Book List

<h2 style="text-align:center">အခန်း ၂၆၀</h2> <h2 style="text-align:center">တစ်စုံတစ်ခု၌ အတော်ဆုံး (၂)</h2> <h2 style="text-align:center">*</h2> <h2 style="text-align:center"> </h2> <p> </p> <p>နက္ခတ်များကို စကားလှမ်းပြောရန် ကျနော်ပြင်လိုက်သည့် ခဏမှာပင် ကြောက်လန့်တုန်ယင်နေသော ဟန်မြုံအို သည် သူ၏လက်များကို မြှောက်ပြလာခဲ့သည်။</p> <p>"ငါ... ငါ့ကို ထည့်မတွက်နဲ့။ အမှန်အတိုင်းပြောရရင် ငါက ဘာမှအကူအညီဖြစ်စေမှာ မဟုတ်ဘူး"</p> <p>သူသည် ကြောက်လန့်နေခဲ့သည်။ ပါဝင်သူများနှင့် ကူညီသူများ အားလုံးမှာ အနည်းဆုံး သမိုင်းဝင်အဆင့် နက္ခတ်များ ဖြစ်ကြပေလိမ့်မည်။ ထိုသို့သောအရာက မီနိုဆော့ဖ် ၏ အထွေထွေမန်နေဂျာ ဟန် တွင် မရှိသော စွမ်းအားမျိုး ဖြစ်သည်။</p> <p>ဟန်မြုံအို ၏ ပုခုံးကို ပုတ်ပေးလိုက်ရင်း ကျနော် ပြောလိုက်သည်။</p> <p>"လူဦးရေပြည့်အောင် ကူညီပေးပါဦး။ အထဲမှာ သေသွားရင်တောင် တကယ့်အပြင်မှာ သေမှာမဟုတ်ဘူးလေ။ မျက်စိလေးမှိတ်ပြီး ဂိမ်းကစားတယ်လို့ပဲ သဘောထားလိုက်ပါ"</p> <p>ဒဏ္ဍာရီလာ စစ်မြေပြင် တွင် အခွင့်အရေး စုစုပေါင်း သုံးကြိမ် ရှိသည်။ အကယ်၍ ယခုတစ်ကြိမ် ရှုံးနိမ့်ခဲ့လျှင်တောင် နောက်တစ်ကြိမ်နှင့် ထိုနောက်တစ်ကြိမ်တို့တွင် ပြန်လည်ကုစားနိုင်ခွင့် ရှိသည်။</p> <p>"ဒါ... ဒါပေမဲ့ နာတော့နာမှာမလား"</p> <p>"အင်း"</p> <p>"ဒါဆိုရင် ငါမလုပ်ချင်ဘူး။ ငါ မလုပ်..."</p> <p>"ကျေးဇူးတင်ပါတယ်။ ဌာနမှူး"</p> <p>[သင်သည် 'မိစ္ဆာမြို့စား ဟန်မြုံအို' ကို ကူညီသူအဖြစ် ရရှိလိုက်ပါပြီ။]</p> <p>[ကျန်ရှိသော ကူညီသူနေရာ - ၅ ဦး။]</p> <p>ပိုကောင်းသော လူစားထိုးကစားသမား တစ်ယောက်ရလျှင် ကောင်းမည်ဖြစ်သော်လည်း သင့်တော်သော လူတော်လူကောင်း ရှာမတွေ့ခဲ့ချေ။ မာ့ခ် သို့မဟုတ် အိုင်လင်း တို့ကို ရွေးချယ်နိုင်သော်လည်း ၎င်းတို့မှာ မိစ္ဆာမြို့စားတစ်ဦးဖြစ်သော ဟန်မြုံအို နှင့် ယှဉ်လျှင် အမှန်တကယ်ပင် နိမ့်ပါးနေလေ၏။</p> <p>"ကျုပ်ကတော့ သေချာပေါက် ပါမှာ"</p> <p>ဂျန်ဟာယောင်း သည် စောင့်မျှော်နေခဲ့ပုံမျိုးဖြင့် သူ၏လက်သီးများကို အချင်းချင်း တိုက်ပြလိုက်သည်။</p> <p>[သင်သည် 'ဒိုင်မင်းရှင်း ကူးပြောင်းသူ ဂျန်ဟာယောင်း' ကို ကူညီသူအဖြစ် ရရှိလိုက်ပါပြီ။]</p> <p>[ကျန်ရှိသော ကူညီသူနေရာ - ၄ ဦး။]</p> <p>ယခုအချိန်တွင် ဂျန်ဟာယောင်း ၏ တိုက်ခိုက်ရေးစွမ်းရည်မှာ မည်မျှအထိ ရှိနေပြီနည်း။ သူသည် သိုင်းပြိုင်ပွဲတွင် တတိယရခဲ့သည်ဟု ကျနော် ကြားသိခဲ့ရသော်လည်း... ကျနော်ကိုယ်တိုင် ရှိမနေခဲ့သဖြင့် ထိုအရာကို ခံစားမသိရှိနိုင်ခဲ့ချေ။ မည်သည့်အကြိမ်မြောက်၏ ဂျန်ဟာယောင်း မှ ဝတ္ထုဇာတ်လမ်း၏ ယခုကာလအတွင်းမှာ ကောင်းကင်ဖြိုခွင်းဓါးသိုင်း ကို ဆက်ခံနိုင်ခြင်း မရှိခဲ့ပေ။</p> <p>​ကောင်းကင်ဖြိုခွင်းဓါးသူတော်စင်၏ နောက်ထပ် တပည့်တစ်ဦးဆီသို့ ခေါင်းလှည့်ကြည့်လိုက်သည်။</p> <p>"ကောင်းကင်ဖြိုခွင်းသခင်"</p> <p>ဝုတ်</p> <p>အဖြေကတော့ ရိုးရှင်းသည်။</p> <p>[သင်သည် 'ဗဟုသုတကြွယ်ဝသောခွေး ကောင်းကင်ဖြိုခွင်းသခင်' ကို ကူညီသူအဖြစ် ရရှိလိုက်ပါပြီ။]</p> <p>[ကျန်ရှိသော ကူညီသူနေရာ - ၃ ဦး။]</p> <p>အဆင့်ကျော်လွန်သူ ခွေးတစ်ကောင်ဖြစ်သော ကောင်းကင်ဖြိုခွင်းသခင် သည် သမိုင်းဝင်အဆင့် နက္ခတ်များနှင့် သေချာပေါက် ယှဉ်ပြိုင်နိုင်သည်။ ဤခွေးသည် ဤတိုက်ပွဲတွင် ကြီးမားသော အကူအညီ ဖြစ်လာမည်မှာ အသေအချာပင်။ သို့သော်လည်း ကောင်းကင်ဖြိုခွင်းသခင် ၏ မျက်နှာအမူအရာမှာ မကောင်းလှချေ။</p> <p>ဂါးးးး… ဝုတ်</p> <p>ကောင်းကင်ဖြိုခွင်းသခင် ၏ ဒေါသတကြီး စိုက်ကြည့်နေသော အကြည့်များမှာ ခွေးတစ်ကောင်ဆီသို့ ဦးတည်နေခဲ့သည်။ သူ ဘာကို ဆိုလိုသည်ကို ကျနော် သိရှိပါသည်။</p> <p>"ဟုတ်တယ်။ သူက အဖွဲ့ဝင် အသစ်ပဲ"</p> <p>ဝုတ် ဝုတ် ဝုတ်</p> <p>"မင်း မကြိုက်ရင်တောင်မှ မတတ်နိုင်ဘူးလေ"</p> <p>တိတ်တဆိတ် စောင့်ကြည့်နေသော အိုဆူး သည် ကောင်းကင်ဖြိုခွင်းသခင် ၏ တင်ပါးကို လိုက်လံနမ်းရှုံ့နေခဲ့သည်။ ထို့နောက်တွင်တော့ ကောင်းကင်ဖြိုခွင်းသခင် ၏ မျက်လုံးများထဲတွင် မီးလျှံများ တောက်လောင်လာခဲ့ပြီး ၎င်း၏ နဖူးကို ကန်ထုတ်လိုက်တော့သည်။</p> <p>အီးအီးး</p> <p>သူသည် အားကိုးထိုက်သူတစ်ယောက် မဟုတ်သော်လည်း ကျနော်အနေဖြင့် သူ့ကို အဖွဲ့ဝင်အဖြစ် ထည့်သွင်းရမည် ဖြစ်သည်။ သူသည် သမိုင်းဝင်အဆင့် နက္ခတ်တစ်ပါး ဖြစ်သဖြင့် ဟန်မြုံအို ထက်စာလျှင် ပို၍ သာလွန်ပေသည်။</p> <p>[သင်သည် 'မီးလျှံထဲသို့ ခုန်ဆင်းခဲ့သော ခွေး' ကို ကူညီသူအဖြစ် ရရှိလိုက်ပါပြီ။]</p> <p>[ကျန်ရှိသော ကူညီသူနေရာ - ၂ ဦး။]</p> <p>ကျန်ရှိနေသော နေရာနှစ်ခုထဲမှ တစ်ခုမှာ ယူဂျွန်ဟော့ အတွက် ဖြစ်သည်။</p> <p>[သင်သည် 'အမြင့်မြတ်ဆုံးဘုရင် ယူဂျွန်ဟော့' ကို ကူညီသူအဖြစ် မှတ်ပုံတင်လိုက်ပါပြီ။]</p> <p>[ထိုဇာတ်ကောင်သည် လက်ရှိတွင် အနီးအနား၌ ရှိမနေပါ။]</p> <p>[ထိုသူသည် ကမ်းလှမ်းချက်ကို လက်ခံလိုက်သည်နှင့် စစ်မြေပြင်သို့ အလိုအလျောက် ဆင့်ခေါ်ခြင်း ခံရမည် ဖြစ်ပါသည်။]</p> <p>[ငါးမိနစ်ခန့် ကျန်ရှိပါသည်။]</p> <p>ယခု ကျနော့်ထံတွင် နေရာတစ်ခုသာ ကျန်တော့သည်။</p> <p>['ကယ်တင်ခြင်း၏ မိစ္ဆာဘုရင်' နက္ခတ်သည် နက္ခတ်တွေကို ကြည့်ရှုနေပါသည်။]</p> <p>ကျနော့်အပေါ် ကျရောက်နေသော နက္ခတ်တွေ၏ အကြည့်များကို ကျနော် ခံစားသိရှိနိုင်ခဲ့သည်။ စေတနာ့ဝန်ထမ်းတစ်ယောက်လောက် ရှာကြည့်ရအောင်။</p> <p>"ဘယ်သူ ကူညီသူအဖြစ် ပါဝင်ချင်လဲ"</p> <p>အမှန်အတိုင်းပြောရရင် လျှောက်ထားမည့်သူ မရှိဘဲနေမှာ မဟုတ်ဘူးဟု ကျနော် ထင်မြင်မိသည်။ ချန်နယ်ထဲရှိ နက္ခတ်များသည် ကျနော်၏ ဇာတ်လမ်းနောက်ကို ဤနေရာအထိ တောက်လျှောက် လိုက်ပါလာခဲ့ကြသူများ ဖြစ်သည်။ အကယ်၍ စေတနာ့ဝန်ထမ်း တစ်ဦးထက်ပို၍ ရှိခဲ့လျှင် ကျနော်သည် ဟန်မြုံအို ကိုပင် အစားထိုးနိုင်ပေလိမ့်မည်။ သို့သော်...</p> <p>['အမှောင်ဆုံးသော နွေဦး၏ ဘုရင်မ' နက္ခတ်သည် အဓိပ္ပာယ်ဖော်မရသော အပြုံးမျိုးကို ပြုံးနေပါသည်။]</p> <p>['တရားမျှတမှု၏ ထိပ်ပြောင်စစ်သူကြီး' နက္ခတ်သည် သူ၏ဦးခေါင်းကို အပြင်းအထန် ပွတ်တိုက်နေပါသည်။]</p> <p>['ထုတ်လုပ်ရေး လုပ်ငန်းရှင်' နက္ခတ်သည် ခါးနာနေကြောင်း ညည်းညူနေပါသည်။]</p> <p>...ချီး။</p> <p>[နက္ခတ်များစွာသည် သင်၏အကြည့်များကို ရှောင်လွှဲကာ ခေါင်းလွှဲနေကြပါသည်။]</p> <p>ကျနော် မကျေနပ်သော အကြည့်များဖြင့် မိုးကောင်းကင်ကို စိုက်ကြည့်လိုက်သည်။ ဤဇာတ်ခုံမှာ ပါစီဖုန်း သို့မဟုတ် ထုတ်လုပ်ရေး လုပ်ငန်းရှင် တို့နှင့် မထိုက်တန်ဟု ဆိုနိုင်သော်လည်း သမိုင်းဝင်အဆင့် နက္ခတ်များတော့ ရှိနေသေးသည် မဟုတ်ပါလား...</p> <p>ကျနော် သက်ပြင်းတစ်ချက်ချလိုက်ပြီး ဂျန်ဟာယောင်း ဆီသို့ လှည့်ကြည့်လိုက်သည်။</p> <p>"ဂျန်ဟာယောင်း၊ ငါပြောထားတဲ့ နက္ခတ်တွေကို ဆက်သွယ်ပြီးပြီလား"</p> <p>"အင်း... ပြီးပြီ"</p> <p>ဤနေ့အတွက် ကြိုတင်ပြင်ဆင်ထားရန်အတွက် ဂျန်ဟာယောင်း အား နက္ခတ်အချို့နှင့် ဆက်သွယ်ထားရန် ကျနော်တောင်းဆိုထားခဲ့ခြင်း ဖြစ်သည်။</p> <p>"ပင်လယ်စစ်နတ်ဘုရား ကော ဘာပြောလဲ"</p> <p>"သူကတော့ စဉ်းစားကြည့်ဦးမယ်လို့ ပြောတယ်"</p> <p>ကျနော် မျက်မှောင်ကြုတ်လိုက်သည်။ သူက ဘယ်လောက်အထိ ကြာအောင် စဉ်းစားနေဦးမှာလဲ။ သူသည် ဖြစ်နိုင်စွမ်း ဆုံးရှုံးမှာကို မည်မျှအထိ စိုးရိမ်နေရသနည်း... အခြားသော နက်ဗျူလာ များကို ဆန့်ကျင်ရမှာကို သူ ကြောက်ရွံ့နေခြင်းလော။</p> <p>['တရားမျှတမှု၏ ထိပ်ပြောင်စစ်သူကြီး' နက္ခတ်သည် တဘက်ဖြင့် သူ၏ဦးခေါင်းကို သုတ်နေပါသည်။]</p> <p>မူလက ကျနော်၏ အစီအစဉ်မှာ ကောင်းကင်ဖြိုခွင်းဓါးသူတော်စင် နမ်ဂွန်မင်းယောင်း နှင့် ပတ်ဒေါ့ဇ်ဘတ်ချွန်း ကိုင်ရီယော့စ် ရော့ဒ်ဂရိမ် တို့ကို ခေါ်ဆောင်လာရန် ဖြစ်သည်။ သို့သော်လည်း ဤလူနှစ်ဦးမှာ ယခုအခါတွင် သိုင်းလောက၌ ရှိနေကြလေသည်။</p> <p>"ဂိုလျော၏ ပထမဆုံးသော ဓါး ကော ဆက်သွယ်ပြီးပြီလား"</p> <p>"ဘာအကြောင်းပြန်ချက်မှ မရှိဘူး"</p> <p>ဤအချက်မှာမူ ကျနော် အတော်လေး သစ္စာဖောက်ခံလိုက်ရသလို ခံစားလိုက်ရသည်။</p> <p>['တရားမျှတမှု၏ ထိပ်ပြောင်စစ်သူကြီး' နက္ခတ်သည် သူ၏နဖူးကို သုတ်ခဲ့သော တဘက်အား သူ၏ဦးခေါင်းတွင် ပတ်လိုက်ရင်း ဝမ်းနည်းပူဆွေးသော မျက်နှာအမူအရာမျိုး ဖြစ်နေပါသည်။]</p> <p>မတတ်နိုင်ချေ။ ဤသို့ ဖြစ်လာခဲ့လျှင် ကျနော်အနေဖြင့် ဒုတိယအကောင်းဆုံးအရာကိုသာ ရွေးချယ်ရတော့မည် ဖြစ်သည်။</p> <p>['တရားမျှတမှု၏ ထိပ်ပြောင်စစ်သူကြီး' နက္ခတ်သည် ခေါင်းညိတ်ပြရင်း သင့်ကို ကြည့်ရှုနေပါသည်။]</p> <p>"အက်စ်မိုးဒီအက်စ်။ မင်း ငါ့ကို ကူညီမယ်လို့ ပြောခဲ့တယ်မဟုတ်လား"</p> <p>ကျနော်၏ စကားကြောင့် မိုးကောင်းကင်၏ ထောင့်စွန်းတွင် ရှိနေသော ကြောက်မက်ဖွယ်ကောင်းသည့် မဟူရာကြယ်ကြီးမှာ လှုပ်ရှားလာခဲ့သည်။</p> <p>['ရာဂနှင့်အမျက်ဒေါသနတ်ဆိုး' မိစ္ဆာဘုရင်သည် သင့်အား ကြည့်ရှုနေပါသည်။]</p> <p>['ရာဂနှင့်အမျက်ဒေါသနတ်ဆိုး' မိစ္ဆာဘုရင်က တတိယအကျော့ကစပြီး ကူညီပေးမည်ဟု ပြောနေပါသည်။]</p> <p>...တတိယအကျော့မှလား။</p> <p>['ရာဂနှင့်အမျက်ဒေါသနတ်ဆိုး' မိစ္ဆာဘုရင်သည် သင်ဟာ သူ၏အကူအညီနဲ့ ထိုက်တန်မှု ရှိမရှိကို စမ်းသပ်လိုနေပါသည်။]</p> <p>ကျနော်နှုတ်ခမ်းကို ကိုက်လိုက်သည်။ ဤမအေဘေး မိစ္ဆာဘုရင်သည် ယခုအခါတွင် ကျနော်ကို အကဲဖြတ်နေချေပြီ... ကျနော်အနေဖြင့် တတိယအကျော့အထိ ရောက်နိုင်ပါ့မလားဟု တွေးတောမိသည်။ ကံကောင်းထောက်မစွာဖြင့် အခြားတစ်ဖက်မှ ကူညီသူများထဲတွင် မိစ္ဆာဘုရင်များ၏ အမည်များကို ကျနော် မတွေ့ရချေ။</p> <p>[မဲလ်လီဒွန် တွင် 'လူသားမျိုးနွယ်ကို တည်ထောင်သူ' နက္ခတ်အား ကူညီသူအဖြစ် သတ်မှတ်လိုက်ပါပြီ။]</p> <p>[ဘာကန် တွင် 'နောက်ဆုံးဖာရိုဘုရင်မ' နက္ခတ်အား ကူညီသူအဖြစ် သတ်မှတ်လိုက်ပါပြီ။]</p> <p>[မဲလ်လီဒွန် တွင် 'ကိုယ့်မျက်လုံးကို ပြန်ထိုးဖောက်သူ' နက္ခတ်အား ကူညီသူအဖြစ် သတ်မှတ်လိုက်ပါပြီ။]</p> <p>[မဲလ်လီဒွန် တွင် 'ဗာနာရာ၏ စစ်သူကြီး' နက္ခတ်အား ကူညီသူအဖြစ် သတ်မှတ်လိုက်ပါပြီ။]</p> <p>၎င်းတို့မှာ မိစ္ဆာဘုရင်များ မဟုတ်ကြသော်လည်း အချို့သော ကြောက်မက်ဖွယ်ကောင်းသည့် နက္ခတ်များ၏ ဘွဲ့အမည်များ ဖြစ်ကြသည်။ အချို့သော ဒဏ္ဍာရီအဆင့် နက္ခတ်များကိုပင် ကျနော် မြင်တွေ့နေရလေသည်။ ဤဇာတ်ဝင်ခန်းကို ဆုတ်ဖြဲ၊ ဝါးစားပြီး အရသာခံလိုကြသည့် နက္ခတ်များ၏ လောဘရမ္မက်များကို ကျနော်၏ အရေပြားပေါ်တွင်ပင် ခံစားသိရှိနေရ၏။ ယခုအခြေအနေသည် ကျနော်အနေဖြင့် အမှိုက်စလေးတစ်ခုကိုပင် ဖမ်းဆုပ်ထားရမည့် အခြေအနေမျိုး ဖြစ်နေတော့သည်။</p> <p>"ယူရီအယ်"</p> <p>[နက်ဗျူလာ အေဒင် သည် သင့်၏ တိုက်တွန်းချက် ကြောင့် စိတ်အနှောင့်အယှက် ဖြစ်နေပါသည်။]</p> <p>[မိစ္ဆာနယ်မြေ ၏ မိစ္ဆာဘုရင်များသည် နက်ဗျူလာ 'အေဒင်' ၏ လှုပ်ရှားမှုများကို အနီးကပ် စောင့်ကြည့်နေကြပါသည်။]</p> <p>...ဤနေရာမှာ မိစ္ဆာနယ်မြေ ဖြစ်နေသည်ကို ကျနော် မေ့လျော့နေခဲ့သည်။ ယူရီအယ် ၏ ပုံရိပ်နှင့် ကောင်းကင်ဘုံ၏ စာရေးတော် ၏ စာသားများမှာ ကျနော်၏ မျက်စိရှေ့တွင် ပေါ်ထွက်လာခဲ့သည်။ အဖွဲ့အစည်း နှစ်ခုအကြား သဘောတူညီချက်မှာ တည်မြဲနေသရွေ့ ယူရီအယ် သည် ဤကစားပွဲတွင် ပါဝင်နိုင်မည် မဟုတ်ချေ။ အဆုံးသတ်တွင်တော့ ကျနော်သည် အခြားသော အားကိုးရာတစ်ခုဆီသို့ လက်လှမ်းလိုက်ရသည်။</p> <p>"ကောင်းကင်တစ်မျှ မဟာပညာရှိ"</p> <p>သို့သော်လည်း ကောင်းကင်တစ်မျှ မဟာပညာရှိ ၏ တုံ့ပြန်မှုမှာ -</p> <p>['ရွှေခေါင်းကွင်း၏အကျဉ်းသား' နက္ခတ်သည် သင့်ကို လှောင်ပြောင်နေပါသည်။]</p> <p>['ရွှေခေါင်းကွင်း၏အကျဉ်းသား' နက္ခတ်သည် အခြားသော စက်မှုဇုန်များမှ နက္ခတ်များကို ကြည့်ပြီး မခန့်လေးစား လုပ်နေပါသည်။]</p> <p>သူသည် ဤဇာတ်ခုံမှာ မျောက်ဘုရင် ဖြစ်သည့် သူ၏ ဂုဏ်သိက္ခာနှင့် ကိုက်ညီမှုမရှိဟု ယူဆပုံရသည်။ ဤဇာတ်ဝင်ခန်းအထိ ကိုယ့်ကိုယ်ကိုယ် နှိမ့်ချရန်မှာ သူ၏ မာနကို ထိခိုက်စေပေလိမ့်မည်။</p> <p>['မဟူရာမီးလျှံ အသူတစ်ရာနဂါး' နက္ခတ်သည် သင့်ကို လှောင်ရယ်နေပါသည်။]</p> <p>ဂျန်ဟာယောင်း သည် မက်ဆေ့ခ်ျကို ကြားသိလိုက်ရသည့်အလား မေးမြန်းလာခဲ့သည်။</p> <p>"မီးလျှံနဂါးကို ခေါ်ကြည့်ပါလား"</p> <p>"မဖြစ်ဘူး"</p> <p>"ဘာလို့လဲ၊ သူက ကျုပ်ထင်ထားတာထက်တောင် ပိုတော်သေးတယ်"</p> <p>မဟူရာမီးလျှံ အသူတစ်ရာနဂါး သည် လူဆိုးတစ်ယောက်မဟုတ်မှန်း ကျနော်သိသော်လည်း သူ၏စွမ်းအားကို ငှားရမ်းရန်မှာ အန္တရာယ်များလွန်းလှသည်။ ထို့ထက် ပို၍အရေးကြီးသည်မှာ မဟူရာမီးလျှံ အသူတစ်ရာနဂါး ကို အခြားနေရာတစ်ခုတွင် လိုအပ်နေခြင်းပင်။ ကျနော် နောက်ဆုံးတွင် သက်ပြင်းချလိုက်မိသည်။</p> <p>"မတတ်နိုင်တော့ဘူး၊ ကျန်တဲ့တစ်ခုတည်းသော နက္ခတ်ကတော့..."</p> <p>"ဘယ်သူလဲ..."</p> <p>['တရားမျှတမှု၏ ထိပ်ပြောင်စစ်သူကြီး' နက္ခတ်သည် စောင့်မျှော်နေခဲ့သည့်အလား သူ၏ ဝါးတုတ်ကို ကိုင်ထားပါသည်]</p> <p>"ဂျန်ဟာယောင်း၊ လျှို့ဝှက်ကြံစည်သူ ဆီကို မက်ဆေ့ခ်ျပို့လိုက်"</p> <p>[နက္ခတ်အချို့သည် သင်၏ရွေးချယ်မှုကြောင့် အံ့အားသင့်နေကြပါသည်။]</p> <p>လျှို့ဝှက်ကြံစည်သူ နက္ခတ်မှာ ကျနော်၏ ချန်နယ်ထဲရှိ အဓိက နက္ခတ်လေးပါးထဲတွင် မည်သူမည်ဝါဖြစ်မှန်း ကျနော်မသိရ သေးသော တစ်ဦးတည်းသောသူ ဖြစ်သည်။ ကောင်းကင်တစ်မျှ မဟာပညာရှိ နှင့် နဂါးနက်ကြီးတို့ ပေါ်လာစဉ်ကတည်းက သူသည် အဘယ်ကြောင့် ကျနော်၏ ချန်နယ်ထဲတွင် လူကိုယ်တိုင် ထွက်မလာခဲ့သနည်းဆိုသည်ကို ကျနော် မသိခဲ့ချေ။</p> <p>[နက္ခတ်အနည်းငယ်သည် သင်၏ရွေးချယ်မှုကို ကြောက်ရွံ့နေကြ ပါသည်။]</p> <p>[နက္ခတ်အချို့သည် သင်၏ရွေးချယ်မှုကို ဖျောင်းဖျရန် ကြိုးစားနေကြပါသည်။]</p> <p>နက္ခတ်များ၏ တုံ့ပြန်မှုမှာ နားလည်ပေးနိုင်စရာပင်။ လျှို့ဝှက်ကြံစည်သူ ၏ မည်သူမည်ဝါဖြစ်ကြောင်းကို ကျနော် သေချာမသိသော်လည်း သူသည် ပြင်ပနတ်ဘုရားတစ်ပါး ဖြစ်နိုင်ခြေ အလွန်များလှသည်။ ထို့အပြင် ရှေးဟောင်းနတ်ဘုရားများကိုပင် ရိုက်ထုတ်နိုင်လောက်သည့် သြဇာအာဏာလည်း ရှိ၏။ အခြားသော နက္ခတ်များသည် ဤအချက်ကို ကောင်းကောင်းကြီး သိရှိနေကြပုံရလောက်သည်။</p> <p>ဂျန်ဟာယောင်း သည် လေထဲတွင် တစ်ခုခုကို ရိုက်ထည့်လိုက်ပြီးနောက် ကျနော့်ကို လှမ်းခေါ်လိုက်သည်။</p> <p>"ကင်ဒေါ့ဂျာ၊ ခင်ဗျားနာမည်မှားပြောမိတာတော့ မဟုတ်ပါဘူးနော် "</p> <p>"ဘာဖြစ်လို့လဲ"</p> <p>"ဒါကိုကြည့်ဦး"</p> <p>ဂျန်ဟာယောင်း သည် သူရိုက်ထည့်ထားသော ဖန်သားပြင်ကို ကျနော့်အား ပြသလာသည်။</p> <p>ဖန်သားပြင်ပေါ်တွင် အောက်ပါအတိုင်း မက်ဆေ့ခ်ျ ပေါ်နေခဲ့သည် -</p> <p>[ဤဘွဲ့အမည်သည် ကြယ်တာရာ ရုပ်သံထုတ်လွှင့်မှု ထဲတွင် တည်ရှိခြင်းမရှိပါ။]</p> <p>ကျနော် ဆွံ့အသွားပြီး ဂျန်ဟာယောင်း ကို မေးလိုက်သည်။</p> <p>"မင်း သေသေချာချာရော ရိုက်ရဲ့လား"</p> <p>"ခင်ဗျားက ကျုပ်ကို ငတုံးလို့ထင်နေတာလား"</p> <p>ဂျန်ဟာယောင်း သည် 'လျှို့ဝှက်ကြံစည်သူ' ဟု ထပ်မံရိုက်ထည့်လိုက်ပြန်သည်။</p> <p>[ဤဘွဲ့အမည်သည် ကြယ်တာရာ ရုပ်သံထုတ်လွှင့်မှု ထဲတွင် တည်ရှိခြင်းမရှိပါ။]</p> <p>လျှို့ဝှက်ကြံစည်သူဆိုတဲ့ ဒီဘွဲ့အမည်က တည်ရှိခြင်းမရှိဘူး ဟုတ်လား။</p> <p>['ရွှေခေါင်းကွင်း၏အကျဉ်သား' နက္ခတ်သည် စိတ်ဝင်စားသော မျက်နှာအမူအရာ ပြုလုပ်နေပါသည်။]</p> <p>['မဟူရာမီးလျှံ အသူတစ်ရာနဂါး' နက္ခတ်သည် သိချင်စိတ် ပြင်းပြနေပါသည်။]</p> <p>['ကောင်းကင်ခြေလှမ်း၏သခင်' နက္ခတ်သည် ကွန်ရက်ကို ဖွင့်လှစ်နေပါသည်။]</p> <p>[နက္ခတ်အတော်များများသည် လျှို့ဝှက်ကြံစည်သူ ကို လိုက်လံရှာဖွေနေကြပါသည်။]</p> <p>အခြေအနေက ဤသို့ဖြစ်လာလိမ့်မည်ဟု ကျနော်မထင်ခဲ့မိသဖြင့် ခေတ္တမျှ ကြောင်အသွားခဲ့သည်။</p> <p>[တစ်မိနစ်ခန့်သာ ကျန်ရှိပါတော့သည်။]</p> <p>အမှန်စင်စစ် နက္ခတ်များတွင် ဘွဲ့အမည် အမြောက်အမြားရှိသည့် အခြေအနေမျိုး ရှိတတ်သည်။ သို့သော် ယခုအခြေအနေက ထိုသို့ပင်လော။ ဘွဲ့အမည်တစ်ခု ပျောက်ကွယ်သွားခြင်းလား။</p> <p>"အခု ဘယ်လိုလုပ်မလဲ"</p> <p>ဂျန်ဟာယောင်း သည် စိုးရိမ်တကြီးဖြင့် ကျနော်ကို စိုက်ကြည့်လာသည်။ ကျန်ရှိသော အချိန်မှာ စက္ကန့် ၃၀ ပင် မပြည့်တော့ချေ။</p> <p>['တရားမျှတမှု၏ ထိပ်ပြောင်စစ်သူကြီး' နက္ခတ်သည် အော်ဟစ်ကာ မတ်တပ်ထရပ်လိုက်ပါသည်။]</p> <p>ကျနော် မိုးကောင်းကင်ကို မော့ကြည့်လိုက်သည်။ သူ့ကို ဆက်ပြီး လျစ်လျူရှုထားရန် ခက်ခဲလှချေပြီ။</p> <p>"...ယူဂျုံး ဆန်းမြုံဒန်၊ ကျေးဇူးပြုပြီး ကူညီပေးပါ"</p> <p>ကျနော် စကားပြောလိုက်သည့် ခဏမှာပင် ကောင်းကင်ယံ၌ လျှပ်စီးများ လက်သွားခဲ့သည်။</p> <p>['တရားမျှတမှု၏ ထိပ်ပြောင်စစ်သူကြီး' နက္ခတ်သည် ကိုယ်ပွားခန္ဓာတစ်ခုကို ဆင့်ခေါ်ရန် ဖြစ်နိုင်စွမ်းကို အသုံးပြုနေပါသည်။]</p> <p>တောက်ပလှသော အလင်းရောင်ထဲတွင် ပေါ်ထွက်လာသည့် ကိုယ်ပွားခန္ဓာကို ကျနော် စိုက်ကြည့်ရင်း တွေးတောမိသည်။ အင်အားကြီးသော်လည်း ထိန်းချုပ်မရသော နက္ခတ်တစ်ပါးထက်စာလျှင် ယုံကြည်စိတ်ချရသော မဟာမိတ် တစ်ခုရှိခြင်းက ပို၍ကောင်းပေလိမ့်မည်။ အနည်းဆုံးတော့ ဆန်းမြုံဒန် သည် ကျနော် နက်ဗျူလာတစ်ခု စတင်ဖွင့်လှစ်ခွင့် ရရှိစဉ်ကတည်းက ကျနော်ကို ထောက်ခံပေးခဲ့သော နက္ခတ်များထဲမှ တစ်ဦး ဖြစ်၏။</p> <p>ဆင့်ခေါ်ခြင်း အခမ်းအနား ပြီးဆုံးသွားသော်လည်း အလင်းရောင်မှာ ပျောက်ကွယ်မသွားသေးချေ။ အနီးကပ်ကြည့်လိုက်သောအခါ ဆန်းမြုံဒန် ၏ ဦးခေါင်းမှ အလင်းတန်းတစ်ခု လက်ခနဲ ဖြစ်သွားသည်ကို တွေ့လိုက်ရသည်။ လက်ဖြင့် မျက်စိကို ကျနော် ကွယ်လိုက်စဉ်မှာပင် အသံတစ်ခု ထွက်ပေါ်လာခဲ့သည်။</p> <p>[မတွေ့ရတာ ကြာပြီနော်။ ကင်ဒေါ့ဂျာ]</p> <p>ခိုင်မာလှသော သမိုင်းကြောင်းများ ပါဝင်နေသည့် စစ်မှန်သော အသံကြောင့် ကျနော့် စိတ်ထဲတွင် အမှတ်ရသွားမိသည်။ ခွေးများနှင့် ကြောင်များသည်ပင် ကံကောင်းလျှင် နက္ခတ်များ ဖြစ်လာနိုင်သော်လည်း ၎င်းမှာ ၎င်းတို့သည် နက္ခတ်စစ်စစ်များ ဖြစ်သည်ဟု မဆိုလိုချေ။</p> <p>"မတွေ့ရတာ ကြာပါပြီ၊ ဆန်းမြုံဒန်"</p> <p>သုံးမီတာခန့် မြင့်မားသော ရဟန်းတော်။ သူသည် ဧရာမ သစ်ပင်ကြီးတစ်ပင်ကဲ့သို့ ကြီးမားလှသော ဝါးတုတ်ကြီးကို ကိုင်ဆောင်ထားသည်။ သမိုင်းဝင်အဆင့် နက္ခတ် 'ဆန်းမြုံဒန်' သည် နောက်ဆုံးတွင် သူ၏ စစ်မှန်သော ပုံရိပ်ကို ထုတ်ဖော်ပြသလာခဲ့ချေပြီ။</p> <p>[သင်သည် 'တရားမျှတမှု၏ ထိပ်ပြောင်စစ်သူကြီး' ကို ကူညီသူအဖြစ် ရရှိလိုက်ပါပြီ။]</p> <p>[သင့်တွင် ကူညီသူများ အရေအတွက် ပြည့်စုံသွားပါပြီ။]</p> <p>.</p> <p>.</p> <p>[ပါဝင်သူအားလုံးသည် ကူညီသူများ ခေါ်ယူခြင်း လုပ်ငန်းစဉ် ပြီးဆုံးသွားပါပြီ။]</p> <p>['ဒဏ္ဍာရီလာ စစ်မြေပြင်'ကစားပွဲသည် မိစ္ဆာနယ်မြေတွင် ပေါ်ပေါက်လာပါပြီ။]</p> <p> </p> <p> </p> <p> </p> <p style="text-align:center">***</p>


Save