Book List

<h2 style="text-align: center;">အခန်း (၁၄၆၂)</h2> <h2 style="text-align: center;">အစီရင်ကို ပထမဆုံးစမ်းသပ်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​မီယွီမိတ်ဆွေရှိရာ တောင်ကြားမှ ယာယီတည်းခိုရာသို့ ပြန်ရောက်သောအခါ ဖန့်ချန်သည် သူ၏ လက်ရှိအဖွဲ့ဝင်စာရင်းကို တွက်ချက်ကြည့်လိုက်သည်။</p> <p> </p> <p>​ဘေးဒုက္ခဖြတ်ကျော်ခြင်းအဆင့် သုံးယောက်၊ အဆင့် ၃ မသေမျိုး နှစ်ပါး၊ အဆင့် ၄ မသေမျိုး တစ်ပါး၊ အဆင့် ၅ မသေမျိုး တစ်ပါးနှင့် အဆင့် ၆ မသေမျိုး တစ်ပါး။</p> <p> </p> <p>​ကျိကန်း၏ စကားအရဆိုလျှင် ဖန့်ချန်အပါအဝင် စုစုပေါင်း ခြောက်ယောက်ရှိနေပြီဖြစ်ရာ အစီရင်မသေမျိုးအတတ်ကို ထုတ်ဖော်ရန်အတွက် လုံလောက်နေပြီဖြစ်သည်။</p> <p>၎င်းတို့သည် အမာခံအင်အားစုများဖြစ်ပြီး အစီရင်မသေမျိုးအတတ်၏ လှုပ်ရှားစွမ်းအား အများစုမှာ နောက်မှလိုက်ပါလာမည့် နယ်မြေချဲ့ထွင်ရေးအဖွဲ့အသီးသီးမှ ရရှိမည်ဖြစ်သည်။</p> <p> </p> <p>​"ဖန့်မိတ်ဆွေ... ကျမတို့ အရင်ဆုံး နယ်မြေချဲ့ထွင်ရေးကြယ် တွေဆီ တစ်ခေါက်လောက် သွားသင့်တယ်။ နယ်မြေချဲ့ထွင်ရေးကြယ်တစ်လုံးမှာ မသေမျိုးလှေ အစင်းတစ်ထောင်လောက် ရှိတတ်ပြီး ကြယ်အနည်းငယ်လောက်ကို လှည့်လည်ကြည့်ရှုရမယ်။ နောက်ကလိုက်မယ့် အဖွဲ့တွေကို အတည်ပြုပြီးသားဖြစ်အောင် ကြိုလုပ်ထားရင် အချိန်ကုန်သက်သာတာပေါ့"</p> <p> </p> <p>ကြာနီနတ်မိမယ်က အကြံပြုသည်။</p> <p> </p> <p>​"ဟုတ်တယ်... အရင်က စီနီယာလီတို့ရဲ့ မသေမျိုးလှေအစီရင်ကို ကြည့်ရသလောက်ဆိုရင် လုံလောက်တဲ့ စွမ်းပကား ထွက်လာဖို့အတွက် မသေမျိုးလှေ ငါးထောင်၊ ခြောက်ထောင်လောက် ရှိမှဖြစ်မှာ"</p> <p> </p> <p>ဖန့်ချန်က ခေါင်းညိတ်ထောက်ခံရင်း</p> <p> </p> <p> "ဒါပေမဲ့ ကျုပ်တို့ အသွားအပြန် အချိန်မလောက်ဘဲ ထွက်ခွာမယ့်အချိန်နဲ့ လွဲသွားမှာကို စိုးရိမ်မိတယ်။ စီနီယာအစ်မကြီးတို့က ဒါကို ထည့်တွက်ထားပြီးသား ဖြစ်မှာပါ။ ကျုပ်ခန့်မှန်းချက်အရတော့ အခုလောက်ဆို နယ်မြေချဲ့ထွင်ရေးကြယ်တွေဆီ သတင်းရောက်နေလောက်ပြီ၊ ကြယ်အသီးသီးက မသေမျိုးလှေတွေဟာ ကျွယ်မင်ကြယ်ရဲ့ အပြင်ဘက်မှာ ကြိုစောင့်နေကြလိမ့်မယ်"</p> <p> </p> <p>​ကြာနီနတ်မိမယ်က စဉ်းစားကြည့်ပြီးနောက် ၎င်းမှာလည်း ယုတ္တိရှိသည်ဟု ခံစားလိုက်ရသည်။</p> <p> </p> <p>​"ဖန့်အမာခံတပည့် ရှိပါသလား"</p> <p> </p> <p>ကျင့်ကြံရေးဂူအပြင်ဘက်မှ ရင်းနှီးနေသော အသံတစ်ခု ထွက်ပေါ်လာသည်။</p> <p>​ဖန့်ချန် တံခါးဖွင့်လိုက်သောအခါ ယွီထျန်းကော၊ နန်မင်ရှောက်ကျဲနှင့် အခြားသူများ တံခါးဝတွင် ရပ်နေကြသည်ကို မြင်လိုက်ရ၏။</p> <p> </p> <p>​'ဟုန်အမာခံတပည့်လည်း ရှိနေတာလား'</p> <p> </p> <p>ကြာနီနတ်မိမယ်ပါ ရှိနေသည်ကို မြင်လိုက်ရသဖြင့် ထိုသူများ၏ မျက်နှာတွင် ထူးဆန်းသော အမူအရာများ ပေါ်လာကြသည်။</p> <p> </p> <p>​"ဖန့်အမာခံတပည့်... ဟုန်အမာခံတပည့်..."</p> <p> </p> <p>အားလုံးက လက်အုပ်ချီ နှုတ်ဆက်ကြသည်။</p> <p> </p> <p>​ဖန့်ချန်က သူတို့ကို ဂူအတွင်းသို့ ဖိတ်ခေါ်၍ ခေတ္တမျှ စကားစမြည်ပြောဆိုကြသည်။</p> <p>ခဏအကြာတွင် နန်မင်ရှောက်ကျဲ က မအောင့်နိုင်တော့ဘဲ လေသံတိုးတိုးဖြင့် မေးလာသည်။</p> <p> </p> <p>"ဖန့်အမာခံတပည့်ရဲ့ နယ်မြေချဲ့ထွင်ရေးအဖွဲ့မှာ လူလိုသေးလား..."</p> <p> </p> <p>​ယွီထျန်းကောနှင့် ကျန်သူများကလည်း မျှော်လင့်ချက်အပြည့်ရှိသော အကြည့်များဖြင့် ဖန့်ချန်ကို ကြည့်လာကြသည်။</p> <p> </p> <p>​"ဒီတစ်ခေါက် နယ်မြေချဲ့ထွင်ရေးက အန္တရာယ်တွေ အလွန်များတယ်၊ မင်းတို့ တကယ်ပဲ အတူတူ လိုက်ချင်ကြတာလား "</p> <p> </p> <p>ဖန့်ချန်က ပြုံးလျက်</p> <p> </p> <p> "အခုလောလောဆယ် ကျုပ်အဖွဲ့မှာ လူသိပ်မများသေးဘူး၊ မင်းတို့လည်း လိုက်ချင်တယ်ဆိုရင်တော့ ပြဿနာမရှိပါဘူး"</p> <p> </p> <p>​ဖန့်ချန်က သဘောတူလိုက်သဖြင့် ထိုသူများမှာ အလွန်အမင်း ဝမ်းသာသွားကြသည်။</p> <p> ဤခရီးစဉ်မှာ အန္တရာယ်ကြီးမားမှန်း သူတို့ ကောင်းကောင်းသိကြသည်။</p> <p> စီနီယာအစ်မကြီးကဲ့သို့သော တန်ခိုးရှင်မျိုးကိုပင် အမှောင်ထဲမှ ချောင်းမြောင်းရန်သူ ရှိနေသည် မဟုတ်ပါလား။</p> <p>သို့သော် အန္တရာယ်ရှိလျှင် အခွင့်အရေးလည်း ရှိစမြဲပင်။</p> <p> ကျွယ်မင်ကြယ်အထိ ရောက်လာကြသူတိုင်းမှာ ရည်မှန်းချက် ကိုယ်စီ ရှိကြသည်ချည်းပင်။</p> <p> </p> <p>​ယွီထျန်းကောတို့အဖွဲ့ ပြန်သွားပြီးနောက် ကြာနီနတ်မိမယ်က ဖန့်ချန်အား နဂါးနက်လှေ မောင်းနှင်ပုံကို ရင်းနှီးသွားစေရန် လေ့ကျင့်ဖော်အဖြစ် ကူညီပေးလိုကြောင်း အဆိုပြုလာသည်။</p> <p> </p> <p>​"ဟုတ်တယ်... ကြိုပြီး ရင်းနှီးအောင် လုပ်ထားဖို့ လိုတယ်"</p> <p> </p> <p>ဖန့်ချန်၏ စိတ်အာရုံမှာ လှုပ်ခတ်သွားသည်။</p> <p> </p> <p>​ကျွယ်မင်နန်းတော်၏ ကောင်းကင်ယံထက်တွင်... ဖန့်ချန်သည် နဂါးနက်လှေပေါ်၌ ရပ်လျက် လက်ရှိအခြေအနေကို ငြိမ်သက်စွာ ခံစားနေသည်။</p> <p>ကြာနီနတ်မိမယ်၏ နဂါးနက်လှေမှာ သူနှင့် မိုင်အနည်းငယ်အကွာတွင် ရှိနေပြီး လှေ၏တစ်ဝက်ခန့်မှာ တိမ်တိုက်များကြားတွင် ဖုံးလွှမ်းနေသည်။</p> <p> </p> <p>​နဂါးနက်လှေသည် ကျူလုံလှေ ၏ အဆင့်မြှင့်တင်ထားသော ဗားရှင်းနှင့် တူလှသည်။</p> <p>တိုက်စစ်အစီရင်၊ ခံစစ်အစီရင်နှင့် ဝိညာဉ်စွမ်းအင်စုဆောင်းခြင်း အစီရင်များမှာ ထိပ်တန်းအဆင့်တွင် ရှိနေကြသည်။</p> <p>ထို့ပြင် ကြယ်တာရာမြေပုံ၏ ပြည့်စုံမှုမှာလည်း ကျူလုံလှေနှင့် နှိုင်းယှဉ်၍မရနိုင်အောင်ပင်။</p> <p> </p> <p>​ဖန့်ချန်၏ ခန္ဓာကိုယ်အတွင်းရှိ မသေမျိုးစွမ်းအင်များမှာ လှိုင်းထနေသည်။</p> <p> အစီရင်ဗဟိုချက်၏ ကျေးဇူးကြောင့် သူသည် နဂါးနက်လှေနှင့် ထူးခြားသော ဆက်နွှယ်မှုတစ်ခု တည်ဆောက်ထားနိုင်ခဲ့ပြီ ဖြစ်သည်။</p> <p>နဂါးနက်လှေကို အသာအယာ ထိတွေ့လိုက်ရုံဖြင့် မိမိကိုယ်ကိုယ် ပြန်လည်ထိတွေ့နေရသကဲ့သို့ ခံစားချက်မျိုးပင်။</p> <p> </p> <p>​'ငါက နဂါးနက်လှေပဲ၊ နဂါးနက်လှေက ငါပဲလား'</p> <p> </p> <p>​ထိုအတွေး ပေါ်လာသည်နှင့်အမျှ ကြီးမားလှသော မသေမျိုးစွမ်းအင်များ လိုက်ပါလှုပ်ခါလာသည်ကို ဖန့်ချန် ခံစားလိုက်ရသည်။</p> <p>အမှန်တကယ်ပင်... မသေမျိုးလှေအစီရင်ကို မဖွဲ့စည်းရသေးလျှင်ပင် ကျွယ်မင်နန်းတော်၏ အမာခံတပည့်များသည် နဂါးနက်လှေကို ပိုင်ဆိုင်ထားရုံဖြင့် တစ်ဦးချင်း တိုက်ခိုက်နိုင်စွမ်းကို များစွာ မြှင့်တင်နိုင်ပေသည်။</p> <p> ထိုကြီးမားသော မသေမျိုးစွမ်းအင်မှာ ဖန့်ချန်ကိုယ်တိုင်ဆီမှသာမက အများစုမှာ နဂါးနက်လှေဆီမှ လာခြင်းဖြစ်သည်။</p> <p> </p> <p>​နာရီဝက်ခန့် ရင်းနှီးအောင် လုပ်ပြီးနောက် ဖန့်ချန်က အဆင်သင့်ဖြစ်ပြီဖြစ်ကြောင်း ကြာနီနတ်မိမယ်ကို အချက်ပြလိုက်သည်။</p> <p>နှစ်ဦးသားသည် ကျွယ်မင်နန်းတော် ကောင်းကင်ထက်၌ပင် လေ့ကျင့်ရေး တိုက်ပွဲကို စတင်ကြတော့သည်။</p> <p> </p> <p>​ထိုတိုက်ပွဲ၏ လှုပ်ရှားမှုမှာ မသေးလှသော်လည်း သာမန်အပြင်စည်းကျင့်ကြံသူများသည် နဂါးနက်လှေဖြစ်မှန်း သိကြသဖြင့် အနားသို့ တိုးမကပ်ရဲကြပေ။</p> <p>မကြာမီမှာပင် အနီးအနားသို့ အခြားသော နဂါးနက်လှေအချို့ ရောက်ရှိလာကြသည်။</p> <p> </p> <p>​နန်မင်ရုယွဲ့သည် လှေပေါ်တွင် လက်ပစ်လက်ကိုင် ရပ်လျက် တိုက်ပွဲကို ပြုံးပြုံးလေး ကြည့်နေသည်။</p> <p>နှစ်ဦးသားမှာ နားလည်မှုရှိလှပြီး နဂါးနက်လှေ မောင်းနှင်မှု ကျွမ်းကျင်မှုကိုသာ စမ်းသပ်နေကြခြင်း ဖြစ်သဖြင့် တိုက်စစ်အစီရင်များကို အသုံးမပြုဘဲ လှုပ်ရှားမှုအသွားအလာ  ကိုသာ ယှဉ်ပြိုင်နေကြသည်။</p> <p> </p> <p>​ကြာနီနတ်မိမယ်သည် နဂါးနက်လှေကို သာမန်မျက်စိဖြင့် မမြင်နိုင်လောက်အောင် မြန်ဆန်သော အရှိန်ဖြင့် မောင်းနှင်ကာ၊ ဖန့်ချန်၏ လှေကို အလယ်မှ ဖြတ်တောက်ပစ်ရန် ထက်မြက်သော ဓားတစ်လက်ကဲ့သို့ တိုးဝင်လာသည်။</p> <p>သို့သော် ထိုသို့သော ပြင်းထန်သည့် တိုက်စစ်မျိုးကို ဖန့်ချန်က အသာအယာ ရှောင်တိမ်းနိုင်ရုံမျှမက၊ မမျှော်လင့်ထားသော ထောင့်တစ်ခုမှနေ၍ ပြန်လည် တုံ့ပြန်လိုက်သေးသည်။</p> <p> </p> <p>​"ပဉ္စမစီနီယာအစ်ကို... ကြည့်ရတာ ဖန့်ညီလေးနဲ့ ဟုန်ညီမလေးတို့ နဂါးနက်လှေကို အခြေခံအားဖြင့် ကျွမ်းကျင်သွားကြပြီ ထင်တယ်"</p> <p> </p> <p>မနီးမဝေးရှိ နဂါးနက်လှေပေါ်မှ လီရှမ်းဇီက ခပ်နောက်နောက် ဆိုလိုက်သည်။</p> <p>​နန်မင်ရုယွဲ့က အသာအယာ ခေါင်းညိတ်သည်</p> <p> </p> <p>"ဒီလို ကျဉ်းမြောင်းတဲ့ နေရာမှာတောင် လျင်မြန်ဖြတ်လတ်ပြီး လွတ်လပ်စွာ လှုပ်ရှားနိုင်နေတာပဲ။ တိုက်ခိုက်မှုရဲ့ အရှိန်အဝါတွေကိုလည်း ပတ်ဝန်းကျင်ကို မထိခိုက်အောင် ထိန်းထားနိုင်တယ်ဆိုတော့ တကယ်ပဲ အခြေခံကျွမ်းကျင်သွားကြပြီ"</p> <p> </p> <p>​"ဒါပေမဲ့ မသေမျိုးလှေအစီရင်ကိုရော ကျွမ်းကျင်ပါ့မလားဆိုတာကတော့ အဓိကပဲ"</p> <p> </p> <p>လီဆန်းကျီက ဆက်ပြောသည်</p> <p> </p> <p>"ဒီတစ်ခေါက် သူတို့နှစ်ယောက်လုံး အဖွဲ့ထဲမှာ ပါဝင်ပြီး တာ့လေးယင်း ရှေးဟောင်းတားမြစ်နယ်မြေကို သွားရမှာ။ မသေမျိုးလှေအစီရင်ကို မကျွမ်းကျင်ရင် နဂါးနက်လှေရဲ့ တကယ့်စွမ်းအားကို ထုတ်နိုင်မှာ မဟုတ်ဘူး"</p> <p> </p> <p>​"လမ်းမှာ လေ့ကျင့်ဖို့ အခွင့်အရေးတွေ အများကြီး ရှိပါသေးတယ်"</p> <p> </p> <p>နန်မင်ရုယွဲ့က အေးဆေးစွာ ဆိုသည်။</p> <p> </p> <p>​"ဒီနေ့ပဲ သူတို့ကို မသေမျိုးလှေအစီရင်ရဲ့ ခံစားချက်ကို အရင်ဆုံး သိသွားအောင် လုပ်ပေးလိုက်ရင် ပိုမကောင်းဘူးလား"</p> <p> </p> <p>လီဆန်းကျီသည် ပြောပြီးသည်နှင့် အသံကို ကျယ်လောင်စွာ မြှင့်၍ ဆိုလိုက်သည်။</p> <p> </p> <p>"လက်ထဲမှာ အလုပ်မရှိတဲ့သူတွေ အကုန်လာခဲ့ကြ မင်းတို့ရဲ့ မသေမျိုးလှေတွေကို ထုတ်လိုက်ကြစမ်း"</p> <p> </p> <p>​သူ၏အသံသည် ကျွယ်မင်နန်းတော်အတွင်း ပဲ့တင်ထပ်သွားရာ၊ အပြင်စည်းကျင့်ကြံသူ အများအပြားမှာ အလုပ်များကို ခဏချထားပြီး ဤနေရာသို့ အပြေးအလွှား ရောက်လာကြသည်။</p> <p> မသိမသာပင် ဖန့်ချန်နှင့် ကြာနီနတ်မိမယ်တို့၏ အောက်ဘက်တွင် မသေမျိုးလှေပေါင်း ထောင်နှင့်ချီ၍ ရှိနေပြီဖြစ်သည်။</p> <p>၎င်းတို့မှာ ကျူလုံလှေများ၊ ရှန်လုံလှေများဖြစ်ကြသည့် မြေနဂါး အမျိုးအစားများ ဖြစ်ကြသည်။</p> <p> </p> <p>​"မသေမျိုးလှေ အစင်းတစ်ထောင်ကနေ အရင်စလိုက်ကြစို့။ နဂါးနက်အစီရင်ကို စုစည်းကြည့်ပြီး အစီရင်ဗဟိုချက်ကို နှလုံးသားနဲ့ ခံစားကြည့်ပါ"</p> <p> </p> <p>လီရှမ်းဇီ ၏ အသံမှာ ဖန့်ချန်နှင့် ကြာနီနတ်မိမယ်တို့၏ နားထဲသို့ ရောက်ရှိလာသည်။</p> <p> </p> <p>​ကြာနီနတ်မိမယ်သည် ချက်ချင်းပင် မျက်လုံးကို မှိတ်လိုက်ရာ၊ ခဏချင်းမှာပင် သူမ၏ ခြေဖဝါးအောက်မှနေ၍ မှိန်ပျပျ အစိမ်းရောင် အင်အားစုတစ်ခု နဂါးနက်လှေအတွင်းသို့ စီးဝင်သွားသည်။</p> <p>အောက်ဘက်ရှိ မသေမျိုးလှေများသည်လည်း မသိစိတ်ဖြင့် ဆွဲဆောင်ခံလိုက်ရကာ ကြာနီနတ်မိမယ်၏ ဘက်သို့ စတင်စုရုံးလာကြတော့သည်။</p> <p> </p> <p>​'မသေမျိုးလှေအစီရင်လား...'</p> <p> </p> <p>​ဖန့်ချန်၏ စိတ်က လှုပ်ရှားသွားပြီး ဦးနှောက်ထဲတွင် နဂါးနက်အစီရင်၏ ပုံရိပ်ကို ဖော်လိုက်သည်။</p> <p>ထို့နောက်တွင်လည်း မသေမျိုးလှေ အများအပြားမှာ သူ၏ဘက်သို့ စုရုံးလာကြသည်။</p> <p> </p> <p>​သုံးစက္ကန့်မျှပင် မကြာလိုက်မီမှာပင် နဂါးနက်လှေ နှစ်စင်းမှာ သေးငယ်သော နဂါးနက်အစီရင် နှစ်ခုအဖြစ်သို့ ပြောင်းလဲသွားသည်။</p> <p> </p> <p>ယခင်က လီရှမ်းဇီ တို့ လုပ်ပြခဲ့သည့် အဆင့်အတန်းမျိုး မမီသလို၊ စီနီယာအစ်မကြီး၏ နဂါးနက်အစီရင်နှင့်ဆိုလျှင် ပို၍ပင် နှိုင်းယှဉ်၍ မရနိုင်ပေ။</p> <p>သို့သော်လည်း ထိုသေးငယ်သော နဂါးနက်အစီရင် နှစ်ခု ပေါ်ပေါက်လာခြင်းကပင် ပတ်ဝန်းကျင်ရှိ အဆင့် ၅ မသေမျိုး အများအပြားကို ဖိအားဒဏ် ခံစားရစေသည်။</p> <p> </p> <p>​ဒါဟာ သူတို့နှစ်ယောက်ရဲ့ နယ်မြေချဲ့ထွင်ရေးအဖွဲ့ဝင်တွေ နဂါးနက်လှေပေါ်မှာ မရှိသေးတာတောင်မှပါ။</p> <p>အကယ်၍ အဖွဲ့ဝင်တွေပါ ပါဝင်လာရင်တော့ ဒီအစီရင်နှစ်ခုဟာ အဆင့် ၆ အဆင့်ကို စတင်နင်းထားတဲ့ စွမ်းအားမျိုး ရှိလာနိုင်ပါတယ်။</p> <p> </p> <p>​ဆက်လက်၍ အားလုံး မြင်လိုက်ရသည်မှာ ကောင်းကင်ယံထက်တွင် နဂါးနက် နှစ်ကောင် အပြန်အလှန် သတ်ပုတ်နေကြသည့် မြင်ကွင်းပင် ဖြစ်သည်။</p> <p> ဖန့်ချန်၏ နဂါးနက်အစီရင်မှာ အစပိုင်းတွင် လှုပ်ရှားမှု အနည်းငယ် ထုံထိုင်းနေသော်လည်း၊ ကြာနီနတ်မိမယ်က ရာနှင့်ချီသော တိုက်စွက်ချက်များဖြင့် သင်ကြားပေးပြီးနောက် သူ၏ ကစားမှုများမှာ တဖြည်းဖြည်း ကျွမ်းကျင်လာတော့သည်။</p> <p> </p> <p>​'မသေမျိုးလှေအစီရင်ရဲ့ ခံစားချက်က ဒီလောက်အထိ ထူးခြားဆန်းပြားတာပဲလား'</p> <p> </p> <p>​ဖန့်ချန်သည် နဂါးနက်လှေပေါ်တွင် မယိမ်းမယိုင် ရပ်နေသည်။</p> <p> နဂါးနက်အစီရင်မှာ မည်မျှပင် ပြင်းထန်စွာ လှုပ်ခါနေပါစေ၊ သူ၏ ခန္ဓာကိုယ်မှာမူ ကျောက်ဆောင်တစ်ခုကဲ့သို့ တည်ငြိမ်နေသည်။</p> <p>ထိုအချိန်တွင် သူ၏ စိတ်အာရုံမှာ နဂါးနက်လှေမှတစ်ဆင့် အပြင်ဘက်ရှိ မသေမျိုးလှေ အစင်းတစ်ထောင်ဆီသို့ ပျံ့နှံ့သွားသည်။</p> <p> မသေမျိုးလှေတိုင်းသည် နဂါးနက်လှေ၏ အစိတ်အပိုင်းများ ဖြစ်သွားသကဲ့သို့ပင်။</p> <p>လှေများ၏ စွမ်းအားနှင့် လှေပေါ်ရှိ နယ်မြေချဲ့ထွင်ရေးအဖွဲ့ဝင်များ၏ စွမ်းအားများကိုပါ ထိုအခိုက်အတန့်တွင် သူ စိတ်ကြိုက် အသုံးပြုနိုင်ပြီ ဖြစ်သည်။</p> <p>***</p> <p> </p>


Save