Book List

<h2 style="text-align: center;">ထာဝရသိုင်းတာအိုအရှင်</h2> <h2 style="text-align: center;">ဘာသာပြန် - အားသစ်</h2> <h2 style="text-align: center;">အခန်း (၁၅၉)</h2> <h2 style="text-align: center;">ဆုတ်ခွာခြင်း</h2> <h2 style="text-align: center;">*</h2> <p> </p> <p> </p> <p>လှပသောပူဖောင်းများမှာ မြင်သူအပေါင်းတို့ကို ညှို့ငင်ဖမ်းစားနိုင်စွမ်းရှိပြီး အိပ်မက်ဆန်လှသည်။ လူအများသည် သင်းခွေချပ်သားရဲ ၆ ကောင်ကို ရစ်ပတ်ထားသော ပူဖောင်း ၆ ခုကို မှင်သက်ငေးမောကြည့်နေမိကြသည်။ သဘာဝအတိုင်းဖြစ်ပေါ်လာသကဲ့သို့ပင် မည်သူမျှ ထူးထူးခြားခြား မခံစားမိခဲ့ကြပေ။</p> <p>ထိုဟင်းလင်းပြင်ပူဖောင်းများမှာလည်း ထင်ယောင်ထင်မှားဖြစ်စေသော အာနိသင်ရှိပုံရသည်။ လင်းဖုန်း ပထမဆုံးအကြိမ် ကြယ်တာရာပူဖောင်းကို မြင်တွေ့ခဲ့ရစဉ်က သူကိုယ်တိုင်ပင်လျှင် ထိုအရာ၏ ဆွဲဆောင်မှုအောက်တွင် လုံးဝနစ်မျောသွားလုနီးပါး ဖြစ်ခဲ့ဖူးသည်။</p> <p>သို့သော် ပူဖောင်းများ မည်မျှပင် လှပနေစေကာမူ နောက်ဆုံးတွင် ပေါက်ကွဲလွင့်ပါး‌ပျောက်ကွယ်သွားမည်သာ ဖြစ်သည်။</p> <p>"ပြိုကွဲစေ"</p> <p>လင်းဖုန်း၏ အေးစက်စက်အသံ ထွက်ပေါ်လာသည်နှင့်တစ်ပြိုင်နက် ခမ်းနားလှပသော ကြယ်တာရာပူဖောင်း ၆ ခုမှာ စတင်ပြိုကွဲကာ လျင်မြန်စွာ ကျုံ့ဝင်သွားသည်။ မျက်စိတစ်မှိတ်အတွင်းမှာပင် ပူဖောင်း ၆ ခုစလုံး လုံးဝပျောက်ကွယ်သွားတော့သည်။</p> <p>ပူဖောင်း ၆ ခု ပြိုကွဲသွားသည့်အချိန်တွင် ပူဖောင်းများထဲရှိ သင်းခွေချပ်သားရဲ ၆ ကောင်မှာလည်း နောက်ဆုံးတွင် သတိပြန်ဝင်လာပြီး နာကျင်စွာဖြင့် အော်ဟစ်လိုက်ကြသည်။ သို့သော် ထိုဖြစ်စဉ်မှာ တစ်ခဏသာ ကြာမြင့်ခဲ့ပြီး ထိုသားရဲ ၆ ကောင်မှာလည်း နောက်ထပ် အသံမထွက်နိုင်တော့ပေ။</p> <p>သူတို့သည် မြေပြင်ပေါ်သို့ လွင့်စင်ပျံ့ကျဲသွားသော သွေးနှင့် အသားစများအဖြစ်သို့ လုံးဝဥဿုံ ပြောင်းလဲသွားလေပြီ။</p> <p>သူတို့၏ အရေပြားများ မည်မျှပင် မာကျောနေစေကာမူ သူတို့၏ ခန္ဓာကိုယ်များ မည်မျှပင် ကြီးမားကြံ့ခိုင်နေစေကာမူ ကြယ်တာရာပူဖောင်းများ၏ ပြိုကွဲမှုရှေ့တွင် ထိုအရာများအားလုံးမှာ အသုံးမဝင်တော့ပေ။</p> <p>ပူဖောင်းများ ပြိုကွဲသွားသောအခါ မျက်စိတစ်မှိတ်အတွင်းမှာပင် သူတို့အားလုံးသည် သွေးနှင့် အသားစများအဖြစ်သို့ အလုံးစုံ ပြောင်းလဲသွားရသည်။ ထိုသားရဲတို့သည် ရုန်းကန်ရန် ခုခံရန်ပင် အခွင့်အရေး မရလိုက်ကြပေ။</p> <p>စစ်မြေပြင်တစ်ခုလုံးမှာ သုဿန်တစပြင်ကဲ့သို့ ရုတ်တရက် တိတ်ဆိတ်သွားသည်။ မြင်ကွင်းအားလုံး နေရာတွင်ပင် အေးခဲသွားသည့်နှယ် ကြောင်အတိတ်ဆိတ်နေသည်။</p> <p>ထိုထူးခြားလှပသောပူဖောင်းများမှာ ထိုမျှလောက် ကြောက်မက်ဖွယ်ကောင်းသော ဖျက်ဆီးနိုင်စွမ်း ရှိနေလိမ့်မည်ဟု မည်သူ ထင်ထားမည်နည်း။ ၎င်းမှာ အလှပဆုံးနှင့် အကြောက်မက်ဖွယ်အကောင်းဆုံးသော သတ်ဖြတ်မှုနည်းလမ်းတစ်ခုပင် ဖြစ်ပေလိမ့်မည်။</p> <p>"ဝေါင်း..."</p> <p>သို့သော် လင်းဖုန်း မည်မျှပင် အစွမ်းထက်နေစေကာမူ သူ၏ လက်ရှိ ကြယ်တာရာစွမ်းအားဖြင့် ကြယ်တာရာပူဖောင်း ၆ ခုကိုသာ ထိန်းသိမ်းထားနိုင်သည်။ ယခုအခါ သူ၏ ကြယ်တာရာစွမ်းအားများ ကုန်ခန်းသွားပြီဖြစ်ရာ သူ့ထံသို့ ပြေးဝင်လာနေသော သင်းခွေချပ်သားရဲ ၃ ကောင် ကျန်ရှိနေသေးသည်။</p> <p>သူတို့၏ အရှိန်မှာ အလွန်တရာ မြန်ဆန်လွန်းလှသည်။ လင်းဖုန်းအနေဖြင့် ရှောင်တိမ်းရန် မဖြစ်နိုင်တော့ပေ။ ထိပ်တိုက် ရင်ဆိုင်ရန်သာ ရှိတော့သည်။</p> <p>"တောင့်ခံထား"</p> <p>ဘုန်း...</p> <p>ဤသည်မှာ လုံးဝ ထိပ်တိုက် ရင်ဆိုင်မှုတစ်ခု ဖြစ်သည်။ လင်းဖုန်းသည် အကာအကွယ် ချပ်ဝတ်တန်ဆာကို အသက်သွင်းလိုက်ပြီး သူ့ ခွန်အားအားလုံးကို ခန္ဓာကိုယ်ပေါ်သို့ စုစည်းလိုက်သည်။ ဤတစ်ကြိမ် သူ တောင့်ခံမှရမည်။ ဘာပဲဖြစ်ဖြစ် သူ တောင့်ခံရမည်။</p> <p>အကယ်၍ သူ မတောင့်ခံနိုင်လျှင် သေမင်းက သေချာပေါက် စောင့်ကြိုနေပေလိမ့်မည်။</p> <p>သင်းခွေချပ်သားရဲ ၃ ကောင်သည် ဒေါသတရား အမုန်းတရားများဖြင့် ပြေးဝင်လာကြသည်။ ထိုသားရဲများ၏ တဟုန်ထိုးပြေးဝင်လာကြသော အရှိန်နှင့် ခွန်အားမှာ မည်မျှ ကြောက်စရာကောင်းလိုက်မည်နည်း။ သင်းခွေချပ်သားရဲများ၏ ခွန်အားမှာ မူလကတည်းက အလွန် ကြီးမားနေပြီဖြစ်သည်။ သင်းခွေချပ်နတ်ဆိုး တစ်ကောင်စီ၏ ခွန်အားမှာ အနည်းဆုံး တန် ၈၀၀ သို့မဟုတ် တန် ၁၀၀၀ အထက်တွင် ရှိသည်။</p> <p>ဤသင်းခွေချပ်နတ်ဆိုး ၃ ကောင်မှာ သိသိသာသာ ပိုမိုသန်မာကြသည်။ တစ်ကောင်စီတိုင်းတွင် အနည်းဆုံး တန် ၁၅၀၀ ခန့် ခွန်အား ရှိကြသည်။</p> <p>ပြေးဝင်လာသည့် အရှိန်အဟုန်၏ ကြောက်မက်ဖွယ်ကောင်းသော ရိုက်ခတ်မှုနှင့် ပေါင်းစပ်လိုက်လျှင် လင်းဖုန်းကိုယ်တိုင်ပင် ထိုမျှ ကြောက်စရာကောင်းသော အင်အားကို ထိပ်တိုက် ရင်ဆိုင်နိုင်မည်ဟု ယုံကြည်မှု မရှိပေ။ သို့သော် ယခုအချိန်တွင် သူ့၌ အခြားရွေးချယ်စရာ မရှိတော့ပေ။ သူ ထိပ်တိုက် ရင်ဆိုင်ရန်သာ တတ်နိုင်တော့သည်။</p> <p>လင်းဖုန်း ကြယ်တာရာပူဖောင်း ၆ ခုကို ထုတ်လွှတ်လိုက်ပြီးနောက် သင်းခွေချပ်နတ်ဆိုးသားရဲ ၃ ကောင်၏ တိုက်ရိုက်ဝင်တိုက်ခြင်းကို ခံလိုက်ရသည့် အချိန်နှင့် တစ်ပြိုင်နက်တည်းလောက်တွင် ရဲရင့်စွာ တိုက်ခိုက်နေကြသော သာမန်သိုင်းသမားအချို့နှင့် အသွင်ပြောင်းနယ်ပယ် သိုင်းသမားများသည် လှပသောပူဖောင်း ၆ ခု၏ နောက်ကွယ်တွင် ဖုံးကွယ်နေသော ကြောက်မက်ဖွယ် သတ်ဖြတ်လိုစိတ်ကို အံ့သြမှင်သက်နေကြဆဲပင်။ ထို့နောက် ရုတ်တရက် အသိပြန်ဝင်လာကြကာ လင်းဖုန်း အန္တရာယ်ကျရောက်နေပြီ ဖြစ်ကြောင်း သိလိုက်ကြသည်။</p> <p>"မဟုတ်ဘူး..."</p> <p>"စစ်သေနာပတိချုပ်"</p> <p>"မဖြစ်နိုင်ဘူး... စစ်သေနာပတိချုပ် သေမှာမဟုတ်ဘူး"</p> <p>လှပသောပူဖောင်းများမှာ မျက်စိတစ်မှိတ်အတွင်းမှာပင် ပျက်စီးသွားသည်။ လင်းဖုန်းသည် ကြိုးပြတ်သွားသော စွန်တစ်ကောင်အလား လွင့်ထွက်သွားသည်။ သူ့ခန္ဓာကိုယ်ရှိ အရိုးများအားလုံး အစိတ်စိတ်အမွှာမွှာကျိုးကြေသွားသကဲ့သို့ ခံစားလိုက်ရသော်လည်း မသေနိုင်သော အစွမ်းသတ္တိ၏ ကုသခြင်းစွမ်းရည်က သူ့ခန္ဓာကိုယ်တွင်းရှိ ဒဏ်ရာများကို ချက်ချင်းပင် အရူးအမူး ကုသပေးနေသည်။</p> <p>သို့သော် ဤသည်မှာ အဆုံးသတ် မဟုတ်သေးပေ။ သင်းခွေချပ်နတ်ဆိုးသားရဲတစ်ကောင်က လင်းဖုန်း၏ ရင်ညွန့်ရိုးကို ရိုက်ချိုးလိုက်ပြီး ဒုတိယမြောက် သင်းခွေချပ်သားရဲက ၎င်း၏ ထက်မြက်သော လက်သည်းများဖြင့် လင်းဖုန်း၏ ခေါင်းကို ကုတ်ဆွဲလိုက်သည်။</p> <p>လင်းဖုန်းသည် သူ့ခေါင်းကို ချိန်ရွယ်လာသော တိုက်ခိုက်မှုကို သီသီလေး ရှောင်တိမ်းနိုင်ခဲ့သော်လည်း သူ့ပုခုံးအောက်ပိုင်းမှာ ချက်ချင်းပင် ဆွဲဖြဲခံလိုက်ရသည်။</p> <p>ဤသည်မှာ ဒုတိယမြောက် သားရဲသာ ရှိသေးသည်။ တတိယမြောက် သင်းခွေချပ်နတ်ဆိုးလည်း ကျန်ရှိနေသေးသည်။ ထိုသင်းခွေချပ်နတ်ဆိုးမှာ အလွန် ကောက်ကျစ်စဥ်းလဲလှသည်။ ထိုနတ်ဆိုးသည် လင်းဖုန်း၏ ခြေထောက်ကို ပြင်းထန်စွာ နင်းချလိုက်ရာ ချက်ချင်းပင် ရစရာမရှိအောင် ကြေမွသွားသည်။</p> <p>နာကျင်မှု...။ အနှိုင်းမဲ့ နာကျင်မှု...။ လင်းဖုန်း၏ ခန္ဓာကိုယ်တွင် နာကျင်မှုကင်းမဲ့နေသော နေရာဟူ၍ လုံးဝ မရှိသလောက်ပင် ဖြစ်နေသည်။ သို့သော်လည်း နာကျင်မှု မည်မျှပင် ပြင်းထန်ပါစေ သူ သည်းခံရပေမည်။ လင်းဖုန်း အံတင်းတင်းကြိတ်ကာ နာကျင်မှုအားလုံးကို သည်းခံလိုက်သည်။ သူ့ခန္ဓာကိုယ်မှာလည်း နာကျင်မှုကြောင့် တဆတ်ဆတ် တုန်ယင်နေသည်။ သူ မသေသေးပေ။ သို့သော် သင်းခွေချပ်သားရဲ ၃ ကောင်မှာလည်း မှဲ့တ‌စ်ပေါက်ပင် မစွန်းဘဲ ရှိနေဆဲပင်။ သူတို့ ဆက်လက် တိုက်ခိုက်လာကြဦးမည်။</p> <p>ထို့ကြောင့် လက်ရှိ လင်းဖုန်းအနေဖြင့် အစွမ်းကုန် ထွက်ပြေးရပေမည်။ သူ အရင် ထွက်ပြေးပြီး သူ့ ဒဏ်ရာများ ပြန်လည်သက်သာလာစေရန် အချိန်တစ်ခု စောင့်ဆိုင်းရမည်။</p> <p>ဝှစ်...</p> <p>လင်းဖုန်းသည် သူ့တစ်ကိုယ်လုံးရှိ ပြင်းထန်လှသော နာကျင်မှုကို သည်းခံကာ ကောင်းကင်ယံသို့ ချက်ချင်း ပျံတက်သွားသည်။ သူသည် အသွင်ပြောင်းနယ်ပယ် သိုင်းသမားတစ်ဦး ဖြစ်နေဆဲဖြစ်ပြီး ကောင်းကင်ယံသို့ ပျံသန်းနိုင်သည်။ သူ ကောင်းကင်ယံသို့ ပျံတက်သွားသည်နှင့် မပျံသန်းနိုင်သော ထိုသင်းခွေချပ်သားရဲများမှာ ဘာမှ မလုပ်နိုင်တော့ပေ။ မြေပြင်ပေါ်တွင် ‌ဒေါသတကြီးဟိန်းဟောက်နေရုံသာ တတ်နိုင်တော့သည်။</p> <p>"စစ်သေနာပတိချုပ် အဆင်ပြေသွားပြီ"</p> <p>"ကံကောင်းလို့။ တော်သေးတာပေါ့ သူ အဆင်ပြေသွားလို့"</p> <p>"အခု ငါတို့ တောင့်ခံထားရမယ်။ ပြီးရင် အစီအစဉ်တကျ ဆုတ်ခွာလို့ ရပြီ"</p> <p>လင်းဖုန်း အဆင်ပြေသွားသည်ကို မြင်သောအခါ သိုင်းသမား အများအပြား သက်ပြင်းချနိုင်ခဲ့ကြသည်။ ခုနက လင်းဖုန်း၏ အခြေအနေမှာ တကယ်ကို အလွန်အမင်း အန္တရာယ်များလှသည်။ သေဘေးမှ သီသီလေး လွတ်မြောက်ခဲ့ခြင်းပင်။</p> <p>သင်းခွေချပ်သားရဲ ၃ ကောင်၏ အဆက်မပြတ် နင်းခြေခြင်းနှင့် ဝင်တိုက်ခြင်းကို ခံရပါက လင်းဖုန်း၏ မသေနိုင်သောအစွမ်းသတ္တိ မည်မျှပင် အစွမ်းထက်နေစေကာမူ ပြန်လည် နာလန်ထူနိုင်မည် မဟုတ်ပေ။</p> <p>ဤအတွေ့အကြုံမှာ နဂါးကျောက်တုံးမြို့မှာထက်ပင် ပို၍ အန္တရာယ်များလှသည်။</p> <p>လင်းဖုန်း ကောင်းကင်ယံသို့ ပျံတက်သွားသည်။ သူ၏ လက်ရှိအသွင်အပြင်မှာလည်း အလွန်ပင် သနားစရာကောင်းလှသည်။ လက်မောင်းတစ်ဖက်၊ ပုခုံးတစ်ဖက်နှင့် ပေါင်တစ်ဖက် ဆုံးရှုံးထားရသည်။ သူ၏ ရင်ညွန့်ရိုးမှာလည်း ချိုင့်ဝင်နေပြီး သက်ရှိလူသားတစ်ယောက် ဖြစ်နိုင်သမျှ အဆိုးရွားဆုံး အသွင်အပြင်မျိုး ဖြစ်နေသည်။</p> <p>အကယ်၍ သာမန် အသွင်ပြောင်းနယ်ပယ် သိုင်းသမားတစ်ဦးသာ ဤမျှပြင်းထန်သော ဒဏ်ရာမျိုး ရရှိခဲ့မည်ဆိုပါက သူတို့အလောင်းများပင် အေးစက်သွားသည်မှာ ကြာနေပေလိမ့်မည်။ ရင်ညွန့်ရိုး ချိုင့်ဝင်သွားခြင်း တစ်ခုတည်းကပင် လင်းဖုန်း၏ နှလုံးကို ပြင်းထန်စွာ ဒဏ်ရာရစေခဲ့ပြီး သူ၏ နှလုံးပင် အခုန်ရပ်သွားခဲ့သည်။ ဤသည်မှာ စင်စစ် သေစေနိုင်သော ဒဏ်ရာတစ်ခုပင်။</p> <p>သို့သော် လင်းဖုန်း မသေသေးပေ။ ယခုအခါ သူ၏ ခန္ဓာကိုယ်ကို ရှင်းရှင်းလင်းလင်းပင် လေ့လာနိုင်သေးသည်။</p> <p>အမှန်တကယ်တော့ လင်းဖုန်းသည် မသေနိုင်သော အစွမ်းသတ္တိနှင့် ပတ်သက်၍ မရေမရာသာ နားလည်ထားသည်။ သူကိုယ်တိုင်ပင်လျှင် ထိုစွမ်းရည်အကြောင်းကို ကောင်းကောင်း မသိပေ။ ပုံမှန်အားဖြင့် နှလုံးကို ပြင်းထန်စွာ ထိုးနှက်ခံရခြင်းမှာ လုံးဝဥဿုံ အသက်ရှင်ရန် မဖြစ်နိုင်သော ဒဏ်ရာတစ်ခုပင်။ ဒါပေမဲ့...အခု သူ ဘာလို့ အဆင်ပြေနေတာလဲ။</p> <p>ထိုအချိန်တွင် လင်းဖုန်း သူ့ခန္ဓာကိုယ်ကို သေသေချာချာ အာရုံခံကြည့်လိုက်ရာ သူ့ ခန္ဓာကိုယ်ထဲတွင် အသက်စွမ်းအင်များ အလျှံအပယ်ရှိနေကြောင်း တွေ့လိုက်ရသည်။ ထိုစွမ်းအင်များသည် သူ့ ခန္ဓာကိုယ်ပေါ်ရှိ ဒဏ်ရာအားလုံးကို အမြန်ဆုံး ကုသပေးနေပုံရသည်။ ဤအသက်စွမ်းအင်များမှာ သဘာဝအလျောက် ဖြစ်ပေါ်လာသကဲ့သို့ လင်းဖုန်း၏ မျိုးရိုးဗီဇ နက်ရှိုင်းသော နေရာမှ လာခြင်း ဖြစ်သည်။</p> <p>"ဟုတ်တယ်... ဒါအသက်စွမ်းအင်ပဲ။ တီကောင်သားရဲ တွေမှာ အရမ်းကို အစွမ်းထက်တဲ့ အသက်စွမ်းအင်တွေ ရှိတယ်။ ပြီးတော့ ငါကလည်း တီကောင်သားရဲတွေရဲ့ အသက်စွမ်းအင်ကို ဆက်ခံထားရတာ၊ ဒါမှမဟုတ် သူတို့ထက်တောင် ပိုသန်မာနိုင်တယ်။ ကြယ်တာရာစွမ်းအားလိုပဲ... ကြယ်တာရာစွမ်းအား မကုန်ခန်းသရွေ့ သိုင်းသမားတွေ မသေနိုင်သလို ငါ့ရဲ့ အသက်စွမ်းအင်တွေ မကုန်ခန်းသရွေ့ ငါလည်း လူံးဝသေမှာမဟုတ်ဘူး"</p> <p>လင်းဖုန်းသည် မသေနိုင်သောအစွမ်းသတ္တိ၏ အရင်းအမြစ်ကို မရေမရာ နားလည်သွားသည်။ ထိုစွမ်းရည်၏ အဓိကရင်းမြစ်မှာ အသက်စွမ်းအင်မှ ဆင်းသက်လာခြင်း ဖြစ်သည်။ အကယ်၍ အနာဂတ်တွင် မသေနိုင်သောအစွမ်းသတ္တိမှာ ဆက်လက် အားကောင်းလာပြီး သူ၏ အသက်စွမ်းအင်မှာလည်း အမြင့်ဆုံးအဆင့်သို့ ရောက်ရှိသွားမည်ဆိုပါက သွေးတစ်စက်သာ ကျန်တော့လျှင်ပင် သူ ပြန်လည် ရှင်သန်နိုင်လိမ့်မည်လော။</p> <p>လင်းဖုန်း မသိပေ။ မည်သို့ပင်ဆိုစေကာမူ သူသည် ထိုအဆင့်သို့ ရောက်ရှိရန် အလှမ်းဝေးနေသေးသည်။</p> <p>စစ်မြေပြင်တွင် တောင်ပိုင်းတောင်တန်းအခြေစိုက်စခန်းမှ သိုင်းသမားများ အစီအစဉ်တကျ ဆုတ်ခွာနေကြသည်။ လင်းဖုန်း၏ ဒဏ်ရာများ တဖြည်းဖြည်း ပြန်လည်သက်သာလာသည်နှင့်အမျှ သူသည်လည်း တစ်ခါတစ်ရံတွင် ခိုးကြောင်ခိုးဝှက် တိုက်ခိုက်မှုများ ပြုလုပ်ခဲ့သည်။ နောက်ထပ် သင်းခွေချပ်နတ်ဆိုးများကို မသတ်နိုင်ခဲ့သော်လည်း အရေးနိမ့်နေသော အသွင်ပြောင်းနယ်ပယ် သိုင်းသမားများအား အခြေအနေကို ပြောင်းလဲနိုင်ရန် ကူညီပေးနိုင်ခဲ့သည်။</p> <p>သိုင်းသမားများ ဆုတ်ခွာနေကြသော်လည်း စစ်မြေပြင်တွင် တစ်ဖက်သတ် အရေးနိမ့်နေခြင်းတော့ မရှိပေ။</p> <p>"သွားကြစို့"</p> <p>နောက်ဆုံးတွင် လင်းဖုန်းသည် ပြန်လည်ဆုတ်ခွာမှုကို အသွင်ပြောင်းနယ်ပယ် သိုင်းသမား ၂၀ နှင့်အတူ အချိန်အတိုင်းအတာတစ်ခုအထိ ကာကွယ်ပေးပြီးနောက် ခံတပ်မျှော်စင်ပေါ်သို့ ချက်ချင်း ပျံတက်သွားသည်။ သင်းခွေချပ်သားရဲများ မည်မျှပင် ဟိန်းဟောက်နေစေကာမူ အချည်းနှီးသာ ကျန်ရစ်ခဲ့သည်။</p> <p>"ငါတို့ လောလောဆယ်တော့ ဘေးကင်းသွားပြီ"</p> <p>သိုင်းသမားများစွာလည်း စိတ်သက်သာရာရကာ သက်ပြင်းရှည်ကြီးတစ်ခု ချလိုက်ကြသည်။ ခုနက စစ်မြေပြင်မှာ အရမ်းကို ပြင်းထန်လွန်းလှသည်။ လင်းဖုန်း၏ ထူးချွန်ထက်မြက်လှသော စွမ်းဆောင်ရည်သာ တစ်တပ်တစ်အား မပါဝင်ခဲ့ပါက သူတို့ ကပ်ဘေးအန္တရာယ်တစ်ခု ကြုံတွေ့ရမည်မှာ သေချာသည်။</p> <p>သို့သော် လက်ရှိသူတို့မှာ ယာယီသာ အန္တရာယ်မှ ကင်းလွတ်သွားခြင်း ဖြစ်သည်။ အကယ်၍ ထိုသင်းခွေချပ်သားရဲများ ဆက်လက် တိုက်ခိုက်နေမည်ဆိုပါက တောင်ပိုင်းတောင်တန်း အခြေစိုက်စခန်းလည်း အကြာကြီး တောင့်ခံနိုင်မည် မဟုတ်ပေ။</p> <p>သို့သော် လင်းဖုန်းတွင် ကိုယ်ပိုင် အစီအစဉ် ရှိသည်။ သူသည် ကြယ်တာရာစွမ်းအားများကို အမြန်ဆုံး ပြန်လည်ပြည့်ဖြိုးအောင် လုပ်ဆောင်ရန် စီစဉ်ထားသည်။ အချိန်တန်လျှင် သူ အောက်သို့ဆင်းပြီး သူတို့ကို ထပ်မံ တိုက်ခိုက်သတ်ဖြတ်မည် ဖြစ်သည်။ ဤသင်းခွေချပ်နတ်ဆိုးများ အဆုံးအစမရှိ ပေါ်လာနိုင်မည်ဟု သူ မယုံကြည်ပေ။</p> <p>အကယ်၍ ထိုသို့ အကြိမ်အနည်းငယ် ထပ်လုပ်လိုက်ပါက ဤသင်းခွေချပ်သားရဲများ တောင်ပိုင်းတောင်တန်း အခြေစိုက်စခန်းကို မည်သို့ ဆက်လက် ဝိုင်းရံနိုင်မည်နည်း။</p> <p>သို့သော် လင်းဖုန်း သူ၏ ကြယ်တာရာစွမ်းအား အားလုံးကို ပြန်လည်မပြည့်ဖြိုးနိုင်မီ မြေအောက်မှ နက်ရှိုင်းသော ဟိန်းဟောက်သံတစ်ခု ရုတ်တရက် ထွက်ပေါ်လာသည်။ ထိုဟိန်းဟောက်သံမှာ အလွန် ခမ်းနားကြီးကျယ်ပုံရသည်။ မြေပြင်တစ်ခုလုံးမှာ ငလျင်ငယ်လေးတစ်ခု လှုပ်ခတ်သွားသည့်အလား တုန်ခါနေပုံရသည်။</p> <p>ထိုအသံကို ကြားလိုက်ရသောအခါ သင်းခွေချပ်သားရဲ အားလုံးမှာ ဒီရေအလား ချက်ချင်း ဆုတ်ခွာသွားကြပြီး နောက်ဆုံးတွင် အရိပ်အယောင်မျှပင် မကျန်တော့ဘဲ လုံးဝပျောက်ကွယ်သွားကြတော့သည်။</p> <p>အခြေစိုက်စခန်း အပြင်ဘက်တွင် သင်းခွေချပ်သားရဲ အလောင်းများ မြောက်များစွာ ကျန်ရစ်နေခဲ့ခြင်း မရှိပါက စောစောက တိုက်ပွဲမှာ ထင်ယောင်ထင်မှားတစ်ခုသာ ဖြစ်မည်ဟု သံသယဝင်စရာပင်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save