ်မြို့သော မျက်လုံးများဖြင့် စိုက်ကြည့်နေပြီး ဆုလာဘ်များကို ပေးပို့လာခဲ့သည်။</p> <p>[သင်သည် ဆုလာဘ်အနေဖြင့် ဒင်္ဂါး ၂၀၀,၀၀၀ ကို ရရှိလိုက်ပါပြီ။]</p> <p>[သင်သည် ဆုလာဘ်အနေဖြင့် ပစ္စည်းကိရိယာ အဆင့်ကျော်လွန်ခြင်းအတွက် အောက်ခံကျောက်တုံး နှစ်တုံးကို ရရှိလိုက်ပါပြီ။]</p> <p>ပစ္စည်းကိရိယာများကို အဆင့်မြှင့်တင်ပေးမည့် အရာများ ထွက်ပေါ်လာမည့် အချိန်ရောက်ပြီဟု ကျနော် တွေးလိုက်မိသည်။ အစောပိုင်း ဇာတ်ဝင်ခန်းများမှ SSS-အဆင့် ပစ္စည်းများသည် ဇာတ်ဝင်ခန်းအလယ်နှင့် နောက်ပိုင်း နယ်မြေများတွင် အမှိုက်စများကဲ့သို့ ဖြစ်နေချေပြီ။ သို့သော်လည်း ဤအဆင့်ကျော်လွန်ခြင်း အောက်ခံကျောက်တုံးများကို အသုံးပြုခြင်းဖြင့် ပစ္စည်းကိရိယာများ၏ အရည်အသွေး ကျဆင်းသွားခြင်းကို တားဆီးနိုင်မည် ဖြစ်၏။</p> <p>ဆုလာဘ်မှာ ထိုမျှတင် မကချေ။</p> <p>['ဆယ့်နှစ်ရာသီခွင်ကို ဆန့်ကျင်ခဲ့သူ' ဇာတ်လမ်းကို ရရှိလိုက်ပါပြီ။]</p> <p>၎င်းမှာ သမိုင်းဝင်အဆင့် ဖြစ်ကောင်းဖြစ်နိုင်သော်လည်း ကျနော့်တွင် ဇာတ်လမ်းများ များများရှိလေ ပိုကောင်းလေပင် ဖြစ်သည်။ အဆုံးတွင်တော့ ဤဇာတ်လမ်းငယ်လေးများ စုစည်းပြီးမှ ပြည့်စုံသော 'အဆင့်အတန်း'တစ်ခု ဖြစ်လာမည် ဖြစ်၏။ ရရှိထားသော ဇာတ်လမ်းများသည် 'အရာရာကို မိမိစိတ်ကြိုက် ပုံဖျက်ခြင်း' ကြောင့် နောင်လာမည့် တိုက်ပွဲများတွင် အသုံးဝင်လာပေလိမ့်မည်။</p> <p>[သင့်ကို လိုက်ဖမ်းနေသော နက္ခတ်များ ပြန်လည် ထွက်ခွာသွားကြပါပြီ။]</p> <p>နက္ခတ်တွေ ပုန်းကွယ်သွားပြီး မကြာမီမှာပင် ယူဂျွန်ဟော့ စက်မှုဇုန်၏ အပြင်ဘက်မြင်ကွင်း ထွက်ပေါ်လာခဲ့သည်။ ထွက်ပြေး တိမ်းရှောင်ခြင်း ဇာတ်ဝင်ခန်းကို လက်ခံရရှိထားသော မြို့သူမြို့သားများသည် စက်မှုဇုန်ထဲသို့ ဝင်ရောက်ရန် တန်းစီနေကြသည်။ ကံကောင်းထောက်မစွာဖြင့် ဂျန်ဟာယောင်း နှင့် ဟန်မြုံအို တို့သည် အလုပ် ကောင်းကောင်း လုပ်ထားကြပုံရ၏။</p> <p>မီးလျှံထဲသို့ ခုန်ဆင်းခဲ့သော ခွေး ကို ကျနော်စကားလှမ်းပြောလိုက်သည်။</p> <p>"မင်း အခု သွားလို့ရပြီ။ ငါ့အပေါ် သစ္စာရှိနေစရာ မလိုတော့ဘူး"</p> <p>ထိုခွေးသည် ကျနော့်နောက်ကို စိတ်ရင်းအမှန်ဖြင့် လိုက်ချင်နေခဲ့သည်တော့ မဟုတ်ချေ။ ထို့ကြောင့် ဤနေရာတွင် လမ်းခွဲလိုက်ခြင်းက ပို၍ကောင်းမွန်ပေမည်။ သို့သော်လည်း ကျနော် ကျောခိုင်းထွက်ခွာလာပြီးနောက် ထိုခွေးမှာ ကျနော့်နောက်သို့ ဆက်လက် လိုက်ပါလာခဲ့သည်။</p> <p>ဟဲဟဲ၊ ဟဲဟဲ၊ ဟဲဟဲ။</p> <p>ကျနော် မျက်မှောင်ကြုတ်ရင်း ပြောလိုက်သည်။</p> <p>"ဘာလဲ။ မသွားဘူးလား"</p> <p>အီးအီး...</p> <p>ခွေးကြီး၏ မျက်လုံးများထဲတွင် မျက်ရည်များ ပြည့်လျှံလာခဲ့သည်။</p> <p>['မိစ္ဆာကဲ့သို့ မီးလျှံတရားစီရင်သူ' နက္ခတ်သည် 'မီးလျှံထဲသို့ ခုန်ဆင်းခဲ့သော ခွေး' အပေါ် ဂရုဏာသက်စွာ ကြည့်ရှုနေပါသည်။]</p> <p>မီးလျှံထဲသို့ ခုန်ဆင်းခဲ့သော ခွေး ၏ အမည်ရင်းမှာ အိုဆူး ၏ ခွေး ဖြစ်သည်။ ၎င်း၏ သခင်ကို မီးလောင်သေဆုံးမည့်ဘေးမှ ကယ်တင်ရန်အတွက် ထိုခွေးသည် ၎င်း၏ ခန္ဓာကိုယ်ကို ရေစိုစေပြီး မီးကို ငြိမ်းသတ်ရန် အသုံးပြုခဲ့သည်။ ကံမကောင်းစွာဖြင့် ဤအမည်မှာလည်း ၎င်း၏ တကယ့်အမည်ရင်း မဟုတ်ချေ။</p> <p>"...ငါ့နောက်ကို လိုက်မလို့လား"</p> <p>အီးအီးး</p> <p>ကျနော် ခေတ္တမျှ ဝေခွဲမရ ဖြစ်သွားခဲ့သည်။ စဉ်းစားကြည့်မည်ဆိုလျှင် ထိုခွေးသည် ကျနော်နှင့် လမ်းခွဲသွားလျှင်တောင် ခက်ခဲနေလောက်ပေလိမ့်မည်။</p> <p>[နက္ခတ်အချို့သည် မီးလျှံထဲသို့ ခုန်ဆင်းခဲ့သော ခွေး အပေါ် ကြည့်ရှုနေကြပါသည်။]</p> <p>ဤကမ္ဘာတွင် ကိုယ်စားလှယ်များကို ချိန်ရွယ်နေကြသည့် နက္ခတ်များရှိသကဲ့သို့ အခြားသော နက္ခတ်များကို ချိန်ရွယ်နေကြသည့် နက္ခတ်များလည်း ဒုနဲ့ဒေး ရှိကြ၏။ အကယ်၍ ၎င်းအနေဖြင့် 'ခွေးမုဆိုး' သို့မဟုတ် 'မဲလ်ဘာ့ဂ်၏ ခွေးချစ်သူ' ဟူသော ဘွဲ့အမည်များ ရှိထားသူများနှင့် ထိပ်တိုက်တွေ့ပါက အလုခံရခြင်း သို့မဟုတ် အသတ်ခံရခြင်းများ ဖြစ်လာနိုင်သည်။ ယခုအချိန်အထိတော့ ၎င်းသည် ဆယ့်နှစ်ရာသီခွင် ကြောင့် ဘေးကင်းနေခဲ့ခြင်း ဖြစ်၏။</p> <p>"ဒါဆိုလည်း အတူတူ သွားကြတာပေါ့"</p> <p>ဟဲဟဲ ဟဲဟဲ ဟဲဟဲ</p> <p>"ဒါပေမဲ့ မင်းရဲ့ ကိုယ်ထည်ကို နည်းနည်း သေးအောင်လုပ်ဦး။ အရမ်းကြီးနေရင် အနှောင့်အယှက် ဖြစ်လိမ့်မယ်"</p> <p>အီးအီးး</p> <p>မီးလျှံထဲသို့ ခုန်ဆင်းခဲ့သော ခွေး သည် ၎င်း၏ ကိုယ်ထည်အရွယ်အစားကို သေးငယ်အောင် ပြုလုပ်လိုက်သည်။ ယခုဆိုလျှင် ဂိုးဒင်း ရီထရီဗာ  အရွယ်အစားခန့် ဖြစ်သွားခဲ့ပြီဖြစ်၏။</p> <p>"ကင်ဒေါ့ဂျာ"</p> <p>ဂျန်ဟာယောင်း သည် ကျနော့်ကို လှမ်းမြင်သွားပြီး အဝေးမှနေ၍ လက်ဝှေ့ယမ်းပြသည်။</p> <p>"ဟေး... ခင်ဗျား အဆင်ပြေရဲ့လား။ အဲဒီခွေးက ဘာလဲ"</p> <p>"ကောက်ရလာတာ။ တခြားသူတွေကော"</p> <p>"သူတို့က လူတွေကို လမ်းညွှန်ပေးရင်း အလုပ်ရှုပ်နေကြတယ်"</p> <p>မီးလျှံထဲသို့ ခုန်ဆင်းခဲ့သော ခွေး သည် ဂျန်ဟာယောင်း ၏ လက်ကို လျှာဖြင့် လျက်ပေးခဲ့သည်။ ဂျန်ဟာယောင်း က "သူ့နာမည်က ဘာလဲ" ဟု မေးမြန်း၏။</p> <p>ကျနော်သည် အမှန်အတိုင်း ပြောပြချင်သော်လည်း ခပ်ကြမ်းကြမ်းသာ ပြောရန် ဆုံးဖြတ်လိုက်သည်။</p> <p>"အိုဆူး"</p> <p>[သင်သည် မီးလျှံထဲသို့ ခုန်ဆင်းခဲ့သော ခွေး အား အမည်တစ်ခု ပေးလိုက်ပါပြီ။]</p> <p>[မီးလျှံထဲသို့ ခုန်ဆင်းခဲ့သော ခွေး သည် အလွန်အမင်း အထင်ကြီးလေးစားနေပါသည်။]</p> <p>[မီးလျှံထဲသို့ ခုန်ဆင်းခဲ့သော ခွေး ၏ သစ္စာရှိမှုမှာ အလွန်အမင်း တိုးမြင့်သွားပါပြီ။]</p> <p>...ဒီလိုမှန်းသိရင် ပိုကောင်းတဲ့ နာမည်လေး ပေးလိုက်ပါတယ်ကွာ။</p> <p>ဂျန်ဟာယောင်း သည် အိုဆူး ၏ ခန္ဓာကိုယ်ကို သေသေချာချာ စစ်ဆေးကြည့်ပြီးနောက် ဝမ်းသာအားရ ဖြစ်သွားခဲ့သည်။</p> <p>"ကောင်းလိုက်တာ။ ဆာဂျိုး က မင်းကို သဘောကျမှာ သေချာတယ်"</p> <p>'ဆာဂျိုး' က ဘယ်သူလဲဟု ကျနော် မေးမြန်းရန် ပြင်လိုက်စဉ်မှာပင် သဘောပေါက်သွားခဲ့သည်။</p> <p>"...မင်းက ကောင်းကင်ဖြိုခွင်းဓါး သခင် အကြောင်းကို ပြောနေတာလား။ သူက အမ လေး ဖြစ်နေတာလား"</p> <p>"ကောင်းကင်ဖြိုခွင်းဓါးသိုင်း ကို အမျိုးသမီးတွေပဲ သင်ယူနိုင်တယ် ဆိုတာကို ခင်ဗျား မေ့နေတာလား"</p> <p>စဉ်းစားကြည့်မည်ဆိုလျှင်တော့... ကောင်းကင်ဖြိုခွင်းဓါးသိုင်း မှာ ထိုသို့သော သဘောသဘာဝ ရှိခဲ့သည်။ သို့သော်လည်း ချွင်းချက်တွေက များပြားလွန်းလေသည်။ ဥပမာအားဖြင့် ကျနော်၏ အရှေ့တွင် ရှိနေသော ဤသူကဲ့သို့ပင်...</p> <p>"...ခင်ဗျားက ကျုပ်ကို ဘာဖြစ်လို့ အဲဒီလိုမျိုး ကြည့်နေရတာလဲ"</p> <p>"မဟုတ်ပါဘူး၊ ဘာမှမဟုတ်ပါဘူး"</p> <p>ကျနော်သည် စိတ်ကူးများကို ဖျောက်ဖျက်ရန်အတွက် ဦးခေါင်းကို ခါယမ်းလိုက်သည်။ ယခုအချိန်တွင် အရေးကြီးသောကိစ္စမှာ ဂျန်ဟာယောင်း ၏ ကျား/မ ကွဲပြားမှု မဟုတ်ချေ။ အဘယ်ကြောင့်ဆိုသော်...</p> <p>[မိစ္ဆာဘုရင် ရွေးချယ်ပွဲ စတင်ရန် အချိန်နီးကပ်နေပါပြီ။]</p> <p>မိစ္ဆာဘုရင် ရွေးချယ်ပွဲ သည် ယခုပင် စတင်တော့မည် ဖြစ်သည်။</p> <p>"...ရောက်လာပြီ"</p> <p>ကျနော့် စကားကြောင့် ဂျန်ဟာယောင်း သည် စိုးရိမ်တကြီးဖြင့် မော့ကြည့်လာခဲ့သည်။ ၇၃ ခုမြောက် မိစ္ဆာနယ်မြေ တစ်ခုလုံးမှာ တုန်ခါနေခဲ့သည်။ ရင်းနှီးကျွမ်းဝင်မှုမရှိသော အရောင်အသွေးစုံလင်သည့် ကြယ်တာရာများမှာ ကောင်းကင်ယံတွင် တစ်လုံးပြီးတစ်လုံး ပေါ်ထွက်လာခဲ့သည်။ မဟာဇာတ်လမ်းကြီး ဖြစ်ပေါ်လာမည့် ပွဲကြီးပွဲကောင်းကို စောင့်ကြည့်ရန်အတွက် ကြယ်တာရာ ရုပ်သံထုတ်လွှင့်မှု ၏ နေရာအနှံ့အပြားမှ နက္ခတ်များ ရောက်ရှိလာကြခြင်း ဖြစ်သည်။</p> <p>[နက္ခတ်များစွာသည် ချန်နယ်ထဲသို့ ဝင်ရောက်လာနေကြပါသည်။]</p> <p>[မိစ္ဆာဘုရင်များစွာသည် ချန်နယ်ထဲသို့ ဝင်ရောက်လာနေကြပါသည်။]</p> <p>ချန်နယ်ထဲသို့ ဝင်ရောက်လာကြသည့် တည်ရှိမှုများကို ကြည့်ရုံဖြင့် ပတ်ဝန်းကျင်၏ အငွေ့အသက်ကို ကျနော် ခံစားသိရှိနိုင်ခဲ့သည်။</p> <p>['အမှောင်ဆုံးသော နွေဦး၏ ဘုရင်မ' နက္ခတ်သည် သင့်အား ကြည့်ရှုနေပါသည်။]</p> <p>['ဝိုင်နှင့် ကာမဂုဏ်ခံစားမှုတို့၏ နတ်ဘုရား' နက္ခတ်သည် သင့်အား စိုက်ကြည့်နေပါသည်။]</p> <p>['ထုတ်လုပ်ရေး လုပ်ငန်းရှင်' နက္ခတ်သည် သင့်အား လက်ဝှေ့ယမ်းပြနေပါသည်။]</p> <p>ကျနော်နှင့် တွေ့ဆုံဖူးခဲ့သော နက္ခတ်များသည်လည်း မြင့်မားလှသော မိုးကောင်းကင်ယံတွင် ပေါ်ထွက်လာခဲ့ကြသည်။</p> <p>မိုးကောင်းကင်မှ ၎င်းတို့ကို ကျနော်မော့ကြည့်ရင်း စိတ်ကို ဖြေလျှော့ရန် ကြိုးစားလိုက်သည်။ နောက်ဆုံးတွင်တော့ ဤနေရာသို့ ကျနော် ရောက်ရှိလာခဲ့ချေပြီ။ ကျန်ရှိနေသေးသော ဇာတ်ဝင်ခန်းများစွာ ရှိနေသေးပြီး ၎င်းတို့မှာ အလွန်ပင် ဝေးကွာနေသေး၏။ သို့သော်လည်း ယခုအချိန်တွင်တော့ ထိုအရာမှာ အလွန်အမင်း ဝေးကွာနေခြင်းမျိုး မဟုတ်တော့ချေ။ အနည်းဆုံးတော့ မြင့်မြတ်လှသော နက္ခတ်များ တည်ရှိရာ နေရာတစ်ခုသို့ ကျနော်ရောက်ရှိလာခဲ့ပြီ ဖြစ်သည်။</p> <p>[၂၅ ခုမြောက် အဓိကဇာတ်ဝင်ခန်း ရောက်ရှိလာပါပြီ။]</p> <p>[အဓိကဇာတ်ဝင်ခန်းများကို အလွန်အမင်း ကျော်ဖြတ်ခဲ့သဖြင့် သင့်အဆင့်အတန်း၏ အစိတ်အပိုင်းအချို့ ထိခိုက် ပျက်စီးသွားခဲ့ပါသည်။]</p> <p>ကျနော်သည် အခန်း ၂၀ ကျော်ရှိ ဇာတ်ဝင်ခန်းများကို လုပ်ဆောင်ခဲ့ခြင်း မရှိချေ။ ၂၅ ခုမြောက် ဇာတ်ဝင်ခန်းသို့ တိုက်ရိုက် စတင်ခဲ့ခြင်း ဖြစ်သဖြင့် ဖြစ်နိုင်စွမ်း များ ဆုံးရှုံးမှုရှိလာမည်မှာ ကျနော် ရှောင်လွှဲ၍ မရနိုင်သော ကိစ္စတစ်ခု ဖြစ်လေသည်။</p> <p>[အဓိကဇာတ်ဝင်ခန်း - 'မိစ္ဆာဘုရင် ရွေးချယ်ပွဲ' စတင်ပါပြီ။]</p> <p>[အဓိကဇာတ်ဝင်ခန်း #၂၅ - မိစ္ဆာဘုရင် ရွေးချယ်ပွဲ]</p> <p>အမျိုးအစား<br /> အဓိက</p> <p>ခက်ခဲမှု<br /> ???</p> <p>အောင်မြင်ရန် လိုအပ်ချက်       <br /> 'ဒဏ္ဍာရီလာ စစ်မြေပြင်' တွင် အနိုင်ရရှိရန်အတွက် 'ကူညီသူများ' နှင့် ပူးပေါင်းဆောင်ရွက်ပါ။<br /> <br /> အချိန်ကန့်သတ်ချက်<br /> -</p> <p> </p> <p>ဆုလာဘ်<br /> မိစ္ဆာဘုရင် ရာထူးကို တရားဝင် ဆက်ခံခွင့်၊ ???။</p> <p>ကျရှုံးမှု<br /> သေဆုံးခြင်း</p> <p>ဤဇာတ်ဝင်ခန်းအတွက် 'ကူညီသူများ' ကို သင် ခေါ်ယူနိုင်ပါသည်။</p> <p>ဇာတ်ဝင်ခန်း တိုးတက်လာသည်နှင့်အမျှ ဒိုကဲဘီများထံမှ နောက်ထပ် ရှင်းလင်းချက်များ ရှိလာပါမည်။</p> <p>ဤဇာတ်ဝင်ခန်းသည် ကျရှုံးမှု၏ ရလဒ်အဖြစ် 'သေဆုံးခြင်း' ဟု ဖော်ပြထားသော ဇာတ်ဝင်ခန်းတစ်ခု ဖြစ်သည်။ အကယ်၍ ကျနော် ရှုံးနိမ့်ခဲ့ပါက ဤနေရာတွင်ပင် သေဆုံးရပေလိမ့်မည်။ မကြာခဏဆိုသလို ကြုံတွေ့နေရသော အရာဖြစ်သဖြင့် ကျနော်အတွက်တော့ ဤအရာမှာ စိမ်းသက်မနေခဲ့ချေ။</p> <p>[ဤဇာတ်ဝင်ခန်းကို သီးသန့်ဇာတ်ခုံတစ်ခုပေါ်တွင် ပြုလုပ်ကျင်းပ ပါမည်။]</p> <p>[ဤဇာတ်ဝင်ခန်းတွင် ပါဝင်သူ စုစုပေါင်း အရေအတွက်မှာ လေးဦး ဖြစ်ပါသည်။]</p> <p>[နှစ်ဦးနှစ်ဖက် သဘောတူညီမှု ရရှိပါက အဓိကပါဝင်သူများသည် 'ကူညီသူများ' ကို ခေါ်ယူနိုင်ပါသည်။]</p> <p>[သင်သည် ဤဇာတ်ဝင်ခန်း၏ အဓိကပါဝင်သူတစ်ဦး ဖြစ်ပါသည်။]</p> <p>မြောက်ဘက်နှင့် အနောက်ဘက်တို့မှ ကြီးကျယ်လှသော အရာတစ်ခုကို ကျနော် ခံစားလိုက်ရသည်။</p> <p>['မဲလ်လီဒွန် စက်မှုဇုန်' နက္ခတ်နှင့် သက်ဆိုင်သော နက္ခတ်များသည် သင့်အပေါ် ရန်လိုမှု ပြသနေကြပါသည်။]</p> <p>['ဘာကန် စက်မှုဇုန်' နက္ခတ်နှင့် သက်ဆိုင်သော နက္ခတ်များသည် သင့်အပေါ် ရန်လိုမှု ပြသနေကြပါသည်။]</p> <p>ကောင်းကင်ယံရှိ နက္ခတ်များမှာ တဖျတ်ဖျတ် လက်လာကြပြီးနောက် ဒိုကဲဘီ၏ အသံ ထွက်ပေါ်လာခဲ့သည်။</p> <p>[နက္ခတ်အပေါင်းတို့။ အကြာကြီး စောင့်လိုက်ရလား]</p> <p>ထိုဒိုကဲဘီတို့မှာ ဒိုဂတ် နှင့် ဘီဟွန်း တို့ ဖြစ်ကြ၏။</p> <p>[နောက်ဆုံးတော့ သင်တို့အားလုံး စောင့်မျှော်နေကြတဲ့ မိစ္ဆာဘုရင် ရွေးချယ်ပွဲ စတင်ပါပြီ။]</p> <p>ဘီဟွန်း၏ စကားနှင့်အတူ 'ဇာတ်ခုံ' ၏ ကြီးမားလှသော ဟိုလိုဂရမ်ပုံရိပ်တစ်ခုမှာ လေထဲရှိ ဖန်သားပြင်ပေါ်တွင် ပေါ်ထွက်လာခဲ့သည်။</p> <p>[ပထမဦးစွာ ဒီဇာတ်ဝင်ခန်းအတွက် ဂိမ်းဇာတ်ခုံကို ဖန်တီးပေးခဲ့တဲ့ ထုတ်လုပ်ရေး လုပ်ငန်းရှင် ကို ကျေးဇူးအထူးတင်ရှိကြောင်း ပြောကြားပါတယ်]</p> <p>ဟိုလိုဂရမ်ပေါ်တွင် ထုတ်လုပ်ရေး လုပ်ငန်းရှင် ဖန်တီးထားသော မြေပုံ ပေါ်ထွက်လာစဉ်မှာပင် လွန်ကဲလှသော လက်ခုပ်သံများ ထွက်ပေါ်လာခဲ့သည်။</p> <p>['ဒဏ္ဍာရီလာ စစ်မြေပြင်'ကစားပွဲ ကို စတင်နေပါပြီ။]</p> <p>မြေပုံပေါ်တွင်ပြသနေသည်မှာ အစွန်းဘက်တွင် ဧရာမ ချောက်ကမ်းပါးကြီးများ ရှိနေသော ကျယ်ပြန့်လှသည့် တောအုပ်နယ်မြေတစ်ခု ဖြစ်၏။ တောအုပ်ဇုန်တွင် အရှေ့၊ အနောက်၊ တောင်၊ မြောက် အရပ်မျက်နှာများ၌ 'စက်မှုဇုန်' ၏ ပုံစံများ ပါဝင်နေပြီး ၎င်းမှာ စက်မှုဇုန်တစ်ခုချင်းစီ၏ စတင်ရာနေရာများကို ဆိုလိုခြင်း ဖြစ်ပေလိမ့်မည်။</p> <p>[သင်တို့အားလုံး ခန့်မှန်းထားကြတဲ့အတိုင်းပါပဲ၊ ဒီ 'ရွေးချယ်ပွဲ' က ရိုးရိုးရှင်းရှင်း ထိုးကြိတ်တိုက်ခိုက်ရုံနဲ့ ပြီးသွားမယ့် တိုက်ပွဲမျိုး မဟုတ်ပါဘူး။ အဖွဲ့တစ်ခုစီကို စက်မှုဇုန်တစ်ခုအနေနဲ့ သတ်မှတ်ပြီး 'အသင်းလိုက် ပြိုင်ပွဲ' ပုံစံမျိုးနဲ့ ကျင်းပသွားမှာ ဖြစ်ပါတယ်]</p> <p>ဒိုကဲဘီများ၏ စကားကြောင့် နက္ခတ်အချို့မှာ အံ့အားသင့်သွားကြပြီး သွယ်ဝိုက်သော မက်ဆေ့ခ်ျများကို ပေးပို့လာခဲ့ကြသည်။  ကျနော်ကမူ အံ့သြမနေခဲ့ချေ။ ၎င်းကို မူရင်းဝတ္ထုမှတစ်ဆင့် ကျနော် သေချာ သိရှိထားပြီးသား ဖြစ်၏။</p> <p>[ကစားပွဲရဲ့ စည်းမျဉ်းတွေကတော့ ရိုးရှင်းပါတယ်။ ပါဝင်သူအားလုံးဟာ မိမိကိုယ်တိုင် အပါအဝင် လူခုနစ်ဦးနဲ့ အဖွဲ့တစ်ဖွဲ့ ဖွဲ့စည်းနိုင်ပါတယ်]</p> <p>[အဖွဲ့ဝင်တိုင်းကို မတူညီတဲ့ တာဝန်တွေ ပေးအပ်သွားမှာ ဖြစ်ပြီး အဲဒီတာဝန်တွေကတစ်ဆင့် ဇာတ်ဝင်ခန်းမှာ အခန်းကဏ္ဍ တစ်ခုအနေနဲ့ ပါဝင်ကစားရမှာ ဖြစ်ပါတယ်]</p> <p>ဤကစားပွဲမှာ ယခင်က ကမ္ဘာပေါ်တွင် ရေပန်းစားခဲ့ဖူးသော အေအိုအက်စ် (AOS) ဂိမ်းများနှင့် ဆင်တူလှသည်။ ပါဝင်သောအဖွဲ့ဝင်များမှာ ခံနိုင်ရည်အားမြင့်မားသူ တစ်ဦး၊ အနီးကပ်တိုက်ခိုက်ပြီး အပျက်အစီးများပြားစေသူ နှစ်ဦး၊ အဝေးမှတိုက်ခိုက်ပြီး အပျက်အစီးများပြားစေသူ နှစ်ဦး နှင့် ပံ့ပိုးကူညီသူ တစ်ဦး။ နောက်ဆုံးတွင်တော့ အစွမ်းစုံလင်သူ တစ်ဦး ဖြစ်သည်။</p> <p>ဤသည်က လူခုနစ်ဦး အဖွဲ့ဖွဲ့၍ တိုက်ခိုက်ရမည့် ဂိမ်းဖြစ်သော ဒဏ္ဍာရီလာ စစ်မြေပြင် ပင် ဖြစ်သည်။</p> <p>['ထုတ်လုပ်ရေး လုပ်ငန်းရှင်' နက္ခတ်သည် ပြုံးနေပါသည်။]</p> <p>အမှန်အတိုင်း ပြောရမည်ဆိုလျှင် ဤကစားပွဲမှာ တစ်နေရာရာမှ ခိုးယူထားသည့် အချက်အလက်များဖြင့် ပြုလုပ်ထားခြင်း ဖြစ်၏။</p> <p>ဒိုကဲဘီ၏ စကားမှာ ဆက်လက် ထွက်ပေါ်လာခဲ့သည်။</p> <p>[ကစားပွဲမှာ အနိုင်ရနိုင်မယ့် နည်းလမ်း နှစ်မျိုး ရှိပါတယ်။ တစ်မျိုးကတော့ မိမိအဖွဲ့ကလွဲလို့ တခြားအဖွဲ့က ပါဝင်သူအားလုံးကို သုတ်သင်ရှင်းလင်းပစ်ဖို့ပါ။ ဒုတိယနည်းလမ်းကတော့ တခြားအဖွဲ့ရဲ့ 'အမှတ်အသား' ကို သိမ်းပိုက်ဖို့ပဲ ဖြစ်ပါတယ်။ ကဲ... ခင်ဗျားတို့ ကစားပွဲထဲကို ဝင်ရောက်လာတာနဲ့အမျှ အသေးစိတ် အချက်အလက်တွေကို ပိုပြီး သိရှိလာမှာပါ... ဒါထက် ပိုပြီး အရေးကြီးတဲ့ ကြေညာချက်တစ်ခု ရှိပါသေးတယ်]</p> <p>ရှည်လျားလှသော စကားများအပြီးတွင် ဘီဟွန်း သည် ကျနော့်ကို လှမ်းကြည့်လိုက်သည်။</p> <p>[မူလက ဒီရွေးချယ်ပွဲ ပြိုင်ပွဲမှာ အဖွဲ့ စုစုပေါင်း လေးဖွဲ့ ပါဝင်ယှဉ်ပြိုင်ဖို့ လျာထားခဲ့တာ ဖြစ်ပေမယ့် ကစားပွဲမစတင်မီမှာပဲ စက်မှုဇုန်တစ်ခုက ပြိုလဲလုနီးပါး ဖြစ်သွားခဲ့ပါတယ်]</p> <p>ကျနော် ခေတ္တမျှ စိတ်မသက်မသာ ဖြစ်သွားခဲ့သည်။ ဘီဟွန်းက ဆက်ပြောသည်။</p> <p>[ဒါကြောင့် ကစားပွဲရဲ့ မျှတမှုကို ထည့်သွင်းစဉ်းစားတဲ့အနေနဲ့ ကျနော်တို့ဟာ အတော်လေး အခြေအနေမလှတဲ့ စက်မှုဇုန်နှစ်ခုကို ပေါင်းစည်းပြီး အဖွဲ့တစ်ဖွဲ့တည်းအဖြစ် သတ်မှတ်ပေးဖို့ ဆုံးဖြတ်လိုက်ပါတယ်]</p> <p>ထို့နောက် လေထဲတွင် မက်ဆေ့ခ်ျတစ်ခု ထွက်ပေါ်လာခဲ့သည်။</p> <p>[သင်သည် လက်ရှိတွင် ယူဂျွန်ဟော့ - ကင်ဒေါ့ဂျာ စက်မှုဇုန် ၏ ပါဝင်သူတစ်ဦး ဖြစ်ပါသည်။]</p> <p>ဤသည်က မမျှော်လင့်ထားသော အခြေအနေတစ်ခု ဖြစ်သည်။ ကျနော်သည် ယူဂျွန်ဟော့ ၏ အဖွဲ့အတွက် စိုးရိမ်နေခဲ့သဖြင့် ယခုအခါတွင်မူ ကျနော်၏ သောကများကို လျှော့ချနိုင်ခဲ့ပြီ ဖြစ်သည်။ ဤသို့ပေါင်းစပ်ပေးဖို့ လုပ်ပေးခဲ့သူက ဘီဟွန်းပင် ဖြစ်ပေလိမ့်မည်။</p> <p>မည်သို့ပင်ဖြစ်စေ၊ အဘယ်ကြောင့် ယူဂျွန်ဟော့ - ကင်ဒေါ့ဂျာ စက်မှုဇုန် ဖြစ်နေရသနည်း။ ဟန်းဂု(ကိုရီးယား) အက္ခရာစဉ် ဇယားအတိုင်း ဆိုလျှင် စက်မှုဇုန်၏ အမည်မှာ ကင်ဒေါ့ဂျာ - ယူဂျွန်ဟော့ စက်မှုဇုန် မဖြစ်သင့်ပေဘူးလား။</p> <p>"ဂျန်ဟာယောင်း။ ယူဂျွန်ဟော့ အခု ဘယ်မှာလဲ"</p> <p>ပတ်ပတ်လည်တွင် ယူဂျွန်ဟော့ကို ရှာဖွေကြည့်သော်လည်း သူ၏ အရိပ်အယောင်ကိုမျှ ကျနော်ရှာမတွေ့ခဲ့ချေ။</p> <p>ဂျန်ဟာယောင်း သည် မျက်လုံးများ ပြူးကျယ်သွားရင်း ပြန်မေးသည်။</p> <p>"ခင်ဗျား ဘာတွေ ပြောနေတာလဲ။ သူ့ကို မတွေ့ခဲ့ဘူးလား"</p> <p>"...သူ့ကိုဘာလို့တွေ့ခဲ့ရမှာလဲ"</p> <p>"သူက ခင်ဗျားကို သွားရှာတာ မဟုတ်ဘူးလား"</p> <p>"ဘာ"</p> <p>မကောင်းသော အငွေ့အသက်ကို ကျနော်ခံစားလိုက်ရသည်။ အနှိုင်းမဲ့စာဖတ်သူ၏ရှုထောင့် ကို အလျင်အမြန် ကျနော်အသုံးပြုလိုက်သည်။</p> <p>[သင်သည် လက်ရှိ ပစ်မှတ်နှင့် ဆက်သွယ်၍ မရနိုင်ပါ။]</p> <p>ချီး။</p> <p>ဒီလိုကောင်မျိုးကို ဘယ်လိုရှာရမလဲဟု ကျနော် တွေးတောနေစဉ်မှာပင် ကျနော်၏ စိတ်ထဲ၌ တစ်ခုခုမှာ လက်ခနဲ ပေါ်လာခဲ့သည်။ ကံကောင်းထောက်မစွာဖြင့် ယခုအချိန်မှာ နေ့လယ်ပိုင်း ဖြစ်နေခဲ့သည်။</p> <p>[သင်သည် နေ့လယ်ပိုင်း ချိန်းဆိုမှု ကို အသုံးပြုလိုက်ပါပြီ။]</p> <p>နေ့လယ်ပိုင်း ချိန်းဆိုမှု။ ၎င်းမှာ ယခင်က ထိုမအေဘေးနှင့် ချိတ်ဆက်ထားခဲ့သည့် တစ်ဦးချင်း စကားပြောဆိုနိုင်သော အရာတစ်ခု ဖြစ်သည်။ ဆက်သွယ်နိုင်သော အကွာအဝေးအတွင်း ရှိမရှိကို ကျနော် မသိရှိသော်လည်း ယခုအချိန်တွင် ကျနော် ယုံကြည်ကိုးစားနိုင်သည့် တစ်ခုတည်းသော အရာမှာ ဤအရာသာ ဖြစ်သည်။</p> <p>[မဖတ်ရသေးသော မက်ဆေ့ခ်ျ ၃၉ စောင် ရှိပါသည်။]</p> <p>ကြည့်ရသည်မှာ ကျနော်ထံသို့ သူ၏ မက်ဆေ့ခ်ျများစွာ ရောက်ရှိနေပုံရသည်။ ကျနော်သည် ဇယားကွက်ကို အလျင်အမြန် ဖွင့်လိုက်သည်။ ပထမဆုံး မက်ဆေ့ခ်ျမှာ အောက်ပါအတိုင်း စတင်ထားခဲ့သည်။</p> <p>ကင်ဒေါ့ဂျာ၊ ငါ ဘီယူ ကို ကယ်ခဲ့ပြီးပြီ / ပေးပို့သူ - ယူဂျွန်ဟော့၊ ၄၇ နာရီ နှင့် ၃၉ မိနစ်ခန့်က</p> <p>နောက်ထပ် ရက်အနည်းငယ်အတွင်း မက်ဆေ့ခ်ျများမှာ ဆက်တိုက် ရောက်ရှိနေခဲ့သည်။</p> <p>ဒါပေမဲ့ မင်း ဘာဖြစ်လို့ ရုတ်တရက် ပျောက်သွားရတာလဲ / ပေးပို့သူ - ယူဂျွန်ဟော့၊ ၄၆ နာရီ နှင့် ၅၄ မိနစ်ခန့်က</p> <p>ငါ့မှာ မင်းရဲ့ ကလေးကလား အပြုအမူတွေအတွက် အချိန်မရှိဘူး / ပေးပို့သူ - ယူဂျွန်ဟော့၊ ၄၆ နာရီ နှင့် ၃၉ မိနစ်ခန့်က</p> <p>မင်း နောက်ထပ် ပေါ်မလာဘူးဆိုရင် ငါ နင့်ကို သတ်ပစ်မယ် / ပေးပို့သူ - ယူဂျွန်ဟော့၊ ၄၅ နာရီ နှင့် ၁၈ မိနစ်ခန့်က</p> <p>ဒါက နောက်ပြောင်နေတာ မဟုတ်ဘူး / ပေးပို့သူ - ယူဂျွန်ဟော့၊ ၄၄ နာရီ နှင့် ၃၉ မိနစ်ခန့်က ...</p> <p>ကင်ဒေါ့ဂျာ / ပေးပို့သူ - ယူဂျွန်ဟော့၊ ၄၁ နာရီ နှင့် ၃၈ မိနစ်ခန့်က</p> <p>ထို့နောက်တွင်လည်း မက်ဆေ့ခ်ျများစွာ ဆက်တိုက် ရောက်ရှိနေခဲ့သည်။ နောက်ဆုံး မက်ဆေ့ခ်ျမှာမူ -</p> <p>ငါ သွားတော့မယ် / ပေးပို့သူ - ယူဂျွန်ဟော့၊ ၂၃ နာရီ နှင့် ၁၄ မိနစ်ခန့်က</p> <p>ဒီမအေဘေးက ဘယ်ကိုသွားဖို့ ကြံစည်နေတာလဲ။</p> <p>ကျနော် ဆွံ့အသွားခဲ့ပြီး မက်ဆေ့ခ်ျတစ်ခုကို အလျင်အမြန် ပေးပို့လိုက်သည်။</p> <p>―အရူးကောင်၊ အမြန်ပြန်လာခဲ့။ ငါ အခု စက်မှုဇုန် ထဲမှာ ရောက်နေပြီ။</p> <p>သို့သော်လည်း ယူဂျွန်ဟော့ ထံမှ ပြန်စာ မရရှိခဲ့ချေ။ သူ ဖတ်ရှုပြီးကြောင်း အရိပ်အယောင်လည်း မရှိခဲ့။ ယင်းအစား ကျနော်သည် သေဒဏ်ပေးစာကဲ့သို့သော ဇာတ်ဝင်ခန်း မက်ဆေ့ခ်ျတစ်ခုကို လက်ခံရရှိခဲ့သည်။</p> <p>[၁၀ မိနစ်အတွင်းမှာ သင်၏ ကူညီသူများကို ခေါ်ယူပါ။]</p> <p>[သင်သည် ကူညီသူ ခြောက်ဦးကို ခေါ်ယူနိုင်ပါသည်။]</p> <p>ကျနော့်တွင် ခွေးနှစ်ကောင်၊ ကျား/မ ခွဲခြားရန် ခက်ခဲသော လူသားတစ်ဦး နှင့် ကျနော် လက်ညှိုးထိုးလိုက်လျှင် ကြောက်လန့်တုန်ယင်နေမည့် လူတစ်ဦး ရှိနေခဲ့သည်...သို့သော် ထိုသူသည် ကလေးမွေးပြီးစ စိတ်ကျရောဂါ ခံစားနေရသည်...</p> <p>ချီး။</p> <p>ကျနော်အနေဖြင့် စွမ်းအားများကို ထည့်သွင်းစဉ်းစားမနေတော့ဘဲ လူခုနစ်ဦး ပြည့်မီစေရန် အပူတပြင်း လိုအပ်နေချေပြီ။</p> <p>ကျနော် သက်ပြင်းတစ်ချက်ချလိုက်ပြီး ပြောလိုက်သည်။</p> <p>"...ငါ ကူညီသူတွေကို ရွေးချယ်မယ်"</p> <p>ခွေးနှစ်ကောင်၊ ဂျန်ဟာယောင်း နှင့် ဟန်မြုံအို တို့ ပါဝင်နေခဲ့သော်လည်း ကျနော်အနေဖြင့် နောက်ထပ် နှစ်ဦး ထပ်မံ လိုအပ်နေသေးသည်။ ယူဂျွန်ဟော့ အတွက် နေရာတစ်ခု ချန်ထားခဲ့လျှင်တောင် နောက်ထပ် လူတစ်ဦးကို သီးခြား ခေါ်ယူရဦးမည် ဖြစ်၏။ မိုးကောင်းကင်ကို ကျနော်မော့ကြည့်လိုက်သည်။</p> <p>[ချန်နယ်ထဲရှိ နက္ခတ်တိုင်းသည် သင့်ကို နားထောင်နေကြပါသည်။]</p> <p>ယခုအခါတွင်မူ ကျနော်၏ လူမှုကွန်ရက်ကို စမ်းသပ်ရမည့် အချိန် ရောက်ရှိလာခဲ့ချေပြီ။</p> <p> </p> <p>------</p> <p> </p> <p>[ကိုရီးယား ပုံပြင်လေးထဲက 'အိုဆူး ၏ ခွေး' ဆိုသည်မှာ တကယ့်ကို သစ္စာရှိလှတဲ့ ခွေးလေးတစ်ကောင်ရဲ့ အကြောင်း ဖြစ်ပြီး၊ မီးဘေးကနေ သခင်ဖြစ်သူရဲ့ အသက်ကို ကယ်တင်ဖို့အတွက် သူ့ခန္ဓာကိုယ်ကို ရေစိုစေပြီး မီးကို သက်စွန့်ဆံဖျား ငြှိမ်းသတ်ပေးခဲ့သော ခွေးပါ။ ဤအပိုင်းထဲမှာလည်း 'မီးလျှံထဲသို့ ခုန်ဆင်းခဲ့သော ခွေး' ဆိုတဲ့ နာမည်က အဲဒီပုံပြင်လေးကို အခြေခံပြီး နက္ခတ်တစ်ပါးအနေနဲ့ ဖြစ်တည်လာတာကို ဖော်ပြခဲ့ပါတယ်]</p> <p> </p> <p> </p> <p style="text-align: center;">***</p>


Save