Book List

<h2 style="text-align: center;">အခန်း (၁၆၁)</h2> <h2 style="text-align: center;">ကြယ်တာရာဝါးမြိုသူ</h2> <h2 style="text-align: center;">*</h2> <p> </p> <p> </p> <p>မျိုးရိုးဗီဇ ပေါင်းစပ်သင့်မသင့် ဆိုသည်မှာ အမှန်တကယ်ပင် ခက်ခဲသော ပုစ္ဆာတစ်ပုဒ် ဖြစ်သည်။ လောလောဆယ်တွင် လင်းဖုန်းအနေဖြင့် ပြတ်ပြတ်သားသား ဆုံးဖြတ်ချက်ချရန် ခက်ခဲနေဆဲပင်။</p> <p>သို့သော် သူ၏ လက်ရှိခွန်အားမှာ ကဏ္ဍအသီးသီးတွင် အကန့်အသတ်သို့ မရောက်ရှိသေးပေ။ ဥပမာအားဖြင့် ကြယ်တာရာစွမ်းအား စုစည်းမှု၊ အသွင်ပြောင်းလဲခြင်း မပြီးဆုံးသေးသော ခန္ဓာကိုယ် စသည်တို့တွင် သူ့ခွန်အားမှာ ပေါက်ကွဲအားကောင်းကောင်းဖြင့် တိုးတက်လာမည့် ကာလတစ်ခု ကျန်ရှိနေသေးသည်။</p> <p>ထို့ကြောင့် ခေတ္တမျှ စဉ်းစားပြီးနောက် လင်းဖုန်းသည် ထိုကိစ္စကို လောလောဆယ် ဘေးဖယ်ထားလိုက်ပြီး ဆုံးဖြတ်ချက်ချရန် မလောတော့ပေ။ သူသည် အနည်းဆုံး အကန့်အသတ်သို့ ရောက်ရှိသည်အထိ ကြယ်တာရာစွမ်းအား စုစည်းမှုကိုသာ အာရုံစိုက်ရန် ဆုံးဖြတ်လိုက်သည်။</p> <p>စင်စစ်တွင် ကြယ်တာရာဝဲဂယက်ကျင့်စဉ်၏ ကြယ်တာရာစွမ်းအား စုစည်းမှုနှုန်းမှာ အတော်လေး မြန်ဆန်လှသော်လည်း လင်းဖုန်းအတွက်မူ အလွန်တရာ နှေးကွေးနေဆဲပင်။ သူသည် အခြားသော ကြယ်တာရာစွမ်းအား ကျင့်စဉ်တစ်ခုသို့ ပြောင်းလဲလိုစိတ် ပြင်းပြနေမိသည်။</p> <p>ကြယ်တာရာစွမ်းအား ကျင့်စဉ်များမှာ အတန်မျှ ဈေးကြီးသော်လည်း ယခုတစ်ကြိမ် တိုက်ပွဲတွင် လင်းဖုန်း၏ ရရှိမှုများမှာ အတော်လေး ကောင်းမွန်လှသည်။ သူသည် သင်းခွေချပ်နတ်ဆိုး စုစုပေါင်း ကိုးကောင်ကို သတ်ဖြတ်ခဲ့ပြီး တစ်ကောင်ကို ပြင်းထန်စွာ ဒဏ်ရာရစေခဲ့သည်။</p> <p>ဒဏ်ရာပြင်းထန်စွာ ရရှိထားသော ထိုသင်းခွေချပ်နတ်ဆိုးမှာ မြို့ပြင်တွင် ရှိနေဆဲပင်။ သင်းခွေချပ်သားရဲများမှာ ထိုဒဏ်ရာရသားရဲကို ပြန်လည်ခေါ်ဆောင်သွားရန် အစီအစဉ် မရှိကြပုံရသည်။ အရာအားလုံးသာ မျှော်လင့်ထားသလို ဖြစ်လာခဲ့လျှင် ထိုနတ်ဆိုးမှာလည်း သေဆုံးသွားပေလိမ့်မည်။</p> <p>ထို့ကြောင့် လင်းဖုန်းသည် ယခုတစ်ကြိမ်တွင် နတ်ဆိုး ၁၀ ကောင်ကို သတ်ဖြတ်ခဲ့ခြင်း ဖြစ်သည်။ သာမန်နတ်ဆိုးတစ်ကောင်မှာ အကျိုးပြုတန်ဖိုး ၅ ခု တန်ကြေးရှိရာ ၁၀ ကောင်ဆိုလျှင် အကျိုးပြုတန်ဖိုး၅၀ ရရှိမည် ဖြစ်သည်။ လင်းဖုန်းသည် ဤတိုက်ပွဲကြီးအပြီးတွင် အကျိုးပြုပြုမှတ် ၅၀ ရရှိခဲ့သည်။</p> <p>ဤသည်မှာ သူ တောင်ပိုင်းတောင်တန်း အခြေစိုက်စခန်းတွင် ငါးနှစ်ကြာ တာဝန်ထမ်းဆောင်ရခြင်းနှင့် ညီမျှသည်။ အကျိုးပြုတန်ဖိုးများ ရရှိရန်မှာ ထင်သလောက် မခက်ခဲလှဟု ထင်ရပေသည်။</p> <p>သို့သော် စင်စစ်တွင်မူ ဤသည်မှာ လင်းဖုန်းသည် အလွန် ထူးခြားသောကြောင့်သာ ဖြစ်ပြီး အဆင့်တူသိုင်းသမားများကြားတွင် အနှိုင်းမဲ့ပြိုင်ဘက်ကင်း ဖြစ်နေသောကြောင့်သာ ဖြစ်သည်။ ထို့ပြင် သူသည် ဟင်းလင်းပြင်ပူဖောင်းနည်းစနစ်ကို လေ့ကျင့်ထားသဖြင့် နတ်ဆိုးတစ်ကောင်ကို သတ်ဖြတ်ရန်မှာ သူ့အတွက် အလွန် လွယ်ကူနေခြင်း ဖြစ်သည်။</p> <p>တောင်ပိုင်းတောင်တန်း အခြေစိုက်စခန်းရှိ အခြားသော သာလွန်လူသား ကျွမ်းကျင်သူများကို ကြည့်ပါလေ။ သူတို့သည်လည်း ပြင်းထန်သော တိုက်ပွဲကို ဆင်နွှဲခဲ့ကြသော်လည်း ရလဒ်မှာ မည်သို့နည်း။ သူတို့အားလုံး နတ်ဆိုးတစ်ကောင်ကိုပင် မသတ်နိုင်ခဲ့ကြပေ။ သဘာဝကျကျပင် သူတို့မှာ အကျိုးပြုတန်ဖိုး လုံးဝနီးပါး မရရှိကြပေ။</p> <p>ထို့ကြောင့် အကျိုးပြုတန်ဖိုး ရရှိရန်မှာ လွယ်ကူလှသည် မဟုတ်ဘဲ လင်းဖုန်းအတွက်သာ ပိုမိုလွယ်ကူသယောင်ဖြစ်နေခြင်းပင်။</p> <p>လင်းဖုန်း၏ မူလရှိရင်းစွဲ အကျိုးပြတန်ဖိုး ၂၇၂မှတ်နှင့် ပေါင်းလိုက်လျှင် ယခုအခါ လင်းဖုန်းတွင် အကျိုးပြုတန်ဖိုး ၃၂၂ မှတ်အထိ ရှိသွားပြီ ဖြစ်သည်။</p> <p>လင်းဖုန်းတွင် လက်ရှိ ကြယ်တာရာစွမ်းအား အမျှင်ပေါင်း ၂၆၀၀ ရှိသည်။ အကယ်၍ သူ၏ ကြယ်တာရာစွမ်းအား ကန့်သတ်ချက်မှာ အမျှင်ပေါင်း ၅၀၀၀ ကျော်မည်ဆိုပါက ကြယ်တာရာဝဲဂယက်ကျင့်စဉ်အရ တစ်ရက်လျှင် အမျှင်တန်း ၂၀ ခန့်သာ စုစည်းနိုင်သည်။</p> <p>တစ်ရက်လျှင် ၂၀ ဆိုပါက ၁၀ ရက်လျှင် ၂၀၀၊ တစ်လလျှင် ၆၀၀ သာ ရရှိမည် ဖြစ်ရာ အကန့်အသတ်သို့ ရောက်ရှိရန် လေးလ သို့မဟုတ် ငါးလခန့် ကြာမြင့်ပေလိမ့်မည်။</p> <p>လင်းဖုန်းသည် ကြယ်တာရာစွမ်းအား စုစည်းရန်အတွက်မျှဖြင့် ဤမျှ အချိန်အကြာကြီး မဖြုန်းတီးလိုပေ။ ထို့ကြောင့် သူသည် တွေဝေမနေတော့ဘဲ သိုင်းနယ်မြေကွန်ရက်၏ အွန်လိုင်းအရောင်းဆိုင်သို့ ချက်ချင်း ဝင်ရောက်လိုက်သည်။</p> <p>သူ ကြယ်တာရာစွမ်းအား ကျင့်စဉ်ကို ပြောင်းလဲရမည် ဖြစ်သည်။ အကျိုးပြုတနိဖိုး မည်မျှပင် ကုန်ကျပါစေ ကြယ်တာရာစွမ်းအား ပိုမိုမြန်ဆန်စွာ စုစည်းနိုင်သော ကျင့်စဉ်တစ်ခုကို သူ ရွေးချယ်ရမည်။ ကြယ်တာရာဝဲဂယက်ကျင့်စဉ်အတွက် သုံးစွဲခဲ့သော အကျိုးပြုတန်ဖိုး အနည်းငယ်မှာ နှမြောစရာ ဖြစ်နိုင်သော်လည်း သူ၏ခန္ဓာကိုယ်ရှိ ကြယ်တာရာစွမ်းအား ကန့်သတ်ချက်မှာ ဤမျှအထိ ကြီးမားလိမ့်မည်ဟု ထိုစဉ်က လင်းဖုန်း မည်သို့ သိနိုင်မည်နည်း။</p> <p>သိုင်းနယ်မြေကွန်ရက် အွန်လိုင်းအရောင်းဆိုင်တွင် လင်းဖုန်းသည် ပညာရေးအဖွဲ့အစည်း၏ ကဏ္ဍသို့ ဝင်ရောက်လိုက်သည်။ ယခင်က သူ ကြယ်တာရာဝဲဂယက်ကျင့်စဥ်ကို ပညာရေးအဖွဲ့အစည်း၏ ဈေးဆိုင်မှ ဝယ်ယူခဲ့ခြင်း ဖြစ်သည်။ သာမန် ကြယ်တာရာစွမ်းအား ကျင့်စဉ်များမှာ များသောအားဖြင့် အကျိုးပြုတန်ဖိုး ၅၀ ဝန်းကျင်တွင်သာ ရှိပြီး မည်မျှပင် ဈေးကြီးပါစေ ကန့်သတ်ချက်တစ်ခု ရှိပေသည်။</p> <p>အမှန်တကယ်တော့... ၎င်းမှာ အသွင်ပြောင်းနယ်ပယ် သိုင်းသမားများအတွက်သာ ဖြစ်သည်။ အကယ်၍ နတ်ဘုရားနယ်ပယ်အတွက် ကြယ်တာရာစွမ်းအား ကျင့်စဉ်များဆိုလျှင်မူ အခြေအနေမှာ ကွဲပြားသွားမည် ဖြစ်သည်။ ထိုကဲ့သို့ကျင့်စဉ်များမှာ အနည်းဆုံး အကျိုးပြုတန်ဖိုး ရာဂဏန်းအနည်းငယ် ကုန်ကျမည်ဖြစ်ရာ လင်းဖုန်းပင်လျှင် ဝယ်ယူနိုင်မည် မဟုတ်ပေ။</p> <p>သို့သော် နတ်ဘုရားနယ်ပယ် ကျင့်စဉ်များကို ဝယ်ယူနိုင်လျှင်ပင် အသွင်ပြောင်းနယ်ပယ် သိုင်းသမားများမှာ လေ့ကျင့်နိုင်မည် မဟုတ်ပေ။ ၎င်းမှာ အသက်အနှစ်သာရ အဆင့်အတန်းနှင့် သက်ဆိုင်နေသဖြင့် လေ့ကျင့်ရန်မှာ အလွန် အန္တရာယ်များလှပေလိမ့်မည်။</p> <p>သို့သော် အချိန်အတော်ကြာ ရှာဖွေပြီးနောက်တွင်မူ လင်းဖုန်းသည် စိတ်တိုင်းကျသော ကျင့်စဉ်တစ်ခုကိုမှ ရှာမတွေ့ခဲ့ပေ။ အသွင်ပြောင်းနယ်ပယ် ကျင့်စဉ် အများစုမှာ တည်ငြိမ်မှုကိုသာ အဓိကထားကြပြီး အရှိန်အဟုန်ကို မည်သူကမှ ဂရုမစိုက်ကြပေ။ အသွင်ပြောင်းနယ်ပယ် တတိယအဆင့် သိုင်းသမားတစ်ဦးပင်လျှင် သူ၏ခန္ဓာကိုယ် ကန့်သတ်ချက်သို့ ရောက်ရန် ကြယ်တာရာစွမ်းအား အမျှင်ပေါင်း ၉၉၉၉ သာ လိုအပ်သဖြင့် ထိုပမာဏသို့ ရောက်ရှိရန် နှစ်အနည်းငယ် အချိန်ယူရခြင်းမှာ ပုံမှန်ပင် ဖြစ်သည်။</p> <p>လင်းဖုန်းကဲ့သို့ အသွင်ပြောင်းနယ်ပယ် ဒုတိယအဆင့်မျှသာ ရှိသေးသော သိုင်းသမားတစ်ဦး၏ ခန္ဓာကိုယ်တွင် ထိုမျှ ကြောက်စရာကောင်းသော ကြယ်တာရာစွမ်းအား ကန့်သတ်ချက် ရှိနေလိမ့်မည်ဟု မည်သူကမှ ထင်မှတ်ထားမည် မဟုတ်ပေ။ အကယ်၍ သူသာ သာမန်ကျင့်စဉ်များအတိုင်း လေ့ကျင့်မည်ဆိုပါက ကြယ်တာရာစွမ်းအား စုစည်းရန်အတွက်သက်သက်ပင် နှစ်ပေါင်းများစွာ ကြာမြင့်သွားပေလိမ့်မည်။</p> <p>ပညာရေးအဖွဲ့အစည်းတွင် သူ၏ လိုအပ်ချက်နှင့် ကိုက်ညီသော ကျင့်စဉ် မရှိသဖြင့် အခြားသော အဖွဲ့အစည်းများထံတွင် ဆက်လက် ရှာဖွေရန် သူ ဆုံးဖြတ်လိုက်သည်။</p> <p>ပထမဆုံး ရွေးချယ်မှုများမှာ တပ်ဖွဲ့နှင့် အစိုးရအဖွဲ့အစည်းများ ဖြစ်သည်။ ပညာရေးအဖွဲ့အစည်းပြီးလျှင် အကြီးမားဆုံး အဖွဲ့အစည်းနှစ်ခု ဖြစ်သဖြင့် သူတို့တွင်လည်း ကြယ်တာရာစွမ်းအား ကျင့်စဉ်များစွာ ရှိသော်လည်း ၎င်းတို့အားလုံးမှာ ပညာရေးအဖွဲ့အစည်းမှ ကျင့်စဉ်များနှင့် ဆင်တူနေကြသည်။ ကြယ်တာရာစွမ်းအားစုစည်းမှု အရှိန်အဟုန်ကို အထူးပြုထားသော ကျင့်စဉ်ဟူ၍ တစ်ခုမှ ရှာမတွေ့ခဲ့ပေ။</p> <p>နောက်တစ်ခုမှာ စီးပွားရေးအဖွဲ့အစည်း ဖြစ်သည်။ သူတို့၏ ကျင့်စဉ်များမှာ သိသိသာသာ နည်းပါးလှသည်။ ၎င်းတို့၏ နက်နဲမှုမှာလည်း ထိပ်တန်း အဖွဲ့အစည်းကြီး သုံးခုနှင့် နှိုင်းယှဉ်၍ မရနိုင်ပေ။ ကျင့်စဉ်များကို ကြည့်ခြင်းဖြင့်ပင် စီးပွားရေးအဖွဲ့အစည်းမှာ ထိပ်တန်း အဖွဲ့အစည်း သုံးခုထက် အားနည်းကြောင်း သိသာလှသည်။</p> <p>နောက်ဆုံးတွင်မူ အလွတ်တန်းသိုင်းသမားများသမဂ္ဂ ရှိသည်။ ၎င်းမှာ ထိပ်တန်း အဖွဲ့အစည်း လေးခုနှင့် လုံးဝ ကွဲပြားလှသည်။ ထိပ်တန်း အဖွဲ့အစည်း လေးခုမှာ တင်းကျပ်သော စည်းမျဉ်းစည်းကမ်းများ ရှိသော်လည်း အလွတ်တန်းသိုင်းသမားများသမဂ္ဂတွင်မူ ထိုသို့ မဟုတ်ပေ။</p> <p>ထို့ကြောင့် အလွတ်တန်းသိုင်းသမားများသမဂ္ဂမှ သိုင်းသမားများ ဖန်တီးထားသော ကျင့်စဉ်များမှာ အမျိုးမျိုးအဖုံဖုံ ရှိကြပြီး ထူးဆန်းထွေလာဖြစ်ကာ စိတ်ကူးယဉ်ဆန်လှသဖြင့် လင်းဖုန်းကို များစွာ စိတ်ဝင်စားစေခဲ့သည်။</p> <p>ဤကြယ်တာရာစွမ်းအားကျင့်စဉ်များမှာ ကြယ်စွမ်းအားများကို စုပ်ယူရာတွင် တည်ငြိမ်မှုနှင့် ဘေးကင်းမှုကိုသာ ဇွတ်မှိတ် လိုက်မလုပ်ကြတော့ပေ။ အချို့သော ကျင့်စဉ်များမှာ အလွန် အန္တရာယ်များလှသော်လည်း အရောင်းဆိုင်တွင် ရရှိနိုင်ဆဲပင်။</p> <p>ဥပမာအားဖြင့် လင်းဖုန်း လက်ရှိ အာရုံစိုက်နေမိသော ကျင့်စဉ်တစ်ခုဖြစ်သည်။ ထိုကျင့်စဉ်သည် အလွန် အံ့ဩစရာကောင်းသောကြောင့် မဟုတ်ချေ။ ဈေးနှုန်း အလွန်ကြီးနေသောကြောင့် ဖြစ်သည်။</p> <p>အကျိုးပြုတန်ဖိုး ၁၀၀ တိတိ...</p> <p>ထိုကျင့်စဉ်ကို ‘ကြယ်တာရာဝါးမြိုသူ’ ဟု ခေါ်သည်။ ကျင့်စဉ်၏ အမည်နာမမှာ အတော်လေး ခန့်ညားလှပြီး ကြယ်စွမ်းအားများကို ဝါးမြိုနိုင်သည်ဟု အဓိပ္ပာယ်ရသည်။</p> <p>ထို့ပြင် ထိုကျင့်စဉ်၏ မိတ်ဆက်စာမှာလည်း အလွန်ပင် ရဲတင်းလှသည်။ ကြယ်စွမ်းအားများကို ဝါးမြိုကာ ကြယ်တာရာစွမ်းအားအဖြစ် ပြောင်းလဲရာတွင် အကန့်အသတ် လုံးဝ မရှိသလောက်ပင် ဖြစ်သည်။ ခန္ဓာကိုယ်က တောင့်ခံနိုင်သမျှ ကြယ်တာရာစွမ်းအားများကို စုစည်းနိုင်မည် ဖြစ်သည်။</p> <p>ထို့ပြင် ဤသည်မှာ လုံးဝ ဘေးကင်းသော ကျင့်စဉ်မျိုး မဟုတ်ပေ။ အန္တရာယ်များလည်း ရှိသည်။ ဥပမာအားဖြင့် အကယ်၍ ခန္ဓာကိုယ်က မတောင့်ခံနိုင်တော့ဘဲ ကြယ်စွမ်းအားများကို ဇွတ်အတင်း ဝါးမြိုမည်ဆိုပါက ကြယ်စွမ်းအားများ ပြန်လည် ရိုက်ခတ်လာပြီး သိုင်းသမားကို ပြင်းထန်စွာ ဒဏ်ရာရစေနိုင်သည်။</p> <p>အကယ်၍ ခန္ဓာကိုယ်က အားနည်းလွန်းနေပါက ဤကျင့်စဉ်ကို ဇွတ်အတင်း လေ့ကျင့်ခြင်းသည်ပင် ဒဏ်ရာ ရရှိစေနိုင်ပေသည်။</p> <p>'ကြယ်တာရာဝါးမြိုသူ' ကျင့်စဉ်ကို လေ့ကျင့်ရန်အတွက် သန်မာသော ရုပ်ပိုင်းဆိုင်ရာ ကြံ့ခိုင်မှု လိုအပ်သည်။ ခန္ဓာကိုယ် ပိုသန်မာလေ စွမ်းဆောင်ရည် ပိုကောင်းလေ ဖြစ်သည်။ ဤကျင့်စဉ်မှာ အလွတ်တန်းသိုင်းသမားများသမဂ္ဂမှ သာလွန်နတ်ဘုရားနယ်ပယ် ကျွမ်းကျင်သူတစ်ဦး ဖန်တီးခဲ့ခြင်း ဖြစ်သည်။ ၎င်း၏ အယူအဆမှာ ကျင့်စဉ်တစ်ခုတည်းဖြင့်ပင် နတ်ဘုရားနယ်ပယ် သို့မဟုတ် သာလွန်နတ်ဘုရားနယ်ပယ်အထိ အဟန့်အတားမရှိ လေ့ကျင့်နိုင်ရန် ဖြစ်သည်။</p> <p>သို့သော် နောက်ဆုံးတွင်မူ သူသည် 'ကြယ်တာရာဝါးမြိုသူ' ကျင့်စဉ်အတွက် လိုအပ်သော ရုပ်ပိုင်းဆိုင်ရာ ကြံ့ခိုင်မှုမှာ အလွန်ပင် မြင့်မားလွန်းလှကြောင်း တွေ့ရှိခဲ့ရသည်။ သာမန် အသွင်ပြောင်းနယ်ပယ် သိုင်းသမားများမှာ သူတို့၏ ကြယ်တာရာစွမ်းအားများကိုသာ အချိန်ကုန်ပေးကာအပင်ပန်းခံ စုစည်းနေကြသဖြင့် သူတို့၏ ခန္ဓာကိုယ်ကို လေ့ကျင့်ရန် မည်သူက ဂရုစိုက်ကြမည်နည်း။</p> <p>ထို့ကြောင့် အချိန်ကြာလာသည်နှင့်အမျှ ဤကြယ်တာရာဝါးမြိုသူကျင့်စဉ်ကို ဝယ်ယူရန် မည်သူမျှ စိတ်မဝင်စားတော့ပေ။ ထို့ပြင် ၎င်းကို အသုံးပြုရန် ဂုဏ်ပြုမှတ် ၁၀၀ လိုအပ်သည်။ အမှန်တကယ်တန်းတွင်မူ ဤကျင့်စဉ်ကို ဝယ်ယူခဲ့သူ သုံးကြိမ်သာ ရှိခဲ့ဖူးသည်။</p> <p>"တကယ့်ကို ရဲတင်းတဲ့ ကြယ်တာရာစွမ်းအား ကျင့်စဉ်ပဲ။ သူ့ရဲ့ မိတ်ဆက်စာထဲကလိုပဲ အံ့ဩစရာကောင်းမလားတော့ မသိဘူး"</p> <p>လင်းဖုန်း ပတ်ပတ်လည် ရှာဖွေကြည့်လိုက်သည်။ နောက်ဆုံးတွင်မူ သူသည် ဤကြယ်တာရာဝါးမြိုသူကျင့်စဉ်ကို ပို၍ စိတ်ကျေနပ်မိသည်။ ဤသည်မှာ သူ့အတွက်သာ သီးသန့် ဖန်တီးထားသော ကျင့်စဉ်နှင့်ပင် တူနေသည်။ သူ၏ ရုပ်ပိုင်းဆိုင်ရာ ကြံ့ခိုင်မှုနှင့်ဆိုလျှင် အသွင်ပြောင်းနယ်ပယ် သိုင်းသမားများကီု မပြောနှင့် ရုပ်ပိုင်းဆိုင်ရာကိုသာ အဓိကထားသော နတ်ဆိုးများပင်လျှင် သူ့လောက် မသန်မာကြပေ။</p> <p>လင်းဖုန်းတွင် ၂၀ ရာခိုင်နှုန်း လျှော့ဈေးရနိုင်သော လူသားမျိုးနွယ်၏သူရဲကောင်းတံဆိပ် ရှိသဖြင့် ကြယ်တာရာဝါးမြိုသူကျင့်စဥ်ကို ဝယ်ယူရန် အကျိုးပြုတန်ဖိုး ၈၀ သာ ကုန်ကျခဲ့သည်။ ယခုလက်ရှိ သူ၏ အကောင့်တွင် အကျိုးပြုတန်ဖိုး ၂၄၂ မှတ်သာ ကျန်ရှိတော့သည်။</p> <p>အကျိုးပြုတန်ဖိုး ၈၀ ကို တစ်ပြိုင်နက်တည်း သုံးစွဲလိုက်ရသော်လည်း လင်းဖုန်းမှာ များစွာ ဂရုမစိုက်ပေ။ အကျိုးပြုတန်ဖိုးများ မည်မျှပင် ရှိနေပါစေ ၎င်းတို့က သူ့ခွန်အားကို မမြှင့်တင်နိုင်လျှင် သို့မဟုတ် သူ၏ ကျင့်ကြံခြင်းအတွက် အထောက်အကူ မဖြစ်လျှင် ဘာအသုံးကျမည်နည်း။</p> <p>ထို့ကြောင့် အကယ်၍ ဤကြယ်တာရာဝါးမြိုသူကျင့်စဉ်က ကြယ်တာရာစွမ်းအား စုစည်းရန် လိုအပ်သော အချိန်ကို များစွာ သက်သာစေနိုင်မည်ဆိုပါက ထိုအကျိုးပြုတန်ဖိုး ၈၀ မှာ အသုံးချရကျိုး နပ်ပေလိမ့်မည်။</p> <p>ကြယ်တာရာဝါးမြိုသူကျင့်စဥ်ကို ဝယ်ယူပြီးနောက် လင်းဖုန်းသည် ကျင့်စဉ်၏ အဓိက အချက်အလက်များကို စိတ်အားထက်သန်စွာ စစ်ဆေးလိုက်ကာ စတင်ကျင့်ကြံရန် ပြင်ဆင်တော့သည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save