Book List

<h2 style="text-align: center;">အခန်း (၁၄၆၁)</h2> <h2 style="text-align: center;">ဝိညာဉ်အဆီအနှစ် မိစ္ဆာမသေမျိုး</h2> <h2 style="text-align: center;">*</h2> <p> </p> <p> </p> <p> </p> <p>​အဆုံးသတ်တွင် ထိုဝိညာဉ်ပစ္စည်းများအတွက် ဖန့်ချန်သည် ဂုဏ်ထူးဆောင်မှတ် ၁၀၀ သုံးစွဲလိုက်ရသည်။</p> <p> </p> <p>​ဈေးကြီးသည်ဟု ဆိုနိုင်သော်လည်း အချိန်နှင့် လူပင်ပန်းမှုကို များစွာ သက်သာစေခဲ့သည်။</p> <p>အကယ်၍ ဖန့်ချန်သာ ကိုယ်တိုင်လိုက်လံ ရှာဖွေစုဆောင်းမည်ဆိုပါက အနည်းဆုံး နှစ်ပေါင်း ရာချီ၊ ကြာလျှင် နှစ်ပေါင်း ရာနှင့်ချီ၍ပင် အချိန်ပေးရနိုင်ပေသည်။</p> <p> </p> <p>​ဂုဏ်ထူးဆောင် ခန်းမမှ ထွက်လာကြစဉ် ကျိကန်းက အကြံပြုစကား ဆိုလာသည်။</p> <p> </p> <p>"ဖန့်အမာခံတပည့်... အခု နယ်မြေချဲ့ထွင်ရေးအဖွဲ့ထဲမှာ ဘေးဒုက္ခဖြတ်ကျော်ခြင်းအဆင့် ကျင့်ကြံသူ သုံးယောက်အပြင်၊ အဆင့် ၃ မသေမျိုး နှစ်ယောက်၊ အဆင့် ၄ မသေမျိုး တစ်ယောက်နဲ့ အဆင့် ၆ မသေမျိုး တစ်ယောက် ရှိနေပြီ။ ကျနော့်အထင်တော့ နောက်ထပ် အဆင့် ၄ မသေမျိုး လေးငါးယောက်လောက် ဒါမှမဟုတ် အဆင့် ၅ မသေမျိုး တစ်ယောက်လောက် ထပ်ရှာသင့်တယ်။ ဒါမှသာ နဂါးနက်လှေအစီရင် ရဲ့ စွမ်းပကားကို အပြည့်အဝ ထုတ်ဖော်နိုင်မှာပါ"</p> <p> </p> <p>​ကြာနီနတ်မိမယ်၏ မျက်နှာအမူအရာမှာ အနည်းငယ် လှုပ်ခတ်သွားပြီး မသိစိတ်ဖြင့် ရေရွတ်လိုက်မိသည်။</p> <p> </p> <p>"ဒါက စီနီယာအစ်မကြီးတို့ရဲ့ အဖွဲ့ဖွဲ့စည်းပုံမျိုး မဟုတ်ဘူးလား"</p> <p> </p> <p>​ကျိကန်းပြောသည့် ဖွဲ့စည်းပုံမှာ စီနီယာအစ်မကြီးတို့ အဆင့်အထိ မရောက်သေးသော်လည်း၊ အနည်းဆုံးတော့ စီနီယာအစ်မခုနစ်၏ အဆင့်နှင့် တန်းတူနေပြီဖြစ်သည်။</p> <p> </p> <p>​သာမန် အမာခံတပည့်များအတွက်မူ ဤမျှ မြင့်မားသော ဖွဲ့စည်းပုံမျိုး မလိုအပ်ပေ။</p> <p>အကြောင်းမှာ အစီရင်မသေမျိုးအတတ် ကို အသုံးမပြုနိုင်သေးသရွေ့ ထိုသို့သော ဖွဲ့စည်းပုံမျိုးမှာ ဖြုန်းတီးမှုတစ်ခုသာ ဖြစ်နေသောကြောင့်ပင်။</p> <p>အားလုံး၏ စွမ်းအားမှာ ရှေးဟောင်းမသေမျိုးတစ်ပိုင်း  အဆင့်မှာတင် ရပ်တန့်နေမည်ဖြစ်ပြီး ထိုတံခါးပေါက်ကို ကျော်ဖြတ်နိုင်မည် မဟုတ်ပေ။</p> <p> </p> <p>​သူမ၏ နယ်မြေချဲ့ထွင်ရေးအဖွဲ့တွင်ပင် မကြာသေးမီကမှ အဆင့် ၄ မသေမျိုး တစ်ဦးကို အသစ်ဖြည့်ထားခြင်း ဖြစ်ပြီး ကျန်သူများမှာ အဆင့် ၁၊ ၂၊ ၃ မသေမျိုးများသာ ဖြစ်ကြသည်။</p> <p> မသေမျိုးလှေအစီရင်ကို စုစည်းလိုက်လျှင်လည်း ရှေးဟောင်းမသေမျိုးတစ်ပိုင်း အဆင့်နှင့် ယှဉ်နိုင်သော စွမ်းအားကို ထုတ်ဖော်နိုင်သည်ပင်။</p> <p> </p> <p>​ကျိကန်းက ယဉ်ကျေးပျူငှာစွာဖြင့် ပြန်လည်ရှင်းပြသည်။</p> <p> </p> <p>"ဟုန်အမာခံတပည့် မသိသေးတာ တစ်ခုရှိပါတယ်။ ဖန့်အမာခံတပည့်က အစီရင်ဗဟိုချက်နဲ့ စာချုပ်ချုပ်တဲ့ အရှိန်က အရမ်းမြန်တယ်။ ဒါကြောင့် အချိန်တိုအတွင်းမှာပဲ အစီရင်မသေမျိုးအတတ်ပညာရပ်ကို နားလည်သဘောပေါက်သွားနိုင်တဲ့ အလားအလာ ရှိပါတယ်။ အခုကတည်းက လူအင်အားကို အပြည့်အစုံ ပြင်ဆင်ထားမှ နောက်ပိုင်းကျရင် အလုပ်ရှုပ်သက်သာမှာပါ"</p> <p> </p> <p>​"ဒါလည်း အကျိုးအကြောင်း ရှိသားပဲ"</p> <p> </p> <p>ကြာနီနတ်မိမယ်က ထူးဆန်းသောအမူအရာဖြင့် ခေါင်းညိတ်လိုက်သည်။</p> <p>​ကျိကန်းသည် ဖန့်ချန်အပေါ် အဘယ်ကြောင့် ဤမျှ ယုံကြည်မှုလွန်ကဲနေပြီး ကိုယ်တိုင်လာရောက် ပူးပေါင်းခဲ့သည်ကို သူမ အခုမှ သဘောပေါက်တော့သည်။</p> <p> ဖန့်ချန်သည် အစီရင်မသေမျိုးပညာရပ်ကို မုချ နားလည်သွားလိမ့်မည်ဟု ကျိကန်းက တစ်ထစ်ချ ယုံကြည်နေခြင်း ဖြစ်သည်။</p> <p>​အမှန်တကယ်တော့ သူမကိုယ်တိုင်ပင် ထိုကိစ္စအပေါ် ယုံကြည်မှု သိပ်မရှိလှပေ။</p> <p>အထူးသဖြင့် မကြာသေးမီက နဂါးနက်လှေ ကို မောင်းနှင်နေစဉ်အတွင်း အစီရင်ဗဟိုချက်နှင့် လူနှင့်လှေ တစ်သားတည်းကျခြင်း အဆင့်ကို ရောက်ရှိရန် အလှမ်းဝေးနေဆဲဟု ခံစားနေရသောကြောင့် ဖြစ်သည်။</p> <p> မသေမျိုးလှေအစီရင်မှတစ်ဆင့် စွမ်းအားကို အဆပေါင်းများစွာ မြှင့်တင်ပေးမည့် အစီရင်မသေမျိုးပညာရပ်မှာ သူမအတွက်တော့ ဝေးကွာလွန်းနေဆဲပင်။</p> <p> </p> <p>​"ကျိမိတ်ဆွေ... ကျနော် ဒီနေရာကို ရောက်တာ သိပ်မကြာသေးတော့ သိတဲ့သူ သိပ်မရှိဘူး။ မိတ်ဆက်ပေးချင်တဲ့သူ ရှိလား "</p> <p> </p> <p>ဖန့်ချန်က ပြုံး၍ မေးလိုက်သည်။</p> <p> </p> <p>​ကျိကန်းက ပြုံးလျက် ခေါင်းညိတ်ပြသည်</p> <p> </p> <p>"ဖန့်အမာခံတပည့်ကို မိတ်ဆွေတစ်ယောက်နဲ့ မိတ်ဆက်ပေးဖို့ ကြံနေတာပါ။ ဒီမိတ်ဆွေက ဝိညာဉ်အဆီအနှစ် မိစ္ဆာမသေမျိုး လမ်းစဉ်ကို လိုက်နေတာဖြစ်ပြီး၊ ကျွယ်မင်နန်းတော်မှာတော့ တစ်မူထူးခြားတဲ့သူလို့ ပြောလို့ရတယ်"</p> <p> </p> <p>​"ဝိညာဉ်အဆီအနှစ် မိစ္ဆာမသေမျိုး အဲဒါက အသွေးအသား မိစ္ဆာမသေမျိုးနဲ့ ဘာကွာလို့လဲ "</p> <p> </p> <p>ဖန့်ချန်က စူးစမ်းစွာ မေးလိုက်သည်။</p> <p> </p> <p>​"အသွေးအသား မိစ္ဆာမသေမျိုးက ခန္ဓာကိုယ် အသွေးအသားကို အဓိကထား ကျင့်ကြံတာပါ။ ဝိညာဉ်အဆီအနှစ် မိစ္ဆာမသေမျိုးကတော့ စိတ်ဝိညာဉ် ကို အဓိကထား ကျင့်ကြံတာဖြစ်လို့၊ သူမရဲ့ စိတ်ဝိညာဉ်စွမ်းအားက သာမန်ကျင့်ကြံသူတွေထက် အများကြီး ပိုအားကောင်းပါတယ်။ အချို့ အမာခံတပည့်တွေတောင် စိတ်ဝိညာဉ်လမ်းစဉ်မှာ သူမကို မယှဉ်နိုင်ကြဘူး"</p> <p> </p> <p>ကျိကန်းက ဆက်ပြောသည်</p> <p> </p> <p>"နှမြောစရာကောင်းတာက သူမက အမြဲတမ်း တစ်ဦးတည်း အပတ်တကုတ် ကျင့်ကြံနေတတ်ပြီး၊ ရလာတဲ့ ဂုဏ်ထူးဆောင်မှတ်တွေကိုလည်း မသေမျိုးဆေးပင်တွေနဲ့ပဲ လဲလှယ်လေ့ရှိတယ်။ မဟုတ်ရင်တော့ သူမဟာ အခုလောက်ဆို အမာခံတပည့်တစ်ယောက် ဖြစ်နေလောက်ပြီ"</p> <p> </p> <p>​"ကျိမိတ်ဆွေ... ဝိညာဉ်အဆီအနှစ် မိစ္ဆာမသေမျိုး လမ်းစဉ်က အသွေးအသားနန်းတော် က အမာခံတပည့်တွေ လိုက်တဲ့ လမ်းစဉ်လို့ ငါမှတ်မိနေတယ်။ ကျမတို့ ကျွယ်မင်နန်းတော်မှာလည်း အဲဒီလမ်းစဉ် ရှိတာလား "</p> <p> </p> <p>ကြာနီနတ်မိမယ်က စူးစမ်းစွာ မေးသည်။</p> <p> </p> <p>​"ရှိတော့ ရှိတယ်၊ ဒါပေမဲ့ အသွေးအသားနန်းတော်ဘက်ကလောက်တော့ စုံစုံလင်လင် မရှိဘူးပေါ့။ ဒါကြောင့်လည်း အဲဒီမိတ်ဆွေက အဆင့် ၅ မသေမျိုး အဆင့်မှာ ပိတ်မိနေတာ နှစ်အတော်ကြာနေပြီ။ အဆင့် ၆ ဝိညာဉ်အဆီအနှစ် မိစ္ဆာမသေမျိုး ဖြစ်ဖို့အတွက် ဘယ်လိုဆေးပင်တွေ လိုအပ်လဲဆိုတာ ဘယ်သူမှ မသိကြဘူး"</p> <p> </p> <p>ကျိကန်းက ဆိုသည်။</p> <p> </p> <p>​သူက ခဏရပ်ကာ</p> <p> </p> <p> "ဒီတစ်ခေါက် တာ့လေးယင်း နယ်မြေချဲ့ထွင်ရေးမှာ အသွေးအသားနန်းတော်ကလူတွေလည်း လာကြမှာဆိုတော့၊ ဝိညာဉ်အဆီအနှစ် မိစ္ဆာမသေမျိုး အဆင့် ၆ ဆေးပင်နည်းလမ်းကို ရနိုင်တဲ့ အခွင့်အရေး ရှိကောင်းရှိနိုင်တယ်။ ဒါကြောင့် သူမလည်း ဖန့်အမာခံတပည့်ရဲ့ အဖွဲ့ထဲဝင်ပြီး နယ်မြေချဲ့ထွင်ရေး လိုက်ဖို့ သဘောတူလိမ့်မယ်လို့ ထင်ပါတယ်"</p> <p> </p> <p>​နာရီဝက်ခန့်အကြာတွင်...</p> <p>​အားလုံးသည် တောင်ကြားတစ်ခုသို့ ရောက်ရှိလာကြသည်။</p> <p>ထိုနေရာတွင် မြင့်မားသော ထင်းရှူးပင်ကြီးများနှင့် စိမ်းလန်းသော မြက်ခင်းပြင်များ ရှိနေကာ ကျင့်ကြံသူဂူပေါင်း ဒါဇင်အချို့ တည်ရှိနေသည်။</p> <p> </p> <p>​ဂူတစ်ခု၏ ရှေ့တွင်တော့ အလွန်ပင် သေးငယ်သော သတ္တဝါလေးတစ်ကောင် ရပ်နေသည်။</p> <p> ၎င်းမှာ လူတစ်ယောက်၏ လက်ဖဝါးခန့်သာ အရွယ်အစားရှိပြီး၊ ၎င်းနှင့်အပြိုင် သေးငယ်လွန်းသော ပန်းပင်လေးများကို ရေလောင်းနေခြင်း ဖြစ်သည်။</p> <p> </p> <p>​ဖန့်ချန် ၎င်းကို မြင်လိုက်ရသောအခါ တိရစ္ဆာန်တစ်မျိုးဖြစ်သည့် ရှူးပျံလေး ကို ပြေးမြင်မိသွားသည်။</p> <p>သို့သော် ဤရှူးပျံလေးမှာ သပ်ရပ်လှပသော ဝတ်စုံငယ်လေးကို ဝတ်ဆင်ထား၏။</p> <p> </p> <p>​"ကျိမိတ်ဆွေ... ဒါက အဲဒီမိတ်ဆွေရဲ့ အိမ်မွေးသားရဲလား "</p> <p> </p> <p>ဖန့်ချန်က ပြုံး၍ မေးလိုက်သည်။</p> <p> </p> <p>​ကျိကန်း၏ မျက်နှာမှာ အနည်းငယ် တောင့်တင်းသွားပြီး အနေရခက်သော အမူအရာ ပေါ်လာသည်။</p> <p> ထိုရှူးပျံလေးသည်လည်း ကြားသွားပုံရကာ လှည့်ကြည့်လာသည်။</p> <p>ဝိုင်းစက်နေသော မျက်လုံးကြီးများဖြင့် ရောက်လာသူများကို အကဲခတ်နေသည်။</p> <p> </p> <p>​"ဖန့်အမာခံတပည့်... ဒါက ကျနော်ပြောတဲ့ မိတ်ဆွေ မီယွီ ပါ"</p> <p> </p> <p>ကျိကန်းက ထိုရှူးပျံလေးကို နှုတ်ဆက်လိုက်သည်။</p> <p> </p> <p>"မီယွီမိတ်ဆွေ... ဒီနှစ်ယောက်ကတော့ ဖန့်အမာခံတပည့်နဲ့ ဟုန်အမာခံတပည့်  တို့ပါ"</p> <p> </p> <p>​"ဪ... မီယွီမိတ်ဆွေ ဖြစ်နေတာကိုး၊ အခုနက ကျနော် ရိုင်းပျမိသွားရင် ခွင့်လွှတ်ပေးပါဦး"</p> <p> </p> <p>ဖန့်ချန်က အမူအရာမပျက်ဘဲ ပြုံးလျက် လက်အုပ်ချီ နှုတ်ဆက်လိုက်သည်။</p> <p> </p> <p>​ကြာနီနတ်မိမယ်ကလည်း လက်အုပ်ချီ နှုတ်ဆက်ရင်း ရှူးပျံလေးကို စူးစမ်းစွာ ကြည့်နေမိသည်။</p> <p>မိစ္ဆာမျိုးနွယ်များထဲတွင် မသေမျိုးဖြစ်ရန် လွယ်ကူသူများမှာ များသောအားဖြင့် နဂါး၊ ကျား၊ သစ်၊ မြွေ သို့မဟုတ် မြေခွေး စသည့် ထွားကျိုင်းပြီး ကြောက်မက်ဖွယ်ကောင်းသော မျိုးနွယ်များသာ ဖြစ်ကြသည်။</p> <p>ဤမျှ သေးငယ်သော မိစ္ဆာမျိုးနွယ်ကိုတော့ သူမ လင်းကွေ့ ကြယ်စုတန်းမှာရှိစဉ်ကပင် တစ်ခါမျှ မမြင်ဖူးခဲ့ချေ။</p> <p> </p> <p>​ရှူးပျံလေးသည် ရုတ်တရက် ခန္ဓာကိုယ်ကို လှုပ်ခါလိုက်ရာ သာမန်လူတစ်ယောက် အရွယ်အစားသို့ ပြောင်းလဲသွားသည်။</p> <p>သူမသည် အလွန်ပင် လှပချောမောကာ မျက်လုံးကြီးများမှာလည်း ဝိုင်းစက်နေပြီး အသားအရေမှာ ဆီးနှင်းကဲ့သို့ ဖြူစင်ဝင်းပနေသည်။</p> <p> </p> <p>​သူမက ပြုံးလျက် နှုတ်ဆက်သည်</p> <p> </p> <p>"မီယွီက အမာခံတပည့် နှစ်ဦးကို ဂါရဝပြုပါတယ်။ အမာခံတပည့်တို့ ဒီကို ဘာကိစ္စနဲ့ ကြွလာတာပါလဲ "</p> <p> </p> <p>သူမ၏ အသံမှာ နူးညံ့ချိုသာလွန်းလှသဖြင့် အမှန်တကယ်ပင် ချိုသာသော စကားသံ ဟု အဓိပ္ပာယ်ရသည့် သူမ၏ အမည်နှင့် လိုက်ဖက်လှပေသည်။</p> <p> </p> <p>​ထိုအခါမှသာ လူတိုင်းသည် သူမ၏ ခါးတွင် ချိတ်ဆွဲထားသော ကမ္ပည်းပြားမှာ ရွှေရောင် ဖြစ်နေသည်ကို သတိပြုမိကြသည်။</p> <p> ရွှေရောင်ကမ္ပည်းပြားဆိုသည်မှာ ကျွယ်မင်နန်းတော်တွင် တွေ့ရခဲလှပေသည်။</p> <p>၎င်းက ကျိကန်းပြောခဲ့သော မီယွီ၏ စွမ်းဆောင်ရည်မှာ ပိုပိုသာသာ ပြောခြင်းမဟုတ်ကြောင်း သက်သေပြနေ၏။</p> <p> </p> <p>​"မီယွီမိတ်ဆွေ... ဖန့်အမာခံတပည့်က နယ်မြေချဲ့ထွင်ရေးအဖွဲ့မှာ ရွေးချယ်ခံရပြီး၊ စီနီယာအစ်မကြီးရဲ့ နောက်ကိုလိုက်ပြီး နံပါတ် ၉၇ ရှေးဟောင်းတားမြစ်နယ်မြေ တာ့လေးယင်းကို သွားရမှာပါ။ ဒါကြောင့် မိတ်ဆွေကို သူ့ရဲ့ နယ်မြေချဲ့ထွင်ရေးအဖွဲ့ထဲဝင်ဖို့ ဖိတ်ကြားချင်လို့ပါ၊ မီယွီမိတ်ဆွေရဲ့ သဘောထားက ဘယ်လိုရှိပါသလဲ "</p> <p> </p> <p>ကျိကန်းက မေးလိုက်သည်။</p> <p> </p> <p>​မီယွီက ငြင်းပယ်ရန် ပါးစပ်ပြင်လိုက်စဉ်မှာပင် သူမ၏ နားထဲသို့ ကျိကန်း၏ အသံ တိုးညှိစွာ ရောက်ရှိလာသည်။</p> <p> </p> <p>"သူက တစ်နာရီတည်းနဲ့ အစီရင်ဗဟိုချက်နဲ့ စာချုပ်ချုပ်နိုင်ခဲ့တဲ့ ထူးခြားတဲ့ ပါရမီရှင်ပဲ။ မီယွီမိတ်ဆွေ အခွင့်အရေးကို လက်လွတ်မခံပါနဲ့၊ မင်း အဆင့် ၆ ကို တက်လှမ်းနိုင်မယ့် အခွင့်အရေးက ဖန့်အမာခံတပည့်ဆီမှာ ရှိနေနိုင်တယ်"</p> <p> </p> <p>​မီယွီ၏ မျက်လုံးများ ချက်ချင်း ဝင်းလက်သွားပြီး ဖန့်ချန်ကို စူးစမ်းစွာ ကြည့်လိုက်သည်။</p> <p> </p> <p>"အခုနက ကျိမိတ်ဆွေက စိတ်ချင်းဆက်ပြီး ပြောတယ်၊ ဖန့်အမာခံတပည့်က တစ်နာရီတည်းနဲ့ အစီရင်ဗဟိုချက်နဲ့ စာချုပ်ချုပ်နိုင်ခဲ့တယ်တဲ့။ သူကများ လူအထင်ကြီးအောင် ပိုပြောနေတာလား "</p> <p> </p> <p>​"..."</p> <p> </p> <p>ကျိကန်းသည် ဖန့်ချန်ကို မီယွီဆီ ခေါ်လာမိခြင်းမှာ မှားယွင်းသော ဆုံးဖြတ်ချက်တစ်ခုဟု ရုတ်တရက် ခံစားလိုက်ရသည်။</p> <p>ကံကောင်းသည်မှာ အဆင့် ၆ မသေမျိုးတိုင်းမှာ စိတ်ဓာတ်ခိုင်မာပြီး မျက်နှာအသား ထူကြသဖြင့်၊ သူ၏ မျက်နှာပေါ်တွင် မည်သည့် ထူးခြားမှုမျှ မပြဘဲ ဆက်လက်၍ ပြုံးနေနိုင်ခြင်း ဖြစ်သည်။</p> <p> </p> <p>​"အဲဒီလောက်ကြီးတော့လည်း မဟုတ်ပါဘူး၊ တစ်နာရီကျော်ကျော်လောက်တော့ ကြာခဲ့မယ် ထင်တယ်"</p> <p> </p> <p>ဖန့်ချန်က ဆိုသည်။</p> <p> </p> <p>​"ဒါဆိုရင်လည်း ဖန့်အမာခံတပည့်ရဲ့ ပါရမီက အတော်လေး မြင့်တာပဲ။ ကျမ ဖန့်အမာခံတပည့်ရဲ့ အဖွဲ့ထဲဝင်ဖို့ သဘောတူပါတယ်။ ထွက်ခွာမယ့်အချိန်ကျရင် ကျမကို အကြောင်းကြားလိုက်ပါ၊ ခရီးဝေး သွားရမှာဆိုတော့ ကျမ ပိုးကောင်တောင်ကြား ကို တစ်ခေါက် သွားရဦးမယ်"</p> <p> </p> <p>​ပြောပြီးသည်နှင့် သူမသည် ဖန့်ချန်တို့ တစ်သိုက်ကို ဂူရှေ့မှာတင် ထားရစ်ခဲ့ကာ ရှူးပျံလေးအဖြစ် ပြန်ပြောင်းလိုက်သည်။</p> <p> ပြီးနောက် ခြေထောက်နှစ်ဖက်ဖြင့် ဆောင့်ကန်ကာ လက်နှစ်ဖက်ကို ဖြန့်လိုက်ရာ၊ လက်အောက်မှ ပါးလွှာသော အမြှေးပါးလေးမှာ အတောင်ပံကဲ့သို့ ဖြစ်သွားပြီး လင်းလက်သော အလင်းတန်းတစ်ခုအဖြစ် ကောင်းကင်ယံသို့ ပျံသန်းပျောက်ကွယ်သွားတော့သည်။</p> <p> </p> <p>​"..."</p> <p> </p> <p>လူတိုင်းမှာ ခဏတာ ဆွံ့အသွားကြသည်။</p> <p> </p> <p>​လင်းတုန်းက ရယ်မောလျက် အခြေအနေကို ထိန်းလိုက်သည်။</p> <p> </p> <p>"ဒီ မီယွီမိတ်ဆွေက တကယ်ကို စိတ်ဝင်စားဖို့ကောင်းသလို၊ ပွင့်လင်းရိုးသားလွန်းတာပဲ"</p> <p> </p> <p>​"အင်း... တကယ်ကို ပွင့်လင်းရိုးသားတာပါ"</p> <p> </p> <p>ကျိကန်းက ခေါင်းညိတ်ထောက်ခံသည်။</p> <p> </p> <p>​"သူပြောတဲ့ ပိုးကောင်တောင်ကြားက ဘယ်မှာလဲ အဲဒါက နယ်မြေချဲ့ထွင်ရေးနဲ့ ဘာဆိုင်လို့လဲ"</p> <p> </p> <p>ဖန့်ချန်က ကျိကန်းကို လှည့်မေးလိုက်သည်။</p> <p> </p> <p>​"အဲဒါက... ပိုးကောင်တောင်ကြားဆိုတာ ကျွယ်မင်ကြယ်ပေါ်က အန္တရာယ်ရှိတဲ့ နေရာတစ်ခုပါ၊ အဲဒီမှာ ပိုးကောင်မိစ္ဆာတွေ အများကြီးရှိတယ်။ မီယွီမိတ်ဆွေက... ပုံမှန်ဆိုရင် ပိုးကောင်တွေကို စားရတာ ဝါသနာပါတာကြောင့် ခရီးဝေးသွားရတော့မှာဆိုတော့ လမ်းမှာစားဖို့ အချို့သွားဖမ်းတာ ဖြစ်ပါလိမ့်မယ်"</p> <p> </p> <p>ကျိကန်းက ရှင်းပြလိုက်တော့သည်။</p> <p>***</p> <p> </p>


Save