Book List

<h2 style="text-align: center;">အခန်း (၁၆၉)</h2> <h2 style="text-align: center;">ပူဖောင်း၏စွမ်းပကား တစ်ကျော့ပြန် ပေါ်ထွက်လာခြင်း</h2> <h2 style="text-align: center;">*</h2> <p> </p> <p>လင်းဖုန်းသည် မြေပုရွက်ဆိတ်နတ်ဆိုး သုံးကောင်ကို မျက်စိတစ်မှိတ်အတွင်း သတ်ဖြတ်လိုက်ခြင်းက လူတိုင်းကို အိမ်မက်မက်နေသည့်အလား ခံစားရပြီး အလွန် တုန်လှုပ်သွားစေသည်။ မြောက်ပိုင်းတောင်တန်းအခြေစိုက်စခန်းမှ လူများမှာ ကြောင်အမ်းအမ်း ဖြစ်သွားကြပြီး တောင်ပိုင်းတောင်တန်းအခြေစိုက်စခန်းမှ လူများမှာမူ အလွန်ဝမ်းမြောက်ဝမ်းသာ ဖြစ်သွားကြသည်။</p> <p>သို့သော် အအံ့ဩဆုံးသူများမှာ မိုလေ့နှင့် အခြားတတိယအဆင့် သိုင်းသမား သုံးဦးပင် ဖြစ်သည်။ ယခုလေးတင် သူတို့သည် အပြင်းအထန် ရုန်းကန်ခဲ့ရပြီး သူတို့၏ ကြယ်တာရာစွမ်းအား အကာအကွယ်ကို အားကိုး၍ မြေပုရွက်ဆိတ်နတ်ဆိုး အနည်းငယ်ကိုသာ ခက်ခက်ခဲခဲ သတ်နိုင်ခဲ့ခြင်း ဖြစ်သည်။</p> <p>လင်းဖုန်းကမူ သူ၏ ကြယ်တာရာစွမ်းအားကိုပင် ထုတ်ဖော်ခြင်း မရှိပေ။ လင်းဖုန်း၏ ခန္ဓာကိုယ်မှ ကြယ်တာရာစွမ်းအား လှိုင်းထန်မှုမျိုး လုံးဝမရှိသည်ကို သူတို့ ရှင်းရှင်းလင်းလင်း အာရုံခံမိကြသည်။ တစ်နည်းအားဖြင့် လင်းဖုန်းသည် ကြယ်တာရာစွမ်းအားကို အသုံးမပြုဘဲ သူတို့ထက်ပင် ပိုမိုလွယ်ကူစွာဖြင့် ထိုနတ်ဆိုးသုံးကောင်ကို သတ်ဖြတ်နိုင်ခဲ့ခြင်း ဖြစ်သည်။</p> <p>သို့သော် ဤသည်မှာ စိတ်လှုပ်ရှားစးဖွယ်ရာ သတင်းကောင်းလည်း ဖြစ်သည်။ လင်းဖုန်းတွင် မြေပုရွက်ဆိတ်နတ်ဆိုးများကို အပြည့်အဝဆန့်ကျင်တုံ့ပြန်နိုင်သော စွမ်းရည် ရှိနေပုံရသည်။</p> <p>"ညီအစ်ကို လင်းဖုန်း... မင်းရဲ့ မွေးရာပါစွမ်းရည်က ဒီမြေပုရွက်ဆိတ်နတ်ဆိုးတွေကို လုံးဝဆန့်ကျင်နိုင်တာလား" မိုလေ့ မမေးဘဲ မနေနိုင်တော့ပေ။</p> <p>လင်းဖုန်းက သူ၏ ခန္ဓာကိုယ်ပေါ်ရှိ ချပ်ဝတ်ကို ညွှန်ပြရင်း ပြောလိုက်သည်။</p> <p>"အဲလိုပဲ ပြောရမယ် ထင်တယ်။ ဒီနတ်ဆိုးတွေက အရမ်းအားနည်းလွန်းနေသလိုပဲ။ သူတို့က ကျွန်တော့်ရဲ့ မွေးရာပါစွမ်းရည်ချပ်ဝတ်ကိုတောင် မတိုက်စားနိုင်ကြဘူး။ သူတို့ကို ကိုင်တွယ်ရတာ တကယ်လွယ်ပါတယ်။ မြေပုရွက်ဆိတ်နတ်ဆိုး အုပ်စုကြီးရဲ့ ဝိုင်းရံတာမျိုး မခံရသရွေ့တော့ ဘာပြဿနာမှ ရှိမှာ မဟုတ်ဘူး"</p> <p>မိုလေ့မှာ ဆွံ့အသွားမိသည်။ မြေပုရွက်ဆိတ်နတ်ဆိုးတွေက အားနည်းတယ် ဟုတ်လား။ သူတို့က လုံးဝ အားမနည်းပေ။ ဆန့်ကျင်ဘက်အနေဖြင့် သူတို့မှာ အလွန်တရာ ကိုင်တွယ်ရခက်ခဲလှသည်။ တတိယအဆင့် သိုင်းသမားများဖြစ်သော သူတို့ပင် ရင်ဆိုင်ခုခံတိုက်ခိုက်ရန် ခွန်အားများစွာ အသုံးပြုခဲ့ရသည်။</p> <p>လင်းဖုန်း၏ မွေးရာပါစွမ်းရည်က ထိုနတ်ဆိုးများနှင့် တိုက်ဆိုင်စွာပင် အပြည့်အဝဆန့်ကျင်နိုင်စွမ်း ရှိနေပြီး သူက အသာစီး အလွန်ရနေသည်ဟုသာ ဆိုရပေလိမ့်မည်။</p> <p>မိုလေ့မှာ အလွန်ဝမ်းသာသွားပြီး ပြုံးလျက် ပြောလိုက်သည်။</p> <p>"ဒီလိုဆိုရင်တော့ ဒီစစ်ဆင်ရေး အောင်မြင်ဖို့ အခွင့်အရေး တကယ်ရှိသွားပြီပဲကွ။ ငါတို့ အခုမှ နတ်ဆိုး အနည်းငယ်ပဲ သတ်ရသေးတာ။ ဟိုမှာ နတ်ဆိုးတွေ အများကြီး ရှိနေသေးတယ်။ အားလုံးပေါင်းပြီး တိုက်မယ်ဆိုရင်တော့ သူတို့ကို သေချာပေါက် ခြောက်လှန့်နိုင်မှာပဲ"</p> <p>"ကောင်းပါပြီ"</p> <p>လင်းဖုန်းက မငြင်းပယ်ခဲ့ပေ။ ယခုတစ်ကြိမ်တွင် မိုလေ့နှင့် အခြားတတိယအဆင့် သိုင်းသမားသုံးဦးမှာ လင်းဖုန်းကို စိတ်ရင်းဖြင့် လက်ခံသွားကြပြီ ဖြစ်သည်။ မြေပုရွက်ဆိတ်နတ်ဆိုးများကို ရင်ဆိုင်ရာတွင် လင်းဖုန်းက အလွန်တရာ အသာစီးရနေသည် မဟုတ်ပါလား။</p> <p>မြေပုရွက်ဆိတ်နတ်ဆိုးများ၏ အပြင်းထန်ဆုံးလက်နက်ဖြစ်သော အက်ဆစ်မှာ လင်းဖုန်းအတွက် အသုံးမဝင်ဖြစ်နေသဖြင့် သူတို့မှာ လင်းဖုန်း၏ လက်ခုပ်ထဲက ရေကဲ့သို့ ဖြစ်နေတော့သည်။</p> <p>"တိုက်ကြ"</p> <p>လင်းဖုန်း၊ မိုလေ့နှင့် အခြားသူများမှာ တွေဝေမနေဘဲ မြေပုရွက်ဆိတ်နတ်ဆိုး ၃၀ ခန့်ရှိရာသို့ အရှိန်အဟုန်ဖြင့် ပြေးဝင်သွားကြသည်။ ထိုနတ်ဆိုး ၃၀ မှာလည်း အကြီးအကျယ် ဒေါသထွက်သွားကြပြီး တစ်ခုခုကို ဆင့်ခေါ်နေသကဲ့သို့ စူးရှသော အသံများကို အဆက်မပြတ် ထုတ်ဖော်လိုက်ကြသည်။</p> <p>ထိုအချိန်မှာပင် အခြားသော နတ်ဆိုးအချို့ကလည်း တုံ့ပြန်လိုက်ကြပြီး လင်းဖုန်းနှင့် အခြားသူများကို ဖြည်းဖြည်းချင်း ဝိုင်းရံလာကြသည်။</p> <p>"မကောင်းတော့ဘူး... ဒီနတ်ဆိုးတွေက ဖရိုဖရဲ ဖြစ်နေတာ မဟုတ်ဘူးပဲ။ သူတို့က တစ်ကောင်နဲ့တစ်ကောင် ကူညီနိုင်ကြသေးတယ်"</p> <p>"ဒီနတ်ဆိုးအုပ်စုကို ငါတို့ အမြန်ဆုံး နှိမ်နင်းရမယ်၊ မဟုတ်ရင် ဒုက္ခရောက်လိမ့်မယ်"</p> <p>မိုလေ့နှင့် အခြားသူများမှာ သူတို့၏ ကြယ်တာရာစွမ်းအားများကို အစွမ်းကုန် ထုတ်ဖော်လိုက်ကြသည်။ သူတို့သည် ဤနတ်ဆိုးအုပ်စုကို အမြန်ဆုံး အနိုင်ယူလိုသော်လည်း လက်တွေ့တွင်မူ ပြောသလောက် မလွယ်ကူပေ။</p> <p>လင်းဖုန်းအနေဖြင့် အက်ဆစ်ကို မကြောက်သော်လည်း နတ်ဆိုးအရေအတွက် များပြားလာသောအခါ အက်ဆစ်လုံး ဆယ်လုံးထက်မက သူ၏ သံချပ်ကာပေါ်သို့ တစ်ပြိုင်တည်း ကျရောက်လာသည်။ ၎င်းတို့ကို ပြန်လည်ကုသရန် ခွန်အားများစွာ အသုံးပြုရသည်။</p> <p>တစ်ဦးတည်းနှင့် အများကြီးကို ရင်ဆိုင်ရခြင်းမှာ လင်းဖုန်းအတွက်လည်း ဝန်ထုပ်ဝန်ပိုး ကြီးမားလှသည်။</p> <p>လက်သီးဖြင့် တစ်ကောင်ချင်း လိုက်ထိုးနေခြင်းမှာ အချိန်အလွန် ကြန့်ကြာလှသည်။ ထို့ပြင် ဤမြေပုရွက်ဆိတ်နတ်ဆိုးများမှာ အလွန်ပါးနပ်ကြသည်။ သူတို့သည် လင်းဖုန်းကို မယှဉ်နိုင်သလို လင်းဖုန်း၏ လက်သီးတစ်ချက်တည်းနှင့် သေဆုံးနိုင်သော်လည်း သူတို့မှာ သင်းခွေချပ်နတ်ဆိုးများထက် များစွာ ပိုမိုလျင်မြန်ဖြတ်လတ်ကြသည်။</p> <p>လင်းဖုန်း နတ်ဆိုးနှစ်ကောင်ကို သတ်ပြီးနောက် နောက်ထပ်တစ်ကောင်ကို သတ်ရန်မှာ အတော်လေး အားစိုက်နေရပြီး ထိရောက်မှု သိပ်မရှိလှပေ။</p> <p>မျက်စိတစ်မှိတ်အတွင်းမှာပင် သူတို့ငါးဦးမှာ ဝိုင်းရံခြင်း ခံလိုက်ရသည်။ လင်းဖုန်းကမူ မကြောက်ပေ။ သူသည် နတ်ဆိုးအားလုံးကို မသတ်နိုင်လျှင်ပင် အေးအေးဆေးဆေး ပြန်ဆုတ်နိုင်စွမ်း ရှိသည်။</p> <p>သို့သော် မိုလေ့အပါအဝင် အခြားသုံးဦးမှာမူ ဒုက္ခရောက်နေကြပြီ ဖြစ်သည်။ သူတို့၏ ခန္ဓာကိုယ်ထဲမှ ကြယ်တာရာစွမ်းအားများမှာ အချိန်နှင့်အမျှ ကုန်ဆုံးနေသည်။ ကြယ်တာရာစွမ်းအား လုံးဝကုန်သွားသည်နှင့် သူတို့ သေဆုံးရပေလိမ့်မည်။</p> <p>"ငါတို့ တွက်ကိန်းမှားသွားပြီ၊ အမြန်ဆုံး ဖောက်ထွက်မှ ဖြစ်မယ်"</p> <p>မိုလေ့၏ မျက်နှာမှာ ပြာနှမ်းနေသည်။ သူသည် လင်းဖုန်း၏ အေးဆေးတည်ငြိမ်သော ပုံစံကို ကြည့်လိုက်ပြီးနောက် အပြင်းအထန် ရုန်းကန်နေရသော သူတို့ တတိယအဆင့် သိုင်းသမား လေးဦးကို ပြန်ကြည့်ကာ စိတ်ဓာတ်ကျသွားမိသည်။</p> <p>အရင်က သူသည် လင်းဖုန်း၏ ခွန်အားကို အထင်သေးပြီး မလာရန် တားမြစ်ခဲ့ဖူးသည်။ ယခုတော့ သူတို့မှာ လင်းဖုန်းကို ပြန်၍ အားကိုးနေရပြီး အသက်ရှင်ရန်ပင် မနည်းရုန်းကန်နေရသည်။</p> <p>'ဒီအတိုင်းဆို မဖြစ်တော့ဘူး၊ အရေအတွက်က အရမ်းများလွန်းတယ်။ မိုလေ့တို့လည်း ကြာကြာတောင့်ခံနိုင်မှာ မဟုတ်ဘူး။ သူတို့က ကြယ်တာရာစွမ်းအားတွေ အများကြီး သုံးနေရပေမဲ့ ငါကတော့ အများကြီး သုံးဖို့ မလိုဘူး။ ငါ ဒီတိုက်ပွဲကို အမြန်ဆုံး အဆုံးသတ်ပြီး ဒီမြေပုရါက်ဆိတ်တွေကို ခြောက်လှန့်ပစ်မှ ဖြစ်မယ်'</p> <p>လင်းဖုန်း အသက်ပြင်းပြင်းတစ်ချက် ရှိုက်လိုက်သည်။ သူ၏ ပတ်ပတ်လည်တွင် ပိုမိုများပြားလာသော မြေပုရွက်ဆိတ်နတ်ဆိုးများကို ကြည့်ပြီး သူ အစွမ်းကုန် ထုတ်ဖော်ရန် ဆုံးဖြတ်လိုက်သည်။</p> <p>"ဟင်းလင်းပြင်ပူဖောင်း"</p> <p>ဝူး...</p> <p>လင်းဖုန်း လက်တစ်ချက် ဝေ့လိုက်သည်နှင့် လှပသော ပူဖောင်း ၁၃ ခုမှာ ဟင်းလင်းပြင်တွင် တိတ်တဆိတ် ပေါ်ပေါက်လာသည်။ ထိုပူဖောင်း ၁၃ ခုမှာ အလွန်ပင် ညှို့ငင်ဖမ်းစားနိုင်စွမ်း ရှိလှသည်။ ၎င်းတို့၏ အလှတရားမှာ မည်သူမဆို စွဲလန်းသွားစေလောက်အောင်ပင် ဖြစ်သည်။</p> <p>"ဒါတွေက ဘာတွေလဲ"</p> <p>မိုလေ့နှင့် အခြားသုံးဦးမှာလည်း တစ်ပြိုင်နက်တည်း ရပ်တန့်သွားကြသည်။ သူတို့၏ အကြည့်များမှာ ဟင်းလင်းပြင်ရှိ ကြယ်တာရာပူဖောင်း ၁၃ ခုဆီသို့ စုပြုံသွားကြသည်။ ၎င်းတို့မှာ အလွန်လှပလွန်းလှသည်။ သူတို့ ဤမျှ လှပသော အရာမျိုးကို တစ်ခါမှ မမြင်ဖူးခဲ့ကြပေ။</p> <p>မိုလေ့တို့လို ကျွမ်းကျင်သူများပင် ဤသို့ ဖြစ်နေလျှင် မြောက်ပိုင်းတောင်တန်းအခြေစိုက်စခန်းရှိ သိုင်းသမားများကို ပြောနေရန်ပင် မလိုတော့ပေ။</p> <p>မြောက်ပိုင်းနှင့် တောင်ပိုင်း အခြေစိုက်စခန်း နှစ်ခုလုံးမှ သိုင်းသမားများမှာ ထိုပူဖောင်းများကို မြင်ရသောအခါ အလှတရားတွင် နစ်မျောသွားသည့်အလား ဖြစ်သွားကြသည်။ သို့သော် အလှဆုံးသောအရာမှာ အကြောက်စရာအကောင်းဆုံးလည်း ဖြစ်ပေလိမ့်မည်။</p> <p>လှပသော ပူဖောင်းများမှာ အဆုံးတွင် ပေါက်ကွဲသွားမည်သာ ဖြစ်သည်။</p> <p>ကြယ်တာရာပူဖောင်း ၁၃ ခုသည် မြေပုရွက်ဆိတ်နတ်ဆိုး ၁၃ ကောင်ကို ချက်ချင်း ဖုံးလွှမ်းသွားသည်။ ထိုနတ်ဆိုး ၁၃ ကောင်မှာ ခုခံခြင်းပင် မရှိကြပေ။ သူတို့၏ မျက်လုံးများမှာ မှင်သက်ဝေဝါးနေကြဆဲ ဖြစ်သည်။</p> <p>"ပြိုကွဲစေ"</p> <p>လင်းဖုန်း၏ ရေခဲတမျှ အေးစက်စက်အသံ ထွက်ပေါ်လာသည်။ ပူဖောင်း ၁၃ ခုမှာ တကယ့်ပူဖောင်းအစစ်များကဲ့သို့ပင် လျင်မြန်စွာ ပြိုကွဲသွားတော့သည်။</p> <p>ဘုန်း...</p> <p>မျက်စိတစ်မှိတ်အတွင်းမှာပင် မြေပုရွက်ဆိတ်နတ်ဆိုး ၁၃ ကောင်မှာ လျင်မြန်စွာ ပြိုကွဲသွားသော ကြယ်တာရာပူဖောင်းများကြောင့် အသားစများ၊ သွေးမှုန်သွေးစများအဖြစ်သို့ ကြေမွပျောက်ကွယ်သွားကြတော့သည်။ သူတို့၏ အလောင်းများမှာလည်း ပုံပျက်ပန်းပျက် ဖြစ်သွားပြီး လုံးဝ သေဆုံးသွားကြပြီ ဖြစ်သည်။</p> <p>ဤသည်မှာ မြေပုရွက်ဆိတ်နတ်ဆိုး ၁၃ ကောင်ဖြစ်ပြီး ၎င်းတို့မှာ ချက်ချင်းဆိုသလို သေဆုံးသွားခဲ့ခြင်း ဖြစ်သည်။</p> <p>ကြယ်တာရာပူဖောင်းများ ပျောက်ကွယ်သွားသောအခါ လူတိုင်း သတိပြန်ဝင်လာကြသည်။ မိုလေ့နှင့် အခြားသူများမှာ အနီးဆုံးတွင် ရှိနေသဖြင့် ဘာဖြစ်သွားသည်ကို ကောင်းကောင်း သိလိုက်ကြသည်။ သူတို့သည် မြေပြင်ပေါ်ရှိ ပုံပျက်ပန်းပျက် ဖြစ်နေသော နတ်ဆိုးအလောင်း ၁၃ လောင်းကို ကြည့်ရင်း ခုနက သူတို့ကိုယ်တိုင်ပင် ထိုအလှတရားတွင် နစ်မျောသွားခဲ့သည်ကို ပြန်လည် သတိရလိုက်ကြသည်။</p> <p>အကယ်၍ ထိုပူဖောင်းများကို သူတို့အပေါ်တွင် အသုံးပြုခဲ့လျှင် သူတို့ ခုခံနိုင်ပါမည်လော။</p> <p>ဤသို့ တွေးလိုက်မိသည်နှင့် မိုလေ့နှင့် အခြားသုံးဦးမှာ ကျောရိုးထဲအထိ စိမ့်တက်သွားကာ ရင်ထဲတွင် အေးစက်သော ကြောက်ရွံ့မှုများ ဖြစ်ပေါ်လာသည်။ ကြောက်စရာကောင်းလိုက်တာ။ တကယ်ကို ကြောက်စရာကောင်းလွန်းလှသည်။ လင်းဖုန်းသည် အသွင်ပြောင်းနယ်ပယ် သိုင်းသမားတစ်ဦးသာ ဖြစ်သော်လည်း ဤမျှ ကြောက်စရာကောင်းသော ကြယ်တာရာသိုင်းပညာရပ်ကို မည်သို့ တတ်မြောက်ထားပါသနည်း။</p> <p>လက်တစ်ချက် ဝေ့ရုံဖြင့် မြေပုရွက်ဆိတ်နတ်ဆိုး ၁၃ ကောင်ကို အမြစ်ပြတ် သုတ်သင်လိုက်ခြင်း ဖြစ်သည်။ ဤနည်းလမ်းမှာ အသွင်ပြောင်းနယ်ပယ် သိုင်းသမားများ၏ နားလည်နိုင်စွမ်းကိုပင် ကျော်လွန်နေပြီ ဖြစ်သည်။ ဤကဲ့သို့သော အစွန်းရောက် ကြယ်တာရာသိုင်းပညာမျိုးကို လေ့ကျင့်နိုင်သူ အလွန်နည်းပါးလှသလို လင်းဖုန်းကဲ့သို့ နက်နဲစွာ တတ်မြောက်ပြီး လက်တွေ့တိုက်ပွဲတွင် ကျွမ်းကျင်စွာ အသုံးပြုနိုင်သူမှာ ပို၍ပင် ရှားပါးလှသည်။</p> <p>"အားလုံးပဲ... အခု မြေပုရွက်ဆိတ်နတ်ဆိုးတွေကို အတူတူ ရှင်းလိုက်ကြရအောင်"</p> <p>လင်းဖုန်း၏ အော်ဟစ်သံက မိုလေ့နှင့် အခြားသူများကို ချက်ချင်း သတိပြန်ဝင်လာစေသည်။</p> <p>ထိုနတ်ဆိုးများတွင်လည်း အသိဉာဏ် ရှိကြသည်။ လင်းဖုန်း၏ 'ဟင်းလင်းပြင်ပူဖောင်း' တိုက်ကွက်မှာ ထူးဆန်းပြီး ထိတ်လန့်စရာ ကောင်းလွန်းလှသည်။ သိုင်းသမားများသာမက ထိုနတ်ဆိုးများပင် ကြောက်ရွံ့သွားခဲ့ကြသည်။</p> <p>ထို့ကြောင့် သူတို့ နောက်သို့ အလျိုလျိုဆုတ်ခွာသွားကြသည်။ ပုရွက်ဆိတ်ဘုရင်မ၏ အမိန့်မရှိသောကြောင့် သူတို့သည်လည်း ကြောက်ရွံ့တတ်ကြသည်။ မျက်စိတစ်မှိတ်အတွင်း သူတို့ထဲမှ ၁၃ ကောင်ကို ချက်ချင်း သတ်နိုင်သော ထူးဆန်းသည့် နည်းလမ်းနှင့် ရင်ဆိုင်ရချိန်တွင် ထိုနတ်ဆိုးများ မည်သို့ မကြောက်ဘဲ နေပါမည်နည်း။</p> <p>"တိုက်ကြ"</p> <p>မိုလေ့နှင့် အခြားသူများမှာ အလွန် အံ့အားသင့်နေကြသော်လည်း ဤသည်မှာ တစ်သက်တွင် တစ်ခါသာ ရနိုင်သော အခွင့်အရေးဖြစ်ကြောင်း သိလိုက်ကြသည်။ အကယ်၍ သူတို့သာ ဤအခွင့်အရေးကို အရယူနိုင်မည်ဆိုပါက ဤမြေပုရွက်ဆိတ်အုပ်ကို သေချာပေါက် အနိုင်ယူပြီး မြောက်ပိုင်းတောင်တန်းအခြေစိုက်စခန်း၏ အကျပ်အတည်းကို ဖြေရှင်းနိုင်ပေလိမ့်မည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save